رواية رحم بديل (كامله جميع الفصول) بقلم زينب سعيد

 رواية ليلة النعماني

 الفصل الحادي عشر والثاني عشر11و12

 بقلم ميفو السلطان

 

اقترب كل من ليله وفؤاد من جميله ومراد  قالت ليله في حاجه مهمه يا اولاد عايزه اقول لكم عليها  وانا كنت مخبيه من فتره و خلاص لازم تعرفو  ان ان.... لتتشجع انا وفؤاد كنا بقى لنا فتره متخانقين عشان اسباب انتم صغيرين لسه ما تعرفوش عنها حاجه زعلانين من بعض بس هو لما عرف ان جميله محتاجه عمليه نزل بسرعه عشان يبقى جمبنا حبيت اقول ان فؤاد يبقى يبقي... بابا ..

سكت مراد ولم يتكلم ولكن جميله ابتسمت و اتسعت ابتسامتها و وطلبت من والدها ان يقترب ثم قبلته قبله طويله واحتضنته قالت ايوه انت بابا واحلى بابا وانا مبسوطه ان انت بابا

 حملها فؤاد و ظل يقبلها ودموعه تنزل من عينيه بغزاره. ليرجف قلب ليله 

ومراد ينظر اليه بتوجس هنا قال... فؤاد ايه يا مراد مش عايز تقول حاجه..

ليهتف مراد.. مش عارف.

فهتف فؤاد.. .يعني مضايق..

قال... لا...

 فاكمل فؤاد.. طب حاسس بايه..

فقال له ماعرفش..

ليهتف فؤاد بحنيه.. طب ممكن تديني فرصه يا مراد اقرب منك..

فأومأ له و اقترب مراد من امه فامسكت يديه كانت تعلم ان مراد لا يظهر مشاعره بسهوله  فاشارت لفواد ان يتغاضي عن ذلك..

ثم نظر فؤاد بخبث لليله وقال لها وانت يا ماما مش مبسوطه اننا رجعنا متصالحين يا قلبي..

فاتجهت انظار اولادها اليها فكزت علي اسنانها واضطرت ان تتصنع الابتسام وقالتله طبعا يا فؤاد مبسوطه..

ليهتف فؤاد بمرح.. شوفو يا ولاد امكو اقلها يا حبيبتي ويا قلبي ودي تقلي يا فؤاد..

نظرت بغضب. قالت مندفعه امال اقلك ايه..

قال لها بمشاكسه  قولي يا قلبي يا فؤوش يا حبيبي مش فؤاد ناشفه كده..

 هنا تدخل مراد وقال... اه يا ماما هو يقلنا يا حبيبي وانت برضه قوليله يلا يا ماما قولي..

اقترب فؤاد وشال مراد ووضعه علي اكتافه وقال.. اسمعي كلام ابنك..

نظرت اليه مصدومه وقالت له متوعده ماشي يا فؤاد..

فقال له رافعا اصبعه ومشيرا بحاجبه علي مراد.. يا اييييه..

فلوت فمها وقالت ماشي يا قلبي😏..

هنا هلل فؤاد وظل يقفز بابنه سمعت يا واد بتقلك اني قلبها يادي الهنا.. وقال في سره  انشاء الله هيبقي والله بس اصبري عليا يا قلب فؤاد من جوا دانا فؤاد النعماني..

ليعود ويهلل مع اولاده ونراد بدا يندمج معه فهما نفس الشخصيه.

ليقول فؤاد..  ايه رايكم نحتفل ونجيب بيتزا مين عايز بيتزا فرح كل من مراد وجميله وطلب منهم طب بتحبوها بايه.

فاطرقت ليله وجهها لانهم لم ياكلو البيتزا نهائي. ميفوميفو.  اسرعت وقالت باي حاجه.. فطلب لهم من جميع الانواع وظلو ياكلو ويضحكون وابيهم يداعبهم وخاصه جميله فاصبحت تلتصق به كجلده. 

الا ان ليله كانت بعيده ... كانت قاطبه جبينها. لتمر ايام وايام ليتشبع الاولاد بحنيه ذلك الفؤاد الذي خلع فؤاده وعاد اليه بعودتهم ليصب حنانه عليهم حتي التصقت به حوريته الصغيره واحس ان ابنه اصبح لا يرهبه بلي الاكثر احس انه سيكون حليفا له.

لياتي يوم والأولاد ملتصقون بتبيهم حينئذا نظر مراد اليها وقال... ماما تعالي اقعدي جنب بابا قاعده بعيد ليه مش اتصالحتو خلاص..

 قال فؤاد في سره.. ابن ابوك والله قول يابني قول دانت وقعتلي من السما هييييح ..

قالت ليله لا ابدا يا حبيبي مفيش مكان بس السرير صغير. سيباكو براحتكو.. .

هنا قام مراد وقال لابيه.. تعال يا بابا كده شويه وانت يا جميله اتلحلحي تعالي يا ماما فيه مكان اهوه اياكي تقعدي لوحدك تاني مش بابا قال البنت لازم تدلع وجميله مش هتاخد كل الدلع.

وهنا اخرجت له جميله لسانها مره اخري فقطب مراد وتجاهلها وقال.... لازم بابا يدلعك شويه برضه...

 كان فؤاد صدره منتفخ من السعاده واراد ان يحضن ابنه لانه يقول درر من فمه...وعلم ان سر رجوع ليلته هو مراد.. فابنته طيبه مثل امها اما ابنه فهو نسخه منه يتمتع بالصلاده والخبث كما انه سهل المعشر ََمع امه وتنقاد اليه وتستمع له.. .

وهنا ليله شعرت بان جسمها تحول لكتله نار من الخجل  واضطرت ان تستجيب لابنها فهيا فعلا تنقاد اليه فهو كسند لها مان طفلا عجيبا يحرك المكان بطريقته الخاصه. قامت وجلست علي حرف السرير بجوار فؤاد وطلب مراد ان ياخذو صوره معا وهنا انضمو جميعا واخرج فؤاد تليفونه وبيده الاخري ضم ليله وبينهم اولادهم وكانت صوره اكثر من رائعه..

هنا قامت ليله علي الفور وخرجت من الباب وجلس فؤاد يداعب اولاده ويحضر لهم اشياء من الثلاجه لياكلوها وهم سعداء  وعندما عادت ليله

قال مراد بابا هو انت عايش فين..

قال له.. انا لسه جاي واشتريت بيت نعيش فيه كلنا..ميفوميفو.

نظرت له ليله نظرات مميته ولكنه اصر ان يكمل فاولاده هم من سيجعلون امهم تخضع له... وفيه بسين  وزرع وورود...

صفقت جميله من الفرحه وقالت طب هنروح امتي ونسيب القوضه بتاعه السطح يا بابا دا اوضه سقعه وبتسقط ميه علينا..

هنا لم تستطع ليله ان تمكث اكتر من ذلك وخرجت مندفعه من الغرفه...

اقترب مراد من اخته وقرصها في يدها قال.. كلامك وحش دا بيتنا وبيت ماما وماما بتحبه..

 قرر فؤاد ان يخرج الي ليله ليعلم ماذا سيفعلان..خرج فؤاد ليجدها تبكي وما ان احست به مسحت دموعها سريعا والتفتت اليه غاضبه وقالت.... هو انت مش ملاحظ انك مزودها بيت ايه االي هنروح نعيش فيه.. البيت اللي رمتني منه انت بتحلم...

 قال لها.. لا دا بيت تاني بجهزه ليكو...

فهتفت حانقه.. فؤاد انت ناوي علي ايه انا ماعنديش استعداد اخسر حياتي وشغلي...

فقال فواد... اولا لازم الولاد يتنقلو باسمي ودي انا هتصرف فيها في خلال يومين بالضبط هيبقو ولادي..

 فتحت عينها علي وسعها.. قول كده عشان تاخدهم مني صح..

 لم يرد عليها واكمل.. ثانيا انت بتقولي مفيش احنا بس فيه ولادي وانا ولادي لازم يتهنو بخيري مش معقول هيفضلو عالسطوح وابوهم معاه تلال فلوس..

نظرت اليه شذرا وقالت... مش بالفلوس علي فكره.. ياما ناس َمعاها فلوس وماتربتش..

قال لها شكرا يا ستي بس انا ولادي خلاص هاخدهم في حضني والقرار ليكي...

لتصرخ.. يعني ايه هتاخد ولادي مني دانت بتحلم دانا اقتلك بايديا..

اقترب منها وقال لها بحب وهيام.. واهون عليكي ايديكي الحلوه دي تقتل واحد قليل زي انا..... دانا ببقي جنبك َمفيش خالص عجينه خديها اعملي بيها اللي تحبيه  .

ارتبكت وقالت بقلك ايه انا مش عايزه كلام من ده وتتعدل وانت بتكلمني..

فهتف فؤاد بشده.. . بصي من الاخر ولادي هشتريلهم فيلا واجهزها وانت ليكي الحريه تقرري..

 فهتفت... لا مش حريه انت بتلوي دراعي...

 نظر اليها وقال... خليكي موضوعيه تتمني ولادك يخشو احسن مدارس ويعيشو في احسن مكان تتمني ايه والا يكملو فوق السطوح..... ظلت صامته تشعر بالقهر تعلم انه محق..

ليتنهد عارف وحاسس ونظراتك بتقول بس فكري فيهم.

لتنظر اليه بسخريه افكر فيهم. لا حلوه. 

فقالت اوك بس انا بره الحسبه هكمل في شغلي وانت ليك ولادك وبس...

ليهتف بهدوء.. اسمعي يا ليله عايزه تشتغلي اجبلك شغلانه محترمه انما دي خلاص ولادي ماينفعش امهم تبقي ....

صرخت فيه مقاطعه بقهر.. تبقي ايه مالها امهم انطق.امهم شافت الذل امهم اترمت مدبوحه في الشارع كانت تتكلم وتخبط علي قلبها من الوجع امهم اتقالها انت جايبه ولاد من الحرام ونمتي في الحرام وانضربت واتهانت وبرضع ماماتتش  امهم اترمت في مستشفي جه الغريب حن عليها مكسره ومحصوره جابولها فرشه تنام عليها علي سطوح قوضه سقعه وضلمه نزلت اشيل كراتين وانا حامل وبطني قدامي اشتغلت شفتين عشان اجيب فلوس بعت عفش امي عشان اجيب لولادك اسم عشان مايبقوش ولاد حرام كت بصعب عالناس من غلبي ولادك ماعرفش طلعو شبعانين ازاي عشان ربنا عالم انا شفت ذل اد ايه انت جاي تقلي امهم امهم كانت بتنام كل يوم معيطه من القهر امهم ربتهم بتعب وكد.. امهم نزلت الدنيا لوحدها ماعهاش الا ربنا واتعرضت لقرف الدنيا امهم كانت بتنضف ارضيات حمامات وسيادتك نايم في الفلل و القصور.. كانت غاضبه بشده وضعت يدها في وسطها قولي مالها امهم واقتربت منه وخبطت علي صدره..

 كان متاثرا والدموع تترقرق في عينيه . اقترب منها وقال بهيام.. احلي واجمل واجدع ام في الدنيا وربنا.. ام تشرف اي حد وراسه تبقي مرفوعه في السما ثم نزل براسه قرب وجهها وقال ... بس لازم تعقل شويه وتبص لمصلحه ولادها ليله انا عارف انه صعب عليكي بس انت بتعملي للعيال ولادنا يا ليله.. البنت هتبقي اميره وابني هيبقي برنس وهو بصراحه برنس في نفسه.. كمان فيه حاجه تانيه واهدي كده. ميفوميفو. صمت برهه لتستعيد وعيها ثم قال.. لازم نرجع لبعض

 وهنا لم تستطع ليله الصمود اكثر من ذلك وانطلقت تضحك بهستيريه..

. فقطب جبينه... قال لها. ضحكتك اوي...

نظرت اليه وقالت له.. انت عقلك فيه حاجه يا فؤاد بيه.. رجوع ايه ومين اللي يرجع لمين..

نظر اليها واكمل هو..... ايوه امال هقعد مع ولادي بصفتي ايه انا هعيش مع ولادي مش هزور ولادي ودا اللي عندي وانت حره عايزه تعيشي َمعايا من غير جواز انت حره بس هيبقي شكلك مش ولابد والعيال هيقولو ايه... ابنك مراد لسانه متبري منه الا ماتعرفيش لسانه دا جايبه منين 😁  مش هيسكت وساعتها هقول ماما مش راضيه... لم ترد عليه ليله وتركت المكان.

فهتف بها مستني ردك عشان كلها كام اسبوع ونروح بيتنا.. واكمل في نفسه نروح بيتنا يا قلبي من جوا..وساعتها هتبقي حلالي وهوريك من العشق انواع.. بكره تعرفي اد ايه انا ندمان عاللي عملته وانه كان غصب عني واللي عمل كده رقبته مش هتكفيني فيها حاجه..ميفو ميفو 

اضطر فؤاد ان يرجع الفيلا ودخل وقبل يد عمته وجلس واستند واغمض عينيه وابتسم.واخرج الموبايل وسرح في الصوره.. .

فنظرت اليه فيروز بتوجس وقلبها يرجف مالك يا حبيبي قلي..

هقلك يا امي اخيرا رجع فؤاد النعماني بتاع زمان الانسان.. فؤاد اللي بيحس.. انا حاسس اني ملكت الدنيا وما فيها... وهنا بدا يقص عليها ماحدث معه.... (دا بيحكلها 😳😳😳هيبقي ايامك طين بس اصبر احكي يا مصيبه احكي😎) .... ظل يحكي وكلما استمر تحس فيروز بالنار في قلبها وبدات تتعب وظلت تشهق قام علي الفور واعطاها ماء عمتي عمتي مالك يا حبيبتي.(مفيش حربايه في نفسها شويه 😁😁) ...

استجمعت نفسها بصعوبه وقالت له.. مفيش يا حبيبي الصدمه بس.. طب الحمد لله ان ولادك رجعو لحضنك يا قلب عمتك.. (قلب عمته برضه يا بومه العصر وكل العصور يا حربايه بديلين) ... ...

 قال لها..  طب انا هطلع اغير وارجع تاني عايزه حاجه معلش مقصر معاكي..

قالت له... بالسلامه يا غالي... ذهب فؤاد وانتفضت هيا من مكانها وانتظرت حتي انصرف فؤاد ولبست وذهبت الي المركز واتفقت مع الطبيب ان يسافر ويختفي او يذهب لمكان لا يعرف عنه احد واعطته مالا كثرا لان لو عثر فؤاد عليه سيقتله وهنا سيعرف انهم السبب.. احست بقبضه في قلبها.. لا لا لا مش ممكن دانا اموت دا يبعد عني ويرميني لا دانا اقتله واقتل نفسي.. لا لا يا فؤاد مش ممكن تعرف..... . وانصرفت بعد ان رتبت كل شئ.. ميفوميفو

عاد فؤاد الي المشفي ليجد جميله نائمه والدكاتره اطمئنو عليها ومراد يجلس ومعه عصير وليله راكنه راسها عالانتريه ومغمضه عينيها... عندما دخل اشار له مراد ان يصمت وياتي بجواره...

جلس فؤاد بجوار ابنه فقال مراد هامسا بابا.. هو انت لسه زعلان مع ماما..

نظر اليه بدهشه وقال له انا مش زعلان بتسال ليه..

قال مراد.. عشان ماما شكلها لسه زعلان انا حاسس انها مش بتتكلم معاك خالص وانا خايف تزعلو تاني وتمشو وتسيبو بعض..

هتف فؤاد بحب.. عمري ما همشي واسيبكو تاني يا قلبي.. واه ماما لسه شويه وبمساعدتك يا بطل ترجعها معايا وتصالحها عليا..

قال له.. خلاص يا بابا بس اوعي تقلها عشان ماما بتثق فيا وكده هيبقي شكلي وحش انا مش اهبل زي جميله..وانت كبير بقه وبتعرف حاجات البنات دي اعملها اقلك ماما بتحب الورد هاتلها ورد اتلحلح يا بابا..

نظر اليه مصعوقا اتلحلح 🙄🙄 ليهتف.. طب اقنعها يا مراد  نرجع كلنا الفيلا  ونقعد مع بعض وتقعد هيا من الشغل ماشي

 هتف مراد مسرعا.. اوك اتفاق..

ليهتف فؤاد بسعاده.. اتفاق يا قلب ابوك..دانت حبيبي يا مودي والله..

هنا وقف مراد محذرا ابيه.. ايه مودي دي انا مش عيل صغير انا مراد فؤاد النعماني والا ايه..

 قال ابيه  له بفخر... دا ايه وايه وايه.. انت كده ازاي يبني ماشاءالله.. طب يلا اسف يا مراد باشا..

هتف مراد..  ماشي عفوت عنك. 

 فضحك فؤاد وقال له طب قوم نام بقي يا لمض ...

قام مراد ونام علي السرير. جلس فؤاد بجوار ليله يتاملها بهيام وحب ظل اكثر من ساعه يحدق بها. فاخرج هاتفه والتقط لها عده صور و هيا كل حين وحين تتنهد وهيا نائَمه واحيانا تئن.. كان قلبه يحثه علي ان يقترب.. اقترب منها ووضع يده علي شعرها يتلمسها ثم امتد يده لا اراديا ليلامس خدها..ليهمس وحشاني يا قلب فؤاد نفسي اخدك في حضني اداويكي ليقترب ويقبل خدها بهدوء بحبك لتتململ وتسقط علي صدره ليحاوطها بيديه وقلبه يرحف.. ليتنهد يا رب ماتصحي. ليظل يجاعب شعرها ويقبل راسها ويسمعها من الحنان مافاض 

ولكنها تململت   وهنا فتحت عينها لتجده امامها فانتفضت وقالت..... ايه فيه ايه انت قاعد كده ليه.

 هتف بسخريه واقعد ازاي عرفيني اللي بيقعدو بيبقي شكلهم ايه ...شدت نفسها اشاحت بوجهها ولم ترد.. فقال لها يلا قومي عالسرير عشان عايز انام.. قامت غاضبه من سكات لتنام واعطته ضهرها وظلا مستيقظان يفكران في بعضهما لوقت متاخر هيا تفكر كيف تصده.وتقف امامه فهي تحس ان قلبها سيخونها .و هو يفكر كيف يلين راسها الحديدي هذا ويرجعها الي حضنه مره اخري حتي غطا في النوم .ميفوميفو. 

مرت الايام وتوطدت علاقه فؤاد بمراد واصبح صديقا له اما جميله فاصبحت حوريته المقربه لا تفارق حضنه ابدا..

 وفي يوم نظر مراد لابيه وغمز له وقال.. الا هو يا بابا لما انا وجميله وماما نروح الفيلا هتسافر وتيجي والا هتعيش معانا..

قال له... لا طبعا هنعيش كلنا..

 كانت ليله تغلي بداخلها ولا تعلم ماذا تفعل.. كانت كمن يساق امامهم دون ادني مجهود من فؤاد..

ليهتف مراد.. ماما انت هتسيبي الشغل امتي...

قالت له.. واسيبه ليه

 قال لها.. عشان بابا معاه فلوس وهو ابونا وجوزك وانتو ماعتوش زعلانين يبقي لازم تقعدي وتتدلعي زي الستات اللي بنشوفهم في التليفزيون مش كده يا بابا..

 قال له.. يبني دانا هموت واقعد وادلعها للصبح بس ترضي.امك دماغها ناشفه ومغلباني كانت تنظر له بغضب وتكز علي اسنانها..

فقاطعهم مراد وقال عارف طلعالي مانا دايما بتقلي دماغك ناشف.. .

 اقترب منهامراد وحضنها وقال... ماما انت تعبتي ارتاحي بقه..

هنا انهمرت دموع ليله لفرط احساس ابنها ولا شعوريا قالت زي ماتحب يا حبيبي انت تؤمر... هنا انشرح قلب فؤاد وحمد ربه علي وجود طفل كمراد بهذه العقليه.

نظر مراد لابيه محذرا وقال. وانت متزعلهاش ودلعها كتير وسيب البت جميله دي شويه مش هيصه هيه..

قال له.. بس كده دانت تؤمر يا مراد باشا.. ..

.في تلك الاثناء كانت العقربه الشمطاء كل حين تتصل بفؤاد لتطمئن عليه..( قلبها الحنين مش مستحمل يا جدعان😁😁..) . وكانت ليله تستمع لهم في بعض الاوقات وكانت تقطب جبينها وفؤاد يلاحظ ذلك فهي لا تحب تلك المراه... (ولا احنا والله المتابعين عايزين يجبوها من شعرها والله.😎😎😎)ميفوميفو .

مر بعض الوقت بعد فتره اقترب فؤاد من ليله وقال.. ها قررتي...

كانت تعلم انه لن يتركهم وهيا لن تمكث معه بدون عقد شرعي وتعلم ان هذا مصلحه اولادها  قالت له.شوف بقه انا عارفه انك بتضغط عليا بولادي وانا مجبره اوافق ابتسم فواد واتسعت ابتسامته.لانه فهم انها ستوافق كان فقط ينتظر بس موافقتها ثم سيفعل المستحيل عندما تكون حلاله.سيجعل عشقه يتغلغل في قلبها.. سيجعلها اميره علي عرش قلبه.. سيلتصق بها حتي تستسلم لحبه.. (الواد هيحب علي روحه يا جدعان) . . قالت انا موافقه اتجوزك بس بشروطي  واول شرط.. .

الفصل الثاني عشر

انا موافقه يا فؤاد اننا نرجع..

كانت اول مره تقول له فؤاد اغمض عينيه يستمتع باسمه من بين شفتيها وصمت قليلا..

ولكنها قطبت جبينها وقالت فؤاد فؤاد...

ليهتف بحب.. سمعت يا ليله والله وقلبي بيطبل.. فتح عينيه ونظر لها بحب شديد

 فارتبكت. اشاحت بوجهها وقالت انا ليا شروط..

هتف بحب.. اؤمر يا قمر وانا اقطع نفسي كده قدامك...

 نظرت اليه غاضبه. بقلك ايه اتعدل في الكلام احنا مش جايين نحب في بعض..

قال لها.. فعلا مَاعنديش حق مره تانيه كملي..

 هزت راسها مستنكره وقالت بص بقه اول شرط مالكش دعوه بيا... انا حره..

قطب جبينه وقال... حره ازاي يعني اركب قرون ماركبتش قبل كده والله والا انت جيباهم هتركبهملي جاهزين  ...

فهتفت بحنق.. ماتحترم نفسك شويه انت دماغك شمال..

اقترب منها وقال هو فيه احلي من الشمال بس بالحلال والله..

 غضبت و همت ان تنصرف وقالت لا انا ماعرفش اتكلم كده..

مسك يدها فسحبتهم بسرعه كأن لسعتها الكهربا وقال خلاص يا ستي.. فهميني..

قالت.. يعني جوازنا علي ورق صوري يعني. مالكش دعوه بيا ولا تقرب مني انت في حته وانا في حته تنساني خالص..

قطب جبينه لانه كان متوقع ذلك. قال لها ماشي يا ليله مع ان دي حقوقي بس انا عمري ماهقربلك غصب عنك مش انا يا ليله.بس انساكي ازاي وانت حته من قلبي.. يا رب صبرني..

نفخت مستغفره و. قاطعته لا وتبطل كلامك ده

فقاطعها انت عايزه تشليني صح يبقي لا كلام ولا فعل ارحميني بقه..

 اشاحت. بوجهها واكملت فيه حاجه مهمه ولادي ليا كل الحق في اتخاذ قرارات يعني ماتروحش تعمل حاجه من غير ماتقلي..

قال لها.. ماشي يا ستي ها لسه ايه قولي قولي ماتتكسفيش زي جوزك برضه..

لتهتف.. عايزه اشتغل واصرف علي نفسي..

 قال لها.. حاضر اول أما أقلب سوسن هخليكي تصرفي علي نفسك..

لتقول بحنق.. انت هتهزر..

ليهتف.. ماهو الكلام بالعقل عندك عيلين وزوج صحيح عالورق 😏😔بس ليا طلبات تانيه وبيت وانا عندي فلوس متلتله واخرتها نفسك تخليني سوسن واخلي مراتي تلف تشتغل عند الناس.. انا وافقت علي كل شروطك ده استحاله فاعقلي كده .

 تنهدت وقالت له بغيظ وابقي تحت رحمتك مش كدده تذلني زي مانت عاوز اه مانا لا اهل ولا فلوس .. ماشي...

رد عليها متوجعا يبقي يوم موتي لو عملت كده يا ليله انا مش واطي انا اطعنت في ضهري بس شغل بره البيت لا واالف لا انت تقعدي هانم لا اميره وقلبي يجبلك اللي تعوزيه تحت رجلك...

رفعت شفتيها بسخريه وقالت ماشي... كَمان بقه البيت اللي هنبقي فيه يتكتب باسم ولادي..

قال لها.. عنيا الاتنين وايديا تمضي وتبصم.ولو عايزه تكتبيني معاهم باسمكو انا جاهز والنبي خديني فوق البيعه هقعد مؤدب .

احست بالغيظ . ماكنتش عارفه توجعه ازاي فتزكرت عمته فقالت له وعمتك انا ماليش دعوه بيها..

قطب جبينه وقال يعني ايه...

لتهتف.. يعني كل واحد في بيته عايز تبات معاها انت حر انما انا البيت هيبقي ليا وولادي..

ليهتف بوجع.. انت عايزاني اسيب عمتي لوحدها يا ليله وهيا مالهاش غيري وست كبيره..(. بس يا حزين بلادك.😎😎😎😎.) . ... انت من امتي  بقيتي قاسيه كده...( والنبي اتنيل واسكت الا انا مببقوقه منك ومن الحربايه التانيه.والمتبعين وارمين مش وارمين برضه يا متابعين.. يا متابعين😁😁😁😁) ...

 قالت له.. كتر خيرك انت وهيا السبب مش كانت بتسخنك عليا..

فهتف بوجع... عمتي بتحبني يا ليله وبتغير بس استحاله تأذي حد.. (يا وله 😂😂😂عمته مابتاذيش حد يا ولاااااد .) ...

قالت له.. ده اللي عندي غير كده لا...

قال لها.. بس انا كمان عندي شروط...

قالت له..... نعم ودا بتاع ايه ان شاء الله

قال لها مانا برضه لازم اتكلم والا هطق...

فهتفت... ايه اتفضل قول...

ليقول بوجع.. ليله انت لازم تعرفي انا عملت كده ليه انا عشت ايام بتقطع وانت بعيده عني

قاطعته وقالت له... بقلك ايه انا مش عايزه اسمع...

 قاطعها لا هتسمعي انا شايل جبل علي صدري انا حاسس ان راسي في الارض ومش عارف ارفعها انا صدري هينفلق نصين  وبدأ في سرد ماحدث معه حرفيا وكلما اكمل تنظر له بذهول وعندما انتهي كانت الدموع تغرغر في عينيه.وعينيها . انا اتعذبت اوي يا ليله مش انت لوحدك. انا اتهنت واتمسحت كرامتي وحسيت اني مش راجل وماعرفش ليه ومين عمل كده.. انا كنت بتقطع لما اشوفك فرحانه ومعايا وعارف انك مش هتبقي ام كنت اناني بس اموت ولا ابعد عنك.. انا حسيت اني ماليش لازمه ... فاهمه حسيت اني ولا حاجه.. فؤاد النعماني بجلاله قدره مراته تعمل فيه كده..لما عرفت بحملك كنت زي المجنون ولولا انهم شالوكي من تحت ايدي كنت موتك.. ليلتي انا بتاعتي تعمل كده وليه قعدت سنين بتقطع واقول عشان غشيت يبقي تستاهل تتغش.. انا قعدت قافل علي نفسي سنه بقيت مجنون وشكلي بقه مرعب  لولا كريم خرجني بالخناق كنت واحد تاني اتحولت لوحش مابيرحمش كنت وحش اوي يا ليله.. ومش عارف ليه دانا عمري ماغضبت ربنا وماليش في قله الادب والشغل الشمال وشايل عمتي علي راسي (ماهو ده السبب يا حزين😁😁😁 )انا يا ليله كنت هتجنن حبيت وحده بجنون تعمل فيا كده وليه يتعمل فينا كده انت نسمه ومفيش منك ليه نتأذي كده لا اعتراض علي حكمك يا رب.. بس انا اتربيت يا ليله.. فؤاد النعماني اتربي عن حق.وراسه اندعكت في الارض وشي بقي في التراب كنت مابرفعش عيني في الحرس بتوعي واعتزلت الدنيا حتي عمتي بعدت عنها (بخت كنت كملت يا سبعي😂) عرفت ان الانسان لما ينكسر بيبقي  ولا حاجه .. فيه ربنا هو الكبير واحنا مجرد ادوات علي الارض .

احست بوجع في قلبها عليه وازاي هو اتعذب وكان مجبور يعمل كده احست بكسرته في كلامه وتعذبت لعذابه فهي تحبه بشده ولكنها لا تعترف بذلك.ميفوميفو. ولكنها استعادت صلابتها وقالت... وانت سيادتك ضحكت عليا واتجوزتني وانت مش بتخلف.(. البت دي هبله سابت دا كله وراحت فين بت بت ارجعي🙈🙈😳😳) ..

هنا نظر اليها غير مصدق انها غاضبه من هذا فابتسم فهي مصيبه صعب ان احدا يعرف دماغها بتفكر ازاي... قال.... عشان كنت ولسه  بعشقك عشان كنت ممكن اموت نفسي واموتك... فاكره يوم ماقدمتي استقالتك كنت بحاول ابعدك بس ماعرفتش ماقدرتش اهون عليا اموت ولا انك تغيبي عن عيني انت النفس اللي بتنفسه يا قلبي ...

قالت لله انت غشتني والغش كمل وبقي جريمه انت السبب في كل ده كنت قلي وكنت هقف جنبك كنت قلي مش تسيبني واطلع في الاخر واحده خاينه...

فهتف مسرعا... ماهو احنا قعدنا كام شهر مابنخلفش وكنت متوقع انك تعترضي ونروح نكشف.(. يا ريتك كنت كشفت يا حزين بس نقول ايه عقربه الكون مادتكوش فرصه😠😠😠) .... وكنت متاكد انك هتقفي جنبي.. انا بحبك يا ليله لا بحبك ايه انا والله بعشقك واتمنالك الرضا بس تبقي جنبي... والله دا اكبر امنيه ليه نفسي ارجع امانك ودنيتك نفسي اوفي بوعدي اللي اتمرغ في التراب انا نفسي ارجع الراجل اللي وعد ونفذ ..

 كانت ليله في دنيا غير الدنيا وحاولت ان تلتمس له العذر وكان وجهها يتغير مابين اللين والقسوه كان حبه ايضا متغلغل في قلبها ولكنها ترفض ان يخرج كرامتها عمياها عن اي شئ...

كان يعلم انها تحارب مشاعرها فقرر ان يتدخل علي الاقل اصبح هناك بعض الاعذار له وبعض اللين منها... فقال لها بصي يا ليله انا عن نفسي هعيش عمري كله مستنيكي تسامحيني هستحمل منك اللي تعمليه لو رشقتي سكينه في قلبي والله ماهنطق وهفضل مستني اشاره منك بس يكفيني انك هتبقي والولاد جنبي وفي حضني وفي امان ..

 نظرت اليه بقوه وقالت... بس ماتقلش حضني دي .. فؤاد جوازنا عشان العيال وبس وكل واحد في حاله ناس كتير عايشين مع ولادهم عشان عيالهم ودا قراري وليك انك توافق او ترفض...

فهتف سعيدا . ارفض دانا ماصدقت تقولي اه  ارفض طب يلا وشدها وهم ان يخرح بها..

 اوقفته وقالت... ايه انت اتجننت هنروح فين ونسيب العيال..

ليهتف.. اه صح عندك حق.. ورفع سماعه الفون وامر احد الحرس ان ياتي بمأذون وكلم صديقه كريم وذهب لحجره مدير المشفي لكي يتم الزواج بها وياتي بالشهود في غضون ساعه كان كل شئ جاهز وتمت الزيجه وكان فؤاد سيجن من الفرحه.

اما هيا فمشاعرها مشوشه ما بين الرفض واللين وخاصه بعد ما حكي لها كل شئ.. وما ان انهي الماذون الدعاء لهم حتي قام واحتضنها بشده كاد ان يدخلها بين ضلوعه. همس بحب وهيام وحشتيني يا ليلتي... كان يعلم انها لن تتحرك لوجود الناس بينهم ولكنه لم يخجل لانه يعلم انه لن يقربها في القريب ابدا ولن تسمح له... بارك لهم الجميع وانصرفو..

خرجت ليله غاضبه ودخلت حجره الاولاد وجلست وظلت صامته ومرتبكه مما فعله امام الناس وبدات احاسيسها تتحرك فساعه تغضب وتقطب حاجبيها وساعه تسهم وتسرح فيما فعل ويلين وجهها..( فاضلك تكتين كده يا لوزه بس الواد فؤش ده يفضالك😁😁.ميفو ميفو .. 

تذكر فواد عمته حبيبته (وحبيبتنا كلنا اللي عليها مطلب جماعي تبقي عالاسفلت فرافيت قولو انشالله😅😅) واخبرها انه سيتم عقد قرانه علي ليله وانهم سينتقلون لفيلته الاخري..

فباركت له وما ان  اغلق الخط حتي قامت قيامه تلك الحيزبون وظلت تصرخ واهتاجت وظلت تكسر ماحولها.. طب اعمل ايه طب اروح فيه بعد ماكنت خلصت من واحده جالي تلاته يا خيبتك يا فيروز هتموتي مقهوره يا فيروز (انشاله قولو امين) طب هيا بعيده عني اجيبها تحت ايدي ازاي ازاي وظلت تفكر وتدور كالمجنونه الي ان هدأت فجأه وابتسمت بخبث (تس تس انا الثعبان🐍😁😁) انا هتمسكن لحد ماياخدني. شويه مرض علي شويه حزن كل اما يجي مش هعمل كده مره واحده ليحسو بحاجه انا لازم ادخل بينهم لازم.. وجلست وظلت تخبط علي ركبتها يا حرقه قلبك يا فيروز هتستحملي ازاي... منك لله يا ليله انت وولادك ربنا ياخدكم وارتاح اه يا ناري مش عارفه اسكت... نسيبها بقه تاكل في بعضها شويه شالله الحربئه تطبق علي روحها    ونفرح كلنا.ميفوميفو..

 دخل فؤاد بعد قليل يدندن والسعاده واضحه علي ملامحه..

فاقترب منه مراد وهمس له فيه ايه انت زعلتها..

قال له.. لا والله يا ابني.. اسالها حتي...

 اقترب مراد من والدته وقال لها... انت زعلانه ومكشره ليه...

تصنعت الابتسام وقالت له وهيا تكز علي اسنانها وتنظر لفؤاد بغضب الذي كان يدندن.. لا مش زعلانه...

وهنا قاطع فؤاد الجميع وقال... بصو بقه احنا بقالنا تقريبا شهر و جميلتي الحمد لله بقت باحسن حال يبقي خلاص نروح بيتنا هلل الجميع وظلو يدورون حول ابيهم وهيا تنظر لهم غير مصدقه وقاطبه وجهها.. (هتفكيها امته بقه اتخنقنا والله😏😏😀😀.) .. وبداو يستعدو وانهي فؤاد الاجراءات اتجهو جميعا الي الخارج..

فقالت له انا عايزه اروح البيت الاول.

قال.... ماحنا يا حبيبي راحين البيت..

سمعت كلمه حبيبي فرجف قلبها.. وقطبت وقالت بيتي اروح بيتي

هنا صرخ الاولاد ليه يا ماما هنعمل ايه هناك..

 قالت هطلع اجيب حجات ليا خاصه

 قال لها.. نودي العيال واوديكي الحته اللي تأمري بيها..(. ايه الرجاله دي 😂 😂 😂 😂.) .

وصلو الي الفيلا كانت جميله وراقيه وكان عليها حرس .. كانت كما يجب ان يكون دخلو جميعا وهنا اقتربت جميله من ابيه وقالت بدهشه دي بتاعتنا لوحدنا..

احس بالالم وابتسم وقال كلها ليكو يا قلب بابا..

وجاء الخدم وعرفهم علي سيده المنزل.. قال دي ليله هانم ودي جميله هانم ودا مراد بيه اي غلطه او زعل او شكوي مالكوش قعاد..

اقترب من ليله وقال.. ده عم محمد الجنايني ودي الست حميده الللي هتشيل المطبخ طبيخها هيعجبك كانت ست ودوده للغايه ودي بقه للعيال مدام امنيه هتخلي بالها منهم لو احتاجو حاجه... بصو بقه يا ولاد انتشرو والعبو براحتكو واخذهم للاعلي لجناح كبير وقال دي بتاعتكو يا ولاد كان مليئا باللعب والملابس وكل ما يخص الاولاد وتنطط الاولاد وحضنو والدهم..

 ونظر الي امنيه  وقال العيال ماتفاريقهمش واي غلط مش مسموح.. قالت له.. امرك يابيه...

 ثم انتقل الاولاد ومعهم امنيه وليله  الي جناح كبير به حجره نوم رائعه وانتريه كبير وحجره دريسينج ملحقه بها

فهتف الاولاد ودي بتاعتكو صح يا بابا..

قال بصوت خافت متوجس من تلك المترقبه بجانبه.. نعم يا حبايبي..

هنا انصدمت ليله واحست بانها كالصنم لم تستطع ان تتكلم ولكنها كانت تريد ان تقتل فؤاد بيديها وتنزع عينيه الساخره هذه...ميفو ميفو 

استدار فؤاد ونظر الي امنيه وقال لها خلي بالك من الولاد احنا راحين مشوار.. ونظر الي ليله وقال... يلا يا ليله عايزه تروحي فين...

 تقدمت ليله يتأكلها الغيظ حتي ركبت معه وكانت صامته لا تقدر ان تنطق فالسائق والحرس معهم.. اعطت السائق العنوان ما ان وصلو حتي ترجلت وذهبت الي بيت الخاله فوزيه لتسلم عليها وما ان راتها حتي احتضنتها.. وحشتيني يا قلب خالتك كده يا ليله كل الوقت ده انت عارفه اني من يوم العمليه وانا تعبانه والبت جميله ماعرفتش اوجب معاها...

قالت لها.. دي بنتك يا خالتي توجبي ايه.. طب خشي خشي كان هو يقف وراء ليله وقالت لها دا فؤاد يا خالتي ورجعنا لبعض عشان الولاد واتجوزنا وهنروح معاه البيت ...

هتفت فوزيه  بجد فرحتيني يا قلبي تعيشي وتتهني وانت خلي بالك منها دي جوهره وغلبانه احنا ولايه يا بيه مالناش الا سمعتنا خلي بالك وحرس عليهم. حطهم في عينك انت جتلك الفرصه اوعي تضيعها...

نظر لها بامتنان وقال لها.. دول في عيوني يا حاجه...

 هنا قامت ليله قالتلها بصي يا خالتي انا هسييب الاوضه هاخد حاجاتي الخاصه  بس وانت بقه كل اللي فيها بتاعك..تاجريه تبيعيه انت حره. ولو عايزه حاجه انا موجوده يا خالتي كلميني بس ابعتلك العربيه تيجي تاخدك وتوديك انا ماقدرش ابعد عنك انت عارفه وبكت..

لتهتف فوزيه بحنان.. تسلميلي يا بنتي..بنت اصول.

 نظرت الي فؤاد والله ماهتلاقي ضفرها..

 ابتسم لها وقال انا اتمنالها الرضي ترضي يا ست فوزيه .

صعدت ليله وهيا مازالت غاضبه من فؤاد تنتظر ان يكونو بمفردهم بفارغ الصبر.. وصلو للسطوح وهنا استدارت ليله والغضب ينهش قلبها وقالت  ...... 

         الفصل الثالث عشر من هنا

لقراءة باقي الفصول اضغط هنا 

تعديل المقال