رواية احببت جاري الفصل الرابع4بقلم ايمان محمد
شذي: ده منظر يا منيرة ينفع كدا
منيرة: معلشي كنت نايمة وصحيت اكل
شذي: جوع اخر الليل المهم سيبك من جوع والاكل في موضوع مهم اوي اهم من الاكل ذات نفسه
منيرة : ننام احسن وبكرا نتكلم
شذي : ف حد يقوم ياكل وبعدين ينام ياشيخه دا انتي ممرضة افمهي مينفعش الاكل كدا
سيبك من ده كله قومي .... قومي جهزي شنطتك
منيرة: هتكرشيني ولا ايه
شذي: هو انتي جايبة هدومك كلها ولا ايه
منيرة: بصراحه جبتهم كلهم عشان اونسك
شذي: طب كويس قومي جهزي شنطتك عشان نسافر قطر
منيرة: اصملي عليكي جبتي الفلوس منين
شذي: دي حكاية طويلة وكبيرة اوي يا منيرة قومي بس نجهز الشنط وهحكيهالك
منيرة: احكي سمعاكي
شذي: دكتور ادم طلب مني ان اسافر معاه قطر عشان انا ام اسيل
منيرة: مين ... مين ام مين
شذي: انا امها يا منيرة
منيرة : ياسوادي ياشذي انتي بتقولي اي امها ازاي
شذي: ياستي دكتور ادم طلب مني أمثل أن أم اسيل عشان امها الحقيقية لما ماتت طلبت منه ميقولهاش أن مامتها ماتت
للاسف يامنيرة اسيل عندها سرطان تصوري طفلة زي دي مريضة
منيرة: طب انا هاجي معاكي
شذي: ايوا لازم تيجي معايا عشان انا مش واثقة ف ادم بصراحه واحنا نبقي مع بعض احسن
منيرة: طب امي ال هنا هعمل اي
شذي: هو عادي نجبها معانا صح عادي
منيرة: هو دكتور ادم عارف
شذي: لا لسة هقوله
منيرة: انا مش هعرف اجي والله ياشذي
شذي: هتسبيني يامنيرة لشخص انا مش واثقة فيه
منيرة: دكتور ادم طيب جدا يا شذي وبمرور الوقت هتعرفيه اكتر بس ادي لنفسك فرصة وبعدين ده فرصة متتعوضش غني وليه بيت وتعرفي تسافري وقت ما تعوزي مش زينا وبمرور الوقت هتعرفيه
شذي: بس انا خايفة بجد والله مش بهزر يامنيرة انا معرفهوش
منيرة: ياحببتي اطمني صدقيني دا اطيب خلق الله وحنون جدا تصوري أنه بيتبرع لمستشفى علاج السرطان وكمان بيجيب أجهزة من بره البلد مخصوص المستشفي
عرفتي بقا أنه حنون وطيب لانه بيهتم بالأطفال
شذي: صدقي كلامك فرحني لانه بيعمل خير لناس خلاص هروح معاه كدا كدا مليش حد ومفيش سبب اعيش عشانه
منيرة: طيب نامي شوية عشان انتي هتعيشي مغامرات عمرك ماعشتيها
شذي: طيب اوافق يا منيرة علي الجواز انتي اي رأيك منيرة .... منيرة انتي نمتي ...جدعه يامنيرة جدعه مش فالحه غير ف النوم
.........❤️❤️❤️❤️...................
الساعة 4عصرا
منيرة: ماتقومي ياشذي هو انتي فضلتي صاحيه امبارح ولا ايه شذي ... شذااااا قومي الساعة 4 قوميييي
في حد بيرن عليكي يا شذي بت مش عندك طايرة وهتسافري
شذي: اخص عليكي بقي متصحنيش يامنيرة كدا
منيرة : انا ياشذي دا انا من الساعة ٨ الصبح بصحي فيكي ايه
شذي: الطايرة ...الفستان .....البت ....يانهار اسوح يامنيرة
منيرة: اهدي ... اهدي قومي انا جهزت كل حاجه حتي شوفي الفستان ده بعته دكتور ادم ليكي
شذي: شكله حلو اوي اوي 🥺 بجد ده زوقه جميل
..... طب والشنط
منيرة: ياستي قومي انا جهزتلك كل حاجه علي فكرة الساعة 5 هتلحقي تلبسي كدا
شذى: علي السريع هقوم
..............
عدي ساعتين وشذي كانت بتلبس الحلق وشعرها المفرود والميكب البسيط وفستانها الابيض الجميل
شذي: ها اي رأيك
منيرة: جميلة اوي اوي بس ايه الاوصة الجديدة دي دا احنا اتغيرنا اوي واو بقا ع الشعر الطويييل
شذي وهي تضحك : منيرة قولي بسم الله مشاء الله ايه يامنيرة هيقع دلوقتي
منيرة: بعد الشر ياعيون منيرة.... بصي لما تروحي هناك طمنيني عليكي ياشذي ..... صحيح انا هقعد ف شقتك وهجيب امي تقعد هنا
شذي: عادي يا منيرة البيت بيتك بس خلي بالك من العصافير والحمام والزرع اللي ف البلكونة
منيرة: مهما كبرتي لسة في برأتك ياشذي ربنا يسترها معاكي خلي بالك من نفسك
شذي: حاضر وانتي خلي بالك من نفسك
.......................❤️❤️❤️....................
ادم: الوو ...شذي انا تحت ممكن تنزلي
بعد عدة دقائق نزلت شذى لتحت
ادم: اوبااا انتي كنتي مخبية الجمال ده كل فين
شذي: كل ده ميكب
ادم: انتي مش حاطة ميكب خالص علي فكرة بطلي كدب
شذي: انت شايف كدا ... طيب بس انا حاطة ميكب بسيط
ادم: يلا نتجوز سيبك من التمثيل والحوار ده احنا نتجوز
شذى وهتضحك: انت متعرفنيش يا آدم لسة
ادم: قولي دومتي كدا
شذي: دومتي .. هو ده دلعك
...... .بعد اذنك لو سمحت بلاش تحسسني انك طيب وحنون ورحيم اصلا كلكم زي بعض
ادم: ليه بتقولي الكلام ده ليا ...هو انتي لسة مش واثقة
شذي: ومش عارفة اثق
ادم: انتي حبيتي حد قبل كدا ياشذي ردي عليا بصراحه
شذي: بصراحه ايوا حبيت
ادم: تمام ياشذي
شذي: تمام اى
ادم: شوية وهنوصل للمطار.. تقدري لما تروحي هناك تغيري هدومك عشان مينفعش نروح كدا
شذى: هو انت اتغيرت كدا ليه معايا
ادم: لا متغيرتش انا زي ما انا
شذي: مش عايز تعرف حبيت مين
ادم: لا ميهمنيش بصراحه
شذي: طيبب هنرجع تاني المنصورة صح
ادم: زي ما انتي عايزة
شذي: انت ليه بتكلمني كدا