رواية ابنة الراقصة
الفصل الثاني عشر12
بقلم روزا
بالرفاء والبنين إن شاء الله.
حسين : شكرا يا جماعه .. قومي معايا يلا نروح .
ايناس : انا مش فاهمه حاجه .. هو .. وقاطعها حسين .
حسين : يلا يا ايناس لازم نروح ومش لازم ماما تعرف حاجه الورقه دي بس عشان تحمينا من اي حركه ممكن يفكرو فيها .. وأقدر ارد علي اي حد يسأل عليكي لحد ما نروح مشوار كدا بس لازم أامنكم انتي وماما .
وكمل في نفسه : مش هقدر لسيبكم في البيت لوحدكم .. لازم نمشي من الشفه دي .
في البيت .
الحاجه سعاد : اي يا حسين كل دا يا ابني اتأخرتو كدا لي كنتو فين .
حسين بدون رد سند ضهره علي الباب .
ايناس : ما تخافيش علينا يا حاجه احنا بس كنا في ..
قاطعها حسين .
حسين : لازم نمشي من هنا يا ماما دول عرفو طريقها وانا بقيت معاها يعني خلاص مرتبطين ببعض وأكيد شاكرين أنها ممكن تكون قالتلي حاجه .. وهنتأذي لو قعدنا هنا .
الحاجه سعاد : اللي تشوفه يا ابني . وبصلت لإيناس اللي مالهاش ذنب في حاجه ومشيت من قدامهم .
ايناس : هنروح فين يا سي حسين .. انا جيت عشان ابعدلكو معايا هو انتو ليكو يد في اي عشان تساعدوني وبعدين والدتك ست كبيره هتتبهدل .
حسين : يا ايناس انتي كدا ولا كدا مش هتعرفي تتحركيش من غيري انا خلاص عرفو اني معاكي واكيد استنتجو انك قولتيلي حاجه ومعني أن واحد يوصل لبيتي يبقي سألو هنا وفي الصيدليه وفي الشارع مين كان معاكي وقتها وانتي روحتي فين انا كدا كدا رجلي جات في الموضوع يبقي لازم احميكي واحمي نفسي اما بقي ماما هسفرها السعوديه عند اختي وجوزها .
ايناس بتفهم : هحضر الشنط .
___________________rose___________________
عند شوقي وفريال .
فريال بحده : انت اذاي تسيبه يعمل كدا يا شوقي رد عليا انت ناسي ابوها مين دي هتوديه في داهيه ومش بعيد تنهي تاريخنا اللي بتبني فيه بقالك ٣٠ سنه والشركه والمصنع كله دا هيروح كداا .. ابدا مش هسيبها تاخده .
شوقي : يا فريال انا ما كنتش اعرف غير في المستشفي وكان باين علي الهانم انها جايه من البيت انا عارف بقي اتلم عليها فين .
فريال : طيب اقول ايه للبنت اللي تحت دي .. دي منهاره من العياط وبتقول مش هقول لبابا عشان مش هيوافق بالوضع دا وهي بتحبه ومش عايزه تسيبه اعمل أما ايه .
شوقي : اااه يا دماغي سيبيني اي فريال انا مش ناقص .
فريال بالنزعاج من تصرفه : حاضر يا بيه انا هتصرف بس بعد كدا ما تجيش تلومني في حاجه .
وقفلت الباب وخدت نفس طول ونزلت السلم .
لينا : ها يا طنط هيخليه يطلقها صح .
فريال بهدوء : بصي يا حبيبتي انتي تقدري تعملي اللي احنا ما منقدرش نعمله انتي خطيبته وبعدين انتي جميله ومش ناقصك حاجه خايفه لي .. مش هو قالك يا توافقي علي كدا يا كل واحد. يروح لحاله .
لينا : اااه.
فريال : يبقي خلاص احنا اللي هنطفشها .
وابتسمت بشر .
___________________ rose __________________
هدي ورامي في مكتب المحامي .
المحامي : انتي كدا اي مدام مش هتقدري تاخدي ولا مليم .
هدي : مش عايزه منه حاجه انا عايزه اخلص منه .
رامي : حضرتك شوف اجراءاتك واحنا معاك .
المحامي : تمام كدا حضرتك بس محتاج منك توكيل هتمضيه مع الأنسه برا عشان نبدأ الإجراءات.. تقدرو تتفضلو .
رامي : متشكر يا فندم .
في العربيه .
رامي : هدي احنا نخلص من الخلع وبعدين هجيبه تعملي فيه اللي انتي عايزاه بس الصبر .
هدي : انا محتاجه اتمشي شويه ينفع ننزل .
رامي : ما ينفعش هنا استني نروح حته هاديه .
نزلو من العربيه في مكان هادي والنجوم منوره المكان والقمر مختفي .
رامي : تحبي نتكلم أو نسكت .
هدي : افضل السكوت .
رامي : تمام .
عدي وقت طويل هما ساكتين كل واحد بيفكر يا تري اللي بيعمله دا صح ولا هتيجي علي دماغهم في الآخر .
رامي : مش نروح بقي انا لازم اروح الشركه بكرا بقالي فتره سايبهم مش عارف الدنيا ماشيه اذاي .
هدي : حاضر .. يلا نمشي .
رامي : طيب افردي بوزك دا .
هدي بضحكه خفيفه بينت ملامحها الهادئه : حاضر .
وصلو البيت .
رامي : انا هنام وهصحيكي الصبح قبل ما انزل .
هدي : تصبح علي خير .
تاني يوم رامي صحي لبس وجهز نفسه وخبط علي الباب ما ردتش .
كتبلها ورقه وفيها فلوس : لو احتاجتي حاجه نادي للبواب . وسابها جمب الباب .
_________________ rose_____________________
حسين : يلا يا ماما بسرعه .
الحاجه سعاد : حاضر يا حبيبي .
حسين : اقفلي علي نفسك من جوا يا ايناس وانا ساعه وراجع .
ايناس : حاضر .
ايناس قفلت الباب وقعدت تلم في الشنط عند الباب عشان اول ما يرجع ينزلو علي طول .
ايناس لنفسها : واتوضت وصلت وفضلت تدعي وتعيط يارب تحميني يا رب واحمي حسين اللي أواني وما كانش عايز مني حاجه بالعكس أنا اللي كنت بجري وراه والحاجة هي اللي خليتني اصلي واحب نفسي يارب انا بس محتاجه اشاره انك رضيت عني .
فضلت تصلي وتدعي لحد ما حسين وصل .
ايناس : ها عملت اي .
حسين : ركبت الطياره وإن شاء الله هتطمني أما توصل .
يلا بينا احنا . ونزلو وركبو العربيه.
طول الطريق حسين شايف ايناسةمن المرايه وهي قاعده ورا بتدعي وتعيط ومش راضيه تبصله لحد من نامت.
السواق : هنا يا بيه .
حسين : ايوه هنا من فضلك تطلع الشنط معايا .