رواية انا ضحية ولست بعاهرة
الفصل الاخير
بقلم فللوس
ﺳﺎﺭﻩ ﺑﺘﺼﺮﺥ : ﺳﻼﻓﻪ ﻭﺍﺍﺍﺍﻱ ﺃﺿﺮﺑﻲ ﻟﻲ ﺣﺴﺎﻡ ﻳﻠﺤﻘﻨﻲ
ﺳﻼﻓﻪ ﺍﺗﻬﺠﻤﺖ ﺑﺎﻟﺴﻤﻌﺘﻪ : ﺳﺎﺭﻩ ﺳﺎﺭﻩ ﺍﻟﺤﺎﺻﻞ ﻟﻴﻚ ﺷﻨﻮ
ﺳﺎﺭﻩ : ﺻﺎﺣﺐ ﺳﻌﻴﺪ ﻋﺎﻳﺰ ﻳﻐﺘﺼﺒﻨﻲ ﻋﻠﻴﻚ ﺍﻟﻠﻪ ﺍﻟﺤﻘﻴﻨﻲ ، ﻭﺍﻟﺨﻂ ﻳﻨﻘﻄﻊ
ﺳﻼﻓﻪ ﺗﺘﺮﺟﻒ ﻭﺗﻀﺮﺏ ﻟﻲ ﺣﺴﺎﻡ ﻋﻠﻰ ﻃﻮﻝ ...
ﺣﺴﺎﻡ : ﺧﻴﺮ ﻳﺎﺑﺖ
ﺳﻼﻓﻪ ﺗﺼﺮﺥ : ﺣﺴﺎﺍﻡ ﺍﻟﺤﻖ ﺳﺎﺭﻩ ﻋﻠﻴﻚ ﺍﻟﻠﻪ
ﺣﺴﺎﻡ ﻳﺘﻤﺘﻢ : ﺱ ﺱ ﺳﺎﺭﻩ ؟؟ ﻣﺎﻟﻬﺎ ﺳﺎﺭﻩ ﺍﻟﺤﺎﺻﻞ ﻟﻴﻬﺎ ﺷﻨﻮ ﺳﺎﺭﻩ ؟؟
ﺳﻼﻓﻪ : ﺻﺎﺣﺐ ﺳﻌﻴﺪ ﻋﺎﻳﺰ ﻳﺘﺤﺮﺵ ﺑﻴﻬﺎ ﺍﺟﺮ ﺍﻟﺤﻘﺎ ﻋﻠﻴﻚ ﺍﻟﻠﻪ ﻭﺑﺘﻔﻬﻢ ﺑﺮﺍﻙ
ﺣﺴﺎﻡ ﻳﻘﻄﻊ ﺍﻟﺨﻂ ﻭﻳﺠﺮ ﻳﺸﻮﻑ ﺍﻟﺤﺎﺻﻞ ﺷﻨﻮ ﻟﻲ ﺳﺎﺭﻩ
( ﻃﺒﻌﺎ ﺷﻘﺘﻪ ﻓﺮﻕ ﺷﺎﺭﻉ ﻣﻦ ﺷﻘﻪ ﺳﺎﺭﻩ )
ﻭﻣﻦ ﺑﺮﻩ ﻳﺴﻤﻊ ﺍﻟﻜﻮﺍﺭﻳﻚ ﻭﻳﻠﻘﻰ ﺍﻟﺠﻴﺮﺍﻥ ﻛﻠﻬﻢ ﻣﺘﻠﻤﻴﻦ ﻋﺸﺎﻥ ﻳﻌﺮﻓﻮ ﺍﻟﺤﺎﺻﻞ
ﺷﻨﻮ ﺣﺴﺎﻡ ﻳﺨﺶ ﻓﻲ ﻧﺼﻬﻢ ﺑﻲ ﺳﺮﻋﻪ ﻭﺃﻭﻝ ﻣﺎﻳﺼﻞ ﺍﻟﺸﻘﻪ ﻳﻀﺮﺏ ﺑﺎﺏ
ﺍﻟﺸﻘﻪ ﺑﻜﺮﺍﻋﻪ ﻭﻳﻜﺴﺮﻩ ﻭﺍﻟﻨﺎﺱ ﺗﺨﺶ ﻭﺭﺍﻩ ،
ﺍﻭﻝ ﻣﺎﻳﺪﺧﻞ ﻳﺴﻤﻊ ﺻﻮﺕ ﺳﻌﻴﺪ ﻓﻲ ﺍﻟﺤﻤﺎﻡ ﻭﺍﻟﺠﻴﺮﺍﻥ ﻳﻔﺘﺤﻮ ﻟﻲ ﺳﻌﻴﺪ
ﺍﻟﺒﺎﺏ ، ﺣﺴﺎﻡ ﻳﻌﺎﻳﻦ ﻳﻤﻴﻦ ﻳﻠﻘﻰ ﺣﺎﻣﺪ ﺷﺎﻳﻞ ﻋﻜﺎﺯﻩ ﻛﺒﻴﺮﻩ ﻭﺑﺤﺎﻭﻝ ﻳﻜﺴﺮ ﺑﻴﻬﺎ
ﺍﻟﺒﺎﺏ ...
ﺣﺴﺎﻡ ﻳﺠﻲ ﺩﺍﺧﻞ ﻋﻠﻰ ﺣﺎﻣﺪ ﺑﺎﻟﺠﻤﺒﻪ ﻭﻳﺪﻓﺮﻭ ﺍﻻﺭﺽ ﻭﻳﺸﻴﻞ ﺍﻟﻌﻜﺎﺯﻩ ﻣﻦ
ﻳﺪﻭ ، ﺳﻌﻴﺪ ﻣﺴﺘﻐﺮﺏ ﺩﻩ ﻣﻨﻮ ﺍﻟﺰﻭﻝ ﺩﻩ ﻭﻣﻦ ﻭﻳﻦ ﺟﻮ ﺍﻟﻨﺎﺱ ﺩﻳﻞ ...
ﺣﺴﺎﻡ ﻳﻘﻊ ﻓﻲ ﺣﺎﻣﺪ ﻟﺒﻊ ﻭﻳﻘﻮﻝ ﻟﻴﻪ : ﺩﻱ ﺣﺮﻛﺎﺕ ﺭﺟﺎﻝ ﺍﺳﻊ ؟؟ ﻇﺎﻫﺮ ﻋﻠﻴﻚ
ﻣﺎﻋﻨﺪﻙ ﺍﺧﻮﺍﺕ ﻓﻲ ﺍﻟﺒﻴﺖ
ﺣﺎﻣﺪ : ﻟﻮ ﺍﺗﺎﺧﺮﺕ ﻛﺎﻥ ﺍﺛﺒﺖ ﻟﻴﻚ ﺍﻧﻲ ﺭﺍﺟﻞ
ﺣﺴﺎﻡ ﻳﺪﻳﻪ ﻛﻒ : ﻟﻮ ﻣﻔﺘﻜﺮ ﺍﻻﻏﺘﺼﺎﺏ ﺑﺒﻴﻦ ﺭﺟﻮﻟﺘﻚ ، ﺍﻧﺎ ﺑﺎﻟﻀﺮﺏ ﺣﺎ ﺃﺑﻴﻦ
ﻟﻴﻚ ﺭﺟﻮﻟﺘﻲ ...
ﺣﺴﺎﻡ ﻳﻘﻊ ﻓﻲ ﺣﺎﻣﺪ ﺿﺮﺏ ﻭﻛﻔﺖ ﻭﺷﻠﻴﻴﺖ ﻟﺤﺪﻱ ﻣﺎﺟﻮ ﺍﻟﺠﻴﺮﺍﻥ ﻭﺣﺠﺰﻭ ،
ﺳﺎﺭﻩ ﺗﺴﻤﻊ ﺻﻮﺕ ﺣﺴﺎﻡ ﻭﺗﻔﺘﺢ ﺍﻟﺒﺎﺏ ﻭﺗﻘﻊ ﻓﻲ ﺣﻀﻨﻪ ﻭﺗﺒﻜﻲ ﻭﺗﺼﺮﺥ
ﺑﺼﻮﺕ ﻋﺎﻟﻲ
( ﺣﺴﺎﺍﺍﻡ ) ﺳﻌﻴﺪ ﻳﺎﺩﺍﺏ ﺍﺗﺎﻛﺪ ﺍﻧﻪ ﺩﻩ ﺣﺴﺎﻡ ﺍﻟﻜﺎﻥ ﻣﺘﺰﻭﺟﺎ ﻗﺒﻞ ﻭﻳﻌﺮﻑ ﺍﻧﻪ
ﻣﻦ ﺯﻣﺎﻥ ﻛﺎﻥ ﻣﺘﻌﻘﺒﺎ ﻋﺸﺎﻥ ﺷﺎﻓﻮ ﻓﻲ ﺍﻟﻤﺴﺘﺸﻔﻰ ﻣﻊ ﺍﻣﻬﺎ ﻭﻟﻤﻦ ﺍﻛﺘﺸﻒ ﺍﻧﻬﺎ
ﺣﺎﻣﻞ ،
ﺳﻌﻴﺪ ﺃﻭﻝ ﻣﺎ ﻳﺸﻮﻑ ﺍﻟﺠﻴﺮﺍﻥ ﻛﻠﻬﻢ ﻓﻲ ﺍﻟﺸﻘﻪ ﻭﺳﺎﺭﻩ ﻓﻲ ﺣﻀﻦ ﺣﺴﺎﻡ
ﻳﺨﺠﻞ ﻭﻳﺘﺤﺴﺲ ﻭﻳﻌﺮﻑ ﺍﻧﻪ ﺍﻟﻨﺎﺱ ﺣﺘﺘﻜﻠﻢ ﺑﺎﻟﻤﻮﺿﻮﻉ ﺩﻩ ﻭﻋﺸﺎﻥ ﻳﺘﻔﺎﺩﻯ
ﺍﻟﻔﻀﺎﻳﺢ ..
ﺳﻌﻴﺪ ﻳﻨﻬﺮ ﺳﺎﺭﻩ : ﺩﻩ ﻣﻨﻮ ﺍﻟﻤﻌﺎﻙ ﺩﻩ ﻳﺎﺑﺖ
ﺣﺴﺎﻡ : ﺃﻧﺎ ﺣﺴﺎﻡ ﺍﻟﻠﺤﻘﺘﻬﺎ ﻭﺃﻧﻘﺬﺗﻬﺎ ﻣﻦ ﺻﺤﺒﻚ ﻳﻮﻡ ﺍﻧﺖ ﻛﻨﺖ ﻓﻲ ﺍﻟﺤﻤﺎﻡ
ﻣﻘﻔﻮﻝ
ﺳﺎﺭﻩ ﺗﺒﻜﻲ ﻭﻣﺘﺸﺮﺑﻜﻪ ﻓﻲ ﺣﻀﻦ ﺣﺴﺎﻡ ...
ﺳﻌﻴﺪ ﻳﺨﺠﻞ ﻭﻳﺤﺎﻭﻝ ﻳﺜﺒﺖ ﻧﻔﺴﻪ ﻋﺸﺎﻥ ﻛﻼﻡ ﺍﻟﻨﺎﺱ ﻭﻳﺤﺒﺲ ﺩﻣﻮﻋﻪ ﻋﺸﺎﻥ
ﺣﻴﺤﺒﻂ ﺷﻌﻮﺭ ﺃﻣﻪ ﻭﻳﻘﻮﻝ ﻟﻴﻬﺎ : ﺇﻧﺘﻲ ﻃﺎﻟﻖ ﻳﺎﺳﺎﺭﻩ ﻃﺎﻟﻖ ﺑﺎﻟﺘﻼﺕ ...
ﺍﻟﻨﺎﺱ ﺗﺤﺎﻭﻝ ﺗﺘﺪﺧﻞ ﺑﺲ ﺳﻌﻴﺪ ﻳﻤﻨﻌﻬﻢ ﻭﻳﻤﺸﻲ ﻳﺮﻓﻊ ﺻﺤﺒﻪ ﺣﺎﻣﺪ ،
ﻭﺍﻟﺠﻴﺮﺍﻥ ﻳﻨﺴﺤﺒﻮ ﻣﻦ ﺍﻟﺸﻘﻪ ﻭﺣﺴﺎﻡ ﻣﺎﺳﻚ ﺳﺎﺭﻩ ﻭﻃﺎﻟﻊ ﺑﺮﻩ ﺍﻟﺸﻘﻪ ..
ﺳﺎﺭﻩ : ﺣﺴﺎﻡ ﺩﻗﻴﻘﻪ ﺑﺲ ﻋﺎﻳﺰﻩ ﺍﻗﻮﻝ ﺣﺎﺟﻪ ﻟﻲ ﺳﻌﻴﺪ
ﺣﺴﺎﻡ : ﺗﺎﻧﻲ ﻳﺎﺳﺎﺭﻩ ؟؟ ﺍﻟﻨﺎﺱ ﺩﻱ ﺧﻄﻴﺮﻩ ﻳﺎﺳﺎﺭﻩ
ﺳﺎﺭﻩ ﺗﻤﺸﻲ ﻟﻲ ﺳﻌﻴﺪ ﻭﺗﺸﻜﺮﻩ ﺍﻧﻪ ﺣﺮﺭﺍ ﻭﺗﻮﻋﺪﻩ ﺍﻧﻬﺎ ﻣﺎﺣﺘﻜﻠﻢ ﺯﻭﻝ
ﺑﺨﺼﻮﺻﻴﺘﻪ ، ﺳﻌﻴﺪ ﻳﺪﻧﻘﺮ ﺭﺍﺳﻪ ﻭﻳﺴﻜﺖ
ﺳﺎﺭﻩ ﻃﺎﻟﻌﻪ ﻣﻊ ﺣﺴﺎﻡ ﻣﻦ ﺍﻟﺸﻘﻪ ﻭﻧﺎﺯﻟﻴﻦ ﻋﻠﻰ ﺍﻟﺴﻠﻢ ﻭﺃﺛﻨﺎﺀ ﻣﺎﺳﻌﻴﺪ ﺑﺮﻓﻊ
ﺻﺤﺒﻪ ﺣﺎﻣﺪ ، ﺣﺎﻣﺪ ﻳﺸﻴﻞ ﺍﻟﻌﻜﺎﺯ ﻭﻳﺠﺮ ﻋﺸﺎﻥ ﻳﻀﺮﺏ ﺑﻴﻬﺎ ﺣﺴﺎﻡ ،
ﺳﺎﺭﻩ ﺗﻼﺣﻆ ﻇﻞ ﺯﻭﻝ ﺟﺎﻱ ﻋﻠﻴﻬﻢ ﻭﺗﻌﺎﻳﻦ ﻭﺭﺍ ﻭﺗﻠﻘﻰ ﺣﺎﻣﺪ ﺭﺍﻓﻊ ﻋﻜﺎﺯﻭ ﻋﺎﻳﺰ
ﻳﻀﺮﺏ ﺣﺴﺎﻡ ..
ﺳﺎﺭﻩ ﺗﺼﺮﺥ ﻭﺗﻘﻴﻒ ﺩﺭﻉ ﻟﻲ ﺣﺴﺎﻡ ﻭﺍﻟﻌﻜﺎﺯ ﺑﺎﻟﻐﻠﻂ ﻳﻀﺮﺏ ﺳﺎﺭﻩ ﻓﻲ ﺿﻬﺮﺍ
ﻭﺗﻘﻊ ﻣﺪﺭﺩﻗﻪ ﻣﻦ ﺍﻟﺴﻠﻢ ، ﺣﺴﺎﻡ ﻳﺼﺮﺥ ﺍﻭﻝ ﻣﺎﻳﺸﻮﻑ ﺳﺎﺭﻩ ﺑﺎﻟﻤﻨﻈﺮ ﺩﻩ
ﻭﻳﻤﺴﻚ ﺍﻟﻌﻜﺎﺯ ﻣﻦ ﺣﺎﻣﺪ ﻭﻳﻀﺮﺑﻪ ﻓﻲ ﺭﺍﺳﻪ ﻟﺤﺪﻱ ﻣﺎﻳﻐﻤﻰ ﻋﻠﻴﻪ ..
ﺣﺴﺎﻡ ﻳﻤﺸﻲ ﻳﻠﺤﻖ ﺳﺎﺭﻩ ﺑﺲ ﺳﺎﺭﻩ ﻛﺎﻧﺖ ﻣﻐﻤﻰ ﻋﻠﻴﻬﺎ ﻋﺸﺎﻥ ﺿﺮﺑﺎ ﺿﺮﺑﻪ
ﻗﻮﻳﻪ ﻭﺍﻭﻝ ﻣﺎﻳﺮﻓﻌﺎ ﻳﻠﻘﻰ ﺩﻡ ﻧﺎﺯﻝ ﻣﻨﻬﺎ ﻣﻦ ﺗﺤﺖ ﺑﺴﺒﺐ ﻭﻗﻌﻪ ﺍﻟﺴﻠﻢ ...
ﺣﺴﺎﻡ ﻳﻘﻌﺪ ﻳﺒﻜﻲ ﻭﻳﺼﺮﺥ ﺑﻲ ﻃﻮﻝ ﺣﺴﻮ ﻟﺤﺪﻱ ﻣﺎﻳﺠﻮ ﺍﻟﺠﻴﺮﺍﻥ ﻭﻳﻠﺤﻘﻮ
ﺳﺎﺭﻩ ﻭﻳﻮﺩﻭﻫﺎ ﺍﻟﻤﺴﺘﺸﻔﻰ ، ﺑﺲ ﺣﺎﻟﺘﻬﺎ ﻛﺎﻧﺖ ﺧﻄﻴﺮﻩ ﻭﺧﺸﺖ ﻓﻲ ﻏﻴﺒﻮﺑﻪ
ﻷﻛﺜﺮ ﻣﻦ ﺇﺳﺒﻮﻉ ﺩﻩ ﻏﻴﺮ ﺍﻧﻪ ﺍﻟﺠﻨﻴﻦ ﺍﻟﻔﻲ ﺑﻄﻨﻬﺎ ﺃﺟﻬﺾ ...
# ﺑﻌﺪ _ﺗﺴﻌﻪ _ ﺃﻳﺎﻡ ⌛
ﺳﺎﺭﻩ ﺗﺼﺤﻰ ﻣﻦ ﻏﻴﺒﻮﺑﺘﺎ ﻭﺗﺮﻣﺶ ﺑﻌﻴﻮﻧﻬﺎ ﻭﺗﻠﻘﻰ ﺍﻻﺟﻬﺰﻩ ﻳﻤﻴﻦ ﺷﻤﺎﻝ ﻭﺗﻔﺘﺢ
ﻋﻴﻮﻧﻬﺎ ﻭﺗﺮﻛﺰ ﻭﺗﻠﻘﻰ ﺍﻟﻐﺮﻓﻪ ﻣﻠﻴﺎﻧﻪ
( ﺳﻼﻓﻪ ، ﺍﻣﻬﺎ ﻧﻔﻴﺴﻪ ، ﺃﺑﻮﻫﺎ ﺣﻤﺪ ، ﺍﺧﻮﺍﻧﻬﺎ ﺍﻟﺘﻴﻤﺎﻥ ﻣﻦ ﺃﺑﻮﻫﺎ )
ﺳﺎﺭﻩ ﺗﻬﻤﺲ ( ﺣﺴﺎﻡ ، ﺣﺴﺎﻡ ﻭﻳﻨﻚ )
ﺳﻼﻓﻪ ﺗﺼﺮﺥ : ﺧﺎﻟﺘﻮ ﻧﻔﻴﺴﻪ ﻋﻤﻲ ﺣﻤﺪ ﺳﺎﺭﻩ ﺻﺤﺖ ﺳﺎﺭﻩ ﺻﺤﺖ
ﺳﺎﺭﻩ ﻟﺴﻪ ﺑﺘﻬﻤﺲ ﻭﺗﺘﺴﺄﻝ : ﺣﺴﺎﻡ ﻭﻳﻦ ﺣﺴﺎﻡ ﻭﻳﻨﻚ ؟
ﺧﺎﻟﺘﻮ ﻧﻔﻴﺴﻪ ﺗﺒﻜﻲ ﺑﺎﻟﻔﺮﺣﻪ : ﻳﺎﺟﻤﺎﻋﻪ ﺟﻴﺒﻮ ﻟﻴﻬﺎ ﺣﺴﺎﻡ
ﻋﻢ ﺣﻤﺪ ﻳﻨﺒﺴﻂ ﺑﺎﻧﻬﺎ ﺻﺤﺖ : ﻣﺸﻰ ﻳﺠﻴﺐ ﺍﻻﺩﻭﻳﻪ ﺍﺳﻊ ﺑﺠﻲ
ﺳﺎﺭﻩ ﺗﻮﻋﻰ ﻭﺗﺮﻛﺰ ﺍﻧﻪ ﺍﻣﻬﺎ ﻭﺍﺑﻮﻫﺎ ﻗﺎﻋﺪﻳﻦ : ﺍﻣﻲ ﺍﻧﺘﻲ ﺟﻴﺘﻲ ؟؟ ﻋﻠﻴﻚ ﺍﻟﻠﻪ
ﺍﻋﻔﻲ ﻟﻲ ، ﻋﺸﺎﻥ ﻣﺎﺍﺗﺴﺮﺕ ﻣﻊ ﺳﻌﻴﺪ
ﻧﻔﻴﺴﻪ ﺗﺒﻜﻲ : ﺍﻧﺘﻲ ﺍﻻﻋﻔﻲ ﻟﻲ ﻳﺎﺑﺘﻲ ﻋﺸﺎﻥ ﺍﻧﺎ ﻇﻠﻤﺘﻚ ﻭﺑﺪﻭﻥ ﻣﺎﺍﺗﺎﻛﺪ
ﺣﻜﻤﺖ ﻋﻠﻴﻚ ﺑﺎﻟﻌﻬﺮ ﻭﻓﻲ ﺍﻻﺧﻴﺮ ﻇﻬﺮﺕ ﺑﺮﺍﺀﺗﻚ ، ﻋﺎﻓﻴﻪ ﻋﻨﻚ ﺩﻧﻴﺎ ﻭﺍﺧﺮﻩ
ﺳﺎﺭﻩ ﺑﺘﺘﻜﻠﻢ ﺑﺮﺍﺣﻪ : ﺍﻧﺖ ﻛﻤﺎﻥ ﻳﺎﺍﺑﻮﻱ ﺍﻋﻔﻲ ﻟﻲ
ﻋﻢ ﺣﻤﺪ ﻳﺒﻜﻲ : ﺍﻧﺘﻲ ﺍﻻﻋﻔﻲ ﻟﻲ ﻳﺎﺑﺘﻲ ، ﻋﺸﺎﻥ ﺃﻧﺎ ﺃﻧﺎﻧﻲ ﻭﻛﻼﻣﻚ ﺻﺎﺡ ﻟﻤﻦ
ﻗﻠﺘﻲ ﻋﻠﻲ ﺍﻧﺎﻧﻲ ﻟﻤﻦ ﻋﺮﺳﺖ ﻟﻴﻚ ﻭﺍﺣﺪ ﺍﻧﺎ ﻋﺎﺭﻓﻪ ﻫﻮ ﺷﻨﻮ ﻭﻓﻜﺮﺕ ﻓﻲ ﻧﻔﺴﻲ
ﻭﻣﺎﻓﻜﺮﺕ ﻓﻴﻚ
ﺳﺎﺭﻩ : ﻻﻻ ﻣﺎﺗﻘﻮﻟﻮ ﻛﺪﻩ ﻓﻲ ﺍﻻﺧﻴﺮ ﺍﻧﺎ ﻣﺎﻋﻨﺪﻱ ﻏﻴﺮﻛﻢ ...
ﺑﻌﺪ ﻧﺺ ﺳﺎﻋﻪ ﺣﺴﺎﻡ ﻳﺠﻲ ﺩﺍﺧﻞ ﺍﻟﻐﺮﻓﻪ ﻭﻳﻠﻘﺎﻫﻢ ﻗﻌﺪ ﻳﺒﻜﻮ ﻭﻳﻌﺮﻑ ﺍﻧﻪ
ﺳﺎﺭﻩ ﺻﺤﺖ ﻭﺃﻭﻝ ﻣﺎﺗﺸﻮﻓﻮ ﺳﻼﻓﻪ ..
ﺳﻼﻓﻪ ﺗﺼﺮﺥ ﺑﺎﻟﻔﺮﺣﻪ : ﺣﺴﺴﺎﺍﺍﻡ ﺟﺎ
ﺣﺴﺎﻡ ﻳﻘﻌﺪ ﻳﺘﺤﺴﺮ ﻭﻳﻤﺴﻚ ﻳﺪﻳﻦ ﺳﺎﺭﻩ ﻭﺑﻲ ﻃﻮﻝ ﺣﺴﻮ ﻳﺒﻜﻲ ﻭﻳﻌﺘﺬﺭ ﻟﻴﻬﺎ
ﻣﺮﻩ ﺗﺎﻧﻴﻪ ﻭﻳﻔﺮﺡ ﺍﻧﻬﺎ ﻓﺎﻗﺖ ﻣﻦ ﻏﻴﺒﻮﺑﺘﺎ
# ﺑﻌﺪ _ ﺗﻼﺗﻪ _ ﺷﻬﻮﺭ ...
ﺳﺎﺭﻩ ﺑﻘﺖ ﺑﺼﺤﻪ ﺟﻴﺪﻩ ﺗﻤﺎﻣﺎ ﻭﺣﺮﻩ ﻭﻃﻠﻴﻘﻪ ، ﻛﻞ ﺍﻟﻨﺎﺱ ﻛﺎﻧﺖ ﻣﻔﺘﻜﺮﺍ ﺍﻧﻬﺎ
ﺣﺘﺘﺰﻭﺝ ﺣﺴﺎﻡ ﻋﻠﻰ ﻃﻮﻝ ،
ﺑﺲ ﺳﺎﺭﻩ ﻃﻠﺒﺖ ﻣﻦ ﺍﻣﻬﺎ ﻭﺍﺑﻮﻫﺎ ﺍﻧﻬﺎ ﺣﺘﺮﺟﻊ ﺗﻜﻤﻞ ﺩﺭﺍﺳﻪ ﻋﺸﺎﻥ ﺑﺴﺒﺐ
ﺍﻟﻈﺮﻭﻑ ﺍﻟﻤﺮﺕ ﺑﻴﻬﺎ ﺷﺎﻓﺖ ﺍﻧﻪ ﺍﻟﺰﻭﺍﺝ ﻟﻮﺣﺪﻩ ﻻﻳﻌﻨﻲ # ﺍﻟﺤﻴﺎﻩ _ ﻋﺎﻣﻪ ،
ﺷﺎﻓﺖ ﺍﻧﻬﺎ ﻟﻮ ﻛﺎﻧﺖ ﻣﺘﻌﻠﻤﻪ ﻗﺒﻞ ،ﻣﺎﻛﺎﻥ ﻣﺮﺕ ﺑﺎﻟﻈﺮﻭﻑ ﺩﻱ ، ﺣﺴﺎﻡ ﺍﺗﻌﺎﻃﻒ
ﻣﻊ ﺍﻟﻤﻮﺿﻮﻉ ﺟﺪﺍ .... ﻭﻓﻮﻕ ﺩﻩ ﺳﺎﺭﻩ ﻣﺎﻛﺎﻧﺖ ﺯﻱ ﻛﻞ ﺍﻟﺒﻨﺎﺕ ﻭﺍﺗﻜﺘﻤﺖ
ﺑﻘﻀﻴﺘﺎ ﻭﻗﺼﺘﺎ ﺑﻞ ﺍﻋﻠﻨﺘﺎ ﻋﺸﺎﻥ ﺑﻘﺖ ﻣﺆﻣﻨﻪ ﺟﺪﺍ ﺑﺈﻥ
( ﺍﻟﻤﺒﺎﻻﻩ ﺃﺣﻴﺎﻧﺎ ﺗﺴﻘﻂ ﺃﻣﻪ ) ...
# ﺑﻌﺪ _ ﺧﻤﺲ _ ﺳﻨﻴﻦ ...
# ﻣﺪﺛﺮ : ﻣﺪﺛﺮ ﻭﺍﺻﺤﺎﺑﻪ ﻛﺎﻥ ﺗﻢ ﺍﻋﺪﺍﻣﻬﻢ ﺑﻌﺪ ﺍﻛﺘﺮ ﻣﻦ ﺳﻨﻪ ﺳﺠﻦ ﻭﺗﺤﻘﻴﻖ
# ﻣﻦ _ ﻭﻗﺖ _ ﺍﻟﺤﺎﺩﺛﻪ ﻭﺳﺒﺐ ﺍﻟﺘﺄﺧﻴﺮ ﺍﻟﻤﺤﺎﻣﻴﻴﻦ ﺗﺒﻊ ﺧﺎﻟﺪ ﻭﻋﻤﺮ
# ﺳﻼﻓﻪ : ﺳﻼﻓﻪ ﺍﺗﺰﻭﺟﺖ ﻳﺎﺳﺮ ﺻﺎﺣﺐ ﺣﺴﺎﻡ ﻭﺍﻧﺠﺒﺖ ﻣﻨﻪ ﺑﻨﺖ ﺳﻤﺘﻬﺎ
ﺳﺎﺭﻩ ﻣﺤﺒﻪ ﻟﺒﻨﺖ ﻋﻤﻬﺎ
# ﻋﻢ _ ﺣﻤﺪ : ﻃﻠﻖ ﻣﺮﺗﻪ ﺍﻟﺘﺎﻧﻴﻪ ﺧﺎﻟﺪﻩ ، ﻭﻃﻠﻊ ﻣﻦ ﻣﺪﺭﺳﻪ # ﺍﻷﻣﻞ ﺍﻟﻜﺎﻥ
ﺑﺪﻳﺮﻫﺎ ﺳﻌﻴﺪ
،ﻋﺸﺎﻥ ﺑﻘﻰ ﻣﺪﻳﺮ ﻟﻤﺪﺭﺳﻪ ﺃﺷﺘﺮﺗﺎ ﻟﻴﻪ ﺳﺎﺭﻩ ﺑﺎﻟﻤﺎﻝ ﺍﻟﺤﺼﻠﺖ ﻋﻠﻴﻪ ﻣﻦ ﺷﻬﺮﻩ
ﺟﻤﻌﻴﺎﺗﻬﺎ ﺍﻟﺘﻮﻋﻴﻪ
ﻭﺃﺳﻢ ﺍﻟﻤﺪﺭﺳﻪ # ﺍﻟﻮﻓﺎﺀ ﻣﻦ ﺣﺒﻬﺎ ﻭﺍﻟﺪﻫﺎ
# ﻧﻔﻴﺴﻪ : ﻧﻔﻴﺴﻪ ﺣﺎﻟﺘﻬﺎ ﺍﻟﺼﺤﻴﻪ ﺍﺳﺘﻘﺮﺕ ﻟﻸﻓﻀﻞ ﻭﻣﺎﻓﻜﺮﺕ ﺯﻱ ﺍﻻﻣﻬﺎﺕ
ﺗﺮﺣﻞ ﻣﻦ ﺑﻴﺘﻬﺎ ﻋﺸﺎﻥ ﺳﻤﻌﺔ ﺑﻨﺘﻬﺎ ﺍﻻﺻﺒﺤﺖ ﻋﻠﻨﻴﻪ
،ﺑﻞ ﺑﺎﻟﻌﻜﺲ ﺑﺎﻓﺘﺨﺎﺭﻫﺎ ﺑﺒﺘﻬﺎ ﺳﺎﺭﻩ، ﺍﺳﺘﻘﺮﺕ ﻓﻲ ﺑﻴﺘﻬﺎ ﻭﺑﺘﺪﻋﻤﻬﺎ ﻋﻠﻰ ﻃﻮﻝ
ﻓﻲ ﺍﻟﺒﺘﻌﻤﻠﻪ ..
# ﻋﻠﻮﻳﻪ ( ﺃﻡ ﻣﺪﺛﺮ ) : ﺑﺎﻟﺮﻏﻢ ﻣﻦ ﺣﺴﺮﺗﻬﺎ ﻭ ﻓﺮﺍﻗﻬﺎ ﻟﻲ ﻭﻟﺪﻫﺎ ﻣﺪﺛﺮ ﺑﺲ ﺑﺮﺿﻮ
ﻓﺮﺣﺖ ﻟﻲ ﻣﺸﻮﺍﺭ ﺳﺎﺭﻩ ﺍﻟﻤﺴﺘﻘﺒﻠﻲ ﺍﻟﻜﺎﻥ ﺩﻳﻤﺎ ﺑﺘﻌﺘﺒﺮﻫﺎ ﺯﻱ ﺑﻨﺘﻬﺎ ، ﻭﺑﺎﻋﺖ
ﺑﻴﺘﻬﺎ ﻭﺍﺳﺘﻘﺮﺕ ﻣﻊ ﺑﺘﻬﺎ ﺍﻟﻤﺘﺰﻭﺟﻪ ﻓﻲ ﺍﻻﻣﺎﺭﺍﺕ
# ﺳﻌﻴﺪ : ﺃﻣﻪ ﺍﺗﻮﻓﺖ ﺑﻌﺪ ﺇﺟﻬﺎﺽ ﺳﺎﺭﻩ ﺑﻲ ﺃﺳﺒﻮﻋﻴﻦ ﻭﺑﻌﺪﻳﻬﺎ ﺃﻋﻠﻦ ﻣﻴﻮﻟﻪ
ﻟﻠﻌﺎﻣﻪ ...
# ﺣﺴﺎﻡ : ﺣﺴﺎﻡ ﻣﺘﻮﺍﺻﻞ ﻣﻊ ﺍﻣﻪ ﻓﻘﻂ ﻣﻦ ﺃﻋﻀﺎﺀ ﺍﻟﺒﻴﺖ ﻭﺍﺧﺮ ﻣﺮﻩ ﺍﺗﻮﺍﺻﻞ
ﻣﻊ ﺍﺧﻮﺍﺗﻪ ﻣﻦ ﻳﻮﻡ ﺍﻟﻌﺮﺱ ﺍﻻﻛﺘﺸﻒ ﺍﻧﻬﻢ ﻋﺎﻫﺮﺍﺕ
( ﻗﺒﻞ ﺧﻤﺲ ﺳﻨﻴﻦ )
ﺣﺴﺎﻡ ﺍﺗﺰﻭﺝ ﺳﺎﺭﻩ ﻭﻫﻲ ﻑ ﺳﻨﻮﺍﺗﻬﺎ ﺍﻻﺧﻴﺮﻩ ﻣﻦ ﺍﻟﺠﺎﻣﻌﻪ ﻭﺃﻧﺠﺐ ﻣﻨﻬﺎ ﺑﻨﺘﻴﻦ
ﻭﻭﻟﺪ ،
( ﺍﻟﺒﻨﺖ ﺍﻟﻜﺒﻴﺮﻩ ﺃﺳﻤﻬﺎ ﻧﻌﻤﻪ / ﺍﻟﻮﻟﺪ ﺃﺳﻤﻪ ﺃﻣﻴﺮ / ﺍﻟﺒﻨﺖ ﺍﻟﺼﻐﻴﺮﻩ ﺃﺳﻤﻬﺎ
ﻋﻠﻮﻳﻪ )
ﻋﺸﺎﻥ ﺳﺎﺭﻩ ﻛﺎﻧﺖ ﺑﺘﺤﺐ ﻋﻠﻮﻳﻪ ﺷﺪﻳﺪ ﺑﺎﻟﺮﻏﻢ ﻣﻦ ﺍﻧﻬﺎ ﺃﻡ ﻣﺪﺛﺮ ...
# ﺳﺎﺭﻩ : ﺳﺎﺭﻩ ﺍﻋﻠﻨﺖ ﻗﺼﺘﻬﺎ ﻭﻋﻤﻠﺖ ﺟﻤﻌﻴﺎﺕ ﺗﻮﻋﻮﻳﻪ ﻟﻠﻮﻗﺎﻳﻪ ﻣﻦ ﻣﺎﻳﺴﻤﻰ
ﺏ # ﻭﺑﺎﺀ _ ﺍﻹﻏﺘﺼﺎﺏ ، ﻭﻛﻴﻒ ﺗﺘﻌﺎﻣﻞ ﻣﻌﻪ ﺍﻟﻤﺮﺃﻩ ، ﻭﻛﻴﻒ ﻳﻔﺘﺮﺽ ﻋﻠﻰ
ﺍﻟﻤﺠﺘﻤﻊ ﺗﻘﺒﻠﻪ ﻭﺃﻥ ﻳﻨﻈﺮ ﻟﺠﺮﻳﻤﻪ ﺍﻹﻏﺘﺼﺎﺏ ﻙ #ﻛﻀﺤﻴﻪ ﻭﻟﻴﺲ # ﻛﻌﻬﺮ ،
ﻭﻋﻠﻰ ﺍﻟﻤﻐﺘﺼﺒﻪ ﺃﻥ ﺗﺪﺍﻓﻊ ﻋﻦ ﻧﻔﺴﻬﺎ ﺑﺎﻟﻌﻠﻦ ﺣﻔﺎﻇﺎ ﻟﺤﻘﻮﻗﻬﺎ ﻻ ﺃﻥ ﺗﺼﻤﺖ
ﺧﺸﻴﻪ ﻣﻦ ﺃﻟﺴﻨﻪ ﺍﻟﻤﺠﺘﻤﻊ
( ﻷﻥ ﺍﻹﻏﺘﺼﺎﺏ ﻟﻴﺲ ﺑﺈﺭﺍﺩﻩ ﺍﻟﻀﺤﻴﻪ )
ﻭﺧﺸﺖ ﻓﻲ ﺑﺮﺍﻣﺞ ﺗﻮﻋﻮﻳﻪ ﻭﺟﻤﻌﻴﺎﺕ ﺗﺴﺎﻧﺪ # ﺣﻘﻮﻕ _ﺍﻟﻤﺮﺃﻩ ﻋﺎﻣﻪ ﻛﺠﻤﻌﻴﻪ
# ﻛﻔﻰ ،
ﻗﺼﻪ ﺳﺎﺭﻩ ﻋﻤﻠﺖ ﺻﺪﻯ ﺧﻴﺎﻟﻲ ﻓﻲ ﺍﻟﺴﻮﺩﺍﻥ ﻭﺍﻟﻘﻠﻴﻞ ﻣﻦ ﺍﻟﺪﻭﻝ ﺍﻟﻌﺮﺑﻴﻪ
ﻭﺃﻟﻔﺖ ﻛﺘﺎﺏ ﻋﻦ ﻧﻔﺴﻬﺎ ﻭﻻﻗﻰ ﻧﺠﺎﺡ ﻭﺗﻌﺎﻃﻒ ﻣﻦ ﻗﺒﻞ ﺍﻟﻤﺠﺘﻤﻊ ﻭﺃﺳﻤﺘﻪ
تمت