رواية اخوات جوزي العقارب الفصل الثالث3الاخير بقلم هويدا زغلول
ــ طلعت ليلي من شقة ثريا وهي مدايقه من اللي حصل، واول ما كلعت لقيت قدامها ع السلم صلاح خطيب ثرياا...
بصلها صلاح وقال ـ
ازيك ي مدام ليلي...
اتنهدت ليلي وردت عليه بهدوء ـ
الحمد لله، بعد اذنك هطلع انادي احمد عشان ينزل يقعد معاكم..
صلاح ـ
لا استني انا كنت طالع لـ الاستاذ احمد عشان نتفق ع تفاصيل الفرح...
ليلي بقلق ـ
بـ السرعه دي؟..
صلاح ـ
ايوه في مشكله..
وقفت ليلي وقالتله عشان يطلع قدامها ـ
لا طبعا، اتفضل حضرتك..
صلاح بأعجاب ـ
كلك ذوق ي مدام ليلي...
ادايقت ليلي من نظراته وبصت للارض، وبعدين طلع صلاح وجات ليلي تخبط ع ثريا عشان تقولها تطلع فوق بما ان خطيبها جه، بس لقيت ثريا فتحت الباب وهي متعصبه...
ليلي بحزن ـ
صلاح جه فوق وقال انه عايز احمد، قولت اقولك عشان لو هتطلعي...
بصتلها ثريا بعصبيه وقفلت الباب فوشها، فادايقت ليلي اكتر وطلعت فوق... وبعدها دخلت ثريا واسماء كانت وافقه وقالت ليها
اسماء بزعل ـ
ليه كده بس ي ثريا كسفتيها وهي نازله تقولك ان صلاح فوق... هي معملتش حاجه غلط يعني
ثريا بغيظ ـ
وانتي صدقتي انا كنت نازله اجيب حاجات من تحت وسمعتها واقفه تتكلم معاه ع السلم، هي اكيد عايزه تبوظلي الجوازه... بجد البت دي فظيعه
اسماء بقلق ـ
لا ي ثريا ليلي هتعمل كده لي يعني؟.. عالفكره انتي فهمها غلط
ثريا بعصبيه ـ
اومال افسر اللي حصل ده بأي؟...
اسماء بضيق ـ
هو اي اللي حصل بس ي ثريا؟...
ثريا بغيظ ـ
صلاح كان جاي هنا زي كل مره اي اللي يخليه يطلع فووق، اكيد فصلت تتسهوك عليه عشان يطلع فوق وتطفشه مني...
اسماء بعصبيه ـ
بس بقي ي ثريا حرام عليكي، دي برضو مرات اخوكي والكلام ده غلط تقوليه...
ثريا بحقد ـ
اسكتي انتي مش فاهمه حاجه، اما بقي نشوف احمد هيعمل اي لما يسمع اللي قولته...
ــ فوق كان قاعد صلاح وبيبص للشقه حواليه برضا، وبعدين جات ليلي وجابتلهم عصير وقعدت جنب احمد..
احمد بهدوء ـ
منورنا والله ي صلاح اتفضل العصير...
مسك صلاح كوباية العصير وقال ـ
بجد ي بختك بـ مراتك ي احمد منضفه البيت ومخلياه يلمع، وكمان كوبايات العصير نضيفه معلش بقي اصل انا انسان مهوس بـ النضافه..
مسك احمد ايد ليلي وقال بحب ـ
ده انا ربنا بيحبني جدا عشان ليلي تبقي مراتي...
ليلي بتوتر ـ
اا الشقه دي اصلا ثريا اللي بتنضفها معايا، انا بكسل انضفها وهي بتيجي تقولي يلا هنضف...
صلاح ـ
لا ده كده بقي يبقي بختي انا مش بختك انت ي احمد..
ــ ضحكو هما التلاته وبص احمد لـ ليلي وهو مبسوط منها انها انكرت مجهودها عشان خاطر شكل ثريا قدام خطيلها، في الوقت ده خبطت ثريا اللي كانت مدايقه لما سمعت صوتهم بيضحكو جوه من غيرها...
فتحت ليلي وقالتلها ــ
اهلا بيكي ي ثريا اتفضلي...
ثريا بغيظ ـ
اوعي طيب من وشي هدخل ازاي وانتي وقفالي كده..
ليلي بحزن ـ
مش قصدي اتفضلي طبعا...
ــ دخلت ثريا وسلمت ع صلاح وقعدت معاهم وكان احمد وصلاح بيتكلمو علي الفرح، وخدت بالها ثريا من صلاح اللي بيبص لـ ليلي كل شويه...
صلاح بهدوء وهو بيبص لـ ليلي ـ
بعد اذنك ي مدام ليلي ممكن كوباية مايه بس متكونش ساقعه...
قامت ثريا بسرعه وقالت ـ
انا هجيبلك خليكي انتي ي ليلي...
ـ قامت ثريا ودخلت المطبخ بس رجعت وسألت ليلي عن مكان كوبيات المايه، وقالتلها عليهم ليلي....
ثريا وهي بتدي المايه لـ صلاح ـ
اتفضل ي صلاح...
صلاح بخبث ـ
هو انتي ازاي ي ثريا مش عارفه مكان الكوبيات..
ثريا بتوتر ـ
اصل انا من لما احمد اتجوزت ليلي مطلعتش هنا هما اللي بينزلو عندنا...
صلاح بسخريه ـ
ازاي بقي، ده مدام ليلي قالتلي انك بتطلعي ديما تروقي الشقه وكنت مبسوط بصراحه ان الشقه هنا نصيفه جدا...
ـ اتحرجت ثريا جدا وبصت لـ ليلي بحقد وغيظ، وليلي اتكسفت من اللي حصل...
ـ وبعد شويه مشي صلاح وكانت ثريا متعصبه جدا.. وفضلت تزعق. احمد قال
احمد بضيق ـ
خلاص ي ثريا محصلش حاجه..
ثريا بحده ـ
ازاي بس محصلش حاجه، انت مش شايف تصرفات مراتك..
ليلي بدموع ـ
انا عملت اي بس ي ثريا؟...
ثريا بعصبيه ـ
انا متكلمتش معاكي انا بكلم اخويا...
احمد بحده ـ
بتتكلمي عليها هي..
ثريا بدموع تماسيح ـ
هي ي اجمد عايزه تبوظلي جوازتي، مش شايفها عماله تتكلم مع صلاح وتجر معاه ناعم...
زعق احمد فيها وقال ـ
اي اللي امتي بتقوليه ده، ليلي مستحيل تعمل كده دي كانت عماله تجمل فيكي قدامه وانتي دلوقتي بتقولي عليها كده..
ـ طلعت في الوقت ده اسماء وهي مش فاهمه حاجه..
اسماء ـ
في اي بس ي جماعه صوتكم جايب اخر الدنيا..
احمد بعصبيه ـ
اسألي اختك ي اسمااء..
ثريا ببكاء ـ
اهي اسماء جات بزمتك ي اسماء ورحمة ماما وبابا مش صلاح كان جاي عندنا والهانم ليلي اخدته عشان يطلع فوق...
اتوترت اسماء ومكنتش عارفه ترد باي وهي عارفه ان ليلي معملتش كده...
ثريا بعصبيه ـ
قولي الحقيقه بلاش تداري عليها بقي عشان احمد ميتحانقش معاها..
ليلي بدموع ـ
حرام عليكي ي ثريا والله العظيم ي احمد هو اللي قالي انه عايز يجيلك انت مخصوص وانا قولتله اتفضل بس ده كل اللي حصل والله...
احمد بهدوء ـ
وانا مصدقك ي ليلي مش محتاجه تحلفي...
اتعصبت ثريا ومثلت انها بتبكي وقالت ـ
طيب دي وعرفت تكدب ونخليك تصدقها، افسر باي بقي انه كل ميكلمني مش معاه غير ليلي وجمال ليلي وانها ست جميله و...
زعق احمد فيها ـ
ثريا اخرسي بقي، ولو هو قال كده يبقي هو اللي مش كويس وعنيه زايغه مراتي ملهاش دعوه..
ردت عليه ثريا وهي نازله لتحت ـ
ماشي ي تجمد براحتك بس لو جوازتي دي باظت انا مش هسامح مراتك دي ابداً...
اسماء بحزن هي عارفه ان اختها بتكذب ـ
معلش ي ليلي بس ثريا اعصابها متوتره شويه ان الفرح قرب وكده...
ليلي وهي بتمسح دموعها ـ
عادي ي اسماء محصلتش حاجه..
احمد بضيق ـ
انزلي ي اسماء اقعدي مع ثريا وخليها تهدي شويه...
اسماء وهي خارجه لبره ـ
حاضر ي احمد..
ليلي بعد ما مشيت اسماء ـ
والله ي احمد انا اا..
قاطعها احمد وقال بهدوء ـ
مصدقك وعارف ان صلاح مقالش كده لـ ثريا، بس لو سمحتيي ليلي ومتفهمنيش غلط بلاش يجي صلاح وتقعدي معاه عشان متحصلش مشاكل بسبب تفكير ثريا اللي زي الزفت ده..
ليلي بهدوء ـ
من غير متقول والله انا هعمل كده، وكمان عشان صلاح ده انا مش مرتحالو...
احمد بضيق ـ
والله ولا انا بس لو اتكلمت ثريا هتقيم علينا الحد..
ضحكت ليلي واحمد خدها فحضنه عشان يراضيها....
ــــــــــــــــــــــــــــــــــــــــ
ـ بعد كام كانت ليلي خارجه من الحمام وحاطه الفوطه ع شعرها وشافت ثريا واقفه عند الدولاب بتاعها ومطلعه الهدوم كلها ع السرير..
ليلي بقلق ـ
خير ي ثريا بتدوري ع حاجه اجيبهالك؟..
ثريا ببرود ـ
مفيش حاجه بدور عليها بس كنت بختار حاجه اخرج بيها مع صلاح..
ليلي بضيق ـ
طيب كنتي قوليلي وانا كنت هجيبلك اللي عايزاه بدا مانتي كركبتيلي الدولاب كده...
ثريا بعصبيه ـ
هو انا هستأذن عشان اجي اخد حاجه من الحاجات اللي جيبهالك اخويا...
اتنهدت ليلي وردت عليها ـ
هي فعلا الحاجه دي جايبها اخوكي بس جايبها ليا اناا...
ثريا ببرود ـ
بس احمد اخويا حبيب قلبي قالي ادخلي ي ثريا خدي اللي عايزاه البيت بيتك زكل حاجه بتاعتك، لو عندك اعتراض اطلعي قوليلو...
ادايقت ليلي بس محبتش تعمل مشاكل وقالتلها ـ
لا معنديش البيت بيتك ي ثريا طبعا وتقدري تاخدي اللي عايزاه، بعد اذنك هدخل اغير هدومي في الحمام..
ــ دخلت ليلي الحمام واتعصبت ثريا اكتر هي كانت قاصده تعمل مشكله معاها بس ليلي اتعاملت معاها بكل ذوق وبوظتلها الخطه، فمسكت ثريا فستان جديد مشافتش ليلي لابساه قبل كده واخدته وخرجت..
احمد بهدوء ـ
ثريا استأذنتي ليلي الاول قبل متاخدي الفستان ده..
ادايقت ثريا بس ردت عليه بحزن مصطنع ـ
ااه ي حبيبي، بس حسيتها ادايقت، انا والله لولا اني محتجااه ضروري ومعنديش وقت انزل اشتري جديد مكنتش اخدته منها...
اتنهد احمد وعرف ان اخته بتفتري ع ليلي كالعاده، فرد عليها بهدوء..
احمد ـ
معلش ي ثريا، المهم متتاخريش مع صلاح تشوفو العفش وترجعي ع طول..
ثريا بغيظ ـ
ان شاء الله ي احمد مع السلامه..
ــــــــــــــــــــــــــــــــــــــــ
ــ بعد شويه كانت ثريا قاعده مع صلاح وحماتها في كافي، وحماتها كانت مدايقه جداً...
الحما بضيق ـ
اي بس اللون اللي انتي لابسااه ده ي ثريا مش كبرتي ع الحاجات دي...
ثريا بضيق ـ
مكبرتش علي الحاجات دي طبعا، وبعدين انا عروسه لو ملبستش الحاجات دي دلوقتي هلبسها امتي..
الحما بحزن ـ
انتي كمان بتردي عليا شايف خطيبتك ي صلاح..
صلاح بعصبيه ـ
جرا اي ي ثريا احترمي نفسك شويه...
دمعت عيون ثريا وقالتلهم ـ
انا اسفه ي طنط مش قصدي...
زعقت الحما فيها ـ
يووووه انتي مبتفهميش اي طنط دي انتي هتكبريني لي، ده احنا لو دورنا تلاقينا في سن بعض...
ـ كانت ثريا مش راضيه ترد عليها عشان خايفه الجوازه تبوظ بس هي كده بتقلل منها جدا ومقدرتش تسكت وردت عليها...
ثريا ـ
لي يعني في سن بعض انا مواليد 1990 مش مولده من ايام الملك فاروق..
الحما بعصبيه ـ
لا ده انتي قليلة الادب ومتربتيش، قوم ي صلاح والله الجوازه دي مهي كملانه ولا هتم...
خافت ثريا وقالت بسرعه لـ صلاح ـ
استني ي صلاح انت شايف اهو انا مغلطتش فيها..
صلاح ببرود ـ
اللي تشوفه ماما صح انا هعمله..
ــ سابوها ومشيو وهي مدايقه وبتعيط، وبعدين روحت وقابلت اسماء اختها وحاكتلها كل حاجه...
اسماء بضيق ـ
هو احنا مال بس حظنا عامل كده لي، بس خير ده ابن امه والحمد لله وربنا خلصك منه..
ثريا بغيظ ـ
كله بسببها، ليلي السبب من اول مجم هنا وهي بتتسهوك عليهم وخلت حماتي تكرهني..
اسماء بخزن ـ
كفايه بقي ي ثريا، انتي مش واخده بالك ان كل اللي عملنااه ف ليلي اترد فينا دلوقتي..
ثريا بحده ـ
هو احنا عملنا اي بس، هي اللي وحشه ونيتها منيله بنيله وعايزه تاخد اخونا مننا..
اسماء بضيق ـ
براحتك ي ثريا كله بيجي ع دماغك، بس انا من النهارده مش هدايق ليلي تاني وعوضي عيزااه من ربنا..
ـ سابتها اسماء ودخلت اوضتها، وكانت ثريا قاعده والحقد والغل مالينها فقامت هي كمان غيرت الفستان ومسكته وكبت عليه اكل من اللي بيسيب بقع مش بتطلع، وبعدبن اخدته وطلعت عند. سقة اخوها وكان احمد نايم وفتحت لها ندي الباب...
واول مفتحت ىمتلها ثريا الفستان في وشها وقالت ـ
امسكي ي ختي الفستان بتاعك وافرحي اهي الجوازه باظت بسببك واللي كنتي عايزاه حصل..
ليلي بحزن ـ
لي بس كده ي ثريا انا عمري متكنيت كده، بس لي باظت حصل اي؟..
ثريا بحده ـ
ملكيش دعوه ورحمة امي ي ليلب لهخربلك جوازتك زي معملتي فيا...
طلع احمد من اوضته وزعق في ثريا ـ
ثريا اياكي اسمعك تقولي كده تاني، والجواز ده قسمه ونصيب ولو سمحتي ملكيش دعوه باي حاجه تخص ليلي تاني، ولو احتاجتي حاجه كلميني...
ثريا بدموع ـ
انا مكنش قصدي و...
احمد بحزن ـ
خلاص بقي ي ثريا اتفضلي انزلي تحت...
ليلي بحزن ـ
لي بس كده ي احمد هي مكنش قصدها بس تلاقيها متعصبه من اللي حصل..
احمد بضيق ـ
لو سمحتي ي ليلي انا لو مكنتش اعرف اخليكي تعيشي هنا مرتاحه مش هبقي راجل، ودي اختي وانا لازم اخليها تعرف حدودها عشان محدش يقول عليها حاجه...
ليلي بهدوء ـ
ربنا ما يحرمني منك ي حبيبي...
ــــــــــــــــــــــــــــــــــــــــ
_تاني يوم نزلت ليلي واحمد عند ثريا واسماء..
ثريا بحزن ـ
خير ي احمد جاي لي؟..
احمد بحده ـ
احنا جايين لـ اسمااء..
ليلي بهدوء ـ
بس بقي ي احمد بصو ي جماعه انا عمتي معاها ولدين شغالين فالسعوديه الكبير مراته راحت ومعاه بنت وكان بيدور ع عروسه بنت حلال فانا قولتلها ع ثريا وعي وافقت وع فكره ي ثريا ابن عمتي ده طيب اووي وجدع وهيراعي ربنا فيكي...
ثريا بأحراج ـ
بجد ي ليلي انتي جيبالي عريس...
احمد بجديه ـ
ومش بس كده كمان اخوه الصغير شاف اسمااء يوم الفرح بتاعي واعجب بيها وعايز يخطبها..
ثريا بحزن ـ
بجد حقك عليا ي ليلي انتي احسن مني بكتير وانا بعترف قدام احمد اني ظلمتك...
اسماء بهدوء ـ
وع فكره ي ليلي من قبل منعرف بموضوع العريس ثريا كانت هتطلع وتصالحك...
ليلي بهدوء ـ
انتو اخواتي وانا عمري ما هزعل منكم...
احمد ـ
دي بقي ليلي اللي اختارتها وعمر ما كانت وحده فالدنيا هتكون فطببتها معاكم...
ثريا بهدوء ـ
ربنا يسعدكم ياارب...