رواية جريمة عشق
الجزء الثالث3 الفصل الحادي والعشرون21
بقلم مريم نصار
فارس: ايه بان معاك ان فيه حاجه محذوفة
كان لسه هيتكلم بس دخل واحد بسرعة
نبيل : لو سمحت عايزاك فى موضوع ضرورى
المهندس: اتفضل
نبيل : طب ممكن ندخل جوا الموضوع ضرورى
فارس : لو سمحت قولى وبعد كدا شوفه انت مش عارف الموضوع دا هيفرق معايا اد ايه
نبيل : يا فندم الموضوع حياة أو مـ'وت لو سمحت خمس دقائق بالظبط هندخل المخزن عايزاك فى موضوع وابقى شوف الأستاذ
المهندس: تمام
مسح فارس على وشه بضيق شديد ودخل المهندس مع نبيل مخزن صغير موجود فى المحل
نبيل بجدية : عشر الاف جنيه
المهندس: مش فاهم
نبيل : عشر الاف جنيه تاخدهم وتقوله ان مفيش حاجه محذوفة من السجل عنده
المهندس: ودا ليه
لا حول ولا قوة الا بالله العلي العظيم ♥️
نبيل : مش شغلك هتقوله كدا وتاخد المبلغ
المهندس بتفكير : تمام
خرج نبيل والمهندس وفارس جرى عليه بلهفة
: شفلى بقى لو سمحت انا مش هقدر استنى كتير
بصله نبيل بخبث وخرج من المحل بس فضل واقف ورا الباب وهو بيتصنت عليهم
المهندس: مفيش اي حاجه محذوفة حضرتك
فارس بصله بألم شديد: طب دور تانى
المهندس: حضرتك انا دورت كويس ومفيش حاجه محذوفة خالص من السجل عندك
فارس اخد الفون واتكلم بحزن شديد: تمام
خرج فارس تحت نظرات الخبث من نبيل
نبيل : ايوا يباشا كله تمام
هيثم : تمام اقفل انت
قفل الفون ورن على ندى
ندى : ايه رقبته زى ما قولت
هيثم : ولحقت كـ'ارثة كانت هتحصلك
ندى بخوف وتوتر : حصل حصل ايه
هيثم بضيق : بقولك ايه مش لسه هشرح الموضوع خلاص انا حليته وبعد كدا ابقى خدى بالك من كلامك مع اى حد من العيلة دى وخصوصاً فارس المالكي متفكريش انه سهل هو مستعد يعمل اى حاجه عشان يثبت لعقله ان قلبه هو اللى صح ويطفى النـا'ر اللى جواه ويا ريت تبدأى فى شغل الدلع وتتجوزيه فى اقرب وقت انا مش هستنى كتير
ندى : تمام
اللهم صلي وسلم وبارك على سيدنا محمد وعلى اله وصحبه اجمعين ♥️
فضل يلف بالعربيه وهو مش عارف هو سايق ازاى حس ان قلبه بيمـ'وت وخصوصاً بعد ما اتأكد ان حور كانت بتكـ'ذب لاول مرة عقله ينتصر مع حور وقف العربية قدام المقابر دخل وقعد قدام قبـ'ر عمه مقدرش يتحكم فى دموعه اللى نزلت
فارس بألم وبكاء: قولتلى انت و مرات عمى انها هتحبنى بعد ما تشوف مدى حبى ليها بس ايه اللى حصل بنتك خانـ'تنى يا عمى خانـ'تنى وجعت قلبى بطريقة مش لاقيلها علاج الدكتور فارس المالكي جراح القلب المعروف مش عارف يدوى وجع قلبه اللى بنتك عملته طب جوزتنى ليها ليه يا عمى كنت والله هاخد بالى منها من غير ما اتجوزها يا ريتنى ما حبيتها يا ريتنى ما اتولدت فى العيلة دى ولا شوفتها انا استحالة اسامحك على اللى عملته فيا لما قولتلى اتجوزها انا بكرهك وبكرها بكرهكوا كلكوا واولكم قلبى اللى حب واحد كدا
كمل وهو بيبص للسما بألم شديد وبكاء كان شبه الطفل
: يا رب هون
خرج من المقابر وراح المستشفى
حور صحيت على صوت اذان الفجر جت تقوم تدخل الحمام عشان تتوضى بس داخت وخبطت فى الكوباية اللى وقعت على الأرض وصحيت عزة
عزة بخوف وخضة وهى بتقوم جريت على حور وسندتها
عزة : مالك يحبيبتى حاسة بى ايه
حور : دوخت اوى يا ماما مرة واحدة وعينى زغللت
عزة وهى بتقعدها على السرير
: اكيد عشان ماكلتيش يا حور اكيد ضغطك وطي انا هروح اشوف الدكتورة تيجى تشوفك خليكى قاعدة وارتاحى ماشى
حور : تمام بس متتأخرش يا ماما بالله عليكى
عزة وهى بتحضنها: حاضر يحبيبتى مش هتأخر
خرجت عزة حسيت حور انها بدأت ترتاح بنسبة بسيطة قامت دخلت الحمام عشان تتوضى وتصلى الفجر فارس دخل الاوضة ملقهاش موجودة على سريرها بس على نور الحمام لاقه منور فعرف انها اكيد بتتوضى قعد على الكنبة بغضب وهو بيد'فن رأسه بين ايديه خرجت من الاوضة وهى حاسة بدوخة لاقته قاعد على الكنبة
حور بصتله بأشتياق وحب كبير بس سرعان ما اتحولوا لغضب بعد ما افتكرت اللى عمله بصت بضيق وتجاهلت وجوده وهى بتفرد المصلية مسح على وشه بغضب واستناها تخلص صلاة
فارس بسخرية : حرما يا شيخة حور انا بقول تستغفرى شوية يمكن ربنا يغفرلك اللى عملتيه
قامت وهى بتتجاهله عكس البركان اللى جواها وجعها من كلامه من اكتر شخص حبته فى حياتها
راح عندها بغضب وهو بيمسك أيدها بقوة وبيقربها منه اتكلم بغضب
: اما اكلمك تردي عليا
حور بغضب : انت جاي تعمل ايه لسه فيه كلام مقلتوش وعايز تقوله
فارس بسخرية : ههه عارفه يا حور كنت بتمنى انى اكون بنفس اخلاق الزبا'لة اللى انتى كنتى معاه كان زمانى طفيت النا'ر اللى جوايا وقتـ'لتك وقتـ'لته
حور بدموع: طلقنى
فارس بألم وغضب : ليه عشان تروحى تعيشى معاه براحتك
حور : انا ازاى كنت مخدوعة فيك أوى كدا بجد انا مبقتش طايقة اشوفك حتى لو عندك بس ذرة كرامة طلقنى واطلع برا حياتى
فارس بغضب : انسى يا حور انسى انى اسيبك تتهنى معاه انا مش هخليكى انتى مبسوطة وانا بتقـ'طع
حور : والله اللى انت فيه دا بسببك انت مش بسببى انت اللى مصدقتنيش وصدقنى هتندم بعد ما تعرف الحقيقة لان وقتها استحالة اقبل ابقى مع واحد مش بيثق فيا وبيأ'ذنى نفسياً بالطريقة دى
فارس كان لسه هيتكلم بس حور حسيت ان الدنيا بتلف بيها مسكت فيه وهى بتمسك راسها
فارس بخوف شديد: مالك حاسة بى ايه
حور بخوف ودموع : انا دايخة اوى مش قادرة اقف
فارس بخوف شديد عليها: طب تعالى اقعدى تعالى
حور بغضب وتعب : امشى انا مش عايزة منك مساعدة ناديلى ماما من برا انا مش عارفه هى اتأخرت كدا ليه
فارس : طب طب اهدى تعالى نامى على السرير وارتاحى
سمعت كلامه لانها مكنتش قادرة تقف
: انا مش قادرة اروح لحد السرير
شالها بحب وخوف عليها
حور : نزلنى
تجاهلها وحاطها على السرير برفق وحنية مفرطة راح جاب جهاز الضغط وبدأ يقيسه و هو بيبصلها بخوف وحور كانت بتحاول تتجنب النظر ليه فى حركة خلاتها يضايق منها اكتر
فارس : ضغطك واطى هبعت يجيبوا محلول عشان يظبطه
حور بتلقائية وطفولة
: كفاية محاليل بقى انا زهقت منها من ساعة ما جيت هنا وكل شوية محلول محلول انا اصلا مش بحبه
فارس بغضب : لازم عشان حالتك الصحية
كانت لسه هتتكلم بس دخلت عزة ومعاها منار
عزة : دورت على الدكتورة بتاعتك فى المستشفى كلها بس لاقيت دكتورة منار
حور بضيق : والله هى ما ناقصة خالص
منار : بتقولى حاجه يا مدام حور كملت بدلع
: ازيك يا فارس عامل ايه دلوقتي
فارس : انا تمام يا منار انا قستلها الضغط وطلع واطى هبعت حد بمحلول ليها
حور بصت لفارس بألم من طريقته اللى مليانة جمود وكأنها اول مرة تعرفه حس ان دا شخص غريب عنها
حور بضيق : مش عايزة حاجة من حد
فارس : مش بمزاجك وانا من واجبى كدكتور اهتم بكل المرضى اللى فى المستشفى
حور : شكراً لخدماتك يا دكتور
فارس بألم : دا أنا اللى شكرا على كل حاجه يا حور يا مالكى يا بنت عمى كمل بألم شديد ودموع يا مراتى يا ام ابنى
عزة بغضب : فارس خلاص اخرج لو سمحت
فارس بألم : خارج يا مرات عمى خارج يا رب اخرج من الحياة كلها وارتاح من اللى انا فيه
خرج فارس بغضب وهو بير'زع الباب وراه بقوة بطريقة خليت حور تنتفض
منار : انتوا متخانقين ولا ايه
حور : وانتى مالك وانا حاسة انى بقيت تمام تقدرى تخرجى
منار بدأت تعلق لحور محلول للضغط وخرجت
فى الصباح
صحيت ندى من النوم وكانت خايفة جدا من فكرة انها تنكشف ومكنتش عارفه تنام طول الليل مسكت موبايلها ورنيت على هيثم
ندى : الو
استغفر الله العظيم الذي لا اله الا هو الحي القيوم و اتوب اليه ♥️
هيثم بضيق: نعم
ندى بعصبية: انا معرفتش انام طول الليل من الخوف قولى ايه اللى حصل انبارح مع فارس
هيثم حكالها اللى حصل
ندى بخوف شديد : كدا يعنى ايه يعنى هو شك فيا صح عرف انى انا اللى عملت كل دا عرف ان حور بريئة وان انا وانت اللى خططنا لكل حاجه هاا ما ترد عليا
هيثم : هو انتى مدينى فرصة اتكلم قولتلك حليت الموضوع ومعرفش حاجه مكنتش حابب اتعاون مع بنت عشان كدا اقفلى ومترنيش تانى الا اما يكون فيه حاجه مهمة
قفل الخط بضيق قبل ما تتكلم
سمية من ورا الباب وهى بتحط ايديها على بؤوها بصدمة
: معقول انتى يا ندى يطلع منك كل دا
الحلقه ٢١ ج 2
رواية جريمة عشق٣
(عشق الفهد)
بسم الله نبدأ
ف نفس الوقت .
مراد : قاعد ف فندق جديد . جمب غرفة فهد ف إقليم ماركي .. ونقل من يومين ف الفندق هو واكرم لانه حاسس انه متراقب ف الفندق التانى ومكنش مرتاح فيه . ومعاه فريق موجود تحت إشرافه .
مراد : واقف قصاد الشباك . وحاطط ايديه فى جيبه . وساند راسه ع الشباك . وبيفكر ف فريحته الل وحشاه جدا . وبنوته الحلوه . وآدم الصغير . ومريوم وآدم . ونفسه يطمن عليهم . لكن مفيش فرصه واحده . وكمان عرف أن جيسيكا كلفت شباب مراقبين اوضة سفيان كويس . لدرجة أنهم دخلو وفتشوها كويس جدا . ورجعو كل حاجه زى ما كانت بالظبط .
. ومراد حمد ربنا انهم ماناقلوش اى حاجه ف اوضة فهد . ومراد حاليا مسيطر ع الوضع . وبيفكر ياترى فهد وصل لايه.!؟ بيتعامل ازاى!؟. شكو فيه !؟ . ولا الشك انتهي !؟ . ونفخ بزهق من الملل والانتظار وكمية التفكير . واخد نفس عميق . واتنهد .. وبص ل اكرم . اعملى قهوه يا اكرم . راسي هتنفجر ..
اكرم : قاعد قدام اللاب توب . وبياكل اندومي . اممم ثوانى بس هخلص اكل واعمل 2 قهوه دبل .
مراد : طلع ايديه من جيبه . وربع ايديه . وحشتينى اوى يافريحه . صوتك ولهفتك عليا وحشونى اوى . وغمض عينيه . وبيتمنى ان المهمه دي تعدى من غير خساير . ويرجعو بالسلامه ..
. وفاق ع صوت رساله خاصه ع اللاب توب . ونفس الوقت ع فون مراد ع الواتس آب ..
مراد : راح يجيب الفون من ع التربيزه .يشوف الرساله .
واكرم فتح الرساله . وكانت عباره عن اكتر من صوره . ونفس الصور وصلت ل مراد . وكانت لفهد . وهو خارج من القصر . وراكب ع الريس . وبعتو رساله تحت الصوره . الحوت خرج الآن من المحيط وف الاتجاه الصحيح ..
مراد : ابتسم . وفهم الرساله أن فهد خرج من القصر ورايح للاوضه ف إقليم ماركي .
اكرم : قال لمراد . بص ولف اللاب ل مراد . بعتو صور لفهد وفهد خرج من القصر وجاي ع الاوضه .
مراد : بنفس الابتسامه . وبيبص ع صورة فهد ايوه عارف . واحنا ربع ساعه . هنخرج . ونطلع ع سطح البيت الخلفى للبيت الل فيه اوضة فهد . وننزل من ع سطح البيت وندخل اوضة فهد من غير ماحد يشوفنا . لكن مراد كشر عينيه وهو بيتفرج ع صورة فهد . واخد اللاب توب من اكرم وحطه ع رجله . وبيكبر صورة فهد وجاب صوره تانيه وكبرها . وغمض عينيه بغضب. كنت حاسس انها مش ساهله.
اكرم : شاف شكل مراد . مدايق . ف ايه يامراد . ومين الل مش ساهله !؟
مراد : بديق . فهد مش لابس الساعه . ولا السلسله. واكيد الزفته الل اسمها جيسيكا اخدتهم منه . ورفضت ترجعهم او ممكن تكون رامتهم ف الزباله ..
اكرم : بدهشه. طب والعمل . انت مجهز نفس الساعه والسلسله . وفيهم كل حاجه ...!!
مراد : حط اللاب ع التربيزه . ومسح وشه بايديه . وقام رايح جاي بيفكر . وبعد دقيقتين . بص ل اكرم . لقيتها .
اكرم : الحقنا بيها بسرعه .
مراد : فهد قدامه ساعه تقريبا ع مايوصل هنا.
اسمع يا اكرم الل هقولك عليه وتنفذه بسرعه انت هتتصل دلوقتي. بالخبير الل اسمه . وقاله ع الاسم . وتقوله ف ربع ساعه يبعتلنا جهازين تصنت ف الأذن ..من النوع (----) وقاله ع نوع الجهاز . وانا هزرعه ف ودن فهد . وهيبقى متوصل عندي باللاسلكي . وبكده هنسمع ونعرف من فهد اى حاجه من غير ما زفته دي تعرف حاجه. بسرعه يا أكرم مفيش وقت .
اكرم : ايوه حالا . بس ليه جهازين ؛؟ هو المفروض جهاز واحد بس !؟.
مراد : صحصح يااكرم مفيش وقت . انا طلبت جهازين علشان لو فيهم واحد مش شغال . افرض طلبنا جهاز وطلع مش شغال نعمل ايه ساعتها هااا !؟
اكرم : امم صح جدا . تمام انا هتصل حالا . واكرم بيتصل وبيشرح للخبير كل حاجه ...
مراد : بيفكر . اممم جيسيكا دي مش ساهله . واكيد مش هتسيب فهد يخرج كدا بسهوله لأ دي اكيد مراقباه . فكر يامراد . فكرررر . بس لقيتها .
اكرم : قفل وراح ل مراد . الخبير بيقول ااقل من ١٠ دقايق . الجهازين هيكونو عندك مع اللاسلكي .
مراد : ........ سرحان .
اكرم : الوووو انت ياعم .
مراد : انتبه . ها . اه تمام تمام .. اسمع يا اكرم . دلوقتي جيسيكا اكيد اكيد مراقبه فهد . وب اكتر من طريقه . انت هتجمع كل الفريق بتاعنا . عند البيت الل فيه الأوضه بتاعة فهد . واول ما يلمحو فهد جاى . انا عايز فوضي . فوضي كبيره . خناقه كبيره جدا تقفل الشارع عند البيت فاهم . ومش عايز غلطه ..
اكرم : بعدم فهم . مش فاهم كل ده ليه ؛؟
مراد : علشان الحرس اكيد مراقبين فهد . وغير كدا ف حرس تبع جيسيكا مراقبين غرفة فهد من الشارع الرئيسي . وفهد قبل مايوصل بدقيقه وتحصل الفوضى دي . طبعا جارد جيسيكا . انتباههم هيتشتت مابين سفيان . والخناقه الكبيره . واول ما فهد يدخل من الباب . احنا هناخدو ع السطح ونرجع بيه ع الفندق . ونزرع ليه جهاز التصنت . وافهم منه كل حاجه بهدوء علشان اعرف الخطه الجايه هتكون ايه !؟ فهمت يا اكرم . ويارب تتحرك علشان مفيش وقت .
اكرم : بدهشه ..يخربيت افكارك . خلاص ماشي . متقلقش انا هعملك القهوه . وهظبط كل حاجه ..
مراد : قهوة ايه بس دلوقتي. مش وقته نفذ الل قولت عليه حالا . يلا يااكرم .
اكرم : حاضر . حالا واتحرك بسرعه يبدأ بالتنفيذ ..
فهد : سايق بغل لانهم ماشيين وراه بالعربيه . ومتغاظ لان فرصة انه يتصل ع رينو ضاعت . وعايز يريح قلبه ويطمن سافرت ولا لأ!؟ وبعد شويه وصل المنطقه . لكن اتفاجئ أن ف خناقه كبيره جدا . لدرجة أنه مش عارف يدخل الشارع قدام البيت بالريس . وشاف ف الخناقه دي كام عميل كدا . وفهم إن دي حركة تمويه من مراد . وغصب عنه ابتسم . وفكر بسرعه . وركن الريس ع اول الشارع . وساب الجاكيت . لكن فكر تانى . ورجع اخد الجاكيت معاه . ودخل الشارع بصعوبه .
حرس : جيسيكا . متلخبطين . وشافو فهد داخل الشارع وبصعوبه . ومن غير الريس . وصعب جدا يدخلو بالعربيه . ونزلو . ورايحين وراه فهد لكن بمسافه بعيده . يعنى فهد دلوقتي دخل الشارع . والحرس لسه نازلين من العربيه وهيتحركو . لانهم مطمنين لانهم حاطين ل فهد جهاز تتبع ف الجاكيت . ومتابعين كل حركاته .
فهد . مشي مسافه . ووصل البيت . واول ما دخل . لمح مراد . واكرم . وفهد شاور ليهم يسكتو مايتكلموش . وشاور ع الجاكيت .
مراد واكرم . فهمه ومتكلموش .
مراد : اخد الجاكيت من فهد . وفتح باب الأوضه وحط الجاكيت فيها . واخد تيشرت وبنطلون . وراح لفهد . فتشه كويس جدااا . وشاور لفهد البس البنطلون والتيشرت ده . وكمان البس الجزمه دي . غير كل حاجه انت لابسها هناك ..
فهد : فهم قصد مراد . علشان لو جيسيكا زرعه اى حاجه ف الهدوم . وفهد دخل الحمام . وغير هدومه . ولبس جزمه تانيه .وكل ده ف صمت تام. وخرج
مراد شاور لفهد .. يطلع معاهم ع السطح . وطلعو ع السطح . ونطو ع السطح الخلفي . ونزلو . ومشيو ورا البيت . ووصلو الفندق . وطلعو الغرفه . واكرم . دخل وفهد ومراد ..
مراد : وقف وبيبص لفهد . وافتكر طلقة الرصاص . وكمان مش مصدق ان فهد اجتاز المرحله دي .
فهد : حس انه بدء يتنفس بحريه . وشاف مراد . وقرب منه وحضنه بعض بحب كبير جدا . وكل واحد غمض ف حضن اخوه . وكأن مراد بيمد فهد بالقوه. وكأن فهد بيمد مراد بالأمان . وفضلو ف حضن بعض شويه ومن غير ما حد يتكلم .
اكرم : مبتسم بحب . من علاقة مراد وفهد . وعلشان الوقت بيجرى كسر اللحظه . احم وانا ماليش نصيب أسلم يعنى ولا ايه !؟
مراد : وفهد ربتو ع ضهر بعض . ومراد خرج من حضن فهد . حمدالله ع سلامتك ياحوت .
فهد : ابتسم . الله يسلمك يامراد .
اكرم : قرب عليه وحضنه بحب كبير . حمدالله ع سلامتك ياوحش . والله القعده هنا من غيرك انت ومراد مع بعض ما ليها طعم خالص . عايش ع الاندومي .
فهد : ضحك . الله يسلمك يا اكرم . حلو الاندومي . انا عايش ع الاكل النباتى لما خلاص . معدتى قلبت ..
اكرم : الله يكون في عونك . انا هطلب اكل لينا كلنا .. انا عارف انت بتحب الفراخ ع الفحم ثوانى هتصل ع الروم سيرفس . وانت اقعد مع مراد . بس ما تحكيش حاجه غير بعد ما اتصل وارجع .
فهد : هز راسه . تمام . وبص ل مراد عامل ايه يامراد؟؟
مراد : هز راسه انا تمام الحمد لله . المهم انت عامل ايه . طمنى عليك . جرحك عامل ايه ،!؟
فهد : قعد ومراد قعد قدامه . الحمد لله يصحبى كل حاجه تمام . وبصله بأمل . انت اتصلت ع العيله يامراد . عرفت عنهم اي حاجه!؟ ومن قلبه كان بتمنى أن مراد يطمن قلبه ويرتاح ..
مراد : بزعل حقيقي . هز راسه بلاء . للأسف يافهد صعب جدا . كل يوم اتصالات ورسايل وشفرات مابين التاج . والميكروفيلم. ومنبهين علينا زى ما انت عارف.
فهد :غمض عينيه . واتنهد ونفخ . ومسح وشه بايديه .. المهم قولى ايه الحكايه.!؟ وايه الفوضى الل ع الشارع الرئيسي دي . وكمان انت جبتنى هنا الفندق ليه . احنا اتفقنا . انى هدخل الاوضه واخد حاجتى وارجع
مراد : انا هفهمك كل حاجه . بس قولى الاول انت ليه مش لابس الساعه هي رامتها !؟
فهد : هز راسه لأ . البنت دى زكية جدآ يا مراد . وحوار الساعه شكله مدخلش عليها وقالت لما ترجع خدها وكمان السلسله .
مراد : انا عايزك تحكيلى كل حاجه يافهد . انا عايز اعرف عملت معاك ايه . اتصرفت ازاى !؟ سالتك ف ايه !؟ حطتك ف اختبارات ولا لأ .
فهد : تمام . انا هحيكلك كل حاجه ..
اكرم : طلب غدا . ورجع قعد جمب فهد . وبيسمع .
فهد : بدء يحكي بالتفصيل . من أول إصابته بالرصاص ف رجله ودخوله القصر الكبير جدا . وإن جيسيكا . جابت طبيبها الخاص . وكان هيدينى بنج كلي . وانا رفضت بشده ع اساس لازم اكون فايق ومعرفش هما مين !! وعطانى بنج موضعي . وشال الرصاصه . وحاولت اعمل نفسي نايم .. وفوقت وانا ف اوضه كبيره جدا . وملقتش معايه اي حاجه . لا الساعه ولا السلسله .ولا البطاقه والسلاح اخدت كل حاجه .. والل حصل بعد كده -----
----------------------بقلمى Mariem Nasar
محمد بعد ما رجع البيت وكان مخنوق ومحبط جدا .. قعد شويه ف الليفنج . وتيم قاعد قصاد محمد ع الأرض وبيلون الحيوانات .
ونور كانت بتنيم تمارا . ورجعت قعدت جمبه . وسألته كتير . لحد ما قالها أن احمد هو الدكتور المقصود .. احمد دفعته ف الكليه . وجابه هو وعلاء وشغلهم معاه . ومصدوم. حرفيا من الل سمعه وشافه. .
.وهنا جه دور نور ف انها تهون عليه تعبه وزعله . وكلمته كتير عن الابتلاات . وكمان من فضل ربنا أن الحقيقه هتتكشف من غير اذي ليه وليها .. وكانت بتتكلم وهي ماسكه ايديه بحب كبير. وحطت راسها ع كتفه . خلاص بقى يامحمد علشان خاطرى حاول تهدى شويه ..
محمد : سمع نور . وبص للايجابيات . وقال الحمد الله فعلا أن الحقيقه هتبان وأحمد إن شاء الله هينال جزاءه .. وحط راسه ع راس نور الل ع كتفه . حبيبتى عندي ليكى خبر حلو .
نور : ياااه . خبر حلو وساكت . اممم قول خبر ايه ياترى !؟
محمد : آدم ومريم وزين. وفريحه وريتال ورينو جايين انهردا علشان يسهرو معانا .!!!
نور : شالت راسها . وقالت بسعاده كبيره . بجججد . والله بجد . وساكت كل ده يامحمد .
محمد : ابتسم ع طريقتها . معلش ياحبيبتى .
نور : قامت . انا هجهز الغدا ونتغدي . واشوف بقى انا لازم اعمل عشا مميز .. وحجات كتير حلوه.. انا مبسوطه اوى . هتبقى سهره جميله مش كدا ياحبيبى ..
محمد : مسك كف ايدها وباسه . فعلا يانورى . هتبقى سهره جميله . لكن آدم منبه عليا وعليكى أن الل بيحصل معانا ده محدش من العيله يعرفو . اوكي .
نور : هزت راسها . اممم اوكي ياحبيبى ..
تيم : قام وقف . وراح بسرعه عليهم . رينو حبيبتى هاتيجي !!
محمد : ابتسم وشال تيم ع رجله . ايوه يادكتور . رينو حبيبتك جايه . وكمان مريم الكبيره .
تيم : هييييه . وبصله ومريم نونو هتيجي !؟
محمد : ضحك . ايوه هتيجي كل العيله هتيجي علشان تيم وتمارا ..
تيم : طيب وسع بقى انزل اعمل الهيموورك علشان رينو حبيبتى متزعلش منى . ونزل وبيقول. هيييه رينو قلب تيمو هتيجى . انتى روحي يارينو ههههه . وقعد متحمس جدا بيعمل الواجب ..
محمد . ونور . ضحكوا ع تيم وتصرفاته . وحبه الكبير ل رينو .
ف ايطاليا .
فهد : شرح كل حاجه بالتفصيل ل مراد وأكرم .
ومراد : بيسمع . ومكنش مستبعد فكرة جهاز كشف الكذب . وفرح من جواه ع ردود أفعال فهد مع جيسيكا . وأنه ازاى بيتعامل معاها . وإن فهد سمع كلام مراد . لكن بيفكر ف ذكاء جيسيكا . واكيد عندها نقطة ضعف . ومن شرح فهد ل مراد . شاف أن جيسيكا مع أسلوب فهد الحاد معاها أحيانا وانه مش مهتم بكونها حاجه كبيره جدا . وشايفها بنت عاديه . إلا إن جيسيكا مبتعملش اى رد فعل . وفهم إن جيسيكا طول عمرها تؤمر والكل ينفذ . واخيرا جه سفيان وقلب قانون جيسيكا . امممم .
وبعدها . مراد شرح لفهد كل حاجه . ف فترة غيابه . وإن جيسيكا بعتت حراستها الخاصه وسالت ع سفيان جابريل اليكساند كويس جدا . ورجالتنا كانت متوزعه بإتقان شديد . ووصلو المعلومات للحراسه بعنايه شديده . وإن رجالتنا يوميا تروح عند القصر . وتستنى اشارتك ونطمن عليك . والتاج خلاص قربو يوصلو لمكانه هنا ف ايطاليا .. ولما شوفت صورتك وانت خارج من القصر . ومش لابس الساعه ساعتها فكرت وطلبت من اكرم ----- وشرحله كل حاجه بسرعه . واتغدو لأن فهد فهم جيسيكا انه بياكل اكل نباتى فقط . علشان طبعا احنا عارفين ان ( لحم الخنزير محرم )
وبعد الغدا . مراد شرح لفهد الل فهمه من شخصية جيسيكا . وأنه يثبت ع معاملته معاها كدا . وأنه يخلى باله جدا . لان اكيد جيسيكا حاليا بتجهز اختبار ل سفيان بعد رجوعه . ولازم يكون قد الإختبار ده .
ومراد : قام وزرع لفهد جهاز التصنت ف ودنه . ومتوصل باللاسلكي . وجربوه وكل حاجه تمام .
مراد : امسك يافهد الساعه دي خليها معاك !
فهد : بعدم فهم . طيب ليه !؟ انت دلوقتى ركبتلى جهاز التصنت . وانت عارف ان هناك ساعه هلبسها علشان اتواصل معاك احيانا بالفون ...
مراد : فهد جيسيكا مش بالغباء ده انها تسلمك الساعه عادي كدا !! لأ . جيسيكا اكيد اكيد هتسلمك الساعه والسلسله وهي مركبه فيها جهاز تنصت .وانا متأكد من ده مليون ٪ . انت تخبى الساعه دي كويس جدا . ولما تسلمك الساعه التانيه . عايزك تدخل الحمام وتفتحها واكيد هتلاقي فيها جهاز تنصت . انا عايز منك بقى . تلبس الساعه بتاعة جيسيكا لما تحب تسمعها حاجه انت عايزها تسمعها . وتثبتلها عكس شكها فيك . ولما تبقى لوحدك تلبس الساعه بتاعتنا وتدخل الحمام . وتبلغنى اول بأول لو ف حاجه مش واضحه لينا . وحاول تسمع من جيسيكا ومتهتمش واكيد هي هتشاركك أسرارها وانا متأكد من ده . ومراد شرح كل حاجه لفهد . وبعدها . فهد سلم عليهم بحب كبير . وبص ل مراد وقاله . بتنهيدة وجع ..حاول تتصل ع العيله وطمنى ع رينو يامراد ارجوك .
مراد : ربت ع كتفه إن شاء الله . صدقنى انا اكتر منك مستنى بس اول فرصه. خلى بالك من نفسك يا فهد . لا اله إلا الله.
فهد : سيدنا محمد رسول الله .
فهد : خرج من الفندق . ومراد واكرم مأمنين ليه كل حاجه . وطلعو ع السطح الخلفي من البيت . وفهد نزل بسرعه البرق . بعد إشارة مراد أن الحرس ع اول الشارع .
فهد دخل الاوضه . وبدء يلم هدومه ف الشنطه . ويتكلم كتير بالانجليزي جمب الجاكيت بحيث جيسيكا تطمن اكتر . وفهد فتح سوسته سريه ف الشنطه . وخبى فيها الساعه . واخد شوية كتب ع جوابات مكتوبه قديمه ع اساس انها من هيدا .. ودخل الحمام ولبس اللبس الل كان عليه . واخد الجاكيت .وخرج . ومشي لحد اول الشارع . وشاف عربيه حرس جيسيكا . وعمل نفسه مش شايفها . وركب الريس . وقال أنا قادم اليكي جيسيكا ابنة كيڤين هههه ايتها المغروره . كم احببت شخصيتك ههههه ياخادمة القصر . وشغل الريس واتحرك ع القصر ..
طبعا حرس جيسيكا ف الوقت ده دخلو الشارع بصعوبه من الخناقه والفوضي الل كانت فيه ..ووقفو بعيد شويه . ومطمنين لان جهاز التتبع وقف عند نقطة معينه وهي الاوضه . وفضلو منتظرين سفيان .ساعه . ولما خرج وشافو بعتو اشاره ل بيشوى .أن سفيان اتحرك ف اتجاه القصر ..
طبعا جيسيكا . بعد ما سفيان مشي . اقتنعت أنه فعلا مايعرفش كيڤين لانه ساعده . وماسبهوش لوحده . وقاعده قدام اللاب توب . وبتتفرج ع تسجيل الفيديو . وكل شويه ترجع بالفيديو عند نقطة سفيان لما شاف كيڤين . وكانت ردة فعله عاديه جدا . واندهشت لما سمعت سفيان بيغنى ف غرفته ف الإقليم . لانها حاطه جهاز تصنت ف الجيب الداخلى للجاكيت ع هيئة قلم صغير . وبعدها فتحت عينيها بذهول من سفيان لما قال ...
.. أنا قادم اليكي جيسيكا ابنة كيڤين هههه ايتها المغروره . كم احببت شخصيتك ههههه ياخادمة القصر .
وصكت ع أسنانها بغيظ انا لست خادمة هذا القصر ايها الأبله الحقير .
----------------------بقلمى Mariem Nasar
بليل ..عند محمد عزيز
محمد ونور . قاعدين . مبسوطين . بوجود العيله . ونور كانت مجهزه عشا مميز جدا . وبعد العشا ...
نور ؛ قاعده جمب آدم وفرحانه جدا .
ومحمد قاعد . جمب زين . ومريم . وبيضحكو .
وفريحه وريتال قاعدين بيتكلمو وفريحه خرجت من مود الزعل شويه ..
وكل الاطفال ف اوضة تمارا بيلعبو مع بعض . لكن تيم . قاعد جمب رينو وبيفرجها ع الواجب .
رينو . شافت محمد بيضحك ونور مبسوطه . وآدم بيضحك ..حست بطاقه ايجابيه ف وسط كل الموجودين .وكمان فرحت جدا لما آدم قالهم إن مراد وفهد بخير . وشافت الجو بين الكل حلو جدا . وإن الكل مبسوط ودي فرصه كويسه جدا . هي كان نفسها فهد اول واحد يعرف . لكن عيلتها الل بتحبها كمان ليها حق انها تفرح . وقامت مره واحده . وقالت بابتسامه بابي . مامي . انا حامل .....
ف ايطاليا بعد منتصف الليل
جيسيكا .نايمه ع السرير . وكانت لابسه طقم لاتعليق عليه حرفياً واللاب توب جنبها بتراقب سفيان الل نايم ومش لابس تيشرت .
..وبتفكر كتير ف سفيان وردود أفعاله وأن هو الل متحكم فيها . مش هي . وده طبعا كسر غرورها . وقامت ومتغاظه من سفيان . وقفلت الكاميرات . ودخلت عليه الاوضه بالطقم الل لابساه. وكان نايم. وقربت منه وبدءت تقرب من فهد وتبوسه وتخدره بطريقتها . وقالت الآن انا الذي ساتحكم بك سفيان .. وفهد فاق وحاول يبعد لكن جيسيكا سيطرت عليه كلياا بقربها منه بالطريقه دي. وفهد استسلم ليها تماماااا