رواية متهمة بحبي
الفصل الرابع عشر14
بقلم أمورة عبد الجواد
مها نزلت الصيدليه تحت بيتهم جابت اختبار حمل ورجعت عملته..
مها :يا نهار اسود دا فعلا حمل 😱
اعمل ايه انا دلوقتي.. لازم اروح لكريم دلوقتي
مها اتصلت بكريم
مها :انت فين
كريم :قاعد في كافيه مع صحابي ليه
مها :طيب اطلع الشقه وانا جايلك بسرعه
كريم بفرحه :بجد وحشتك اكيد فريرا يا روحي سلام
صاحبه :اي يا كيمو على فين
كريم :مفيش بس عمه عاصم عايزني ضروري
كريم راح الشقه بتاعته هو ومها
مها :قلت لعمك على جوازنا
كريم :بصراحه لقيته مدايقه وما قلتلهوش
مها :انا حامل يا كريم
كريم بصدمة :ايه 😳
مها :زي ما سمعت انت لازم تتصرف وتقول لعمك النهارده
كريم :نزله
مها :انت بتقول ايه يا كريم لا طبعا عايزني اقتل روح مستحيل وبعدين مش احنا هنتجوز يبقى...
كريم :هو انتي مفكره اني انا هتجوز واحده سلمتلي نفسها
مها بصدمة :كريم انت بتقول ايه مش انت واعدتني انك هتنجوزني وانه انت بتحبني وبعدين انا رفضت انك تقرب مني فاكر بس انت...
كريم :رفضتي اول مره وبعدين كله كان بمزاجك يا حلوه
مها :حرام عليك يا كريم طيب وحبنا ووو
كريم :حبنا هههه هما خالو عليكي الكلمتين الحلوين دا انتي طيبة قوي يا مها انا عمري ما حبيتك
مها مسكت كريم من قميصه وقالتله :اه يا واطي انت واحد كداب وحقير ليه عملت كده
كريم مسك ايدين مها بالقوة وقالها :كل حاجه كانت بمزاجك انا ما جبرتكيش على حاجه ويلا اتفضلي اطلعي
مها :كريم متعملش فيا كده حرام عليك... طيب واللي في بطني
كريم :قلتلك نزليه
مها :ازاي يهون عليك ابنك يا كريم
كريم :وانا اي يضمني انه ابني
مها :ايه اللي انت بتقوله دا 😳
انا محدش لمسني غيرك
كريم :وانا ايه يضمني انه محدش لمسك غيري
كريم همس في ودن مها وقالها :اللي تبيع نفسها مره تبيع نفسها الف مرة
مها :ابرافو عليك ممثل شاطر وانا اللي وثقت فيك وحبيتك لا بجد برافو 👏🏻
كريم :هههه مانا عارف يا روحي
مها :انا هوديك في داهية وادي الورقه العرفي هطلع على قسم الشرطه وقولهم..
كريم مسك الورقه :الورقه دي بتقطع كده وكده وتطير في الهواء يا شاطرة
يلا بقا علشان في مزة جديدة جايلي دلوقتي
مها :حسبي الله ونعمه الوكيل فيك
كريم :باي 🤗
مها خرجت من عند كريم وفضلت تعيط 😭
مها روحت اترمت على السرير وفضلت تعيط.... اعمل ايه انا دلوقتي انا اللي عملت كده في نفسي استاهل كل حاجه تجراري.. ياريتني أسمعت كلام سلمي 😞
انا لازم اقول لسلمى مفيش غيرها يساعدني هكلمها تيجني...
مها :الو يا سلمى
سلمي :اي يا بنتي فينك
مها بعياط :سلمي تعاللي البيت بسرعه 🥺
سلمي :في اي يا مها بتعيطي ليه طيب اتكلمي قلقتني
مها :ما ينفعش في التلفون انا في وارطه ومحدش هيساعدني غيرك 🥹
سلمي :طيب انا جاي بسرعه
مها خرجت من شقتها بسرعه وراحت بيت مها...
سلمي :في اي يا مها
مها حضنت سلمي وفضلت تعيط 🥺
سلمي :طيب فاهميني اي حصل
مها بعياط :انا... انا حامل يا سلمى 😭
سلمي بصدمة وعدم تصديق ما سمعته 😳
بتقولي ايه انتي مجنونه.. ازاي طيب.. ازاي دا حصل اتكلمي يا مها
مها :كريم.. كريم عشمني بالجواز وو😭
سلمي :واي ايه... وايه انطلقي
سلمته نفسك صح.. ردي يا مها 😱
مها :ايوة 😭
سلمي بالقلم وعلى وش مها...
ليه يا مها كدة انا كام مرة احذرك منه ما سمعتيش كلامي ليه.. عملتي كده..
مها :هو قالي انه بيحبني وانه لازم نتجوز عرفي علشان يحط عمه في الأمر الواقع بس طلع ندل وانا زي الهبله وثقت فيه 😭
سلمي :مانتي فعلا هبلة بكلمتين اكل بعقلك حلاوه وادي نتيجة غبائك
تلفون سلمي رن كتير بس سلمي ما ردتش..
مها :انا هنزل الجنين 🥺
سلمي :اوعي تعملي كده انتي فاهمه
مها :طيب اعمل ايه... ساعديني بالله عليك يا سلمى قوليلي اعمل ايه 😭
سلمي :اديني رقم وعنوان الحيوان اللي اسمه كريم وانا هروحله اتكلم معاه..
سلمي اخدت الرقم والعنوان وزنت على كريم...
كريم :الو مين؟
سلمي :مش معهم انا مين المهم انا عايزا اتكلم معاك
كريم بفرحه :اوي اوي نتعرف على بعض وبعدين تقوليلي انتي مين
سلمي :ممكن اعرف انت فين دلوقتي عايزا اقبلك
كريم بفرحه :تقابليني 😁
سلمي :ايوة ودلوقتي
كريم :وكمان مستعجله طيب تعرفي كافيه......
سلمي :ايوه عارفاه
كريم :ربع ساعه واكون هناك
سلمي :تمام
كريم :سلام يا قمر
ياترى حلوة زي صوتها كده ☺️
.........
صوفي:الو يا ادوش ☺️
ادم :ازيك يا صوفي
صوفي :ادم انا حجزت في مطعم هنروح نتغدا علشان انت وحشتني
ادم :صوفي انا عندي شغل كتير خليها مره تاني
صوفي :ليه يا آدم بتكسر بخاطري انا ما صدقت اشوفك 😞
ادم :صوفي افهمي
صوفي بعياط :خلاص يا آدم براحتك انا مش مهمة عندك
ادم :طيب ممكن تبطلي عياط وو..
صوفي :لا مش هبطل عياط 😭
ادم :طيب خلاص هخلص شغل واعدي عليكي كفاية بقا
صوفي :بجد يا الدوش
ادم :بجد يا صوفي
صوفي :هستناك يا روحي سلام 🤗
ادم اخد نفس عميق 🙄
........
سلمي راحت الكافيه وقعدة
واحد :لو سامحتي المكان دا محجوز
سلمي :انا اسفه هقعد في مكان غيره
سلمي قامت علشان تروح تقعد في مكان تاني..
كريم دخل وهو بيتكلم في التلفون..
سلمي وهي قايمة اتصدمت في كريم
كريم.:مش تفتحي يا...
كريم بص على سلمي بذهول وإعجاب 😯
سلمي :انا اسفه مختش بالي
كريم :ولا يهمك بس انا شوفتك فين قبل كده 🤔اها افتكرت مره كنتي هنا انتي والظابط ادم..
سلمي :مش فاكرة اني شوفتك قبل كده بعد اذنك
كريم :طيب استنى ممكن نتعرف
سلمي :لا بعد اذنك
كريم :طيب ممكن اسالك سؤال
سلمي :برضو لا
سلمي قعدت في مكان تاني..
كريم قعد على الطرابيزة اللي قدامها وفضل يبص عليها بذهول وإعجاب
سلمي فضلت تبص في الساعه :هو اتأخر ليه..
كريم :ياترى ادم يعرف القمر دي منين
سلمي :هستني كتير كده
كريم :لو اللي مستنياه مجاش انا اقعد معاكي
سلمي :نعم
كريم :متفهميش غلط قصدي نتكلم شوية علشان نتسلى لغاية ما اللي مستنياه يجي
سلمي :وانا اعرفك منين علشان اتكلم معاك
كريم :مفيش مشكلة نتعرف
سلمي :لو سمحت ارجع اقعد مكانك انا مش بتاعت تعارف ولو حولت تتكلم معاي انا هندهلك صاحب الكافيه يشوف شغله معاك
كريم :وعلى ايه لا خلاص
كريم راح قعد مكانه
يا خساره البنت جمليه.. أما ارن على التانية اشوفها اتاخرت ليه
كريم رن علي سلمي
سلمي ردت وكريم مع بعض :الووو
كريم وسلمي بصو على بعض 😳
كريم :انتي
سلمي :هو انت كريم
كريم :صدفه سعيدة مش تقولي كده من الصبح
سلمي :وانا اي عرفني انه انت كريم
كريم :طيب ممكن اعرف انتي مين وليه طالبتي تقابليني وازاي جبتي رقم تلفوني
سلمي :انا بنت خالت مها
كريم بصدمة :مها.. قصدي مها مين انا معرف حد بالاس...
سلمي :ارجوك متحورش عليا انا عارفه كل حاجه
كريم :انا ما جبرتش مها على حاجه يا سلمى
سلمي :وكمان عارف اسمي ما شاء الله طيب يا مها
كريم :مها حكتلي عنك
سلمي :مش موضعنا... انت ليه عملت كده في مها
كريم : قلتلك اني مجبرتهاش على حاجه كله كان بمزاجها
سلمي :بس انت عشمتها بالجواز وهي هبله صدقتك ووثقت فيك
كريم : والمطلوب دلوقتي
سلمي :تصلح غلطك وتتجوزها
كريم :هههه انسي يا حلوة
سلمي :انا لدلوقتي بكلمك بهدوء بعد كده هع....
كريم :هتعملي ايه ها.. لو قدرتي تثبتي حاجه عليا اثبتي
سلمي :يعني دا آخر كلام عندك
كريم :لا فيه كلام تاني بس يمكن انتي مش هتوافقي
سلمي :اي هو قول
كريم :انك تطلعي معاي شقتي
سلمي :انت واحد حقير وزباله وانا هوديك في ستين داهيه
كريم :انا قلت كلامي ومعنديش غيره سلام يا قمر..
سلمي :ليه يا مها وصلتنا لكده.. هنعمل ايه دلوقتي 😔
سلمي راحت لمها البيت
مها :قالك ايه
سلمي :مفيش فايدة للأسف هو شايفك رخيصه دلوقتي بعد ما كان بيجري وراكي.. بس انا خذرتك منه وانتي ايه هبلة قدر يضحك عليكي بكلمتين ادي نتجية أعمالك قوليلي دلوقتي هنعمل ايه ها.. مفيش حاجه نثبتها عليه..
مها :انا اسفة يا سلمى مكنتش اعرف دا كله هيحصل 😭
سلمي :اسفة بعد ايه ما خلاص انتي دمرتي نفسك بايدك واللي حصل حصل
مها :ساعدني يا سلمى بالله عليكي شوفيلي حل 😭
سلمي :انا مش بأيدي حاجه هعمل ايه
سلمي :ادم مفيش غيره هو اللي يقدر يساعدنا