رواية عرفه حظي
الفصل التاسع عشر19 والعشرون الاخير
بقلم ميرفت السيد
عاطف :حسن بقولك إيه علاء مش متحمل
حسن :إيه عاوزنا نعرفه ان امه اتآمرت على قتل مراته
عاطف :لأ على كل حاجة
دخل زين وتالياعليهم المكتب قال زين: معلش اني دخلت كدة بس بصراحة حرام علاء يتعذب كدة
تاليا:ايوة احنا وصلنا للي عاوزينه والحمد لله فيروز بخير انا كمان شايفة ان علاء يعرف دة منهار
ادهم:انا هامشي عشان ورايا الصبح مشوار مهم بس انا من رأي زين
عاطف :لا استنى معانا ياادهم شوية بس هنقوله إيه
حسن :والله اتفقوا سوا وانا رايح لشغلي المكتب مكتبكم
زين:انا رايح اندهله
تاليا:وانا رايحة اتطمن على فيروز
عاد زين وبصحبته علاء االذي جلس منهارا
نظر عاطف لزين ونظرته كلها تساؤل وخوف من ردة فعل علاء ابتسم زين مطمئنا إياه ومشجعا له على الاعتراف
قال عاطف :علاء احنا عاوزين نقولك على حاجة مهمة
علاء:بابا انا مش عاوز اعرف حاجة
دخلت تاليا وبيدها ممرضة ترتدي ماسك طبي وقالت: حتى لو قولنالك اننا عندنا عروسة برقبة فيروز
قال علاء بعصبيه:انتي مجنونة مفيش واحدة تسوى ضفر فيروز دي ست البنات
زين:طب شوفها بس قبل ماتتكلم الحي ابقى من الميت
عاطف :ايوة يابني
علاء نظر إليهم بصدمة وقال:انتو مجانين
اقتربت منه الممرضة فقال:ابعدي عني ابعدوا كلكم
فخلعت الماسك وابتسمت قائلة: حتى لو كنت انا
علاء فتح عيناه على اتساعهما وهتف:فيروز ازاااي
فيروز وهي تبكي :عملو كدة من خوفهم عليا
علاء احتضنها وهو يبكي: انا مش مصدق انا كنت هاموت ازاي عملتي كدة فيا
زين:حبيبي كان لازم نعمل كدة عشان نكشف الي بيحاول يقتل فيروز وتاليا
علاء:طب كنتوا قولولي كلكم تبقو عارفين وانا لأ
عاطف :عشان كان هايبان عليك ياعلاء
تاليا :المهم انها عايشة ياعلاء واحنا هانفهمك كل حاجة
وبعد ان شرحوا لهم خطتهم بالاتفاق مع ظلبط المباحث ودكتور حسن للقبض على الممرضة وزوجها وفاطمة وفادية وياسمين وسمر
فقال زين:عشان كدة لازم تكمل زعلك وهنعمل عزا وتاليا وزين هايرجعو الفيللا عادي جدا
علاء اتصدم مما سمع:إيه ماما عملت كدة انا هاتجنن
طرق باب المكتب جمال ضابط المباحث ودخل وقال لهم :ازيكم ياجماعة احنا قبضنا على الممرضة وجوزها بعد ماصورنا الممرضة وهي بتحط السم بالمحلول وجوزها متصور وهو بيقبض من عند فيللتكم وطبعا اعترفوا بكل حاجة
زين:ربنا يسامحك ياامي ليه كدة
عاطف :توقعت منها كل حاجة الا القتل
وفجأة سمعو صوت حسن خارج المكتب وهو يقول:لا ياحاجةفاطمة كلهم روحوا من شوية
فاطمة وهي تبكي:طب هي ماتت ازاي يادكتور حسن
فادية:ايوة حصل ايه
حسن :البوليس بيحقق والجثة هاتتشرح لأن في شبهة جنائية
فاطمة :لاحول ولا قوة الا بالله
فصمتوا جميعهم حتى دخل حسن واخبرهم بانصرافها
الضابط:اسمعوا بقى باقي الخطة
واخبرهم بما عليهم فعله
ذهبت فيروز وهي متخفية بصحبة ادهم الى منزل اهل تاليا للاختباء هناك
وباقي العائلة الى المنزل وهم يتظاهرون بالحزن والانهيار
وبعد قليل اتت فاطمة وفادية من الخارج ليجدوا الجميع يجلسون ويستمعون للقرآن
فقالت وهي تحتضن علاء:البقاء لله ياحبيبي
علاء بحزن:الدوام لله
عاطف : انتي كنتي فين
فاطمة :اتصلت بيك ماردتش روحت عالمستشفى قالولي انكم مشيتوا
بقلم مرفت السيد
فادية :البقاء لله
دخلت سمر وياسمين خلفها
قالت سمر لعلاء :شد حيلك ياعلاء
ياسمين :معلش كلنا لها
فادية:الدفن امتى
عاطف :لما يشرحوها
فاطمة بتوتر:ليه كدة
تاليا:شاكين انها اتق.... تلت
فادية بخوف : مين بس هايقت... لها
زين :نفس الي حاول يسممها اكيد
نظرا سمر وياسمين بقلق الى بعضهما ثم الى امهما
فاطمة :لاحول ولاقوة الابالله
تاليا :انا هطلع انام
زين :وانا راجع الشركة انا وبابا عندنا شغل لازم نخلصه قبل ماننشغل بالعزا واحتمال نبات هناك
علاء:وانا رايح المستشفى تاني هشوف التحقيقات وصلت لايه
انصرفوا جميعهم وتاليا صعدت الى غرفة زين كانت تشعر بالقلق
وبعد قليل سمعت طرقات على الباب
فتحت لتتفاجيء بفاطمة وفادية
فاطمة بابتسامة':تعالي اتعشي معانا
فادية :ايوة يابنتي دة انتي من الزعل وشك اصفر واكيد ماأكلتيش من الصبح
تاليا:مليش نفس شكرآ
فاقتحموا الغرفة ومن خلفهم سمر وياسمين
تاليا بفزغ:في إيه بتتهجموا عليا ليه كدة
سمر :هو حد لمسك
ثم استطردت :لسة؟
فاطمة :اقفلي الباب يافادية وكتفولي البت دي
تاليا وهي تصيح بهم:انتو هتعملو ايه
كتفتها سمر من خلفها وياسمين اخرجت ايشارب وربطت به يدها وقدمها وتاليا تحاول مقاومتهم
فادية :انا مش عارفة انتي مش بتموتي ليه
فاطمة وهي تصفعها بالقلم : انا مستنية اللحظة دي من يوم ماشوفتك
تاليا وهي تبكي: هو في ايه حرام عليكم
أطلقت ياسمين ضحكة عالية وقالت:نعم يااختي حرام الحرام هو ان واحدة زيك تهد كل الي بنبنيه من سنين
تاليا:انا مش فاهمة حاجة
فاطمة:افهمك ماانتي خلاص هتقابلي وجه كريم زي فيروز
فادية :ومتقلقيش هتبان انها انتحار من زعلك على صحبتك
تاليا: و ليه كل دة
سمر:عشان زي ماخالتي عملت المستحيل واتجوزت الحج عاطف لازم احنا نتجوز عياله ونورثه جيتي انتي واليتيمه اخدتو عقل وقلب زين وعلاء
فاطمة: مالهم بنات اختي إيه الي فيكي ازيد منهم عشان يتعلق فيكي زين عارفة انا كنت مش لاقية اكل انا واختي لما عاطف اتجوزني بمساعدة اختي خططتلي اوقعه ازاي وانا وعدتها اجوز ولادي لبناتها وانتي والنرحومة بوظتو التخطيط
تاليا:هتعملو فيا ايه
فادية بغل :احنا هانمو... تك بحنية زي ماريحنا فيروز
ياسمين :نفدتي من العصير وشربه زين انما دلوقتي مش هاتنفدي مننا
جلبت سمر كوب عصير واقتربت من تاليا وقالت بابتسامة :ياللا اشربي ياحلوة
تاليا ببكاء :حرام عليكم انا معملتش حاجة
فاطمة :افتحوا بوقها خليني اشربها ياللا
ولكن استوقفهم رجال البوليس
وتم القبض عليهم متلبسين وبالصوت والصورة بإذن من النيابة
هرول ادهم الى شقيقته واطمأن عليها كانت تاليا تبكي وترتعش مما تعرضت له فاحتضنها ادهم بحب وزين يربت على كتفها وشعرها حتى تهدأ
وكانت صدمة فادية وبناتها وفاطمة كبيرة حين رأوا فيروز وهي تدخل الفيللا مع علاء على قيد الحياة
وهن يغادرونها الى السجن
نظرت فاطمة الى عاطف وهي تبكي
فقال لها:انتي طالق يافاطمة انا كنت فاكر اني انتشتلك من بيئتك الوس.... خة دي بس الظاهر ان مفيش فايده بتحني لاصلك
جلس علاء حزينا فقالت فيروز:معلش ياحبيبي احنا مبختارش اهلنا
زين: انا مصدوم اكني باحلم
عاطف : ياللا ياولاد كل واحد منكم ياخد مراته و على اوضتكم ارتاحوا
ادهم:وانا مروح خلاص مسافر بكرة كدة هاسافر وانا متطمن
احتضنته تاليا وهي تبكي وتقول:ادهم خلاص ياحبيبي
بالله عليك تاخد بالك من نفسك وتكلمني يوميا
ادهم:بطلي عياط انا الي عاوزك تخلي بالك من ماما وخالتي بغيابي
وانت يازين خلي بالك منها
زين:دي في عينيا ياادهم
احتضن ادهم الجميع مودعا اياهم
عاطف :بكرة هاجي اوصلك للمطار بإذن الله
تاليا:لا إله إلا الله
ادهم:سيدنا محمد رسول الله
انصرف ادهم وصعد الجميع الى غرفهم
الجميع بحالة صدمة مماحدث
فاطمة وافادية وسمر وياسمين تم. محاكمتهم م بمحاولة قتل تاليا
بالتحريض على قتل فيروز و
مر شهرين حتى بدأت الحياة تعود الى طبيعتها
وفي يوم جمعة اصر عاطف على دعوة ام وخالة تاليا للغداء معهم
وقال:اظن كدة تاليا وزين وفيروز وعلاء هايقيمو معايا هنا ولاايه
قال زين:إيه رأيك ياتاليا
تاليا:مقدرش اسيبك لوحدك ياعمي
فيروز:موافقة طبعا
علاء:طبعآ معاك ياحاج
ونظر الى ام تاليا:وياريت ياحاجة تشرفينا انتي كمان وتعيشي معانا هنا
ام تاليا:والله ياحج انا بارتاح في بيتي مش باحب اتقل على حد
عاطف :بس هاتعيشي لوحدك ازاي والبيت اهو كبير وخير ربنا كتير
ولاء:لوحدها ازاي بس ياحج مانا معاها
عاطف :انتي هاتبقي معايا مش معاها
ولاء بارتبادك:قصدك ايه يا حج
تاليا :يالولا الحج طلب ايدك . من ادهم ومني واحنا وافقنا
بقلم مرفت السيد
ولاء بخجل:بتقولي ايه ياتاليا بس
عاطف :بتقول إني عاوز اتجوزك ياولاء
ايه رئيك
ام تاليا:وهي هتلاقي احسن منك
ولاء: انا مش عارفة انا..
تاليا:نقرا الفاتحة
ولاء بخجل وهي تبتسم : انا.....
فجاءها صوت ادهم:انتي تستاهلي كل خير ياخالتو
اتفاجئ الجميع بحضوره واحتضنوه بحب
تاليا:ايه جو المفاجأت دة
زين :امال لما تعرفي المفاجئة الي بجد
علاء:هاتقول ولانقول احنا ياادهم
ادهم:هاقول انتوا اجبرتوني خلاص فضحتوتي
ام ادهم:قول ياحبيبي
ادهم:انا هاتجوز ياجماعة
ولاء:ياحبيبي الف مبروك
تاليا:مبروك ياادهم مين العروسة
ادهم:زميلتي في الشغل هناك مهندسة نصف نصرية ونصف أمريكية وبنت ناس محترمين عايشين بمصر طول عمرهم وهتنزل كمان اسبوع عشان نتجوز
عاطف :ميرنا ونعم الاختيار مبروك ياحبيبي
ادهم :مبروك عليك انت وخالتي ياحاج والله خايف اسيب امي ارجع الاقيكم. مجوزينها
ضحك الجميع وتم زواج ولاء من عاطف
وبليلة زفاف ادهم على ميرنا
كان كل زوجان يرقصان سويا
قال ادهم لعروسته هامسا: انا باحبك
وانا كمان
:اوعديني تتعاملي مع امي واختي وخالتي بما يرضي الله
انا بحبهم زي اهلي لانهم كانوا سبب وجودك
احتضنها بحب ❤️
رقص علاء مع فيروز فقالت له:علاء انا عاوزة اقولك على حاجة
علاء:وانا كمان
قول انت الاول
:لا انتي الاول
لا انا مصرة
:انا قررت اشتغل هنا ومسافرش تاني
احتضنته فيروز بسعادة: دة احلى خبر
:طب وانتي عاوزة تقولي ايه
علاء احنا لازم نرجع شقتنا عشان مش هنعرف نعيش بالفيللا تاني خصوصا بعد 9 شهور
:اشمعني بعد 9 شهور
علاء هانبقى كتير وكدة شغل مخك
:مش فاهم
😩😒
:9 شهور وو....
انتي حامل
احمدك يارب اخيرا فهم
هتف علاء بسعادة:مبروك يافيروزة
كان زين يرقص مع تاليا فقال:ماله علاء فرحان ليه كدة
تاليا:اصل فيروز حامل وعاوزة ترجع بيتهم بقى
زين :بجد عقبالنا
:مااحنا كمان لازم نرجع بيتنا
ليه يعني عشان تبقي جنب فيروز
:الغباء عندكم وراثي صح
ليه
:😏😢
قصدك انك
:ايوة وأشارت على بطنها هنا في بيبي
حملها ولف بها بسعادة :انا اسعد انسان بالعالم
كان عاطف يرقص مع ولاء فقال لها:مبسوطة معايا ياولاء
:انت عوض ربنا ياحج خصوصا بعد ماكنت فاكرة ان...
فاكرة ايه ياحبيبتي
:كنت فاكرة اني عارفة حظي انا واختي وولادها بس اتضح ان مفيش حاجة اسمها حظ في قدر واحنا نقدر باعمالنا الصالحة والدعاء نغيره للأحسن