رواية نور وسط الظلام
الفصل الثامن8
بقلم هنا سلامه
وفجأة.... نور دخلت مخضوضه عشان اول مره ينزل من غيرها لكن لقيته ماسك ايد منى و مقرب منها اووي فسرت الموقف بشكل تاني خالص و قالت و عينها مليانه بالدموع : انا.. انا اسفه اني مخبطش على الباب.. اسفه
آدم يقطعها : نور انت فهمتي غلط انا كنت..
نور تقاطعه : ميهمنيش اعرف كنت و لا مكنتش.. انا هستناك بره يا أدم بيه لأن على ما اعتقد ان وقت الشركه في يوم حضرتك كده خلص
لسه رايحه تمشي قام مسك ايديها و قالها : متقطعينيش و متعقبينيش على حاجه انا معملتهاش اصلاا اولا هي كانت بتتكلم عنك بطريقة وحشه مسكت ايديها بقسوة و قولتلها تحترم نفسها
نور في نفسها : هو يمكن فعلا ده الي حصل يا نور متظلميهوش
نور بتفهم للموقف : انا اسفه على فكره انا فهمتك غلط
آدم بضحك : بقينا بنفهم بعض غلط كتير على فكره
نور : اه.. يلا بطل لكاعه لازم نروح
بعد شهر من خطة الشريط بتاع الدواء إلى عدت بسلام و نور و أدم إلى كانو كل يوم بيقربو من بعض اكتر و يكتشفو في بعض حاجات
آدم بليل بعد العشاء : نور انا عاوز اقعد شويه
نور : طيب خلاص نقعد
آدم : لا انا عاوز اتكلم مع عم محمد في حاجه
نور : بتخبي عليا ايه يا ولا انت * غمزت*
آدم بضحك : لا و الله عاوز اقعد معاه عادي يعني
نور : ماشي يا سيدي هسيبك.. تصبح ع خير
آدم بحب : و انت من أهلي
نور بصدمه: ايه قولت ايه!
آدم بكسوف : احم.. بقول و انت من اهله
نور : ماشي
بقلم هنا سلامه.
في قوضه نور
ريم : الو
نور : الو يا بت
ريم : على فكره شوفت صوره آدم إلى بعتيها لي و انا اقول انت ساكته على الشغل الصعب دة ليه اتاري الولا قمر
نور بغيره : ما تتلمي يا ريم انا غلطانه
ريم بضحك : بهزر يا بت
نور : طيب انا بحبه اووي و خايفه يضيع مني يا بت اعمل ايه
ريم : دي فيها تفكير قوليله
نور : اقوله ايه هو مش المفروض هو الي يقولي
ريم : هو بيحبك و لا لا؟!
نور : هو بيغير عليا بس مقلش صراحه انه بيحبني
ريم : بصي أنت تدخلي عليه بحمام انت الي عملاه بحيث يعرف انك ست بيت شاطره و..
نور تقاطعها : يا بنتي انت بتقولي ايه حمام ايه بس!
ريم : ايه المشكله في الحمام يعني
نور : حمام ايه بط طبعا
ريم : انت هتجننيني يا بت انت
الباب بيخبط
نور : طيب اقفلي دلوقتي.. باي
نور : مين
آدم : انا يا نور
نور : اتفضل يا أدم
آدم : معلش انا جيت اقولك على حاجه
نور : اتفضل طبعا
آدم : انت عاوزه تعرفي انا كنت مع عم محمد ليه؟!
نور بفضول : اه اكيد يعني.. قول
آدم بفرحه : اصل هتجوز بنت خالتي بكره