رواية شيطان امراة الفصل الثاني عشر12بقلم مريم اسماعيل

سيطرت مها بسرعه بالغه علي مشاعرها ، وتحولت ملامحها الي فرحه كبيره ، وقامت بإطلاق الزغاريط ، فرحا بخبر خطبت زين ، مما أدى إلي صدمه الجميع  ، ثم اقتربت من هدى ضمتها الي أحضانها و وظلت تقبلها يمين ويسار علي خديها ، وتبارك لها ، وجاءت عند لحظه مباركة زين اجلت صوتها وملئته بالفرح ، هى حقا سعيدة لأجله سيعيش ، ستتغير حياته .

"مبرووك يا زين ، خابر لو عمتى كانت جالت ليا ، كنت فرشت البلد من اولها لاخرها بالرمل والورد كمان ، مبروك العروسه كيف الجمر ." 

ايوب

" تسلمى يا بنتى ، عقبالك ." 

لتنظر مها لزين بوجع ، معقول هذه هى النهاية ، لترد علي ايوب .

" أنى متجوزة يا حج ." 

كانت قاصدة نبرتها التى تملئها بالفرح كأنها عروس سعيد .

ثم شعرت أنها تريد الهروب ولو قليلا 

" يا مرى المحشي بيانه شاط ، وهرولت للمطبخ بسرعه  " 

وقفوا ينظرون لبعضهم ، هم يعلمون أنها علي حافه الانهيار ، ليتدخل زياد " اتفضلوا يا جماعه نورتم ، تهانى روحى شوفي الوكل مع مها ." 

حميدة بإعتراض 

" لاه ، اجعدى انت هروح أنى ." 

دلفت عليها حميدة 

لتراها تمسك طرف المنضده الصغيره ، وتحاول تنظيم انفاسها ، والسيطرة علي بكائها ، لتحتصنها حميده .

" متكتميش جواكى يا بتى ، الكتمه شينه عليكى ." 

نظرت لها وكأنها تحدثها 

لن يحدث لي شئ ما كنت اخشاه حدث وانتهى المطاف بي .

" حجك عليا يا بتى ، بس غصب عنى خابرة انك واعيه ليا انى شينه ، كيف اعمل إكده ، بس غصب عنى زين كان هيروح مني ، غصب عنى سامحينى ." 

" اوعاكى تجولى إكده ، طب واللي خلج الخلج أنى فرحانه ، ولم زغرط كان بجد ، خابرة وعيت ليه مكمل حياته وبجي عنديه ولاد ، ودنيا تانيه ." 

حميدة 

" خابرة يا بتى أنك فرحانه ليه ، بس الوجع ." 

مها بمقاطعه 

" عمتى خلاص انى واخده علي الوجع ، ودا اخر وجع هشوفه ، متخافيش عليا ، وأنى مشايلش منك ، بكفايا انه يبجي بخير ، بالدنيا كلتها ، ويلا سعدينى علشان ناكلوا ، يا رب الوكل يكفي ، ويعجبهم بس ." 

هتفت بأخر جمله بمرح يشوبه الوجع ، لتمسح حميده دموع مها ودموعها ،وتؤمى لها ويبدا في إعداد الطعام .

...... ........ ........ 

في منزل مجدى 

دلف بمساعده بعض من الرجال ، لتصرخ عبله 

" اخوى مالك ، مين عمل فيك إكده ." 

يجلس مجدى وكل جسمه ينزف دما ، وينظر لها بغضب بعد ما رحل الرجال .

" رجاله ياسين ، جطعوا جتتي ، وبتك نصبت علينا ." 

عبلة بعدم فهم 

" واحده واحده ، الله يرضي عنيك ، ياسين رجالته ضربوك ليه ، وبتى نصبت في ايه ." 

ليقص عليها مجدى حديثه مع مها لتلطم علي خديها وتهرول الي الباب ، وهى تتوعد لمها بالانتقام منها ، واجبارها علي استرداد أرضها .

...... .........   .......... 

في منزل مرسي 

دلف يحيي بهدوء ، ونزل لغرفه امل 

ليدخل عليها لتنتفض من مكانها 

" نفسي مره ادخل عليكى ، متتفزعيش إكده ." 

هي بخوف 

" الله يخليك هملنى انى جتتى مش خالصه ." 

يحيي بقرف 

" لاه متخافيش أنى مطيجش ابص في خلجتك ، المهم عملتى ايه ." 

" عملت اللي جولت عليه ، وهى رايده تخلص من الكل صوح ." 

" طيب اسمعى الحديت زين ، لم تعاود من عند عمتها ، هتجولى ليها نص حجيجتك ، خابره اوعاكى تعرف انت مين ، وإلا انت خابرة زين اللي هعمله ." 

هي برعب 

" لاه متخافش والله ، مش هنطج ولا هجول حرف واحد غير اللي تجوله ." 

" زين إكده ، ليهملها ويخرج ." 

لتتنفس هي ببطء ،وتحمد ربها انه لم يقترب منها 

" بس لازمن استغل مها واخلص منيك يا يحيي ، وطالما هدفنا أنى وهى واحد ، واللي باعنا واحد يبجى هنتفجوا عليكم كلتاكم ." 

....... ....... ..........

عودة لمنزل حميدة 

كان الجميع انتهى من تناول الطعام 

ايوب 

" الاكل جميل تسلم ايدك ." 

تهانى 

" أيوة امال ايه ، مها احسن بت في البلد تعمل وكل ، عليها نفس في الوكل يحوعك لو شبعان ." 

مها 

" بطلى غلبه وحديت ، متصدجهاش دى بس بتحب تكبرنى ." 

وبدأت في جمع الطعام ، لتساعدها تهانى لتتحدت بأمر مضحك .

" لاه انت عروسه ، بعد الفرح نبجى نطلعوا عنيكى ." 

وقفت تجمع الطعام ، وزين يراقبها بحنين ووجع عليها ، هو يعلم جيدا أن هذا ليس إلا قناع فقط.

ليبعد عينه عنها ويري هدى تنظر له بحنق ، ليشعر بالندم عليها ، هى وافقت أن تتزوج به لكن هو ايضا وعدها بالمعاملة الحسنه ، ولابد له من ذلك. 

قبل أن يحاول معها فتح حديث ، يستمعوا للطرقات علي الباب بقوه ، ليهرول زياد بفتح الباب ، وخرجت مها وهى تحمل صنيه عليها مشروبات ، لتفزع ومن صوت الطرق هكذا ، وتقف تلقائيا بجانب زين .

ليروا عبله تدخل عليهم بغضب شديد 

" هى فين ، بجى انت يا بت تضحكى عليا ، دا أنى هشرب من دمك ." 

مها فهمت سبب غضبها 

" واه مالك بس , داخله وجرا الشيطان في يدك ليه ." .

" هاتى الورج ، رجعى الارض يا مها ،انى برضك امك , ومعيزاش الدوار صدجينى ، بس رجعى الأرض ."

حميدة 

" مالك يا عبلة ، ارض ايه اللي بتتحددتى عليها ." 

" ارضي يا حميده ، ارضي ." 

مها بغضب اعمى 

" لاه جصدك ارضي انى ، الأرض اللي بعتينى علشانها ، تبجي حجى ، وارض ابوى برضيك ارضي ، وتحمد ربنا انت واخوكى أن مخدتش دواره ،ولا طردتكم من البلد كلتها ." 

عبلة وهى تحاول الانقضاض عليها

" هجتلك يا مها ،هجتلك ." 

ليقف زين بينهم 

" انى ساكت واجول دول حريم ، لكن تمدى يدك عليها وأنا واجف ليه ، واعيه لي مش راجل ، وانت يا مها خدتى ارض إيه. ، وخدتيها كيف ." 

مها بغرور 

" خدتها زى الناس ختمت وبصمت كمان تنكرى ." 

" مهنكرش ، بس كان  تجد دوار ،مش الأرض ." 

" واه وأنى مالى كت أجرى العجد ، واكملت بصدمه مصطنعه ، ولا صوح انت مش بتجرى. وعيت كيف العلام زين ، يلا مشي من إهنا بدل ما رجاله ياسين اللي برا يعملوا وياكى كيف اخوكى ، والله في سماه كلمه تانيه ، واخلى ياسين يرميكوم بره البلد ." 

لتنصدم عبله من حديث ابنتها ، وتحاول أن ترجع ارضها ، باتت تنظر حولها حتى شاهدت سكين ، لتلتطقه بسرعه وتنقض عليها لتجرحها ، لكن يقف زين وتجرحه جرح في كف يده بسيط ، لتتحدث مها بفزع 

" زين ، زين انت بخير ، يدك حوصل فيها حاجة ." 

ليحرك راسه يمين ويسار بمعنى لا ، لتنظر لها بغل 

" اظاهر ان نفسك تشوفى الوش التاني ، من عنيا ." .خرجت وفتحت الباب وهتافت رجل من رجال ياسين ، ودخلوا عليهم ليرتعد الباقي ، وقاموا بسحب عبله امام الجميع ، لتحاول عبلة أن تمد يدها لابنتها لتنقذها ، لتأمرهم مها بالوقوف 

وتهمس بجانب اذنها بفحييح 

" انجدك من ايه يا جلب امك ، طاجه الجدر وانفتحت ليك ، فاكرة حديت مين ده ، فاكرة جولتيه ميتا ، لنتذكر عبلة عندما اخذها ياسين ، وهى تحاول الفرار وتستنجد بها ، لكن كما هى لم تساعدها ، اليوم لن تساعدك ابنتك التى رمتيها للنار بيدك ، فاقت عبله من دوامه الأفكار علي صوت مها .

" خدوها يلا ، مستنين ايه. "

لتغمض مها عيونها براحه وهى تستمع لصراخها ، كأنها اغنيه هادئة ، وتتنفس بعمق وتخرج علي مراحل  ، لتلتفت للجميع الذين كانوا يتابعون برعب وفضول ما يحدث .

اول من تحدث زياد 

  "مشيتي اللي في راسك ، يا مها ." 

مها وهى تتلاشي النظر للكل 

" ايوة ولسه ، وبلاش حديت في الموضوع دا دلوج ." 

ايوب بتدخل 

" بس يا بنتى اللي فهمته دى امك ." 

" لا مش امى ، امى ماتت متخافش يا حج ." 

تهانى لكى تخفف ما يحدث من حده 

" بجولك يا هدى. ، تعالى ويايا نشوف الدوار بتاعى لم اتفرش بجي كيف ." 

هدى 

" تمام يلا بينا ، وجاءت لتخرج من الباب. " 

" تعالى مش من إهنا ، إهنا اسهل ." 

ليصعدوا السلم وقبل الوصول للباب يستعموا لحديث مها.

" عمتى ، أنى هعاود وبكرة هجيلك ." 

زياد 

" مش جولتى هتجعدى ، وبعدين لازمن نتحددتوا بلاش تهربي. " 

" مبهربش من الحديت بس كيف هنباتوا اهنا ." 

حميدة ." الحريم في دوار تهانى ، والرجاله أهنا ، ومفيش رجوع هناك خلص الحديت. " 

زين بغيره وغضب 

" وانت بجى مشيافاش انك عملتى حاجة غلط .* 

مها بعند 

" لاه معملتش امى ووافحت تبيع ، انى مالى ." .

" ومين جال أن بتخددت علي الارض ." 

قطبت جبينها 

" امال ايه ." 

" هتعرفي ايه دلوج ." 

ودلف لغرفه ثم عاد  ، وأمسك خصلات شعرها وقام بلفه وربطه بربطه الشعر الذي اتى بها من الداخل 

" شعرك هتفضلى طلاجاه إكده علينا ، تفتح الباب وتخرج الشارع والرجاله يشوفوا شعرك وانت ولا فارج معاكى ." 

هى كانت تائهه في مشاعرها هى بين احضانه. ، تستمع بحضنه وغيرته عليها التى هى ظاهرة للاعمى قبل البصير .

ليتدخل زياد بعدم لاحظ غدم رضا ايوب عما يحدث 

" بكفايا يا زين شعرها هيطلع في يدك ، زى العيال انتم إكده. ، طول عمرهم أكده يا حج تجول مولودين فوج روس بعض، مها زمان العيال ضحكوا عليها وجصوا شعرها من وجتها انى وزين محرجين عليها تخرج بيه ." 

ايوب بعدم اقتناع 

" اه ، هو انتم اخوات ولا ، ولاد عمتها ." .

زين بفهم ما يدور براسه 

" احم ،لاه مش خوات ، بس مها متربيه إهنا ." 

" الاختلاط دا مش صح ، خصوصا انها بنت تفتن ، معلش يا بنتى أنا بتكلم في الحق ." 

مها 

" لاه ابدا يا حاج ، بس احنا إكده من زمان ، بس عنديك حج ." 

لينظروا لبعض نظرات مختلفه لكن مضمونه هو القلق فقط .

..... ..... ...... 

في مكان عمل ياسين ويحيي 

يري ياسين رجاله يدخلون عليه ويجرون عبله ، ورميها تحت قدمه 

" الست مها ، جالت حاولت تجتلها ، وعورت زين ابن عمتها هو بيدافع عنها ." 

ياسين بعين حارقه من الغضب 

" واه انت بتجول ايه ، صوح الحديت يا وليه ." 

عبله بغل قررت بيع مها 

" ايوة صوح ، البت بتضحك عليك ، ومجرطساك وجاعده في الدوار لحالها مع زين ." 

ليضحك هو بتهكم 

" صوح وانت بجي جولتى تاخدى تاري ، وتغسلي عاري ." 

عبلة 

" أيوة ، بس هو ادخل وهي رمتني للرجاله ." 

ليتحدث الرجل 

" لاه يا كبير ، احنا جبناها من جوا الدوار ، وست الناس كانت مع عمتها وضيوف كمان ." 

ياسين بمكر 

" أنى بجي بصدج مرتي ، ورجالتي ،ام انت هتتمني تشوفي الشمس تاني ، خدوها الدوار في الجاعه اللي مطرفه ." 

الرجل وهو يسحبها 

" امرك يا كبير ." 

يحيي 

" هتعمل وياها ايه ." 

" لاه انى مهعملش هسيب مرتك تعمل ." 

ليضحك يحيي معه بمكر .

....... ....... ......... 

بعد اسبوع 

موعد زفاف تهانى وزياد ، وكتب كتاب هدى وزين 

حاولت هدى الوصول لزين لكن اكتشفت أن الأمر مستحيل ، لكن قررت عدم اليأس واكملت طريقها .

مها بقيت معهم وطلبت من ياسين أن لا احد يقترب من عبله إلا بعد عودتها .

في الفرح قبل وصول المأذون ،كان منزل حميده مليئ بالناس ،الذين أتوا ليباركوا ، ومها معها يوزعون الشربات علي جميع .

لترى مها احد من الباب لتسرع بكوب من الشربات له 

" واخده دا لمين يا مها ." 

كان زين من هتف بها 

لتلتفت تراه في كامل ملابسه ، تمنت أن تكون الليله هى زوجته ، تمنت أن تكون هي بجواره وليس هدى ، لكن ما باليد حيلة .

" احم شكلك ، حلو جوى " 

زين بوجع 

" عشان شايفه اللي برا ، مشيافش اللي جوا " 

مها بدموع 

" واللي جوا هيبجي احسن من دلوج مع الوجت ، في كلمه بس رايده اجولها ليك ." 

زين بترقب 

" هى ايه ." 

" انى عمرى لكنت ولا هكون لياسين ، يوم ما ابجي ليه يوم ما تتدفنى بيدك ." 

وانطلقت مسرعه من امامه للخارج ووقفت امامه بفرحه 

" عم الشيخ ابراهيم ، اتوحشتك جوى ." 

الشيخ ابراهيم رجل صالح ، وله معزه كبيره في قلب مها وعائلتها . وفي حاله لايخرج إلا للصلاه فقط ، لايتدخل بأحد 

" وانت كمان يا بتي ، بس في عروسه تخرج الشربات بيدها ." 

" عروسه ايه ، انى جدمت ." 

الشيخ بإستغراب 

" جدمتى كيف ، مش كتب الكتاب لسه هينكتب ." 

مها فهمت انه لم يعلم بزواجها من ياسين  

" لاه يا عم الشيخ ، زين خطب بت زينه من مصر ، انى اتجوزت من اكتر من شهرين " 

لينتفض هو 

"اتجوزتى كيف ،ومين ." 

مها بإستغراب من رده فعله 

" خالى اللي جوزنى ، لياسين ." 

" نادمى علي عمتك بسرعه يا بتى ، بسرعه ." 

" عمتى ليه ." 

" يا بتى الله يرضي عنيكى بسرعه ." 

دخلت مسرعه تبحث عنها بأعينها ، لتراها امام النساء تستقبل المباركات 

" عمتى تعالى ويايا ." 

حميده 

" مالك يا بت ، اجي فين ." 

" الشيخ ابراهيم رايدك ، بسرعه ." 

قطبت جبينها بإستغراب 

" الشيخ ابراهيم ليه ." 

"مخبراش يا عمتى ،يلا همي ." 

لتخرج معها

" كيفك يا شيخ ." 

" مش وجت سلامات دلوج ، هو سؤال واحد ." 

حميده 

" خير يا شيخ ." 

" زين طلج مها ، علشان تتجوز ياسين ." 

صدمه ، معقول هو يهزى ، هل من الممكن أن يكون عجز لدرجه الخرف ، كيف لزين أن يطلقنى ، هو لم يتزوج بها من الأساس ، لتفوق علي صوت هو يقول 

" لاه مطلجتش ." 

                الفصل الثالث عشرمن هنا