رواية حوريه في عالم الوحوش) الفصل الثامن عشر والتاسع عشر بقلم يوستينا سامي
في بيت اسد ..
اسد لقه حسام بيرن عليه ..
اسد استغرب اوي المكالمة / الو ..عايز ايه
حسام بتريقة / لا مافيش انا بس لسه مروح .فقولت اكلمك اطمنك عليا يا اسد .. انا عارف انك لازم تطمن علي كل اللي بتحبهم مش كدة .
اسد بخوف / حسام .. اتكلم علطول بلاش لف و دوران
اوعي تكون عملت حاجة في اهلي او صحابي
حسام ضحك جامد / اسد انت قدامك اسبووووع واحد
واوعدك كل يوم في مصيبة اكبر من اللي قبلها ..استعد
وقفل حسام السكة في وش اسد و اسد من غيظه رمي الموبيل علي الارض .. حور اتصدمت وجريت عليه
حور / في ايه بس مالك .. هو قالك ايه تاني عصبك كدة
اسد بغيظ / خلاص يا حور اللعبة بدات و اللي هيخسر فيها
التكلفه هتبقي حياته .. انت تروحي حالا تغيري هدومك لازم نروح مشوار مهم جدا دلوقتي ..
حور بصدمة / هو انت متعود تناديني حور ..انا حاسة اني اعرف الاسم ده ..او سمعته قبل كدة يا اسد
اسد / مش وقته يلاا بسرعة ...
و فعلا حور راحت غيرت هدومها بس فاجاه اسد سمع صوت صراخهاااااا من الأوضة ..
اسد 😳😳😳😳😳
______________________________________________
في بيت حسام ..
حسام كان قاعد فرحان اوي و بيضحك و روقية شافته وجات ناحيته .
رقية / غريبة يعني قاعد مبسوط كدة ليه ..هو في حاجة حصلت ولا ايه .
جاسر جيه و هو متعصب اوي ووقف قدام حسام
جاسر / حسام فهمني انت عملت ايه في اسد امبارح .
انت اذيته مش كدة ..
حسام ضحك / ما بس بقي انت و هي ..في ايه عموما انا معملتش حاجة امبارح بس انا قربت اوي اوصل لحقي وانتقم من اسد و كل اللي اذوني زمان
رقية / ما كفاية بقي يا حسام .. انا بجد مش مصدقة انك بقيت تتعامل بالد*م علطوول كدة
حسام قام من مكانه و هو متعصب اوي و مسك ايد رقية
حسام / لاااا مش كفاية . و مش هبطل اتعامل بالد*م لحد ما اخد حقي كامل من اسد .. واستعدوا لان النهاردة اول مفاجاه
ومشي و سابهم ..
رقية بصت لجاسر بخوف / انا خايفة بجد ..
جاسر / هو مافيش حل يا رقية غير اننا نستني و نشوف القدر مخبي ايه لينا ...
وفاجاه جات حياه بغيره و هجمت علي رقية و مسكتها من شعرها / و ياترا بجي الجدر ده هيجبي ليكم ايه يا حلوين
ما ترد يا سي جاسر .
جاسر اتصدم من هجوم حياه الغريب و حاول يبعدها عنها
جاسر / انت اتجننتي ولا ايه .اوعي ابعدي عنها يا مجنونة
حياه بغيره / خايف عليها جوي اكده ..طيب طلجني و اتزوجها علي الاجل اكون خلصت من جرفك يا مجرف
جاسر ابتسم و شدها من ايديها و بعدها عن رقية و حاول يمسك ايديها بس حياه كانت عمالة تفلت منه .
رقية بوجع / مين دي يا جاسر .. دي مش طبيعية ابدا
جاسر وهو حاطط ايده علي بوق حياه / دي مراتي يا رورو
هبقي افهمك بعدين.
و جاسر شال حياه علي كتفه و طلع بيها و هي كانت عمالة تشتم في رقية و بتقولها / انا مراته يا حبيبتي ..
و جاسر كان عمال يضحك ..
___________________________________________
في المخزن عند علي ..
علي كان بيسمع صوت زغاريط و ضر*ب نار ومكنشي عارف اي اللي بيحصل برا
و فاجاه الباب اتفتح ودخلت نعمه وعينيها كلها شماتة
نعمة / اي يا عين امك اتربيت ولا لسه ..عايز تجعد تاني هنا.
بس علي كان بيبصلها بغيظ ومش بيرد عليها...
نعمة / وكمان مش عايز ترد عليا ومطنشني ..ماشي يا علي بس انا اللي غلطانة انا اللي معرفتش اطلعك راجل ..طلعتك حرمة بس ملحووقة
علي / انا راجل غصب عن عين اي حد هنا .. واوعي تكوني فاكرة أن رميتي دي بالساهل يا مرآة ابويا
نعمة / مرآة ابووك ..واضح انك نسيت اني انا امك
بس هقول ايه عيل قليل الرباية والأصل ..وعموما انا كنت جاية اجولك عجبالك .اصلي جوزت عيشة لعوض عقبال ما اجوزك انت كمان زينب
علي / لا انت بتضحكي عليا يا اماااا ..لا يامااا انت اكيد معملتيش كدة وكسرتيني ..ده انا ابنك الوحيد
..
نعمة كانت واقفة مش بتتكلم بس كانت مبتسمة
علي / انت جوزتيهالوا ..بعتي عيشة .. ردي عليا ما تسكتيش كدة ..حرام عليكي
وجري علي واحد من الخدامين / رد عليا انت يا صالح ضرب النار اللي كان برا ده كان ليه .. قولي الحقيقة يا صالح ..
ده كان فرح عيشة علي عوض
وبدأ يزعق جاامد بانهيار / رد عليا ما تسكتشي انت كمااان
صالح وهو عينيه في الأرض / أيوة يا علي ..عيشة اتجوزت الليلة ..
علي وقف مصدووووم / ايييييه ......
_______________________________________________
في اوضة اسد ..
اسد دخل الاوضة ولقه حور ماسكة ورقة في ايديها و بيعيط و حاطة أيديها علي راسها ..اسد اول ماشاف المنظر ده جري عليها بخوف
اسد / مالك يا حبيبتي ..اي حصل انت تعبانة
حور رفعت عينيها لاسد / انت اللي قت*لت ابويا ..
اسد / اييييييييه 😳😳😳 ..
وفاجاه حور اغم عليها و اسد شالها و جري راح بيها المستشفي بس كان خايف اوي عليها و مكنشي عارف هي جابت الكلام ده منين / معقول دي تكون خطة من خطط حسام .. ايوة هو قالي ان النهاردة في مصيبة .
واول ما اسد دخل المستشفي كان شايل حور و بيجري بيها بخوووف / انتوا يا بهااايم ..اي حد يجي يشوفها بسرعة
و فعلا جيه دكتور ومعاه ممرضات و اخدوا حور بس فااااجاه ....... تليفون اسد رن
اسد بخوف / الووووو .
مراد بدموع / الحقني يا اسد حسسسسسن بيموووووت
اسد 😳😳😳😳😳😳
الفصل التاسع عشر
في المستشفي عند اسد .
اسد بصدمة / ماله حسن .مالوووو .
مراد بعياط / في بلط*جية طلعت علي المخزن و للاسف كان هناك و*لعه في المخزن و ضر*بوا حسن بالنا*ار .. كله منك انت اكيد حسام هو اللي عمل كدة. اكيييد .
اسد بصدمة / لاا حسام ممكن ياذيني انا اه ..لكن هيعمل كدة ليه مع حسن.... ليه .
مراد / حسام اتغير و مبقاش عارف مين عدوه ومين حبيبه
وانا اخويا لو حصله حاجة هاخد حقه منك انت ..
وقفل السكة في وشه .
و فاجاه الدكتور خرج من عند حور و اسد جري عليه / طمني يا دكتور مالها .. حور حصلها ايه بالضبط .
الدكتور / واضح ان عندها انهيار عصبي .. هي اتعرضت لصدمة او حاجة مشابهة
عمزما انا اديتها ابرة مهدئة بس اول ما تفوق هنعرف اي حصلها .بس ارجوك خليك جمبها لانها هتقوم مضطربة جدا ولازم ساعتها تهديها ..
اسد مكنشي عارف يعمل ايه يروح يشوف المخازن و شقي عمره اللي ولع. ولا يروح يشوف ابن عمه و اخوه اللي مرمي في المستشفي بسببه ولا يفضل جمب البنت اللي بيحبها
اللي برضو هو السبب في اللي حصلها ..
ولاول مرة من ساعة خناقتهم اسد يحس انه محتار كدة
فقرر انه يروح يتوضي و يصلي يمكن ربنا يخفف عنه الهم ..
_______________________________________________
في الاوضة عند جاسر ...
جاسر نزل حياه من علي كتفه بس كانت لسه برضو بتزعق
جاسر / اي بس بقي .. اي كل الشتايم دي يا بنتي .
حياه بغيره / مالكشي صالح بيا فاهم ولا لاااء . سيبني وروحلهااا علشان تعرفه الجدر مخبيلكم ايه .
جاسر فضل يضحك بعلو صوته / انت يا بت مجنونة انا مافيش اي حاجة بيني و بين رقية دي اختي و بعدين انت ايه اللي مزعلك اوي كدا ..اوعي تكوني بتغيري عليا .
حياه / نعععععم انا اغير من البت اللي برا دي ..دي سلعوة
هو انت مش شايف شكلها ولا ايه ..ده انا احلي بكتيرر منيها .
جاسر ضحك اوي و شدها من وسطها / تصدقي اول مرة تقولي حاجة صح ..انتي احلي من اي حد شوفته بس لو ننضف لسانك ده شوية .
حياه زقته جامد / ماله بجي لساني يا..
جاسر حط ايده علي بقها بسرعة / بس اخرسي متتكلميش
اكيد هتغلطي و اكيد انا هتنرفز و هضر*بك ..فاخرسي بقي .
حياه عضت ايده اوي و جاسر صر*خ بغيظ بس حياه فضلت تضحك جامد و دي كانت اول مرة تضحك كدة
جاسر سرح في غمزاتها و شدها ليه / اي بقي مش ناوية ترضي عني يا حياه وكفاية ماتش القط و الفار بتاع كل يوم.
حياه بتوتر / يعني ايه يا جاسر مش فاهمة .
جاسر بجراة / يعني انا عايزك تبقي مراتي بس بمزاجك يا حياه مش بالغصب انا عارف ان انت عايزاني زي ما انا عايزك بالضبط يبقي مالوش لازمة التقل .
و حط ايده علي وشها و قرب علشان يبوسها بس حياه زقته
حياه بغل / لااااااه ..انت لو عايز تجرب مني يبقي زي اول يوم بينا بالغص"ب غير اكده انت ملكش حاجة عندي لأن عمري ما هبيع بنات عمي اللي انت و كل اللي تعرفهم قتلتوا ابوهم و كسرتوهم .
جاسر بحدة / ماتبقيش غبية بقي يا حياه هما جوزونا لبعض علشان نوقف حوار الثأ"ر ده .. وبعدين انت فاكرة ان انا لو مضر*بتش عليهم نار هما كانوا هيسبونا كانوا هيمو*تونا برضووو حياه بلاش نوقف حياتنا انا عايز اكمل معاكي .
حياه بقرف / بس انا بجرف منك و من ريحتك و مش طايقة نفسك اهناااا في الاوضة و بدعي ربنا ياخدك جريب جبل ما انا اللي اجت*لك .
جاسر ضر*بها بالقلم بغيظ و خرج من الاوضة ..
______________________________________________
في الصعيد في المخزن ..
علي بص لامه بوجع / مش عايز اشوفك قدامي تاني انا بكرهك اوووي . امشي ومتجيليش هنا تاني براااااااا ..اطلعي براااااااا .
نعمة بصدمة / انت اتجننت ولا ايه ..لا فووق لنفسك كدة
انت هتخرج من المخزن ده علشان فرحك علي زينب بكرة غصب عنك مش برضااااك .
علي / كمان عايزة تجوزيني بالعافية بس خلاص
واللي كنت بتهد*ديني بيها بقت في عصمة واحد تاني .
نعمة / بلاش تتحداني يا ابن بطني علشان أنا مش بيتلوي دراعي سامع ولا لاااء .. والصباع اللي هيوجعني هق*طعه ولا يعجزني في يوم من الايام .
علي بلامبالاه قعد علي الارض وبدا يمسح دموعه
علي / صح وانا بجي اعتبريني الصباع ده . والاحسنلك يا مرآة ابويا انك تخلصي مني لأن لو جاتلي الفرصة علشان انتقم منك بسبب اللي عملتيه في ابويا و حور وعيشة و فيا .. هنتقم وبد*م بارد كمان .
نعمة خرجت من المخزن و هي متعصبة اوي من كلام علي وطلعت علي أوضتها ...
وعلي في المخزن حط أيده علي وشه وفضل يعيط
بوجع / اعاااااا يا ابويا . سيبتيني ليها ليه
وقعد يعيط جامد بحرقة ..و بعدها بحوالي ساعتين ..
______________________________________________
رقية قاعدة في الجنينة و جاسر راح قعد معاها ..
رقية بستغراب / مالك مبوز كدة ليه .هي البت اللي فوق دي حر*قت دمك مش كدة بجد لا تطاق .
جاسر / رقية .. دي اسمها حياه ماشي و بعدين دي مراتي برضووو و لا مش لاتطاق ولا حاجة ..دي بنت جزمة اصلا دي لسانها مترين بجد .
رقية فضلت تضحك و لقت موبيلها بيرن / الووو ..😳😳
انت بتقوول ايه ..براحة بس انا مش فاهمة اي حاجة .
جاسر شد التليفون منها منغير مقدمات / الوو مين مراد فيه يا مراد مالك بتزعق ليه كدة .
مراد / قول لحسام ان هو جاب اخرها معايا . وان أنا والله مش هرحمه لو اخويا جراله حاجة .
و قفل في وش جاسر وجاسر راح هو ورقية المكتب بتاع حسام اللي في الفيلا ..
حسام بستغراب / اي ده ..في حد يدخل كدة منغير ما يخبط
جاسر جري عليه و مسكه من قميصه / انا وافقت اساعدك
علشان انت اتظلمت يا حسام بس علشان تجيب حقك من اسد مش من اي حد ..
رقية / انت اتجننت يا حسام ولا ايه انت مبقتش عارف مين عدوك و مين حبيبك .. لو مش فارق معاك حسن علي الاقل اعمل حساب لمراد اخوه اللي انقذ حياتك قبل كدة
حسام / ايه انت و هي في ايه انا مش فاهم اي حاجة
مال حسن .. ايه حصله
جاسر / متستهبلشي بقي ..مش انت اللي ول*عت في المخزن بتاع اسد ...رد عليا مش انت
حسام / ايوة انا ..ولسه كل مرة هحر*ق قلبه علي حاجة شكل بس معملتش حاجة لحسن
جاسر / لا والله ..اذا كان البلطجية اللي بعتهم علشان يولعوا في المخزن ضر"بوا حسن بالنا*ر ..وهو دلوقتي في المستشفي
حسام / اييييييييه 😳😳😳
_______________________________________________
في المخزن عند علي ..
صالح فتحله الباب من ورا الرجالة ومن ورا نعمة
صالح بصوت واطي / يلا يا علي ..اهرب من البلد كلتها قبل ما حد من الرجالة ياخد باله ..يلا واوعي ترجع هنا تاني
علي بغل و تعب / و عيشة يا صالح ..ازاي هسيبها وازاي هسيبك انت كمان ..انت لازم تيجي معايا و واخد عيشة كمان
صالح / انا هاجي معاك يا علي .بس عيشة لاااا
إنساها يا علي خلاص عيشة اتجوزت مابقاش ينفع يا صاحبي. . يلا بينا .قوووم .
وفعلا علي استسلم و مشي مع صالح برا البلد بس كان بيتوعد أنه هيرجع تاني بس المرة دي هياخد حقه أمه
وفعلا خرجوا برا البلد كلها بس كانت المشكلة أنهم هيروحوا فين ..
صالح / اي يا علي ناوي تروح فين .. اي رايك نروح الراجل الي ساعد حور .. أنا عارف اسمه هو راجل معروف اوي اسمه اسد العقاد اكيد هيساعدنا
علي / انا فعلا عايز اروحله .. هو اللي ممكن يساعدني اخد حقي .. يلا بينا احنا هتنزل مصر و هنسال عليه ..