رواية مودة ورحمة
الفصل الثامن والتاسع
بقلم موروو مصطفى
تجلس دنيا بجوار رحيق التي دخلت شهرها الخامس وكان التعب قد تمكن منها بقوة وبجوارهم هناء ويجلس على قدمها باهر
اما دنيا فهي تجلس بجوار رحيق ولكنها تعمل على لوحة خاصة بعمل بهاء فهي عندما وجدته يسهر كثيرا في العمل وبعدها يأتي ليجلس بجوار رحيق عرضت عليه مساعدته في العمل ولكن من البيت حتى تكون بجوار رحيق وباهر في البداية رفض ولكن بعدها وافق وكانت رحيق تنظر لها بحب فشعرت دنيا بها فنظرت لها
- مالك يا ورو بتبصي لي كده ليه
- انتي ملاك يا دنيا انتي فعلا دنيا لوحدك انا لو ليا اخت عمرها ما ح تعمل ربع اللي بتعمليه معايا ربنا ما يحرمني منك ياحبيبتي
- ولا يحرمني منك يا روحي وبطلي كلام اهبل ماشي ح اقوم بقى اجيب لك شوية عصير
- لا يادودو مش قادرة
- معلش حبيبتي اشربي شوية بشوية على مهلك يعني
انصرفت دنيا وقامت بإحضار عصير لهم جميعا وبعد قليل سمعت الجرس فنهضت لتفتح فوجدته حسين
- اهلا يا يابتي تعال ادخل ح اجيب لك شوية عصير بقى إنما ايه تحفة لغاية ما يجي بهاء علشان نتغدي
- تسلم ايدك يابنتي وذهبت بتحضر العصير فاستمعت للباب مرة اخرى ولكن حسين ابلغها انه سيفتح فأحضرت العصير وخرجت وهي تحدث ابيها
- عارف يابابا بهاء مبسوط قوي بشغلي عارف لو كنت وقبل ان تكمل
وجدت ياسر أمامها فتجهم وجهها بشدة واغمضت عيناها تاخذ أنفاسها بقوة حتى تهدء وبعدها نظرت له
اهلا يا باشمهندس خير في حاجة نظر لها ياسر فهو توقع حتى أن يرى نظرة شوق في عيناها كما هو مشتاق لها ولكنه لم يجد اي تعبير
- باشمهندس ايه يا دنيا انا ياسر
- ما انا عارفة طبعا باشمهندس ياسر اؤمر
- دنيا انا ياسر ايه باشمهندس دي ممكن نروح شقتنا نتكلم
ضحكت دنيا بقوة ونظرت له
- شقتنا شقتنا ايه يا ياسر شقتنا فيها مراتك إنما دي شقتي انا
- تمام يادنيا ممكن نروح نتكلم هناك
- ليه هنا زي هناك مش فارقه اتفضل قول اللي عايزه بعد اذنك ياماما ح نقعد في الجنب هنا
- حبيبتي بيتك نظرت دنيا لياسر واشارت له بيدها وجلسوا بعيدا قليلاً عنهم وهمست دنيا
- خير يا ياسر
- دنيا انا عارف اني غلطان بس كان غصب عني والله أصل ماما كانت تعبانة قوي الفترة دي نظرت له دنيا شذرا
- بص يا ياسر لو ح نبدأها كدب يبقى مالهاش لازمة القاعدة نظر لها ياسر وهو مذهول من كلامها
- كدب
- ايوه كدب يا ياسر ماهو لما تكدب وتقولي ان مامتك تعبانة والسبب هو أن مراتك حامل ومعتقدش يعني أنك خايف على مشاعري علشان كده مش عايز تقولي ويمكن تكون خايف احسدكم مثلا عموما احب اقولك وتقدر تسأل بابا اول ماعرفت قلت ربنا يهنيه ويسعده يعني عمري ما ح احسدكم ولا ح ادعي عليكم
خجل ياسر من نفسه فكل مرة يحاول ان يداري مصيبته يكتشف انها تعلم الحقيقة فأخفض رأسه للأسفل وهمس
- حقك عليا يادنيا انا عارف اني غلطان بس بجد ربنا العالم انا طلعان عيني وكل يوم تعبانة تعبانة انا اسف يا دنيا
- ربنا يقومها لك بالسلامة وتفرح بابنك او بنتك
- دنيا من فضلك ممكن نروح شقتك عايز اقعد معاكي لوحدنا عايز اضمك لصدري وحشتيني قوي يا دنيتي
- مابقتش دنيتك يا ياسر دنيتك بقت ناس تانية غيري
- ماتصعبيهاش علينا يا دنيا
- انا! انا اللي صعبتها يا ياسر انا
- دنيا انا عارف اني غلط بس انتي قلبك كبير
ضحكت دنيا بقوة حتى التفتوا جميعا إليهم وظلت تضحك حتى انهارت دموعها ونظرت له
- قلبي الكبير ده انت دمرته بأيدك ومش بس كده سمحت لمامتك تدوس عليه بالج زمة يبقى خلاص انسى قلبي الكبير لانه مات وانت اللي قتلته بايدك
اقترب حسين من دنيا واحتضنها مقبلاً رأسها وهمس في اذنها ببضع كلمات فهزت رأسها له فنظر لابنه
- ياسر جي ليه يابني
- جي لمراتي يا بابا
- مراتك اللي هنتها وجرحتها وسمحت لوالدتك تعمل اللي عملته فيها
- يا بابا انا غلط عارف اني غلط غلط كبير قوي بس الحب اللي بيني وبين دنيا يشفع لي غلطي
- الحب اللي انت رميته بطول دراعك اتجوزت عليها بعد ما هنتها انت وامك بيومين وتيجي يوم وعشرة لا واليوم اللي كانت خلاص بتراجع نفسها تسامحك عملت ايه قلت ح توديهم للدكتور وترجع روحت وغبت تقريبا شهر مافكرتش حتى ترفع سماعة تليفون وتعتذر ودلوقتي متخيل انك اول ماتقول اسف تترمي في حضنك
- يابابا انت بتزودها هي ناقصة
- اخرس انا بقول كلمة حق ولعلمك انا ممكن قوي اقولك دلوقتي ماعنديش بنات ليك وطلقها منك
وقف ياسر بغضب ونظر لوالده
- وانا مش ممكن أطلقها يابابا دنيا دي حبيبتي مقدرش استغني عنها
نظرت له دنيا
- واضح فعلا يا ياسر انك ماتقدرش تستغني عني نظر له والده
- بص يا ياسر لما تثبت فعلا ان دنيا دي حبيبتك وماتقدرش استغني عنها ساعتها تبقى تفكر ترجع لك
- ماشي يابابا وانا ح اعمل كل اللي يخلي دنيا تتأكد انها دنيتي انا وبس
ظل ياسر يجلس معهم حتى اتي بهاء وعندما راءه شعر انه سوف يفتك به ولكن اقتربت منه هناء
- اهدي عمك خلاه لف بايده الحبل حوالين رقبته وسيبه له يشده واحدة واحدة
- ايوه يا امي بس دنيا ح تستحمل
- ح تتعب شوية وبعدها ح تبقى زي الفل
- ماشي حاضر لما نشوف
جلسوا جميعا وكان ياسر يحاول ان ينتهز اي فرصة ويلمس يد دنيا ولكنها كانت تبتعد سريعا حتى مضى الليل وفي ذلك الوقت كانت الهام ورانيا يقومون بالاتصال به كل نصف ساعة ولكنه أغلق صوت الهاتف وعندما قرر الانصراف قام بالسلام علي الجميع حتى توقف امام دنيا فأمسك يدها وقبلها بحب ثم رفع رأسه ونظر لها وامسك رأسها مقبلاً اياها وهمس لها
- ح توحشيني لغاية ما اجي لك تاني وحشني حضنك قوي يا دنيتي بس الصبر حلو حبيبتي سلام عليكم
- وعليكم السلام ورحمه الله
انصرف ياسر وجلسوا جميعا ونظر لها حسين
- دنيا من غير لف ودوران حسيتي بأيه لما باس ايدك وحضن راسك بايده
ابتسمت دنيا بحزن
- اقولك يابابا وماتزعلش مني
- قولي حبيبتي
- كنت قرفانة قوي يابابا حسيت اني عايزة اقوم اغسل أيدي ودماغي مكان لمسته قرفانة منه قوي يابابا
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
هبط ياسر وهو يشعر بخواء داخلي بعد تركه لدنيا وجلس في السيارة يحدث نفسه هل كان تأخير حملها يستحق كل هذا هل زواجه من رانيا وحملها يستحق تضحيته بدنيا شعر انه بين شقى الرحي ولكن ماذا يفعل فهو الان بالفعل بين شقى الرحي ويجب عليه أن يفعل المستحيل حتى ترضى عنه دنيا تحرك ياسر بالسيارة متجهاً لمنزله وفور ان وصل وجد والدته تصرخ في وجهه
- انت مافيش فايدة فيك كل ده قاعد عندها ايه ناسي مراتك الحامل ورايح تلزق للزفته التانية هنا لم يتحمل ياسر كلام والدته فصرخ بها
- كفاية بقى كفاية عايزة مني ايه حرام عليكي دمرتي حياتي وهدمتي بيتي هديتي سعادتي مع مراتي وكل ده ليه عنده حق بابا حقدك خلاكي بتدمري كل حاجة حواليكي ارحميني بقى ارحميني مش حققت لك اللي عايزاه وح يجي لك الولد سيبيني بقي
نظرت له الهام بذهول فهو لأول مرة يصرخ بها هكذا
- انت بتزعق فيا انا بالشكل ده وعلشان مين علشان الهانم طيب ايه رايك بقى اني مسيري اخليك تطلقها وترميها زي الكلبة وأما اشوف انا ولا هي
- مش ح يحصل عارفة يعني ايه مش ح يحصل وتركها ودخل الي غرفته فوجد زوجته نائمة فتأفف منها وابدل ملابسه ونام معطياً اياها ظهره.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
في صباح يوم الجمعة يقوم حسين بالاعتناء بالحديقة كعادته أسبوعيا وترافقه هناء وهي تجلس أمامه وتقوم بعمل القهوة على السبرتاية وهم يضحكون و يتذكرون الايام الماضية وكلا يحكي عن ذكرياته وضحكاتهم تعلو الي عنان السماء فقد اقتربوا من بعضهم بسبب ماحدث مع دنيا وأصبحوا دائما ما يمضون اوقاتهم سوياً فقد شعرت هناء ان حسين يقف كالجدار الحامي لدنيا أمام ابنه واحست انه شخص حنون لأقصى الدرجات وسند لهم جميعا اما حسين فقد شعر بأمومة هناء وحنانها عليهم جميعا وشعر انها انسانة رقيقة وجميلة من الداخل والخارج كما انها تتحول إلى وحش كاسر عندما يقترب احد من أولادها الثلاثة
وفي الأعلى تجلس دنيا ورحيق وهم ينظرون لهم بحب وفجاءه تضحك دنيا وهي تنظر لرحيق وتشير الي من هم بالأسفل
- بت يارورو شايفة جوز الكناريا دول فتضحك رحيق بقوة
- ياختاااااااااااااي ده الحب ولع في الدرة بس هما مش دارين بقولك ايه يابت يادودو ماتيجي نعملهم مؤامرة ونجوزهم لبعض قبل فضيحتهم ماتكبر واهو يابخت من وفق راسين في الحلال فيضحك الاثنان بصوت عالي فيلتفت لهم حسين وهناء ويتحدث حسين
- أيه يابنات قاعدين كده ليه وبتضحكوا على ايه فتصيح دنيا
- مافيش ياحجوج احنا بنعمل مؤامرة على اتنين حبايبنا علشان ح نلبسهم في الحيطة تشترك معانا
- يامجرمة انتي وهي بتتأمروا على مين ياعيال فتضحك رحيق وتنظر لهم
- لم تكبروا شوية ياحجوج ح نقولكم انتم لسه صغنتاتين
فتشعر هناء بالخجل من كلامهم وتنظر لهم ووجهها يتحول للون الأحمر فتضحك دنيا بقوة وتنظر لها
- هنوءه احبك وانتي محمره كده فيلتفت حسين وينظر لها فيشعر بخجلها وكأنها فتاة في مقتبل العمر فيتنفس بقوة وهو يهمس لها
- ماشاء الله عليكي يا هناء كأنك أصغر من العيال دي وكانت تلك اول مرة ينطق فيها حسين باسمها منفرداً فيزداد خجلها وتتركه وتصعد للأعلى
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
مضت الايام وكان ياسر يذهب كل يومان الي دنيا محاولاً استمالتها له حتى ترضى عنه وكان كعادته كل شهر يعطي لها ظرف بالمصروف حتى مر شهر على تلك الحالة كانت دنيا اول مرتان ثلاثه تقابله بفتور يفوق الوصف ولكن بعد مرور اكثر من اسبوعان بداءت تبتسم في وجهه تصنع الطعام الذي يحبه بدء يشعر مرة اخرى بدفء الأسرة رغم عدم سماحها له بالاقتراب منها حتى مر ثلاث اسابيع وكانت الهام ورانيا يحاولون ان يشتتوا انتباهه عن دنيا ولكن هيهات حتى تأمروا سويا ومعهم طبيبة صديقة لرانيا جعلوها تخبر ياسر ان رانيا مهددة بالسقوط لعدم راحتها النفسية فعاد ياسر مرة اخرى لأهمال دنيا وبعد أن كان يذهب بنفسه ليعطيها مصروفها ارسل لها في ذلك اليوم ساعي من عنده بالظرف ومرفق معه خطاب يعتذر لعدم الحضور لظروف قاهرية فأخذت الظرف ووضعته مع رفقاءه فهي لم تصرف يوما من ماله منذ تركته مضى على تلك الحالة مايقرب من شهران كانت تتفنن فيهم رانيا برسم الدلع الشديد على ياسر فجعلته ينسى تماما دنيا حتى انتبه في يوم انه مر مايقرب من شهران لما يراها وقليلا مايحدث لها فاستاذن باكرا من عمله حتى يذهب لها دون معرفة رانيا وفور ان صعد لها وفتحت ووجدته أمامها نظرت له نظرة شعر منها ان كل شئ انتهى بينهم وعندما حاول التحدث وجدها تتحدث له دون أن تغلق الباب عليهم
- جي ليه يا ياسر عايز مني ايه تاني ممكن تفهمني
- دنيا انا انا مش عارف اقولك ايه بس
- من غير بسبسه يا استاذ ياريت تقصر وتقولي جي ليه هنا
- يعني ايه يادنيا ليه طريقتك دي انتي ناسية انا مين ولا ايه انا جوزك ياهانم ضحكت دنيا بقوة وهي تنظر له
- جوزي من امتى يابيه قال جوزي قال شكلك فاهم الجواز غلط يابيه انا مش قاعدة حطه أيدي على خدي ومستنية حضرتك تتكرم عليا بزيارتك لا يا ياسر انا نسيت خلاص ان ليا جوز جوزي اللي اتجوزته وكان حياتي وكنت حياته انتهى مات زي كل حاجة حلوة بينا ما ماتت وانت السبب انت اللي موت كل حاجة ليك عندي انت خلاص مابقتش فارق ولا بقيت بفتكرك
شعر ياسر بالإهانة من كلامها وهي تصرخ به بتلك الطريقة فوجعته كرامته ورغب ان يكسرها مرة اخرى علها تفيق
- ماتفتكريش اني جي علشان سواد عيونك لا انا بس جي اديكي المصروف علشان تمشي امورك انا اصلا مش فاضي لأنزحتك الفارغة دي ولولا انك متعلقه في رقبتي ماكنتش جيت مرتي وابني اولا باهتمامي اخيرا ح ابقى اب محتاج وقتي لهم نظرت له دنيا وهي تبتسم ظاهزياً ولكنها بداخلها تشعر بالموت البطئ واقتربت من الكونسول الموضوع بجوار الباب واخرجت منه كل الاظرف التي كان يعطيها اياهم والقتهم في يده
- لو انت فاكر اني محتاجة فلوسك تبقى غلطان لو انت اني متعلقه في رقبتك علشان ياحرام ح اشحت لولاك تبقى غلطان وخيالك وسع منك قوي ولا نسيت نفسك ياباشمهندس ونسيت انا مين وعملت ايه معاك لا يابيه انا مش محتاجة منك حاجة ولا محتاجاك اصلا انت وجودك عندي زي عدمه فاهم
شعر ياسر برغبة في الفتك بها لاهانته بتلك الطريقة فهي دائما ما كانت تتعامل معه دون تجريح او اهانة وعندما اقترب منها استمع لصوت والده يأتي من خلفه
- فكر تعمل حاجة كده ولا كده و ح تشوف مني اللي عمرك ماشفته ماشي دلوقتي خليك راجل لمرة واحدة في حياتك وطلق دنيا انت ماتستهلش ضفرها خليك مع اللي اخترتها سامع يا ياسر شوف انا كنت بقول لدنيا من اول ماسابت البيت يابنتي بلاش انتي تطلبي الطلاق خليكي باقية للآخر لكن دلوقتي يا ياسر لو مطلقتش دنيا ح اخلي اللي ما يشتري يتفرج عليك وابقى فرجني ح ترفع راسك في الشغل ازاي غور من هنا يالا مش عايز اشوف وشك غور
انصرف ياسر من أمامهم ودخل سيارته وهو لا يعرف ماذا يفعل فقد اهانته زوجته واهانه والده واتصلت والدته فقص عليها كل شئ فابتسمت وانتهزتها فرصة
- ماتزعلش نفسك ياضنايا انت فين حبيبي انا في الشارع بشتري طلبات انت فين وانا ح اجي لك وبالفعل ابلغها ياسر اين هو وذهبت له فورا وظلت تتحدث معه حتى اقنعته بالفعل بتطليق دنيا فبما انها اهانته هكذا فستسحيل العشرة بينهم مرة أخرى وبيته الان أولى بأمواله وظلت توسوس له حتى ذهب معها للمأذون وقام بتطليق دنيا غياباً وطلب من المأذون ان لا يرسل لها قسيمة الطلاق على يد محضر ولكن هو سيأتي بنفسه لإستلامها واعطاءها لها وخرج سريعاً ونظرت الهام للمأذون وعطته مبلغا من المال وطلبت منه فور صدور القسيمة ان يبلغها هي ووافق المأذون وتركته وخرجت خلف ابنها
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
تجلس رحيق مع دنيا وهم يتهامسون سويا ماذا يفعلون حتى يستطيعوا الجمع بين حسين وهناء فتحدثت دنيا
- بقولك ايه يا رورو انا ح اكلم حجوج وانتي كلمي هنوءه ايه رايك
- والله فكره يا دنيا
- طيب بصي هو دلوقتي تحت جه من الشغل ح اغير اكيد ويطلع ح الحقه قبل مايطلع وانتي اتكلمي مع ماما ماشي
- ماشي يالا انزلي قبل ماتقفشك وتفتح لك محضر تحقيق
- اوك سلام مؤقت
نزلت دنيا الي الطابق الأسفل وقامت بطرق الباب ففتح اها حسين فهو كان يستعد للصعود لهم وعندما وجد دنيا أمامه فزع ونظر لها بقلق
- مالك يادودو فيكي حاجة يابنتي
- لا يابتي بس عايزة استفرد بيك على انفراد
- ماشي ياستي تعالي استفرد براحتك انا مستعد اهو
- بابا اتكلم بصراحة ودوغري ولا الف وادور
- ومن امتى انا بحب اللف والدوران يا مجرمة
- بص يابابا ياحبيبي دون مقدمات كده ح اسألك وانت تجاوب
- اممممممم ده تحقيق بقي
- لا يا بابتي مش تحقيق ولا حاجة بابا هو حضرتك ممكن ترجع طنط الهام في اي وقت تجهم وجه حسين
- ليه السيرة الهباب دي يا دنيا انتي جاية تعكنني عليا
- لا ياحبيبي ابدا انا جاية في مصلحة حلوة يس لازم اطمن الأول
- ماشي يا دنيا لا ياستي مش ناوي ارجع الست ام ياسر هي بالنسبة لي انتهت من زمان ومن قبل طلاقها بكتير بس كنت مستحمل واقول ربنا يهدي لكن خلاص بقى انتهى
- طيب حلو عظيم ميه ميه
- هو ايه اللي حلو وعظيم وميه ميه ماتنطقي يابت
- بص ياسي بابا انا والست رورو هانم كعب الغزال ملاحظين كده والله اعلم ان في عصافير كده بتحلق فوق راسك انت وماما هناء
ارتبك حسين قليلاً وبعدها نظر لدنيا
- قصدك ايه يابنت
- بصراحة بقى يابابا احنا شايفين ان طالما حضرتك لوحدك وماما هناء كمان لوحدها وبما انكم مندمجين مع بعض ليه لا لما تعيشوا سوا الباقي من عمركم ونس لبعض وصحبة حلوة ابتسم حسين ابتسامة جميلة تدل على موافقته فنظرت له دنيا ايه رايك يابابا
- دنيا يا بنتي شرف ليا طبعا ان الست هناء ترضى تتجوزيني لكن تفتكري ح توافق ابتسمت دنيا
- زمان رورو فوق عاملة عليها حصار ماهو انا استلمتك وهي استلمت هنوءه ودلوقتي ح ابعت لها إشارة انك موافق ونستني نشوف رائ العروسة الحلوة ياختاااااااااااااااااي انا مبسوطة قوي ضمها حسين لأحضانه وقبل رأسها
- ياحبيبتي يا دنيا ربنا يسعدك ياحبيبة ابوكي
ارسلت دنيا علامة 👍 لرحيق دليل موافقة حسين
جلست رحيق هي أيضا مع هناء وأخذت تتحدث معها مثلما تحدثت دنيا مع حسين في البداية اعترضت كيف تتزوج بعد هادي فأخبرتها رحيق ان الحياة لا تقف على شخص وانها رفضت الزواج فترة طويلة جدا ولكن الآن هما يحتاجان فقط الونس والصحبة الحلوة وعادت تعترض هل يصح زواجهم في مثل هذا العمر فأخبرتها رحيق ولما لا فهم لا يفعلون حرام وتحت إلحاح رحيق وافقت هناء فهي كانت تشعر بميل ناحية حسين ولكنها كانت تقاوم ذلك الاحساس وعندما وافقت ارسلت رحيق لدنيا 👍 دليل موافقتها وفور ان رأت دنيا موافقة هناء قامت بإطلاق الزغاريط واتصلت ببهاء واخبرته حتى يحضر معه المأذون بعد أن أخبرته بكل شئ فضحك عليها وعلى رحيق ومافعلوه سويا واخبارها انه سيحضر حالاً حتى يهندم العريس ويبلغ المأذون ان يحضر في المساء
وبالفعل اخذ بهاء حسين للحلاق وصعدت دنيا الي هناء ومعها رحيق وظلوا يضحكون وهم يطلقون الاغاني والزغاريط حتى حل المساء وتم عقد قرانهم ولأول مرة يبيت حسين مع هناء وتتركهم دنيا وتذهب لشقتها رغم الحاحهم للبيت معهم ولكنها رفضت وانتهت الليلة بسعادة طاغية ولكنهم لا يعرفون ماذا يخبئ لهم الغد
البارت التاسع 🌹
بعد أن قام ياسر بتطليق دنيا غيابياً وأخبر المأذون انه سوف يأتي لأخذ القسائم تفننت رانيا والهام في أشغال ياسر تماما عن موضوع المأذون حتى يتسنى لألهام ان تخبر المأذون ان يسلم القسيمة على يد محضر وبالفعل عندما انتهت القسائم اتصل بها المأذون وابلغته بذلك... وعندها ابلغها ماذا يفعل اذا اتي له ابنها فأخبرته انه لن يأتي قريبا واذا اتي له بعد مدة يخبره انه عندما تأخر قام هو بإرسالها وبالفعل نفذ المأذون ما طلبته منه الهام
بعد مرور اسبوعان منذ نزول ياسر من عند دنيا وذهابه الي المأذون وقيامه بتطليقها كانت دنيا تجلس في شقتها ومعها هناء ورحيق وباهر يلعب أمامها وهي تقوم بتصميم بعض الديكورات الخاصة بالعمل مع بهاء وفجاءه رن جرس الباب فنهضت لتفتح الباب فوجدت أمامها محضر من القسم
- ايوه
- عايز مدام دنيا الالفي
- انا حضرتك
- اتفضلي استلمي الورقة دي ووقعي على الدفتر ده نظرت له دنيا باستغراب وهمست
- امضي على ايه حضرتك مش لازم اعرف وهنا جاءت بجوارها هناء وهي تهمس
- في أيه يا دنيا
- معرفش ياماما بيقولي امضي واستلمي الورقة دي ولسه بسأله ورقة ايه دي رد المحضر
- انا اسف دي قسيمة طلاق حضرتك من المدعو ياسر حسين
شهقت هناء وهبطت دموعها اما دنيا فوقفت في ذهول لدقيقة ثم تماسكت وابتسمت للرجل
- هات حضرتك وامسكت الدفتر و مضت على استلام قسيمة الطلاق وأخذت الورقة منه واغلقت الباب وجلست مكانها تكمل عملها ورحيق وهناء ينظرون إليها بذهول وعندنا حاولوا محادثتها ابلغتهم انها يجب أن تنتهي من العمل الذي معها سريعاً فنهضت هناء فورا واتصلت بحسين الذي فور ان رأى اتصالها ابتسم ورد فورا
- أهلاً ياهنا قلبي
- حسين الحقني انتفض حسين واقفاً وهو يستمع لصوتها الباكي
- في أيه يا هناء طمنيني رحيق تعبانة
- لا يا حسين مش رحيق دنيا يا حسين دنيا بنتي ابنك مش كفاه اللي عمله وقاله لها باعت لها ورقة طلاقها على ايد محضر والبنت من ساعتها ساكته بتشتغل وساكته انا خايفة عليها قوي ياحسين
كان حسين في صدمة فور ان استمع لما قالته هناء فأخذت تنادي هناء عليه حتي رد مؤخرا
- روحت فين ياحسين
- حقك عليا ياهناء حقك عليا حبيبتي انا جي حالاً
- ح استناك ماتتأخرش
- مسافة الطريق خليكم بس جانبها
- حاضر ياحسين حاضر
اخذ حسين متعلقاته ونزل سريعاً وركب سيارته متجهاً للمنزل وصعد سريعا ودخل فورا متجه لأبنته التي وجدها لا زالت تعمل على جهاز اللاب توب فأخذه من أمامها فأنتفضت
- أيه يا بابا ده خضتني في ايه حبيبي احتضنها حسين بقوة وهو يهمس لها
- ابكي عيطي صرخي بلاش تسكتي كده ياقلب ابوكي
رفعت رآسها من صدره وابتسمت له بحزن
- وابكي واعيط واصرخ ليه يا بابا تفتكر يستاهل
- لا ياقلبي مايستهلش بس لازم تخرجي اللي جواكي حبيبتي
- مافيش حاجة جوه يابابا غيركم وشغلي هو انتهى بجميع المقاييس حتى ماحترمش لحظة حب واحدة بينا وجه اتفق معايا وروحنا للمأذون سوا لا طلقني غيابي علشان يجي المحضر والناس كلها تعرف اني أطلقت بالطريقة دي بس هو حمار لو فاكر انه كده اهني لا غلطان هو هان نفسه وهان كرامته والناس كلها شافت اللي عمله معايا والحمدلله اني اخيرا خلصت منه ومن حقارته اسفة يابابا ماتزعلش مني
احتضنها حسين وقبل رأسها بحنان
- اسفة على ايه وازعل من ايه ده بني آدم عمري ما ازعل عليه بكره يندم صدقيني بكره يندم المهم انتي عندي
- انا زي الفل يا بابا ماتقلقش ماتقلقوش عليا طول ما انتم جانبي ماتقلقوش عليا انا زي الفل صدقوني ياسر خلاص مابقاش في حاجة بيعملها بتوجعني من يوم ما قال اللي قاله اخر مرة وهو مات خلاص جوايا وبقي ولا فارق معايا
نظروا لها جميعا وابتسموا لها ووقف حسين وهو يقترب منها
- ادخلي غيري هدومك وتعالي معايا
- على فين يابابا
- على الشهر العقاري عايزك تعملي توكيل للمحامي بتاعي
- ليه يابابا خير في ايه
- الحمار الغبي طلقك غيابي وانا عارف ان وراء كل ده الحرباية امه ونسيوا ان ليكي مؤخر كبير ونفقة وانا بقى مش ح اسيب قرش صاغ لهم وح ابهدله ولولا الحرمانية كنت رفعت عليه قضية تبديد عفش كمان
- بابا انا مش عايزة منه حاجة
هنا وقفت هناء ونظرت لها بغضب
- بقولك ايه يا بت انتي قومي انزلي مع ابوكي احسن وربنا اكون مكسراكي النهاردة انا عمري ما مديت ايدي على حد فيكم انتم التلاتة لكن النهاردة لو ماعملتيش اللي بيقوله ابوكي ح ارنك علقه ماحصلتش
ضحكوا جميعا وهمست رحيق
- قومي يابت اعملي اللي بتقولك عليه احسن دي ممكن تاكلنا قومي يخيبك والله لولا اني خلاص مش قادرة كنت ضربتك انا يالا قومي انجري بعدين تتعلقي ضحكت دنيا بقوة
- طيب طيب قايمة اهو اهدوا على حالكم ثواني يابابا وراجعه
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
اما فى مكان أخر وفى بلد اخرى تعيش يمني اخت ياسر في دبي مع زوجها وأولادها وكانت دائمة الاتصال بدنيا للاطمئنان عليها
مؤخرا بدءت يمني تلاحظ تأخر زوجها كثيرا عن موعد دوامه المعتاد وحجته دائما أن ضغط العمل كثيرا جدا والان بدءت تلاحظ خروجه حتى في أيام الإجازات وأصبح لا يجلس معهم كثيرا بعد أن كان فور ان يخرج من العمل يأتي لهم سريعا فهو كان يعشق الجلوس مع زوجته وأولاده اما الان فيراهم قليلاً جدا وأصبح يتعارك مع يمني على اتفه الأسباب خاصة إذا جاءت له سيرة تأخره في العمل ومنذ فترة وجدته يعود من الخارج وهو مرهق ومجهد وبالتالي حتى علاقتهم الحميمية أصبحت تحدث كل فترات طويلة رغم استعداد يمني دائما لاستقباله الا انه أصبح لا يراها فقررت اليوم انتظاره حتى تعلم مابه وبالفعل انتظرته الي ان عاد وفور ان دخل اتجه لها مقبلاً رأسها
- ازيك حبيبتي عاملة ايه
- الحمدلله حبيبي انت عامل ايه
- تعباااااااااااان جدا
- وبعدين يا أمير
- وبعدين ايه حبيبتي
- وبعدين في اللي انت فيه ده انت بعدت عنا خالص لا بقيت بترجع زي الاول ولا بتقعد معانا ولا بتقعد مع الاولاد وتخرجهم زي زمان حتى علاقتنا بقت كل فين وفين وكمان اتغيرت عن زمان انا مضايقاك في حاجة مقصرة في حاجة فهمني
ارتبك أمير قليلاً وشعر بالتوتر فأحتضنها بيده
- لا حبيبتي انتي زي الفل انا بس اللي الشغل زاد عليا قوي وعلشان كده مجهد عارف اني مقصر معاكي ومع الاولاد بس ان شاء الله فترة وتعدي
- بس الفترة طولت قوي يا أمير انت بقى لك كام شهر على الحال ده وانا خلاص مابقتش عارفة اعمل ايه
انتفض أمير من مكانه هروبا منها
- وبعدين بقى يا يمني انا زهقت كل شوية تشتكي تشتكي هو انا يعني بعمل كل ده لمين هاري نفسي في الشغل علشان خاطر مين مش علشانكم
نظرت له يمني والدموع تترقرق في عيناها فهي لم تتحدث معه قبل ذلك
- انا زهقتك يا أمير انا بشتكي انت بتكلم عني انا وبعدين هو انا حملتك اكتر من طاقتك في حاجة علشان تقولي بشتغل علشانكم تمام يا أمير عندك حق عن اذنك
جاءت يمني لتنصرف وشعر أمير انه انفعل اكثر من اللازم عليها فحاول ان يمسك يدها فوقفت تنظر له ودموعها تتساقط
- عايز تقول حاجة تانية يا أمير
شعر أمير بألم لما فعله بها فهي تتحمله كثيرا ولكن ماذا يفعل فنظر لها بحزن
- مش عايز حاجة تانية يا يمني بس انتي اللي نرفزتيني استحملي شوية حبيبتي
- استحمل! استحمل ايه اكتر من كده ممكن تفهمني اخر مرة قعدت مع ولادك امتى يا أمير اخر مرة حتى اتغديت معاهم امتى طيب آخر مرة خرجتهم يمكن بقى لك اكتر من ٤ شهور وانا ساكته طيب انت فاكر اخر مرة كنا مع بعض امتى يا أمير بعد ماكنت مابتبعدش عني يوم بقى ممكن يعدي شهر وحتى بعدها لما بيحصل بقيت واحمر وجهها وزادت دموعها ونظرت له مش ح اتكلم مش ح اقول عن اذنك
تركت يمني أمير وانصرفت الي غرفة ابنتها واغلقت خلفها الباب بالمفتاح وتركته هو بالخارج فجلس مكانه واخذ يفكر فيما قالت واكتشف ان كل ما قالته حقيقة فهو الان في دنيا اخرى غيرهم... واخذ قلبه وعقله يتحاوران حتى انتصر عقله وهو يهمس له ايه المشكلة لما تنبسط لك شوية وبعدها ح ترجع لها تاني وتقبل هذه الفكرة التي جاءت على هواه وانصرف الي غرفته ونام
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
ذهبت دنيا مع حسين الي المحامي الخاص به بعد أن قامت بعمل توكيل له وقصت عليه كل شئ طلب حسين منه سرعة العمل والضغط بقوة على ياسر بكل الطرق حتى تحصل دنيا على كل مستحقاتها فنظر له المحامي بذهول
- يعني حضرتك موافق ترفع قضية على ابنك
ضحك حسين ونظر له
- انا دنيا هي اللي بنتي ياسر ده خلاص انتهى من الوجود بالنسبة لي كأبن وبالنسبة لدنيا كزوج
- تحت امرك يا حسين انت تؤمر بس انت عارفني
- وعلشان كده جيت لك يا سليمان عايزك تبهدله وتوريه العين الحمراء عايزه يتأدب
- عيوني ليك يا حسين سيب الموضوع عليا
- وانا واثق انك تقدر يالا ابقى واليني بالاخبار
- تمام متفقين
- ماشي مستني الاخبار يا سليمان سلام عليكم
- وعليكم السلام ورحمه الله وبركاته
انصرف حسين مع دنيا وذهب بها إلى كافيه على النيل وجلسوا سويا ونظر لها
- دنيا حبيبتي انا وانتي لوحدنا اهو طلعي كل حاجة جواكي انا عارف انك خايفة على رحيق وهناء
- بابا انا فعلا خايفة على ماما ورحيق لكن صدقني ياسر فعلا من يوم ما جرحني اخر مرة كان فيها عندي وهو انتهى من حياتي تماما ومش ح ادعي عليه لكن فوضت أمري لله انا كويسة ماتقلقش عليا يابابا بس قولي بقى ياعسل انت ايه رايك مبسوط مع هنوءه
ضحك حسين وهو يضربها على يدها برقة
- يامجرمة بس عارفة يا دنيا بيني وبينك اول مرة احس اني متجوز ومعايا ست تصدقي بالله انا من ساعة جوازي من الهام عمري ماحسيت اللي حسيته مع هناء احساسي معاها مايتوصفش هناء دي ست ماحصلتش يا دنيا
وضعت دنيا يدها على يد حسين وابتسمت بحب
- حضرتك تستاهل كل خير يا بابا وماما هناء كمان ربنا يسعدكم يارب
- ويسعدك حبيبتي ويوفقك للخير كله
- ربنا مايحرمني منكم يابابا انت وماما
- ولا يحرمنا منك ياقلب ابوكي انتي
جلس الاثنان معا لفترة من الوقت وهم يتحدثون سويا ويضحكون معا حتى نهضوا ليذهبوا الي المنزل مرة اخري
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
مر يومان بعد كلام يمني مع أمير وفوجئت به يعود مبكرا من العمل فتخيلت ان كلامها قد أثر فيه فجاءت لتبتسم ففوجئت به يخبرها ان تقوم بتحضير شنطة ملابس تكفيه اسبوع لسفره في مأمورية تابعه للعمل فأختفت أبتسامتها ونظرت له بحزن ومضت من أمامه لتحضر له شنطته وبالفعل قامت بتحضير الشنطة وقام هو بأخذ حمام وتغيير ملابسه واقترب من أولاده وقبلهم ووقف وقبل راس يمني ووعدها ان يتصل بها وانصرف وجلست يمني مكانها والدموع تترقرق في عيونها وهي تنظر لاولادها بحزن على شعورهم بفقدان الاب بهذا الشكل
مر ٣ ايام على سفر أمير وفوجئت يمني بهاتف من عمل أمير
- سلام عليكم
- وعليكم السلام مدام أمير اسف للازعاج حضرتك بس أمير واخد اجازة من ٣ ايام لمدة أسبوع ومكتبه مقفول على ورق مهم ومش عارف اوصله على جواله فيكي تبلغيه ضروري يجي المكتب
كانت يمني تشعر ان هناك دلو من المياه الباردة قد سقط على رأسها وانتبهت لكلام الرجل
- حاضر ح أبلغه
- شكرا مدام سلام عليكم
- وعليكم السلام ورحمه الله
اغلقت يمني الهاتف وهي تشعر بخنجر يضرب صدرها بقوة فأخذت تبكي وتبكي على حالها فزواجها قد خدعها بقوله انه سافر في مهمة عمل وهو في اجازة وبعد أن هدءت قليلا قامت برفع الهاتف واتصلت عليه ورد هو سريعاً
- اهلا يا يمني ازيك حبيبتي
- اهلا يا أمير ايه الاخبار فينك دلوقتي
ارتبك أمير قليلا وهمس
- ح اكون فين يعني يا يمني في الشغل حبيبتي
- اممممممممم في الشغل طيب المهم الشركة عندك اتصلت هنا علشان تليفونك مش متاح وفي ورق مهم انت قافل عليه المكتب وهما عايزينه كلمهم وشوف ح تعمل ايه
هنا شعر أمير انه قد غرق في مصيبه ولكن يمني لم تعطه فرصة للرد واغلقت الهاتف بحجة ان بنتها ترغب في دخول الحمام
ظلت يمني تفكر أين هو وماذا يفعل حتى قررت أن لا تواجهه بما علمت انه كان في اجازة حتى تراقب أفعاله وتعلم ماذا يفعل
وبالفعل بعد يوم واحد وجدت زوجها يعود فجاءه رغم ان الاسبوع لم ينتهي وفور ان دخل احتضنها بقوة
- وحشتيني قوي حبيبتي نظرت له يمني وهي تمثل الابتسام
- وانت كمان يا أمير بس ايه المفاجأة دي رجعت قبل الاسبوع مايخلص يعني
- ابدا حبيبتي بس خلصت معظم الشغل المهم وسيبت الباقي لزميلي وقلت ارجع علشان الورق المقفول عليه بدل مايحصل مشكلة
- اممممممم طيب حمدلله على السلامة تحب احضرلك الاكل
- لا حبيبتي اكلت انا جعان لحاجة تانية خالص ونظر لها وهو يغمز لها فتصنعت الحزن
- معلش حبيبي انا اجازة
- اجازة بس ده مش وقتها فنظرت له بالفعل بحزن
- ماهي اتغيرت من ٤ شهور بس انت ماخدتش بالك يا أمير معلش معذور ضغط الشغل
- انا اسف حبيبتي ان شاء الله كله ح يبقى كويس زي ماقلت لك فترة وح تعدي اكيد ادعيلي
- ربنا يقويك يارب
- تسلمي حبيبتي
دخل أمير غرفتهم وقام بعمل هاتف سريع ثم نام وبعد فترة دخلت يمني فوجدته نائم فأمسكت حقيبته لتفرغها وفتحتها وهي تخرج ما بها وجدت بها ماجعلها كادت تصرخ لولا انها حجمت صوتها ودموعها تهبط بغزارة فقد وجدت ملابس شخصية حريمي فتماسكت واعادت كل شئ لمكانه وخرجت من الغرفة مرة اخرى وجلست بالخارج حتى نهض أمير من النوم ووجد حاله ينام وحيدا فخرج من الغرفة فوجد زوجته تنام علي الأريكة فإيقظها ففتحت عيناها ونظر لها فوجد عيونها حمراء بشدة
- مالك حبيبتي في ايه
- تعبانة شوية بس معلش مش قادرة اقوم ممكن تسبني نايمة
- نامي حبيبتي ولا يهمك
عاد مرة اخرى الي الغرفة وفتح حقيبته حتى ياخذ منها شيئا فلفت نظره الملابس الموضوعة بها فارتبك بشدة واخذها سريعا ووضعها في حقيبة الكمبيوتر الخاصة به وهو يتنفس ان زوجته لم تفتح الحقيبة بعد وارتدي ثيابه وخرج مقبلا زوجته واخبرها انه ذاهب للعمل
وفور ان خرج أمير من المنزل قامت سريعا من مكانها ووضعت العباءة عليها سريعا وخرجت وركبت سيارتها وسارت خلفه فوجدته ذهب للعمل فانتظرت بعيدا قليلاً حتى لا يراها وقامت بالاتصال ب جارتها حتى ترعي أولادها لحين عودتها وظلت منتظرة و بعد ساعة وجدته خرج من الشركة وركب سيارته واتجه في طريق اخر غير طريق بيتهم وفجاءه وجدته يركن سيارته وينزل أمام ناطحة سحاب فركنت سيارتها واتجهت الي حارس الأمن
- سلام عليكم اخي
- وعليكم السلام اختي اؤمري
- من فضلك اخي الاستاذ أمير ساكن في الدور الكام
- العاشر
- طيب ممكن استسمحك تطلع معايا ماينفعش اطلع له وهو لوحده
- لا حضرتك اطلعي عادي مراته موجوده فوق شعرت يمني وقتها انها سوف تنهار ولكنها تماسكت وتصنعت الابتسام
- طيب اخي ح أركن السيارة و اجيب حاجة من السيارة واجي
انصرفت يمني وركبت سيارتها وابتعدت قليلاً وانهارت في البكاء حتى شعرت ان قلبها سيتوقف وأخذت تحدث نفسها
- متجوز عليا يا أمير بعد كل ده طيب انا عملت لك ايه قصرت معاك في ايه علشان تعمل فيا كده تحرمني وتحرم ولادك منك علشان تعيش حياتك انت طيب كنت صارحني وسيبني اختار اااااااااااه ياخسارة ياخسارة
تنبهت بعدها انها يجب أن تتصرف سريعا فعادت سريعا للبيت وفي الطريق اتصلت بالمطار لتحجز طائرة سفر إلى مصر لها ولاولادها ولحظها وجدت بالفعل طائرة بعد ثلاث ساعات فجرت على المنزل وقامت بتحضير شنطة سفر لها ولأولادها ووضعت بهم ملابسهم وذهبها واخذتهم واتجهت للمطار بعد أن كتبت خطاب لأمير ووضعته على الفراش وبالفعل ركبت الطائرة المتجه الي مصر
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
وفى احدى شقق تلك ناطحة السحاب وبالتحديد الدور العاشر يجلس امير مع امرأة اخرى وهم في حالة غرامية شديدة فتلك المرأة تستنفذه تماما ولذلك لم يعد يستطيع الاقتراب من يمني واذا اقترب ينتهي كل شئ سريعا فهو مستنفذ تماماً وبعد أن انتهوا استلقي أمير على الفراش وتلك المرأة التي تدعي بيريهان تقترب منه مرة اخرى بدلال ويدها تتحرك على سائر جسده فأمسك يدها ونظر لها
- كفاية يابيري كده مش معقول في واحدة لها حقوق عليا انا حرمها منها بقى لي فترة وحتى لما بيحصل حاجة بقيت مابقدرش وهي حست وانا مش عايزها تعرف حاجة انتي عارفة كويس الا يمني
- يوووووووه بقى يا ميرو الا يمني الا يمني ما انا مراتك انا كمان وشوف بقى هي عاشت معاك قد ايه
- بيري وبعدين معاكي انا من الاول قلت يمني حبيبتي مقدرش اوجعها واظن كفاية كده بقى
- حبيبي انا بحبك قوي ومش بقدر ابعد عنك غلط انا
- ماغلطيش حبيبتي بس انا برضه محتاج اكون مع يمني حقها يا بيري ماتصعبيهاش بقي
- ماشي حبيبي انا مايهمنيش الا رضاك يا روحي
- تسلمي لي حبيبتي انا دلوقتي ح اقوم علشان اروح لهم مرة بدري
- ماشي حبيبي بس طمني ماشي ولو قدرت تيجي تاني تعال ح تلاقيني مستنياك على نار علشان انت ح توحشني قوي الشوية دول
- ماشي ياروحي انتي كمان ح توحشيني قوي
نهض أمير واخذ حمامه وارتدي ثيابه وقبل بيريهان التي كانت تتعمد ان تطيل سلامها له حتى انزل يده وقبلها وانصرف عائدا للبيت وفور ان دخل ظل ينادي على زوجته وأولاده ولكنه لم يستمع لأي صوت فتوجه لغرفتهم لم يجد احد ولكن لفت انتباهه خطاب موضوع على الفراش فأمسكه وفتحه ووجم وسقطت دموعه وهو يقرأ المكتوب به.