رواية المحققه المجنونه الفصل الاول1بقلم ريتال احمد

البنت الي قاعده في المدرج الاخير دي الي نازله لوكلوك لوكلوك من ساعت م بدأت المحاضره  ام طرحه صفره دي انتي يا بت يلي  شبه الليمونه ردي .

البنت و اسمها ميرنا عملت نفسها من بنها.

الدكتور و اسمو ادم : امم طب الآنسه شكلها عامله نفسها من بنها البت دي اسمها ايه .

واحد من الطلاب قام : ي مستر دي اسمها ميرنا محمد محمد محمد محمد مكملش الاسم لأن الدكتور قاطعوا و هو بيقول .

بس بس بس ايه كميه المحمدات الي نزلت علينا دي خلاص اتفضل اقعد اتفضلي ي ميرنا محمدات انتي .

ميرنا  قامت بغرور: ايوا ايوا افندم ي دكتور .

ادم : نازله لوكلوك لوكلوك ليه ي بت انتي من يوم م بدأت المحاضره.

ميرنا ببرود: اممممم يلا معلش ي دكتور عوافي كنت بسالها طرحتي مظبوطه ولا ايه.

ادم بريقه و سخريه : اه اه اللمونه دي مظبوطه .

ميرنا اديقت و قالت : والله مغيرك الليمون براسك دي .

ادم : انا لمونه اطلعي بره ي بت بره ده ايه ده .

ميرنا اخدت شنطتها و كانت طلعه و هيا بتقول : ي عم روح انت ايه جابك اصلا يعني اول يوم و بتزهق فينا و طلعت من المدرج .

ادم بصدمه في نفسه : ي نهار ابيض البت هزئتني البت هزئتني .

احم احم يلا نكمل المحاضره .

اما بقى ميرنا ف هيا راحت على كفاتريا الجامعه و قعدت و هي بتقول بعصبيه : واحد مستفز قال لمونه قال والله مش غيروا بشعروا الاصفر ده يع يع بقي في راجل شعروا اصفر يلا بقي انا اشرب الايس كوفي بتاعي .

ميرنا طلبت ايس كوفي و قعدت تشربوا بس و هيا بتشرب رنت عليها والدتها ميرفت .

ميرفت : الو الو ي بت ي ميرنا .

ميرنا : ها افندم ي ست الكل عاوزه ايه مش لسه حدفاني بالشبشب من عشر دقائق ولا ايه بقى أن شاء الله.

ميرفت : بقولك ايه ي بت انا مش فاضيه لك المهم ابن خالتك جه من السفر النهارده و طبعا هيجي عندنا ف خلصي محاضرات ي ميرنا الكلب و تعالي علشان تساعديني.

ميرنا : انت حماتك بتحبك ا فوفه .

ميرفت : حماتي يختي ربنا يرحمها و اخلصي بقي انت خلصتي محاضرات ولا لسه .

ميرنا :والله بصي ي ست الكل انا بصراحه يعني اطردت .

ميرفت : ي لهوي ي لهوي ونبي م انت نافعه اموت و اعرف بتجيبي امتياز ازاي بس اخلصي ي ست المحاميه تعالي علشان تساعديني ي بت .

ميرنا : اشطا ي مرفت بس استني اشرب الايس كوفي بتاعي .

ميرفت : طيب يختي اخلصي شرب البتاع بتاعك ده و اخلصي متتاخريش .

ميرنا : اشطا ي فوفه فريره و اكون عندك و قفلت مع والدتها .

اما بقى ادم ف هوا خلص المحاضره و طلع اخدت عربيتوا و كان ماشي بس شاف ميرنا و هيا ماشيه و قال بستفزاز .

ظبطي الطرحه ي لمونه .

ميرنا بعصبيه مسكت طوبه من الأرض و قالت بسرعه والله م لمونه غيرك و هوبا حذفت فيه الطوبه و طلعت تجري بسرعه .

ادم نزل من السياره بعصبيه : اه ي بنت المجانين السياره يخرب بيتك يخرب بيتك راحت فين البت دي بس ميرنا كانت اختفت ادم بخبث: هتروح مني فين يعني م انا هشوفك بكره ي حلوه .

ادم ركب السيارة و مشي بيها أما ميرنا بقي فهيا رمت الطوبه و طلعت تجري .

ي لهوي ي لهوي يخرب بيتك خلاص مش قادره و وقفت تضحك : هههههههه هههههههه بس والله والله يستاهل هم بقي علشان تاني مره يقولي ي لمونه والله م لمونه غيروا واحد رخم يوهه و فجاه سكتت كأنها افتكرت حاجه ي لهوي انا نسيت ماما و خدت تاكسي و طلعت على البيت .

اما ميرفت ف هيا رنت علي حد و هي بتقول: الو الو ازيك يا حبيبي.

الشخص : بخير والله ي خالتي و انتي عامله ايه.

ميرفت : انا كويسه يبني بي انت هتيجي امتى هوا مش انا قولت لك متتاخرش .

الشخص : اه ي خالتو انا جاي في الطريق اهو والله و على فكره انا أجرت جمبكم في العماره.

ميرفت : الله طب ده حلو اوي كده يلي بقي تعالى متتاخرش يبني .

الشخص: حاضر ي خالتوا يلا مع السلامه.

ميرفت : مع السلامه .

ميرفت قفلت و رنت على ميرنا الي مرداش بس لقت حفله و ازعاج علي الباب .

ميرنا وصلت وهي بتخبط علي باب الشقه أو بمعنى أصح بتطبل على الباب و هي بتقول : ي ماما ي ست الكل يوه بقي افتحولييي افتحولي انا اتشويت بره يلا بقي افتحولييي .

ميرفت جت و فتحت الباب و ميرنا وقعت على وشها لأنها كانت ورا الباب و سانده عليه .

ميرفت بعصبية: جرا ايه ي بنت الجزمه يوه عامله فرح على الباب .

ميرنا و هي لسه على الأرض : يوه بقي ي ماما بقى ينفع كده يعني ينفع اقع كده و قامت .

ميرفت : اخلصي ي بت ادخلي غيري و تعالي علشان تحطي الاكل.

ميرنا  : اشطا ي مامتشي .

و دخلت ميرنا تغير و بعد كده طلعت و حطت الاكل على السفره و قعدت و هي بتقول: يوه بقي هو ابن اختك ده هيجي امتى انا جعانه.

ميرفت حدفت فيها الشبشب : ده يبقي ابن خالتك ي جزمه .

ميرنا ليه هترد بس جرز الباب رن و ميرفت قالت : اومي اومي ي بت افتحي الباب .

ميرنا قامت و هي بتقول ببرطمه : يوه بقى الاخ ده بيجي على السيره ولا ايه .

و فتحت الباب و ي ريتها مفتحت الباب لأنها اتفاجات من الي واقف قدامها .

ميرنا بصدمه : ي لهوي ي لهوي ايه ده اعوز بالله و قفلت الباب في وشوا  

ادم : الله مش ده بيت خالتي ايه الي جاب المجنونه دي هنا و رن الجرز تاني .

ميرفت : يوم بت ي ميرنا مبتفتحيش الباب ليه ي بت .

 ميرنا :    ي ماما ده الدكتور بتاعي في الجامعه .

ميرفت جت و فتحت الباب و هي بقول : مهوا دكتور في الجامعه ي عبيطه .

ادم : من ناحيه عبيطه ف هيا عبيطه و هبله ي خالتو و سلم عليها.

ميرفت و هيا بتسلم عليه : يوه ليه ي واد عملت ايه البت دي .

ادم و هو بيبص عليها: دي عملت و عملت ازيك ي لمونه الله فين اللمونه الي كانت على راسك .

ميرنا بستفزاز: ملكش دعوه ده انت واحد رخم يوه ايه ي جدع حاشر نفسك ليه اله .

ميرفت : بت ي ميررنا اعتذري لي ابن خالتك حالا .

ادم بستفزاز: الله ي خالتو هناخد على كلام عيله باردو عادي عادي عيله و غلطت .

ميرنا : اممم انا مش عيله ي جدع انت وسع بقى قاعدين نستنا فيك و احنا جعانين الله .

ميرنا دخلت و قعدت على السفره و ادم و ميرفت كانوا لسه واقفين .

ادم : هههههههه ايه ده يا خالتو دي مجنونه .

ميرفت : اه والله يبني ادخل ادخل .

دخلوا لقوا ميرنا قاعده على السفره و بتحط اكل في طبقها .

ميرفت : الا قولولي بقي اتعرفت ازاي .

ادم بص على ميرنا : هههههه ي ي خالتو د انا كنت لسه نازل طبعا لان الطياره بتاعت امبارح فاتتني .

ميرفت : اه ده انا كنت قاعده بلف في المحشي و مكنتش خلصت و خايفه توصل و انا مخلصتش لقيت بتقول فاتتك .

ادم : اه فاتتني ف انا كنت المفروض هوصل امبارح و ارتاح و بعد كده اروح الجامعه بس حصل العكس انا جيت من المطار على الجامعه و دخلت على المدرج لقيت الليمونه دي اقصد ميرنا قاعده لوكلوك لوكلوك مع واحده صاحبتها و الاستاذه بنادي عليها عملت نفسها من بنها ف طالب قام و قالي اسمها .

ميرنا بندفاع : اه و فضل يتريق على اسمي ي ماما و قال ايه كميه المحمدات الي نزلت علينا دي.

ميرفت بضحك : هههههههه بصراحه عندوا حق ده ابوكي كان عاوز لو كنتي ولد يسميكي محمد هههههه 

ادم بضحك : شوفتي ي خالتي يعني ليا حق ولا لا .

ميرفت : لا يبني ليك حق .

ميرنا كان قاعده بغيظ و ادم كمل كلام .

و بعد كده بقى طردتها و الزفته دي حذفت طوب على عربيتي .

ميرنا : على فكره بقى على فكره يعني انت واحد مستفز و تستاهل اقسم بالله.

ميرفت بشهقه : هييي حذفت طوب اه ي ميرنا الكلب .

ادم : لا ي خالتو م انا كنت متوعد لها بقى بس طلعت بنت خالتي ف نعمل ايه الا انت مش فاكراني ي ميرنا .

ميرنا : لا الحمد لله حصل ليا الشرف و معرفش سعدتك اصلا .

ادم : احم اه انا ادم الي كنت في الجامعه لما كنتي صغيره .

ميرفت : يوه ده ادم ي بت ي ميرنا الي دخلتي بسببوا كليه حقوق دي .

ميرنا و بتحاول تفتكر : ادم ادم اه ادم الي سافر ده من زمان .

ادم : اه ي ستي هوا انت بنفسوا شوفتي حصلك الشرف بقى و عرفتيني.

ميرنا بقرف و استفزاز: لا الي كنت اعرفوا مكنش رخم كده زيك .

ميرفت : بت ي ميرنا اتلمي ي بت الله .

ادم : ايه ي خلتي سيبيها سبيها مهما كان دي عيله بردو و مش هناخد على كلام عيله.

ميرنا بغيظ : يوهههه ده انت واحد مستفز ي شيخ انا قايمه .

ميرفت : استني ي بت لمي الاكل يلا عقبال ماعمل شاي .

ميرنا : حاضر حاضر هلموا اهو .

ميرنا لمت الاكل و ميرفت عملت شاي و قعدوا كلهم .

ميرفت : وانت بقى ي ادم هتخلص و تروح تنام مش كده يبني .

ادم : لا والله يا خلتي في ملف قضيه شغال عليها و .

بس مكملش كلاموا لان ميرنا قاطعتوا بحماس شديد: الله الله عادي اساعدك انا شاطره والله

ادم : امممم هفكر كده .

ميرنا بغيظ: يوه ايه الي تفكر يلا بقى انا

 اخر سنه و عاوزه اتدرب وافق بقى يلا وافق .

و

                     الفصل الثاني من هنا

لقراءة باقي الفصول من هنا