رواية انا ضحية ولست بعاهرة
الفصل الحادي عشر11
بقلم فللوس
ﻭﺍﻟﻨﺎﺱ ﺣﺘﻌﺎﻳﻦ ﻟﻴﻚ ﻛﻌﺎﻫﺮﻩ ﻣﺶ ﻛﻀﺤﻴﻪ ﻓﻬﻤﺘﻲ ؟؟
ﺳﺎﺭﻩ ﺗﻘﻌﺪ ﺗﻜﻮﺭﻙ ﻭﺗﺼﺮﺥ ﻓﻲ ﻣﺪﺛﺮ ﺍﻣﺴﺢ ﺍﻟﻔﻴﺪﻳﻮ ﺩﻩ ﺍﻣﺴﺤﻮ ﻋﻠﻴﻚ ﺍﻟﻠﻪ
ﻭﺍﻟﻠﻪ ﻣﺎﺑﻌﻤﻞ ﻟﻴﻚ ﺷﻲ ﻭﻣﺎﺑﻜﻠﻢ ﺯﻭﻝ ﺑﺲ ﺍﺳﺘﺮﻧﻲ ﺍﻣﺴﺢ ﺍﻟﻔﻴﺪﻳﻮ ﺩﻩ ﺍﻧﺖ
ﻣﺎﻋﺎﺭﻑ ﺍﺑﻮﻱ ﻟﻮ ﻋﺮﻑ ﺑﺤﺼﻞ ﻟﻲ ﺷﻨﻮ ،
ﺳﺎﺭﻩ ﺗﻘﻌﺪ ﺗﺒﻜﻲ ﻭﺗﺤﻨﺲ ﻓﻴﻪ ﻭﻣﺪﺛﺮ ﻳﻘﻮﻝ ﻟﻴﻬﺎ ﺧﻼﺹ ﺍﻟﺒﺴﻲ ﻫﺪﻭﻣﻚ
ﻭﺍﻣﺸﻲ ﺑﻴﺘﻜﻢ ﻭﻛﺪﻱ ﺃﺑﻘﻰ ﻣﺮﻩ ﻭﻛﻠﻤﻲ ﺯﻭﻝ ﻋﻠﻲ ﺑﺎﻟﻄﻼﻕ ﺃﻓﻀﺤﻚ ﻭﻣﺎﺗﻨﺴﻲ
ﺍﻧﻚ ﻓﻲ ﺍﻟﻔﻴﺪﻳﻮ ﻣﺨﺮﻭﺷﻪ ﻳﻌﻨﻲ ﻋﺸﺎﻥ ﺗﻌﺮﻓﻲ ﺍﻟﻨﺎﺱ ﻣﺎﺣﺘﺘﻌﺎﻃﻒ ﻣﻌﺎﻙ
ﻭﺗﻘﻮﻝ ﺃﻏﺘﺼﺎﺏ ﻳﻼ ﺍﻟﺒﺴﻲ ﻋﺒﺎﻳﺘﻚ ﺩﻱ..
ﺳﺎﺭﻩ ﺗﻐﻄﻲ ﺑﻲ ﻓﺴﺘﺎﻧﻬﺎ ﺍﻻﺣﻤﺮ ﺍﻟﻤﺸﺮﻭﻁ ﺻﺪﺭﺍ ﻭﺗﺘﻐﻄﻰ ﺑﺎﻟﻌﺒﺎﻳﻪ ﻭﺗﺒﻜﻲ
ﻭﺗﻤﺸﻲ ﻋﻠﻰ ﺑﻴﺘﻢ ﻭﺗﺪﺧﻞ ﺑﺮﺍﺣﻪ ﺍﻟﻐﺮﻓﻪ ﻋﺸﺎﻥ ﻣﺎﺗﺼﺤﻲ ﻧﺎﺱ ﺍﻟﺒﻴﺖ ﻭﺗﺪﺧﻞ
ﺍﻟﻐﺮﻓﻪ ﻭﺳﻼﻓﻪ ﺗﺼﺤﻰ ﺑﺨﻄﻮﺍﺗﺎ .
.
ﺳﻼﻓﻪ : ﺳﺎﻋﻪ ﻓﻲ ﺍﻟﺤﻤﺎﻡ ﺳﻤﻜﻪ ﺍﻧﺘﻲ ؟؟
ﺳﺎﺭﻩ ﺑﺎﻟﺼﺪﻣﻪ ﺗﺴﻜﺖ ﻭﻣﺎﺗﺮﺩ ﻟﻴﻬﺎ
ﺳﻼﻓﻪ : ﻳﺎﺑﺖ ﺑﺘﻜﻠﻢ ﻣﻌﺎﻙ ﺳﻐﻴﻠﻪ ﺩﻱ ، ﻭﺑﻌﺪﻳﻦ ﺟﺮﺱ ﺗﻠﻔﻮﻧﻚ ﻛﺮﻫﻨﻲ
ﺑﺎﺗﺼﺎﻻﺕ ﺣﺴﺎﻡ ﻟﻴﻚ
ﺳﺎﺭﻩ ﺍﻭﻝ ﻣﺎﺗﺴﻤﻊ ﺍﺳﻢ ﺣﺴﺎﻡ ﺗﻘﻌﺪ ﺗﺒﻜﻲ
ﺳﻼﻓﻪ ﻣﺴﺘﻐﺮﺑﻪ : ﺳﺎﺭﻩ ؟؟ ﺳﺎﺭﻩ ؟ ﻳﺎﺑﺖ ﻣﺎﻟﻚ ؟؟
ﺳﺎﺭﻩ ﺗﻮﺍﺻﻞ ﻓﻲ ﺍﻟﺒﻜﺎﺀ ﻭﻣﺘﻜﺮﻓﺴﻪ ﻓﻲ ﺍﻟﺴﺮﻳﺮ ﻭﺻﻮﺗﺎ ﺑﻘﻰ ﻳﻌﻼ
ﺳﻼﻓﻪ ﺗﺘﺨﻠﻊ ﻭﺗﻔﺘﺢ ﺍﻟﻨﻮﺭ ﻭﺗﻤﺸﻲ ﻋﻠﻰ ﺳﺎﺭﻩ
( ﺳﺎﺭﻩ ﺳﺎﺭﻩ ﻳﺎﺑﺖ ﻣﺎﻟﻚ ﺑﺘﺒﻜﻲ )
ﻭﺍﻭﻝ ﻣﺎﺳﻼﻓﻪ ﺗﻔﺘﺢ ﺍﻟﻨﻮﺭ ﺳﺎﺭﻩ ﺗﻌﺎﻳﻦ ﺑﺎﻟﺸﺒﺎﻙ ﻭﺗﻠﻘﻰ ﻣﺪﺛﺮ ﻭﺧﺎﻟﺪ ﻭﻋﻤﺮ
ﻭﺍﻗﻔﻴﻦ ﻓﻲ ﺍﻟﺸﺒﺎﻙ ﺑﻜﺸﻔﻮ ﻟﻴﻬﺎ ﻧﻈﺎﻡ ﻳﺘﺎﻛﺪﻭ ﻟﻮ ﺣﺘﺘﻜﻠﻢ ﺍﻭ ﻻ ، ﻭﺃﻭﻝ
ﻣﺎﺗﺸﻮﻓﻬﻢ ...
ﺳﺎﺭﻩ ﺑﺼﻮﺕ ﻋﺎﻟﻲ : ﻭﺍﺍﺍﺍﺍﺍﺍﺍﺍﺍﺍﺍﺍﺍﻱ
ﻧﺎﺱ ﺍﻟﺒﻴﺖ ﻛﻠﻬﻢ ﻳﺴﻤﻌﻮ ﺍﻟﺼﻮﺕ ﻭﻳﺠﻮ ﻋﻠﻰ ﺳﺎﺭﻩ
( ﻓﻲ ﺷﻨﻮ ﻓﻲ ﺷﻨﻮ ﻣﺎﻻ ﺍﻟﺒﺖ ﺩﻱ ﻳﺎﺳﻼﻓﻪ)
ﺳﻼﻓﻪ : ﺍﻧﺎ ﺫﺍﺗﻲ ﻣﺎﻋﺎﺭﻓﺎﻫﺎ ﻣﺎﻻ ﻓﺠﺄﻩ ﺑﻘﺖ ﺗﻜﻮﺭﻙ ﻭﺍﺳﻊ ﺗﺼﺮﺥ
ﺳﺎﺭﻩ ﺗﻌﺎﻳﻦ ﺑﺎﻟﺸﺒﺎﻙ ﻭﺗﻠﻘﻰ ﻣﺪﺛﺮ ﺭﺍﻓﻊ ﻟﻴﻬﺎ ﺗﻠﻔﻮﻧﻮ
( ﺑﻬﺪﺩ ﻓﻴﻬﺎ ﺑﺎﻟﻔﻴﺪﻳﻮ )
ﺳﺎﺭﻩ ﺗﺴﻜﺖ ﻭﺗﻘﻌﺪ ﺗﺘﻤﺘﻢ ﻭﺗﻜﺬﺏ ﻋﻠﻴﻬﻢ ﺃﻧﻬﺎ ﺣﻠﻤﺖ ﺑﻜﺎﺑﻮﺱ
ﻧﻔﻴﺴﻪ: ﺍﺻﻼ ﺍﻧﺘﻲ ﺑﻌﺪ ﺩﻩ ﻣﻔﺮﻭﺽ ﺗﺘﺒﺨﺮﻱ ﻋﺸﺎﻥ ﺑﻘﻴﺘﻲ ﺷﺒﻪ ﻋﺮﻭﺱ
ﺳﻼﻓﻪ : ﻣﺎﻳﻜﻮﻧﻮ ﺩﻳﻞ ﺍﻟﺨﺒﻴﺜﺎﺕ ﻟﻤﻴﺎﺀ ﻭﻋﻠﻴﺎﺀ ﻋﺎﻣﻼﺕ ﻟﻴﻬﺎ ﻋﻤﻞ
ﻧﻔﻴﺴﻪ : ﻻﻻ ﻣﺎﻧﻈﻠﻢ ﺍﻟﺒﻨﺎﺕ ﺳﺎﻱ
ﺳﻼﻓﻪ ﺗﻘﻮﻝ ﻟﻲ ﺳﺎﺭﻩ ﻗﻮﻣﻲ ﺍﺷﺮﺑﻲ ﻟﻴﻚ ﻣﻮﻳﻪ ﻭﻓﺠﺄﻩ ﺍﻟﺘﻠﻔﻮﻥ ﻳﻀﺮﺏ ﻭﻳﻄﻠﻊ
ﺍﻟﻤﺘﺼﻞ ﺣﺴﺎﻡ ...
ﺳﻼﻓﻪ : ﻫﺎﻙ ﺩﻩ ﺣﺴﺎﻡ ﻣﻦ ﻗﺒﻴﻞ ﺑﻀﺮﺏ ﻟﻴﻚ ﺳﺒﺤﺎﻥ ﺍﻟﻠﻪ ﻗﺎﻝ ﺣﺎﺳﻲ ﺑﻴﻚ
ﻭﻓﻌﻼ ﺍﺗﺼﻞ
ﺳﺎﺭﻩ ﺑﺘﺒﻜﻲ : ﻻﻻ ﻣﺎﻋﺎﻳﺰﺍ ﺍﺗﻜﻠﻢ ﻣﺎﻋﺎﻳﺰﺍ ﺍﺗﻜﻠﻢ ﺍﻧﺎ ﺗﻌﺒﺎﻧﻪ ﻗﻮﻟﻲ ﻟﻴﻪ ﺳﺎﺭﻩ ﻧﺎﻳﻤﻪ
ﺳﻼﻓﻪ : ﻳﺎﺑﺖ ﺑﻄﻠﻲ ﻋﻮﺍﺭﻩ ﺍﻟﻮﺩ ﻣﻦ ﻗﺒﻴﻞ ﻣﻨﺘﻈﺮﻙ ﻫﺎﻙ ﻟﻴﻪ
ﺳﺎﺭﻩ ﺗﺸﻴﻞ ﺍﻟﺘﻠﻔﻮﻥ ﻭﺗﺘﺮﺟﻒ ﻭﺗﺘﻜﻠﻢ ﻣﻊ ﺣﺴﺎﻡ
ﺣﺴﺎﻡ : ﻣﺎﻟﻚ ﻳﺎﺑﺖ ﺻﻮﺗﻚ ﻣﺘﻐﻴﺮ ﻛﺪﻩ ﻭﺳﺎﻣﻊ ﺻﻮﺗﻚ ﺑﺘﻘﻮﻟﻲ ﻟﻲ ﺳﻼﻓﻪ
ﻣﺎﻋﺎﻳﺰﺍ ﺗﺘﻜﻠﻤﻲ ﻣﻌﺎﻱ ، ﻟﻴﻪ ﻛﺪﻩ ﻳﺎﺣﻴﺎﺗﻲ
ﺳﺎﺭﻩ ﺑﺘﺒﻜﻲ ﻭﺑﺘﻤﺘﻢ : ﻋﺸﺎﻥ ﺗﻌﺒﺎﻧﻪ ﻭﻣﺼﺪﻋﻪ ﻭﺣﻠﻤﺖ ﺑﻜﺎﺑﻮﺱ ﻏﺮﻳﺐ
ﺣﺴﺎﻡ : ﻳﺎﺭﻳﺖ ﻟﻮ ﻛﻨﺖ ﺟﻤﺒﻚ ﻛﺎﻥ ﺑﺤﻀﻨﻲ ﺣﻤﻴﺘﻚ
ﺳﺎﺭﻩ ﺗﻘﻌﺪ ﺗﺒﻜﻲ ﻭﺗﺬﻳﺪ ﻓﻲ ﺍﻟﺒﻜﺎﺀ ﻛﻞ ﻣﺎﺣﺴﺎﻡ ﻳﻘﻮﻝ ﻛﻼﻡ ﺣﻠﻮ
ﺣﺴﺎﻡ : ﻳﺎﺑﺖ ﻣﺎﺗﺒﻜﻲ ﻟﻮ ﻋﺎﻳﺰﺍ ﺍﻟﻜﺎﺑﻮﺱ ﻳﺰﺡ ﻣﻨﻚ ﻗﻮﻣﻲ ﺍﺳﻊ ﺍﺗﺴﺤﻤﻲ
ﻭﺍﺗﻮﺿﻲ ﻭﺻﻠﻲ ﺍﻟﺼﺒﺢ ﺍﺻﻼ ﺍﻟﻮﻗﺖ ﺩﺧﻞ ﻭﻟﻤﻦ ﺍﻛﻮﻥ ﺑﻌﻴﺪ ﻣﻨﻚ ﺍﺗﺬﻛﺮﻱ ﺃﻧﻮ
ﺍﻟﻠﻪ ﻣﻌﺎﻙ
ﺳﺎﺭﻩ ﺑﺘﺪﻣﻊ : ﺗﻤﺎﻡ ﻳﺎﺣﺒﻴﺒﻲ
ﺣﺴﺎﻡ : ﺧﻠﻲ ﺑﺎﻟﻚ ﻣﻦ ﻧﻔﺴﻚ ، ﺑﺤﺒﻚ
ﺳﺎﺭﻩ ﺗﻘﻄﻊ ﺍﻟﺨﻂ ﻭﺗﺴﻮﻗﺎ ﺳﻼﻓﻪ ﺗﻮﺻﻼ ﺍﻟﺤﻤﺎﻡ ﻋﺸﺎﻥ ﺳﺎﺭﻩ ﻣﺎﻛﺎﻥ ﻗﺎﺩﺭﻩ
ﺗﻤﺶ ﺑﺴﺒﺐ ﺍﻻﻏﺘﺼﺎﺏ
ﺳﻼﻓﻪ : ﺍﻧﺎ ﻣﺎﻋﺎﺭﻑ ﺍﻟﻜﺎﺑﻮﺱ ﻋﻼﻗﺘﻪ ﺷﻨﻮ ﻓﻲ ﻋﺪﻡ ﺍﻟﻤﺸﻲ ، ﻭﺗﺠﻴﺐ ﻟﻴﻬﺎ
ﻏﻴﺎﺭﺍﺕ ﺗﻠﺒﺴﺎ
ﺳﺎﺭﻩ ﺗﺪﺧﻞ ﺍﻟﺤﻤﺎﻡ ﻭﺗﻘﻠﻊ ﻫﺪﻭﻣﺎ ﺍﻟﻤﺸﺮﻃﻪ ﻭﺗﺪﺳﻬﺎ ﻓﻲ ﻛﻴﺲ ﻋﺸﺎﻥ ﻓﻴﻬﻢ ﺩﻡ
ﻭﺗﻌﺎﻳﻦ ﺗﺤﺖ ﻭﺗﻠﻘﻰ ﺍﻟﺪﻡ ﻭﺗﻘﻌﺪ ﺗﺒﻜﻲ ﺟﻮﺍ ﺍﻟﺤﻤﺎﻡ ﺑﺴﺒﺐ ﻓﻘﺪﻫﺎ ﻋﺬﺭﻳﺘﻬﺎ
ﻭﺑﻌﺪ ﺗﺨﻠﺺ ﺣﻤﺎﻡ ﺗﺘﻮﺿﻰ ﻭﺗﺼﻠﻲ ﻭﺗﺪﻋﻲ ﺭﺑﻬﺎ ﻳﻨﺼﺮﻫﺎ ﻋﻠﻰ ﻣﺪﺛﺮ ﻭﺻﺤﺎﺑﻪ
ﻭﺗﻤﺸﻲ ﺍﻟﺴﺮﻳﺮ ﺗﺤﺎﻭﻝ ﺗﻨﻮﻡ ﺑﺲ ﺑﺎﻟﺒﻜﺎﺀ ﻭﺍﻟﻤﻌﺎﻧﺎﻩ ﺍﻟﻜﺎﺗﻤﺎﻫﺎ ﻣﺎﻗﺪﺭﺕ ﺗﻨﻮﻡ
ﻭﺑﻘﺖ ﺗﺘﻜﻠﻢ ﺑﺮﺍﺣﻪ ﺑﺪﻭﻥ ﺍﺭﺍﺩﺗﺎ ﻭﺗﻘﻮﻝ ...
ﺳﺎﺭﻩ : ﺣﻠﻴﻞ ﺳﺎﺭﻩ ﺍﻟﺒﺘﻮﻝ ﺍﻟﻜﺎﻥ ﻣﻨﺎﻫﺎ ﺗﻜﻮﻥ ﻋﺬﺭﺍﺀ ﺣﺴﺎﻣﻬﺎ ، ﺣﻠﻴﻞ ﺳﺎﺭﻩ
ﺍﻟﺒﺘﻮﻝ ﺍﻟﻜﺎﻥ ﻣﻨﺎﻫﺎ ﺗﺼﻮﻥ ﺣﻴﺎﺗﺎ ، ﺣﻠﻴﻞ ﺳﺎﺭﻩ ﺍﻟﺒﺘﻮﻝ ﺍﻟﻜﺎﻥ ﻣﻨﺎﻫﺎ ﺗﻌﻴﺶ ﻫﻨﻴﻪ
ﻭﺳﻌﻴﺪﻩ ﺣﻠﻴﻞ ﺳﺎﺭﻩ .... ﻭﺗﻜﺮﺭ ﻓﻲ ﺍﻟﻜﻼﻡ
ﺳﻼﻓﻪ ﺭﺍﻗﺪﻩ ﺟﻤﺒﻬﺎ ﻭﺗﺴﻤﻊ ﺍﻟﻜﻼﻡ ﺑﺎﻟﺘﻔﺼﻴﻞ ...
ﺳﻼﻓﻪ ﺑﺨﻠﻌﻪ : ﺳﺎﺭﻩ ﺳﺎﺭﻩ ﺩﻩ ﺷﻨﻮ ﺍﻟﺒﺘﻘﻮﻟﻲ ﻓﻴﻪ ﺩﻩ ؟؟ ﺍﻧﺘﻲ ﺣﺼﻞ ﻟﻴﻚ
ﺷﻨﻮ ؟؟ ﺍﻣﺒﺎﺭﺡ ﺑﺎﻟﻠﻴﻞ ﻟﺤﺪﻱ ﻣﺎﻧﻤﺖ ﻣﺎﻛﺎﻥ ﻓﻴﻚ ﺷﻲ ﻣﺎﻟﻚ ﻓﺠﺄﻩ ﻛﺪﻩ ؟؟
ﺳﺎﺭﻩ ﺗﺘﺨﻠﻊ ﻭﺗﺒﻜﻲ ﺗﺎﻧﻲ : ﻻﻻ ﻭﺍﻟﻠﻪ ﻣﺎﻑ ﺷﻲ
ﺳﻼﻓﻪ : ﻭﺩﻩ ﺷﻨﻮ ﺍﻟﻜﻼﻡ ﺑﺘﺎﻉ ﺣﻠﻴﻞ ﺳﺎﺭﻩ ﺍﻟﺒﺘﻮﻝ ﻭﻣﺎﺍﺩﺭﺍﻙ ؟؟ ﺍﻧﺎ ﺳﻤﻌﺖ ﻛﻞ
ﻫﻠﻮﺳﺘﻚ ﺩﻱ ؟؟ ﺍﺧﻴﺮ ﻟﻴﻚ ﺍﺣﻜﻲ ﺍﻟﺤﺼﻞ ﻟﻴﻚ ﺷﻨﻮ ؟؟
ﺳﺎﺭﻩ ﺗﻔﻜﺮ ﺗﺤﻜﻲ ﻟﻲ ﺳﻼﻓﻪ ﺑﺲ ﺗﺨﺎﻑ ﺍﻧﻬﺎ ﺗﻤﺸﻲ ﺗﺸﺎﻛﻞ ﻣﺪﺛﺮ ﻭﺗﻜﻠﻢ ﻧﺎﺱ
ﺍﻟﺒﻴﺖ ﻭﻣﺪﺛﺮ ﻳﻨﺸﺮ ﺍﻟﻔﻴﺪﻳﻮ ﻭﺗﻔﻀﻞ ﺗﺴﻜﺖ ﻭﺗﻨﻬﺮ ﺳﻼﻓﻪ ﻭﺗﻘﻮﻝ ﻟﻴﻬﺎ ﻳﺎﺥ ﻣﺎﻑ
ﺷﻲ ﺣﻠﻢ ﻣﺨﻴﻒ ﻗﻠﺖ ﻟﻴﻚ ﻭﺗﺮﻗﺪ ﻓﻲ ﺍﻟﺴﺮﻳﺮ
ﺳﻼﻓﻪ ﻣﺎﺗﺤﺎﻭﻝ ﺗﺰﻋﺠﺎ ﺑﺎﻟﺮﻏﻢ ﻣﻦ ﺍﻟﺸﻚ ...
ﺳﻼﻓﻪ : ﺍﻧﺎ ﻣﺎﺷﻪ ﺍﻟﺤﻤﺎﻡ ﺍﺗﺴﺤﻤﻰ ﻏﺎﻳﺘﻮ ﻋﺸﺎﻥ ﺍﻟﻮﺍﺿﻪ ﺷﺒﻪ ﺍﺻﺒﺤﺖ ﺑﺲ
ﻟﻮ ﻓﻀﻠﺘﻲ ﺗﺤﻜﻲ ﻟﻲ ﺍﻧﺎ ﺟﻤﺒﻚ...
ﺳﻼﻓﻪ ﺗﺨﺶ ﺍﻟﺤﻤﺎﻡ ﺗﺘﺴﺤﻤﻰ ﻋﺸﺎﻥ ﺗﻄﻠﻊ ﺍﻟﺸﻐﻞ ﻭﺍﻭﻝ ﻣﺎﺧﻠﺼﺖ ﻟﻘﺖ
ﻛﻴﺲ ﻣﺠﺪﻭﻉ ﺑﺎﻟﺪﺱ ﻭﺭﺍ ﺍﻟﻐﺴﺎﻟﻪ ﻭﺗﻼﺣﻆ ﻓﻴﻪ ﻓﺴﺘﺎﻥ ﺳﺎﺭﻩ ﺑﺘﺎﻉ ﺍﻟﺮﻗﻴﺺ
ﻭﺗﺴﺘﻐﺮﺏ ﻣﺎﻻ ﻣﻬﻤﻼﻩ ﻛﺪﻩ ﻭﺣﺪﺳﻬﺎ ﻳﻘﻮﻝ ﻟﻴﻬﺎ ﺍﻓﺘﺤﻲ ﻭﺍﻭﻝ ﻣﺎﺗﻔﺘﺤﻪ ﺗﻠﻘﻰ
ﺍﻟﺪﻣﻮﻡ ﻣﺎﻟﻴﻪ ﻣﻼﺑﺴﻬﺎ ﺍﻟﺪﺍﺧﻠﻴﻪ ﻭﺍﻟﻔﺴﺘﺎﻥ ﻣﺸﺮﻁ ... ﺳﻼﻓﻪ ﺗﺘﺨﻠﻊ ﻭﺗﺠﺮ ﻋﻠﻰ
ﺳﺎﺭﻩ
ﺳﻼﻓﻪ ﻣﺨﻠﻮﻋﻪ ﻭﺗﻘﻔﻞ ﺍﻟﺒﺎﺏ ﻭﺭﺍﻫﺎ : ﻳﺎﺑﺖ ﺍﻧﺘﻲ ﺣﺼﻞ ﻟﻴﻚ ﺷﻨﻮ ﻭﻗﻮﻣﻲ
ﻭﺍﺟﻬﻴﻨﻲ
ﺳﺎﺭﻩ : ﻣﺎﻑ ﺣﺎﺟﻪ ﻳﺎﺥ ﻗﻠﺖ ﻟﻴﻚ ﻣﺎﺗﻜﺮﻫﻴﻨﻲ ﺣﻴﺎﺗﻲ
ﺳﻼﻓﻪ ﺗﺠﺪﻉ ﻟﻴﻬﺎ ﺍﻟﻜﻴﺲ ﻓﻲ ﺍﻟﺴﺮﻳﺮ ﻭﺗﺘﺮﺟﻒ : ﺩﻳﻞ ﺷﻨﻮ ﺧﻼﺹ ؟؟
ﺳﺎﺭﻩ ﺗﺒﻜﻲ ﻭﺟﺴﻤﻬﺎ ﻳﺮﺟﻒ : ﺍﻧﺎ ﺣﺎﻭﺭﻳﻚ ﺑﺲ ﺍﻭﻋﺪﻳﻨﻲ ﻣﺎﺗﻜﻠﻤﻲ ﺯﻭﻝ
ﺳﻼﻓﻪ : ﻭﺍﻟﻠﻪ ﻣﺎﺑﻜﻠﻢ ﺍﻟﺤﺼﻞ ﻟﻴﻚ ﺷﻨﻮ ﻳﺎﺑﺖ
ﺳﺎﺭﻩ ﺗﺨﺘﺼﺮ ﻟﻴﻬﺎ ﺑﻜﻠﻤﻪ ﻭﺣﺪﻩ : ﺃﻧﺎ ﺃﻏﺘﺼﺒﻮﻧﻲ ﻳﺎ ﺳﻼﻓﻪ
ﻭﺃﺛﻨﺎﺀ ﻣﺎﺳﻼﻓﻪ ﻭﺍﻗﻔﻪ ﻣﺨﻠﻮﻋﻪ ﻣﻦ ﺍﻟﺼﺪﻣﻪ ﻋﻤﻚ ﺣﻤﺪ ﺃﺑﻮ ﺳﺎﺭﻩ ﻳﺠﻲ ﺩﺍﺧﻞ
ﻋﻠﻴﻬﻢ