رواية مالك الكنز
الفصل الثامن8
بقلم رنا تامر
في المستشفي،،
نورهان: ها يا دكتور،، التحليل بتقول ايه،،
الدكتور: حضرتك طلع عندك كانسر،،
نورهان بحزن: الحمدُلله علي كل شيء،، وحالتي متأخره يا دكتور..
الدكتور: هو مش قوي،، هو انتي معاكي جوزك او اولاد،،
نورهان: لا،، انا جوزي متوفي وبنتي في جامعتها،،
دكتور: طيب ياريت تشرفينا تاني وتكون بنتك معاكي..
نورهان: حاضر،،
نورهان مشيت وهي حزينه وخايفه انها تسيب بنتها لوحدها،،
ــــــــــــــــــــــــــــــــــــــــــــــــــــ
في الجامعه،،
يارا كانت بتكلم كنزي..
يارا: ايه يا كنزي فينك من الصبح..
كنزي: اهدي يا يويو انا في العربيه قربت اوصل..
يارا: عربيه و قربتي،، انتي المفروض واصله من ساعه فينك كل ده،،
كنزي: بعدين هحكيلك،، المهم انتي روحتي،،
يارا: لا لسه هطلب اوبر،، حتي رودينا لسه مروحه دلوقتي،،
كنزي: طيب خلي بالك من نفسك،، وانا هكلمك لما اوصل،،
يارا: تمام،، يلا بااي،،
يارا قفلت مع كنزي و طلبت اوبر و وصل وركبت وكان في طريقها الي البيت،،
ــــــــــــــــــــــــــــــــــــــــــــــــــ،،
عند مالك وكنزي في العربيه،،
كنزي قفلت مع يارا وفضلت سرحانه في الطريق،،
مالك بص عليها وقرر انه يخليها تفك السرحان والتكشيره دول،،
شغل اغنيه تامر حسني،،
الاغنيه بتقول،،
مشكلتها بطله العالم في النكد ونمره 1 في العقد شكاكه في حاجه مش معقوله،، مشكلتها شهور بصالح انا فيها وياريت بعرف انسيها دي نجمه القفش الاولي،،
كل يوووم زن زن زن رغي ومبتسكتش،، والخناق فن فن فن حوارت مبتفصلش،، وفي التمثيل فنانه قديره،، مبروك كسبتي معانا جايزه احسن تكشيره،،
لقي انه كنزي بتتعصب فا غير الاغنيه،،
اسرح يا خيال وانزل يا كلام زي الشلال،، انا جوه قلبي حصل زلزاااال،، انا جوه قلبي حصل زلزاااال،، حبيتها يا ناااس واعتبروني سبقت الاحداث،، ماهي مش بالعقل دي بالاحساس،، والله يا نااااس♥🦋
كنزي ابتسمت،،
كنزي: احنا هنقضيها اغاني ولا ايه،،
مالك: ليه بتقولي كده يا كوكي،،
كنزي: عشان مش بحب كده،، ينفع تنجز بقي عشان انا اتأخرت،،
مالك بفارغ صبر: حاضر يا كنزي،،
ـــــــــــــــــــــــــــــــــــــــــــــــ،،
في فيلا رافت ابو الوفا،،
وصلت رودينا البيت و راحت الي غرفه مازن،، لقته مش موجود،،
رودينا في نفسها: هتكون روحت فين يا مازن،،
رودينا دخلت اوضتها اخدت شاور وبعد كده نزلت تقعد في الجنينه،،
ـــــــــــــــــــــــــــــــــــــــــــــــــ،،
في بيت حسن،،
يارا رجعت البيت لقت مامتها قاعده بتعيط،،
يارا بقلق: مالك يا مامي،، بتعيطي ليه،،
نورهان بتمسح دومعها: مفيش يا حبيبه ماما،، انا بس افتكرت بابكي و واحشني،، متقلقيش ياقلبي،،
يارا: ربنا يرحمه ،، و ربنا يخليكي ليا وميحرمنيش منگ ابدا يا احلي مامي،،
نورهان بحزن: ويخليكي ليا يا احلي بنوته،، يلا قومي خدي شاور عشان اجهزلك الغدا،،
يارا: حاضر يا مامي،،
ـــــــــــــــــــــــــــــــــــــــــــــــــ،،
عند مازن،،
بعد ما مشي من الشركه،، راح لي مكانه السري،،قاعد علي الشط وسرحان في البحر،، وبيفتكر مواقف هو و اخوه،،
flash back,,
مالك: اوعي حد يكلمك،، احنا اه في نادي بس في عيال هنا اشقيه،، انت راجل يا مازن،، انت مش طول الوقت هتلاقيني جمبك،،
مازن: متخفش عليا،، انت فاكر اخوك كريمه ولا ايه يا كوكو،،
مالك: ونبي انا مبخفش غير من الكلام ده،،
فضلوا يضحكوا،،
back,,
فضل يفتكر كذا موقف ويبتسم عليهم،،
وافتكر موقف تاني،، والموقف ده اللي هخليه يعمل قرار هو مش عايزوه،،
flash back,,
مالك راح قعد جمب مازن،، ومازن كان قاعد بيتفرج علي فيلم اجنبي وبياكل فشار،،
مالك: مازن انا عايز اقولك سر بس متقولش لحد،، لغايه ما اتاكد من شعوري،،
مازن وهو سرحان في الفيلم: قول سيرك في بير،،
مالك في نفسه: بير مخروم،، ربنا يستر وميفضحنيش،،
مالك: بص انا معجب بي كنزي،،
مازن بصدمه: ايــــــــــــــه،، ازاي وامتي وفين،،
مالك: في ايه يا بني هو انا عملت جريمه بقولك معجب بيها،،
مازن رجع ركز في الفيلم تاني: وانا مطلوب مني ايه.
مالك: يعني ايه مطلوب منك ايه،، مطلوب منك تساعدني تفكر معايا هو شعوري ده صح ولا غلط،،
مازن ببرود: معرفش يا مالك،، اما ابقي احب هبقي اقولك،
مالك بصله بقرف: والله انا غلطان اني جيت اتكلمت معاك،،
مالك قام مشي ومازن فضل مركز في الفيلم،،
back,,
و قرر انه يبعد عن فكره حبه لي كنزي لانه اتاكد انه اخوه بيحبها،،
حوار بين العقل والقلب،،
🧠: اخيرا اقتنعت انك مش بتحبها،، وانه مجرد اعجاب مش اكتر،،
🫀: للاسف ده اللي اكتشفته،، هي دلوقتي بقت خطيبه اخويا،، يعني حتي لو بحبها مش هينفع عشان اخويا،،
🧠: عين العقل،،
مازن اخد نفس عميق،، بعد كده مشي وكان طريقه الي الفيلا،،
(احب اقولكوا انه عمر ما القلب والعقل اتفقوا في حاجه🙂)
ــــــــــــــــــــــــــــــــــــــــــــــــــــ،،
عند مالك وكنزي في العربيه،،
كنزي: انت هتفضل ساكت كده،،
مالك: عايزاني اقول ايه،،
كنزي: معرفش،، اتكلم زي ما كنت بتتكلم من شويه،،
مالك: انتي عايزه تجنيني شويه انتي صدعتني وشويه اتكلم،، ده ايه الجنان ده،،
كنزي بعياط مكتوم: خلاص براحتك متتكلمش خالص،،
مالك لاحظ انها بتعيط فوقف العربيه،،
مالك: كنزي انتي بتعيطي خلاص يا كوكي متزعليش،،
كنزي: لا اوعي كده انا زعلانه،،
مالك: خلاص بقي ميهونش عليا زعل القمر الجميل ده،،
كنزي: خلاص مش زعلانه،، انا كنت بعمل فيك مقلب،، وانت كنت في برنامج رامز نيڤر أند،، يارب ابعدنا عن اذيه الغير وكتر يارب من اللايك والشير،، نييييهههه نيييههه😈😂
مالك كان قاعد مش مستوعب اللي بيحصل،،
كنزي في نفسها: الواد ماله عامل زي الصنم كده ليه،، كل ده عشان مقلب امااال لو كنت هزرت معها بجد كان عمل ايه،، يخرب عقلك يا كنزي الواد شكله مات 😂
كنزي: مالك مالك انت يا بني،،
مالك فاق من الصدمه،،
مالك: هو ايه اللي حصل،، اللي حصل ده كان حلم صح،،
كنزي بتوتر: اه كان حلم انا بقالي ساعه بصحي فيك شكلك كنت بتحلم،،
مالك شغل العربيه وكمل طريقه هو وكنزي،،
وكنزي قاعده هتموت من التوتر،،
(يخرب عقلك يا كنزي هتموتيلنا الواد حرام عليكي 😂)
ــــــــــــــــــــــــــــــــــــــــــــــــــ،،
في فيلا رافت ابو الوفا،،
عند رودينا في الجنينه،،
كانت قاعده بتكلم احمد،،
رودينا: هو انت ممكن تكلمني عن نفسك،،
احمد: لا بص احنا نتقابل ونحكي لبعض كل حاجه،،
رودينا: بس مش هينفع عشان مامي،، وكمان اني لسه راجعه من الجامعه،،
احمد: حاولي كده بس واديني رد،،
رودينا: تمام🙂
رودينا قفلت مع احمد وهي فرحانه،،
ـــــــــــــــــــــــــــــــــــــــــــــ،،
في بيت محمود المعز،،
احمد قفل مع رودينا،، فيروز مامت احمد جت،،
فيروز: يا بني مصمم بردوا،، اللي بتعملوا ده غلط
احمد: انا عايز احرق دمه علي اخته زي ما حرق دمي علي اختي،،
فيروز: كل ده ملوش فايده دلوقتي،، اختك خلاص ربنا يرحمها،،
فيروز: انا مش هسكت غير لما اجيب حقها،، متشغليش بالك بالكلام ده يا ماما،،
فيروز: طيب تعالي بقي اكلك الاكله اللي بتحبها..
احمد بضحك: طيب يلا يا ست الكل،،
ــــــــــــــــــــــــــــــــــــــــــــــ،،
عند مالك وكنزي في العربيه،،
كانوا في صمت غريب،، وفجاءه العربيه وقفت،،
كنزي بخضه: ايه العربيه وقفت ليه،،
مالك: علمي علمك انا نازل اشوف في ايه،،
مالك نزل يشوف في ايه لقي انه الكواتش فس،،
كنزي نزلت وراه واتصدمت،،
كنزي بصدمه: لا متقولش،، احنا دلوقتي هنعمل ايه،،
مالك: معرفش،،
كنزي: وهنتصرف ازاي،، ها قولي كده واحنا في حته مقطوعه وكمان مفيش شبكه،، ودخل علينا الليل،،
مالك : اهدي يا كنزي ونبي،، خليني افكر لحل في المصيبه دي،،
كنزي بعصبيه: ماشي يا مالك،، انا رايحه اقعد في العربيه عقبال ما تشوف حل للمصيبه دي،،
كنزي راحت قعدت في العربيه،، ومالك مش عارف يعمل ايه،،
مالك بزفر: اتصرف ازاي انا دلوقتي ياربي،، ده حتي مفيش واحده زياده،،
كنزي قاعده في العربيه ومتعصبه،، ومالك كان رايح يدور علي حد بتاع عربيات،، بس كنزي واقفته،،
كنزي: مالك انت رايح فين،،
مالك: هشوف مكانيكي،،
كنزي: وهتسيبني لوحدي،،
مالك: اه ايه المشكله،، كلمي ابن عمك اللي في باريس،،
كنزي: خلاص براحتك انا راجعه العربيه تاني،،
مالك: خدي هنا رايحه فين،، تعالي امشي قدامي،،
كنزي فرحت،، راحت خدت حاجتها ومشيت معه،،
ــــــــــــــــــــــــــــــــــــــــــــ،،
في مطعم 5 ŚȚÄŖŚ ⭐
احمد: اخيرا جيتي،،
رودينا: انا مستغربه الصراحه،، مامي اول مره توافق كده،،
احمد: مش مهم المهم انك جيتي،،
رودينا: احم، طب مش هتكلمني عن نفسك،،
احمد: عايزه تعرفي ايه عني،،
رودينا: يعني حياتك مثلا زي،، جامعه ايه،، عندك اخوات ولا لا،، بتحب ايه،، بتكره ايه كده يعني،،
احمد: انا عندي 27 سنه كليه السن ومتخرج،، وكان عندي اخت بس توفت،، و عايش مع بابا وماما،، اما بحب ايه وبكره ايه دي خليها بعدين،،
رودينا: كنت بتحبها،،
احمد: كنت،، انا لازلت اللحظه دي بحبها ومفتقدها دي مكنتش اختي وبس دي كانت حياتي كلها،،
رودينا: للدرجتي،،
احمد: اكتر من كده كمان،، احم احنا هنقلبها احزان ولا ايه،، بقولك اطلبلك سوشي 🍣
رودينا بإبتسامه: تمام،،
ــــــــــــــــــــــــــــــــــــــــــــــ،،
في بيت حسن،،
نورهان كانت بتتكلم في الفون،،
نورهان: السلام عليكم،، ازايك يا مدام نارين،،
نارين: وعليكم السلام،، عامله ايه يا حبيبتي،، معلش يا حبيبتي مقصره معاكي ومش بسأل،،
نورهان: انا بخير الحمدلله،، كده بردوا هو في بينا الكلام ده،، المهم انا كنت عايزاكي في موضوع مهم،،
نارين: خير يا حبيبتي،،
نورهان: انا بس كنت عايزاكي تجيلي البيت لو مش هتعبك معايا،،
نارين: تعبك راحه يا قلبي،، بكره انشاء الله اجيلك،،
نورهان: انشاء الله،، يلا اسيبك عشان معطلكيش،، مع السلامه حبيبتي،،
نارين: مع السلامه يا قلبي،،
ــــــــــــــــــــــــــــــــــــــــــــ،،
في فيلا رافت ابو الوفا،،
في غرفة مازن،،
مازن دخل الاوضه و دخل الحمام اخد شاور وطلع قعد علي السرير،،
مازن واقف قدام المرايه: انت لازم تنسها اعتبرها اختك رودي،، انت فاهم لازم تشيلها من دماغك بمزاجك او غصب عنك،، دي بقت خطيبه اخوك،،
مازن راح نام علي السرير وفضل يفكر هيعمل ايه لحد ما استسلم للنوم،،
ـــــــــــــــــــــــــــــــــــــــــــــ،،
عند مالك وكنزي..
كنزي: ايه المكان البعيد ده،، انا تعبت،،
مالك: معلش يا كوكي،، شويه وهنوصل،،
وفجاءه كنزي وقفت،،
مالك: ايه كوكي مالك وقفتي ليه،،
كنزي: مش قادره يا مالك،، الكعب تاعبني،،
مالك: انتي اللي اختارتي،،
مالك راح شالها،، وهي اتفجاءت،،
كنزي: نزلني يا مالك،، تتعب انت كده،،
مالك: تعبك راحه يا كوكي،،
كنزي: ايه موضوع كوكي ده كل شويه تقولهالي،،
مالك: زعلانه اني بقولك يا كوكي،،
كنزي: لا،، الفكره اني شفتك اتوعدت يعني عليها،،
مالك: عقبالك ما تعرفي تتوعدي عليا،،
كنزي: احم طب نزلني انا رجلي بقت احسن،،
مالك نزلها وبعد كده كملوا مشي،،
بعد ربع ساعه 🕒
وصلوا الي المكانيكي،، وطلبو منه انه يديهم كاوتش،، ومالك حاسبوا ورجعوا تاني لي العربيه،،
ــــــــــــــــــــــــــــــــــــــــــــــــ،،
في بيت حسن،،
نورهان سمعت الباب فقامت تفتح لقت نارين،،
نورهان: اهلآ اهلآ يا حبيبتي عامله ايه،،
نارين: بخير طول ما انتي بخير،،
نورهان: اتفضلي اتفضلي،،
نارين دخلت وقعدت،،
نورهان: بصي انا مش هعطلك انا بس عايزه اقولك حاجه مهمه،،
نارين: قولي يا حبيبتي،،
نورهان حكت كل حاجه لي نارين،،
نارين بتاثير: بقي كل ده يحصل معاكي وانا معرفش،،
نورهان: والله انا لسه عارفه من قريب،، انا مش عايزه اي حاجه في الدنيا غير يارا،، يارا امنتك لو حاصلي حاجه بالله عليكي،،
نارين: متقوليش كده ربنا هيشفيكي أنشأالله،، وبعدين يارا دي بنتي زي كنزي بالضبط،،
نورهان: بس انا كده مش عايزه حاجه تاني من الدنيا،، ويارا انا اطمنت عليها طلما انتو معاها،،
نارين: متقوليش كده ربنا صانع المعجزات وهيشفيكي انشاء الله،،
نورهان: يارب يا حبيبتي،،
ــــــــــــــــــــــــــــــــــــــــــــــ،،
في الغردقه وصل كلا من مالك وكنزي،،
كنزي: طيب انت تعرف الكمباوند اللي انكل رافت قالي عليه،،
مالك: اكيد ما ده الكمباوند اللي فيه الفيلا بتاعتي،،
كنزي اتصدمت: نــــــــعـــــــــــم
مالك: مالك في ايه اتصدمتي كده ليه،،
كنزي: يعني ايه بتاعك مش فاهمه يعني انا وانت هنقعد فيها لوحدنا،،
مالك بضحك: ايوه امال هنعقد معانا 10،،
كنزي: انت اكيد حد مصلتك عليا صح،،
مالك: كوكي انتي اوڤر اوي،، وعشان دماغك متوديش وتجيب احنا اصلا هنبقي قاعدين في فيلا كبيره ومليانه غرف،، انا هوريكي اوضتي وانتي اختاري ابعد اوضه عن اوضتي،، مرضيه كده يا كوكي،،
كنزي: يا عم متقول كده من الصبح،،
مالك: ياعم،، في بنت سيمبل زايك تقولي لي خطيبها ياعم انتي لوكل اوي يا كوكي،،
كنزي: انا مش هرد عليك،،
مالك وكنزي وصلوا الفيلا ودخلوا،،
مالك وراها اوضته وهي اختارت الاوضه اللي جمبه (قال ايه عشان عجبتها،، بنات اخر زمن😂)
مالك: غريبه يعني من دون غرف الفيلا كلها اختارتي الاوضه اللي جمبي،، ده أساميه ايه أنشأ الله،،
كنزي: ساميه زي ما تساميه،، انا عجباني الاوضه دي ليك فيه،،
مالك: لا مليش،، انا رايح اوضتي،،
كنزي: مسألتكش انت رايح فين،،
وبعد كده دخلت اوضتها و رزعت الباب في وشه،،
مالك في نفسه: البت دي اكيد مجنونه،، ما كانت كويسه في العربيه،،
مالك راح علي اوضته وكنزي كانت هتموت من الفرحه،، وكلا منهما ذهب الي فراشه بعد يوم شاق ومرهق،،
ـــــــــــــــــــــــــــــــــــــــــــــــــ،،
في شركه ابو الوفا،،
دخل مازن الشركه وطلب من السكرتيره انها تجهز لي الميتنج،،
في مكان اخر في الشركه،،
بنت دخلت الشركه وبتكلم موظفه الاستقبال،،
البنت: لو سمحتي انا كنت مقدمه شغل هنا وفي حد كلمني من الشركه و قالي انه اجاي عشان مدير الشركه هيعملي انترفيو،،
الموظفه: تمام،، انتي هتطلعي مكتب الانترفيو الدور التالت،، تستني فيه وانا هبلغ المدير،، انتي قولتيلي اسمك ايه،،
البنت: ساندي هاشم مصطفي،،
الموظفه: تمام اتفضلي،،
ساندي طلعت غرفه الانترفيو وقعدت تستني،،
( ساندي هاشم مصطفي: 25 سنه،، متخرجه من كليه هندسه،، من عيله غنيه بنت اكبر دكتور في الشرق الاوسط،، بشرتها بيضاء وشعرها اسود وعيونها خضراء)
ــــــــــــــــــــــــــــــــــــــــــــــ،،
في فيلا جاسر الدمنهوري،،
في غرفه جاسر ونارين،،
نارين بتكلم كنزي في الفون،،
نارين بقلق: ايه يا كوكي،، عامله ايه يا حبيبتي،،
كنزي بنوم: الحمدلله يا مامي،،
نارين: مالك يا حبيبتي انتي نايمه ولا ايه،،
كنزي: ايوه يا مامي ونبي سيبيني انام لحسن انا تعبانه اوي،، اول ما هصحي هكلمك انتي وبابي،،
نارين: تمام يا حبيبتي تصبحي علي خير،،
نارين قفلت مع كنزي وهي قلقانه عليها،،
جاسر دخل ولقها قاعده زعلانه،،
جاسر: بردوا يا نونو زعلانه عشان كنزي مشيت،،
نارين: انا اه زعلانه عشان كنزي،، بس مش ده السبب الرئيسي اللي مزعلني،،
جاسر بإستغراب: اماال مين اللي مزعل القمر،،
نارين: عارف مين اللي طلعت عندها الكانسر،
جاسر: مين..
نارين: نورهان مامت يارا،،
جاسر: لا حول ولا قوه الا بالله،، طب احنا ممكن نساعدها ازاي،،
نارين: هو احنا ممكن نسفرها بره،، انا مش هستحمل انه يجرالها حاجه،، دي اول واحده اتعرفت عليها من ساعت ما جيت هنا مصر،،
جاسر: حاضر،، انشأ الله ربنا هيشفيها،،
نارين: يارب،،
ـــــــــــــــــــــــــــــــــــــــــــــ،،
في الغردقه،،
مالك صحي من النوم وراح اخد شاور وطلع جهز نفسه،،
طلع من اوضته و راح ناحيه اوضه كنزي،، كان متردد يخبط ولا لا،،
قرر انه يخبط،، فضل يخبط ومحدش بيرد،، فقرر انه يفتح الباب،،
دخل لقي كنزي نايمه زي الملايكه،،
مالك في نفسه: انا عرفت دلوقتي انا حبيتك ليه يا كوكي،،
مالك بيصحي في كنزي بس مش بترد،،
مالك قلق عليها وافتكر انه حصلها حاجه،،
(غلبان كوكو ميعرفش انه نومها تقيل😂)
مالك فضل يهز فيها لغايه ما اتحركت،،
كنزي بنوم: يا مامي بقي سبيني انام،، هو انا كل يوم هروح الشغل،،
مالك في نفسه: لا دي اكيد هبله،،
مالك: كنزي،، كنزززززي،،
واخير كنزي صحيت،،
كنزي اول ما قامت اتخضت،،
مالك بسخريه: بتتخضي علي ايه انا نفسي افهم انا بقالي ساعه بصحي فيكي،، ايه مقتوله،،
كنزي: انت ازاي تدخل عليا وانا نايمه،، لا وكمان بتفول عليا بقي انا مقتوله،، إللهي اشوفك متعلق في حبل المشنقه،،
كنزي كانت واقفه علي السرير،، و مالك حب يضيقها،،
فجاءه كنزي صوتت💕✨