رواية مالك الكنز
الفصل السادس6
بقلم رنا تامر
كنزي نزلت وراحت قعدت واول ما شافت مالك اتصدمت...
كنزي بصدمه: هو انت 😳
مالك: هو انتي 😳
جاسر: اده انتم تعرفوا بعض...
مالك قرر انه يتكلم: احم، ايوه يا عمي..
رأفت: ايوه يعرفوا بعض، لانه كنزي بتشتغل في الشركه بتاعتي، واحنا جاين انهارده عشان نتطلب ايد الانسه كنزي لي ابننا مالك..
كنزي لقت انه دي فرصه مناسبه جدا عشان تنتقم منه...
جاسر: طبعا ده يشرفنا، بس مش نتعرف علي العريس..
رافت بص لي مالك بمعني انه يتكلم...
مالك اخد نفس عميق وبدا يتكلم: انا مالك رأفت ابو الوفا، 29 سنه، خريج كليه طب ومعيد في الجامعه، وبشتغل مع بابا في الشركه، وهناك اتعرفت علي الانسه كنزي «وبص علي كنزي بتحدي»
(بطل الاستهبال ونبي يا مالك احنا عارفين اللي فيها😅)
نارين: بسم الله ماشاء..
جاسر: طيب حلو اوي، نسمع رأي العروسه..
كنزي بعد تفكير طويل ونفس عميق..
كنزي و باصه لي مالك بتحدي: وانا موافقه..
يارا و رودينا اتصدموا...
مالك في نفسه: اده وافقت بسرعه كده..
رأفت: علي بركه الله،، مش نقرأ الفتحه بقي..
جاسر: يلا..
قرأوا الفتحه،،بين نظرات مالك وكنزي لبعض..
الكل في صوت واحد: امين..
نارين كانت فرحانه وراحت عشان تجيب الشربات...
رانيا: والله شئ كويس انكم عارفين بعض..
رانيا بصت لي رافت،، ورافت فهمها..
رافت: احم،، طب نسيبهم شويه،، يلا يا جماعه..
جاسر: انا بقول كده بردوا..
قاموا وسابوهم مع بعض...
مالك وكنزي كل شويه يبصوا لبعض في صمت رهيب..
مالك: ايه القط كل لسانك،، مالك ساكته ليه..
كنزي بتحدي: لا مكلهوش،، وبعدين اتكلم معاك ليه..
مالك بإستغراب: تتكلمي ليه؟!،، كنزي هو انتي وافقتي ليه علي الجوازه دي..
كنزي: اوعي تكون فاكر اني وافقت عشان بموت فيك،، انا وافقت عشان حاجه تانيه بكتير واعتقد هو هو نفس السبب اللي خلاك انت كمان توافق..
مالك بخبث: بس انتي قمر انهارده غير لما بشوفك في الشركه،،
كنزي بتكبر: اه ما انا عارفه،، ايه قولت ايه علي الاساس في الشركه ما بكونش قمر،،
مالك بتوتر: هو انا اقدر ده انتي ست البنات،،
رودينا دخلت عليهم هي ويارا..
كنزي سلمت علي رودينا واتعرفوا علي بعض وقعدوا يتكلموا،،
وكنزي متاجهله مالك مما اغضب مالك شديدا..
مالك: رودينا، روحي ناديهم..
رودينا راحت نادت عليهم ودخلوا،، قعدوا واتفقوا..
مالك: انشاء الله الفرح الاسبوع الجاي..
جاسر: ليه السرعه دي يا بني لسه في تجهيزات...
مالك: لا يا عمي انا عايزاه بي شنطه هدومها بس،، كل حاجه جاهزه..
نارين بتوشوش جاسر: وافق بقي مستني ايه..
جاسر: طيب علي بركه الله..
رافت: طيب نستأذن بقي..
جاسر: شارفتونا..
مشيوا.. وكنزي طلعت اوضتها وهي فرحانه..
يارا دخلت عليها لقتها في فرحه..
يارا: معقول فرحانه انك هتتجوزيه..
كنزي: لا طبعا،، فرحانه عشان هجيب حقي..
يارا بسخريه: يعني هتتجوزيه عشان تجيبي حقك بس،، مش عارفه اصدقك بصراحه..
كنزي: في ايه يا يارا،، انتي معتقده اني بحبوا..
يارا: وليه لا..
كنزي: هو ايه اللي ليه لا،، انتي مجنونه،، يوم ما احب احب ده،، لا مش معقول..
يارا: بتحبيه يا كنزي وبكره تقولي يارا قالت..
كنزي: يارا بقولك ايه روحي نامي،، انا تعبانه وعايزه انام..
يارا راحت ا وكنزي لبست بيجامه نوم جميله ونامت علي السرير،، وهي بتفكر في كل اللي حصل انهارده..
بعد تفكير طويل استسلمت للنوم..
ـــــــــــــــــــــــــــــــــــــــــــــــــــــــــــــ
« في فيلا رافت ابو الوفا»
وصلوا الفيلا وكل واحد طلع علي اوضته و رودينا راحت لي مازن عشان تحكيله لقته نايم..
رودينا راحت علي اوضتها وغيرت ونامت..
عند مالك في اوضته..،،
دخل اخد شاور وطلع نام علي السرير وهو فرحان انه لقي اللي بيحبها وهيتجوزها كمان..
بعد تفكير طويل استسلم للنوم..
في اوضت رافت و رانيا..،،
رانيا: اخير هيتجوز،، انا فرحانه اوي..
رافت: طيب مش نحتفل بقي..
رانيا: وعايز تحتفل ازاي يا رافت بيه..
رافت فقل النور: انا هقولك ازاي،،تعالي..
(نسيبهم بقي 🤫😂)
ــــــــــــــــــــــــــــــــــــــــــــــــــــــــ
في صباح يوم التالي...
«في فيلا جاسر الدمنهوري»
صحيت كنزي علي صون الفون بتاعها بيرن،،
كنزي بنوم: مين البارد اللي بيرن عليا يوم اجازتي ده..
ردت كنزي و ...
كنزي: مين الرزل اللي متصل عليا..،،
مالك: انتي عايزه تفهميني انه دي صباح الخير بتاعتك يعني...
كنزي: ايوه معرفتش مين الرخم بردوا..
مالك: عيب لما تبقيش مش عارفه صوت خطيبك...
كنزي قامت قعدت علي السرير،، تستوعب اللي بيكلمها..
كنزي: انت جبت رقمي منين..
مالك: حاجه سهله جدا،، مش ده المهم،، المهم مجتيش الشغل لحد دلوقتي ليه مخص..
كنزي مقاطعه له: هو انت متعرفش انه خطيبتك اجازتها انهارده،، يا بتاع مخصوملك..
مالك بإحراج: احم طب ما انا كنت عارف،، انا كنت بختبرك بس..
كنزي: خلاص ولا في حاجه تاني..
مالك كان لسه هيتكلم،، بس لقي واحده داخله عليه..
مالك: طب سلام دلوقتى..،،
مالك ساب الفون ومخدش بالوا انه المكالمه لسه شغاله..
كنزي مرضتش تقفل،، وقالت تسمع ايه اللي بيحصل..
البنت بدلع: اهلا مالك بيه،، انا اسمي جومانه جورج..انا كنت جايه اقدم علي وظيفه سكرتيره شخصيه،، كنتوا عارضين الاعلان ده في النت..
مالك: احم انا بعتذر لكن احنا لقينا سكرتيره من بدري..
جومانه: يعني مينفعش خالص،،
كنزي حاسه انه جواها بركان بسبب انه البنت بتتكلم بدلع شديد..
كنزي في نفسها: وانا مالي مضايقه ليه مايكش يعلوا هما الاتنين...
كنزي قفلت السكه وكملت نومها..
مالك: اعتذر مينفعش خالص..
جومانه: تمام،، مرسي..
جومانه خرجت وهي متعصبه،، ومالك مسك الموبيل شاف انه كنزي كانت لسه قافله..
مالك بتساول: معقول،، كل ده كانت سامعه المكالمه..،، وبعدين ليه تاخد اجازه انهارده..
(اذي يا اخويا بعيد عنك😂)
ـــــــــــــــــــــــــــــــــــــــــــــــــــــــــــ
عند يارا..
قامت من النوم اخدت شاور ولبست تقم شيك..
وراحت عند كنزي...
دخلت لقت كنزي قاعده متعصبه،، استغربت..
يارا: ايه يا بنتي مالك، متعصبه كده ليه..
كنزي بعفويه: مش عارفه انام بسببه معقوله،، لا مش معقوله..
يارا بإستغراب: هو ايه اللي مش معقوله،، مالك يا كنزي ما تقولي في ايه..
كنزي: بقي انا كنزي الدمنهوري يحصل معايا كده،، يجيب سكرتيره غيري،، ماشي يا مالك يا ابن رانيا مبقاش انا كنزي الدمنهوري الا ما عرفتك قيمتي كويس..
يارا قعدت تضحك: لا مش قادره هموت،، بقي انتي عامله الحوار ده كله عشان هيجيب سكرتيره غيرك..،،
كنزي: انا هوريه والله لاوريه..
كنزي قامت ورايحه تدخل الحمام..
يارا: رايحه فين،،
كنزي: رايحه الشركه..
يارا: انتي مش انهارده يوم اجازتك..
كنزي: لا ما انا مش قادره استحمل لازم اروح اشوف العقربه اللي عايزه تاخد مكاني..
يارا: يا بنتي استهدي بالله كده،، انتي بتقولي سكرتيره وانتي مش سكرتيره انتي بتشتغلي معه في فرق كبير..
كنزي بتوتر: بردوا هروح اشوفها..
يارا: قولي كده بقي انتي غيرانه يا هانم،، صدقتيني لما قولتلك انك بتحبيه،،
كنزي حست انها اوفورت: لا مش غايرانه،، ايه الكلام الاهبل ده..
يارا: دي الحقيقه يا كنزي،، وبعدين ايه المشكله لما تحبيه،، باين عليه هو كمان بيحبك..
كنزي برفض: لا لا مستحيل احب،، الحب ضعف يا يارا وانا عمري ما هبقي ضعيفه..
يارا: لا يا كنزي عمر الحب ما كان ضعف بالعكس ده قوي،، ادي لي نفسك فرصه،، وفكري في الكلام اللي انا قولتهولك،، يلا انا رايحه الجامعه وبعد كده هروح البيت،، يلا باي..
كنزي: باي..
يارا مشيت وسابت كنزي في تفكير في الكلام اللي قالته ليها..
ـــــــــــــــــــــــــــــــــــــــــــــــــــــــــــ
يارا نزلت ورايحه تخرج لقت جاسر بينادي عليها...
جاسر: يارا..
يارا: نعم يا انكل..
جاسر: رايحه فين يا بنتي..
يارا: معلش يا انكل هضطر امشي عشان ورايا جامعه..
جاسر: طب استني انا هخلي السواق يوصلك..
يارا: لا مرسي يا انكل ملوش لزوم..
جاسر: لا ازاي ده انتي زي كنزي بنتي،، يلا يا حبيبتي اتطلعي وهتلاقيه مستانيكي..
يارا: اوكي يا انكل ميرسي..
يارا طلعت وفعلا لقت السواق جاي بالعربيه..
ركبت العربيه والسواق كان في طريقه الي الجامعه..
ــــــــــــــــــــــــــــــــــــــــــــــــــــــ
«في فيلا رافت ابو الوفا»
في غرفه رافت ورانيا..
رانيا بتجيب الجاكت لي رافت..
رانيا: يعني لازم تسافر،، اقعد معايا شويه..
رافت: مينفعش والله يا حبيبتي،، وكمان هاخد مازن معايا،، في مشروع كنزي خلصته واحنا رايحين نحضر المؤتمر بتاعه..
رانيا: وكنزي رايحه معاكوا،،
رافت: قالت لا ملوش لزوم..،،
رانيا: طب انا عندي فكره،، مترحش انت ومازن وخلي كنزي ومالك يرحوا مع بعض واهو بالمره يتعرفوا علي بعض اكتر..
رافت: يا سلام اخيرا رانيا هانم رضيت عن حد..، بس والله فكره مش بطاله..
رانيا: طب يلا اتصل بيهم قولهم وخلي مازن يروح يدير هو الشركه وانت معه كده كده..
رافت: تمام..
وفعلا اتصل بيهم و وفقوا بس مقلش لي كنزي انه مالك رايح معها..
ــــــــــــــــــــــــــــــــــــــــــــــــــــ
عند مازن..
كان بيجهز الشنطه بس رافت دخل..
رافت: فضي كل حاجه يا مازن،، و روح الشركه..
مازن: ليه يا بابا،، امال هتروح لوحدك..
رافت: لا انا وانت مش رايحين،، ده كنزي ومالك هما اللي هيروحوا..
مازن: نــــــــعــــــــــــــم،، ازاي يعني..
رافت: في ايه يا ولد اتكلم بادب وبعدين هو ايه اللي ازاي يعني،، زي الناس...
مازن بعصبيه حط شنطته علي جمب..
مازن: حاضر يا بابا،، بعد اذنك انا رايح الشركه..
خرج رافت ومن ثم مازن خرج من الاوضه وخرج من الفيلا بأكملها و ركب عربيته وكان طريقه الي الشركه..
ــــــــــــــــــــــــــــــــــــــــــــــــــــ
في الجامعه..
يارا وصلت ودخلت الجامعه،، ودخلت المحاضره وقعدت تركز..
عند رودينا كانت داخله الجامعه،، خبطت في نفس الشخص اللي اتخانقت معها قبل كده...
الشخص: احم انا اسف،،
رودينا: ولا يهمك،، بس انا حاسه اني شفتك قبل كده،، مش انت..
الشخص: ايوه انا،، انا احمد المعز..
رودينا: ما انت بتتاسف اهو،، عموما انا رودينا ابو الوفا...
فارس: اه انتي بابكي رافت ابو الوفا صاحب شركه ابو الوفا...
رودينا: اه هو انت تعرفه منين،،
احمد: يعني اسمع عنه،، وبعدين بابكي مشهور جدا انتي متعرفيش ولا ايه،،
رودينا: لا اعرف،، طيب انا مضطريه استأذن عشان ورايا محاضره..
احمد: اتفضلي..
رودينا مشيت وراحت محاضرتها واحمد مشي وراح محاضرته..
(احمد محمود المعز: 27 سنه متخرج من كليه السن،، من عيله متوسطه،،عايش مع مامته وباباه وكان عنده اخت بس توفت،، بشرته خمريه وشعره اسود وعيونه بني،، مبيحبش عيله ابو الوفا بسبب اعتقاده الخطاء اللي هنعرف سره في البارتس القادمه)
ــــــــــــــــــــــــــــــــــــــــــــــــــ،،
في فيلا جاسر الدمنهوري،،
كنزي جهزت نفسها و نزلت لقت مامتها وباباها مستنينها...
كنزي: في ايه واقفين كده ليه هو انا هاهاجر..
نارين: انتي هتسفري،، و هتعقدي يومين بعيد عني..
كنزي: معلش يا مامي،، هخلص الشغل علي طول وارجع..
جاسر: تروحي وترجعي بالسلامه يا حبيبه بابا..
كنزي: الله يسلمك يا احلي بابي،، يلا انا ماشيه،، باااي..
جاسر ونارين سلموا علي كنزي وكنزي خرجت من الفيلا لقت عربيه..
كنزي في نفسها: اكيد دي العربيه اللي انكل رافت قالي عليها..
كنزي ركبت قدام وربطت حزام الامان..
بصت علي السواق واتصدمت..