رواية متهمة بحبي
الفصل التاسع9
بقلم أمورة عبد الجواد
ادم حط ايده على رأس سلمي يشوف حرارتها :الحمد لله الحرارة نزلت انتي كويسه دلوقتي ؟
سلمي :انا مين جابني هنا وايه حصل؟
ادم :انتي تعبتي فأنا جبتك هنا
لحظه هنده الدكتور يشوفك
سلمي :لا مفيش داعي انا كويسه بس حاسة بصداع جامد هيفرتك راسي
ادم :يبقى انده الدكتور استنى
ادم نده الدكتور ورجع
الدكتور قاس حرارة سلمي :كويس الحرارة نزلت شوية
سلمي :طيب ليه الصداع
الدكتور :الصداع سببه ارتفاع الحرارة اللي كانت عندك ودا لأنك خترفتي شوية امبارح
سلمي :خترفت
الدكتور :ايوة
سلمي افتكرت كل الكلام اللي قلته لادم 😳
سلمي :ايه يا ربي اللي انا قلته دا 🤦♀️
ادم بيبص على سلمي
سلمي بتهرُب من نظرات ادم ليها بعد ما افتكرت الكلام اللي قالتهولك وهي وتعبانه ..
سلمي :امتى هخرج
الدكتور :لما القيكي اتحسنتي هكتبلك على خروج بعد اذنكم
سلمي بصت لادم لقيته باصص ليها ومبتسم..
سلمي بخجل :ممكن اعرف في اي
ادم بص لعيون سلمي :انتي شايفه في اي
سلمي :شايفه انك عمال تبحلقلي وبتبتسم..
ادم :انا
سلمي بخجل :اها ايوه انت
ادم فضل باصص لعيون سلمي وهي كمان سرحت في عيونه
سلمي :هو انت هتفضل مبحلقلي كتير كده
ادم :هشش غمضي عيونك
سلمي بتوتر وبلعت ريقها :ها ليه
ادم :علشان افكلك الكلنة اللي في ايدك عرق ايدك هيورم منها
سلمي غمضت عيونها وآدم فكلها الكلنة من ايدها..
سلمي :اها
ادم :وجعتك
سلمي :ايوة
ادم :بأس ايد سلمي انا اسف
سلمي بخجل سحبت ايدها
سلمي بتهرب من خجلها :انا عايزا جعانة..
ادم :حاضر.. هروح اجيب اكل وارجع مش هتاخر
سلمي هزت براسها بتمام..
،،،،،،،،،،،،،،،،،،،،،،،،،،،
في الجامعه....
كريم :مها انا هعدي عليكي بالليل زي ما اتفقنا
مها :كريم انت ليه مستعجل
كريم :بحبك يا مها وعايز نتجوز النهارده قبل بكرا ولا افضل مستني لغاية ما اخوكي يجي يقلك في عريس متقدملك
مها :بس انا مش هكون لحد غيرك
كريم :طيب ما انا علشان كده خايف قلتلي ايه
مها :حاضر يا كريم
كريم بأس ايد مها :انا بحبك
..............
ادم جاب اكل ورجع بس ملقاش سلمي في الاوضة
ادم للممرضة :لو سمحتي مشفتيش المريضة سلمي
للممرضة :لا مشفتهاش
ادم بخوف :راحت فين بس ياربي 🥺
سلمي من ورا ادم :متخافش مهربتش
ادم التفت وراه بخوف على سلمي :كنتي فين يا سلمى قلقتني عليكي
سلمي :قلقت عليا ولا خفت اهرب
ادم :ايه اللي انتي بتقوليه ده قلقت عليكي طبعا وبعدين لو عايزا تهربي قومي معاي اهربك.. بس انا مش عايزك تهربي علشان عايز اثبت براءتك فهمتي
ادم زعل ولف وشه الناحية التانية ☹️
سلمي :انت زعلت انا اسفه
ادم :لا متعتزريش مش زعلان
سلمي :لا زعلان
ادم :قلتلم مش زعلان
سلمي :طيب لافف وشك ليه بعيد عني
ادم :علشان زعلان
سلمي :طيب بتقول ليه مش زعلان
ادم :علشان انتي مفكرة اني مش بثق فيكي وو...
سلمي بايدها لفت وش ادم ناحيتها وقالتله :طيب بص في عيوني 🥺
ادم سرح في عيون سلمي 💕
سلمي :يعني انت زعلان..
ادم بمقاطعه سلمي :انا مش زعلان
سلمي :حيرتني معاك زعلان ولا مش زعلان
ادم :مش زعلان
سلمي :يعني بتدلع
ادم :وفيها ايه
سلمي :فيها انه الاكل هيبرد وانا عايزا افطر
ادم فاق من توهانه في عيون سلمي :ايوة صح معاكي حق يلا نفطر
سلمي وآدم فطرو.. ادم ادا العلاج لسلمى..
ادم :انا لازم امشي دلوقتي رايح اشوف المحامي وصل لايه في القضية
سلمي :طيب
ادم :خلي بالك من نفسك مش هتاخر..
.....
ادم خرج وراح للمحامي المكتب
ادم :اعمل ايه حاجه يا متر المهم سلمي تخرج في أقرب وقت
المحامي :يا آدم باشا انا بعمل اللي اقدر عليه بس انت عارف انه القضاية اللي زي دي عايزا دليل قوي
ادم خرج من عند المحامي وطلع المديرية على مكتبه...
ادم قعد عالمكتب وحط ايديه على راسه
سيف :صباح الخير ايه يعم التأخير دا
ادم :صباح النور.. كنت مع سلمى في المستشفى
سيف :طيب وهي عاملة ايه دلوقتي
ادم :كويسه
المهم عايزك تشوف المصلح بتاع الكاميرات ليه التاخير دا كله استعجله يا سيف سلمي هتروح مني كده
سيف :حاضر يا آدم
سيف :طيب والقضية بتاعت الشباب....
ادم :هشوفها دلوقتي واشتغل عليها
............
في المستشفى
الممرضه :ازيك يا آنسة سلمي دلوقتي
سلمي :الحمد لله احسن
اللممرضة :طيب كويس
بصراحة انتي محظوظه قوي
الظابط ادم فضل جنبك الليل كله
سلمي :بجد.. قصدي اكيد طبعا مانا مسجونة عنده اكيد هيخاف اهرب او...
الممرضة :لا دي اول مره تحصل
سلمي :مش فاهمة
الممرضه :يعني بتجنا حلات كتير من السجن بس اول مره الظابط ادم يهتم كده كان الأول ياخد اقول المرضي ويمشي ويخلي الشويش يقف يحرسهم
أما انتي بقا فضل هو جنبك وكمان زعق لشويش علشان كلبشك ومشاه... هو انتي تقربله ايه
سلمي :انا بكون.... قريبت مامته من بعيد
الممرضه :اها طيب
سلمي انبسطت من كلام الممرضه وفرحت انه ادم لسه بيحبها ويمكن اكتر من قبل 😌
مها دخلت لسلمى وهي بتعيط 🥹
مها :سلمي انتي كويسه🫂🥹
سلمي :مالك يا مها بتعيطي ليه
مها :رحت النيابة قالولي انك تعبانة 🥹
سلمي ضربت معا على كتفها :خضتني حرام عليكي
مها :انا برضو اللي خضيتك
سلمي :طيب خلاص اهدي انا كويسه
المهم انتي عامله ايه
مها :انا كويسه
سلمي :رحتي الجامعه النهارده
مها :اها لسه جايه كريم وصلني قصدي كان في طريقي ومكنش في ولا تاكسي يوحد ربنا
سلمي :كريم تاني يا مها انا مش قلتلك ابعدي عنه
مها :سلمي انتي مكبرا الموضوع قلتلك اضطريت اركب معاه علشان ملقتش تاكسي
سلمي :متحوريش عليا يا مها
مها نزلت راسها في الأرض
سلمي :مها يا حبيبتي متزعليش مني انا عايزا مصلحتك وخايفة عليكي
مها :على فكرة يا سلمى انتي واخدة فكرة وحشه عن كريم لو تشوفيه هتغيري فكرتك الوحشة دي علطول
سلمي :انا مش واخدة فكرة وحشه عنه انا بس خايفه عليكي
مها :متخافش يا سلمى..
المهم احكلي عملتي ايه في القضية..
سلمي :لسه مفيش جديد ادم دلوقتي راح يشوف المحامي
مها :متقلقيش طيب اكيد ادم مش هيسيبك
سلمي :ولو مقدرش انا مش هزعل كفاية اللي عمله علشاني وانه عمل اللي يقدر عليه
مها :أن شاء الله هيقدر يجبلك البراءه المهم انا لازم امشي دلوقتي علشان باسم من الصبح يرن عليا وانا وبكلمه التلفون فصل شحن... خلي بالك من نفسك
سلمي :حاضر وانتي كمان مع السلامة...
..........
ادم في المكتب قعد اليوم كله يشتغل...
، ،،،،،،،،،،،،،،،
بالليل.....
كريم :مها انا واقف تحت بيتكم انزلي مستنيكي
مها :انا نازلة اهو
مها نزلت وركبت العربية مع كريم
كريم :اش اش على الجمال قمر يا روحي
مها :عجبك الفستان
كريم :دا الفستان واللي لابسه الفستان كده انا هدوخ منك
اطلع
مها :اطلع
كريم عنده شقة تانية غير الفيلا اللي ساكن فيها مع ادم.. اخد مها وطلع بيها هناك...
ادم خلص شغل ورجع المستشفى لسلمى
ادم دخل لقى سلمي نايمة حط ايده على رأسها يشوف الحرارة
سلمي اتخضت وفتحت عيونها
ادم :متخافش
سلمي :انت جيت امتى
ادم :دلوقتي.. عامله ايه انتي دلوقتي
سلمي :الحمدلله احسن انت اتاخرت عليه
ادم :كان عندي شغل مهم
قومي يلا علشان تاكلي جبتلك اكل إنما ايه
سلمي :شكرا يا آدم
ادم :على ايه
سلمي :على كل حاجه بتعملها علشاني
ادم :وانا ايه اللي عملته انا مش قادر حتى اجيب براءتك الظابط ادم اللي مفيش حاجه تصعب عليه مش عارف يجبلك براءتك
سلمي :انا مش عايزها البراءه يا آدم كفايه انك بتحاول علشاني حتى لو اخدتت اعد...
ادم حط ايده على بوق سلمي :متكمليش يا سلمى وبعدين انا مش قلتلك مش عايز اسمع الكلام ده تاني صح
سلمي :صح
ادم :طيب ليه مصرة تزعليني
سلمي :لا خلاص
ادم :طيب يلا كلي علشان تاخدي العلاج وتنامي
،،،،،،،،،،،،،،،،،،،،،،،،،،،،،
في شقة كريم
كريم :اتفضلي يا روحي
مها :شقتك جميله
كريم :دا علشان انتي فيها دلوقتي
كده الحمد لله احنا ضربنا الورقه العرفي كام يوم واقول لعمي اني على الموضوع وتبقى مراتي رسمي
مها :انا خايفه عمك ما يوفقش
كريم :لا اطمني عمي هيخاف على سمعت العيلة انا عارفه اول ما أقوله اني متجوز عرفي هيوافق علطول
مها :يا رب يا كريم
كريم بتقرب من مها
مها بخجل :كريم انت بتعمل ايه
كريم :متخافيش انتي دلوقتي مراتي
مها :كريم انا ما بحبش الحركات دي ابعد لو سمحت
..............
سلمي نامت وآدم افتكر المحامي لما قله انه القضية محتاجة دليل قوي
ادم :انا هفضل متكتف كده ومستني الكاميرات.. لا انا لازم اشوف حل
ادم بص لسلمى وهي نايمة وقال:ايوة يا سلمى لازم اشوف حل بس اعمل ايه
اعمل ايه ياربي
ادم :بس لقيتها مها محدش هيقدر يساعدني غيرها لازم اكلمها....