رواية خطأي انني احببته
الفصل السادس والسابع
بقلم ميفو السلطان
مرت الايام علي ياسين صعبه فبعدها الهب فؤاده وكان يحدثها كثرا وهيا ترد عليه باقتضاب وكان يتفنن في ملاطفتها وتذكيرها بذلك العريس ويتفنن ايضا في تسوئ صورته امامها وهي من الاساس لا تريده حتي ملت واخبرته انها رفضته ليستريح قلبه ويهتف.. بجد يا مرام اديتي للزفت ده سكه احلفي...
كانت لهفته توجعها ولا تعلم اخره تصرفاته هذه كيف يريدها هكذا ولا يقدر علي عقله وغروره..
الا انها قالت متصنعه المرح.. لا ماما مش هتعتقني كلها اسبوع وهترازيني بحد تاني لحد ما أزهق واتجوزلهم اي حد معدي... الزن هيخلص علي دماغي...
ليهتف بحنق... مرام مش حاجه ظريفه هزارك ده بلا جواز بلا زفت يعني انت شايفه المتجوزين مبسوطين(حقه. المتجوزين هيطرشقو من الفرحه 😂😂) . ليقول.. ما انا اهوه مابتجوزش..
لترد عليه .. اه ما بتتجوزش بس بتصاحب بالكوم.. دانتا مش عاتق حد.. تيجي عليا انا ومش عايزني اشوف نفسي مش هخلل انا ... كانت تريد ان توجعه فهي تعلم حرقته..
ليهتف بغضب... دول اي كلام انا مش جد في علاقتي وبطلتها اصلا يا مرام بقالي فتره ربنا هاديني وما خرجتش مع جنس ست.. انت مش واخده بالك والا ايه..(والا ايه 😂😂😂 وبقيت مؤدب وبشرب اللبن 😅😅)
لتقول بقهر.. .. اه واخده ربنا يهديك وتلاقي بنت الحلال اللي تلمك وتعيش معاها مبسوط.. ليصمت ويتنهد.. اعيش مبسوط وتلمني.. طب نفسي وهموت والله واتلم عليها.. كان هادئاكونها معه وبجواره..
لتقول متصنعه المرح لتحرقه.. بص هو بيبقي عقد وينفرط انا اتجوز وبعدين فادي وخليك للاخر ختامه مسك هفرحلك اوي...(رشي يا بت جاز واحنا هنجيب الولعه😂)
ليهتف بغضب.. هتفرحيلي.. طب اقفلي بقه عشان ماتغاباش عليكي ال تتجوزي وافرح ونفرح لبعض اقفلي وروحي نامي اتخمدي يا مرام نكتدي عليا..
لتهتف متصنعه البراءه.. ايه بس مالك هو انت هتقعد من غير جواز دانت عديت التلاتين ايه مستني لما تجهز اجي اسلفك قرشين..(يكفيكو شر كيد الن$وان 😂😂😂)
ليتحامل علي نفسه.. مش هتجوز مش بتاع جواز انا بطلي بقه...........(.امال بتاع ايه يا واد.. يا دكري 😂😂😂)
لتقول بوجع تحاول ان تداريه.. ليه مش بتاع جواز دي سنه الحياه يعني هتفضل كده طول عمرك انت مش ناقصك حاجه الا انك تحب كانت تخرج الكلام بصعوبه..
ليرتبك ويفكر فيها... لا يا مرام مش قصدي.. هتجوز طبعا بس مش في دماغي دلوقتي..
لتقول اما تلاقي اللي تحبها صح هتتجوزها..
ليقول بغلب.. اه يا مرام لما الاقيها..
لتهتف وتهمس ونزلت دمعه من عينها.. هو طول السنين دي مالقيتش حد دانت بتشوف ستات بتبرق..
ليتنهد ويتخيلها امامه.. مش اي ست يا مرام مش اي ست
لتقول اخيرا من وجعها منه فلم تعد قادره علي مايفعله بها.. .. امم انت حاطط عينك بقه علي حاجه كبيره بنت وزير والا حاجه ماشي يا ياسين بيه الله يعينك بقه وسيبنا انا والغلبان فادي ننقي ابو قرش وابو قرشين...
لينفعل عليها.. قلتلك انا مش زفت بيه هو فيه ايه مالك مزفتاني كده.. ووزير ليه وزفت ايه وماتتكلميش عن نفسك كده تاني قدامي...كان منفعلا بشده لا يقبل منها الكلام رغم انها تكرر ما سمعته منه لتستعجب من اندفاعه..
لتتنهد طيب طيب انت كلو خناق كده انا مش عارفه انت بقيت عصبي كده ليه.. لتقول بنبره صادقه.. ربنا يوفقك بجد يا مستر ياسين انت ومستر فادي انت اقرب ناس ليا واتمني فعلا ليكو الخير انتو اخواتي بجد..
ليهتف ياسين بغضب.. اخواتك ازاي انت اتجننتي..
لتبهت هيا قليلا وتقول بوجع... ايه يا ياسين بيه ماشبهش والا ايه عموما انا اسفه مش هتتكرر تاني تصبح علي خير.
ليصرخ فيها... والله لو قفلتي الخط لهتلاقيني قدام الباب ليكمل انت بطلي غباء انا مش قصدي حاجه.. انت اكتر من اخت لا اخت ايه انت صديقه غاليه..ليقول بحنيه اوجعت قلبها.. انت غاليه اوي عندي والله..
لتتنهد من فرط انفعاله بتعمل فيا كده ليه حرام عليك لتتنهد وتقول.. خلاص يا ياسين بيه مفيش حاجه...
ليغضب تاني... هتقلي يا سين زفت.. يا مرام انا مش زفت. انا عمري بالنسبالك ما هبقي بيه انت فاهمه بطلي عشان بتعصب وبتزعلي.انت بالنسبالي مرام حاجه كبيره اوي وانا ياسين اللي بنشتغل مع بعض انت مابتشتغليش عندي..
لتضحك بسخريه.. حلوه مابتشتغليش عندي دي.. امال بشتغل عند مين.. انا بشتغل عند ياسين بيه الكاشف بجلاله قدره هو انت اي حد ..
ليقول بغضب يحرقه.. استغفر الله العظيم هو انت حد مأجرك عليا انهارده تحرقي دمي. ماله ياسين زفت الكاشف بتبصيله كده ليه عادي يعني اهو زفت راجل زي بقيت الرجاله (اه زفت ملبوس 🤣 🤣 🤣) .
لتبعد التليفون عنها وتهز راسها وتهتف والله ملبوس.. لتشعله اكتر.. خلاص يا عم انت مالك اتعصبت كده مش حته السكرتيره بتاعتك اللي هتعصبك..
ليحس بكلبشه في صدره من كلامها. ويحس بحقارته عندما قالها لفادي ويشعر بالقرف عندما سمعها منها تقولها علي نفسها.. ليصدح صوته.. قطع لسان اللي يقول عليكي كده..(يا ولاد حد يلحقنا بتلفون الخانكه 😎😎😎)
لتنشل اوصالها فجأه هو فيه ايه هو اتجنن ليكمل.. انت ازاي قدرتي تقولي كده.. انت مرام اللي تتحط عالراس وتدخل القلب.. انت عندك غباء يا مرام مش عارف جايباه منين انت مش حاسه بحاجه. ليحتد اخر مره اسمعك بتقولي زفت بيه وزفت سكرتيره انت مش سكرتيره انت اللي شيلاني ووواقفه في ضهري.. .
كانت مشلوله من انفعاله.. هو مجنون امال قالي كده ليه هو بيعمل كده ليه قلبي وجعني يا ربي.. لتقول خلاص خلاص دانت بقيت بلمس.. بكره تتجوز واشوف مراتك هتعمل ايه فيها وتتطلع زعابيبك دي عليها بس انا هتجوز قبلك عشان افرح واغيظك وانا وفادي نشمت فيك ونفرلحك.
ليهتف طب كفايه عليكي كده بدل ماجي افلقك نصين ونفرح كلنا.. اقفلي يا مرام اقفلي قفلتيلي يومي ونكدتي عليا.. واقفل الخط وظل يأكل نفسه من الغيظ.. عايزه تتجوز قبليا كمان اتجوز وتفرحلي.. دا بعدها تتجوز ال...وبيه وزفت وقطران.. دا حاجه تجلط انا عارف هتموتيني يا مرام بحسرتي.. ياسين زفت الكاشف.. وبتقلي بنت وزير نهار طين البت مسافره بعيد واخده السريع وبتبعد عني.. اه مانا ياسين بيه احط عيني علي حاجه كبيره.. دماغها محشور زفت طب اعمل ايه اخرج الكلام ده من دماغها ازاي لا وتقلي اختك.. يا قهرك يا ياسين انت مش في دماغها طب اعمل فيها ايه وتبصلي هيا مابتبصليش ليه.. يا قلبي دانا هموت عليكي والله وانت نازله هبد واتجوز واتهبب واجيب ست.. الله في سماه ما يتسمالي ست غيرك.. دانت اللي في العين والقلب.. طب ايه يا ياسين مش تعقل بقه البت كانت هتروح وفادي قالهالك.. هتنشل يا ياسين وتموت لو مرام راحت .. ليتنهد يا رب ماعتدش قادر
اما هيا فكانت في حال اخر.. هو ماله بيتكلم كده ليه امال وجعني ليه كده هو ملبوس والا مجنون يا رب انا موجوعه اوي.دا عكس كل كلامه امال عمل كده ليه . ميفو ميفو ..
دخل عليها محمود وكان صامتا وظل يتحدث معاها ولكن موده كان سيئا لتقترب منه...
ليقول مفيش خلاص اخر ميعاد للتقديم الاسبوع الجاي حاسس اني مقهور..
سرحت قليلا واحست برجفه في قلبها وكان عقلها يفكر في شئ وقلبها ينهرها الا ان عقلها تغلب عليها لما تعانيه وما عانته من ما حدث... فقررت اخيرا شيئا ستجعل ياسين يصاب بفاجعه ستطبق علي روحه لتتقدم من محمود وكلها عزم علي المضي فيما تعمل لتقول...... خلاص يا محمود انا موافقه نتخطب السنه دي..
لينظر اليها محمود ببلاهه غير مصدق.. انت بتتكلمي بجد يا مرام.. بحق وحقيقي والنبي هتوافقي..
لتبتسم وتقول اه يا اخره صبري واخر السنه ننفصل بس بشرط مفيش مخلوق هيعرف بده لازم توعدني بيه..
ليقترب منها ويقبل يدها ربنا يخليكي يا مرامتي اما اقوم الحق اقول لخالتي وامي قبل ماترجعي في كلامك... وقام مسرعا وهيا تشعر بالوجع.. كده يا ياسين.. ليه تعمل فينا كده...
لتتنهد لتسمع محمود ينادي يا خالتلي يا خالتي يا خااالتااااي..
لتدخل خالته ايه يا زفت بتهيص ليه..
ليقول اخيرا يا خالتي بنتك وافقت..
لتهتف بجد وافقت علي كريم..
ليقول كريم ايه يا حاجه نعمه ماتهمدي كده وصلي عالنبي في سرك.. دا وافقت علي سبع الليل فارس الفرسان محمود شكري كانت مرام تضحك بشده علي لسعان ابن خالتها.. لتهتف امها.. ودا من امتي الحب اللي ولع في الدرا دانتو ناقر ونقير.. واد يا محمود انت لسعت..
ليهتف يا دي النيله علي اللسعان محمود دلوقتي هيبصلكو من فوق انا هتنقل في شركه ايه فوق فوق... وهعطف عليكو.. لتنظر اليه مرام بسخريه... لا والنبي ايه طب اقوم بقه ادخل ماهردش عليك وانسي اللي اتقال..
ليقترب.. لا وحياه ابوكي دانا بق وجزمه حد يسمع للجزم.. هنشتري الدبل امتي يا قلبي ونلقط صورتين كده ونزلهم عالفيس وستوري وانستا ههريكي صور عشان الناس تتاكد. لتبتسم بخبث.. حلوه فكره الصور دي حابه اوي الناس تااكد ونشوف رد فعلهم..(يا حسرتووووووه🤣🤣)
لتهتف الام.. طب امك يا واد ابعتها اما نشوف نحضر لايه وهنعمل ايه..
لتقول مرام.. حيلك حيلك هما دبلتين هيتحطو من سكات والحفله في الفرح انا تعبانه يا ماما ورضخت الام لضغط من ابنتها.. ليمر يومان كانت استأذنت هيا من رب عملها وكان هو وصل لاخر مرحله من اشتياقه فاراد ان يذهب اليها ويأخذها في حضنه... اما مرام فكانت كالمغيبه فعلت كل ذلك لتخبره انها خلاص لم تعد موجوده له كانثي او متاحه وانه فقدها للابد فليعيش مع نفسه وانجازاته.. كانت تريد ان تعرفه ان مشاعره لن تكون ابدا لها وانها ابدا لن تكون له فممرام ستكون مع رجل اخر ولا ولن يقربها هو لتبعد عنه رغم قربها.. الالاف الاميال..كانت تحبه وتعشقه ولكنه طعنها بكلماته كانت تتمني ان تعيش عمرها راهبه صامته ترضي بالقليل من وجوده في حياتها ولكنه ابعدها غباءه...ميفوميفو
كان محمود سعيدا واخذها واشترو الدبل وهتفت له يلا نلبسها ونتصور في اي حته وقفو في بعض الاماكن بين الزهور ولبسو الدبل وحضنها محمود من الخلف ورفعا الاثنين صوابعهم والسعاده تشع من الصوره وتصورا ايضا بعض الصور تجعل من يراهم يحس انهم يعشقون بعضهم.. عادت الي البيت وبدات في نشر تلك الصفح علي مواقع التواصل والانستا وكتبت حدث سعيد وبسيط افرحولي.. حوده حبيبي ابن خالتي.. وانزلتها وهيا تنتظر موت حبيبها بيدها كما فعل بها كانت تتوجع الف مره ولكنه هو السبب هو من دفعها لتحافظ علي كرامتها من دونيه تفكيره.وهو الذي كان يظن ان افكاره هذه منغرزه بداخله ويصدح بها ليكتشف بعد فوات الاوان انها كانت مجرد شعارات سطحيه قضت عليه وعلي قلبه والداخل يحترق.. وفي دواخله لم يعلم ان لم تكن هذه الافكار الا غرور تحطم وانكسر علي فاجعه بعدها..... ..
كان فادي يسهر في احد الاماكن ومعه ياسين المتزمر دائما لم يعد يهوي السهر ليبوبخه فادي.. دانت عيل بومه يا اخي مالدنيا حلوه ايه فيه ايه...
ليهتف قوم قوم اما نروح ونقعد في البيت يلا قوم.. ليستسلم فادي ورحل ياسين بالعربه وكان فادي يتفحص موقع التواصل الاجتماعي ليسقط قلبه وينظر الي ياسين برعب وماذا سيفعل.. ميفو ميفو..
ليصلا الي البيت ويدخلا المكتب ليدخل ياسين ويسقط علي الكنبه مهموما وفادي وراءه مرعوبا مرتبكا...
ليقطب ياسين جبينه ماتخش ياض مالك متصنم كده..
ليقول فادي.. هاه اه هخش اهوه هخش..
فنظر ياسين الي تلبكه..مالك يا فادي وشك اصفر انت فيه ايه
لينظر فادي اليه بوجع.. هقلك بس.. بس بالله عليك تمسك نفسك وتعرف ان كل شئ قسمه ونصيب. ..
ليقطب ياسسن ويشعر ببعض الخوف.. فيه ايه..
ليقترب منه ويبحث عن موقع مرام ويرتبك قليلا ثم يعطيه له. لياخذ ياسين الفون ليهوي قلبه من مكانه واحس ان الدموع ستحرق عينيه. وهو يري مرام واقفه وورائها محمود يحتضنها والاثنين يرفعو يديهم بابتسامه صافيه وتحت الصوره.. حدث سعيد ادعولي.. ثم باقي الصور وهو ينظرون لبعض بسعاده والتعليقات يدعولهَ بالخير والزواج القريب..
ظل ياسين مشلولا لبعض الوقت فقلبه سيخرج من مكانه وانفاسه ستطبق عليه ليتكلم اخيرا.. ازاي مش كان كريم وخلصنا منه.. يخشلي محمود.. انا كنت حاسس ان الواد عينه منها.. بس مابانش عليها انها بتحبه..ليحس ان قلبه سينشق ويهمس بقهر غير مصدق.. مرام تحب وتتجوز.. مرام تتجوز وتسيبني.. تسيبني انا قدرتي تسيبيني يا قلبي..
ليهتف.. فادي تسيبك ايه انت عقلك خف.. هيا مش حاسه بيك من اصله ولا شيفاك انت اهبل..
ليصرخ.... ومش حاسه بيا ليه ولا شيفاني ليه مش راجل قدامها مفيش ست بتشوفني الا وهتموت عليا(ام النرجسيه يا اخي 😏😏) .. سنين وهيا مش حاسه ليه انا ماتشفش ليها ليه دا هيا جوا عيوني..
ليستغرب فادي.. انت يابني ايه ده وهتحس بيك ا اي انت عملتلها حاجه.. ولو حست هتستفاد ايه مانت مش عايزها..
ليصرخ ياسين.. بس بس مين ده اللي مش عايزها دانا حاسس اني بتقطع.. الصور هتموتني انا قلبي بيتشقق وعروقي كأن جواهم زيت مغلي.. انا مش عايزها ليجلس بوجع.. وتنزل دموعه دانا هموت عليها يا فادي.. دانا بتمناها كل دقيقه..دانا بنام احلم بيها واقوم ادور زي المجنون. تقوم تروح مني كده.. طب اعيش ازاي باللي شابط جوايا.. لا وهيا المفروض بقه تكَمل معايا واقعد مستني اما تجيب رقبتي وتكمل عليا وتتجوز. لا لا والله ما يحصل.. محمود ده لازم يغور في داهيه انا مش هستحمل هيا تسيبه هيا ما تنفعش تبقي لغيري وقام من مكانه ومسك مكتبه وازاح ما عليه من غضبه وظل يدور حول نفسه من هلعه من فقدانها.. ليمسكه فادي اهدي اهدي طيب مانا قلتلك الحقها قبل ماتحب..
لينظر اليه بغضب وجنون.. تحب.. مرام ما ينفعش تحب وتتجوز غيري.. مرام بتاعتي انا وبس ولو طلت هموتها واموت نفسي..
ليبهت فادي.. تتجوزها مش انت يابني اللي قلت عليها حتته سكرتيره والناس هتاكل وشك انت ملبوس..
ليهتف ياسين بغلب.. لا كنت حمار(وبقره بتنعر عااا😎😎😎) ماكنتش متخيل اني هتوجع كده ماكنتش متخيل ان بعدها هيموتني كده.. انا ادوس علي اي حاجه ولا انها تفارقني لحظه.. انا اموت نفسي تحت رجليها ولا ان حد يحط صابع عليها انا موجوع اوي وحاسس اني بموت..انا هتجنن يا فادي البت دي ماشيه في دمي سنين وانا محوط عليها مابخلي مخلوق يقربلها.. سنين ورجاله بالكوم كلموني عليها وانا ببعدهم.. سنين وبقول دي بتاعتي وماحدش يقربلها غيري.. تقوم تلف الدنيا من ورايا وتخلع قلبي وتقول اهوه اتاخدت منك عشان تبقي تتتكبر لخلق الله كويس عشان تعمل نفسك فوق الكل.. ربنا بيعاقبني انا عارف..ايه اللي كنت فيه ده ايه الغرور والقرف ده.. مالي كنت مستكتر نفسي عليها كده... ليهتف بحنان وحب.. . دا حبيبي مفيش زيه.. دا ست البنات كلهم.. يعني ازاي كنت هضحي بضحكتها الصبح وهيا بتصحيني.. انا ازاي غبي كده.. ازاي استقويت والشيطان عماني عنها كده..بخت كنت مت قبل ماشوفها في حضن واحد تاني.. ايه دلوقتي مبسوط يا ياسين بيه يا كاشف.. ما هي قالتلك بيه يعني بعيد وانت نفسك تحفي تحت رجليها.. ياسين الكاشف استكتر نفسه علي حبيبه قام حبيبه غرز سكينته في صدره.. ياسين الكاشف ايه يعني ايه.. حاجه تضحك والله لا وااقول حته سكرتيره.. عيل زباله ومريض وفاكر نفسه حاجه وهو مايسواش.. قالتلي الحب مش بالمقامات يا ياسين.. اني ارجع بقه وافهم لا ازاي لازم اتكبر لحد مالغرزه تيجي صح.. غرزتك صح الصح يا ياسين بيه يا كاشف وتستاهلها.. ناس مين اللي يفتحو بقهم لما تتجوز محروق الناس عاللي عايز يعرفهم.. اهو ماعتش طايلها عمري لما روحي هتطلع.. ايه ده ايه القرف ده.. انا ازاي كنت كده ازاي معقد ومتعنطز تقولش فوق الناس.. من كتر ماقبلت الرخيص استهونت بالغالي.. اهو راح يا ياسين.. نور عينك الاتنين راحو وسابوك تبكي دم في الضلمه اللي طبقت علي روحك . ايه القرف اللي كنت فيه ده.. يعني ايه ياسين الكاشف.. اهو هيبقي ممسحه تحت رجليها يترجي منها نظره.. انا مش متخيل هيا بتعمل ايه دلوقتي.. قاعده بتضحك مبسوطه.. طب هوا ماسك ايدها.. لا مش مستحمل.. هموت من التخيل.. ليفز.. يا حزنك يا ياسين امال لما يتجوزها... يتجوزها.. لا استحاله يتجوزها.. لا نفسي مش قادر اخده من الوجع.. كده خلاص راحت البت اللي بحبها..
ليهتف فادي.. بتحبها يا ياسين اخيرا نطقت..
ليقول ياسين بوجع.. بحبها وضحك بغلب.. دا اتمكنت مني ومن كل شبر في جسمي.. بحبها دي قليله.. دانا بعشقها عشق.. تحسها ماشيه مع دَمي اللي حاسه بينجلط دلوقتي. اهو انا دلوقتي ولا عت هسوي شلن وهيا بعيد.. قلبي انداس عالارض يوم مادبله راجل تاني اتحطت في ايديها.. وكرامتي اندعكت يوم ماشفتها في حضن حد تاني.افرح بقه يا ياسين يا كاشف.. حتته السكرتيره جابت بوزك الارض بسهوله وهتفضل تعض كده للنهايه.. استكترت نفسك عليها ام ربك خدها منك خالص عشان يقلك عيش مع نفسك اللي ماتسواش عيش معاها واتملي فيها ومش هطولها.. فلوس الدنيا وشركات والبت راحت ولا هتبصلك ما مرام مش زي اي حد .. انا الغرور موتني وقضي عليا بس بعد ايه شفت اللي بقالك سنين محاوط عليها وعملت البدع وهيا قدامك ماحدش يقربلها في دقيقه من وراك بقت في ايد غيرك..وانت قاعد تتحسر وهتفضل لاخر نفس تتحسر.. وكله من دماغي اللي اتخبط في عقلي ومشيت ورا غبائي.وليه دلوقتي انا نادم مانا اللي عملت مش فاهم وسيبت الدنيا توديني.. وياما قلت مش فارق وجاي دلوقتي متفاجئ.. طلعت بجد حبيتك َو ما مالقيتك .ونفسي راح مني وروحي راحت لغيري اروح فين بقهرتي دي هو ايه ده انا ازاي كنت كده.. زباله.. ازاي مستحمل نفسي كده انا قرفان وهموت ايه ده.. وعشان كده ربنا بيعاقبني اني اشوفها في حضن حد تاني.. . بس لا والله ماقدر ما ينفعش تتحضن من حد تاني.. انا هموت.. انت عارف معني كده ايه.. دا محمود متربي معاهم.. يعني بيحبها من زمان واكيد هيا بتحبه..لا ماينفعش تحب غيري وتبقي مع غيري.. حد يلمسها.. قلبي هيقف هموت.. ماحدش يلمسها غيري دي بتاعتي بتاعتي انا.. حاسس اني قلبي هيقف.. قلبي هيقف يا فادي الحقني... هاتلي مرام يا فادي..هاتلي حبيبتي.. ااااه ليصرخ مره اخري بصوت اعلي ااااه ويسقط ارضا من هلعه من فقدانها.. فسقط ياسين من وجع قلبه الذي كان سقوطه جراء افعاله وافكاره التي لم يعلم انها ستقضي عليه وعلي صلفه وغروره ويتحول الطاوس بريشه الي كائن فقد حياته لا يعرف كيف يعيدها اليه مره اخري. فنحن لا ندرك قيمه ما بيدنا الا بعد فوات الاوان.. فهل سيستمر وجعه الي هذا ويكتفي ويعيش وقد تلطخ ريشه بالسواد ام سيقوم وينفض نفسه ليعيدها تحت ريشه الملون لتنعم به ليكون ذلك الريش لاسعادها وليس التبجح به عليها... ننتظر ونري..
الفصل السابع
اخذ فادي ياسين علي الفور وحمله مع الحرس وذهبو الي المشفي ليطمئنه الطبيب انه انفعال زائد عن الحد وانه بخير وسيقضي الليله فقط وسيكون بخير في الصباح لينام ياسين موجوعا لا حيله له فيما اوصله عقله اليه..ميفوميفو
في الصباح ذهبت مرام الي الفيلا ليخبرها الخدم ان ياسين في ٨ ان وصلت هرعت اليه لتفتح عليهم الباب وقلبها سيقف علي حبيبها فرغم قسوته وتجنيه عليها لا زال القلب ينبض غصبا كانت كالمجنونه تشعر بالهلع من فقده فخمس سنين حب صامت اوجع قلبها لتدخل بانفعال لتجد ياسين مستلقي شاحب الوجه مستيقظ وفادي جنبه...... ميفوميفو
لتهتف بخوف ولهفه.. ياسين مالك فيك ايه.. كانت من لهفتها نست اي القاب...
ليغمض عينيه من لفظها لاسمه وينبض قلبه بشده لينظر اليها ويبتسم..
لتقترب بسرعه وتمسك يده لينفجر قلبه من لمستها ويزيد وجعه لتهتف بلهفه.. فيك ايه َمالك.. ياسين قولي انت شكلك عامل كده ليه..
لينظر الي فادي ليفهمه(وسعله سكه اواد 😁😁) ليقول بمرح... طب يا عم مرام معاك اهيه مش هتبقي لوحدك وانا اروح الشركه ماينفعش تتساب كده يلا سلام يا حبيبي...
انصرف فادي ومرام تنظر الي ياسين بحب شديد ولهفه وتمسك يده وهو مغمض العينين ليحس بلمستها اكتر وقت.. لتهتف بحب صارخ... ياسين انت ساكت كده ليه َمالك طيب فيك ايه.. ليفتح عينيه بوجع.. موجوع يا مرام موجوع اوي..
لتهتف وتمسد علي يديه.. من ايه مالك انت شكلك صعب اوي طمني عشان خاطري...
لييتنهد ويمسد يدها ليحس بدبلتها ليتصلب وجهه ويتألم ويظهر علي وجهه الانفعال.. لتقترب منه وتضع يدها علي كتفه.. انت فيك ايه ماتوجعليش قلبي حاسس بوجع اجبلك الدكتور...
هيا بتبصلي كده ليه قلبي هيخرج من مكانه وايه لهفتها دي ليتحكم في نفسه ويتنهد ويهدا ليقول.. مفيش يا مرام.. ارهاق شغل والله تعبت بزياده..
لتقول كده يا ياسين انت طاحن نفسك في الشغل عشان ايه ده كله.. مش هنعيش اكتر من ايامنا.. بس نعيشها صح يا ياسين..
ليهتف بغلب.. نعيشها صح.. يا ريت ينفع نرجع نعيشها صح كنت بقيت كويس..يا ريت يا قلبي زمني يرجع واحطك جوا نن عيني.. هموت يا عمري بس انت بتبصيلي كده ليه اللي في عيونك ده حقيقي كتير عليا مش مستحمل والله
لتحاول ان تخفف.. قوم انت بس بالسلامه وانا اعيشك احلي عيشه وهمشيك عالالف َما تورابش بعيد..
ليهتف والحسره في قلبه.. تعيشيني احلي عيشه.. ليغمض عينيه حتي لا تري المه ووجعه هتعيشيني ازاي يا قلبي وانت بقيتي لحد تاني.. ليهتف.. يا ريت يا مرام..
لتمسد علي يديه.. والله هتبقي زي الفل انت بس قملنا بالسلامه.. كانت يده في يدها ليقبض عليها بحنان وينظر اليها ليهتف فجاه بقهر.. لبستي الدبل من غير ماعرف مش تقليلي.. هو احنا مانعرفش بعض اوي كده يا مرام..
لتخجل منه وتتلبك وتحاول ان تسحب يدها الا انه شدد عليها لتقول.. لا والله دا جت فجأه وماما ومحمود زن زن.. قلت اما اريحهم وخلاص..
ليقطب جبينه.. ليسال بوجع ولهفه بتحبيه يا مرام..
كان منظره يخلع قلبها فهو شاحب وموجوع والالم يطفح علي وجهه..كان حبها وسنينها يجعلانها لا تستحمل عليه شئ كانت تراه والالم يضج من وجهه فشق قلبها فاحست بنغزه في صدرها من خوفها عليه لتقول مسرعه دون قصد.. لا والله مابحبه..(يلا يا هبله😂😂)
لينصدم من قولها ويحس ان قلبه نبض مره اخري. لتدخل الكلمه علي قلبه تنعشه. لتحس بتهورها وتنحرج.. لتحاول ان تصلح كلامها فشدت يدها من توترها لتقول.. لا مش قصدي ما بحبوش اوي يعني.. لا بحبه ولسه هناخد علي بعض.. لا احنا واخدين علي بعض برضه.. قصدي نبقي يعني مخطوبين.. كانت مرتبكه ليحس هو ان بها شيئا وان فيه امر ما..ماذا يفعل فكلماتها اتت صادقه ايحق انها لا تحبه.. اذا لماذا فعلت ذلك.. اهو زن عليها ووالدتها.. هل اجبروها. لينتعش قلبه ويحس انه بدا يتنفس.. يبقي كده عندي امل ارجعها.. لازم ترجعها يا ياسين..البت ما بتحبوش يا قلبك اللي رجعلك يا ياسين اقوم اهجم عليها اخدها في حضني.. ونظراتها دي هتموتني.. اهدي يا ياسين اهدي بالله عليك
ليقول مكملا كلامها كانه حقيقه واقعه.. مرام.. انا عارفك كويس لما انت مابتحبيهوش اتخطبتيله ليه بالله عليكي عرفيني..
لتهتف بتوتر ولا تريد ان تثقل عليه وجعه.. ايه يا مستر ياسين انا مش مهمه خالص دلوقتي المهم انت وبلاش توتر وتقوملنا بالسلامه..
ليقول طمنيني عليكي الاول ده اللي هيريحني..
لتجلس امامه وتبتسم والله كويسه طول مانت بخير ايه بتدلع عشان تشوف غلاوتك عندنا..
ليهتف بحب.. بجد يا مرام انا غالي عليكي..
لترتبك وتتذكر كلاماته التي انغرزت فيها.. لتعود الي نفسها بعد ان اندفعت قليلا.. طبعا يا مستر ياسين حضرتك روح الشركه من غيرك نليص..
ليقول بسخريه.. روح الشركه.. اه ماشي يا مرام وصمت وقطب جبينه كالطفل الصغير الذي فقد امه لا يعلم ماذا يقول وماذا يفعل ليغمض عينيه عله يستدعي الراحه من داخله ليتذكر مره اخري اندفاعها ورنه اللهفه في صوتها.. والله مابحبه.. ليحس بصدقها ليقطب جبينه ويفتح عينه ليجدها ينهشها القلق عليه طب اروح فين باللي شابط جوايا ده البت قالتها بعضمه لسانها مابتحبوش وعيونها ولهفتها هتخلص عليا.. طب ايه مش قادر استحمل ليحاول ان يعتدل لتقوم علي الفور تسانده ليحس بقربها فكان وجهها قريبا من وجهه جعله يشتعل وظل فتره صامت وقلبه سينفجر.. ليقول بحنين... مرام.. انت عمرك ما بينتيلي انك بتحبي حد او في دماغك حد ومحمود من سنين قدامك ايه الجديد..
لترتبك واحست انه سيكشفها لتضطر ان تقول هو جواز عائلي اكتر يا مستر ياسين..
ليقول عائلي ازاي هتتجوزو بالعيله انا مش فاهم.. هتاخدي امه فوق البيعه..
لتضحك وتقول.. امه ايه بس دي خالتي دي بتشد شعرها مني.. لا هو مش كده بالضبط حاجه كده تقريبا زي جواز الصالونات.. محمود طيب اوي وحنين اوي ومايتعيبش وابن خالتي...
و.. ليقاطعها بلهفه.. ومش بتحبيه يا مرام مش بتحبيه انطقي..
لم تكن تريد ان تريح قلبه وتعطيه فرصه لنفسه يدخل منها لضعفها منه كانت تريد ان تبعده اميالا من وجعها. لتقول.. لا مين قال ده عشره عمر وبحبه من زمان وداحنا مابنسيبش بعض وخالتي وخالتك واتجمعنا وكده.....
ليهتف ساخطا ومابتحبهوش يا مرام.. والله مابتحبيه..
لتقول بارتباك.. كانت طيبه ولا تعرف الكذب والخداع... لا بحبه يعني وكويس وكده وهحبه اكتر مع الوقت مانا ايه اللي مش هيخليني احبه وهو حنين وطيب..
ليصيح هو باندفاع... يعني انت عايزه تجلطيني هتحبيه عشان حنين.. ايه نحنوح اوي سيادته.. بيسحسح لسيادتك.. دا عيل بارد علي فكره ودمه يلطش..
لتضحك بشده لتقول ببراءه هو مين اللي بارد ودمه يلطش .. دا حوده دا عسل انت بس تقعد معاه يفطسك من الضحك دا هو اللي بيهون عليا لما ببقي زعلانه.. اسكت اسكت دا محمود دا روحي واكتر من اخويا وربنا.. داحنا كاننا روح واحده وكارفين علي بعض كانت تضحك بعفويه ولا تدرك ما قالته..
ليصمت قليلا.. اخويا وما بتحبوش.. يا هناك يا ياسين يا قلبك اللي هينط يرشق في السقف امال ايه يا قلبي تعملي كده ليه و ترقديني في المستشفي.. كنت هتجلطيني يا بنت الايه يا قمر ليبتسم بسعاده.. والله مانا حاسس كده.. وانت بقه عشان بيضحكك هتتجوزيه و هتتجوزي اخوكي هتعمليها ازاي..
لتهتف بارتباك.. اسكت انت ايه اللي عرفك في الحجات دي انت بتسحسح بس خليك في حالك.. محمود عسل وهنبقي سمن علي عسل. بطل شويه.. كانت تهذي لعله ينسي اندفاعها ولكنه وقر في قلبه ولم يسمع غيرهم.. مابحبوش والله.. دا َمحمود دا اكتر من اخويا.. يبقي مفيش حب يا ياسين يبقي مرام ماراحتش.. ولا هتروح..لتتلبسه حاله من البهجه بعد ان شعر ان دنيته سوده.. يبقي مرام لسه بتاعتك يا ياسين طالما قلبها ما دقش.. وانا مش هسمح ان قلبها يدق لغيري.. مرام دي قلبي اللي اتعلق وعايزه احضنه..احضنه بس يا لهوي عاللي ناوي اعمله اهدي كده يا وحش اما نشوف هنعمل ايه طالما مافيش زفت حب وحبيبي قلبه ما بيدقش.. دانا قلبي اللي هينفجر من الدق دلوقتي.. بس علي مين دانا ياسين.. ماشي يا مرام اما نشوف هتقدري عليا ازاي.. ما بقاش ياسين الكاشف ان ما خليتك تبقي بتاعتي وحبيبتي ودنيتي كلها.. كنت غبي يا نور عيني و فوقت اخيرا وماعنديش استعداد اتحط في الوجع ده تاني.. كانت مرام تشعر بالقلق من صمته وكانت خائفه من اندفاعها وتلبكها امامه فهي هكذا ستكشف نفسها فكانت قلقه عليه َومندفعه ولم تقدر الامور فهي ليس لها في امور اللوع والكيد فهي عفويه وجميله.. ظلا يثرثران بعض الوقت وهو يشاكسها وهي تضحك كان كأنه اتبدل من حال لحال ورجع اليه ثقته وكان يتدلل عليها وهيا تستجيب..جاء موعد الغداء لتقوم هيا وتفرد الصنيه امامه وتجلس تفتح له الاشياء بابتسامه فاحس برجفه وهو يراقبها كأنهم زوجين وهيا تر اعيه كان لا ينفك ينظر اليها (الواد عينه راشقه بيجيب جاز 🤣🤣هيييه بقه 🤭🤭🤭) ولا يحيد عنها وعلي عفويتها والحب يشع من عينيه كانت تلاحظ ذلك وتحاول تجاههله رغم اشتعالها من الداخل وتحاول ان تفتح مواضيع بين الحين والاخر لعله يتوقف فكل هذا كثير عليها.. اما هو فكان يشتم نفسه.. انت فعلا حيوان يا ياسين بقي كنت هتسيب قلبك اللي قدامك ده يروح منك عشان غبائك انت ازاي كنت كده دانا بتمني منها ابتسامه رضا بس والله واشوفها قدامي وكل اما ابص علي دبلتها اتحرق الف مره نفسي اهجم عليها اخدها منها.. متخيل كده لما دبلتي تتحط في ايدها الشمال اه الشمال انا لسه هحط في اليمين والله مايحصل وتقف قمر ومزه كده تعملي كل حاجه قلبي هيقف من الفكره لوحدها.. والله لاطفشك يا برص السنين بس اصبر عليا .. يا رب صبرني عاللي جاي ويسرلي حالي معاها....... .ميفوميفو
.كانت قد انتهت من اعداد الطعام وقالت.. ايه رحت فين مش هتاكل..
ليهتف.. لا مش عايز انا ماليش نفس انا مبسوط كده..
لتقطب.. هو ايه اللي ماليش نفس بقالي ساعه بفتح في حاجات وانت باصص في اللاوعي وسايني لا يا عم هتاكل.. فضحك عليها.. لا وعي وسايبك ليتنهد والله مانت عارفه حاجه يا اخره صبري.... اسيبك ازاي دانا نفسي اهجم عليكي ارشقك في حضني ال اسيبك قال.. ميفوميفو
لتقترب منه بسخريه... طب ماتعرفني يا اخره صبرك...
ليقول بس خلاص انت هتتفتحي وبدأ ياكل بهدوء وكانت هيا تقطع له اللحم وكان يتعمد الاكل بهدوء ولا يمد له يده فقامت هيا بعفويه باطعامه له كل شويه ليحس ان قلبه ينبض عن حق فحبيبته امامه تشع براءه كان ذلك كثير عليه فماذا يحدث لو اخذ قلبها..هيا هتبقي حلوه كده وهيا في بيتي وهتهبلني كده.. اه يا حيوان ياللي ماتربيتش عملت في نفسك كده ليه... انهي طعامه فقالت فيه حلو اهوه رز بلبن دا مروقين عليك موت..
ليقول.. مش قادر.. لينظر اليها بحب مالحلو قدامي كله وهموت واكله سيبيني باللي شابط جوايا من جمالك ده ..
لتهتف طيب انا بقه هاكله وهسرقه منك عشان انت عدو الفرحه.. دانت فايتك كتير وازالت كل شئ واحضرت كرسي لتجلس بجواره فترجاها ان تجلس امامه عالسرير لتستجيب له وتقول.. ايه هو الدكتور قال هتخرج امتي..
ليقول.. انهارده شويه كده وفادي يجي ونروح..
لتهتف . طيب عشان ماسيبكش لوحدك..
لينفعل مره واحده وتسيبيني ليه انت هتيجي معايا..
لتقطب جبينها.. اجي معاك فين انت هتروح البيت ترتاح وبكره اجيلك وانا بقه هروح عشان..
ليقاطعها بغضب.. عشان تشوفي النحنوح صح ما خلاص دخل في وسطينا يقرفنا انت هتيجي معايا ماليش دعوه بقلك اهوه.. انا تعبان يا مرام هتسيبيني وتروحيله..
لتتنهد بوجع.. اروحله ايه بس انا هروح بيتي...
ليقول وهو راشق في بيتك يبقي هتروحيله وتسيبيني.. انا ماستهلش انك تبقي معايا وانا تعبان يا مرام...
شعرت بالغلب ما بين حبها وكرامتها وهو يترجاها هكذا.. ليمسك يدها طب انهارده بس وحياه ياسين..
لتتنهد وتقول... طب مش هتأخر انا عشان ماتعلقش..
ليغضب من طريقه كلامها.. مالك كده يا مرام محسساني انك اتجوزتي وسي بتاع ده متحكم فيكي اوي كده يعلق بتاع ايه له عندك ايه اصلا يتحكم فيكي.. انت مش كده يا مرام.
لتنظر اليه وتقول له بجديه... كتير يا مستر ياسين له عندي اني اراعيه واسمع كلامه انا خلاص بقيت بتاعته يبقي ماينفعش اخطي خطوه بعيد عن كلمته محمود حط دبلته في ايدي يعني خلاص هو بقي محوط عليا ..
ليصرخ فيها بغضب.. انت مش بتاعه حد انت بتاعت... وصمت فجاه كان يريد ان يقول بتاعتي ليتحكم في نفسه ويقول.. اقصد انتو لسه عالبر مش كده يا مرام ومالك كده متهادنه معاه ومحوط ومهبب انتو لسه ما اتجوزتوش هتبقي
ضعيفه قدامه ايه مالكيش شخصيه ...
لتندفع كعادتها بعفويه.. وهيا تاكل الرز بلبن... مين دي اللي ضعيفه قدامه دا حوده ده ما بيفتحش بقه قدامي دا انا السوععه.. اختك جامده ماتخافش محمود والله طيوب وغلبان كل همه شغله ودنيته يلا الله يسهله ... وتبتسم وكلما تكلمت ايقن ياسين انها لا تحب محمود وان ما بينهم مجرد شئ عادي من طريقه كلامها فاحس ان هذا مدخله..
واراد مسايرتها.. ليقول ومحمود بقه بيشتغل ايه..
لتقول الحمد لله لسه هيبتدي في شركه كبيره ربنا يوفقه.. كل العيله همها محمود اصله الحيله مفيش رجاله ولاسع بقه بحسه ابني والله كل اما يقع في مشكله الحقيني يا مرام مابقدرش اقله لا... مش بقلك بعتبره ابتي...
لينظر اليها بوله وحب شديد والسعاده ستنفجر من قلبه و.. .
..