رواية يوميات بنات
الفصل الخامس5
بقلم منه محمد
كانت شارده طوال الوقت
ياسمين : مالك يابنتى؟
منار : تفتكري ممكن عمرو معجب ب اختي
ياسمين : ليه يعني اشمعني؟
منار : يمكن عشان هى اكبر مني و مخلصه و بتشتغل و انا لسه بدرس و صغيره عليه
ياسمين : ممكن بردو
منار بغصب : حتى انت !!
ياسمين : خلاص خلاص مش اصدقي، بصي هو الكلام صح بالمنطق بس انت بتقولي ان اختك مبتحبوش
منار : اختي مبتحبش حد اصلا
ياسمين : ما هو انت بقى حاولي تثبتلهم ان السن مش مهم وانك ست شطوره وتقدري تفتحي بيت
منار : هاحاول بس انا خايفه
__________________________________________
فى اليوم التالي كان يوم الجمعه و كان اجازه لذلك استيقظ "منار" متأخره هذه الصباح
كانت فطريقها الي غرفه الصاله الا انها رجعت للوراء عندما رات "عمرو" يجلس مع امها ف الصاله
ذهبت مسرعه اللى الحمام وبدات تغسل وجهها و تهندم نفسها
ثم كانت فطريقها الى الخروج الا ان رات اختها
كانت تقف وهى ترتدي بيجماتها المنزليه وشكلها غير مهندم وشعرها شكله مبعثر وتحمل كوب القهوه
مريم : على فين العزم ان شاء الله انهارده اجازه
منار بصوت منخفض : انت مش عارفه مين عندنا
مريم : عارفه يا اختى امك معندهاش ياما ارحمينى ف الحوارات دى
منار : طب قدمتلوا حاجه يشربها؟
مريم : اكيد يعنى ده هنا من بدرى
منار : طب ايه نقدمله حاجه تانى اقدمله ايه حاجه سخنه ولا حاجه ساقعه ولا اعمله عصير فريش ولا اعمله ايه ساعدينى
مريم : ايه ايه ف ايه اهدي ياما متعمليش ف روحك كده قدميله ياختى اى حاجه، اقولك اقدميله شربات
منار : رخمه رخمه
ذهبت منار تحمل الصينيه وكانت تمشى ع مهل
مريم وهى تقف بعيداً عنهم ساخره منها : واتمختري تري تري
وضعت الصينيه بخجل وجسلت بجوار امها
منار بخجل : ازاي حضرتك يا استاذ عمرو
عمرو : ازيك يامنار، عامله ايه ف كليتك
منار : الحمد لله
عمرو : انت ف كليه ايه يا منار؟
منار بخجل : انا ف كليه تجاره
عمرو : تجاره ده حلو ا، تصدقي انهم عايزين متدربين ف الشركه عشان يشتغلوا محاسبين
منار بفرحه لم تستطع ان تخفيها : بجد !!
مريم وهى مازلت فى مكانها لكنها تسمع الحوار : اه يابنت المحظوظه
عمرو : اه سالوني لو اعرف حد ، ايه رايك تروحي
الام : اه بس منار عندها كليه
عمرو : متقلقيش ياطنط هو المواعيد مختلفه عن مواعيد الكليه يعني مش هتعطلها ف دراستها مش هتتأثر وبعدين دي فرصه كويسه عشان لما تتخرج تقدر تلاقيه شغل بسهوله
مريم من مكانها : وعريس بسهوله بردو
عمرو : ايه رايك انت يا منار؟
منار بخجل : مش عارفه
عمرو : خدي وقتك ف التفكير وابقي ردي عليا ثم قام واقفاً : عن اذنكوا
الام : ليه انت ملحقتش تقعد طب حتى اشرب اقهوه ده منار عليها قهوه
مريم : الله هى بتدلل على مين فينا؟
عمرو : مره تانيه ابقى ادوق قهوتك يا منار معلش
ذهبت الام لتوصله و بمجرد ذهابهم بدأت "منار" تقفذ فرحا
منار : يس يس يس
ذهبت "مريم" لتحتفل معاها
مريم : جبتهيها ف الجون يا بنت اللذينه ثم ثذوقت قهوتها
مريم : ايه ده هى قهوتك دي مره اوي عارفه لو كان شربها كان رجع ف كلامه تاني
منار بحماس : مش مهم المهم ان انا هشتغل معا، شوفتيه شوفتيه وهو بيكلمنى
مريم : اه اكنه كان بيكلم طفله
منار : انت رخمه
مريم : بنت عيب انا اختك الكبيره
الام : روحى البسى حاجه على راسك بسرعه ابن خالتلك طالع ع السلم
مريم : يييييى مش هنخلص من الزيارت انهارده
انا رايحه اوضتى بقولك ايه يامنار الجاكيت ف الاوضه ابقى اديهوله سلام