رواية حكاية الطفلة اثيل
الفصل الاخير
بقلم شهد عبد الله
اول م دخلت كان في راجل كبيير قال لي اثيل عماد😳😍❤️عاش من شافك
=عفوا بتعرفني؟
-ماف بني ادم في الدنيا دي يقدر ينسى حسناء بالجمال دا وماف راجل بنسى البت الخطفت قلبو من قبل اكتر من 20سنه 😍❤️
=م عرفتك🙂
السكستيرة قالت لي دي اثيل عمااد😍😍 حيروني طبعا قلت لي انت منو؟
=انا احمد جيتني قبل 24 سنه شهر 10 يوم 13 الساعه 2 و14 دقيقه سالتيني من عبد الرحيم
-انت احمد😳اهلين كيفك
=الزول البشوفك يكون كيف سعيد جدا بلقاك😍😍 سند عصب قال لي احم نحن جاين من طرف السفير عندنا خزانه باسم اثيل عماد 🙂 وعاوزنها
=طوالي 😍😁 انت اخوها؟
-ولدها 🙂ممكن ترشدنا ليها
انا ماشه معاهم ومستغربه في الزول دا انا زاتي نسيت شكلو هو متذكر التفاصيل دي كيف؟ لقيت الخزانه زي م هي شلت مجموعه الاملاك الفي الاقاليم وخليت الباقي وصيتهم لو م جيت تاني اي شي بملكو لي اولادي التلاته وخليت املاك المغرب لانو م عندي نيه نهائي امشي ليها💔 رجعنا البيت منذر قال لي ها لقيتوها
=كلامك صح زي م خليتها
-كلمتك😍😍
عبودي قال لي انا شايف فكره امريكا تهور ي ماما 🙂
=لي المانع شنو
-م عارف والله لكن نمشي كلنا كدا العمر بمشي وابوي دا بقي زول كبير طوالي سند دخل فيه كف لمن خلعوني هو شنو ابوي ابوي😡😡 ابوك سال منك اصلا انت حيوان ولا م بتفهم امي دي قدر م تعمل ليك ابوي ابوي الله يحرقك انت وابوك يااخ 😡😡عبودي رجع لي الكف قال لي اذا انا بحترمك م يعني انك ترفع يدك انت م ارجل مني فاهم بعدين انت المهلوس بي ابوك والله انا قصدي ابوي حامد وائل دا نزلو من راسك 😡
=انت بتضربني ي عبودي؟
-اي اضربك انا م صغير عشان ترفع يدك م كل م تتعصب تجي تتفش فينا امشي شوف ليك زول اتنفسن فيهو😡😡
=اتفشا فيكم؟انا صح؟كتر خيرك ي اخوي 🙂وشكرا برضو
قلت لي عبودي اعتزر دا اخوك الكبيير
-م كل مره حاعتزر عشان اخوي الكبير هو الكبير انا اصغر منو نعم ما إحترمني لي ولا عشان هو سندك العظيم يلا زاتو مبروك امريكا تتهنو بيها وتتهنو بحياتكم 😡😡😡دخل غرفتو بعد شويه جاء شايل شنطه سند قال لي ماشي وين
=السماء الاحمر الحقني 😡
-شايفه الولد دا ي امي
=امك م شايفه غيرك اصلن
انا قعدتا ابكي ارتاح من مشكله تتطلع لي وحده تانيه قبل الحق عبودي دور عربتو وطلع غضبااان سند طلع بي وراهو ي الله
=ي اثيل اتقوي
-والله تعبت ي منذر تعبت عديييل كدا انا..
ميمو جات من الشغل في شنو ي ماما؟ منذر حكي ليها شالت مفاتيحها ولحقت اخوانها وانا قاعده في الارض منذر صبرني قال لي قومي صلي مشيت اصلي ..
عبودي سايق بغضب والاتنين لاحقنو ميمو ضربت لي
=ي زفت انت ماشي وين اقيف لي انا م شاكلتك
-الزفت مريحكم منو
=عبودي قلت ليك اقيف وم تجنني
-م واقف 😡😡
بعد نص ساعه وقف في مكان شبه غابة ونزل سند نزل بوراهو ميمو جاتهم وبعدين معاكم انتو لبتين حتتصرفو زي الاطفال 😒😒حتكبرو بتين انتو يااخ م بتزهجو من الشكل دا
=دا ضربني كف اتخيلي🙂
-عبودي 😳ضربت سند؟؟
=هو زاتو ضربني😡😡
-تقوم ترجعو ليه😳😳
=برجعو وميه كمان سند قال لي ي زول احترم نفسك 😒
-وبعدين معاكم هس اسكتو يااااخ انت ي سند مهما يكون م تضربو موش قاعد تقول نحن اخوانك وم بترضا فينا؟يبقي انت زاتك م تضرب اخوك افهمو نحن م عندنا غير بعض وغيرها اسي انتو فكرتو فيها ؟ م كفايه العاشتو جايين تتمو الناقصه؟ وانت ي عبودي سند دا اكتر زول اهتم بينا وانت بذات شالك في عيونو وبمشي الموت عشان لو غضب وضربك عادي اخوك م تردو ليه لانو دا عدم احترام القصه م الارجل منو الكبير منو فهموتو بعدين خالي وامي واقفين م احترمتوهم خلاص بقيتو رجال تعلو اصواتكم وانت ي زفت عبودي وضربتو في كتفو عشان السبب دا شايل شنتطك ؟حتمشي تخلينا وين يعني؟نحن بنموت بدون هبلك والله😂😂وعامل حردان امريكا خلينا نسافر يبقى ليك بنبي واقعد غني ظلموني الحبايب😂😂 بلاش هبل ي عم يلا اتصالحو قدامي اسي سند قال م داير عبودي صرا وشو وقال علي اساس ميت اصالحك 😒 ميمو قالت ليهم طيب اي زول في اتجاه لو قدرتو تعيشو من غير بعض اسبوع م تدوني يدكم تاني اي واحد فيهم مشى علي عربتو تاني رجعو بضحكو😂😂 حضنو بعض
-م بقدر اعيش بدونك ي حيوان
=انا عبودي م اثيل ي ولد😂😂🙈🙈
-بديك كف تاني😒
=انا م بفرق معاي كعب انت الحلبي وشك زي الطمام 😂😂😂
-ميمو شفتي الزول دا 😒=خلاص بطلو شكل ويلا البيت امي منتظرانا شفع ياااخ😒😒
عبودي قال ليها اسي انتي عاملة كبيرة يعني ؟😂😂
=عبودي انزل من راسي وطير عربيتك
-فهمنا طاير ي دكتورتي 😂❤️
اي واحد ركب عربيتو ورجعو البيت بضحكو
قلت ليهم خير ان شاء الله
ميمو قالت لي تم الصلح بين الجنوب والشمال 😂😂😂
=كويس😒
سند باسني في راسي اعفي لينا ي غاليه عبودي قال لي اثيل اخر مره😪❤️
=بالله😒
-وحات عيونك السمحه دي😍
=طيب جاء باسني واتعلق فيني اسف اسف اسف اسف اسف
=عبودي فكني بموت😂😂❤️اخر مره ؟
-اي والله وعد😪
=وانت ي سند😒
-اخر مره ي غاليه 😁
=طيرو قدامي الغداء
نحن بنحبك ي اثيل 😍❤️
=همممم سمح غسلو يدينكم😂😂😂❤️اكلنا ساكتيين عبودي قال اسف ي خالي
=م مشككله اصلا انت عصبي زي لمن تغضب م بتشوف😂😂😂
- امي دايما بتقول كدا😂 اثيل مالك م بتاكلي عيانه😳
= ي ولد اختاني😒😒
-لا بجد حاسه بشنو 😂😂
قلت لي عبودي سيب البت في حالها اكلنا ودخلت غرفتي تلفوني ضرب رقم غريب
-الو
=اثيل كيفك😍
-تمام منو؟
=انا احمد
-هممممم عاوز حاجه ؟
=اي اطلعي بره😍
-بره وين😳😳😳
=انا واقف جم بابكم
-انت مجنون ولا كيف م طالعه
=والله م تطلعي اخش
-......ا
=ها قلتي شنو؟؟
-استغفر الله العظيم جايه لبست توب ومشيت اشوفو اول م طلعت مدا لي يدو
=داير شنو
-اركبي اول وقفتك م صح
=تمام
ركبت قال لي اثيل انا بحبك والله وم من الليله وبس من زمن وطول شديد انتي عارفه انا من يوم شفتك للان م اتعرفت علي بت ولا قدرت اتزوج لانو بشوف في كل بت وشك وانا عاوزك حلالي واقضي باقي ايامي معاك😍
= احم بالنسبه للحب اثيل م بتحب ولا عندها مشاعر زي دي ولا بتعرفها لو سالتني عن الحب بقول ليك اولادي واخوي وللعلم اني متزوجه وفي زمه راجل وم بقدر لي اي سبب اتزوج واولادي رجال اما بالنسبه لانك حبيتني وم اتزوجت فاسفه والله لانك من الاول عارفني متزوجه وم بتزكر اصلن انو حصل بينا تعارف تعاملنا كان في حدود اعرف معلومات عن ابوي
-دقيقه انتي بت عبد الرحيم القلبتي الدنيا😳😳 بعدين متزوجه شنو انتي قايلاني م عارف البينك وبين وائل ؟
=اي انا بتو+ البيني وبينو انت نهائي م بخصك وزي م قلت ليك انا متزوجه وم بقدر اديك مكان في حياتي ومع سلامه 😊😊
نزلت وخليتو دخلت البيت مستغربه حب في العمر دا؟ الراجل دا بكون كم وستين حب شنو ليهو؟ في ناس بتحب لي اسي ولا عشان انا م حبيت ولا جربت الاحساس دا؟💔 لا مدام عارفني متزوجه جاي يقول لي اسي بحبك؟ 😂😂قعد اضحك م كفاني عمر جاني احمد ميمو قالت لي في شنو ي ماما دخلنا غرفتي حكيت ليها قال لي طيب وافقي اصلن وائل م بستاهلك انتي من حقك تعيشي حياتك
=باين جنيتي ي بتي بعدين حياتي دي انا عايشاها مع احلا تلاته في الدنيا😍 حضنتني وفاتت انا بقيت اضحك ورقدت نمت تاني يوم كنت مبسوطه وبغني حاسه في شي حلو 😂😂❤️ دخلت استحميت لبست بجامه تلت اربع وعملت كعكتين مشيت صبحت علي منذر ودخلت اعمل الشاي لقيت اثيل بتعمل فيهو
=البت القرضه😍
-طالعه لعمتي😌❤️
=كيف اصبحتي حبيبتي 😍
-كويسه ي امي انا بعمل في الكيك وهي الشاي وبنغني (عيونو كحيله وحواجبو غزيرة علمني الغيرة سكن الجزيرة حبيبي انا)
عبودي قال لينا مالكم بتغنو لي من الصباح😂😂😌
سند قال لي انت مالك وهمي كدا بغنو لي انا😌
=ولا واحد بغني لي اخوي😂😂😁❤️
ميمو قالت ليهم نقول اول احراج من الصباح😂😂 عبودي قال ليها خلي حركاتك دي وبقو يغنو معاي عملنا الشاي والكل فرحان واي عيون بتحكي قصه 😂😂 م عارفاهم مالهم جاتنا تغريد وعبودي وميمو طوالي اتشاكلو في مها 😂😂 اتونسنا كدا استاذنت منهم ومشيت الحديقه الوره بقرأ في الجريدة ❤️نزلتها لقيت سند وعبودي واقفين جم بعض ونظرات بين الفرح والخجل
=مالكم بتتخجلو 😂😂❤️
سند قال لي انا بحب اثيل عبودي قال لي انا برضو بحب اثيل 😁
=انا زاتي بحبكم ي ماما😍
عبودي وقع في الارض من الضحك قال لي امي مخك بجي الساعة سته😂😂
=م فهمتكم؟
سند قال لي م اثيل انتي ي امي قلت لي اثيل منو؟
=بت اختك 🙈
-بت اخوك🙈
ااااا 😂😂😂😂انت ي سند اثيل بت رغد وعبودي اثيل بت منذر مبروووك ي حلوين😍😍العرس بتين؟ عبودي قال لي حار حار كدا😂😂
=اي لازم في شهر الجاي كيف 🌚
-امي قولي بسم الله😂😳
=موافقين؟
سند قال لي ابشري طوالي بقيت ازغرد بعد سكت بكييت😭😭😭😭❤️ سند قال لي مالك😳عبودي قال لي دي الغيره😂😂😂😁
=انت لو م سكت م بخليك تعرس😒😒
-خشمي عندي🙊🙊
=والله كبرتو ي اولادي لي اسي بتذكر شايلاكم صغار ونلعب في الحديقه دي وتخلوني اسككم البيت كلو 😭😭😭لي اسي بتذكر يومي شكله الصباح في الحمام لمن توسخو لي البيت بالطين والاكل واقعد ابكي تحنسوني وانضفكم سوا بتذكر المصارعه ويوم كنت حامل بي ميمو عبودي اداني بوكس قال عشان تتطلع سرعه😂😂😂 شويه شويه كبرتو وبقيتو رجااال لحظه اني اشوفكم في بيتكم دي اتمنيتها كتييير 😍😍 وكنت خايفه م احضره الحمد لله الله حضرني ليكم ❤️
سند قال لي م قصرتي ي الغاليه كنتي ام وام وكل شي لينا م خليتنا نحتاج شي ابدا ولا يوم زعلتينا 😍❤️دايما مصدر لي كل شي في حياتنا 😍❤️ حضنتهم وقعدت ابكي ميلاف قالت لينا الام واولادها عاملين حبكانيااات وخالني😒😒
=اخوانك عاوزين يعرسو ❤️
-م جاده واااااي وزغردت😍
قالت لي سند انت معروف اثيل 😍وانت ي عبودي رهام ولا يقين ولا سوسن ولا حنان ولا ديك المصريه اسمها منو ميار ولا الق ولا يزن منو؟ قعدنا نضحك 😂😂😂قال ليها اثيل برضو 😍😍
=بت خالو منذر والله كذااب وتاني فكت زغروده ناس منذر طلعو قال لينا في شنو 😂😂😂قلت لي اولادك حيعرسو م فضل لي الا يزغرد😂😂قال لي مبروك ديل منو سعديات الحظ قلت لي سند عاوز اثيل بت رغد وعبودي عاوز براءة اخت ماجد الصغيره 😍❤️هنا اولادي اتخلعو اثيل اتصدمت زيادة صرت وشها وفاتت ي اثيل ي عمتو تعالي م بترد مشيت لقيتها تبكي مالك ي بت😳
=ماف شي ي امي😭😭
-بحبك لمن تقولي امي بعدين اصلن امك وام راجلك 😂❤️
=قصدك عبودي😭😭
-اي ي عويره انا بهظر 😂😁 قعدت تبكي زيادة حضنتها وكلمت منذر قال لي ابشري القي احسن منو وين تغريد بتزغرد رغد جات مالك 😂
=اولادي عاوزين يعرسو😍
قعد تزغرد مسكتني وبكت فرحت اكتر مني هي زاتها ربتهم معاي ويعتبر اولادها باركت ليهم سند حضنها عبودي قال لي اي اي كسر تلج حق النسابه دا م بتقدر علي😂😂😂❤️ رغد قالت لي م تقول اثيل بتي 😂 وبقت تزغرد وتبكي اثيل اول م عرفت اتخجلت وطلعت 😂😂❤️❤️يعني احلا ايام حياتي يوم كلو دموع وفرح وم سلمنا من تشغيلات عبوودي 😂❤️ اي زول نام فرحان اكتر من التاني😍 تاني يوم ضربت لي اسامه وقال م عندو مشكله 😍طوالي لبست واتمكيجت وطلعت مشيت بري شايله علب حلاوه دخلت لقيت وائل في وشي 🙂🙂قال لي السماحه والاناقه دي يوم بتقتلنا😍😍
-احترم سنك🙂
دخلت الهول لقيتهم كلهم قاعدين 😂 كلمتهم خمسه دقايق البيت اتملا زغاريد وفرح 😍😍❤️وائل جاء جاري مالكم امي سعاد قالت لي مبروك اولادك حيعرسو وقف مسافه دموعو جرت انبسط شديد قال لي مبرووووك😍❤️
=الله يبارك فيك تاني جاب حلاوه استاذنت منو وطلعت ضربت لي عمر عشان يحضر لي ميزانيه للعرس 😍❤️بارك لي راجعه البييت لاقاني ماجد في الشارع سلم علي وفرحني زيادة لم قال ي خالتو انا عاوز ميلاف علي سنه الله ورسوله من الفرح لقيت نفسي بزغرد في الشارع قلت لي حالقى لي ميلاف احسن منك وين راجل ود راجال😍مبروك حبيبي دخلت البيت عاوزة اطير من الفرح😍 لقيت ميمو و عبودي بتاشكلو قال ليها ي بايرة اسي لو كان اسمك اثيل كان عرسوك😂😂😂قالت لي انا اثيل الاصليه ي استاذ😉م تنسى اسمي منو 😌😌
=ومنو القاليك بتي بايره اسي لاقاني ماجد واتقدم ليها 😍😍سند من سمع ماجد فقد اعصابو من الفرح وعبودي مبسوط😍ميمو بقت تنطط قولي والله ي ماما يس يس 😂😂عبودي قال لي سند ي كافي البلاء اختنا دون العروسات لا خجل لا استحاء اسي في عروس يتقدمو ليها بتننط ي بت اخجلي حبه 😂😂😂😂😂
=سمح خجلتا🙈🙈🙈ودخلت غرفتها البقيه باركو لي دخلت لميمو غرفتها قلت ليها من بتيين لي م وريتني؟😁
=هو شنو🙈
-م تعملي غبيه بتحبي من بتين؟
=من عمري 14لم سالتك عن الحب وطلع قدر ظني ختمناها بزواج😍❤️
-طلعتي م هينة ي ختي😂😂😂حضنتها شديد لمن بقينا نبكي 😭😭 عبودي قال لي والله حيرتونا الواحد لو قالو لي كيف تبكو 😂😂
=انت لي قلبك ميت وم عندك احساس؟؟
-والله م عارف لكن شكلو الشغله وراثه😂😂😂
=ي ولد اطلع بره😒
من تاني يوم بديت التجهيزات العرس بدا بعد 15يوم 😍❤️الليله وينا شيلة سند امباح كان سد مال ميمو وبكره عبودي😍❤️ بعد ودينا سد المال بقيت في دق الريحه عملت للتلاته عروسات دق ريحه بانصاف مدني اصلن التلاته ساكنين في نفس البيت😍❤️ غايتو كان يوم رهييب بعديها عملت الحنه الاولى لاولادي في السطوح معاهم ماجد😍😍❤️❤️ والحفلات شغاله 10 يوم م وقفت ❤️ الليله الحنه الرسميه بتاعت سند وعبودي😍 كانت في صاله الاحلام 😍❤️ لمن سند جاء داخل عملت لي زفه بندى القلعه كانت اخترت الاغنيه انا غنت لي(علي عروض الرجال مامون بخون الزمن وهو الم بخون يطول عمرو ود امو البقيل ويشيل سند لي عطوف وحنون يطولي عمرو ويطول عمري) ❤️عبودي غني لي طلال الساته الله يعلي قدرك❤️ الحنه كانت حلوه شديد رجعنا الساعه وحده كنت تعبانه تعب سيده قالت لي دربك مرق بعد دا
=لسه ي صحبتي ي داب في نص الطريق🙂❤️
-تاني عندك شنو؟
=لسه بعاين لطريقي الم عندو نهايه😂❤️
- الله يوفقك في حياتك
=اولادي كانو اكبر حمل والحمد لله حاشوفهم في بيتهم😍❤️
-والله صبرتي ي اثيل الله يديني قوتك وثباتك 😍
=امين ي رب حضنتي عليها لمن دموعي جرت ماف احسن من الصاحب البشيل همك❤️
نمتا الصباح وديت ميلاف الجلسه بتاع الكوفير ❤️وقلت ليها بجيك العصر لانو حنتها عصريه ❤️ لبست تووب كوبي فيهو ورده كبييره بالرمادي وطقمو رمادي لبست دهبي وعملت شعري ضنب حصان واتمكيجت ركبت عربتي مشيت جبت بتي😍❤️قمر قمر كاني بشوف نفسي واقفه قدامي😍❤️حضنتها وبكييت اخوانها باركو ليها وببكو عبودي قال لي ملكتنا بقت عروس😂❤️❤️
=🙈🙈🙈احم
-هييي ي بت م تتخجلي لي هنا انا عارفك علي حقيقتك امشي غشي ام ماجد بخجلك دا الله يصبرها المره طيبانه م عارفه الجاييها😂😂😂❤️
=ي سند اتكلم معاهو 😒😒
-انا خليني بكره لم ماجد يشاكلك افتحي باب الشارع قول لي ماشه اكلم ليك سند سمح😂😂😁
قلت لي انت في شنو ونحن في شنو 😒😒😒م بتعقل نهاي😂😂 اتحركنا اول م وصلنا اخوانها شالوها 😂😂❤️والحفله اشتغلت بعد المغرب الرجال طلعو وعملنا رقيص العروس لي 12 ❤️رجعنا هلكانين شديد الحمد لله عندي يومين راحه تاني يوم بنشرب في الشاي عبودي قال آخر 48 ساعه في حياة العوزبيه واخر قعاد لينا ي اخواني ونحن بايرين 😂😂 امي سعاد ضحكت لم اتشرقت قالت لي بتقتلني وتقعد😂😂ميمو قالت لي الهول دا يما م شاهد مشاكل وحروبات عالميه لم يراها التاريخ قط😂😂❤️سند قال ليهم في نفس المكان بكينا وضحكنا وعشنا اجمل ايام حياتنا مع اثييل 😍❤️عبودي قال ليهم الفي شنو والماف شنو اسي نتمها قام يلعبو ويتعاورو زي زمان ساقوني معاهم وصلنا الحديقه بقينا نتراشش بالمويه 😂😂❤️لعبنا غميطه وحجله ونط حبل ومصارعه يوم حلو شديد كلو لعب دخلو معانا بكري واثيل ولدن😂😂❤️الساعه1 لعبنا ليدو ونمنا ❤️ تاني يوم كلو نوم من التعب الليله العرس 😍❤️ من الصباح بكري ودا العروسات دخلت غرفة سند ي صلاة العيد بالجلابيه والعمه 😍❤️ هيبه ي خواني بعدها جاء داخل عبودي اول م شفتو دموعي نزلت زكرني وائل يوم عقد علي ياسمين💔💔حلويييين شديد ياخي والله حضنتهم وحصنتهم😭❤️ وطلعت معاهوم للباب لقينا وائل واقف وعيونو دموعو حضنهم ببكي وبارك ليهم طلعو معاهو وكانو مبسوطين رغد تزغرد والبنات يزغردو انا حلقي مربوط من الفرح ❤️طلعو علي الصاله انا لبست توب زيتي طقمتو بيج😍 عملت ميكب بسيط وتسريحه وطلعت في ظرف دقايق وصلنا الصاله بعد الظهر العقد بدا اي واحد فيهم فاتح التلفون لمرتو ❤️ بعد خلص بدا الرصاص والزغاريد تعالو شوفو الدموع 😭😭❤️والفرح باركت ليهم سقت العرسان ومشينا علي الكوفير نبارك😍ميمو كانت بتبكي شديد هي واثيل واثيل التانيه خجلانه😂😂❤️باركت ليهم ومشيت الكوفير الحجزنا في انا ورغد وسيدة اولادي كانو في الساونه بعد المغرب خلصنا رغد وسيدة تياب بالفضي انا كنت لابسة فستان مخنصر من فوق اكمامو طويله وفاتحه بالجمبه لونو اسود مشغول بالمستطرده❤️ فاكه شعري وعامله تسريحه😍 وصلنا الكوفير العروسات اي وحده احلا من التانيه😍❤️ باركتا ليهم وبقينا منتظرين العرسان اول م وصلو بقينا نزغرد عبودي قال لي اثيل زحي من جم مرتي عشان م اغير راي السماحه يااااخ😩😩😩
=ي ولد دا م وقت يهظرو في 😂😂😒
-ياااخ انا جادي اعلن كامل انبراشي في اثيل عماد 😩❤️
=الله يهديك غايتو 😂😂 وصلنا الصاله دخلو اول سند واثيل بعديهم عبودي واثيل بعدهم ميمو وماجد 😍❤️والله خفت من العين حصنتهم الحفله كانت حلوه شديد الساعه 11مشينا صاله تاني للجرتق 😍❤ كان اوفر نايت والصاله رهيبة شديد ديكورا بالبلدي وفها تراث الشمال والغرب يعني حاجه كدا منتهي الوب علي 😍😍😍❤️عملنا الجرتق واتحركو للمطار ❤️ كنت شايفه البيت كيف كيف ومن رجعت ببكي حسيت بشعور وحده عمري م حسيت بي اشتقت ليهم شديد الزول م بقدر يعيش بدون سند وعوارة عبودي ودلع ميمو 😭❤️ رغد زاتها زي حتي منذر تاني يوم البيت كان كئيب شديد وكلنا ساكتيين 💔منذر قال لي ي حليلهم كانومالين لينا البيت
=اي والله اشتقت ليهم 😪
تغريد جات شايله مها قالت لينا دي بت فك الزهجة البت حلو حلا😍❤️❤️ بعد اسبوع ضربو لينا اتونست معاهم كتيير قفلت منهم رجعت ابكي ضربت لعمر ماشين السفاره عشان عاوزة بيت لاقاني احمد اتخطيتو شلت اوراق البيت طلع في المعموره محطه 64 مشيت فتحتو كانو حلو وشكلو بنايه قديمه من حياة ابوي بشبه القصور القديمه لمن دخلت كان معلقه فيهو صور لي ابوي واخوانو عرفت دا كان بيتهم زمان وكلت عمر يصينو لي قال بحتاج 15يوم فعلا مشينا انا ومنذر بعد15يوم والصراحه اتفاجأت بالتغير كان حلو شديد فرشت لسند تحت وميمو وعبودي فوق❤️ شكرتو ورجعت البيت تعبانه من الجري اول م دخلت نطا فيني عبودي عليك الله م اشتقت لي😂🌚
=انتو جيتو بتين 😭😭❤️
سلمت عليهم من كتر الشوق كل دقيقه بقوم اسلم😂❤️ دخلت اعمل ليهم الغداء لقيت سيدة عملتو اكلنا وعملنا الكرامه عشا ناس امي جو بتونسو وائل قال عامل ليهم حفله وقلت لي كويس بعد طلعو سند قال لي وافقتي لي الحيمشي منو؟😡💔
=ي ولدي ابوك م تكسر بخاطرو 🙂هو يداب عرف غلطو وبدا يصلح العملو
-بصلح بعد فات الاوان انتي بتتكلمي كيف؟
=برضو ابوكم وحتمشو ولا علي عينكم مفهوم😡
-عشانك بس🙂
تاني يوم عمل ليهم حفله حلوه شديد كنت لابسه توب منديل بصلي وفيهو بسيط بالاسود وطقمتو بالاسود وميمو لابسه فسات زي😍في الصاله قال لي م اتوقعتك تجي
=محل م تلقي اولادي حتلقاني🙂
-كويس نورتي ي ام اولادي😍😍❤️
=بنورك وائل حامد😊
بعد خلصنا ورجعنا قلت ليهم عندي ليكم مفاجاه ي ماما 😍❤️ الحو علي يعرفو قلت ليهم لا بكره بس اي زول دخل غرفتو متشوق😍❤️ تاني يوم الساعه 11 انا بعمل في الفطور سند قال لي المفاجاة ؟
=خلي الشفقه بعد الفطور 😂😁
-الله يجيب الفطوور 😂😪
=ساعدني طيب
-عيوني ليك انا😍❤️
عملنا الفطور سوا سند فات ينادي مرتو ومشيت اناديهم ناديتهم وقلت لي عبودي يمشي بيت ناس ماجد يناديهم جاني بضحك لمن ببكي😂😂😂قلت لي مالك ؟
=عايني بتك جايه كيف😂😂عاينت وره جايه بي بجامه وعامله شعرتين قلت ليها وين الطرحه ي ماما
= الشارع فاضي عاينت يمين يسار وجيت جاريه عشان كدا عبودي بضحك😂😒😒
-ي بتي انتي عروس والعروس م بطلع من بيتها بالمنظر دا😂😂
=والله م عندي ليكم حاجه لمن اقشر ليكم كان م طالعه من باب وداخله في باب تاني كلها مرترين😂😂😁
عبودي قال ليها الله يعينا نحن العرس م حلانا منك😂😒
=طيب بطلو وتعالو اكلو عشان طالعين بعد الفطور اكلنا وميلاف دخلت غرفتها تلبس قلت ليهم البت دي مجنونه رغد قالت لي خليها بتتعود مع الوقت 😂😁 لبسنا ركبو عرباتهم وطلعو وراي وصلنا البيت ودخلنا عجبهم شديد ميمو قالت لي واو ي ماما حلو حلا😍الديكو موبالغه
قلت ليهم دي المفاجاة 😂
عبود قال لي يعني حنرحل هنا 😃😃❤️
=انا ارحل وين دا بيتك انت واخوانك😂😍❤️وشقتك فوق اطلع شوفها
-اثيل انتي بتتكلمي كيف😒 كيف تتوقعي حنعيش بدونك انت بتهظري انا كنت حارجع من شهر العسل من اول اسبوع عشان اشتقت ليك خلي لم اسكن براي بدونك بعدين انا غرفتي م بقبل يغيرو عفشها لمن اطلع من البيت عشان ترتاحي مني ابيييييت م طالع وم بخليك😂😂😒😒 سند قال لي كلامو صاح ي امي منو القال ليك عاوزين بيوت برانا؟ موش لو عرسنا لو بقينا جدود م بنقدر نعيش بدونك الله يخليك لينا دي الثانيه في بعدك سنه ❤️ميمو قالت لي كلامهم صاح هو انا بيت ماجد الفاتح فينا شايفه بعيد خلي لم اجي الخرطوم بدونك 😒❤️ م عرفت اقول شنو لساني انربط وفرحت برضو قلت ليهم طيب والبيت دا؟ سند قال لي خلي زي م هو او م نزهج نجي كلنا نقعد شهر شهرين ونرجع تاني ماف شي بضر😂❤️قلت ليهم طيب قفلنا البيت ورجعنا تاني يوم جوني التلاته سند قال لي عملتي شنو في موضوع امريكا؟
=حنسافر بس قلت تستقرو حبه وعاوزة اطلع ڤيفا لي اثيل
-لالا ي امي سافري انتي نحن بنقعد
=اسافر بدونكم موستحييل😳😳💔
-م مستحيل ونحن م صغار خلاص لحد هنا كفاك العملتي عشانا كفيتي وفيتي فكري في نفسك حبه ياااخ عيشي حياتك يوم واحد قدمي لنفسك حاجه امشي وشقي طريقك عبودي قال لي كلامو صاااح والله م قصرتي معانا ولا بنقدر نوفيك حققك الباقي دا عيشي لنفسك
=م بقدر حشتاق ليكم 😔😔
ميمو قالت لي م مشكله اول م تشتاقي لينا نقطع ونجيك ماف شي بعيد ي امي لازم تواصلي م تقيفي في النص😍❤️
=طيب منو الحيهتم بمنذر م بقدر اخليهو😪💔
منذر جاء داخل قال لي منذر عندو تمنيه اولاد واخت تاني بهتمو بيه موش ي رغد قالت لي كلامك صاااح م بتجينا عوجه انت بس يوم واحد فكري في نفسك خلينا نحن ❤️
=م عارفه اقول ليكم شنو😪
سند قال لي فكري بعد تفكير شهريين قررت اسافر وجهزت اجراءتي الليله يوم سفري كنت متجرسه شديد ومن بليل ببكي عملت ليهم الشاي وقعدت ماف زول جاء دخلت لي عبودي قلت لي بتبكي😳😳جاء حضني والله ي امي حشتاق ليك شديد الله يحفظك لي وتجيني زي م انتي 😭❤️
=عشان كدا م عاوزة اسافر 😔💔
-لازم ي غاليه م حتقيفي في النص جاتني ميمو بتبكي اكتر من عبودي حنستهم ومشينا نشرب الشاي سند م جاء قلت ليهم خلو انا بناديهو م عاوز تشرب الشاي معاي لاخر مره 😭
=م تقولي كدا م اخر مره حتمشي وتجيني تاني واشرب معاك باقي عمري هو الشاي نكهتو شنو لو م انتي قاعد 🙂❤️ حضنتو وطلعنا شربنا الشاي في صمود ودخلت لبست عبودي شال لي شنطتي وطلعنا في العربيه م كنت سامعه غير صوت الانين كانو اي زول بقول لي حشتاق ليك اكتر من التاني ❤️ناس امي لاقوني في المطار كانو متجرسين شديد انا اكتر وحده فيهم وم لاقيه البصبرني جاني وائل قال لي امريكا عديل ي اثيل عماد😂
=ماف شي بعيد🙂
-تصلي بالسلامه وترجعي زي م ودعتك ربنا يوفقك حضني وفات حاره علي فراق اولادي لكن م بي يدي حاجه بعد شويه اسمع الرجاء من الساده المسافرين الامم المتحده التوجه الا الصاله39 هنا اي زول انهار بي اهلو ودعتهم كلهم اخر ناس اولادي كنت حاضنه عبودي شديد وسامعه انينو 💔قلت لي خليك عاقل وبطل جن خلي بالك منهم ومن مرتك واخوانك الله يخليك لي ي جناي وم يحرمني من ضحكتك الحلوه وم تنسى تضرب لي كتيير
=انا بقدر اعيش من غيرك اصلن😭😭❤️بستو في خدو وحضنت ميمو خليك عاقله ي ماما وبطلي جن وم تعذبي ماجد واخوانك ولو زول زعلك اضربي لي 💔
=امي انا بحبك شديد الله م يحرمني منك بستها وحضنتها تاني سند كان واقف بعييد 💔قلت لي سندي م داير تودع امك
=اودعك كيف قولي لي هو انا لو م شفتك م بقدر انووم 💔
- وانا م بهون عليك فراق انا حاسفر بس حاخلي اثيل معاك لازم تكون عاقل انتبه شديد وخلي بالك من منذر ومن اخوانك ❤️وم تتعصب وتقسى عليهم بذات عبودي عارفو مجنون اقعد وعيهو م تزعل وتعاقبو واختك الصغيره دي خلي بالك منها شديد واي دمعه تنزل منها بعتبرها مسؤولتيك خلي بالك من نفسك ي ولدي وابوك لو جاء م تكسر خاطرو حاول افتح ليهو قلبك انت الكبير وانا امنتك كل شي💔حضنتو وقلبي وجعني شديد وهو دمعو ملت كتفي 💔بستو في راسو واتحرك قبل م اخش اتلفت وبقيت اعاين لي اولادي التلاته شديد كاني بشبع عيوني بيهم ❤️ قشيت دموعي ومشيت اول م ركبت الطياره المرة دي غير اول مره افارق اولاد كنت ماشه ومصممه علي حاجه معينه اول مره اعمل شي عشان نفسي ❤️ نزلت في القاهرة ساعتين بعد سافرت في رحله دامت 17 ساعه بعد تعب وصلت امريكا حاجه كدا في منتهى الجمال 😍❤️ قابلتني بت سودانيه اسمها ريم نزلت في واشطن ❤️في حي اسمو هارلم شقتي كانت حلو وصغيرة غرفه وهول ومطبخ حمام داخلي وبلكون صغيرة بطل علي برج الساعه 😍❤️ بعد اسبوع جاتني اوراق القبول في جامعه وسكلوس ميدسون في الهندسة الفيزيائية 😍❤️نزلت من تاني يوم ي الله علي الجامعه رجعت بدري ضربت لاولادي اتكلمت معاهم صورت ليهم الشقه والشوارع وكل م امشي مكان بتصور😂😂 يوم بعد خلصت الجامعه جيت راجعه متاخره داخله علي باب العماره لقتني وحد حلوة حلا قالت لي انتي سودانيه😍❤️
=ايوا😊
طوالي نطت فيني واستلمتني بالاحضان قالت لي الحمد لله اخيرا بعد سنين لقيت سودانية😍❤️❤️
=هههه انتي شكلك سودانيه برضو طيب اتفضلي بيتي
-وساكنه معاي في نفس العماره😍من الحماسه قعدت تنطط دخلنا هي كانت في الطابق الفوقي قالت اسمها احلام جات للجامعه واتزوجت امريكي واستقرت ❤️
=م شاء الله عندك اولاد؟
-اي عندي ولدين واحد جون والتاني شين❤️
=يخسي عليك م تقولي علي ولدك كدا 😒
المره قعدت تضحك قالت لي م شين بمعني سوداني ابوهو سمي علي جدو😂😂❤️
=ايوا حيرتيني😂😂
شربت معاي القهوة وقالت عازماني يوم السبت ودعتها وطلعت غيرت هدومي وبقيت اضحك قلت دي فاتت عبودي والله يعرف اسمو م يسكت للصباح😂😂😂 ضربت ليهم اتونست معاهم ونسيت اكلمو نمت الاسبوع مشى يوم السبت لبست بنطلون جنز وتشير اصفر وطلعت ليها اتعرفت علي اولادها قالت راجلها شغال في باريس ونحن بنتونس اولادي ضربو فديو واحلام فاتت تعمل الغداء فتحت بقيت اتونس معاهم عبودي قال لي انتي وين ودا منو الوراك دا اتلفت قعدت اضحك لمن بكييت قلت لي دا شين😂
=عارفو شين لكن اسمو منو؟
-شين😂😂فكا التلفون وادردق في الارض قال لي اسم علي مسمى😂😂وطيت صوت التلفون قلت لي تعال سلم ميمو قالت لي كيف ي شين 😂😂عبودي قال لي ي شين وفكا ضحكه
=Hi
ميمو قالت لي الشي دا بتكلم انجليزي😂😂عبودي قال لي ادي سند انا م بقدر علي الرطانه ويشيلو ويضحكو 😂😂😂سلمت علي البقيه وقفلت اتغديت ونزلت نمت طوالي تاني يوم في الجامعه اليوم كان متعب ضربت لي ميمو باليل سامعه عبودي بضحك قلت ليها مالو
-دا من امبارح بضحك 😂😂=اديهو شهر عشان يسكت انتو كيف😂😂
-كويسين والله ادتني منذر اتكلمت معاهو ساعه وقفلت بعد 5سنه خلصت الجامعه وعملت ماجستير في الهندسيه الفزيائية ❤️ عبودي جاب ولد عمرو تلاته سنه اسمو اكرم😘❤️حلو حلا وميلاف بتها سمتها اثيل عمرها سنه ونص واثيل مرت سند حامل بي توأم😍😍❤️فرحه اني حبوبه اكبر من فرحتي لكن بس مع الاسف م قدرت امشي اشوفهم بالصور بس واربعه وعشرين ساعه بتكلم معاهم 😍❤️ قدمت بئية فضائيه في نغس الجامعه والحمد لله شالوني برضو كانت خمسه سنه 😍❤️ مرت السنين سرعه والعمر ماشي ❤️ عملت دكتورا في البيئيه الفضائيه واخت شهادة من جامعه سكولس مديسون كافضل طالبه افريقيه في تاريخ الجامعه كرومني وعملو لي احتفال ❤️وبعد 10 سنين غربه قررت ارجع بلدي رفضت اكلمهم لاني بحب المفجات😍❤️ لميت شهاداتي مشيت اشتريت ليهم هداية وسافرت بعد اسبوع وصلت امدرمان 3صباحا اصلن عندي نسخه من المفاتيح دخلت براحه وطوالي غرفتي فتحت النور لقيتها زي م خليتها♥دخلت شنطي غفلت الباب ونمت صحيت بعد ساعه دا الوقت البتصحي فيهو اثيل تعمل الشاي واولادي بصحو للصلاة ❤️ لبست فستان بيت كبدي سرحت شعري وحده ومشيت المطبخ جاتني اثيل عاينت لي كتيير بعد شويه قامت جاريه والله ضحكت ضحك😂😂😂عبودي الحقني البييت مسكون
=في شنو مالك😳😳😳
-والله شفت عمتي في المطبخ كلهم جرو المطبخ لقوني بضحك اي واحد بصرخ اكتر من التاني والشفع قامو مخلوعين😂😂رغد جات جاريه في شنو شافتني بقت تضرخ اكرم جري كلم ميمو كلهم واقفين بعاينو لي 😂😂 قلت ليهم اسره دراميه علي قول عبودي سلمو علي اول 😂😂❤️❤️ كلهم جوني بالشوق والحنين بعد ساعات وساعات حتي قعدنا للشاي😂😂❤️سند قال لي الله علي الطعم الي10سنه م ضقتو حضنتو وقلت م حافوتك تاني بعدين وينهم توماتب ❤️
=نايمين 😂 كلمتي ناس خالتو انتصار
-عاوزة اخلعهم زيكم كدا نمشي ليهم العصر 😍 عبودي يشيل ويبوس فيني قال لي والله م مصدق ي امي 😍 الظهر ركبنا مشينا بري وميمو قاعده جمبي حلفت م تفكني
=حتفضلي معلقه كدا😂
-سنين من الحضن دا يااااخ😍❤️ اول م وصلنا دخلو وانا واقفه بره ياسمين طلعت من بيت امها حضنتني وبكت شديد خلعتني مالك
=وائل عرف اني طول السنين دي ببلع مانع حمل عشان احرمك من اولادك وعشان م عاوزة اولاد لكن فشلت ومرضت شديد ربنا بياخد حققك يوم ورا يوم اعفي لي 🙂🙂
=حسبي الله ونعم الوكيل 😳😳🙆 عافيه ليك رببنا يهديك ويغفرليك وحضنتهم لمن جيت داخله قالت لي اثيل انتي طيبه وقلبك كبير عشان كدا موفقه في حياتك❤️
=المثل بقول الاعمال بالنيات🙂❤️ اول شي مشييت غرفه امي كبرت شديد وباين عليها وظهرا انحني اول م قلت امي😍 قامت كانها شابه في العشرين بنواحها وانينها لمت البييت كلو وهم مخلوعين 😂❤️والله اشتقت ليك ي بتي الله م يحرمني منك ومن طلتك البترد الروح دي
=ولا منك ي غاليه😍❤️
سلمت علي البقيه مشيت لعم حامد لانو بقي م بمشي💔بكيييت شديد سلم علي حيلو قال لي بت الغوالي ويبكي ❤️ اتونست معاهو اول م طلعت لقيت وائل قال لي وزايدة حلا ي بت امريكا
=بعد عمرك دا مفروض تطبل مشاغلات😂😂
-ماف بني ادم يقدر يقاوم جمالك نورتي الدنيا 😂😍
=بنورك كيفك والحاصل عليك
-م حاصل شي الله بياخد حققك وانتي شايفه بعيونك الخليتك عشانها وحبيتها من جوه قلبي حرمتني من احلي حاجه عشان حقدها وغيرتها انا طلقتها لي 5سنه واسي الله بياخد في حقك منها🙂💔
=دا م حقي الله بختبر فيك انت اصبر طبطبت علي كفتو وقلت ربنا يقويك
-مسامحاني؟
=اي 🙂برغم من اغلاطتك سامحتك ياسمن بتستاهل سماح وفرصه تانيه😊
-اي نوع من البشر انت
=جبر الخواطر اسمو😊
-طيب ونحن؟
=ههههه ونحن دي قصه قديمه طوت اورقها السنين وحرقت كتبها بيدي مع الاسف😂😂😂
مشيت خليتو بعاين لي زي البقول تعالي لحقني سلم علي اولادو عادي علاقتهم اتصلحت بيتنا معاهم ورجعنا تاني يوم م عاوزين يخلوني ارجع الا بعد تحنيس 😂❤️وصلنا البيت سند قال ي الله شفتو البيت لم يكون تامي حلو كيف جوني تالا وتالين(توأم سند) ماما ماما سلمو علي 😍❤️
=حبيباتي كيف انتو
-كويسين
=هم اصلن برضو زي بعض بتفرزو بينهم كيف ؟ 😂 اثيل قالت لي والله اسكتي ساي معزبني عذاب مره حميت واحده مرتين😂😂
=وحلاتي ي خواني 😂❤️ مها يداب نزلت وحلاتي م شاء الله كبرانه وزايدة حلا 😍❤️سلمت علي بشوق ودخلنا اول م دخلت غرفتي جوني اولادي اي واحد حضني بجهة❤️
=دا كلو شوق ي ماما 😂❤️
سند قال لي والله فقدناك يداب عرفنا تعبك لمن جبنا اولاد قلت ليهم صحي وين ولدك ي عبودي ميمو قالت لي والله مجنون اكتر من ابوهو ودايما بضحكنا😂😂
=هو وابوهو رساله فرح 😍
قعدو معاي كتير وطلعو لمن جيت انوم جاتني ميمو قالت تنوم معاي 😂
=وبتك ؟
-بتي في حضني وانا في حضنك 😂❤️فعلا نمنا كدا صحيت بدري عملت ليهم كيك وشاي😍ختيتهم في الحديقه وصحو قلت لي اكرم حبيبي امشي نادي اثيل 😍
=ياتو وحده فيهم لكن😂😂عارفه ي ماما فضل اثيل وحده وتقبو نص دسته😂😂 عندنا خمسه اسي😂😂
=ظريف ظرافه اثيل امك 😂😂😂❤️ بقي ماشي وبحسب قلت ليهم الولد دمو عسل😍😍عبودي قال لي زيي😌
=م تصدق بعدين طالع لي حبوبتو😉❤️ ميمو صحت عبودي قال ليها انتي حتستقري معانا يعني؟😂😂الضيافه دي تلاته يوم بعد دا شوفي بيتك بي وين
=قاعدة في راسك وم عارفه؟ 😒 ماما 😭
-عبودي سيبها ياااخ حبيبتي دي تقعد ميه يوم ماف زول يسالها جات حضنتني ومدت ليهو لسانها😂😂😂😭❤️ قعدنا نتونس لمن الشمس سخنت دخلنا جوه مشيت المطبخ بعمل الفطور مع رغد بدون مقدمات حضنتني وبتكبي هنا جانا سند شايل ظرف وبصرخ مالك في شنو ي ولد😳😳😳
=امي انتي 😍😍😳
-انا مالي؟😂😳
ميمو شالت الظرف قرتو وبقت تكورك 😂😂
-ي اولادي فهموني حاجه في شنو؟؟؟
سند قال لي جاك انتداب لي وكاله ناسا للڤيفا فيهو وعقد عمل 10سنين😍😍😍❤️
-والله كذاب 😳😳كدي اشووف قريت الورقه لو م اسمي في اول الورقه م كان صدقت بكيييييت قدرتي المساء عبودي قال لي الرحله الاسبوع الجاي🙂🙂
=م حامشي 🙂
-ي الله تااااااني لا حتمشي
=ي ولدي م بقدر والله ال10الفاتت عشت في جمر
-كلنا والله ي امي ناسا حلمك وانت ضيعتي كتييير كفاك م ضيعي تاني 🙂 سند قال لي صح كلامك وحتمشي انا بديت التجهيزات خلاص اقنعوني في اقل من اسبوع ودعتهم وسافرت اول م وصلت قعد اسبوعين بعدين نزلت اول م دخلت الوكاله م اتوقعت خالص البحصل لي كل العلماء تقريبا الوكاله كلها واقفة بتصفق لي كاول فتاة عربيه تصل للمراحل العلمين الوصلتها 😍❤️شفت ناااس طول عمري بحلم اتصور معاها الليلة انا واقفه في نصهم كوحده منهم قابلوني بالتصفيق والمداليات وشهادات الشرف😍 (كل الكلام بالانجليزي انا حواراتي بالعربي) جاني العالم الفلسطيني لطفي مزيد عياد😍قال لي جئتي بالنور الا ناسا
=شكرا😍❤️
عرفني علي العالم عصام حجي الطول عمري بحلم اقيف معاهو ونحن في جوله حول الوكاله في كل مكان خاتين صورة لي البرت ايشتاند سالتهم لماذا كل هذه الصور؟ اشر علي الصور وقال يوما ما ستعلق صورك علي هذة الجدران كاعظم امراة شهادها التاريخ😍
=شكرا❤️ كلامو شجعني شديد اتعرفت علي كل روائد الفضاء ❤️ بعد 10سنه من الجهد والاختبارات كان عندنا مشكله حيرت علماء الفلك انو لم ينطلق المركبات الفضائيه بموت الرائد قبل وصولو الارض وبعد اجتهاد سنين قدرت احلها ❤️ جربناها ونحجت ❤️ بعد الكلام دا باسبوع جيت داخله الوكاله اشوف صوري في كل مكان ❤️ والوكاله بتصفق هنا العالم كلو بقي يتكلم باسمي حتي الصحف والمجلات كنت عنوانها😍😍❤️ يوم وانا طالعه من الوكاله وقفني العالم يوسف تومي كمال قال جاتني رحله فضائية الي القمر😳❤️❤️سكت مساااافه بعدها بقيت ابكي سالني موافقه؟ قلت مواقفه لكن بشرط امشي السعوديه بعدها بلدي حتي انفذ المهمه وافقو علي كلامي تاني يوم وصلت السعوديه ❤️بطيارة خاصه وقفت قدام الكعبه وانا ببكي شكر ي الله لاني جيتك قبل سنين وقفت في نفس المكان دا وطلبت منك طلب شكرا لانك م خيبت املي وحقتت احلامي صليت ودعيت كتيييير ورجعت تاني يوم بلدي الاتغربت كتيير منها ❤️❤️❤️ اول م وصلت مطار الخرطوم حصل الشي الم اتوقعتو نص السودان كان داخل المطااار برحب بي معلقين صوري في كل مكان اصحبت حديث المحطات السودانيه😍❤️ كلهم كانو بهتفو باسمي اثيل عماد فرح السودان❤️❤️انتي عظيمه انتي قدوه لقيت اولادي منتظرني وعيونهم كلها فخر😍❤️سند قال لي وصلتي ي غاليه وصلتي😍❤️هم كبرو واولادهم زاتهم كبرو بعد اسبوع سافت المحميه محل قمت واتربيت❤️ فرحت شديد لمن لقيتهم معلقين صوري في لافته المحميه كنت بفرح لم اسمع الناس بضربو بي المثل نزلتنا في بيتنا الم دخلتو من موووت ابوي💔💔كانو فيهو اخواني التلاته ومعاي منذر اول م شافونا عملو بكي بعد فراق دام سنين اخرا لمينا شملننا واتحدنا كاخوان 😍😍❤️ رجعت بعد اسبوع وصلت ناسا رحلتي كانت تاني يوم عملت مقابلات كتييرة في السودان وفرحت لانو بلدي بتعتز بي ركبت المركبه الفضائية وانطلقت نحو حلم الطقوله الوصلت ليه بعزيمه وصبر❤️ بعد ساعات وصلنا او م نزلنا نزلت مني دمعه عمري م حانساها الليله انا اثيل عماد عمري 66 سنه واقفه في القمر برجولي ❤️❤️مكان كان المفروض اصل ليهو من قبل اكتر من 30 سنه 💔 اتعكستا كتييير وشفت اختبارات ماف زول شافه وقعت وكل حفره اكبر من القبليها 💔 واجهت صعوبات من انا طفله انحرمت من الطفوله انحرمت من الحب 💔انحرمت حتي من طعم الحياة وقفتا كدرع قوي احمي نفسي صبرت وحولت كل هزيمه وضعف لقوة حققت طموحي❤️❤️❤️❤️❤️❤️
*الان اثيل عماد خامس علماء الفلك في العالم تكتشف باطن الارض والماء في المريخ❤️
بالمناسبة الرواية دي واقعية ...
تمت