رواية ضرتي الملعونه الفصل الثاني2بقلم هويدا زغلول
وفي الوقت ده حازم بص ليه وقال
حازم _ خلي كلامك معايا انا خير فيه حاجه ولا اي
محمد _ ابدا يا استاذ حازم أنا قولت اجي اسلم
علي حضرتك مكنتش فاكر انك هتصايق بعد اذنك وبعدها مشي وكان حازم مضايق
ندي _ انا اسفه والله إن عملت لحضرتك مشكله
هو ده مين
حازم _ شغال مع سهي في الشركه وكده اكيد
هيحصل مشكله بيني انا وهي
ندي _ طيب هو حضرتك ناوي تعمل اي والله
لو اعرف ان ده هيحصل. والله ما كنت خرجت
معاك
حازم _ اسمعي اللي هقولك عليه. ولازم تعملي
وبعدها روح حازم البيت وكان سهي قاعده
سهي _ هو الباشا كان فين واي عامله اتصل
بيك مش بترد عليا ليه
حازم _ اسكتي علي اللي حصل كنت رايح اقابل
واحد صاحبي في كافيه شوفت شباب بيعكسوا
البنت اللي شغاله عندنا هنا ومتعرفيش عملت
معاهم اي
سهي _ واي اللي ودا بنت زي ده عند كافيه
فخم ولا حضرتك كنت قاعد علي قهوه
بلدي
حازم _ قهوه بلدي ايه لا طبعا كافيه وهي معرفش كانت هناك
ليه بس البنت كانت أعصابها سايبه اوي
وخليتها تدخل تشرب ليمون قولت تهدي
اعصبها شويه
سهي _ طول عمرك بيئه لو حضرتك مش خايف علي شكلك خاف علي شكلي انا قدام الناس شكلي اي لما موظف عندي يكلمني ويقولي جوزك قاعد مع واحده اكيد شاف الوحده دي
شكلها عامل ازاي
حازم _ كل اللي فارق معاكي شكلها عامل ازاي
انما لو قاعد مع واحده شكلها شيك مش فارق
معاكي أن اكون قاعد معاها
سهي_ بقولك اي أنا خلاص اتخنقت انت
بقيت نكدي اوي وعالطول بتتكلم في مشاكل
انا طالعه انام علشان ورايا طياره بكره
حازم _ اي ده هو انتي مسافره
سهي_ اه صحيح نسيت اقولك بابا مسافر
لانه لازم يعمل شويه اشاعه وتحاليل
حازم _ اه ربنا يخلي ليكي ويطمنك عليه
وبعدها طلعوا نامو تاني يوم روحت الفيلا
وطلعت اوضه حازم وكان نايم
ندي _ استاذ حازم معلش كنت عايزه حضرتك
وبعدها صحي وقال
حازم _ صباح الخير ازيك يا ندي عامله اي سهي شافتك ولا سافرت قبل ما تشوفك
ندي _ اه شافتني وكلمتني وقولت نفس الكلام
اللي اتفقت عليه انا وانت
حازم _ بقولك اي سهي مش موجوده الاسبوع ده خالص بصي بقى انا عايز البيت يتغير نحس بيه كده بروح مش زي ما هي كانت موجوده فيه
ندي _ اؤمرني قولي تحب اعملك ايه وانا هعمله عينيا ليك والله
تحب اعملك محشي هعملك محشي وفراخ وملوخيه
حازم _ اكتر حاجه بتعجبني فيكي يا ندى ان بشم فيكي ريحه امي الله يرحمها
ندي $ الله يرحمها حاضر انا هعملك احلى اكل النهارده وبعدها نزلت المطبخ وشويه وهو جه ورايا ولقيته بيقولي
حازم _ تتجوزيني يا ندى بصراحه ربنا انا حاسه ان انا لقيت حياتي معاكي وعايزه اتجوزك
ندي _ لا طبعا نتجوز ازاي حضرتك متجوز وانا لا يمكن اعمل كده
حازم _ بس مش مبسوط في حياتي معاها والله وبرده نفسي اكون اب هي حرماني من حاجات كثيره جدا
ندي _ انا لا يمكن اعمل حاجه من ورا اهلي واكيد طبعا حضرتك مش هتتجوزني قدام الناس كلها
حازم _ الفتره دي بس واوعدك والله اظبط اموري بس وبعدين هنتجوز رسمي
ندي _ انا خلصتلك الاكل حضرتك ابقى جهز السفره وكل انا ماشيه ومش جاي هنا لحد لما مدام سهى
تيجي وبعدها مشيت وروحت البيت وكنت
قاعده مع اختي في الاوضه وقولت ليها علي اللي حصل
بسنت _ هو انتي عبيطه يا بنت انتي ازاي تخلي يضيع من ايدك ما هو جاي هو قالك عايز يتجوزك وانتي اللي قولتي لا
ندي _ انا هقع في مشاكل كثيره جدا لو مراته عرفتا ان انا وهو اتجوزنا انتي مش عارفه هي ممكن تعمل فيا اي
بسنت _ طيب كنت قولتيله نتجوز رسمي بس هي مش هتعرف
وبعدها باب الشقه خبط
وفتحت وكان حازم
ندي _ يا خبر ابيض انت اي اللي جابك هنا
امشي بسرعه لو ماما شافتك هتحصل مشكله كبيره
حازم _ مهو أنا عايز ماما مامتك تشوفني هي
فين انا عايز اقعد معاها وبعدها خرجت ماما
الام _ مين يا ندي اللي علي الباب ده
خير يا استاذ حضرتك مين
ودخل حازم واقعد وقال لماما علي كل حاجه
الام _وانت فاكر ان انا ممكن اتجوز بنتي جوازه زي دي
حازم _ ارجوكي انا مستعد امن ليها مستقبلها والله واعاملها كل اللي هي عايزاه بس يا ريت توافقي اننا نتجوز وهعمل فرح كبير وهجيبلها شقه كمان وهكتبها باسمها
الام _ معلش بس سامحني في السؤال وده بفلوسك ولا بفلوس مراتك
حازم _ اي نعم سهى اللي جابتلي المستشفى بس انا اللي عملتليها كل حاجه لولا شغلي ومجهودي مستشفى دي مكانتش عمرها كبرت
الام _ والله يا ابني انا مش عارفه اقولك ايه انتي رايك يا ندى مستعده تتجوزي الجوازه دي
وبعدها سكت وماما عرفت ان موافقه
واتجوزنا بسرعه وفي يوم كان حازم
بيلبس
ندي _ ايه ده هو انت رايح فين اوعي تقولي انك هتمشي وهتسيبني لوحدي
حازم _ سامحيني يا ندى لازم امشي سهي كلمتني وعرفتني ان هي رجعت هي وباباها ولازم اروح الفيلا
ندي _طيب لو سالت عليا هتقولها ايه معقول هتصدق ان انا مشيت كده من نفسي
حازم _ حبيبتي سهي ما بتشغلش بالها بالكلام الفاضي ده بكره هتجيب غيرك المهم خدي بالك من نفسك ولو عوزتي اي حاجه كلميني
ندي _ خد بالك من نفسك يا حبيبي
وبعدها راح حازم الفيلا لقاه سهي متعصبه
سهي_ معقول الباشا وصل ازاي الفيلا زي بالمنظر ده لما ندى دي مشيت ليه ما جبتش غيرها ولا لازم انا اللي اعمل كل حاجه يعني
حازم _ وانا مالي انا ب شغالين ما حضرتك تجيبي اللي انتي عايزاه وبعدين مالك جايه عامله كده ليه
سهي _ علشان حساه حضرتك ملكش لازمه في البيت ده كل حاجه لازم انا اللي اعملها ولازم انا اللي اتصرف انما انت ولا بتعمل اي حاجه
حازم _ على فكره انا اخر مره اقبل اسلوبك اللي انتي بتتكلمي معايا بيه ده اللي لازم تعرفي انك بتتكلمي مع راجل
سهي_ يا شيخ اتوكس بقى بلا قرف ده الواحد زهق منك ومن اللي انت بتعمله اوعي كده من وشي وبعدها طلعت وهو طلع وراها
حازم _ سهى انا شايف ان كل واحد يروح لحاله احسن انتي ما بقتيش مرتاحه معايا ولا انا كمان بقيت مرتاح معاكي
سهي. ولعت سيجاره وقالت _ حلوه قوي الكلام اللي حضرتك بتقوله ده وانت معاك المؤخر بقى انت ناسي ان حضرتك كاتبلي مؤخر كام ولا تحب افكرك
حازم _ هو انتي عايزه ايه بالظبط انا ما بقتش فاهمك انتي عايزه تعيشي معايا ولا لا
سهي_ اسمعني كويس يا حازم خلينا عايشين زي ما احنا كده انت عايش في النعيم اللي وانا اسمي متجوزه راجل
حازم _ ما بقتش عايزه النعيم ده نفسي كل واحد يروح لحاله من غير مشاكل
سهي _ خلاص يا بابا حضر المؤخر وابقى تعالي عشان نتكلم بعد اذنك بقى علشان عايزه انام
وعدا شهر واتصلت ب حازم جه ولما فتح
الشقه قالي
حازم _ في ايه ندى مالك معقوله لسه تعبانه طيب يا بنتي تعالي نروح للدكتور
ندي _ لا يا حبيبي ما انا خلاص عرفت عندي ايه انا حامل يا حازم بجد انا فرحانه قوي
حازم _ لا لا انتي اكيد بتهزري معقول بتتكلمي بجد معقوله انتي حامل يا ندى ده احلى خبر سمعته في حياتي
ندي _ طب يا حبيبي احنا هنعمل ايه دلوقتي انت قولتلي ان انت هتاخد وقتك وبعدين هتعرف مراتك انك اتجوزت
حازم _ بصراحه يا ندى انا كاتب مؤخر كبير ولو انا طلقتها هتاخد المؤخر ده وانا مش معايا الفلوس دي
ندي _ مش انت بتقول ان المستشفى باسمك بعها واديها الفلوس
حازم _ برده مش هينفع الكلام اللي انتي بتقولي عليه ده انا بصراحه مش قد سها وقد ابوها
ندي _انت انسان جبان واعمل حسابك لو انت مروحتش وقولت ليها هنسيب بعض
حازم _ الكلام الغريب اللي انتي بتقوليه ده لا طبعا لا يمكن اسيبك
ندي _قدامك اسبوعين تيجي وتقولي ان انت عرفتها بكل حاجه يا اما كل واحد هيروح لحاله
وبعدها مشي وعدا اسبوعين وهو مجاش وماما كانت عندي
الام _ ايه يا بنتي هو انتي ناويه تعملي ايه جوزك ولا بقى يتصل ولا بقى يجي
ندي _ انا هروح ل سهي يا ماما واعرفها كل حاجه لازم تعرف ان انا متجوزه حازم وحامل منه كمان
الام _ اوعى يا حبيبتي تعملي كده انا اخاف عليكي منها انا بسمع ان هي شديده قوي لا طبعا
ندي _ انتي بتقولي ايه يا ماما في حكومه في البلد وهي ما تقدرش تيجي جنبي ده انا اروح ابلغ فيها
وبعدها روحت وقابلت سهي
سهي_ معقوله ندى خير اللي جابك بعد الفتره دي كلها ده انتي مشيتي كده من غير ما تستاذني اصلا
ندي _اصل انا اتجوزت وحامل وكان لازم ان انا امشي من هنا
سهي _ واكيد جايه ليه دلوقتي عشان المصاريف غاليه عليكي وجوزك مش قادر يصرف عليكي فعايزني ارجعك الشغل تاني انا اسفه والله جبت مكانك
ندي _ انا مش جايه ارجع الشغل انا جايه اعرفك مين جوزي
سهي _ وانا ايه علاقتي بجوزك اساسا هو انا اعرف الاشكال اللي زيك وزي جوزك منين
ندي _شكرا لاصلك يا مدام سهى بس جوزي يبقى جوزك استاذ حازم اتجوزني وانا حامل منه
وبعدها قامت وقالت
سهي _ انتي اكيد بتخرفي جوزي انا متجوزك انتي ازاي ان شاء الله وحصل امتى الكلام ده
ندي _حصل وحضرتك كنتي مسافره جه الوقت انا حضرتك لازم تعرفي فيه ان انا مراته
سهي_ امشي اطلعي بره يا كدابه لا يمكن الكلام ده يكون حصل لا يمكن حازم يعمل فيها كده
ندي _ ليكي حق متصدقيش بس هي دي الحقيقه وهسيب قسيمه الجواز اهي خديها خليها معاكي لان هي خلاص ما بقتش فارقه معايا لان انا هطلق منه وبعدها مشيت
سهي اتكلمت في التلفون وقالت $ الو في بنت خارجه من الفيلا دلوقتي خدوها وشيلوها معاكوا لحد ما اقولكم ايه اللي هيحصل بالظبط
وقفلت السكه وكلمت نفسها وقالت
ماشي يا حازم وبعدها راح حازم الفيلا وكانت سهي قاعده واول لما شافها قال
حازم _ايه ده غريبه انتي موجوده مش قولتي ان انتي خارجه النهارده ولا ايه
سهي _ كنت خارجه بس اما عرفت بخبر جوازك قلت لازم اقعد عشان اباركلك مبروك يا عريس
حازم _ ايه الكلام اللي انتي بتقوليه ده انتي مين اللي قالك الكلام ده
سهي_ عروسه جت لحد هنا وعرفتني انت تعمل في ايه هنا كده بعد ما نظفتك وخليتك انسان وبني ادم تتجوز عليا
حازم _ حقك عليا يا سهى سامحيني والله العظيم انا اسف غلطه ولو عايزك ان اطلقها مش هخليها على ذمتي ثاني
سهي _ مساعده اسامحك وهعملك كل اللي انت عايزه بس تنفذلي شرط واحد
حازم _ والله انتي تؤمري وانا هطلقها وكمان هاخد منها الشقه اللي انا كاتبها باسمها
سهي_ وهو انت فاكر كده ان انت هتقدر تصالحني باللي انت هتعمله ده انت كده كده هتطلقها بس كل اللي عايزاه انها متبقاش ام تاني وحضرتك دكتور امراض نسا كبير وهتقدر تعمل كده بسهوله