رواية جبروت انثي وسطوة رجل الفصل الخامس والاربعون45بقلم الاء الرحمن
في القصر
ادهم وادم عدوا على والدتهم واطمنوا عليها ووصوا الممرضة انها ما تسيبهاش خالص
ادهم كان هيطلع لاوضته وصلته مكالمة مسجلة بين داني وفريدة بتأكد انه فريدة هي السبب في كل الي حصل بين ادهم ونور
داني بعتله رسالة (كل الي حصل كان بتخطيط من الوالدة وعشان ما تكذبنيش انا بعتلك المكالمة متسجلة ونور انا ما لمستهاش خالص ولا حيت جنبها لو سامحتك ربنا يهنيكم ولو ما سامحتكيش يبقى ربنا بيحبها انه هيخلصها من واحد وسخ زيك وعلى فكرة الڤويس زي ما اتبعت ليك اتبعت ليها سلام يا حلو )
ادهم بصدمة :ماما مستحيل ازاي
ادهم شد عالفون بغضب وكان هينزل لوالدته
ادم بصدمة :هو الي انا سمعته ده صح ولا غلط ازاي امي تعمل كده هو في حقد كده
ادهم طلع لنور بسرعة وفتح الباب
نور بصتله بسخرية :بقى كل الي حصل يكون بتخطيط الست الوالدة
ادهم :نور انا معرفش انا عرفت دلوقت لكن اقسم بالله لاجيب حقي وحقك وحق كل لحظة صعبة عدت علينا
نور قربت منه وبصت جوى عينيه :هسامحك لكن بشرط
ادهم :جاهز لاي حاجة
نور : تكتب شركة العمري بأسمي انا زي ما كنت عايزني اعملك بالزبط
ادهم فضل ساكت وبيبصلها ببرود
نور قربت منه بغضب : لما شفتني بوضع انا معرفش عنه حاجة اتعصبت وضربت وشتمت وانا ما فتحتش بوقي مع اني من جوايا متأكدة انه داني ابرئ من انه يأذي نملة لكن لمجرد احساسي ولو لواحد بالمية اني غلطانة لانك نصحتني كتير قوي ابعد عنه وانا ما بعدتش قلت حقه حقه يعمل اكتر من كده وسكت مع انه دي مش شخصيتي قلتلي هتقعدي بالبيت وهتسلميني الشركة وهتبقي خدامة ليا ولامي
وبسخرية ودموع اهي امك دي الي عملت فيك كل ده تخيل بقى ومسحت دموعها تعرف تقوعت انا بذكائي وقوتي او الي كنت فاكرها قوة اني اقدر لكيد والدتك بعد كلام ماما عنها لكن لا امك دي طلعت شيطان شيطان بدماغ ست دي لازم نضربلها تعظيم سلام بالكيد والكره والاذية وانت طالعلها كوبي عنها ما بتحبش غير نفسك عايز كل حاجة ليك تبقى فوق الكل محدش يقلك لأ
ياااه لو يرجع فيا الزمن اقسملك لو فرشتلي العالم ورد وماس ما كنتش هقربلك يا ادهم انت أذى والبعد عنك سلام سلام يا ادهم
ادهم كان بيتنفس جامد مع كل كلمة بتخرج منها وشدها عليه من وسطها وعينيه بعنيها : قولي كل الي عايزاه برضه مش هسيبك مش هسيبك يا نور حتى لو بالأجبار
نور حاولت تبعده عنها وهي قرفانة منه وادهم استفزته بكلامها
ادهم مسك وشها بأيد وحده بغضب :اوعي اشوف النضرة دي بعنيكي يا نور
نور بغضب :ابعد عني ابعد عني انا مش طايقاك مش طايقة نفسك ولا لمستك
ادهم اتنفس بغضب وزقها للسرير وقلع قميصه
ونور مصدومة ومش مصدقة هو بيعمل ايه
نور :انت هتعمل ايه
ادهم اعتلاها بغضب :هجدد لمساتي ليكي الي تقريبا نسيتبها على شان تفتكريها كويس قوي
نور حاولت تبعده لكن هو كان في دنيا تانية خالص دنيا بيثبتلها انه نور دي بتاعته وبتاعته لوحده وبس
.............................................
عند ادم
كان ماشي وشارد ومصدوم من الي سمعه معقول والدته تعمل فيهم ده كله
دخل الاوضة ندى كانت بتتصنع النوم
ادم خد شاور ولبس بجامة مريحة ومسح على شعر ندى بأيده بحنيه
ادم قرب منها بندم :ندى انتي صاحية ندى حبيبتي
ندى طنشته
ادم باسها على خدها :انا عارف انك سامعاني وصاحية صدقيني انا هتغير ومش هخلي حد من النهاردة يقرب عليكي ولا يجي جنبك حتى لو كانت امي
ندى برضه التزمت الصمت
ادم دورها عليه وندى بتبصله بصمت
ادم وهو بيمشي صباعه على وشها بحنيه :اخر مرة واوعدك هسمح لاي حد يزعلك حتى لو كنت انا هرجع الضحكة على شفايفك دايما
ندى اتنهدت :سمعت الكلام ده كتير يا ادم
ادم باسها على دماغها :لكن المرة دي غير عن الكل المرة دي انا عرفت حقيقة غيرت حياتي كلها
ندى باستغراب :حقيقة ايه يا ادم في ايه
ادم رجع بضهره لورى :انسي
ندى بفضول :اتكلم يا ادم ارجوك في ايه انت قلقتني كده وانا حامل
ادم رفع حاجبه :لا يا راجل
ندى ببراءة :اه والله
ادم خدها في حضنه :كل مشاكلنا ومشاكل ادهم مع نور سببها ماما
ندى :ازاي مش فاهمة
ادم قص عليها الڤويس الي جه لادهم
ندى بدموع :ياااه ايه الحقد والكره ده كله لينا ليه
ادم خدها في حضنه :انسي يا حبيبتي انسي لكن انا من دلوقت هوعدك محدش يقدر يقربلك ولا يقرب لحياتنا من تاني ومش هسمع لحد غير قلبي قلبي الي انتي وبس الي فيه
ندى بصتله بدموع :بجد
ادم حضنها واتنهد :ايوه بجد بجد يا ندى
........................................................
في المشفى
كان داني ومالك وسامي
سامي كان بيبصلهم بقهر وألم وضعف وندم
سامي :سامحوني
مالك وداني بصوبه بسكون تام
سامي نزلت منه دمعة مقهورة :انتوا لاتنين اتضلمتوا مني انا مش من مروى انا الي كنت اناني بحبي ليها
سامحوني سامحوني ارجوكم
مالك اتنهد ما عرفش يقول ايه
داني بصله بقرف :انا مليش اب عايش هيفضل ابويا طول عمره ميت ايوه انت الي عملت فينا كلنا كده
سابهم ونزل الكافتيريا تحت
مالك :سيله سيبه دلوقت هيهدا ان شاء الله طبيعي ما يكونش متقبل حد
هنا جه مازن وسيرين وعيلة مازن
سيرين جريت على جدها :جدو انت كويس انا اسفة انا عرفت من شوية ازاي طنط مروى كويسة
سامي اتهند :كويسة ان شاء الله هتكون كويسة
مازن سلم على مالك وسامي :حمدالله على سلامتها
والده :احنا عرفنا من شوية بس
سامي :فيكم الخير
مايا :سلامتها يا عمي
سامي هزلها بدماغه بدون ولا كلمة
مازن حس بالتوتر ومش فاهم في ايه لكن ما حبش يسأل كلم ادهم ما ردش
مالك :ازيك يا سيرين
سيرين :الحمدلله كويسة جدا
مايا حست بالوضع وصدمتهم :احم سيرين ما تيجي نجبلهم حاجة يشربوها
سيرين : انزلي انتي وانا هحصلك
مايا نزلت
مازن قرب من مالك :هو في ايه
مالك خده على جنب هو وسيرين وشرحلهم كل الي حصل ومازن مصدوم من الي قاله
في الكافتيريا
مايا كانت ماسكة القهوة وماشية
خبط فيها حد ادلقت القهوة على الترض
مايا بغضب :مش تفتح يا اعمى انت افرص ادلقت عليا
داني بصلها من فوق لتحت :اقسملك بالله ما هي ناقصة قرف حلي عن نافوخي احسن
وسابها وطلع للمشفى
مايا بغضب:قليل الذوق
ورجعت للكافتيريا طلبت قهوة تاني وطلعت
داني طلع فوق كان مازن وعيلته
سيرين قربت منه بهزار : قال بيقولوا انك عمي يااه ده انا الحظ بيلعب معايا النهاردة
داني بصلها ببرود
مازن قرب منه :ازيك يا داني
داني ببرود:كويس وسابهم وقعد
هنا جت مايا
سيرين :اتاخرتي ليه
مايا بغضب :في واحد رزل وقع مني القه ولسه هتكمل شافت داني الي بصلها ببرود
سيرين بصتلها بتبص فين
مايا :مين ده
سيرين :ده عمي داني
مايا بصتله بغيظ وداني طنشها
سيرين بضحكة مكتومة :يبقى هو ده الرزل
مايا وهي بتجز على سنانها :اخرسي وخدي من ايدي
...........................................
عند منال
كان النقاش محتد بينها وبين نبيل
نبيل بنفاذ صبر :عايزة ابه انتي دلوقت
منال بغضب :عايزاك تاخد موقف وتطلق نور من ادهم حياة البنت كده مش حياة ده قارفها
نبيل :حاضر هحاول
منال ضربت على نور
الي كانت شاردة وبس ودموعها صامته ومتحجرة
ادهم بعد عنها وهو متجنن من الي بيعمله فيها لكن هو فعلا وصل لمرحلة الجنان واللا وعي معاها
هو مش هيعتذرلها خلاص لانه عدا مراحل الاعتذار خلاص هو هيبقى معاها بالاجبار
ادهم بصلها بغضب :انتي انتي الي بتوصلينا لكده يا نور وبصراخ انتي ليا لوحدي مش هتكوني لغيري خالص
نور قامت بصمت ودخلت التواليت شغلت المية وفضلت تحتها والمية مختلطة بدموع ندم خارجة منها
ادهم خبط ايده بالحيطة لدرجة انها نزفت دم :انت اتجننت اتجننت خلاص يا ادهم ده مش شغل عاقلين
نور اتاخرت جوا ادهم قلق عليها جدا
خبط على الباب ما فتحتش
ادهم بقلق :نور نور انتي كويسة نور
نور خرجت وأثار جسمها كلها عنف من الي عمله فيها ومقاومتها ليه
ادهم اتصدم من منظر جسمها
نور قفلت النور ونامت بصمت
.....................................................
في الصباح
فاق ادهم بص لنور بندم ولبس ونزل لوالدته
فريدة بعتب :كده يا ادهم كده ما اشوفكش امبارح غير خمس دقايق بس هو انتوا ناسيني ولا ايه
ادهم بصله بجمود :يا ريت اقدر انساكي يا ريتني اقدر اتخطى انك امي وجبتيني من رحمك يا ريتني اقدر اتخلى عنك
فريدة :في ايه
ادهم فتح الفون وسمعها التسجيل وهي دموعها بتنزل
ادهم :عايز افهم ليه ليه تعملي كده ليه عايزة تبعديني عن الست الوحيدة الي عشقتها ليه مصرة تعذبيني ببعدها عني ليه وبصراخ قولي اتكلمي انا عمري أذيتك عمرك طلبتي مني حاجة وما عملتهاش عمري سبت حد يجي جنبك او يأذيكي بكلمة ليه ليه تعملي فيا كده انتي دمرتيلي حياتي خسرتيني الست الي بعشقها بجحودك وجبروتك
وبتهديد انسي لو ليكي ابن اسمه ادهم
فريدة لسه هتتكلم سابها ومشي وهو بتلطم على وشها وندمانه على الي عملته
دخل ادم عليها وسمع كل حاجة قالها ادهم
ادم :معاه حق ادهم بكل حاجة قالها وعملها ابعدي عن حياتنا ليكي مني الاحترام وبس غير كده ملكيش عندي ولا عند مراتي اي حاجة
فريدة بدموع :ادهم ادم ارجوكوا ما تسيبونيش ادم ارجوك انا عملت كده لمصلحتكم ادم اااه يا ربي ولادي
............................................
عند نور
فاقت جسمها كله كان بيوجعها بصت حواليها وحمدت ربها انه ادهم مش موجود تحاملت على نفسها وبدلت هدومها وراحت للمشفى
ودخلت للطوارئ اثبتت واقعة ضرب وتعنيف حامل
وبعتت صور الاشعة والتحاليل للمحامي والمشفى بلغت عن حادثة اعتداء
اسد :تمام يا مدام نور كل حاجة هتم بالسر واوعدك انه جوزك ادهم العمري هيبات في السجن النهاردة
نور قفلت معاه :خلصت يا ادهم خلصت حكايتنا ما بقاش فيه نور وادهم فيه نور وحطت ايدها على بطنها نور وابنها وبس