رواية حكاية الطفلة اثيل
الفصل التاسع9
بقلم شهد عبد الله
بطني وجعتني شديد شكلي حاولد❤️ بقيت اكورك لي امي وخالتو انتصار كلهم جو جارين وانا خلاص الالم عاوز يقتلني بقيت اصرخ الحقوني وااااي واااي وائل جاء جاري قال لي ولدتي😳
= حا الد واقفة يعني 😂طير من وشي يااااخ😭😭😭😭😭😭ركبوني العربية ورسلو ايمان وسيدة بيتي يجبو لي شنطتي وشنط البيبي وكرت الولادة وصلت المستشفى قالو م بستغبلوني الا بكرة وائل بتكلم مع السستر
=انتي مجنونه ولا شنو بلا كرت بلا زفت م شايفة حالتها دخلوها اول😡
- معليش ي استاذ بس عندنا قوانين
= يعني عشان القوانين تخليها تموت هنا😡😡
بقى يكورك الدكتور قال في شنو وانا وقتها بقيت في عالم تاني وم واعيه للبحصل الالم الحاسه بيهو وراي امي دي عظيمة قدر شنو وانا داخلة علي الغرفة وفي عز وجعي بقول ي ريتك يمه لو كنتي معاي💔 قعدت تلاته ساعات من الالم بعدين م حسيت بي شئ
الدكتور : حمد لله علي السلامة ويتربى في عزكم ❤️
وائل شال الطفل وبقى يبكي❤️تعالي ي امي شوفي بشبه اثيل كيف😭😭❤️قالت م شاء الله يتربى في عزكم وبقو يبكو❤️انا صحيت وائل جاء شال الطفل الادني لي❤️الساعه ديك حسيت اني اتولد من جديد واتكتب لي عمر جديد❤️حسيت اني من الفرح ماسكة الدنيا بيدي والدموع ملت عيوني فرح❤️ م كنت قادرة اوصف شعوري ابدا ❤️ كل البتذكرو اني فقدت امي شديد 💔 وائل قال حلاتها بتشبهك ❤️قلت لي يعني سمحة زي امها؟
= لا دي سماحة ابوها🙈
طير مني😒
= طيب زحي الشعر من عيونها عشان نشوفها جاية زيك كلها شعر😂😭😂😭❤️
بخاف ي وائل انا بخاف من الاطفال حدثين الولادة😢
= تخافي شنو دي بتك ي متخلفة😂😭❤️
الممرضة قالت لينا بت منو ؟ دا ولد ي جماعه😂😂😂😂
قلت ليها ولد😳😳عاينت لي وائل قلت لي وانت شابكمي حلاتها وبتاع متخلف😒
= وانا بعلم بالغيب
طيب اطلع بره انا وولدي عاوزين ننوم😌❤️
= طوالي عملتي خيانات كويس كويس😂😂😂
وائل والممرضة واهلو طلعو بقيت شايله ولدي وبتكلم معاهو❤️ ي سندي ي عيون ماما حبيبي انا ي راحة من بعد التعب❤️ ي فرحة في الزمن الصعب❤️ ي بسمه في وش الظروف القاسية ❤️ي اجمل قدر ❤️ولدي وبقيت ابكي ي ريت لو امي كانت جمبي وشالتك واخواني واقفين معاي💔انت عندك جد طيب شديد واربعه خيلان بجننو اكيد حيجو يشوفوك💔 بكيت شديد الممرضة جات داخلة قالت لي البكى بتعبك ادتني درب وشالت ولدي الحضانة يفحصو ليهو ❤️ انا نمت المساء صحوني عشان الدكتور عاوز يعمل لي فوحصات امي اكلتني ❤️ وائل جاء شايل ولدنا❤️ بقينا كلنا قاعدين في الغرفة اداني ليه وقال لي عاوزين نسمي عشان شهادة الميلاد قال لي نسمي عبد الرحيم ❤️
= لا حاسمي سند❤️
- واشمعنا سند
= لانوجاني في وقت م كنت عاوزة زول يسندني ❤️ كان نور وسط حياة مليانة ظلام نور حياتي حتى من قبل م يجي ❤️ وبقي لي بداية جديدة وعمر تاني ❤️سند لانو حيسندني ويقيف معاي وحيبقى لي عكاز عماي❤️
وائل لمن دمع قال لي طيب نسمي سند❤️ سيدة شالتو مني بقت تلعب معاهو وائل فات يسجلو الممرضة ادتني درب وقالت لي بكرة بتطلعي ان شاء الله ❤️ عمو حامد شال سند اذن ليهو في اضانو ورقد ولدي جمبي ونمت ❤️ الصباح لبسوني وطلعت❤️ لاحظت انو ما مشين بتي ولا بيت ناس امي سعاد بيقنا ماشين والطريق بعييد قلت لي وائل نحن ماشين وين؟
قال لي بتعرفي اسي
= طيب وين سيدة وايمان
ثولي م قلنا بتعرفي اسي❤️
=طيب
بعد مسافه وصلنا جم بيت طابقين وانا متزكرة المكان دا لكن م عارفة وين بعاين للشوراع انا جيت هنا قبل كدا انا وين ي الله وقفنا جم البيت شال مني سند وقال لي انزلي بقيت بعاين لي قال بتسحريني انزلي😂😂😂دخلنا البيت كان رهيب وحديقتو حلوة شديد من جوة الفرش كان موبالغة قلت لي نحن وين مسك وشي بيدينو قال لي تتذكري لمن جيت من البحرين وجبتك بيت بليل؟ قلت لي دا هو😳 بتين بنيتو م شاء الله قال لي شغال فيه تلاته سنة عشان اعملو ليك مفاجاة ❤️حبيتو حب قلت لي وعيوني مليانه دموع وفرح طيب ورغد🥺❤️رغد جات ناطه فيني سبرايز 😂❤️قال لي رغد حتقعد فوق ..
قالت لي افوتك وين انا م بسيبك😂😂😂❤️ امي قالت ليهم دخلوها طيب بتكون تعبانه دخلت البيت كان كبير شديد وكلو ممرات وغرف دخلوني غرفتي كانت بالكبدي ومبالغة ❤️ رقدت وجابو لي ولدي ❤️ والضيوووف بدو يجو واستقبل ديل واودع ديل زهجت شديد قلت عاوزة انوم جونا خالتو عواطف وياسمين وعمر عمر بارك لي وطلع ياسمين وعاوطف يلولو في خشمهم ويعانو لي ولي البيت عواطف قالت لي بتين عملتو بيت م شاء الله 😒
= قلت ليها عملو لي ابو اولادي مفاجاة😏 وعاينت لي ياسمين
امممم مشاء الله رهيب لكن امدرمان م بعيدة؟
= هو نحن في امدرمان يعني😳😳💔
وانتي ي السجمانه م عارفة ساكنة وين😂😂
= لالا م كنت عارفة البيت في امدرمان عشان كداالمسافة بعيدة شديد 😳
اي لكن امدرمان حلوة واحيائها حلوة برضو
رغد جابت لي نشاة قالت لي نومي بعد دا وقالت لي عواطف وبتها خالتو سعاد بتناديكم ياسمين قالت لي تشيل ولدي اول م شالاو صرخ شديد انا لمن اتخلعت رغد قال لي بسم الله 😳😳وشالتو منها سريع انا خفت عليهو شديد جات حضنتني لم شعرة جسمي قامت وقال بنجيكم يوم تاني وطلعت ولدي بقي يبكي شديد وانا جسمي لمن هبط💔 رغد فتحت المسجل شغلت قران وحصنت لي ولدي وادتني اشرب من موية زمزم حتى ارتحت قلت ليها شوفتي سند صرخ كيف قالت لي البت دي اصلن قلبي م مرتاح ليها وبكرها من زمن بتجيك في بيتك القديم 😡 قلت اقول حسبي الله ونعم الوكيل بس انا رقدت قلت انوم حبة نمت زي خمسة دقائق سندي بقى يبكي شديد 💔شلتو ولسه ببكي امي سعاد قالت مالو الولد😳انا زاتي بقيت ابكي معاه سيدة شالتو وقفت بيهو ولسه ببكي خالتو انتصار قال لي امي ارح لي شيخ العدناني نجيب ليهو حراسات شكلو ساحرنو الضيوف كلهم بت وائل بت وائل ابيت اقول ليهم ولد سيدة بعد شالتو نام وانا لسه ببكي
ي اثيل انتي مالك خوافه كدا م هندا نايم 😂رغد قالت ليها طلع جديد😂
= ي جماعه انتو شفتو ببكي كيف لمن خلعني😭💔 ياسمين فاتت؟
ايمان جات داخلة قالت لي قاعدة وش الفقر هي وامها خالتو سعاد حلفت عليهم يحضرو الكرامه 😏
= انتو مالكم كلكم بتكرهوها😂😂😂
سيدة قالت م بتتبلع لي علي العموم ي ستي يلا نومي نومك نمت المغرب صحوني قالو م صاح انوم مع المغرب جو بنات خالات وائل ظراف بقيت اتونس معاهم سيدة جابت لي اكل اكلت وساقتني طلعت بره لانو كنت زهجانة شديد اتونست مع ناس رغد وديل وكانو تعبانين شديد معاي ❤️ قلت لي امي سعاد ماف زول ضرب من اهلي؟ لمن عرفوني حامل م اشتغلو بي💔 اسي ولدت م ضربو لي حتى💔💔سيدة دموعها سالت خالتو انتصار قالت لي الناس ديل م تشتغلي بيهم انسيهم زي م نسوك وعيشي حياتك عادي قلت ليها انتي بتتكلمي كيف انساهم كيف؟ في زول بنسى اهلو واخوانو قالت لي م هم نسوك والله كلامها وجعني شديد 💔💔 امي قالت ليها م تقسي عليها كدا ي انتصار قالت ليها معليش ي امي خليها تعرف الحقيقة وتتقبل الواقع💔انا انجرحت شديد قلت لي سيدة وايمان رجعوني الغرفة رجعت بقيت ابكي الكلام واجعني و الواجعني اكتر انو هي م غلطانه دي الحقيقة 💔بكيت قدرتي بعد شوية شوفت سند بتمقا بطريقة مضكة ويتساب زي التقول بحفر 😂😂😂💔 ضحكني ضحك وائل جاء داخل قال لي الجن ولا النفسيات اسي قالو لي اثيل بتبكي امشي شوفها اجي القاك بتضحكي😂
= تعال شوف ولدك بعمل كيف حسسني بحفر😂
- ي حليلو تعبان الشيل دا براهو بفتر شالو وجاء قعد جمي بقي يعاين لي وساكت بعد شوية قال لي اسي متاكدة دا ولد ؟😂
= اي لي مالو اسي
- ماف شي ملامحو بنوتية حلبي وعيونو عثلية رموشو طوال وشعرو طويل شديد ياخ😳😂😂
= خلاااااص قبلت علي اسحرو واقعد😒
- هو انتي قاعدة معاي السنين دي كلها بجمالك دا م سحرتك اجي اسحر ولدك 😂❤️
=....🙈
مالك فصلتي ي بت😂
= .....
اثيل بتكلم معاك انا 😂
= خجلتا ياخ🙈
مشكلتك بصدقي بسرعه🌚
ضربتو بالمخدة 😂قلت لي خت ولدي وقوم اطلع بره 😒😒طلع وبضحك باعلي صوت عندو اتغظت منو شديد ياخ هو اصلن متخلف م بشتغل بكلامو😒 جاتني سيدة بتضحك هي ورغد قلت ليها حكى ليكم موش؟ 😒 سيدة قال لي عفيت منو😂😂رغد قال حلوين حلا لكن 😂واسمعيني ولدك السمح دا حاجزهو لي اثيل بتي قلت ليها مبرووووك ياخ والله عجبني ليك ربنا يتم ليك علي خير😍😍😭باركت ليها قلت ليها باركي لي اسامه بالنيابة عني ❤️ طلعو عشان يخلوني ارتاح شلت سند وقعدت اتعمق في ملامحو هو فعلا بشبهني شديد وظاهر ولدي وانفو عمودية وحادة😍❤️بستو في خدو وقلت سبحان الخلقك م شاء الله بقيت اتكلم معاهو تاني اتذكرت كلام خالتو انتصار وقعد ابكي سند بي يدينو الصغار ديل مسك اصبعي❤️ حبيتو شديد حضنتو وقلت لي الله م يحرمني منك ❤️بقيت حضناهو ونمت عدا اسبوع والليلة السماية جوني البنات رغد وايمان وسيدة وقالو الا يلبسوني رغد قالت ليهم انا بمكيجها ايمان قالت بتكوي شعري وسيدة تعمل التسريحة بدو يشتغلو لي قلت لي رغد م تكتري لي م بحب المكياج قالت لي انتي صحي لي م بتتمكيجي ايمان قالت ليها جمال طبيعي ي بت امي😂😂😂قلت ليهم غير كدا م بحبو اصلن ايمان كوت لي شعري ورغد مكيجتني بقو التلاته بعاينو لي 😳😳😳ساكتين قلت ليهم مالكم ؟ ايمان قالت لي ي اثيل انتي سمحة شديد رغد قالت لي مبالغة لكن م سودانية نهائي😳قلت ليها جعليه ومن المحميه كمان😂😂❤️ رغد قالت دي الحالة مكياج بسيط يوم عرسك كنت كيف😳قلت ليها يوم عرسي انا ما كنت واعية 💔💔ولا متزكرة اصلن💔💔 حصلت في الغرفة لحظة صمت عجيبة رغد وشها كان باين عليهو ملامح الصدمه لانو م فاهمة شي سيدة حبت تغير الموضوع قالت لي تلبسي توب اسود ولا كبدي قلت ليها م حصل لبست توب😂قالت لي لا تلبسي قلت ليها طيب كبدي وطلعي لي سند طقمو بالكبدي سيدة بتسرح فيني ورغد وايمان بغيرو لي سند خلصو حصنوني امي سعاد وخالتو انتصار بقو يزغرتو😂 انا لمن شفت نفسي قلت م شاء الله الضيوف بدو يجو وانا اشيل واستقبل واضاحك واتونس😂
في ركن من اركان البيت
شفتيها ي امي سمحة كيف😳😳دي الحالة عاملة كحل وروج حواجبينها م هابشاهم
= دي بسالوها جبتي السماحة من وين😏جعليه ي ختي😏
انا ي امي م خليت شي م عملتو بعد دا م بقيت زيها😳
= ي ياسمين بتي قولي بسم الله والله انتي زاتك م هينة واحلي منها😏❤️
م للدرجة دي ي امي💔
= للدرجة دي واكتر بعدين دايرة بسماحتها شنو الدايرهو بجيك لحد عندك 😂😂😉بقو يضحكو بكل خبث
انا قاعدة في الغرفة وائل جاء وقف مسافة بعاين لي بعدين بقى يتلفت وداخل ومارق قلب الغرفة قلب قلت لي مالك بتفتش لي حاجة؟
- اي بفتش لي مرتي اسمها اثيل امبارح كانت معاي مشينا الدكتور سوا واسي لمن جيت لقيت بت مزة شديد لابسه توب كبدي ظاهر عليها متزوجة ي بخت راجلها لكن مرتي الامبارح م لقيتها 😳
= بطل تخلف يااخ😂😂😒
- انا جادي معاك😳
= وائل يووخ😂😒😒
- ي بت انتي مالك سمحة كدا وائل دا بتشلي وتقعدي 😂😂😒
= باقي سماحتك😢
- اصلن سمح ي بت😌
= مشكلتك بتصدق سرعه😌😏
-اسي انتي بتسدي حقك😂😂😂😂
= اي وحدة بوحدة😌
- شافعة بس م اكتر😒
= طيب خت ولدي عشان شايلو غلط 🙂
- انتي شنو ولدي ولدي جبتي من السوق😒قولي ولدنا
= طيب خت ولدنا😂😂
باسو وطلع انا بقيت اضحك فيهو مخو صغير ياخ😂😂🤦🏻♀️ السماية انتهت امي وخالتو انتصار قعدو معاي اسبوعين ورجعو لانو محمد جايي ايمان مشت معاهم قعدت معاي سيدة ورغد بتجيني من الصباح تمشي المساء وم قصرت معاي❤️ الليلة تميت الاربعين وماشة المستشفى عشان اطعم ولدي ويطعومني دخلت البس وخليت وائل بلبس في سند لبست لي عباية سيدة جهزت وطلعنا لمن وصلنا المستشفى سيدة قالت ترجع البيت عشان تساعدهم في الكرامة قلت ليها والله ماكان في داعي تتعبو نفسكم كدا❤️قالت لي تعب شنو كلو يهون عشانو دا الغالي ود الغالية باست سند❤️ودعتني فاتت عملت الفحوصات واطمنت علي البيبي طعمونا وطلعنا وائل قال لي نمشي توتي مشينا الجو كان خورافي قعدنا نتونس شربنا قهوة اكلنا منقة وتبش وجينا طالعين❤️في العربية انا خاته سند في رجولي وبلعب فيهو شغالة لي ولدي السمح ولدي نور عيوني ي حبيب ماما انت ي ولد ي عثل😍❤️ عاينت لي وائل لقيتو بحمر لي وساكت😒قلت لي ااااا ولدنا ولدنا الكسار البشبه ابوهو 😂❤️ بقي يضحك قال لي كذابة والله بشبهك انتي😂❤️قلت لي م عشان كدا كسار😂😌❤️
= امممم يلا وصلنا انزلي
-بتين كدا😳
قال لي اصلن شارع الستين م بعيد شديد من بري انزلي😂😂
نزلنا لقيت الامه والعالمين منتظرننا يدي وجعتني من السلام الكتير😂طوالي دخلت غرفتنا انا وسيدة ختيت ولدي ورقتا سيدة قالت لي عرفتك حتكوني هنا
=اي غرفتنا دي بحبها شديد ي حليل زمن بنوم سوا وانتي تصحيني زي العارض 😂
- اي والله ايام وانتي تتعابطي فيني وحبوبة تصحيك بالمقشاشه😂😂😂
= والعجب نضافتنا اسكتي ساي😂😭😂
- لحدي هنا استوب يلا نومي نومك واشربي النشا دي بعد تصحي ناديني اجيب ليك حاجة تاكليها❤️
سمعت كلامها ونمت الجو كان بارد شديد صحيت غتيت ولدي واتغتيت نمت وانا بين نايمة وصاحية احس بزول باسني في راسي ودمعتو نزلت في خدي 😳عاوز يمشي طوالي مسكتو من يدو كان مديني ظهرو
= اقسم بالله كنت عارفه عارفه حتجي ولو العالم كلو نساني عارفاك مستحيل تنساني 😭💔💔💔💔
-.....
= انا بتكلم معاك رد لي سمعني صوتك اشتقت ليك ولكل تفاصيلك 😭💔💔💔
- وهو بتنهد اثيل فكيني م تعذبيني اكتر من كدا
طوالي قمت من السرير حضنتو وبقيت ابكي باعلى صووووت منذر حرام عليك انت م عارف اشتقت ليك كيييف لي تخلوني براي وانت عارف انا جزمتي م بعرف اربطها من غيرك😭💔💔هو كان ببكي شديد وم بتكلم منذر رد انطق قول حاجة دي كم سنة اسي انا عملت لييك شنو 💔لو زعلان مني اسفة والله بعتذر لكن ابوس يدك م تمشي تخليني انا بقيت يتيمه وانتو عايشين 💔بقي يبكي شديد وانا طلعت اهات سنين حابسها عشان م لاقيه زول يسندني وابكي في كتفو💔 ماسكين بعض ساعه بنبكي لمن صوتنا راح اخر شي مسح لي دموعي قال لي بتنا كبرتي والله 😭❤️وجبتي ولد كمان
= انا وولدي زعلانين منك شديد ولدي بالزات لانو لمن جاء م لقى خيلانو😭💔 -اعفي لينا ي اثيل
انا طلعت الحوش كنت متوقعة القي اخواني وابوي وامي م كان في زول💔 لاحظت لي بت بتكون قدر ايمان مرت محمد ومعاها ولد عمرو زي 5سنة دخلت لمنذر قلت لي وين ياسر وخالد وين امي وابوي لي م جو معاك ايمن نزل السودان ولا لسه 💔قال لي ديل م جو وم عارفيني انا جايك 💔قلت لي يعني م فقدوني ولا حتي عاوزين يشوفو ولدي 💔💔 دموعو سالت وهو ساكت شال ولدي وبقي يلعب معاهو قال لي بشبهك شديد ❤️قلت لي جاي طويل زي خالو 😂😂قال لي لو بقي قصير زيك دي مشكلة 😂
= بالمناسبة البت والولد البره ديل منو؟ ضرب راسو وقعد يضحك قال لي نسيتهم والله طلع بره كورك ي مها تعالي مها جابت الولد وجات قال لي دي مها زوجتي ودا عماد الصغير يلا ي عماد سلم على عمتو ❤️انا اتخلعت سلمت علي الولد حضنتو وبقيت ابكي قلت لي ان شاء الله شايل اسمو ❤️ سلمت علي مها وقعد معانا قلت لي بتين عرست ولي م ضربت وريتني حتي جبت ولد وبقي راجل م وريتني 🙂🙂قال لي اعفي لي الظروف 💔قضيت اليوم كلو مع اخوي واسرتو وحرفيا فرحت شديد حسيت زي الكانو بفتش لي شي ولقيتو بس فرحتي كانت ناقصة لانو اهلي م جو كلهم💔رغم زعلي من منذر طيب بخاطري اصلن هو الوحيد القريب لي وبحبني وكلهم بقولو لي بتنا❤️المساء منذر قال راجع بقيت ابكي زي الاطفال واحنس فيهو عشان م يمشي😭💔
= والله ي اثيل انا لو لي مراد م امشي منك لكن م ورينا زول وانتي عارفه ابوك💔
- اقعدو معاي يوم واحد بس والله انا اشتقت ليك شديد ولسه م شبعت منك😭😭💔💔
= والله انا اكتر ي اختي لكن م بيدي💔
- عليك الله ي منذر م تنقطع مني وتعال لي لو بعد مية سنه💔
= لو العالم كلو خلاك انا م بخليك💔
حضنتو وبقيت ابكي وهو زاتو يبكي الا بعد خراج روح وائل فكاني منو كان عندي اسورة فضة بين الساعه والاسورة وحلوة شديد اشتريتها من مول الواحة مع وائل وقلت حاديها لي ولدي لمن يكبر مشيت جبتها اديتها لي عماد شلتو وبستو في
خدو ولبستها ليهو وقلت لي دي زكرة مني اوعوك تضيعها كويس ي عمتو😗❤️ قال لي ثمح بستو منذر قال لي وائل م اوصيك عليها وائل قال لي من العين دي قبل دي ❤️ونزلتو ركبو عربيتهم وفاتو💔وانا بكيت شديد مسكت وائل وقلت لي عليك الله قول ليه م يمشي 😭😭💔طبط علي راسي وقال لي كلو بهون اصبري دخلت جبت شنطتي ولدي ودعتهم وطلعنا رجعنا وائل نام طوالي انا قضيت الليل كلو بكى 💔
في العربية بين منذر ومها
- طبعا قدر م حكيت لي عن اثيييل وسماحتها م اتوقعت تكون كدا مبالغة ياااخ تقول شاردة من الجنة 😳❤️
= قولي م شاء الله ياخ م تسحري لينا بتنا😂❤️بعدين اخوها منو😌
- كضاب ولا بتشبهكم الزوله دي نجفة عديل تعال هنا انتو لي كلكم بتقولو ليها بتنا😂❤️
= لانو صغييرة شديد وم قدرنا واصغر زول وكانت قدر اولاد اخواني وعشان هي اختنا و واحدة بقينا نقول ليها بتنا 😂😂❤️
- حلاتها لكن عثولة😍عمرها كم اسي؟
= والله اتوقع بكون17سنة
-صغيرة شديد ي منذر😳
= والله تقولي شنو ظروفها جات كدا قسمة💔
-اسي حنقول لي عمو عماد شنو😳😳
= م عليك انتي اسكتي وانا بتصرف
وصلو البيت اول م نزلو
عماد: شرفت كنت وين ي استاذ بي اولادك
= مممم مشيت الخرطوم ي ابوي
- وعندك شنو في الخرطوم🙂
فرح : قالت لي بكون مشى لوش الفقر
عماد: الكلام دا صاح😳
منذر زعل شديد من كلام امو وقعد يكورك اي مشيت ليها يااخ😡وبمشي وم بقيف منها نهائي وم بقاطعها وش فقر عملت ليك شنو انتي لي بتكرهيها هي بتك ي استاذة😡💔 بكوريكو البيت كلو اتلمى
عماد بقى يصرخ لمن برجف انا موش قلت البمشي م عافي لي 😡😡انت لي راسك قوي اشمعنا انت من دون اخوانك راسك قوي وم بتسمع الكلام😡
= اي م بسمع وقدامكم كلكم اختي م بخليها مفهوم😡
- انا م عافي ليك ولا دنيا لا اخرة ولو متا في جنازتي م تقيف😡
= م عملت ليك شي عشان م تعفي لي اقول ليك م تعفي وانا عفوك زاتو م دايرو😡 وبتك دي بسالوك منها
-م بتي💔
= لا بتك وحتى لو كلكم اتبريتو منها انا اختي وحتفضل اختي ولا على عينكم 😡😡 ياسر ضرب منذر كف قال لي م تعلي صوتك علي ابوي خلي عندك ادب قال لي شوف البتكلم انت بزات م تفتح خشمك😡😡عاجبك البحصل مووش امشي صلح نفسيتك المريضة بعدين تعال اتكلم😡💔
فرح : قالت ليهم انتو جنيتو ولا شنو دا بيتي انا وانا البعلي صوتي واتكلم انتو تسكتو بس
منذر قاليها بيتك تتهني بي انا زاتي م قاعد ليك😡😡امشي ي مها لمي هدومنا واقول ليكم زي م اتبريتو منها اتخلو عني وانا لا ولدكم لا بعرفكم 😡😡💔
= عليك الله ي ولدي م تحرق حشاي انا م قصدي شي
- حشاك دا م اتحرق لمن رميتي طفلة عمرها12 سنة عاوز يتحرق اسي 😡😡 انا زاتي م عاوز اكون معاكم ولا بشرفني اقعد نصكم منذر شال حاجاتو وطلع
فرح وقفت في نص الحوش وبقت تصرخ كلو منها كلو منها الله ينعللك ي اثيل ي منحوسة ي فقر 😡😡الله ينتقم منك م عافية ليك الله يسودها عليك محل م تقبلي ريم قالت ليها ي حبوبة اثيل زنبها شنو ضربتها كف قالت ليها م تتدخلي مفهوم😡😡اليوم دا بيتهم كلو نام زعلان في النام ببكي والنام مبسوط وعاجبو الوضع والنام ندمان وعاوز يرجع كل شي والنام بتمني السنين ترجع لي وراء عشان يغير تصرفاتو اما منذر واسرتو نامو في العربية وقال بكرة بشوف بيت 💔
انا صحيت الصباح م لقيت ولا وائل ولا سند😳😳 طعلت الهول البيت كلو مظلم طبعا بيتي كبير وكل داخل في بعض ولم يطفو الانوار زي الكانو ليل خفت شديد وبقيت افتش في الكوبس عشان افتح النور بعد شوية براهو فتح😳وائل مزين البيت وجايب تورته واكل كتيير والتورتة مكتوب فيها احلي ماما❤️ بقي بغني هابي بيرد دي تويو سنة حلو ي اثيل سنة حلوة ي ماما❤️ فرحت شديد ياااخ واتذكرت لمن ابوي بعمل عيد ميلادى كلو سنه وايمن يجيني مفاجاة ويجيب لي هدايه💔 بكيت شديد💔وائل قال لي حليمه البكاية مالك😂😭😂😂
= ماف شي اتزكرت اهلي
- ي ثولي ي حبيبتي كلو بهون بس اصبري❤️وتعالي قطعي التورته لانو انا وسند جعانين م فطرنا😗❤️
=طيب😂 قطعناها وبقينا ناكل رغد جات قالت لي وائل يخسي عليك 😒لي م انتظرتونا قال ليها اثيل صحت بدري 😂اسي م فات شي تعالي اسامه جاء داخل وانا مشيت البس توب وازيد الاكل قعدنا ناكل كلنا قلت لي رغد البيبي كيف
= تمام والله❤️
مشيتي المقابلة؟
= بعد يومين تمشي معاي ومنها نطلع نغير جو ❤️
طوالي م عندي مشكلة
وائل قال ليها يعني البيبي صحتو كويسة ❤️قالت لي اي بس مع السلم بنيتو طويل شديد ي وائل وانا انزل واطلع رجولي وجعوني بتذكر اثيل دي لحد م ولدت م خليتها تطلع سلم وعاينت لي
اسامه بطرف عينها😂😂😂😂اسامه قال ليها اثيل صغيرة وخفيفه وائل لقاها لعبه الخوف من البقر العندنا😂😂😂😂 اتغاظت منو كيف وقالت قومي اثيل ناكل برانا 😂شالت سند وقمنا
-شفتي حقار كيف اسي انا سالتو😡😡😡
= ي رغد اهدي هو بهظر
-م يهظر معاي يصبر لي بس 😡
= طيب اكلي حبيبتي😂
-م عاوزة نفسي في فطاير منك يدك
= طيب ي ستي امسكي سند وانا اقوم اعملها ليك
طلعت لقيت وائل في الهول قلت لي اسامه وين
= طلع فوق 😂
-الليلة سجمو ناوين علي😂
= خلي يستاهل😂
- رغد قالت نفسها في فطاير عاوزة اعملهم ليها لكن انا نفسي في طعميه طولت منها يااخ😢
= شايفاني خاتي صاج قدامي😒
- انت لي لئيم كدا😂😂😒😒غلطانه البتكلم معاك دخلت عملت الفطاير واتغظت منو شديد رغد اكلت وبعد تحانيس بعد المغرب رجعت بيتا انا بليل خلاص نعست عاوزة انوم وائل جاب لي علبه❤️فتحتها كان سلسل دهب مكتوب فيهو ام سند❤️ حبيتو حب لبسني ليهو وقال لي اوع يطلع من رقبتك❤️قلت ليهو حاضر
مرت الشهور وسند تما سنه❤️رغد جابت بنوته قمر سموها اثيل❤️وسيدة دخلت الجامعه❤️وائل كان بعاملني كويس وبحترمني شديد بس لاحظت في الاربعه شهور الاخيرة انو بقى مشغول شديد ودايما بتكلم بالتفلون لي انصاص الليالي ومرات بيبت في الشغل بس م كان مقصر معانا ابدا انا ولدو❤️كل خميس نمشي لي امي سعاد والجمعه بنطلع مع رغد واسرتها والحياة ماشة عادي فكرت افتح مع وائل موضوع القراية لانو سند كبر سنه وم عندو عوجه وبقدر اخليهو مع رغد وامشي المدرسة❤️انتظرتو رجع من الشغل ختيت الاكل اتقدينا نومت سند لقيت وائل قاعد في الهول
= حبيبي🌚
- احكي❤️
= انا عاوزة ارجع اقرئ لانو سند تما سنة
فجاة.........