رواية متهمة بحبي
الفصل الحادي عشر11
بقلم أمورة عبد الجواد
ادم :انا هروح المستشفى علشان افرح سلمي
في المستشفى؛؛؛
الدكتور :هكتبلك على خروج الصبح
سلمي :تمام
الدكتور :بعد اذنك
سلمي وقفت في شباك البلكونة وبصت لتحت تشوف ادم..
سلمي: ياترى هو اتأخر ليه
ادم دخل من غير سلمي ما تحس
ادم همس في ودان سلمي :هو مين
سلمي اتخضت..
ولما شافت ادم اخدت نفس عميق 🙄
ادم :اي شوفتي عفريت متخافيش
سلمي :خضتني انت جيت امتى
ادم :من اول هو اتأخر ليه.. مش هتقوليلي هو مين..
سلمي بتهرب من ادم :لا ابدا مفيش حد
ادم :يعني مش هتقوليلي طيب براحتك انا كمان مش هقولك على المفاجأة 😑
سلمي :مفاجأة
ادم :اها
سلمي :لا يا آدم بالله عليك قولي
ادم :مش لما تقوليلي انتي الأول كنتي مستنيه مين؟
سلمي :كنت مستنياك انت
ادم :طيب ما انا عارف ☺️
سلمي :طيب بتسأل ليه
ادم مسك سلمي من دقنا :علشان كنت حابب اسمعها منك يا حلوة
ادم فضل باصص لعيون سلمي بتوهان وسلمي بصت لادم بخجل..
الممرضه :احم احم
سلمي اتحرجت من الموقف قدام الممرضه واتلبكت..
الممرضه :اتفضل يا حضرت الظابط دا اذن بالخروج من الدكتور للانسة سلمي..
ادم اخد الأذن والممرضة خرجت..
ادم :كويس ان..
سلمي :لو سمحت يا حضرت الظابط ياريت تخلي حدود بيني وبينك
ادم بحزن :سلمي انتي ليه بتقولى كده ايه حصل
سلمي :الممرضه تقول ايه دلوقتي هتقول عني اني واحدة مش كويسه
ادم:انتي مكبره الموضوع حصل ايه لدا كله
سلمي :طبعا حضرتك ما يهمكش
ادم بحزن ووجع قلب :انا في نظرك كده يا سلمى 🥺
طيب على العموم انا اسف اني احرجتك قدام الممرضه واوعدك من بكرا مش هتشوفي وشي تاني تعرفي ليه من بكرا علشان بكرا هقدم دليل براءتك لنيابة ودي هي المفاجأة اللي كنت هقولهلك ..
سلمي حست انها جرحت ادم وفي نفس الوقت فرحت انه ادم لقى دليل برائتها..
سلمي :ادم انا اسفه مكنش قصدي انه...
ادم :مفيش داعي لاعتزار يا آنسة سلمي..
على العموم انا في الجنينه بتاعت المستشفى هقعد فيها لصبح علشان هنطلع عالنيايه ولو احتجتي حاجه تقدري تقولي للممرضة تبلغني
ادم خرج وقعد في جنينة المستشفى وهو وزعلان..
سلمي كمان زعلت قوي من كلامها مع ادم..
؛؛؛؛؛؛؛؛؛؛
كريم فضل يرن على مها بس مها زعلانه من اللي عمله كريم...
كريم بعتت رساله صوتيه لمها :مها هرن عليكي دلوقتي ردي علي ولو ما ردتش هجيكي البيت
مها شافت الرساله :يا نهار اسود
كريم رن
مها :انت اتجننت مش كفايه اللي انت عملته كمان عايز تيجي لغاية البيت
كريم :طيب اسمعني
مها انتي ليه شايفه اني عملت حاجه غلط انا بحبك يا مها ومقدرش اعيش من غيرك
مها :انت كداب وانا مستحيل اسامحك على اللي عملته
كريم :مها انا لو مش بحبك وهتجوزك مكنتش اديتك ورقه من جوازنا صح يعني لو انا عايز اسيبك هديكي ليه الورقه ما انا لو سبتك انتي تقدري تثبتي حقك بالورقه اللي معاكي
مها لنفسها ايوه كلامه مظبوط لو مش بيحبني مكنش أدنى ورقه
مها :انا اسفه يا كريم بس انا اديقت من اللي حصل إمبارح معرفش ليه حسيت انك استغليت ضعفي وانه...
كريم :انا عملت كده علشان بحبك يا مها ازاي تظني الظن دا فيا ولا بنت خالتك اللي قولتلي عليها كان اسمها اي
مها :سلمي
كريم :ايوة سلمي. هي اللي فهمتك تظني فيا الظن دا مش انتي مره قولتلي انها نصحتك تبعدي عني
مها :انا مقولتش لسلمى على اللي حصل اصلا
كريم :وما تقوللهاش لغاية ما نعلن جوازنا علشان هتعملك فيها ناصحه وتطلعلك فكرة وحشه عني انا مش عارف ليه بتحذرك مني مع اني لا أعرفها ولا تعرفني
مها :سلمي مش كده يا كريم هي بس خايفه عليا شويه لما تعرفها هتحبها
كريم:طيب المهم دلوقتي انتي مش زعلانه
مها :لا خلاص مش زعلانة اقنعتني بكلامك
كريم :طيب انا جايبلك هدية وعايز اقابلك علشان ادهالك
مها :طيب مش هينفع علشان احنا كنا بنتقابل في الكليه ودلوقتي اخدنا الاجازة
كريم :مفيش مشكلة بكرا نخرج نتعشى برا وادهالك
مها :بس انا مش هقدر اقابلك
كريم :يبقى انتي لسه زعلانة
مها :لا ابدا مش زعلانه طيب خلاص هحاول اخرج ويلا سلام علشان باسم زمانه راجع
كريم :سلام يا روحي
؛؛؛؛؛؛؛؛؛؛؛؛؛؛؛؛؛
سلمي خرجت الجنينه علشان تعتزر لادم..
سلمي :ممكن اقعد
ادم ما ردش على سلمي
سلمي اتحرجت فلحقت نفسها وقعدت وقالت :شكرا انك سمحتلي اقعد جنبك
سلمي :تصدق المكان حلو هنا كويس انك خرجت تشم هو
تحب نلعب.. قصدي نسأل سؤلات ليه الثعلب مكار
شكلك متعرفش انا هقولك علشان بيبيض كل يوم
عارفه انها بايخة.. طيب ليه بقولو عن الحب أعمى علشان
علشان اي يا سلمى نيست لما اشوف مها ابقى اسألها هي عرفها
سلمي في نفسها مش هيرد شكله زعلان جامد طيب اصالحه ازاي دا وهو مكشر كده
سلمي :تحب احكيلك قصه.. طيب هحكلك متترجنيش
مره واحده قمر كده بس الله ما شاء الله عليها كانت رايحه الجامعه اول يوم ليها و مبسوطة يعني كانت لابسه لبس جميل كده زيها كانت فرحانة بيه علشان بابها جبهولها بمناسبه دخولها كلية الشرطه
ادم افتكر لما كان في الجامعه وعرف انها بتتكلم عنهم لما اتقابلو اول مرة بس برضو حاول يتجاهل كلامها
سلمي :وبعدين جي شاب كدة مغرور وشايف نفسه انه خلاص انه علشان هو في كليه الشرطه يبقى خلاص بقا ظابط مع انه كانت آخر سنه ويتخرج لاكن هي كانت لسه اول سنه ليها
المهم عمل ايه الشاب دا دخل بعرببته الجامعه وبعدين كان في ميه كتير على الأرض علشان قبلها كان في مطر
جدع انك سألت اي علاقه المطر بالبنت الجميلة والمغرور.. هقولك يا سيدي
اصلك الشاب المغرور دخل سريع بالعربيه كان هيخبط البنت فالبنت فالبنت المسكينة اتخضت فوقعت في الميه يا حرام ولبسها اللي باباها جبهولها اتوسخ 😥
البنت فضلت تعيط واتحرجت قدام زميلها في الجامعه
بعدين نزل الشاب المغرور بعضلاته كده زي عضلاتك بالظبط
هي يا عيني افتكرت لما ينزل هيعتزر بس طلعت مسكينه اول ما نزل قالها بغرور كده مش تفتحي
مش هتسالني هي عملت ايه
ادم افتكر لما سلمي قامت من على الأرض وقالت بعصبيه :انا برضو اللي افتح
سلمي :شاطر زي ما انت قلت قالت بعصبيه انا برضو اللي افتح
ادم لنفسه دي طلعت بتقرأ الأفكار 🤨
سلمي :ايوة بعرف انت بتفكر في اي
وكمان عارفه انك مش زعلان بس بتحب تدلع شويه
ادم ابتسم في نفسه
سلمي :وعارفه انك ابتسمت كمان تحب أوضح تاني
ادم بعصبيه :ممكن تطلعي تنامي
سلمي :اي دا انت بتتكلم اهو
ادم :بقولك اطلعي نامي مسمعتيش
سلمي :ما هو بصراحه انا خايفه انام لوحدي 😢
ادم لنفسه يعني مكنتش جايه علشان تصالحني
ادم :يعني جيتي قعدتي وعملا الحوار دا كله من الصبح علشان انتي خايفه تنامي وحدك صح
سلمي لنفسها لا جاية علشان اصالحك واخليك تدخل من البرد دا بس هطر اكدب عليك واقولك اه عشان شكلك مش هتدخل غير بالطريقة دي
ادم :ما تردي
سلمي :ايوه علشان خايفه انام لوحدي ممكن تدخل تنام جو
ادم :ولو قلت لا
سلمي :يبقى انا هنام هنا عالكنبة دي
ادم :ادخلي نامي جو ربنا يهديكي
سلمي :لا هنام هنا
ادم :الجو برد عليكي
سلمي :ما اهو برد عليك برضو
ادم :سلمي بطلي عناد لو نمتي هنا هتتعبي تاني
سلمي :طيب ما انا خايفه
ادم :خايفه من ايه المستشفى كلها ناس اهو
سلمي عملت نفسها زعلانه :خلاص انا هدخل يا آدم 😥
سلمي دخلت وهي واثقه انها مش هتهون على ادم وانه هيدخل وراها
وفعلا ادم مهنش عليه يسبها وهي خايفه ودخل وراها
سلمي قعدت على السرير
وفضلت تبص على الباب
واول ما ادم دخل عملت نفسها نايمة
ادم بص على سلمي لقاها نايمه
مد جسمه على السرير وقال لنفسه بكرا يا سلمى بعد ما براءتك تظهر انا هبعد عنك 💔