رواية شيطان امراة الفصل التاسع عشر18بقلم مريم اسماعيل

حاوطت قوات الشرطة منزل مرسي ، وقاموا بإقتحام المنزل ، ليقف امامهم مرسي بكبرياء .

" انتم دخلتم إهنا كيف .* 

الظابط 

" احنا شرطة يا معلم ، ابنك فين يا معلم ." 

" ولدى مين ." 

" ياسين يا معلم ، ياسين ." 

نرجس يتدخل 

" ياسين مش إهنا ، ومعرفينش هو فين ." 

ليتجمع العساكر حوله .

" مفيش حد يا فندم ." 

الظابط بغضب 

* خلي ابنك يسلم نفسه احسن ليه ." 

ليخرج الظابط وجمع القوات مع طلب من بعض أن يراقبوا المنزل في هدوء وبدون ظهور .

قبل قليل 

كان ياسين عائد بجانب هالة ليرى سيارات الشرطة ، ليفر هاربا ،بعد أن سلم هالة لأحد رجالة وأوصاه أن يسلمها لأهله .

في منزل مرسى دلفت هالة بوجوم قائلة

" مالكم إكده هو حوصل إيه ، والبوليس دخل البلد كيف ." .

مرسي بإستفسار 

" ياسين فينه ." 

" مخبراش هملنى ورمح رمح ، ورجعت مع محمود الراجل بتاعه ." 

نرجس وهى تضرب بيدها علي ارجلها 

"هيبتك راحت يا كبير ، الظابط كان بيبجح فيك ولا خايف منيك ، الله يرحمك يا ولدى ، الله يرحمك كان لمام عنينا كلاب السكك ." 

مرسي بحدة 

" ما تخرصي يا بوم أنت ، خلينا افكر ، هنخرج من المصيبه دى كيف ." 

لتراقبهم هالة بعدم فهم ، وتجلس جوارهم وتعيد حديث مها في أذهنها .

.... ..... .....

في منزل حميدة 

كان يتحدث بأسف في هاتفه ،التفت لها بخيبه واضحة

لتفهم منه .

" ملجهوش ، صوح ." 

زياد بأسف 

" ايوة لدرجه ان الظابط نفسه بيجول أن لو حددتك تبلغيه طوالى ." 

حميدة برعب 

" يا مرى ممكن يعرف أنها ورا اللي حوصل ." 

مها 

" لاه  ,الورج كان في اوضة نرجس ومحدش يدرى مكانه غيرها ، أنا وعيت ليها بدسه تحت المرتبه ، دخلت وجبته ." 

تهانى بقلق 

" طب وبعدين ، هنعمل ايه ." 

" ولا حاجة ،هى إهنا علشان حملها ، ومحدش ليه حاجة عندينا ، ومن هنا ليوم الولادة يكون ربنا كرم ، ومسكوه وخلصنا من شره ." 

لتجلس مها وتحضن طفلها 

" المهم عندى اللي في بطنى وبس ، اى حاجة تانيه مش مهمه ." 

.... ......  .........

في منزل زين 

كانت هدى منزويه في مكانها ، لا تتحدث ولا تأكل ، وكانت نظراته غير مفهومه ، ليقترب منها زين بهدوء 

" هدى ، كفاية حزن ، المهم أننا سوا ، وبعدين نجرب تانى ، وتالت ورانا إيه ." 

هدى بغضب 

" أنت فرحان أن محصلش حمل ، لولا حمل مها كانت فرحتك متتقدرش ، عارف ليه علشان مش بتحبنى ، أنت صحيح مكدبتش عليا قولت هاخد رحمه ومودة ، فين يا زين فين ، أنت طول الوقت معاها قلبك كيانك حتى احلامك ، احلامك اللي بقت كوابيس ، بقيت اكره أنام معاك في سرير واحد من كتر ، بتنادى عليه ، بكره لمستك ليا لم تغلط وتنادينى مها ، مها ، مها  ، إيه وهدى مراتك اللي استحملت فقر وجوع ايام ، علشان تقف علي رجلك. المقابل إنك حتى مفكرتش تكدب عليا وتمثل إنك زعلان أنى مش حامل ، طول الطريق ، مش مصدق أن مها هتخلف من غيرك ، وانا ، مش موجودة شفاف ، انا اللي باقيه ليك سامع يا زين ،انا اللي باقيه ليك مها بقي ليها حياه ،بقي ليها عايله ، من حقي أنا كمان ابقي زيها عندى عايله وحياه ، من حقي ." 

زين بصدمة من حديثها ، بالفعل هو نسيها تماما 

ليقترب منها ويحتضنها " أنا عارف أنى وحش بس غصب عنى ، انت مشفتيش اللي شفته ، متعرفيش احساس واحد حبيبته تتاخد قدام عينه ، حبيبته تتحول دمار وخراب علي الكل ، عارف ان جيت عليكى كتير ، بس احنا فيها ،نبدا من الأول سوا ، نبدأ من غير مها ، نعمل حياه لزين وهدى ،قولتى ايه ." 

لتنظر له بعدم تصديق 

" أنت بتتكلم بجد ، مش بتقول كدا شفقه صح ." 

زين بإبتسامه 

" عبيطة شفقه ايه ، أنت مراتى ، وفعلا أنا مقصر ، بس أنت كمان انسي وعاملى أهلى حلو ، عايز الكل يحبك ، وأنا اوعدك نحاول تانى وتالت ومليون ،لغاية ما نجيب النونو اللي نفسك فيه ." 

لترتمى داخل احضانه وتنهار باكيه 

" أنا بحبك يا زين ، بحبك قوووى ." 

زين يتنفس بعمق 

" وأنا عايز احبك اضعاف حبك ليا ، هتسعدينى ." 

هدى بإيماء 

" هساعدك. ، قولى اعمل ايه ،وانا من ايدك دى لايدك دى ." 

وظلوا بتحدثون ، تاره معاتبه ، تاره وعود وأحلام ، وتارة طلبات ، حتى تغفي بين احضانه ، وينظر زين السماء .

" يا رب ساعدنى مظلمهاش ." 

....... ...... ......... ...............

توالت الايام ، وفر ياسين الي الجبل لأنه علم ،اذا تم القبض عليه سيلاقي حتفه داخل السجون ،ان الأمر ليس بهين هذه المره ، ليبقي في الجبل ،وقرر بعد ولادة مها سياسافر معها ومع طفله ،حاولت مها الوصول له لكن كان يرسل لها رسائلة عن طريق رجل مختلف كل مره بخفاء ، أما زين بالفعل حاول أن يتعامل مع هدى جيدا وبدأ في النجاح ، وقرروا تجربة العملية مرة أخرى ، هدى تغيرت وباتت مهتمه به وبتفاصيله ، وبأهله ، مها لم تستطع الذهاب إلي أي طبيبه بسبب أوامر ياسين ، زياد وتهانى مهتمون بتفاصيلها والاهتمام بها ورعايتها ، لتصل بينا الأيام الي يوم ولادة مها ،وفي نفس اليوم تولد هالة ، بسبب أن هالة تعبت اولا ، كانت الممرضة الوحيده لديهم في المنزل ، وحميدة وتهانى يحاولون مع مها لكن ذاد الالم ، عليها ، في نفس توقيت وجود زين في البلد ،قررت هدى فتح صفحه جديده مع الجميع ، وسافروا ليصدم بما يحدث .

" تعالى يا.زين منور ، ادخلوا ." 

هتف بها زياد بقلق 

زين باستفسار 

" هو في ايه ، ايه الصريخ دا ، دى مها ،والرجالة اللي بره وشرطة ." 

زياد بإستعجال 

" بعدين ،بعدين ، مها بتولد ومفيش حد يولدها ، نرجس خدت الست اللي بتولد عشان هالة ، ومها جوا تعبانه جوى ." 

لينتفض قلبه 

" تعبانه ، طيب ما نروح المستشفي ." 

زياد 

" اللي برا عندهم أوامر مها متخرجش ،لو خرجت الشرطة هتتشابك وياهم وتبجي مدبحه ،وبرضه مش هنلحج مها." 

لتخرج تهانى برعب 

" بتحددت مع مين ،شوف اى حد ." 

لتصدم بوجود زين وهدى 

* حمد الله علي السلامه ،مختش بالى معلش ، هم يا زياد ." 

زياد.بياس 

* اروح فين ،  ولمين ، نرجس جاصده دا ،عشان عيل يحيي  يتولد الاول ." 

تهانى 

" اتصرف دى بتموت جوا ، خلى اللي برا يحددتوا ياسين يوافج نخرج بيها ." 

" انت خابرة مفيش اتصال ،هو بيشيع راجل ، وهى ولدت فاجأه ." 

لتخرج حميده 

" انتم إهنا ، اشج خلجاتى منيكم ، واد اخ ." 

وقبل أن تكمل حديثها تنتبه لوجود زين .

" ولدى ، انت ربنا بعتك لينا ناجده من عنديه ." 

زين بإستغراب 

" مفهمش حاجة ، فهموني ، هى بتصرخ من الولادة معجول ." 

تهانى 

" اكيد امال بتدلع ، هنعمل ايه يا اما ." 

حميده 

" ما أنا جولت ،زين همي جدامى هتولد مها ." 

هدى بفزع 

" يولد مين ، وازاى ، هو في ايه ." 

تهانى بتفكير 

" مش وجت غيره دلوج ، صوح زين كان بيدرس في كلية الطب ، وخابر الحاجات دى ، وانت معاه يا اما ." 

هدى بحده 

" لاه مش غيره يا ست تهانى ، بس دا مشتغلش ولا اتخصص ." 

حميدة وهى تحث زين علي الدخول 

" الولادة مش محتاجه جامعه ،المهم يعرف يمسك المجص ،وبنضف الخلاص لم العيل ينزل ، يلا يا ولدى البت واللي في بطنها هيروحوا منينا ." 

ليفكر قليلا ، لكن صراخها ، يلغي اى ذرة عقل ليدخل الغرفه التى تتواجد بها مها ، ويترك هدى تتأكل. 

لينظر لها زياد بأسف 

" مرت اخوى ، زين بيعمل الصوح ،بلاش تفكرى في حاجة تانيه ." 

لتنظر له بغضب وتصمت 

داخل الغرفه 

كان تتلوي من الالم ،وتعتصر بيدها الفراش المحاط بها  ,لتنتبه له ،وتتفوه بضعف 

* زين هموت ، مش جادرة ." 

هى كان يخيل لها انها تتوهم انها تراه  , ليقطع تخيلاتها حميدة .

" متخافيش زين معانا ربنا بعته لينا ، جرب يا زين يا ولدى ." 

ليربط جائشة ،ويجلس ويري بالفعل أن الطفل ظهر ، ليبدء في الولادة 

" تهانى حضرى مجص نضيف ومتعقم ، وفوط جارى إهنا ."

لتبتسم مها بضعف ثم يمليها زين المفترض عمله ، لتتبع تعلمياته ،وبالفعل يولد الطفل ، ليره ويتعجب .

" بنوته كأنها مها بالظبط وهى صغيرة. " 

ليقف الجميع مبهورون من جمال الطفله بالفعل هى كأنها مها .

في نفس التوقيت وضعت هالة 

لتقول الممرضه 

" بنت يا ست نرجس ،بنت ." 

لتلطم نرجس خديها 

" بنت متوكده ، يا مرى يا مرى ، وانا اللي جولت هتجيب الواد ." 

لتاخذ الممرضه البنت وتعطيها لهالة لتنفر مها وتبغضها ،مع انها جميلة الملامح ،لكن ذكرى وجودها خلق بداخلها نفور منها .

عند مها تلطق صريخا مره اخرى 

ليصدم الجميع 

* بتصوتى ليه يا بتى ،بتك جات بالسلامه ." 

لتصرخ وتتلوى من الالم ،

زين بشك 

" هى حامل في تؤام ،ولا طفل واحد ." 

تهانى 

" الله اعلم ، مرحناش للدكتورة من يوم الحمل ما حصل ." 

ليغضب منهم ،ويري أن هناك طفل اخر 

" في كمان طفل ، ساعدينى يا مها ، خلى التانى يجيي ." 

بالفعل تحاول مها حتى تصرخ عاليه ،ليطل للعالم طفل اخر ،ولكن المفاجاه ملامحه كلها تخص زين ، لتصدم حميده ،كانها ترى زين بعد ولادته .

ليخرج زين بعد ما اطمئن انها بخير دون أن يري الطفل الولد ، فيكفي ما به هو في اكثر موقف لا يتمنى أن يكتب لاعدائه ، حبيبته وضعت بنت وولد حلمه الاخير معها .

تحضنهم مها بعدم تصديق

" دول ولادى بجد ." 

تهانى بمرح 

" ايوة كانهم انت وزين ." 

لتغمض اعينها براحه 

" نورتم يا ولاد زين ، ايوة انتم ولاد زين ، سليم زين الخولى ، ونور زين الخولى ." 

لتطلق حميدة الزغاريط فرحته بقدومهم ، ليستغرب زين بالخارج لكن لم يبالى .

زياد بدون قصد 

" مبروك يا زين ، مبروك ." 

هدى بحدة 

" بتقوله مبروك ليه هو ابوهم ." 

زياد.بإرتباك 

" لاه بس جصدى مبروك علينا ، كلتنا ." 

زين بهدوء 

" الله يبارك فيك ، عندينا حفيد جديد ، ويا مراد. ." 

زياد

" اه ، عجبال هدى ." 

هدى بتكبر 

" شكرا ، زين عايزة ارتاح ممكن ." 

زياد 

" خد مرتك وادخل نام وريح من الطريج ، يكون الوكل اتعمل ." 

ليؤما له زين ، بتعب نفسيا قبل منه جسديا ، ويدلف الي غرفته قديما . ليحاول أن يستريح .

في غرفه مها ، دلف مراد عليهم 

" نونو ، نونو و." 

لتحثه علي الاقتراب منها 

" جرب يا مراد ." 

ليقترب واعينه زائغه من فرحته بالطفلين ،لتلاحظ انه ينظر إلي نور .

" دى اسمها نور ، ودا سليم ، سليم هيبجى صاحبك واخوك ، ونور دى بجى لم تكبر تتجوزها متفجين ." 

ليؤما بسعادة 

" ماشي ، ماشي ، وخرج يلعب ." 

عز بغضب 

" يعنى سليم اخوه ،ونور هيتجوزها ، وانى اعمل ايه ." 

" أنت الكبير تحافظ عليهم صوح يا عز ."

عز وينظر لنور بحنان

" صوح بس نور حلوة جوى ." 

ويخرج هو الآخر ، لتنظر لهم بدموع 

" انتم هدية كبيرة عليا جوى ، عشان يا ترى ربنا ، هيعجبنى انكم تروحوا منى بعد ما بجيتم ويايا  , ولا ربنا ليه حكمه في وجودكم تانيه ." لتدخل عليها تهانى تساعدها في تغير ملابسها  , وتطعمها .

في منزل مرسي 

" نرجس افتحي جاعه ياسين ، مها ولدت جابت بت وولد ، وشيعت الرجالة يجيبوها ." 

لتنظر له بغضب 

* حاضر يا معلم ، وهنعمل ايه في اللي فوج دى ." 

" هتفضل لغاية ما البت تتفطم ، وبعدها نشوف ."

بالفعل ارسل مرسي رجالة ،الذين كانوا يتشابكون مع زياد ،لتخرج بتعب عليهم .

" هو اللي بعتكم مخبرش أنى لسه والده ، ومجدراش حتى اجف علي رجلى ." 

الرجل بخنوع 

* أنى عبد المأمور هو جال تحضرى انت والعيل في الحال. " 

برعب هتفت حميدة

" لاه ولا هى ولا العيال ، ادخلى ارتاحى ،وانت بلغ اللي بعتك مش هتتنجل من إهنا ." 

الرجل 

" ست الناس ، الاوامر اللي عندى اللي يجف في وشي اتصرف ، خلينا نمشوا بالهدواه ." 

لتغمض عينها بألم 

" خلاص يا عمتى متخافيش عليا ، وبوعيد استرسلت.  جبل ما الاسبوع يعدى هكون رجعت متخافيش علينا ، وتضم أطفالها ، وتتحرك بوهن معهم .

في الجبل 

بداخل مغارة 

كانوا يطلقون الاعير النارية ،احتفالا بولادة مها .

" مبروك يا كبير ."

ياسين للرجل 

" متوكد انها جامت بالسلامه " 

" أيوة يا كبير ، صوت صريخها كان جايب اخر البلد ، حتى اللى  ولدها زين واد عمتها ." 

ياسين قطب جبينه 

" زين ، امال الداية فين. " 

" اصل الست هالة تعبت الاول ، والست نرجس ، خدتها وفضلت الست مها تتوجع ،لغاية ما ولدها زين ، بيجولوا جابت واد وبت ، والست هالة جابت بت ." 

ياسين بجشع 

" يعني الواد منى أنى ، أنى اللي هورث وعيالى ، افرحوا يا رجالة ،وانت بلغ الراجل يجهز خلينا نمشوا من إهنا ، وجول لست مها ممنوع تخرج بالعيال من الدوار ، تخرج لحالها وتعاود طوالى ، و لم نهملوا البلد هناخدو بت يحيي ويانا ، ايوة مهسبهاش تتبهدل إهنا ." 

" امرك يا كبير .* 

.... ...... ....... 

بعد ايام 

كانت حالة مها استقرت وهالة كما هى تنفر من ابنتها ،اطلقت عليها مها اسم عنان ، لتحاول أن ترضعها ،لترفض نرجس .

" لاه ، بكفايا لبنك لعيالك ، ومين عارف يمكن نجوزهم لبعض ." 

لتدمع هالة 

" كان يحيي هيطير من الفرحه ، لم يشوف بته ، الله يجازى اللي كان السبب ."

لتحتضنها مها بمكر 

" هونى علي روحك ، ربنا يعوضك في بتك ." 

نرجس 

" جرا ايه بتتحدتوا كأن ولدى انجتل ، ولدى مات موته ربنا ." 

مها بارتباك مقصود 

" ايوة ، امال ايه ، خلاص يا هالة اكتمى ." 

هالة بحدة قاصدة ايصال كل حرف داخل أذهان نرجس 

" لا مهسكتش ، ما هى لازمن تعرف ، دا ولدها برضيك." 

" اعرف ايه ما تنطجى ." 

هالة بهمس 

" يحيي ما متش موته ربنا ، دا انجتل والسبب ، المعلم مرسي." 

" أنت اندبيتى يا وليه ولا إيه ، فوجي لحديتك ." 

" أنى فايجه زين ، يحيي جال للمعلم رايد حتة ارض ، عشان سكان الارض رايدناها ، هو مرضيش ويومها مات ." 

مها بحزن مصطنع 

" الله يرحمه آمال ليه ياسين رايد ناخدو عنان ويانا ، عشان خايف من غدر مرسي عليها ." 

نرجس بجنان 

" أنت متوكدة من الحديت .دا. " 

هالة ومها في صوت واحد

" كيف ما انت واجفه جدامنا إكده ." 

لتهب نرجس واقفه وتدخل مسرعه لغرفه مرسي .

هالة 

" يا مرى ،هتساله ،هتساله ." 

مها بخبث 

" لاه مهتسالش ، هتنفذ طوالى ." 

لبرقبوهم من بعيد .

في غرفه مرسي 

" أنت طول عمرك بتكره يحيي ،وبتفضل ياسين ، عشان يحيي ولدى وياسين ولدها صوح ." 

مرسي 

* اتجنيتى ولا ايه. , بتفتحى في الجديم ليه ، يحيي وخيتك ماتوا ،واللى كان كان ." 

" لا مكانش ، طول الوجت بشوف عينك إللي علي نسوان البلد واجول معلش ، راجل برياله ، لكن توصل إنك تضيع ولدى ، وانى اجول موافج ليه بت يحيي تسافر وياهم." 

* فوجي احنا هيبتنا في ياسين ، وهو هيسافر ،الاحسن ليها تروح وياه ،عمها واولى بيها ." 

نرجس بجنون 

" بعينك يا مرسي ، بت ولدى أنى اللي هربيها ، محدش هيرييها غيري ، وانت وياسين وعياله هتموته ، ايوة زى ما كت السبب في موت ولدى ،.وانه يدفن لحاله ، هدفنك انت كمان ، بكفايا اللي عملته السنين اللي فاتت ، اختى ،ونسوان البلد ،وبتك اللي رميها ومفكرتش تسال عليها ، هاخد حج ابنى ،اللي خليت اهل الأرض خدوه من حضنى ،ومفرحش ببته ." 

قبل أن يتفوه مرسي ،كانت تغرس نرجس السكين بقلبه ، وتنظر له بغل .

" مووت يا مرسي ، وهجتل مها وعيالها ، وياسين راح ، والفلوس و كلها هتبجي ليا ولبت يحيي ." 

لترتعد مها ةبخوف .

" هالة بسرعه همى علي فوج هاتى بتك ." 

ليدخلوا غرفه مها الكبري.

وتحدث مها زياد 

مها برعب

" زياد انت في البلد ." 

زياد بقلق 

" أيوة مال صوتك ، فيكى ايه ." 

" مش مهم دلوج ، تعالى عند الدوار ، وادخل من بين السلك اللي ورا بسرعه يا زياد ، الله يرضي عنيك " 

زياد بإستعجال 

" أنا اصلا هناك ، كان عندى شغل وجريب منك جوى ، اخرجى ." 

لتاخذ مها الاطفال الثلاثه ، 

" يلا انت واجفه ليه ، همى ." 

هالة 

" هنروح فين دلوج ." 

" هنهمل البلد ، مرسي ومات ونرجس هنبلغ عنيها ، همى امسكى بتك ." 

لتخرج وهى تتلفت حولها ، وقابلت زياد .

ليساعدهم علي الخروج .

" بسرعه ، خلونا نمشوا من إهنا ، نرجس اتجنت ،وجتلت مرسي ، عرف الظابط بسرعه ." 

لينصرفوا مسرعين نحو منزل حميدة 

في نفس التوقيت دلف ياسين المنزل ، لياخذ مها والاطفال للسفر ، ليرتعب عندما يري نرجس تدور حول نفسها وتنادى علي مها ،وتتوعد لها بالقتل .

" أما في إيه ، مها والعيال فين .* 

* ابوك مات ، جتلته بيدى ، وهجتل مها .* 

ليصدم من حديثها ، ويري ابيه لقي حتفه بالفعل ، ظل يبحث عن مها لم يراها ، ليعلم انها فرت بالتاكيد ، ليهرول ورائها مسرعا ، لمكانها الوحيد .

.....،........ ........

في منزل حميده 

دلفت مها وهي تستند علي زياد ويحمل الاطفال ، وخلفهم هالة ليهرول عليها عز .

حميدة وهي تقبلها وتطمئن عليها .

" انت زينه ،حوصل ايه ." 

،" زينه ، متخافيش نرجس كانت هتجتلنا ، المهم لازمن نمشوا من إهنا بسرعه ." 

ليخرج زين وهدى 

" تمشى فين وليه ." 

مها بإستعجال 

" مش مهم لازمن نمشوا كلتنا ، هالة خدى عيالك وامشي من اهنا ، ابعدي عن الصعيد كله ." 

هالة بنفي 

" لاه هاخد ولدى بس ، رايده البت لم تكبر تعرف أن جتلت يحيي ،تعمل ايه ، بدون إرداة منها تعطها لهدى ، لتحضنها هدى بحب غريب .* 

مها بجنون 

" أنت مجنونه ، براحتك دى بتك ، يلا يا عمتى ، وأنت كمان يا تهانى لازم كلتنا ةنمشوا .* 

زين بغضب 

" أنت جاية تجلبي حال الكل ، يمشوا فين وليه ." 

" فين في اي مكان ارض الله واسعه ،ليه عشان نرجس اتجنت وياسين لسه متمسكش ،اول ما يتمسك هنرتاح ونرجع بعدها ." 

حميدة بتفهم 

" انتم هتاخدوا في الحديت ،يلا بينا جهزى ولدك يا تهانى ، زين خد مرتك واتوكل انت ." 

" اتوكل فين ، مش لم افهم هى خايفه ليه كدا ." .لتفزع هالة 

" يحيي ، يحيي عايش ." 

لتنتفض مها. ورائها لم ترى احد 

" اهدى يا هالة ، اهدى يحيي مات انت نسيتى ." 

لتنهار من الرعب 

" لاه انت اللي جتلتيه ،ايوة هى اللي جتلتك ،انى اديتك السم بس ." ليصدم زين والجميع .

" هااااالة فوجى ." 

هالة بجنون 

"إيه خايفه علي شكلك جدام حبيب الجلب ، فاكرة انك تعيشي حياتك ، وأنى سامح طفش وأبوي اتجن ، وأنت بجي تعيشي ، لاه يا مها ، ايوة يا زين مها جتلت يحيي ، وحتى جتل نرجس بتخطيط منيها ،تنكرى ." 

لتصدم مها 

"كت بتمثلي ، مشفتيش يحيي ، رايده توصلي ايه ، أنى اجول ايوة جتلت ، أيوة جتلته ، ولو رجع بيا الزمن كنت جتلته الف مره ." 

زين يمسك يدها بعنف 

" لاه كدب ،انت مش قاتله ، ولا بالشر دا ." 

" لاه يا زين ، جتلته ، خت تارى واللي عملوا فيكم ، وعملوا في غيرنا ." 

زياد بجنون 

" أنت مجنونه ،انت مين علشان تعينى نفسك قاضي ، ربنا موجود ." 

" محدش شاف اللي شفته ، واللي عمله فينا ." 

حميدة بتركيز 

" فيكم مين جاصدك." 

" مش مهم دلوج يا عمتى ." 

هالة بإنتقام 

" ليه مهتجوليش لعمتك علي بتها ." 

لتغمض مها اعينها بوجع 

" كت مستنيه الوجت عشان تنتجمي مني صوح .* 

حميدة بإنهيار 

" بتى مالها ، انطجي ." 

مها بإنهيار

"اللي مدفونه مش مها ، مها طول السنين كانت عايشة ، ضرب وحبس وحرج ،شافت كل العذاب علي ايد يحيي وياسين ، كانت لعبه وفي يدهم يوم ياسين يجول انت مرتى ، والتانى ملكه بالغصبنيه ، كانت ضهرى هناك ،فتحت ليا ابواب كتير ، عرفت انتجم بسببها ، ارتحتي يا هالة ، عمتى هى اللي طلبت متعرفيش جالت كفاية مره اتوجعتي ." 

زياد بدموع

" يعني ماتت ." 

مها وهى تمسح دموعها 

" ايوة ماتت ، يحيي كان هيجتلني وجفت هى جدام الرصاصه ." 

هالة 

" جصدك بسببك ، انت دخلتي في راسه انه مسكون ، وبسبب اللي كان فيه ، كان رايد يجتلك ، وجتلها هى ." 

مها بإنهيار 

* لاه مش بسببي ، أنى معملتش حاجة ، هو اللي جتلها ، كان ممكن ياخدها ويبيعها ، بس مرضتش دفنتها واكرمتها ،وصلينا عليها و،صوح يا هالة ،صوح ." 

لينظروا لها جميعا بصدمه ،وهدى بتفشي .

ليسمعوا لصوت ضعيف جدا 

" يحيي جتلتيه عشان وجعك  ، والشيخ ابراهيم ليه يا بت بطنى ." 

مها التفت لها بصدمة 

" أنت نطجتى ." 

عبلة بضعف 

" ايوة ، ردى يا مها ." 

زين مسك شعره ليتحكم في غضبه .

" انت بجيتى إكده صوح ، انت جتلتى الشيخ إبراهيم ." 

مها بضياع ودموع 

" إني مكنش جاصدى ، هو مسمعش الحديت ، زين أنى حميتك ،ياسين كان هيجتلك ، اشتريتك ." 

حميدة وهى تلطم 

" يا مرى ، بتى شافت المرار ، وأنت عملتى كل دا ." 

مها وهي. تمسك يد عمتها 

* لاه يا عمتى ،انى جبت حجها ، هى كانت خابرة أنها مهتخرجش من هناك واصل ." 

ليصدم الجميع وهى تبكى وتقص ما حدث ، كيف لها امتلكت البلده بإكملها ، وكيف وصلت هالة أن تكون زوجه ليحيي ، وكيف قتلته.

ظلت تضرب بيدها علي صدرها 

" انى عملت كل حاجة ، كل حاجة عشان حجي ، ولو رجع بيا الزمن كنت عملت تانى وتالت ." 

زين بغضب

" انت مين ، ربنا موجود اسمه العدل ، هو مش غافل ، هو بيكون مأچل رد المظالم ،لحكمه عنده ." 

مها 

" مهما جولتم أنى مغلتطش ." 

زياد بجنون

" أنت خابرة حكم اللي عملتيه دا في الدنيا إيه ، إعدااااام ." 

مها بمرارة 

" علي أساس أنى عايشة ، أنى من اول ما رجلى خطت دوار مرسي ، وخابرة أنى هموت ، اختارت اموت وانى جايبه حجى ." 

هالة

" انت لسه مشفتيش حاجة ، والمرار اللي جاى اكتر من اللي راح ، لتمسك بيدها سكين ، أنى حلفت يوم ما اهدك ، هخلص من الدنيا ، لأنى غيرك ، لأعرف اعيش بالحرام ، ولا هجدر اجف في وش جوزى ، ويعرف أن يحيي ملكنى حتى لو بالغصبنيه ." 

لتغرز السكين في قلبها ،وتسقط هالة ارضا ،لينفطر قلب عز عليها وتضمه هدى داخل أحضانها ، ليبكى بدموع وينظر لمها بحقد ، أما مها كانت في ذهول مما حدث لتنهار .

" أنى كت رايده تعيشي كيف ما عشت ، مش تموت ." 

ليدخل ياسين من الشباك عليهم ، وهو يلوح بالسلاح الذي بيده ، وهيئته تدل علي أنه استمع حديثهم بالكامل .

" كنت مخبيه كل السواد دا فين." 

ليقف زين تلقائيا أمام مها ، 

" نزل سلاحك يا ياسين ." 

مها ببرود

" همله دا ميجدرش يعمل حاجة واصل ." 

ياسين يتساؤل 

" ليه عملتى إكده ، دا أنى كت مسلمك كل حاجة ، واللي بتجولى عليه ، أجول أمين." 

مها 

" عشان لامؤاخذه انت مش راجل صوح ، مشي ياسين من إهنا مشي ، البوليس في البلد ، ولو شموا خبر انك إهنا ، هيجوا يكلبشوك ، وانت متجدرش علي البهدلة ." 

ياسين 

" بما إنك عاملتى كل دا علشان تارك ، أنى بجى رايد تارى ،وتار اهلى ، وهاخد ولادى ." 

مها بإستهتار

" اتلهى علي خيبتك ، مش لم يكونوا عيالك ." 

ليصدم ياسين 

" مش عيالى كيف ، امال عيال مين يا خاطية ." 

" أنى لو خاطية كت بجيت مرتك يوم واحد ، ولا دول يبجوا عيالك ، دول عيالى من جوزى ." 

ياسين بجنون 

" جوزك مين ، أنا جوزك ." 

مها بسخرية 

" مش بجولك اتلهى ، أنا جوزى جدام ربنا زين ، ودول ولادى منيه ، انت كان اخرك برشامة ، وتكون تحت رجلى ، وتصدج اللي بجوله ." 

زين بجنون 

" جوز مين ، عيال مين ." 

مها 

" أيوة أنى مرتك ، وسليم ونور ولادنا ، الشيخ ابراهيم كان مجوزنا لبعض زمان ، ولم حاول يجول لياسين ، جتلته غصب عنى ، عشان إكده  جولت حميتك ، يا زين ." 

لينفجر ياسين بغضب أعمى 

" واللي حمتيه زمان ، هاخده منيكى ، وهيتم عياله جبل ما يفرح بيهم ." 

ليرفع سلاحه النار امام زين ، لتقف مها امامه مسرعة ، ليطلق ياسين رصاصته لينهى حكاية شيطان ، شيطان كان في الامس من ابتكاره ،واليوم اصبح لعنه علي الجميع .

لينظر ياسين وهو يرى الدماء علي جسدها ،داخل احضان زين ، ليجن جنونه ويضع سلاحه علي راسه ، ويطلق رصاصة تنهى حياته ، لينظر الجميع بصدمة مما حدث

ليلتف الجميع حول مها ، ما عدا هدى التى كانت تحتضن عز وعنان 

زين بجنون 

" زياد ، تعالى ساعدنى لازم تتنقل المستشفى." 

مها بضعف 

" مفيش وجت ، أنى واعيه لنهايتى زين ، ومخبراش ربنا هيحكمنى برحمته ، ولا باللى عملته  ." 

ليحتضنها زين

" متجوليش إكده ، أنى مصدجت إنك رجعتى ." 

" اللي بيناتنا بجى واعر جوى ، وموتى صوح ، وصيتك سليم ونور ، ولادنا يا زين ، ربنا يعلم أنى مكنتش لياسين ، واصل ولا ليلة ، تهانى وعمتى خابرين كيف سليم ونور ولادك من صلبك ، مفيش وجت احكيلك دلوج ، اوعدنى انك تحافظ عليهم ، ويكونوا احسن منى ، عوضهم عنى ، جول ليهم أنى كت بحبهم ، سامحينى يا عمتى ، سامحوني كلكم ، مها مدفونه في الجنينه اللي ورا الدوار ، حجها تدفن عندك يا عمتى ، ادفنينى جارها ، عشان كيف ما كانت ويايا ، نفضلوا سوا ، لتنظر لزين بدموع .

" اضحك رايده اشوف ضحكتك ، يا حبيب الجلب ، هستناك تيجيلى ، بس بعد ما توصل سليم ونور لبر الأمان ، ادعيلى ربنا يسامحنى ." 

زياد بإنهيار 

" هيسامحك يا مها ." 

" احضنى يا زين أنى بردانه جوى ، احضنى ." 

ليحضنها زين بقوة ، وتستسلم مها للنهايتها ، وتقابل ربها ، ليصرخ نور وسليم عليها ويبكون بقوة.

زياد وهو يرابط علي كتف اخيه 

" الله يرحمها ." 

حميدة بإنهيار 

" مسمحاكى يا بتى ، قلبي راضي عنيكى ، ." 

وتحضن اولادها وتبكي وهم يبكون ، أما زين كان غير مصدق ما حدث ، ليصرخ بقوة وهو يحتضنها .

" لااااااااااا." 

..... ...... ...... 

بعد سبع سنوات 

كان صوت صريخها يوجعه اكثر منها ، ليخرج الطبيب عليه .

" زين بيه ، بنت حضرتك لازم دكتور تجميل يشوفها وبسرعه ، الحرق كبير ، ودمر خلايا الوجه تقريبا ." 

لينقض عليه 

" انت بتقول ايه ، يعنى ايه ، بنتى اتشوهت .." 

الطبيب 

" كل ما نسرع يبقي احسن ، هرشح لحضرتك اكتر من دكتور ." 

كان وقف مصدوما ، هو لم يفق من صدمة موت مها ، لتأتى حادثة ابنته ذكرته الوحيدة ، والنسخه المتبقيه منها ، ليفق علي يد طفله الثانى .

" هى نور مش هتبطل عياط وصريخ يا بابى ." 

ليحضنه زين ويهمس 

" سامحينى يا مها مقدرتش احافظ عليها ." 

            الفصل العشرون من هنا