رواية حب علي ضفاف النيل الفصل التاسع والعاشربقلم نورهان محمد

عند النيل

كان جالسا علي احدي المقاعد مستندا رأسه إلي الخارج يفكر بشرود

ليقطعه صوت من خلفه قائلا آدم 

ليلتفت آدم نحو مصدر الصوت لينهض بزعر هاتفا انت عرفت منين اني هنا 

ليكمل وقد تحول وجهه للجمود ليهتف بضيق وبعدين انا مش قولتلك ملكش دعوه بينا ولا انت نسيت كل اللي بينا انتهي وخلصنا 

سامعنيييي 

ليتركهوا آدم متوجها نحو عربيته مستقلها نحو منزله

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

في شقه آدم 

توجه إلي الداخل وهموم الماضي قد عادت تقتله من جديد 

ليستلقي فوق الاريكه بتعب واضح يفكر في ما فعله

ليصل اخيرا انه فعل الصواب 

ليقطع نوبه شروده ترجل حياه متوجه نحوه

حياه بقلق وهي تمسك بيده هاتفه بخوف عليه من حالته مالك ياادم 

ايه اللي مزعلك

آدم وهو يشدد من قبضته فوق يدها هاتفا بحزن انا كويس ياحياه انا بس تعبان شويه

حياه بهدوء اختارت الا تضغط عليه لتهتف اخيرا طيب تعالي نقوم نرتاح وان شاء الله هتفوق بكره وهتكون احسن

آدم وهو يقف عندك حق انا محتاج انام علشان ارتاح

توجهوا سويا نحو غرفتهم لينالوا قسطا من الراحه

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎ 

في الصباح 

كانت جالسه علي طرف السرير تتابع ملامحه الرجوليه بحب وغرام 

لتقترب اخيرا منه محاوله افاقته وهي تملس برقه فوق وجهه

حياه برقه آدم حبيبي اصحي بقا

آدم وهو يجلس بجوارها مقبلا يدها التي كانت تملس فوق وجهه هاتفا بصوت حزين صباح الخير ياحياه

حياه بابتسامه صباح النور ياادم

ظل ينظر إليها لبعض الوقت قبل أن يهتف بصوت محاولا جعله طبيعي بعض الشئ

آدم ايه الحلوه دي كل يوم بتحلوي اكتر من اليوم اللي قبلوا

حياه بكسوف بجد ياادم 

آدم بابتسامه بجد ياقلب آدم انتي 

ليكمل بابتسامه عايزين ننزل نغير جو ايه رائيك

حياه بمرح موافقه طبعا 

ادم تمام اجهزي وننزل نصبح عليهم وبعدين نبدأ اليوم 

ترجلت حياه من جانبه بسعاده لتعود إليه مره اخري هاتفه بتسائل 

اميره وياسين مش هيروحوا معانا يغيروا جوا

آدم بهدوء ياسين اكيد في الحضانه دلوقتي واميره مش هترضي تخرج من غيرهم 

ليكمل حنين بس تتعافي وانا عامل حسابي هاخدهم كلهم ونروح مصيف قبل الدراسه

حياه بحماس الله 

آدم بنظره سعاده انتي فرحانه ياحياه

حياه بحب فرحانه بس داانا حاسه اني اتولدت من اول وجديد 

لتكمل بحنان حياتي وانت فيها بقا ليها معني 

آدم وهو يتوجه نحوها ويحتضنها بطيبه هاتفا بحب والجاي في حياتك هينسيك كل ألم الماضي ان شاء الله ياحياه

لتشدد حياه من احتضانه هاتفه برقه ان شاء الله ياحبيبي

لينتهوا من تناول فطورهم وتجهيز أنفسهم متوجهين نحو الأسفل 

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

في الأسفل 

توهجوا إلي الداخل والقي آدم السلام علي والدته التي كانت جالسه ترتل القران لتصدق وتنظر إليه لترد السلام

اتجه آدم وقبل رأسها بحنان

اما حياه فتوجهت نحوها علي الفور وارتمت بين احضانها لتشعر بحنان الام الذي حرمت منه

احلام وهي تملس علي ظهرها بحنان عامله ايه ياحبيبتي 

حياه بطيبه الحمد لله ياماما بخير

احلام ربنا يجعلك بخير دايما ياقلب ماما 

كان آدم يتابع حوارهم هذا بعيون حب فهو لاحظ تعلق حياه بوالدته وتعلق والدته بزوجته في ظل هذه الفتره البسيطه 

ف حياه احببت والدته بشده واعتبرتها والدتها

آدم بابتسامه ربنا يديمنا لبعض

احلام وحياه في صوت واحد اللهم آمين 

احلام بتسائل انتو هتخرجوا

آدم ايوه ياامي هخرج حياه شويه تغير جو

احلام بابتسامه تتهنوا ياحبيبي 

ليودعها آدم وحياه متوجهين نحو قبلتهم القادمه

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

في العربيه

آدم بتسائل تحبي تروحي فين

حياه بتفكير اي مكان هقولك عليه هتوديني 

آدم ياحبيبتي اي مكان تشاوري عليه اعتبري نفسك فيه وبدون نقاش

ليكمل وبعدين انا انهارده تحت الامر انتي تختاري وانا انفذ

حياه بتردد انا عايزه اروح الملاهي 

آدم بضحك ومتردده ليه انا مش عايز اصدمك واقولك اني كمان عايز اروح الملاهي

حياه بابتسامه خلاص يلا بينا 

آدم يلا ياحبيبتي

توجهوا إلي الداخل بعدما قطعوا تذاكر الدخول

آدم بتسائل عايزه تركبي انهي لعبه في الأول 

حياه مش عارفه نبدأ بسباق السيارات 

آدم يلا بينا ليمسك بيدها ويجري بها متجا نحو اللعبه

بعد الانتهاء شعرت حياه بالتعب يجتاحها لتهتف باجهاد لا انا تعبت مش قادره 

آدم بقلق مالك ياحياه 

حياه متقلقش انا بس تعبت من اللعبه دي ودوخت

لتكمل بهدوء وشكلي كده هتعب من كل اللعب

آدم بابتسامه خلاص نغير المكان تحبي نروح فين

حياه بتفكير ممكن حديقه الأزهر

آدم تمام يلا بينا 

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

في حديقه الازهر

كانت تسير حياه بجانب ويديها متشبسه بيديه وهي تشعر بأنها تمتلك العالم

ليهتف آدم اخيرا عجبك المكان ياحياه

حياه بابتسامه جدا جدا انا بحب الزرع والشجر والورد جدا 

آدم وانا كمان بحب الطبيعه جدا

حياه اه مفيش احلي من الطبيعه بتلاقي طمأنينة وهدوء أعصاب كده غريب حقيقي بيكون جو ممتع

آدم وهو يتاملها وكمان لما تكوني موجوده بتكتمل المتعه والجمال 

ليكمل بيكون ناقص البحر ويكون الخضره والماء والوجه الحسن

حياه بضحكه رقيقه بتقول حكم ياادم

آدم بابتسامه دي حقيقه ياقلب آدم 

ظلوا يتحركوا بين الأماكن بسعاده وهم مع بعضهم البعض 

وقد ابتاع لهم آدم بعض العصائر والمعلبات والتسالي 

لينتهي الوقت سريعا 

حياه وهي تتامل غروب الشمس هاتفه برقه الجو جميل اوي ياادم

آدم بروقان اه فعلا 

ليقف آدم مره واحده بعد ان اتاه مسدج مختصره كل حاجه جاهزه يافندم

آدم وهو يوقفها متجها بها نحو عربيته

حياه بتعجب الجو حلو ياادم خلينا قاعدين

آدم وهو يتحرك بالعربيه هاتفا بابتسامه هنروح مكان هيعجبك جدا

مفاجأه رقيقه زي صاحبتها

حياه بابتسامه ايه بقا المفاجأه الرقيقه دي

آدم منا لو قولتلك مش هتكون مفاجأه

حياه أمري لله هستحمل واكتم الفضول اللي جوايا

آدم وهو يمسك بيدها ويقبلها ياحياتي انا افضلي فكري لحد مانوصل بقا

بعد حوالي نصف ساعه

آدم بحب وصلنا ياحياتي

حياه وهي تتأمل المكان حولها لتهتف باستغراب احنا فين

ترجل آدم وتوجه نحوها واوقفها أمامه ليهتف اخيرا غمضي عيونك

حياه باستسلام اغمضت اعينها

ليحيطها إليه بيدها واليد الاخري فوق عينيها ظل مستندها إلي ان وصل اخيرا إلي المكان الخاص بهم

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

في مطعم اقل ما يقال عنه انه رائع

آدم وهو يزيل يده الموضوعه فوق عينيها ليوقفها أمامه هاتفا بحرص اوعي تفتحي هعد واحد اتنين تلاته وبعدين تفتحي

اومات لخ حياه بالايجاب 

ليبدأ آدم بالعد مع اشاره اخري للواقفين بالاستعداد 

واحد 

اتنين 

تلاته

لتفتح حياه عينيها وهي ترفرف برموشها ليتضح أمامها الرؤيه 

لتصدم مكانها فور رؤيه الورود تلقي فوقهم بشكل عشوائي جذاب 

حياه التمعت عيناها بالدموع لتقترب منه مره واحده وتتشبث فيه وهي تخفي وجهها في صدره من شده خجلها

ليبتسم آدم علي براءتها هذه لتظل علي هذا الوضع لبعض الدقائق 

قبل أن يشير إلي العاملين بالتوجه إلي الداخل 

ظلت حياه علي وضعيتها هذه الي ان احث آدم بسخونه فوق قميصه ليصل اخيرا ان هذه دموع حياه

ليرفع وجهها إليه محاولا ان يعرف ماذا أصابها ليجد ان ما احث به صحيح

آدم بقلق مالك ياحبيبتي انتي محبتيش المفاجأه ولا ايه

حياه وهي تمسح دموعها بالعكس دي احسن مفاجأه حصلتلي بعد مفاجأه جوازنا 

لتكمل بصوت ضعيف من اثر البكاء انا بس كل مابفتكر عوض ربنا وقد ايه حياتي بقا ليها طعم بحس ان كان نفسي اعرفك من زمان

وتكون في حياتي حقيقي انا بشمر ربنا في كل ساجده انو رزقني بزوج صالح زيك لتنظر اليه مطولا قبل ان تهتف بكسوف بحبك ياادم ومن ثم دفنت وجهها في صدره مره اخري

ليضحك آدم علي حركتها هذه فهي تختفي منه إليه 

ليهتف وهو يرفع وجهها إليه ويمسح لها أثر الدموع العالقه في عينيها هاتفا بطيبه وانا بموت فيك ياقلب آدم انتي

حياه برقه قلب آدم بس

آدم بضحك لا وحياته وقلبو وعقلو وروحوا 

حياه بابتسامة ايوه كده طمنتني

آدم وهو يحتضنها لا متقلقيش من الموضوع دا انتي بالنسبالي أولا واخيرا ولا كان في قبليك ولا هيكون في بعديك انتي غنيتي عن الدنيا كلها

حياه بابتسامه يديمك ليا ياحبيبي 

آدم ويديمك ليا ياحياتي

ليكمل وبعدين مش يلا بقا نتعشي انا حقيقي هموت من الجوع 

حياه مقاطعه اياه بعد الشر عليك ياحبيبي

لتكمل يلا بينا

كانوا يتنازلون الطعام في جو رومانسي جميل كان لا يخلو من النظرات والكلمات وبعض الضحكات 

لينتهي اليوم ثم يعودوا سويا إلي المنزل 

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

ترجلوا إلي الداخل وكان كل منهما بداخله بريق مشع من الأمل والتفائل بأن القادم أجمل بإذن الله 

اميره بمشاكسه يا هلا بالعرسان الحلوين 

آدم بمشاكسه هو الاخر ياهلا بدلوعتنا الحلوه

اميره تصدف كسفتني

آدم لا وانتي وش كسوف اوي

اميره قصدك ايه بقا ياسي آدم 

حياه بابتسامه وهي تقترب منها وتلف ذراعيها حولها هاتفه بمرح 

قصدوا انك احلي اميره في الدنيا كلها

آدم بضحك بس انا مش قصدي كده

اميره شوفتي بقا منا بقولك سبيني عليه

حياه لا وعلي ايه خليك انتي الكبيره

اميره بنظره انتصار منا بقول كده طول عمري العاقله الهاديه

نظر لها آدم باعجاب من حديثها ليهتف وهو يوليهم ظهروا علي يدي انا الكلام دا

اميره بمرح كادت ان تجيبه لكن قاطعتها حياه بابتسامه الكبيره العاقله 

اميره بتذكر ايوه صح كويس انك فكرتيني 

لتكمل بتذكر اه صحيح ياادم حمزه اخو حنين كان بيقول لحنين انو هياجي ياخدها انهارده

آدم وهو يعود إليهم مره اخري ليه كده ماهي هنا معاكم وانتو واخدين بالكم منها

احلام وهي تخرج من الغرفه والله ياادم نفس اللي قولتوا انت بس كلموا خليه ياجي وبعدين نشوف الموضوع دا

آدم تمام 

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎ 

بعد ساعه 

كان حمزه يقف امام آدم 

آدم ايه يابني 

ليكمل اقعد الاول وبعدين نتكلم

جلس حمزه بجواره 

آدم ايه بقا ياحمزه عايز تاخد حنين ليه خليها لما تشفي تماما وبعدين تروح معاك

حمزه لا هي كده خلاص تجاوزت مرحله الخطر وبعدين احنا بكره هنروح علشان نغير علي الجرح 

ليكمل وانتو كتر خيركم تعبتوا معانا كتير والله وجميلكوا دا فوق دماغي 

آدم وهو يلكمه في كتفه علي فكره الكلام دا ميتقلش بين الأخوات ودي اقل حاجه علي فكره دا واجب علينا

حمزه والله ياادم انا ماعارف اقولك ايه

آدم متقولش حاجه دي حاجه بسيطه

ليكمل اه مقولتليش ايه اللي حصل في الشركه انهارده 

حمزه خلاص ابتدينا في وضع مخططات تأسيس الشركه الجديده هبعتلك ايميل بكل حاجه 

ليكمل والورق دا علشان تراجع كل حاجه قبل ما نبدأ

آدم تمام

حمزه بتوتر كنت عايز اقولك علي حاجه ياادم

آدم بقلق مالك ياحمزه في ايه 

حمزه بعدما اخذ نفس عميق الصراحه كده لتخرج الكلمات اخيرا بعدما كانت عالقه غير قادره علي الخروج ليهتف بهدوء حاتم البطل كان عندي انهارده

آدم وهو ينتفض من مكانه واقفا هاتفا بضيق ودا كان عايز ايه مش فاهم

حمزه كان عايز يتكلم معاك

آدم وانت قولتلوا ايه

حمزه قولتلوا هو مش موجود حاليا ثم إن مفيش كلام بينكم كل حاجه انتهت

آدم وبعدين

حمزه قالي انا عايزك تدخل بينا ويحاول معايا لان الشركه بتنهار 

ليكمل بس انا رديت عليه وقولتلوا للأسف هو صديق عمري ومن حكم صداقتنا انت بتضيع مكانك في المكان الغلط

آدم والرد كان ايه

حمزه قالي ياحمزه ماتصعبش الأمور وحاول تدخل

ليكمل انا قولتلوا للأسف مش هقدر اعمل حاجه ودا اللي عندي 

آدم انا مش عارف عايز مني ايه بعد لعبتوا الق*ذره هو وبنته

حمزه بتوتر بس هو شكلو ناوي علي الشر

آدم باستغراب ليه 

حمزه وهو خارج قعد يتكلم كلام كده غريب زي انت السبب في اللي وصلوا وانو مش هيسكت وهياخد حقه

آدم بضيق ماانت عارف ان كان في أيدي اذيه بس انا ضميري واخلاقي منعوني من معامله المثل

ليكمل بقلق وبعدين هيكون قصدوا ايه بكلموا دا

حمزه بتفكير مش عارف انت بس كون حرص علي نفسك وأهل بيتك

آدم وهو دا فعلا اللي هيحصل 

ليقطع حديثهم دخول احلام

لتلقي السلام هاتفه بحنان ازيك ياحمزه ياابني عامل ايه 

حمزه الحمد لله ياامي بخير

احلام بمعاتبه ايه يابني عايز تاخد حنين ليه ايه اللي حصل 

حمزه والله ياامي احنا متقلين عليكم بقالنا فتره اهو 

احلام ليه كده ياابني متقلين ايه حنين دي بنتي واميره وحياه بيعتبروها اختهم بالضبط 

حمزه انا عارف والله ياامي 

ليكمل بس هي عندها تغيير علي الجرح بدري وفي نفس الوقت هي وحشتني ووحشني وجودها في البيت 

احلام بزعل والله ياابني احنا خدنا علي وجودكم ووجود حنين معانا

حمزه ربنا يقدم اللي فيه الخير ان شاء الله 

ليكمل واول ماحنين تشد حيلها هنجيلكم دايما ان شاء الله هي حتي كانت لسه بتكلمني وبتقولي بعد ما كنت وحيده بقا عندي اخوات وأم 

احلام ربنا يديمنا لبعض ياحبيبي ويسعدكم وعقبال فرحتي بيكم

حمزه ان شاء الله 

كان آدم ترجل إلي الداخل لاخبارهم برحيل حنين لتجهيزها 

بعد مرور عدة دقائق

خرجت حنين وكانت اميره تستندها من جهه ومن الجهه الاخري حياه

اسرع حمزه نحوهم واستندها الي الخارج وكان آدم خلفه يحمل الشنط 

ليتوجه حمزه نحو منزلهم بعد عدة دقائق من الشكر والثناء

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

في الداخل 

جلست اميره بجوار آدم الذي كان يجلس واضعا ياسين بين احضانه اما حياه كانت تجلس بجوار احلام

آدم اخذ يلاعب ياسين لبعض الدقائق ليتثاوب ياسين بنعاس

آدم وهو يشدد من احتضانه حبيبي دا اللي بيتاوب ليكمل وهو يحمله متوجه به إلي داخل الغرفه لكي ينام

لكن قطع سيره صوت اميره 

اميره بهدوء لا ياادم احنا هنروح علي الشقه التانيه

آدم بابتسامه هدخل ياسين ينام وبعدين نشوف الموضوع دا

اميره تمام

بعد دقائق كان يجلس آدم في مكانه من جديد يهتف بجديه من الاخر كده انتو هتقعدوا معانا هنا في الشقه دي وانا وحياه هنكون في الشقه اللي فوق

اميره بمقاطعه لا ياادم كده مش هتكونوا علي راحتكم

حياه بحزن ليه كده يااميره داانا ماصدقت لقيت عيله تيجي تقولوا تمشوا وبعدين دا بيت اخوك وفي نفس الوقت انتو قاعدين هنا عاملين ونس 

لتكمل وبعدين حتي علشان تكونوا علي راحتكم الشقه دي هتكون خاصه بيكم تتحركوا فيها زي ماانتو عايزين وانا ابقا انزل اقعد معاكم بدل مااقعد لوحدي

احلام بحنان داانتي تنوريني ياحبيبتي 

لتكمل بمزاح وبعدين اصلا كفايه اننا هنخلي آدم ياخدك وهو طالع بليل

ادم بضحك لا والله كتر خيركم 

اميره علشان تعرف بس اننا طيبين

آدم ايوه طبعا يامشاغبه

اميره هعديها بس علشان مراتك بتقول عليا الكبيره العاقله

حياه حبيبتي انتي ميرو

اميره قلب ميرو انتي

كان آدم ينظر اليهم وهو يرفع حاجبه ليهتف اخيرا وانا وامي ايه بقا هنشاهد الرومانسيه دي نحضر الفشار

اميره ايوه يااريت كمان يكون بالكراميل

آدم وهو يلقي عليها المخده ومالو يااختي ومش عايزه عصير بالمره

اميره لا خليها ايس كوفي

آدم قومي يابت انتي من قدامي 

اميره حاضر ياكبير

ليكمل آدم بعد انتهاء نوبه المرح بينهم هاتفا بهدوء

بكره ان شاء الله هخلي حد ينقل الحاجات الاساسيه من هناك لهنا ليكمل بحماس حضروا نفسكم هنخرج بكره نروح مصيف

اميره بمرح بجد 

لتكمل وهي تعود إلي هدوءها لا ياادم اخرج انت ومراتك واحنا نبقا نشوف خروجنا مع بعض بعدين

نظرت حياه إلي آدم ليبادلها هو الاخر نظراتها بتعاطف فهي برغم اشتياقها للخروج ولكن فضلت الا تسبب لهم بقضاء الوقت بمفردهم

حياه علي فكره بقا الخروجه مش هتكون حلوه من غيركم

وبعدين احنا عايزين نتجمع ولا ايه ياادم

آدم باتفاق مع كلام حياه ايوه حياه عندها حق وبعدين احنا عايزين نقضي الوقت سوا

ليكمل ولا انتي ايه رائيك ياامي

احلام اللي تشوفوا يابني

اميره بمرح حيث كده يبقا نحضر الشنط

( بصوت محمد هنيدي 😂 )

آدم تمام واحنا هنطلع نرتاح شويه ونتقابل الصبح

احلام تمام يابني تصبحوا علي خير

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

في الصباح

استعد الجميع للمغادره 

حياه اتفضلي ياماما اركبي جنب آدم 

احلام لا ياحبيبتي اركبي انتي جنب جوزك

حياه بابتسامه لا طبعا حضرتك اللي تركبي قدام وانا هروب جنب اميره 

بعد عده دقائق وقف آدم امام احدي السوبر ماركات هاتفا بهدوء تعالي ياحياه نجيب شويه حاجات علشان السفر والطريق

حياه تمام

توجهوا إلي الداخل وبعد عدة دقائق 

آدم انا هروح عند الكاشير وانتي استنيني هنا

حياه تمام 

كانت تقف تنتظره بهدوء ليقطع تلك الصمت صوت من خلفها

هاتفا بحده حياااه

حياه التفتت نحو الصوت لتقف تنظر بصدمه ..... 😯

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

عايزه تقييم وتوقعات للبارت القادم

اللي اللقاء في البارت العاشر من 

روايه حب علي ضفاف النيل 🕊💙 

بقلم نورهان محمد 

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

البارت العاشر 

روايه حب علي ضفاف النيل 🕊💙

بقلم نورهان محمد 

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

توجهوا إلي الداخل وبعد عدة دقائق 

آدم انا هروح عند الكاشير وانتي استنيني هنا

حياه تمام 

كانت تقف تنتظره بهدوء ليقطع تلك الصمت صوت من خلفها

هاتفا بحده حياااه

حياه التفتت نحو الصوت لتقف تنظر بصدمه إلي ذلك الذي يرمقها بغل

شادي وهو يقترب منها الا ست الحسن كانت فين دا كلو بس بردو لقيتك وهربيك من اول وجديد استني عليا 

واخذ يقترب منها وهي تبتعد بظهرها إلي الخلف 

شادي بغل رفع يده وكاد ان يصفعها إلي ان وجد يد تمسك بيده الموجه نحوها وباليد الاخري امسك بها قبل أن تسقط مت خوفها ورجوعها إلي الخلف 

آدم بغضب انقض عليه واخذ يلكمه في وجهه إلي ان دمي وجهه من كثره الصفعات واللكمات 

ليتدخل احدي عمال السوبر ماركت اهدي يا ادم باشا هتموتوا

ليرفعوا به من فوقه بصعوبه

شادي وهو يلتقط أنفاسه بصعوبه وانت ايه دخلك دي المفروض خطيبتي

آدم اخرس خالص بدل ماهقطعلك لسانك دا

شادي بغل لا مش هخرس وبعدين هو دا اللي لمك من الشارع يابت اتكلمي ماانتي طول عمرك كده تربيه وس*خه

لكنه ابتلع باقي جملته عندما هجم عليه آدم مره اخري يلكمه بشده وهو يتفوه ببعض الكلمات

آدم بضيق اللي بتغلط فيها دي مراتي وانا هعلمك ازاي تتكلم كده علي مرات آدم المصري 

ليكمل بنهجان من شده غضبه وبعدين دي مش تربية شوارع دي احسن منك ومن عليتك كلها وان ما رميتك في السجن مش هكون آدم 

لينتشلهوا العاملين من تحت يده بصعوبه بعدما امسكوا بادم الذي كاد ان يزهق بروحه بين يديه

شادي بتذكر والخوف يمتلئه هو انت الظابط اللي قبلتنا ليصمت فجأه عندما تذكر كلامه مع صديقه وتدخل شخص ما 

شادي وهو يتصنع عدم الامبالاه وايه يعني لو ظابط انا هجيب حقي منك بالقانون

ليكمل إنما هي فحسابها مخلصش 

فر آدم من يد الممسكين به ولكن شادي هرب من أمامه بخوف

آدم بضيق وهو ينظر نحوه وهو يهرب بزعل ان ماربيتك اهدي عليا

ليتذكر حياه فغضبه اعماه عنها فهي الان من المتوقع غارقه في دموعها وخوفها

ليلتفت حوله يبحث عنها بخوف ليجدها في الأرض متكوره علي نفسها تاخذ وضعيه الجنين تنتحب بصمت

اسرع آدم نحوها بخوف هاتفا وهو ينزل إلي مستواها اهدي ياحبيبتي محصلش حاجه بس 

ليرفع وجهها نحوه واخذ يمسح لها دموعها وبمجرد لرويتها له أمامها اشتد بكاءها

وقف آدم وجذبها نحوها لترتمي بين احضانه تبكي بشده 

فضل آدم الصمت وعدم الحديث حتي تهدأ فهي الان شبه منهاره

لتمر الدقائق وهي علي حالتها هذه 

حياه بدموع تذكرت انهم الان في الشارع رفعت وجهها نحوه تتطالعه وهو يمسح لها دموعها 

آدم بابتسامه مش احسن

حياه ايوه الحمد لله لتعود إلي البكاء من جديد

آدم بخوف انتي بتعيطي ليه ياحبيبتي اهدي محصلش حاجه

حياه شوفتوا وهو بيرميني بكلام ظلم قدام الناس

آدم أولا انا خرستوا ثانيا انتي باين جدا انك بنت ناس وانا معروف هنا ومعروف ان زوجتي اكيد هتكون من نفس أخلاقي ومستوايا 

ثالثا بقا كلام الناس هيفيد بايه اهم حاجه انك في نظري ايه ودي بالدنيا كلها ولا ايه رائيك

حياه وهي تمسح دموعها عندك حق

آدم خلاص بقا مش عايزين الموضوع دا يأثر علي اجازتنا

ليكمل بعزم وان شاء الله حقك هيرجعلك وفي أقرب وقت انا خلاص لازم أحاسب كل واحد سمح لنفسوا بس يجيب سيرتك

حياه بحب يديمك ليا يااحلى وأطيب واحن آدم في الدنيا كلها

آدم بمرح لا كده احنا في الشارع وانتي عارفه اني متهور

حياه بابتسامه بسيطه وعلي ايه لا يلا بينا

بعد دقائق كان آدم يتحرك بهم متجهين نحو البحر الأحمر لقضاء عطلتهم في مرسي علم

كانت طوال سفرهم شارده الذهن تفكر في مصيرها وهل من الممكن أن يؤذي شادي آدم زوجها ليقطع ذلك الشرود همس اميره باستغراب ايه ياحياه سرحانه في ايه من بدري

حياه بانتباه لما نوصل هحكيلك

اميره تمام ياحبيبتي فلم تجادلها اميره فقد احست من نبرتها ان من المؤكد حدث شى وهي مع آدم 

بعد عدة ساعات قد استغرقوها في السفر

آدم بتعب وصلنا 

اميره الله ايه الجمال دا ماشاء الله 

آدم انتو لسه شوفتوا حاجه

احلام ماشاء الله لا مكان جميل بمعني الكلمه

آدم ان شاء الله هيكونوا يومين حلوين

احلام ان شاء الله ياحبيبي 

لاحظ آدم صمت حياه وعدم ابدأ اي تعليق ليقترب منها بهدوء إلي ان وصل اليها ليهتف باستغراب مالك ياحياه 

حياه بانتباه مليش ياادم

آدم انتي مش عاجبك المكان

حياه بتامل لا والله دا جميل اوي ومريح للاعصاب 

لتكمل باستغراب ليه بتقول كده

آدم يعني لقيتك ساكته قولت يمكن مش حابه المكان

حياه لا والله المكان عجبني جدا بس انا مصدعه شويه

آدم بابتسامه لا اليومين دول هخليك تنسي كل حاجه حصلت معاك

ليكمل انا عايزك بس تنسي كل اللي حصل ومتشغليش بالك باي حاجه ولما نرجع ان شاء الله هجيبلك حقك منهم وهربيهم كلهم 

حياه بخوف انا مش عايزه عداوه ياادم انا عايزاك انت بس 

لتكمل ولو علي حقي انا مسامحه

لكن تدخل في عداوه معاهم ممكن يعرضوك للاذي

آدم وهو يحتضنها متقلقيش ياحبيبتي ان شاء الله كل اللي هيحصل خير خير وبس

حياه بابتسامه ياارب ياادم 

آدم تمام تعالي ننام شويه علشان نرتاح وبعدين نبدأ يومنا بقا

حياه تمام 

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

في المساء

حياه بابتسامه ايه ياادم كل دا نوم

لتكمل وبعدين ماما واميره قاعدين مستنيين بره

آدم وهو يرفرف بعيناه هي الساعه كام 

حياه بتوعد تسعه ياسي ادم

آدم يااه انا نمت دا كلو

حياه اه 

آدم تمام عشر دقايق هاخد شاور واجهز 

حياه تمام

بعد عدة دقائق كانوا علي أتم استعداد 

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

في الخارج 

آدم يلا بقا تحبوا نبدأ منين

اميره بتفكير اي حاجه مش هنختلف

حياه وانا بردو زيها

آدم تمام 

في مكان اقل ما يقال عنه انه رائع كانوا يجلسون كل منهما شاردا في حاله

حياه برقه المكان هنا جميل اوي ياادم 

آدم بابتسامه اهم حاجه انو عجبك وان شاء الله ناجي هنا كتير

حياه بابتسامه يااريت

آدم تيجي نقوم نتمشي شويه

حياه يااريت انا عايزه اقولك كده

آدم بس كده يلا بينا

وقف آدم بهدوء ليهتف انا هقوم اتمشي انا وحياه تيجوا معانا حتي نتفرج علي المكان كويس

اميره لا ياادم احنا هنستناك هنا 

احلام ايوه ياابني روحوا انتو 

آدم تمام شويه وراجع

في مكان رقيق وهادي والمياه تحيطه في جو يخطف القلوب كان يسير آدم هو وحياه فكانت حياه ممسكه بيدها ومستكانه برأسها علي كتفه

آدم المكان دا جميل اوي انا جيت قبل كده كام مره في اجتماعات بس مكنش نفس المكان

حياه وانهي مكان احلي

آدم دا طبعا انا اخترتوا بعنايه كبيره

حياه آه هو فعلا مكان جميل

آدم ولسه اللي جاي معايا هيكون أجمل أن شاء الله 

حياه بحب ياحبيبي طالما هكون معاك ف ان واثقه في كده بإذن الله 

آدم ايه الكلام الحلو دا يديمك ليا ياحياتي

حياه وليا ياحبيبي

لاحظ آدم نهجان حياه ليهتف بتسائل تيجي نقعد شويه نرتاح وبعدين نكمل

حياه تمام

جلسوا امام بحيره صغيره تتزين بلون الماء الأزرق اللامع وبجوارهم الأشجار فشردت حياه لبعض الدقائق

آدم بمشاغبه وهو يحتضنها ممكن اعرف مراتي الجميله سرحانه في ايه

حياه بانتباه ممزوج بحزن مفيش ياادم انا بس خايفه

آدم وهو يقضب حاجبيه باستغراب من ايه ياحبيبتي 

حياه بخوف من شادي دا بني آدم متهور وومكن يفكر يأذيك

آدم متقلقيش ياحبيبتي قل لن يصيبنا إلا ما كتب الله لنا وبعدين هو فاهم اني ظابط يعني هيخاف يقرب مني 

حياه بردو لازم تكون حريص وتخلي بالك من نفسك

آدم حاضر ياحبيبتي

جلسوا لبعض الوقت ثم توجهوا نحو احلام واميره وانتظروا معهم إلي ان هتفت احلام بتعب لا انا تعبت وعايزه اطلع ارتاح

حياه تمام ياماما يلا بينا 

لينتهي اليوم بسلام وتوجه كل منهما لينال قسطا من الراحه

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

في صباح يوم جديد

آدم بدهشان صباح الخير ياجميل

حياه بابتسامه صباح الورد ياجميل 

آدم بتعملي ايه

حياه بجهز علشان انهارده يوم مميز

آدم باستغراب ليه انهارده ايه

حياه افتكر كده 

آدم ٨/٨ ليكمل بتذكر عيد ميلاد ياسين حبيبي

حياه وهي تجلس بجواره وتمسك بيده ودا يوم يتنسي ياسي آدم 

آدم لا طبعا انا اقدر دا حبيبي دا

حياه خلاص اجهز كده ويلا نخرج علشان نقولوا كل سنه وانت معانا ومنورنا

آدم تمام 

بعد دقائق خرج آدم وهو بكامل وسامته ليهتف بمرح جهزت يلا بينا

حياه وهي تنزل إليه بغزل لا بس ايه الحلوه دي 

آدم وهو يدخل يده بين خصلات شعره بفخر طبعا مش متجوز قمر لازم اكون حلو

حياه بعيون تلتمع بالحب انت بجد احلي زوج في الدنيا كلها

ادم وهو يحتضنها وانتي احلي زوجه في الدنيا كلها 

حياه وهي تشدد من احتضانه الواحد بيحس بالأمان معاك

لتكمل بتذكر نسينا ياسين

آدم اه صح يلا بينا

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

في الخارج

آدم وهو يحمل ياسين ويحتضنه بحب كل سنه وانت معانا ياحبيب بابا

ياسين بفرحه وهو يتعلق بعنقه انت فاكر داانا افتكرتك نسيت

حياه وهي تمسك بيده ياسين وتقبله وهو يقدر ينسي بردو عيد ميلادك ياياسين لا طبعا

ياسين بابتسامه طفوليه انا بحبك جدا ياطنط

حياه وانا كمان بحبك ياقلب طنط

آدم لا كده كتير بقا وانا بغير 

ياسين وهو يحتضنه ويقبله في وجنته وبحبك انت كمان يابابا بس طنط حياه طيبه اوي وانا بحبها

آدم بابتسامه وهي كمان بتحبك ياحبيبي

آدم وهو يهاتف احلام واميره التي كانت تتابع هذا وسط دموعها التي تغرق وجهها 

اقترب منها آدم بقلق هاتفا بخوف وهو يحتضنها مالك يااميره

اميره وهي تمسح دموعها مليش ياادم انا بس افتكرت زياد 

آدم وهو يخرجها من بين يديه ويمسح لها دموعها هاتفا بحنان هو اكيد في مكان احسن بكتير ان شاء الله 

ليكمل وبعدين هو اكيد فخور بيك دلوقتي وانتي ماشاء الله بتعتني بابنه ومربياه احسن تربيه

اميره بدموع بجد ياادم انا ام كويسه 

آدم طبعا ياحبيبتي واحسن ام كمان ياقلبي

اميره وهي تحتضنه ربنا يديمك ليا ياحبيبي ياارب 

لتكمل بدعاء وعقبال كده ماتجبولنا اولاد ويتربوا مع ياسين ويقولولي ياعمتو لتبتسم من بين دموعها وكمان خالتو 

آدم ان شاء الله ياحبيبتي دعواتك

ليكمل يااحلى خالتو وعمتو في الدنيا 

اقتربت منها حياه واحتضنتها هي الاخري بشده 

حياه بحب ربنا يباركلك في ياياسين يااحلى ام ياسين في الدنيا كلها

اميره ويبارك فيك ياقلب ام ياسين 

لتكمل بمرح وبعدين بقا هاتيلنا بنت تلعب مع ياسين وبعد كده نجوزهالوا

حياه بكسوف ان شاء الله ياحبيبتي

آدم بابتسامه بتتكلموا في ايه

اميره مفيش بنشكر فيك 

آدم ربنا يستر 

ليكمل يلا بينا هنروح نشتري شويه حاجات 

اميره هناجي معاكم

آدم ايوه طبعا يلابينا 

في احدي المولات

ادم يلا ياحبيبي اختار اللي عايزوا انت وماما وتيتا لازوم العيد ميلاد 

وانا وحياه هنروح نشتري شويه حاجات 

ياسين تمام يابابا

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

في مكان ممتلئ بلعب الأطفال 

آدم بتفكير اشتريلوا ايه 

حياه الألعاب كتير وهو بيحب العربيات

آدم خلاص اشتريلوا عربيه

ليكمل وانتي ياحياه هتشتريلوا ايه

حياه بتفكير هشتريلوا اللعبه دي 

آدم لا حلوه ومميزه كمان وهتعجبوا ان شاء الله 

حياه ان شاء الله ياحبيبي 

لينتهوا ثم يتجهوا إلي مكان تواجد اميره واحلام

آدم بتسائل خلصتوا 

اميره ايوه بس كده كتير

آدم ولا كتير ولا حاجه تعالي نختار التورته 

اتجهوا معه إلي مكان تجهيز الحلويات

آدم وهو يحمل ياسين اختار ياحبيبي التورته اللي تعجبك

ياسين وهو ينظر اليهم بتردد مش عارف 

آدم ليه ياحبيبي 

ياسين عايز اختار تورته علي شكل كارتون

آدم بس كده تعالي

ياسين بدهشه الله ليكمل بابتسامه طفوليه هختار اللي عليها الجميله والوحش

آدم بابتسامه تمام ياحبيبي

ليكمل لو سمحت عايز دي جهزها بقا وانا هكون عند الكاشير 

العامل تمام يافندم

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

امام الشاليه الخاص بهم

آدم بهدوء جهزوا بقا الحاجات دي علشان في فوتجراف جاي كمان شويه 

اميره بجد 

آدم ايوه طبعا وفي بدله كده اشتريتها لياسين علشان تمشي مع العيد ميلاد 

اميره بفرحه طيب هروح انا اجهزوا 

لتكمل حياه معلش ممكن تجهزي الحاجات دي علي ماللبس ياسين

حياه بابتسامه ايوه طبعا متشغليش بالك 

بعد دقائق كان الجو مبهج لتلتقط لهم الصور التذكاريه 

آدم في المنتصف وهو يحمل ياسين وبجواره والدته وخلفه اميره وحياه لتختلف وضعيات الصور 

لينتهي اليوم 

مرت عدة ايام وهم يقضون الوقت بحب وسعاده

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

في يوم جديد

حياه برقه انا مش مصدقه اننا خلاص هنمشي بجد كانت احلي ايام حياتي 

آدم وهو يحتضنها ان شاء الله ياحبيبي هنيجي تاني كتير ونروح اماكن كتير

حياه بابتسامه ان شاء الله 

آدم وكمان الجميله بتاعتنا عندها ثانويه 

حياه بابتسامه متقلقش بإذن الله هيوصل لهدفي

آدم وهو يقبل رأسها ان شاء الله ياحبيبتي انا واثقه فيك

حياه وانا بإذن الله هكون قد ثقتك دي 

لتكمل علي فكره اول مانروح هنظم موضوع الدروس وكمان عايزه اسمع القرآن بقا لان كده متأخرين عن الحفظ بقالنا اسبوع وانا زعلانه جدا

آدم بابتسامه ان شاء الله هنرجع نلتزم زي الاول وكل يوم نسمع جزئيه 

حياه بابتسامه تمام اتفقنا 

آدم تمام يلا نجهز نفسنا علشان نمشي 

حياه تمام

بعد حوالي ساعه

آدم وهو يخرج وخلفه الشنط جاهزين 

احلام واميره ايوه جاهزين 

آدم تمام يلا نتوكل علي الله

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

امام المنزل 

آدم بتعب يااه انا مش مصدق نفسي

احلام ربنا يعينك يابني ويسعدك زي مابتعرف اللي حواليك

آدم وهو يمسك بيدها ويقبلها ويباركلنا فيك ياست الكل

ترجل الجميع الي الداخل

وكان آدم يدخل في الشنط

اميره انا مش قادره هموت وانام

آدم بابتسامه بعد الشر عليك ياحبيبتي 

ليكمل ادخلوا ناموا وانا بردو هطلع ارتاح شويه تصبحوا علي خير 

في الأعلي 

ترجل آدم وهو يحمل شنطه سفرهم ليهتف بتعب انا هدخل انام شويه 

حياه تمام ياحبيبي 

بعد مرور عدة ساعات 

فاق آدم علي رنات هاتفه

آدم بدهشان الووو

الطرف الاخر ايوه ياادم

آدم باستغراب مين

الطرف الآخر الحق حمزه صحبك عمل حادثه واحنا حاليا في المستشفي

انتفض آدم من علي السرير بزعر ليهتف بخوف حمزه طيب هو عامل ايه 

الطرف الآخر في العمليات 

ليكمل وهو يخبره باسم المستشفي

انتفض آدم بخوف وهو يرتدي ملابسه مسرعا 

حياه بخوف خير ياادم في ايه 

آدم بقلق مش عارف حد كلمني وقال ان حمزه عمل حادثه 

حياه بقلق طيب وهو كويس

آدم مش عارف ياحياه مش عارف هو حاليا في العمليات

حياه ان شاء الله خير ياحبيبي متقلقش بإذن الله 

آدم ان شاء الله 

ترجل علي السلالم مسرعا

كانت حياه تراقب تحركاته وقلقه بخوف عليه

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

بعد عدة دقائق 

في احدي المستشفيات ترجل آدم الي الداخل بنهجان

آدم بخوف في الاستقبال في مريض دخل دلوقتي في حادثه اسمو حمزه في انهي طابق

لتخبره احدي الواقفات بغرفه العمليات توجه إلي المكان بخوف من ان يكون اصيب صديقه بشئ ما

آدم بتعب حمزه بخير

ابن عم حمزه انا اللي كلمتك ياادم 

ليكمل هو حاليا في العمليات انا قولت اقولك لاني عارف انكم اكتر من اخوات

آدم هو حصل ايه بالظبط

علي ابن عم حمزه مش عارف هما قالوا انو عمل حادثه والحمد لله اني كنت بكلموا وقدروا يتواصلوا معايا وانا جيت بس لقيتوا دخل العمليات 

آدم وهو يمسح علي وجهه بقلق خير ان شاء الله ربنا معاه ومعانا ويقوم بالسلامه

علي بقلق ان شاء الله 

لياتي إلي آدم رنات هاتفه معلنه عن وصول مكالمه

آدم بحزن ايوه ياحياه

حياه بلهفه وصلت

آدم ايوه الحمد لله 

حياه طيب الحمد لله 

لتكمل طيب وحمزه

آدم بتعب في العمليات ياحياه ربنا يستر وينجيه 

حياه ان شاء الله خير ياحبيبي 

آدم ان شاء الله 

ليغلق معها الهاتف ويجلس علي احدي المقاعد يضع وجهه بين يديه يخفيه ينتظر خروج صديقه من داخل غرفه العمليات

ليقطع شروده جلوس شخص ما بجواره هاتفا بهدوء ان شاء الله خير متقلقش

آدم وهو ينظر بجواره ليري مصدر الصوت المألوف إلي اذنه

آدم بغضب انت بتعمل ايه هنا انا مش قولتلك ابعد عنا انت ايه ارحمنا بقا وسيبنا في حالنا

محمود بنفاذ صبر انت ايه بقا غلطه وندمت عليها قلبك دا ايه

آدم بابتسامه سخريه غلطه اه غلطه واحنا ذنبنا ايه نعاني

ذنبنا ايه نتربي زي اليتمي 

ذنبنا ايه نتحرم من حنان الاب 

ذنبنا ايه نعيش بعقده لحد دلوقتي

ليكمل ماتتكلم ذنبنا ايه  بقا انك جي تحس بذنبك بعد مااولادك كبروا واتجوزوا تقدر تقولي كنت فين لما بنتك اترملت وهي لسه في عز شبابها واللي زيها مكنوش لسه اتجوزوا تقدر تقولي عملت ايه ساعتها دا يمكن كمان مكنتش تعرف 

آدم وهو يزفر الهواء بضيق ابعد بقا وانسانا زي مانسيناك احنا بنعتبرك مش موجود خلاص بقا ابعد ابعد سامعني ابعدددد

محمود بحزن انت قلبك اسود

آدم انت صح انا قلبي اكتر من اسود 

محمود بضيق يعني كده 

آدم ايوه واكتر من كده كمان

محمود .........

آدم بضيق  وهو يمسك باحدي المقاعد من شده التعب من اثر ماسمعه ليهتف بصدمه ايه ....... 

ليخرج الدكتور في هذه الاثناء 

آدم بتعب وهو يتجه نحوه حمزه فاق يادكتور طمني عليه

الدكتور بحزن ...........