رواية متهمة بحبي
الفصل الثامن8
بقلم أمورة عبد الجواد
ادم بأس ايد سلمي :اوعدك يا سلمى مش هسيبك بس انتي اوعديني ما تسبيش 🥺
سلمي :اوعدك مش هسيبك يا آدم علشان انا ب... بحبك 🥺
ادم بعدم تصديق ودانه :سلمي انتي قلتي ايه
سلمي بتعب :لسه فيك الحركات دي تعمل نفسك ما سمعتش حاجه علشان اعيدها
ادم :طيب قوليها تاني علشان أصدق وداني
سلمي :يوه بحبك بحبك كفاية كده انا تعبانة
ادم :يعني لما تقوليهالي تكوني تعبانه كده
سلمي :بس انا مش اول مره اقولها انا قلتهالك في الجامعه افتكر يا آدم
ادم :انا ما نستش يا سلمى علشان افتكر
سلمي :انا كمان ما نستش.. مانسيتش ولا لحظه
ادم :طيب ليه قولتلي انساكي زي انتي ما نسيتني
سلمي :علشان انا قلبي وجعني يا آدم ومش عايزاه يوجعني اكتر من كده
ادم :يعني حبك ليا بيوجع قلبك 🥹
سلمي :اه يا آدم بيوجعني علشان هو عارف انه مستحيل نكون لبعض
ادم مسك ايد سلمي وحطها على قلبه :لا يا سلمى قلبي وقلبك خلقو لبعض حتى اسمعي دقات قلبي 💗
سلمي :لا يا آدم مش لبعض انت مش ليا وتستاهل واحدة من مقام عليتك
ادم :لا يا سلمى انا مستحيل اكون لحد غيرك
سلمي :لا لا بس باباك مقلش كده
ادم :بابا
سلمي :ايوة يا آدم باباك قالي انا مش من مقامك وقالي اني ابعد عنك علشان كده انا سبتك ومشيت وكمان سبت الجامعه وما كملتش السنة اللي كانت فاضلة
ادم :بابا قالك كده 😳
سلمي :ايوة يا آدم لما انت سافرت وقولتي بابا بعتني كام يوم شغل وراجع علشان هيوافق على جوازنا فاكر اخر مره قابلتك فيها
ادم :ايوه فاكر كملي
سلمي :وقتها انت سافرت وبعدها باباك جالي البيت وقالي ابعد عنك علشان انا مش من مقامك ولا عيلتي وأهلي من مقام عيلتك وأهلك وقالي ابعد واروح مكان تاني والا هيشوه سمعتي وكمان راح لبابا الشغل وقاله انك معرفتش تربى بنتك وهانه قدام الموظفين بعدها بابا رجع من الشغل وكان زعلان وبعدين تعب وجتله أزمة قلبية ومات يا آدم 😭
ادم :بابا عمل دا كله طيب ليه
علشان كده بعدتي عني يا سلمى
سلمي :كنت عايزني اعمل ايه يا آدم قلت ابعد ودوست على قلبي وقلت لما ابعد هنساك مع مرور الوقت بس مقدرتش والله ما قدرت يا آدم 💔
ادم مش مصدق اللي بيسمعه وانه باباه عمل دا كله علشان باباه كان قايله انه موافق وانه لما يرجع من السفر هيخطبهالو
ادم :سلمي انا...
ادم بص على سلمي لقاها نايمة.. بأس على رأسها
ادم بوجع :كله دا حصلك يا سلمى.. انا اسف مشفتيش من حبي غير الوجع سامحيني يا سلمى سامحيني
ادم بغض :بقا انت يا بابا ا تعمل دا كله مستحيل اسامحك
ادم طلع من اوضت المستشفى
ادم لشويش :خلي بالك من سلمي لغاية ما اجي
الشويش :تحت امرك يا آدم باشا
ادم ركب عربيته وطلع عالفيلا وعيونه كلها غضب من باباه 😠
في فيلا ادم..
كريم بيهزر مع جدته وعمه ومراته..
كريم: انتو متعرفوش البنات في الجامعه هتموت عليا ازاي اول ما ادخل بالعربية كده يسرحو فيا 😎
كلهم فضلو يضحكو..
ادم دخل..
كريم :اهو ادوش رجع بدري النهارده من الشغل..
ادم بتجاهل كريم وقف قدام بابا بعصبية قويه
أنت ليه عملت كده
انوار: في ايه يا آدم
عاصم :استنى انتي يا انوار
عملت ايه انا يا آدم
ادم :رحت ليه لسلمى وهددتها تبعد عني
عاصم :سلمي.. سلمي مين
ادم :انت عارف انا بتكلم عن ايه كويس
تهاني جدت ادم :ادم ما ينفعش تعلي صوتك على باباك كده
ادم بتجاهل جدته :عملت ليه كده يا بابا
عاصم :عملت ايه قولي
ادم :رحت لسلمى ليه وهددتها تبعد عني ورحت لباباها هنته قدام الموظفين وبسببك الراجل راح فيها مش بس كده قاتلي اني اسافر علشان اخلصلك شغلك ولما ارجع هتوافق على جوازنا بس ايه كنت بتاكل بعقلي حلاوة ليه يا عملت كده ليه..
عاصم :علشان مصلحتك ومصلحت العيلة البنت دي مش من مقامك ولا عيلتنا من مقام عيلتها
ادم بزعيق :يعني انت فعلا عملت كده
عاصم :ايوه عملت كده ومش بس كده انا اللي قلت للمخبر انه يديك المعلومات غلط اللي طلبتها منه.. انا كمان اللي قلتله يقولك انها اتجوزت وسافرت عايز تعرف حاجه تاني وكل دا ليه علشان تنساها ومش ندمان ولو رجع بيا الزمن هعمل كده برضو فوق لنفسك بقا
ادم :حرام عليك ليه دا كله ليه عملتك ايه انت اب انت 💔💔
عاصم :اسمعني يابني
ادم بصوت عالي :متقليش يابني انا مش ابنك انا لو ابنك فعلا مكنتش عملت كده مكنتش حرمتني من البني ادمة الوحيده اللي قلبي حبها
انوار :اهدي بس يا آدم الموضوع دا عدي عليه سنين وانت لسه فاكر وبتوجع في قلبك
ادم :ما هي دي المشكلة.. هي دي المشكلة انه الموضوع عدي عليه اربع سنين وانا بحاول انسى ومش قادر بحاول اضيع وقتي في الشغل ومش قادر انسى.. وافقت على خطوبتي من صوفي علشان انسى وبرضو مش قادر هي دي المشكله يا ماما هي دي المشكلة 💔💔
ادم :هونت عليك .. اربع سنين وانا بتعذب قدامك وما صعبتش عليك اربع سنين وانا بموت من الوجع وما صعبتش عليك كله دا ليه علشان هي من عيلة بسيطه وحضرتك من عيلة غنية.. وهتفرق في ايه العيلة الغنية وانا مش مرتاح معاهم.. هتفرق في اي وانا مش مبسوط وسطيهم.. ها يا حضرت الاستاذ بابا مرتاح كده.. مرتاح وانت شايفني بتعذب قدامك وبسببك وساكت يا خي دانت لو قتلتني وموتت كان اهون عليا من دا كله على الاقل كنت هموت مره وارتاح بدال ما انا بموت كل يوم.. 💔💔
انوار :بعد الشر عليك يا ابني
ادم :شر.. شر ايه يا ماما اللي بتقولي عليه شر كان هيبقي احن عليا من اللي بقوله بابا..
ادم لعاصم :يارب تكون مبسوط يارب تكون مبسوط..
ادم مسك المسدس :اتفضل موتني خليني ارتاح
كريم وانوار وجدت ادم جريو علشان يمنعو ادم 😱
كريم :انت بتعمل ايه يا آدم سيب المسدس من ايدك
ادم :ابعد ملكش دعوه
كلكم ابعدو
عاصم :انت اتجننت يا آدم
ادم :ايه قلبك حن وخفت عليا
خد بس امسك.. امسك المسدس وموتني ايوة موتني مستغرب ليه ما انت موتني فعلا..
عاصم مسك المسدس ورماه في الأرض انت اكيد اتجننت
انوار جريت على ادم :حرام عليك يابني حرام عليك كفاية
ادم :معاكي حق لحد هنا وكفاية
من هنا ورايح اعتبروني موتت
جدته :رايح فين يا آدم 🥹
ادم :رايح في داهية يمكن اعمل حادثة وارتاح بقا.. 💔💔
انوار :الحقو يا كريم 😭
كريم جري ورا ادم :استنى يا آدم
ادم :ارجع مكانك احسن لك
كريم :طيب انت رايح فين
ادم ركب عربيته وطلع بيها مش عارف هو رايح فين.. فضل يلف لغاية ما رجع المستشفى لسلمى..
ادم دخل لسلمى ولقى الشويش مكلبشها في السرير من اديها
ادم بعصبية وغضب طلع لشويش :ممكن اعرف ايه اللي انت هببته دا 😠
الشويش بخوف :عملت ايه يا آدم باشا
ادم :من سمحلك تكلبشها كده
الشويش :حضرتك قلتلي خلي بالك منها.. وانا خفت لتفوق وتهرب وحضرتك...
ادم :انا قلتلك خلي بالك منها يعني قصدي لو احتاجت حاجه او تعبت مش لتهرب.. 😠
الشويش :طيب حضرتك ما احنا بنكلبش المتهمين دايما ايه الجديد في كده
ادم :سلمي مش متهمة سامع
الشويش :انا اسف حضرتك
ادم اخد المفتاح من الشويش وفك سلمي
انا اسف يا سلمى اسف على كل حاجه حصلتلك بسببي كان معاكي حق لما قلتلي حبك بيوجع قلبي. 💔
سلمي بتعب :انت كنت بتقول ايه
ادم :سلمي فتحي عيونك
طيب انتي سامعاني
الدكتور دخل علشان يكشف على سلمي..
الدكتور :هي هتخترف شوية من السخانة بس متقلقش هتبقى كويسه انا هبعت الممرضه تديها العلاج
ادم :مفيش داعي انا هدهولها
الدكتور :طيب تمام وانتبهي لما تخلص علبة المحلول
ادم :تمام يا دكتور
سلمي :ادم انت هنا
ادم :ايوة يا سلمى انا جنبك
الدكتور :ادم حاف كدة 😅
معلش يا حضرت الظابط قلتلك هتخترف شوية
بعد اذنك
ادم :سلمي حاسة بايه
سلمي :هو الرجل دا ليه بيقول عليا اني بخترف
ادم :دا الدكتور
سلمي :دكتور فاشل
ادم :تحبي احبثهولك
سلمي :لا بس متخلهوش يقول عليا بخترف تاني
ادم :حاضر
سلمي :هو صحيح انا بخترف
ادم :لا فشر.. وبعدين لو بتخترفي يبقى احلى تخريف
سلمي :طيب انا همشي من هنا امتى
ادم :عايزا تروحي فين
سلمي :مش عايزا اروح مكان
ادم :ليه يا سلمى مش عايزا تخرجي وترجعي البيت
سلمي :لا مش عايزا علشان مش هلاقي ماما
ادم بوجع :طيب تروحي عند مها
سلمي :لا
ادم :ليه مش انتي بتحبها
سلمي :اها بحب مها بس مش هروح علشان باسم
ادم :ماله
سلمي :مش بحبه علشان هو مش كويس ومحترم زيك كده
ادم :عملك ايه طيب دايقك في حاجه
سلمي :عايز يتجوزني بالعافيه وانا ما بحبهوش وكمان كل ما يشوفني يدايقني وبيبصلي بطريقة مش كويسه
ادم :انا هوريه الحيوان دا
سلمي :لا هو مش حيوان هو بني آدم بس مش كويس زي ما انت كويس
ادم :طلما هو مش كويس يبقى لازم يتحبس
سلمي :لا يا آدم علشان مها
سلمي :ادم
ادم :نعم يا سلمى
سلمي :هو انت ليه بتتكلم كتير مش شايفني تعبانة ولا انت علشان ظابط هتحقق معاي كتير.. على فكرة انا لو كملت السنة اللي بقيت في الجامعه كنت هبقي ظابطة زيك كده بس..
ادم :بس ايه يا سلمى
سلمي :بس لما بابا مات وسابني انا مرضيتش اكمل 💔
ادم :طيب ايه رايك تاخدي السنة اللي فاضللك وتبقى ظابطة زيي كده
سلمي :لا مش هيقبلوني
ادم :انا هحل الموضوع بس انتي نامي وارتاحي شوية.. بس استنى صحيح انتي ما اختيش العلاج استنى هدهولك
ادم ادي لسلمى العلاج
سلمي :نسيت طيب ينفع كده يا حضرت الظابط اومال انا كنت هتجوزك ازاي بقا وانت مهمل كده
ادم بابتسامة :يعني هتغيري رايك مش هتتجوزيني
سلمي :انا هنام دلوقتي والصبح افكر
ادم :طيب هستنا ردك نامي يلا
سلمي: وانت هتنام فين
ادم :متخافيش هنام الكرسي هنا
سلمي مسكت ايد ادم :لا نام هنا جنبي ما تسبنيش علشان انا بخاف
ادم :متخافش انا جنبك
سلمي: طيب كفايه رغي بقا انا عايزا انام صدعتني
ادم :انا برضو
سلمي :اها
سلمي نامت بعد ما خترفت وطلعت كل اللي في قلبها..
ادم قعد عالسرير جنب سلمي وكان مبسوط من كلامها وبراتها..
وفي نفس الوقت كان مدايق من اللي عمله باباه..
ادم استنى لغاية ما المحلول يخلص وبعدين شاله ونام...
، ،،،،،،،،،،،،
الصبح سلمي فاقت ولقيت ادم ماسك ايدها وقاعد عالكرسي وساند راسه عالسرير..
سلمي سحبت ايدها بشويش علشان ادم ميصحاش... بس ادم حس بسحب ايدها وصحي
ادم حط ايده على رأس سلمي يشوف حرارتها :سلمي انتي كويس دلوقتي؟
سلمي :انا مين جابني هنا وايه حصل...