رواية حكاية الطفلة اثيل
الفصل الثالث عشر13
بقلم شهد عبد الله
لمن سمعت الكلام دا حسيت حبل الموت قريب لي شديد زي الروحي طلعت 💔 وقعت في الارض والمره دي غير كل مره بجد حسيت روحي بتطلع للحظة وقعت جثة هامدة💔💔م كنت حاسة باي شي احساسي بالحياة انقطع نهائي م كنت سامعه شي شايفة اولادي جارين وامي وخالتو انتصار💔💔💔 نزلت دموع حاره مني 💔تاني م شفت اي حاجة💔 حسيت بزول رفعني بس م كنت حاسه بجسمي💔 م عارفه انا مالي استشهدت عديل💔 كنت بسمع لكن م كنت شايفة ولا كنت حاسة دخلوني المستشفي وسامعه الدكاترة بتجارو فيني وبقول حنخسر الجنين💔يعني انا حامل💔وبعدين مع الاختبارات 💔لبتييين حاستحمل كفاية الم 💔كفايه علي شقاء وعذاب اتمنيت ربنا يشيلني واخلص💔 ارتاح من الدنيا وصدماتها 💔 من الوجع عاوزة ارتاح لانو من ولدوني م ضقت راحه💔💔اتذكرت اولادي والحيحصل ليهم بعدين واتذكرت الروح الفي بطني 💔استغفرت ربنا ودعيت انكتب لي عمر جديد عشانهم💔 م عارفه مرة كم يوم وساعه بس حسيت روحي اتجددت ذي الاتولدت من جديد وعيت على لمسات يدين ناعمه وحدة في وشي والتاني في يدي دخل نور قوي عيوني💔 اول م فتحتهم لقييت عبودي وسند❤️ماسكيني دموعي نزلت وحضنتهم وبكيت باعلى حسي💔 هم زاتهم كانو ببكو م كنت عاوزة افكهم للحظه حسيت اني
حامشي اخليهم يتما زي م امي خلتني💔 م كنت عاوزة اولادي يعيشو زيي💔 بعد اكتر من ربع ساعه خالتو انتصار شالتهم مني كفرو لي والدكتور جاء داخل قال :
معقوله ي اثيل عماد اهمال كدا💔حامل ليك اربعه شهور وم تابعتي مع دكتور ولا بلعتي فاتمينات وبعد دا ارهقتي نفسك شديد وم راعيتي للطفل الفي بطنك💔
=عايش ولا مات🙂
-لالا الحمد لله قدرنا ننقذو واسي هو في صحة كويسة بس انتي خلي بالك وحافظي علي صحتك واطفالك واخدي الادوية في مواعيدها
=شكرا ليك ي دكتور 🙂انا قاعدة لي كم يوم
- ليك تلاته يوم💔لو كان غبتي عن الوعي اكتر من كدا كان حتموتو انتي وطفلك الله كتب ليك عمر انتي بت صغيرة شديد خلي بالك من نفسك اولادك محتاجين ليك وبالزات ولدك الكبيير بحبك شديد ومن جيتي م مشى منك ولا مكان بالرغم من انو طفل كان بمشي المسجد يصلي عشانك من غير وضوء وبسالني منك كل دقيقة ماما حترجع وببكي حافظي علي نفسك وم تنحني لانو في ناس متكولين عليك ❤️وطلع
فكرت في كلامو وكان عندي خيارين ي اعيش في الماضي واموت💔يا اتولد من جديد مع أطفالي التلاته❤️ واخترت اعيش معاهم لانو م عاوزة يوم يجي ويعيشو الانا عشتو💔م عاوزة واحد يتالم او يتخت في اختبارات او يكون مخير بين حاجتين💔 عاوزة اولادي يفرحو ويعشو حياتهم زيهم زي غيرهم❤️وامليهم حنان ومحبة وم احرمهم من شي عملو لي فحوصات عشان اطمن علي البيبي والدكتور قال اتابع معاهو شهري وخرجوني❤️ دا كلو وائل ماف وم شفتو نهائ وصلت البيت لقيت رغد مستنياني وخالتو انتصار قالت لي لم كنتي غايبة رغد اهتمت باولادك وم قصرت معاهم نهائ❤️حضنتها وشكرتها كتييير ❤️ قالو ينزلو معاي قلت ليهم لالا امشو ارتاحو كنت بعاين لعمو حامد بنظرات ماف زول فاهمة غيرو وهو كان محرج شديد قال لينا طيب ساق امي وخالتو انتصار وفات💔 دخلت مع رغد قالت اسامه سافر ونزلت حاجتها قالت حتقعد معاي كم يوم❤️ انا دخلت غرفتي اول م ختيت راسي في المخدة اتذكرت اي شي معقولة خيلاني وجدي قتلو اهلي💔💔في زول بقتل بتو لا في زول بقتل اختو؟💔 دا كلو عشان اسلمت؟ م دا الصاح طيب انا زنبي شنو؟ ولي اهل ابوي يتبرو منو معناها الناس المشيت ليهم كانو اهلو💔والراجل البشبه ابوي دا عمي💔طيب عندي اخوان ولا م عندي؟ حسب كلام عمو حامد ابوي م كان متزوج غير امي💔طيب الشفتهم ديل كانو اهلي؟ والمره القالت لي بت اريج دي حبوبتي؟💔دموعي نزلو زي المطرجاتني رغد قالت لي قومي كفاك هم حضنتها
=رغد شكرا ليك علي وقفتك معاي واهتمامك باولادي انا عمري م حاقدر اجازيك❤️
-انتي عويرة ي بت من اول يوم شفتك قلت ليك انتي اختي االصغيرة وشكرا دي م بينا
=الله يخليك لي❤️
-ي اثيل انا م غريبة انا م عارفة في شنو حاصل ليك وانتي م حكيتي لي بس متاكدة انك موجوعة وشديد كمان لدرجة م كنتي عارفة حملك 💔انا م غريبة عاوزاك تحكي لي وتفضفضي ❤️وانا حاقيف معاك وم بخليك
=طيب بحكي ليكم سوا
-انا ومنو
=امشي جيبي لي تلفوني
جابت التلفون طوالي ضربت ليها فديو
اول م فتحت الخط كانت ماسكه بتها وبتكورك ثولي شوفي خالتو اثيل ضاربه لينا😍❤️
=م قدرت احبس دموعي من سمعت صوتها سيدة كيفك💔
-اثيل مالك بسم الله في شنو
= انا محتاجاك شديد ي سيدة لازم تنزلي السودان💔🙂
-حاضر حبيبتي احجز اول رحلة ونجي في شنو انتي كويسة طمنيني علي الاقل 💔
=انا كويسة لمن تجي بحكي ليك💔
-طيب منذر وين اضربي لي يجيك
=انا هنا بكييت بإنهيار 💔وقفلت الخط 💔 منذر طلع م اخوي اي شي عايشاهو كذب💔 ديل م اخواني💔ولا اهلي💔 انا م عندي اهل ولا زول انا عندي اولادي بس بكيت شديد 💔رغد حضنتني وبقت تهدي فيني لحد م نمت وانا ببكي💔وائل جاء زي الساعه3 رغد صحتني وطلعت كنت بعاين لي وعيوني براها بتقول مية كلمه🙂💔 م كنت قادرة اعبر عن غضبي فضلت ساكتة قال لي اثيل انتي تمام ؟
م تمام ولا عمري كنت تمام دايما مجروحه ودايما مكسورة 💔وحياتي كلها كذب وانت اكبر كذبة عشتها لاني صدقتك واعتبرك سند💔رغم معاملتك القاسية كنت بحن ليك وارجع كلو مرة اكون تمام كيف واهلي طلعو م اهلي حتي منذر البعتبرو سند طلع م اخوي💔 تمام كيف وانا حامل بروح وم عارفة وانت تضرب فيني ليل نهار وم جايبة ليها خبر تمام كيف واولادك بشوفك بتعاملني كدا وانا بكذب عليهم تمام كيف وانا في غفلت سنين لقيت اولادي كبار واحد عمرو3سنة والتاني2 وانا م متذكرة بتين اتكلمو ولا بتين مشو💔💔فجاة لقيتهم كبار تمام كيف وانا يوم بموت مية مره اهلي م شفتهم 💔 ماتو مقتولين تمام كيف وخيلاني قتلوهم واعمامي اتبرو مني ولسه بتسال تمام💔
-بتكلم معاك انتي تمام؟
= رجعت لي واقعي كل الكلام القلتو كان في سري وم عندي شجاعه اقولو لي 💔عشان شخصيتي ضعيفة 💔 قلت لي تمام والله انت كيف💔
-انا كويس الحمد لله
= معقولة م لاحظ للدمار الانا فيهو؟ قلت ليهو كنت وين تلاته يوم
- سافرت المحمية للشغل واسي جيت😊
=انا حامل🙂
قال لي بكل برود تمام ربنا يتمو😊وشال غيار دخل الحمام حسيت بنكسار وحسيت م عندي كرامه زي الكاني كيس جوافه فاضي💔 يقول لي تمام؟ حتي م سال انا في الشهر الكم 💔 قشيت دموعي وقلت م مشكلة💔 استحملت كتييير وائل دا اصلن خليتو مع الماضي وم عندو دخل في بدايتي💔 نزلت ومشيت لي اولادي لقيتهم بلعبو مع اثيل شاكلتهم وقلت ليهم انتو لي اسي صاحين قال دي اثيل ي ماما😂😂 اثيل قالت احكي لينا قصة حكيت ليهم لحد م نامو بوستهم وغطيتهم قفلت النور وطلعت كان نفسي في صنية بطاطس دخلت اعملها جاتني رغد
-اجي ي الطبيخ نص الليل؟😂😂
=نفسي فيها😂
-دا الوحم 😂😂
=بكون💔
طيب حاعمل عصير مسافه تخلصي 😍 اثناء م شغالين جاء وائل باسني في خدي قال لي مرتي الحلوة بتعمل في شنو استغربت من الواقاحة وقلت الزوق العندو م رديت لي رغد بتصلح في الموقف قالت لي صنية بطاطس قال ليها الله وجرى كرسي قعد 💔🙂 كرهتو شديد بقي بتونس مع رغد زي الكانو م عمل شي 💔او كانو انا م حصل لي شي💔 اكلنا ورغد استاذنت
-اثيل عاوزك في موضوع
=هممم🙂
- انا حاسافر البحرين كم سنة😊
=تمام🙂
- بس تمام؟ اقول ليك مسافر كم سنة م سالتيني من شغلي واولادنا حتمسكيهم براك؟
=اوكي ماف مشكلة🙂
-قام وانفعل انتي مالك في شنو يعني انا مسافر م تتعاملي معاي بالبرود دا اقول ليك طاير مسافر كم سنة 😡حتعيشي براك كيف واولادنا حتهمتي بيهم بتقدري تودي سند الروضة ؟ وتهتمي بالاتنين التانين
= اعيش براي هو انت ياتو يوم كنت معاي؟ واولادك البتقول لي اخليهم ليك اصلن انت قاعد تعتني بيهم يعني؟ عارف عيد ميلادهم؟ عارف اعمارهم طيب عارف انا في الشهر الكم؟ م تتكلم وامشي مشيك😂👋🏻
جاء ضربني كف
= ضربك دا بقي م بفرق والله🙂م خلاص حاجة واتعودت عليها ومشيت خليتو بقيت م بحس وماف شي بزعلني فتحت غرفة الاولاد اطمأنت عليهم ورجعت غرفتي رقدت عاوزة انوم جاء حضني وبقول انا اسف اجي دا اسي موش ضربني؟ ابتسمت لاني اتعودت ورقدت نمت مره اسبوع والليلة سفر وائل البيت كان مليان شديد كنت في غرفتي دخلت الحمام لم طلعت لقيت عمو حامد قاعد في السرير
-اثيل
=اثيل مااتت وم عندها حيل تتكلم ولا تفتح اي موضوع ي عمو بي باقي الحيل دا خليني اربي اولادي🙂
-اعفي لي وانا اسف💔
=اعفي ليكم علي شنو ولا شنو 🙂م مشكلة عافيه ليك وطلعت لقيت ياسمين وامها قاعدين💔عواطف قالت لي مبروك قالو حامل😏😏 ياسمين عاينت لي وائل ولوت لي خشمها ربنا يتمو😏 لقيت نفسي بضحك بدون م اشعر قلت ليها نفس الكلام😂😂😂 قالت لي اجي كلام شنو م رديت ليها سلمت عليهم ودخلت المطبخ لقيت رغد وامي بحضرو في الفطور عاوزة اساعدهم قعدوني وقالو م اشتغل ختينا الفطور قلت ليهم امشو انتو انا بعمل الشاي عملتو وم كان عندي نفس اطلع ليهم شلت الشاي وطلعت وائل قدام ابوهو ممثل الزوج الحميم💔 جاء غمض لي عيوني واداني مفتاح عربية قال اشتراها لي عشان م تتعبي في الترحال عاينت لي بطرف عيني وقلت شكرا🙂 ياسمين قالت لي شكرا ي سخيفة😏لو انا مكانك كان طرتا بقلبي قلت ليها دي انتي لكن انا عارفه العربية بقروشي😂😂😂 وعامل الرهيب قدامك جاء موعد طيارتو هو واسامه معاهو لبس شال شنطتو خالتو انتصار قالت لي امشي معاه المطار قلت ليها م بقدر والله🙂 جاء شال اولادو ونزل لي دموع تماسيح باسني في راسي واقف ساعه بوصي فيني 🙂لا يعني هو بوصني علي اولادي؟ م رديت لي ولا كان عندي دمعه بالعكس كنت حارتاح منو طلعو وياسمين مشت معاهو 💔 ناس امي فاتو قلت لرغد طالا م راجلك سافر م تتطلعي جيبي هدومك واقعد معاي وافقت وطلعنا نجيب هدومها جبناها وجينا وسند عاوز يطير من الفرح وم مصدقين اثيل تعيش معاهم😂😂😂 بكورك ويغنو حموني القعدة قال لي ي ماما اثيل حتنوم وين قلت لي معاكم مشينا جبنا سريرها ودخلنا في غرفتهم لعبو كتيير وحمونا القعدة😂 المغرب شلنا قهوتنا وطلعنا الحديقة نتونس ❤️
-حاسة بيك مبسوطه
=وجود اولادي حولي فرحه😍
-الله يخليهم ليك
=ويخلي ليك ثولي❤️
اتونسنا كتيير زي الساعة عشرة جاتني اثيل ي خالتو احكي لينا قصة شلت عبودي ودخلنا غرفتهم قلت ليهم قبل القصة اول شي اللبن سند قال يع عبودي طوالي عمل نايم ضحكوني ضحك😂😂😂 قلت ليها عارفه ي ثولي نينجا قول البتحضروها دي جابو القوة من وين ؟🌚قالت لي بفرح من وين😃قلت ليها بشربو لبن بس ❤️سند قال لي طيب انا عاوز🌚 ضحكت ومشيت جبت ليهم كلهم شربو الا عبودي قلت ليهم طيب ي سند واثيل بكرة حتكونو اقوياء وحطيرو االا عبودي لانو م شرب اللبن طوالي نط وشربو حكيت ليهم قصة وخليتهم ينومو وطلعت لقيت رغد نايمة مشيت غرفتي ونمت الصباح صحيت بي سيدة بتنطط في السرير وبتقول م اشتقتي لي 😃😃قلت ليها انتي م بتكبري😂🤦🏻♀️🤦🏻♀️ قمتا حضتنها وقعد ابكي 💔الوحيدة البرتاح ليها وبتفضي وجعي💔بكيييييييييت وهي زاتها بكت معاي بقينا حاضنين بعض وبنبكي😭😭💔
-والله اشتقت ليك ي رفيقة دربي ❤️
=م اكتر مني فقدتك شديد ي سيدة😭💔
-خلاص انا جيتك وحاقيف معاك ❤️
انتبهت لي بتها شلتها وكان اول مرة اشوفها لانو ولدتها في اليمن ❤️ حلاتها تشبه هاشم 😂شوف الجضوم دي حبيبت خالتو انتي 😗 سميتها اثيل😂❤️ قالت لي اكيد 😍❤️ خليتهم نزلت اتسوكت شلت اثيل وطلعنا الهول ❤️قلت ليها الفتح ليك منو قالت لي رغد وشكلها نامت تاني😂😂
=اخبارك شنو وهاشم وي
-انا كويسة والله هاشم قاعد خليتو في يمنو دي وجيت اقعد معاكم سنتين😂❤️
= احلى خبر وربي😍مشيتي لي ناس امك
-بري جيتك طوالي 😂😂بمشي ليهم بكرة اسوي ليهم مفاجاة
=وبتك عمرها كم وحلاتي ي ناس 😗❤️
-4شهور😍
وبقت تحكي لي دراماتها والحاصل معاها اثناء م بنتكلم عبودي جاء عاين لينا وجرى ناد اثيل وسند جو جارين وبكورك بابو بابو 😂😂❤️ طوالي جرو لي اثيل سند قال لي ماما دي منو 😍قلت لي اثيل ختا يدو في راسو واشر علي وقال اثيل اثيل اثيل وقعد يضحك 😂🙆🏻♂️سيدة شالتو قالت ليه مستهبل زي امك وسلمت عليهم 😂❤️ كانو فرحانين باثيل الجديد ولافين حولها وبغنو 😂رغد يداب صحت صبحت علينا وقال لي لسه م حميتيهم ؟
=الليلة اليوم عليك امبارح حميتهم انا 😂
-اثيل م تغالطي انا الحميتهم انتي حكيتي القصص
سيدة قالت لينا دقيقة اسي انتو يعني موزعين خدمة الشفع يومي علي وحدة؟😂وفكت ضحكتها ديك 😂😂
=الضحك دا بخلي هاشم يطلقك 😂😂
-هو بحبني عشان ضحكي😌
رغد قالت انا بحميهم واشهدي ي سيدة غيرت ليهم وانا عملت الفطور والعصر سوينا الجبنة الاولاد كانو مع اثيل دخلتها ليهم غرفتهم وخليتهم يلعبو معاها بعد المغرب قاعدين سيدة قالت لي احكي رغد ربعت رجولها وقعدت في الارض قالت لي سامعه حكيت ليهم اي شي حصل معاي نقطه نقطه حتي معاملة وائل والغريبة م نزلت ولا دمعة وكنت عادية جدا💔💔هم الاتاثرو وبكو ورغد انهارت عدييل سيدة كانت مصدومة وبتحاول تجمع 💔سيدة قالت لي اثيل انتي جادة يعني منذر م اخوك😳😳
= م دي الحقيقة الواجعاني ودا الموضوع الوحيد الم قادرة اتقبلو💔💔لانو منذر اساس اي شي حلو في حياتي وطلع وهم💔💔
-اثيل دا كلو عشتي براك وم ضربتي لي 💔م انا صحبتك واي شي بنتشاركو سوا وانتي اختي الم جابتها امي لي تشيلي دا براك؟💔رغد قالت ليها هي م كلفت نفسها تحكي لي انا القاعدة معاها 24ساعة💔ورغم ذلك كانت بتضحك وصابرة💔اثيل انتي عايشة كيف؟
=باليقين ي جماعه🙂حاسه الجاي خير وحاسة اولادي حيعوضوني ومؤمنه انو الله م بظلم زول🙂❤️سيدة حضنتي قالت لي طيب احكي لي مالك وحاسة بشنو طلعي لينا وجعك وابكي م تسكتي كدا الله يرضا عليك😭😭💔
=م قادرة ي سيدة صدقيني م قادرة اعبر عن اي شي لاني بقيت فاقدة المنطق💔وم قادرة احكي ابدا لانو م عارفة انا مالي وحاسة بشنو كل العارفه انو انا مدمرة ومدمرة شديد💔لدرجة م بتسمح لي انطق ولا بحرف💔 وسكتت 💔 رغد كانت بتبكي بصوت كلو الم وزعل كان نفسي ابكي زيها واطلع الجواي للحظة اتمنيت ابكي واصرخ باعلي حسي واحكي الواجعني💔بس اتعودت علي الصمود خلاص قشيت ليهم دموعهم وجبت ليهم موية❤️
=بس دي قصتي كلها
رغد قامت حضنتني قالت ي اثيل انا لا يمكن اتخلي عنك ودايما حدافع ليك سيدة قالت لي وانا برضو قعدنا ساكتين لدقايق بعدين قلت ليهم والحل شنو🙂 سيدة قالت:
الحل واضح ابدي من الصفر عشي حياتك وسنينك وادي طاقتك وباقي عمرك لاولادك عشان حينفعوك وم تشتغلي بالماضي ابدا ركزي في الجاي بس ❤️وبعد تصلي محل عاوزة وقتها اقيفي.. رغد قالت لي خليك قوية وائل دا مع احترامي ليك ي سيدة اعتبري زيو زي الحيطه في حياتك وعيشي معاهو زي الكأنك منفصله عنو اصلن بعد عمايلو دي بجمعكم اولادك بس ربيهم واتعبي فيهم لانو كفاك زعل لحد هنا عشي عمرك وم تخلي الزمن يسرقك ويسرق شبابك زي م سرق طفولتك💔 اتحكمي في حياتك وعيشي كاثيل عماد البتتمنيها انتي م اثيل الضعيفة الشايفنها نحن 💔 باستني في راسي وقالت لي ربنا يوفقك ويخلي ليك اولادك سيدة قشت دموعها قالت لينا بقينا امهات وبنحضر مسلسلات كتير😂😂😂😭😂قومي خلاص كفاية درامه قلت ليها وين ؟ قالت لي يلا نضرب الحزن بالفرح مشت اتاكد انو اولادنا نايمين وجات شالت مفاتيح بيت رغد قلت ليها ماشين وين🌚
قالت لي نكسر الروتين😌طلعنا معاها وانا متاكده المجنونه دي في راسها حاجة😂😂 اول وصلنا ولعنا الانوار جابت السماعه وزعت المايكروفونات😂وفكت شعرها قالت لينا يلا رغد حاكتها انا بعد تحانيس قمت رقصنا وغنينا وبقينا نطط😂😂انا لي زمان م فرحت كدا وسيدة تحاكي القونات مجنونة ياخ 😂😂والله ضحكتني ضحك رقصنا ساعات وم خلينا اغنية م غنيها انا من التعب نمت في الكنبة💔 صحيت سرعه قلت ليهم قومو ي مجانين اولادنا براهم😳😳😳وجريت قبليهم لقيتهم نايمين الحمد لله❤️سيدة شالت بتها ودخلت غرفة وانا ورغد غرفتنا سوا ورقدنا نمنا الصباح احس ليك بزول صج اداني كف😳قمت زي الضارباني صاقعة😳😳عبودي مالك بسم الله
=ي ماما انا من ديبل اقول ليك دومي دومي م عاوزة تدومي🥺🥺
-طيب ابيت اقوم تضربني كدا😂😂😂عاوز شنو انت
=عاوز ساي ثولي وسند فاتو يعملو بلاهم🥺 قمت بسرعه قلت لي يعملو شنو وجريت علي المطبخ😳😳لقيتهم جابو الطربيزة وسند بحاول يرفع اثيل 😂😂😂😂😂يااخ لمن وقعت من الضحك نزلتهم وشلتهم عملت الشاي اديتهم بسكويتهم وقلت ليهم اقعدو هنا مسافة م استحميت واتسوكت سامعه عبودي ببكي بره الحمام قلت لي مالك
=اثيل شالت مني بستويتة تااامله😭😭😭
-طيب ارح اديك تاني😂😂😂 شربو الشاي وعملت لينا نحن مشيت اصحيهم لقيت رغد وسيدة راقدين جم بعض زي الغنم😂😂وظاهر عليهم فترانين لقيت اثيل بت سيدة قاعدة في نصهم صاحية شلتها حميتها ورجعتها تاني مشيت حميت الاولاد دا كلو وهم نايمين💔 صحيتهم بعد تعب شربنا الشاي وطلعنا انا ورغد مشينا نسجل اولادنا في الروضة وسيدة فاتت تسلم علي اهلا وصلنا الروضة رغد سجلت بتها لمن جيت اسجل قالت لي حلاتها بتك عثل اسمها منو😗
=دا ولد😂😂😂اسمو سند
-م شاء الله من الشعر والعيون بتشاف بت😂😂😂
=الله م ضراك😂😂سجلتو وطلعنا سيدة قالت حتبيت مع ناس امها وتجي رغد قالت نطلع الاولاد فعلا فسحناهم ورجعنا بعد العشاء نامو وانا ورغد بنتونس
-اثيل حتسوقي عربيتك بتين عشان بتريحنا في المشاوير
=ووالله ماف طريقة اسي الا اولد واتعلم السواقة
-ربنا يعينك❤️
مرو تلاته شهور وكانت احلي ايام مع رغد وسيدة ويومي بنطلع محل شفت لي سواق لحد م اتعلم .. رجوع سيدة غير حياتي للاحسن❤️ يوم وانا راقدة عاوزة انوم جاني وجع ولادة استغربت لانو ي داب في السابع💔الوجع زاد كوركت لي سيدة ورغد جوني وطلعنا المستشفى قالو حالة ولادة💔💔اتهجمت شديد 💔والمرة دي قالو عملية لانو حياة البيبي في خطر دخلت العملية وكنت خايفة لانو ايامها م تمت💔وحاولدو ناقص بعد ساعات وعيت 💔والخوف قاتلني قلت لي الدكتور عاش💔
=اي الحمد لله من كترت الضغوطات والصدمات الحصلت ليك والتعب البيبي طلع في سبعه شهور لانو الحمد لله كويسة وجبتي بنوتة حلوة وقمر 😗❤️
-الحمد لله😭❤️هي وين
=ودينها يفحصو ليها بجيبوها ليك اسي❤️
جابوها لي كانت حلوة شديد وبتشبهني😗🥺حضنتها وبكيييت دخلو كلهم باركو لي 😗محمد قال نسميها سعاد علي ام وائل عمو قال اي عاينت لي جوة عيونو قلت لي حاسميها ميلاف🙂اتبكم وم قال ولا حرف سميتها ميلاف❤️قعدتا اسبوع وخرجوني لمن وصلت البيت ماسكه تلفوني وائل ضرب فديو م كنت عاوزة ارد💔بس اطريت
-الو🙂
=اهلين حبيبتي ومبروك بتنا تتربى في عزنا😗
-ي داب عاوز تبارك؟🙂
=ثولي حياتي اسف عارف مقصر في حققكم ومن سافرت م ضربت ليك🌚❤️
-م مشكلة عندك البتضرب ليهم موش؟🙂
=الله يرضا عليك م عاوزين مشاكل لو م عشانا عشان اولادنا
-عشانا قصدك انت ومنو؟
=اثيل حبيبي يوووخ انا❤️م انتظرتو يتم كلامو طوالي قفلت لاني قرفانة منو شديد🙂💔مرت سنتين واولادي ملو علي الدنيا ونسوني وجعي ورغد وسيدة م فارقوني خالص 😗❤️ودعموني وكانو خير الاصحاب وائل م ضرب لي نهائي كان بضرب لي سيدة عشان اولادو وانا م كنت شغالة بيه ونزل السودان قبل اسبوع والليلة تخريج سند واثيل من الروضة😗❤️ مشينا انا وسيدة السوق واشتريت لي اولادي جنز بالرصاصي وتشيرتات بالون المنقاوي وفستان ميلاف نفس الالون سيدة اصرت اشتري توب اشتريت توب وطقمتو بلون ملابس اولادي ❤️ لبستهم العصر والزفة ساقت سند واثيل ❤️😗 وانا وسيدة اتحركنا بعربيتي والباقين لحقونا التخريج كان حلو وسند واثيل العرسان😂😂😂😂رغد تشيل وتزغرد بعد خلص رجعنا وائل فات يرجع اهلو نزلت اولادي وكانو نايمين دخلتهم غرفتهم ومشيت غرفتي واقفة في التسريحة بطلع في الحلق جاني وائل قال لي ي جمال امك😍😍❤️🙆🏻♂️
=همممم 😊
-ام اولادي قمر😍😍
=بالله🙂
-ي قاسية ي لئيمة😂🌚
ولا رديت لي دخلت الحمام اغير طلعت لقيتو قاعد في مكانو م اشتغلت بيه جبت موية وجيت رقدت عاوزة انو قال لي عاوزك في موضوع مهم قمت قعدتا في نص السرير قلت لي اها🙂
-انا ي اثيل .....