رواية حكاية الطفلة اثيل
الفصل السابع7
بقلم شهد عبد الله
عاوزة امسك الحبوب جاتني لفت راس لمن وقعت صحيت لقيت وائل وداني الغرفه وبشممني في ريحة قال لي مالك بسم الله
ماف شي بس تعبانه شوية قال لي طيب نومي وانا بقرا ليك قرآن❤️ اتعجبت في امرو استغفرت ربي ورقدت نمت ...
في الوقت دا في مكان تاني
كانت ياسمين مبسوطه شديد رفعت تلفونها وضربت
-الو
=ظاهر عليك مبسوطه
-م انبسط كيف وبقي زي الخاتم في اصبعي 😂😂احركو يمين وشمال ويعمل اي شي بقولو ليهو
=معناها شغلي ماشي كويس طيب قروشي حتصل بتين؟
- بكرة الصباح بجيك واجيبهم ليك انا بعد دا بقيت زبونه😂❤️
= تشرفي في اي وقت
قفلت مبسوطه وبتغتي امها قالت ليها في شنو جنيتي ي ياسمين؟ م جنييت بس اموري ظابطه شديد ❤️واي شي ماشي تمام قالت ليها دايما م مبسوطه اكيد الباسطك الموضوع داك؟ ياهو زاتو ي امي قالت ليها طيب امشي نومي ( بتعرفو قدام الموضوع شنو).
انا صحيت وجسمي كان مكسر دخلت استحميت وصليت طلعت لقيت وائل بعمل في الفطور قلت لي بتعمل في شنو قال لي فطور قعد في السفرة بقيت اشرب في الشاي قال لي اثيل انتي الطلعة الحبوب دي كلها منو؟
انا خفت خوف قلت لي وانا بتتتم ديي انا كنت عاوزة بندول وم لقيت 💔 قال لي اسي انا قايلك عاوزة تنتحري ولا حاجة😂😂
قلت لي لالا انتحر شنو وسكت علي كدا اول م ختا البيض في النار بطني طمت شديد طوالي استفرغت هو زاتو لم اتخلع جاب لي موية وقال لي في شنو
=ماف شي بس البيض ريحتو طممت بطني
بقى يعاين لي بفرح 😃 قال اثيل لو الفي بالي دا صاح حاخليك اسعد انسانه في الدنيا 😃❤️
=م فاهماك انا
م عليك قومي البسي نمشي الدكتور
=طيب
مشينا فحصنا الدكتور قال لي مبروك ي مدام انتي حامل❤️ الشهور الاولى دي عاوزة محافظة وعدم حركة وخلي بالك حتجي تتابعي معاي لحد م تتحلي بالسلامة وطلع ❤️كمية السعادة الحسييت بيها انا بعد سنين طويلة لي اول مرة اضحك من قلبي ياداب نزلت دموع فرح❤️مسكت بطني وبقيت ابكي❤️ وائل كان فرحان شالني ولفى بي😂والممرضات يضحكو بعد شوية دموعو سالت اول مرة اشوفو ببكي كان فرحان شديد طلعنا وم خلي زول في المستشفي م كلمو وصلنا البيت قال لي م بتتطلعي السلالم برجولك وشالني لحد البيت 😂 قلت لي انت لاقيني قصيرة وصغيرة عاوز تلعب بي؟ قال لي م زنبي لو بشوف نفسي عملاق جمبك😂 انا حاضرب لي امي اكلمها قلت لي اصبر لحد بكرة نعملا ليهم مفاجاة ❤️قال لي طيب رقدت في السرير كنت فرحانه شديد الدنيا م سايعاني❤️لحد امبارح كنت عاوزة انتحر وانهي حياتي لحد امبارح م كان عندي هدف ولا عندي رغبة في الحياة ربنا اداني فرصه تانية ونور لي حياتي❤️ اكيد البيبي حيسعدني وحيكون لي بداية جديدة❤️ استغفرت كتيير علي الكنت عاوزة اعملو قمت صليت لي ركعتين وتوبة لي الله قريت قران ونمت اول مره انوم مرتاحه وفرحانه كدا❤️ الصباح لقيت الغرفة كلها العاب وملابس اطفال وورقة مكتوب فيها احلى ماما❤️بقيت اضحك نزلت دخلت الحمام لمن جيت طالعه لقيت وائل منتظرني قال لي صحيتي بتين؟ شالني لحد السفرة قلت لي بقدر امشي على فكرة😂قال لي لالا تاني ماف مشي في الارض جاب لي الشاي وبقي يحضر الفطور وبغني لي السمحة ام ولدي اااااااااي الحلوة بت ولدي اااااااااي ❤️ وانا بس اضحك😂 فطرنا قال لي قومي البسي عشان نمشي مشيت البس لقيتو مشتري لي فستان
بالبصلي رهييب ❤️لبست ونحن طالعين لقينا رغد واسامه جم باب بيتهم مشينا سلمنا عليهم وريتها وباركو لينا❤️قالو هم برضو ماشين لي اهلهم لمن جينا ننزل وائل شالني قدامهم لا خجل لاحياء 😂 قلت والله بقدر امشي قال لي لا السلالم بعيدة عليك قلت لي الدلع الزايد دا بخربني😂
م بتتخربي موش مرتي؟😌❤️
ركبنا ولسه بغني لي السمحة ام ولدي لحد م وصلنا صحبو ضرب لي قال لي انزلي انا ماشي قريب وجاي❤️ نزلت سلمت عليهم بفرحة ودخلت مع سيدة غرفتها
قالت لي احكي سريع 😃
قلت ليها وانا بعاين ليها بطريقة مستهبلة ومشبكة اصابعي لو ولد سند❤️لو بت سيدة❤️ قالت لي انا م فاهمة😢 دقيقة دقيقة قصدك😳هزيت ليها راسي😂 قربت ترميني حاضناني ساعه وبتبكي طلعت بره تكورك بقيت خالة❤️خالتو انتصار وامي قلبو بيت بكي❤️ عمو حامد جاء بارك لي وكان فرحان شديد واهتمامات تقيلة ❤️ دخلت غرفة سيدة عاينت لي كتبها شلت كتاب الكمياء قلبي وجعني شديد💔 نزلت مني دمعه بتاعت حسر واسف فتحت الكتاب وبقيت اقرى في في حاجات م عرفتها لانو م قريت تانية سيدة لمن جات لقتني وصلت الدرس الخامس قالت بتقري😂 قلت ليها اي حلو وساهل قالت لي الدورس الاولى ديل انا م فاهمة منهم شي قلت ليها تعال اشرح ليك فعلا شرحت ليها
= اثيل واو انتي مبالغة انا القارية تانية م فهمتهم😳
والله هم ساهلات انتي بس ركزي
= والله ي اثيل لو كان واصلتي تعليمك كان ابدعتي💔
كلو لي خير اقول الحمد لله
= انتي م تفتحي مع خالي الموضوع🌚
عارفة اخر مرة ضربني كيف💔 تاني م بفتح الموضوع دا
= اسي الوضع بختلف انتي حامل بي ولدو🌚 اكيد بتفرق حاولي معاهو
- طيب بشوف
وائل جاء وباركو ليهو بعد المغرب رجعنا بيتنا قال لي بكرة ننزل نجيب هدوم البيبي🌚❤️ ضحكت ضحك😂هو بتين جا لمن عاوز تجيب الهدوم اسي معروف ولد ولا بت اصبر😂 مسك يدي وقال لي اثيل اعفي لي كل شي عملتو ليك انتي صبرتي معاي شديد💔 وانا اوعدك من اليوم حاسعدك الطفل دا حيكون صفحة جديدة نبداها سوا انا وانتي واطفالنا❤️ باسني في راسي وقال لي الله يخليك لي واسعدك❤️ اجي اسي بتبكي مالك😂😂 م قاعدة ابكي دي دموع الفرح😢❤️ قال لي فرح لكن يلا ارح ننوم😂😂❤️ قمت صحيت الظهر بصوت الجرس فتحتو كانت رغد سلمت علي ودخلنا نتونس قلت ليها ماف داعي لي التعب🥰 قال لي تعب شنو انتي ي بت عويرة نحن اخوات❤️
= دايما بتخجليني ي رغد بلطفك دا❤️
- العفو ي بت م بينا
تلفونها ضرب وقعد تنطط قالت والله ي منذر كذاب انا من سمعت اسم منذر لا اراديا دموعي نزلت واتضايقت شديد💔 كملت مكالمتها وبقت تعاين لي بستغراب
اثيل انتي كويسة ؟
= اي كويسة
-مالك بتبكي
= لالا ماف شي بس لمن قلتي منذر زكرتيني اخوي💔
- بالله انا برضو اخوي اسمو منذر واسي ضرب لي قال هو وامي جايني من بورسودان حيقعدو معاي شهر
= يصلو بالسلامه ان شاء الله❤️
-انتي صحي ي اثيل اهلك وين م حصل جبتي لي سيرتهم
= دي قصة طويلة بحكيها ليك لمن تكوني فاضية💔
- طيب حبيبتي يلا انا ماشة ارتب البيت لانهم في لحظة بصلو
= اوكي جاية اساعدك
- لالا تساعدني شنو انتي موش ممنوعه من الحركة م تتعبي نفسك يلا حبيبه لي بكرة بجيب امي نجي نشرب معاك القهوة
= طوالي خلاص بنتظركم❤️ قدمتها لحد الباب م كان عندي موضوع اعملو شغلت التلفزيون م فيهو موضوع اتذكرت انو عندي ابرة كروشي وخيوط وانا اصلن بحب الخياطة جبتها وبقيت اخيط لبعد المغرب عملت فستان اطفال❤️بالون الاحمر وعملت فلينة كحليه❤️ ووائل قال لي دا شنو😂
قلت لي عدم موضوع بس🌚- فنانة لكن 😂
=اصلن 😌
- طيب يلا ختي الاكل لانو البيبي جيعان
=حاضر
اكلنا وهو غسل العدة وعمل القهوة قعدنا نحضر 12 نمنا مرت ثلاثه شهور ودخلت في الخامس لاحظت انو وائل بدا يتغير في تعاملو معاي وبقي يعاملني احسن من اول ❤️وم بزعلني نهائي واي شي اقول لي يعملو وم بخلني اشتغل ولا بخليني انزل برجولي ومدلعني شديد طبعا الوحم بهدلني 😂 وائل مرات بكرهو شديد وم بكون طايقة بدون مقدمات بشاكلو ومرات ابكي كان مستحملني ونهائي م بزهج❤️وكل م اشاكلو يجي يراضيني❤️حملي خلاني اشتاق لي امي شديد وكنت يومي بفقدها 💔هي وابوي بقولو البت م بتعرف قيمة امها الا لمن تحمل❤️ اتمنيت يكون معاي ويشاركوني اللحظات دي 💔وامي تقيف معاي زي زي اي بت امي سعاد م كانت مقصرة لكن برضو كنت بفقد امي💔 وائل جاب لي تلفون عشان لو عاوزة شي اضرب لي ورغد علمتني استخدمو كيف❤️ كنت كل م اضرب لي اهلي تلفوناتهم مغلقة قلت امكن غيرو شرائحهم عشان م اضرب ليهم💔 اشتقت لي منذر شديد 💔وكل م اشوف وائل وخالتو انتصار بتذكرو💔
الليلة السبت عندي مقابلة مع الدكتور انتظرت وائل يجي وسيدة قالت ماشة معاي هي خلصت تالت وبقت قاعده معاي عشان م اكون براي❤️ وائل جاء وطلعنا الدكتور طمني قلت لي ولد ولا بت قال لي خليها مفاجاة والبجي من الله كلو حلو❤️وراني صورو بكيت بكى❤️احساس الروح البتتحرك جواي شلت الصور وبقيت اعاين ليها الشارع كلو وائل قال لي م تعايني لي ولدي كدا بتسحري لي😂😂🌚قلت لي ولدك من حلاتو يعني😒 سيدة قالت لي لو بشبه خالي حلاوة قرض بس الخوف يجي حلبي وبشبه الاتراك زيك كدا😂😂😂😂قلت ليهم ي بختو لو بشبهني😌حيكون كسااار وائل قال لي اه وين ياا😂 شميتو شديد في اللحظة دي😒 بقو مشغلنها لي وانا م برد لحد م وصلنا طلعت طوالي نمت عاملة زعلانه😂 جاتني صحية زي12كدا وكان نفسي في بطيخ شديد لقيت وائل صاحي وماسك تلفونو
-وائل