رواية حب علي ضفاف النيل الفصل الثاني والعشرون22بقلم نورهان محمد

اميره بخوف في ايه ياحياه

حياه بدموع مش عارفه يااميره انا لقيت مره واحده وانا وماما واقفين جهاز القلب بيقف وبيدي انذار ولقيتهم بيجروا علي الاوضه

لتكمل بشهقات انا مش قادره يااميره انا روحي بتتسحب مني آدم بيروح مني آه 

اميره وبدأت في الانهيار لتمكث علي احدي المقاعد المجاوره للغرفه

وهي تري والدتها تبكي بانهيار ومرات اخيها تبكي هي الاخري وحمزه يستند برأسه علي احدي الحوائط بحزن وكسره 

ولما لا ف هذا اليوم يذكرها بيوم وفاة زوجها وللمره الثانيه ينعاد عليها وكانه شريط يمر من امامها باحداثه البشعه التي لا تود تذكرها باي حال من الاحوال

لتعنف نفسها في محاوله منها ان تتماسك لتقترب من نافذة الغرفه الموجود بها لتري الاطباء يعرضونه لصدمات القلب في محاوله منهم ان يعيدوا النبض الي القلب من جديد 

ليقطع شرودها وسرحانها فيه خروج احدي الاطباء 

اقترب الجميع منه بلهفه اما هي فكانت تترقب هذه اللحظه بكل خوف حتي انها تلاشت ان تقترب بل كانت تبتعد بظهرها الي الخلف

حمزه بخوف طمني يادكتور

الدكتور بهدوء القلب عاد ليه النبض من جديد بعد ماكنا قربنا نفقد الامل في كده 

ليكمل بحزن لو القلب وقف تاني مش هنقدر نعمل حاجه وهنفقدوا للابد

اميره بصدمه ايه لتتأكد شكوكها في هذه اللحظه لتسقط اثرها ارضا فاقده للوعي بعد مرور شريط فقدان زوجها امامها من جديد ولكن زوجها ذهب نبضه وتوقف قلبه للابد اما اخيها فمازال علي قيد الحياه يسارع الموت

احلام بصراخ اميــــــــــــره

ليلتفت حمزه مسرعا نحو مصدر الارتطام ليجدها اميره قد غابت عن الوعي

حياه بدموع وهي تخبط على وجهها بخفه في محاوله منها لافاقتها ولكن بدون جدوي فاثر الصدمه كان اقوي من قدراتها وتحملها

الدكتور بعمليه استدعي الممرضات ليحملوها متوجهين بها الي احد الغرفه للكشف عليها

بعد دقائق 

حياه بقلق هي كويسه يادكتوره

الدكتوره بعمليه اه كويسه هي بس فقدت وعيها من الصدمه مقدرتش تتحمل ودا كان رد فعل طبيعي لسقوطها بالاضافه طبعا ان جسمها فاقد الغذاء فميش حاجه تقاوم بيها 

هي هتحتاج تكون معانا هنا لمده يوم علشان نجدد المحلول ونطمن عليه اكتر

حياه بحزن يعني مش هتفوق دلوقتي

الدكتوره بهدوء لا شويه وتفوق لكن من وجهة نظري يااريت متفوقش دلوقتي لانها هتتعب اكتر لانها المفروض تبعد عن الصدمات واي حاجه تزعلها لكن انا طبعا عارفه حجم الظروف اللي بتمروا بيها وطبعا دا خارج عن ارادتكم ربنا يطمنكم عليه

حياه بدموع ياارب يادكتوره

الدكتوره بموأساه وهي تلاحظ مدي تعب حياه هاتفه بهدوء وانتي يامدام حياه يااريت تحاولي ترتاحي شويه لان دا خطر عليك وعلي البيبي كمان

لتكمل بهدوء وكده كده مش هيفوق دلوقتي 

حياه وهي تمسح دموعها هاتفه بتعب منا مش قادره يادكتوره

الدكتوره وهي تستعد للرحيل هاتفه بهدوء ربنا يطمنكم عليه

حياه ياارب 

احلام بدموع ياارب الصبر من عندك اولادي بيروحوا مني ومش قادره اعملهم حاجه ياارب طمني عليهم

حياه وهي تجلس بجواره وتمسك بيدها وتمسح لها دموعها هاتفه بدموع اهدي ياماما ان شاء الله ربنا هيشفيهم ويعافيهم بس انتي ادعيلهم ومتعمليش في نفسك كده احنا بنستمد منك القوه

احلام وهي تحتضنها انا مش عارفه اقولك ايه غير ان ابني عرف يختار اللي تقف جنبنا في ظروف زي دي

لتكمل وهي تشدد من احتضانها هاتفه بحزن انتي بنتي اللي مخلفتهاش ربنا يبارك فيك يابنتي ويطمنا ويطمنك علي جوزك

حياه وهي تخرج من بين احضانها هاتفه بحب وانتي امي اللي ربنا عوضني بيها

هاتفه بهدوء ياارب ياامي

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

عند حمزه بالخارج

حمزه بقلق خير يادكتوره مالها

الدكتوره باستغراب هو حضرتك مش زوجها ليه مش جنبها

حمزه بحزن لا انا مش جوزها ان صاحب اخوها

الدكتوره بحرج انا اسفه

لتكمل بعمليه هي بس الصدمه كانت صعبه عليها شويه وهتفوق وهتكون بخير

حمزه بخوف يعني هي حاليا كويسه

الدكتوره بهدوء هي عندها شويه مضاعفات وضغطها كان واطي جدا طبعا كل دا وارد 

لتكمل بمؤاساه انا مقدره ظروفكم بس هي محتاجه راحه كامله

حمزه بحزن حاضر هنحاول معاها

الدكتوره بهدوء وهي تترجل الحمد لله على سلامتها

حمزه وهو يستند برأسه علي الحائط هاتفا بحزن وتعب واضح الله يسلمك

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

امام غرفه آدم 

كانت تجلس حياه وبجوارها احلام وامامهم يستند بظهره الي الخلف وهموم الكون فوق ظهره

احلام بهدوء ميعاد الزياره قرب يخلص وانت ياحمزه لازم... 

ليقطع حديثها دلوفء حسناء بنهجان

احلام بصدمه حسناء

لتلتفت حياه بصدمه عند سماع هذا الاسم لتجدها فتاه علي قدر من الجمال

حسناء بحرج عامله ايه ياطنط

احلام بضيق الحمد لله 

حمزه بغضب ممكن افهم ايه اللي جابك هنا 

ليكمل باستهزاء ولا جايه تشمتي فيه

حسناء بحزن والله ابدا ياحمزه انا جايه... 

ليقطعها حمزه بغضب جايه ايه يااستاذه حسناء ولا اقولك يابشمهندسه 

حسناء بدموع اديني فرصه ياحمزه اشرحلكم

حمزه باستهزاء تشرحيلنا ايه كفايه اوي اللي حصل قبل كده 

حياه بهدوء عايزه تقولي ايه يااستاذه حسناء احنا سامعينك اتفضلي

حسناء بدموع انتي اكيد حياه

حياه باستغراب ايوه ليه

حسناء وهي تمسح دموعها فيك كميه براءها وطيبه باينه في ملامحك 

لتكمل بطيبه هي دي فعلا اللي آدم يستاهل فعلا تكون مراته وحبيبته

حياه بخجل شكرا جدا

لتكمل بهدوء ممكن بقا تفهمينا عايزه تقولي ايه

حسناء بحرج انا اتظلمت يابشمهندس حمزه مش زي ماانت مفكر انا كنت ضحيه زي آدم بالظبط بس الاختلاف ان آدم قدر يهرب وينسي لكن انا اللي عشت الواقع دا بكل مافيه

حمزه باستغراب يعني ايه

حسناء انا اتغصبت علي اني اتخطب ل آدم انا كنت بحب شخص تاني وكنا هنتجوز وعلشان بابا لتضحك باستهزاء ينجح نفسوا اختار اني اكون الثمن وفعلا كنت الثمن انا ضحيت بحب عمري يعني مش هو بس اللي اتأذي

حياه بهدوء طيب مرفضتيش ليه

حسناء بدموع كان بيتحايل عليا وكان دايما بيقولي انو لو خسر املاكه وشغلوا هيروح فيها ودا اللي كان مخليني صابره وساكته بس تعبت انا طول الفتره دي كنت بتألم قد آدم مية مره بس الفرق ان ربنا عوضوا لكن انا لا ولسه بتندم اني مسافرتش مع الشخص اللي اختاروا قلبي

حمزه بذكاء طيب ليه مقولتيش لادم في الاول وهو اكيد كان هيفهم كده وهيساعدوا بدل الكذب والخداع اللي عملتوا واتسببتوا انو يضيع كام سنه من عمرو وهو بيتندم

حسناء وهي تمسح دموعها الذي غرقت وجنتيها منا قولتلك انو هو كان بيقولي وانا انفذ والدليل اني كنت بتكلم مع بابا اني مش عاوزاه لما آدم دخل وسمعني

احلام واخيرا تحدثت بهدوء طيب وانا ايه ذنب ابني في كل دا ايه اللي يخليه يتورط ويقعد كام سنه كاره فكره الارتباط بسبب حاجه هو ملوش ذنب فيها 

لتكمل بحسره غير انو بس كان ذكي وكان بيحب شغلوا

حسناء بدموع والله ياطنط انا بردو كنت كده وعشت الفتره دي بتانيب الضمير بس فوقت متأخر من اني اريح نفسي واعترف بكل حاجه قدام المل

حياه بحزن علي حالتها طيب اهدي

حسناء وهي تكمل مسيرتها في الانتحاب انا والله اسفه وعارفه اني اعتبر متشاركه مع بابا لاني قدرت اكدب علي انسان واخدعوا معايا بس حطوا نفسكم مكاني انا عانيت 

لتكمل وهي تمسح دموعها انا مش عايزه دلوقتي غير حاجه واحده 

احلام ايه ياحسناء

حسناء وهي تمسح دموعها انكم تسامحوني وانا هفضل مع آدم لحد مايسامحني وبعد كده اللي يحصل يحصل 

احلام بحنان واحنا مسامحينك يابنتي وعفي الله عن ما سلف وربنا يجازيك خير ويعوضك ويكون في عونك بقا علي اللي بيعملوا ابوك 

حسناء بحزن وكسره ربنا يهديه بقا هو بيأذي وبيدمر نفسه بنفسه

حمزه باستغراب يعني ايه

حسناء بتوتر ولا حاجه انا هستأذن دلوقتي وهبقا ارجع اطمن علي آدم بعد اذنكم

لتترجل حسناء تاركه حمزه في دوامه من التفكير من بعد ماتفوهت به 

اما حياه فكانت بين نارين فهي مشفقه عليها وايضا نار الغيره تتاكلها وهي تتذكر ان زوجها وحبيبها كان خطيبها في يوم من الايام

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

عند حمزه 

توجه حمزه الي الخارج عائدا ومعه عدة شنط بداخلها طعام لهم

ليطرق علي باب غرفه اميره 

لتخرج احلام في هذه الاثناء 

حمزه بحزن اتفضلي ياامي انتو لازم تاكلوا حاجه علشان متتعبوش اكتر

احلام بحزن محدش قادر ياكل ولا يشرب وآدم في الحاله دي

حمزه وهو يمسك بيدها ويجلسها علي احدي المقاعد ويجلس بجوارها هاتفا بحزن لا ياامي لازم تاكلوا علشان تقدروا تقاوموا ولما يفوق ان شاء الله يلقيكم كلكم في احسن حال

ليكمل وهو يشدد من الضغط علي يدها هاتفا بهدوء يخفي خلفه بركان من الخوف علي صديقه وبعدين احنا بنستمد منك القوه وربنا قال ايه "قل لن يصيبنا الا ماكتب الله لنا"

احلام بدموع ونعم بالله بس انا ام ومش قادره ياابني والله اقاوم اكتر من كده

حمزه وهو يقبل يدها ورأسها متقلقيش والله ربنا هيشفيه وهيعافيه انا عندي ثقه في ربنا انو هيقوم منها ويرجع احسن من الاول

احلام وهي تمسح دموعها يااه ياابني ياارب 

حمزه بقلق اميره عامله ايه انا قلقان عليها اوي ليشعر بما تفوه به هاتفا بتغيير للموضوع وحياه بردو

احلام بحزن لسه نايمه من لما وقعت من طولها

حمزه بحزن خير ان شاء الله 

احلام ان شاء الله 

لتقف احلام وهي تحمل بيدها الشنط متوجه الي الداخل

لتقف مره اخري هاتفه بهدوء حمزه

حمزه بانتباه وهو يلتفت نحو مصدر الصوت هاتفا بهدوء نعم ياامي

احلام بهدوء حمزه يابني روح انت ارتاح

حمزه بنفي لا يمكن امشي من هنا قبل مايفوق وبعدين مقدرش اسيبكم لوحدكم هنا 

احلام وهي تربط علي كتفه هاتفه بحنان انا هكون مرافق مع اميره وحياه مرافق مع آدم انت بقا انا لايمكن اسيبك تبات هنا 

لتكمل بتذكر وبعدين مش هينفع تسيب اختك تبات في البيت لوحدها هي صغيره وتعبانه بردو وكمان ياسين اكيد تاعبها دلوقتي

حمزه بتذكر وهو يهاتف نفسه اه صحيح ليكمل لنفسه ايضا بس انا مقدرش اسيبهم حنين هتقفل علي نفسها لكن دول مين هيكون معاهم لو حصل حاجه

ليقطع شروده كلمات احلام هاتفه بهدوء روح ياابني واحنا والله لو احتجنا حاجه انا اللي هرن عليك 

حمزه بجد 

احلام ايوه والله

حمزه بحزن تمام ياامي

احلام بابتسامه بسيطه تصبح علي خير ياابني

حمزه بنفس الابتسامه وانتي من اهلو ياست الكل

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

عند حياه

كانت تصلي بخشوع وتدعي بكل نقاء وخشوع ان يرد الله اليها زوجها سالما وايضا ان تفيق اخت زوجها ويجتمع الشمل من جديد 

احلام وهي تترجل الي الداخل وتحمل بيدها وجبات الطعام هاتفه بحنان يلا ياحياه علشان تاكلي

حياه بهدوء وهي تترجل من مكانها هاتفه بحزن لا ياماما مش قادره 

احلام بحنان بس ياحياه اللي انتي بتعمليه دا مش هيفيد بحاجه وبعدين انتي لازم تعتني بنفسك علشان لما يفوق يلاقيك بخير انتي والطفل اللي في بطنك ولا ايه

حياه بهدوء بس انا والله مليش نفس

احلام بابتسامه حاولي حتي لو هتاكلي حاجه بسيطه

حياه بطيبه حاضر ياماما

بعد مرور 

حياه بحزن انا هروح اطمن علي آدم 

احلام بحنان تمام ياحبيبتي 

♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

في غرفه آدم 

كانت تترجل حياه الي الداخل بحزن واضح فقد حل آخر الليل وزوجها لم يفيق بعد لتمرت هذه الساعات عليها مثل السنين في صعوبتها

لتصدم حياه مكانها وهي تري شخص يجلس امام السرير ويبكي بحرقة ويهمس ببعض الكلمات

حياه بصدمه من الجالس وممسكنا بيده زوجها ويبكي عليه هكذا فما علاقته بزوجها لتجعلوا علي هذه الحاله

لتهتف اخيرا وهي تقترب مين حضرتك

محمود بخوف وهو يلتفت خلفه ان... ا انا

ليصدم هو الآخر وتتحول صدمته الي ابتسامه بسيطه 

هاتفا بحنان انتي حياه 

حياه باستغراب ايوه انت تعرفني 

محمود بهدوء ايوه اعرفك

حياه باستغراب طيب هو حضرتك مين

محمود بهدوء انا محمود ابو آدم 

حياه بصدمه ايه

محمود وهو يقف امامه انا عارف انك مصدومه بس دا ابني وكان لازم اشوفوا واطمن عليه كفايه اني اتحرمت منه كل السنين دي

حياه وقد بدأت دموعها ان تسيل من عيونها مجددا هاتفه بكسره وحزن ودلوقتي حضرتك عايز ايه

محمود بحنان ممكن متعيطيش يابنتي

حياه بدموع لو سمحت متقوليش يابنتي انا لا يمكن اكون بنتك وانت السبب في تفريقي عن امي 

محمود بانهيار حرام عليك يابنتي حتي انتي احنا عانينا زيكم واكتر بلاش بقا تظلمونا اكتر من كده

حياه بدموع بلاش نظلمكم احنا اللي اتظلمنا مش انتو 

محمود واحساس الذنب يتملكهوا هاتفا بهدوء عندك حق يابنتي احنا غلطنا ودا جزاء غلطنا ولازم نتحملوا

ليكمل وهو يستعد للرحيل هاتفا بحزن اهم حاجه متبلغيش حد اني جيت انا حاولت اجي متأخر علشان محدش يحس بيا بس انا واثق انك مش هتقولي لحد

حياه وهي تمسح دموعها هاتفه بحزن تمام

ليتركها ويرحل وسط كثير من الاشياء التي تود ان تعرفها

لتفيق اخيرا من شرودها وتقترب من آدم وتمسك بيده هاتفه بحب مش كفايه بقا ياادم كل لحظه بتمر عليا وانت كنت يتموتني الف مره

لتكمل وهي تكتم شهقاتها فوق بقا ياحبيبي انا مش قادره اعيش من غيرك انت كل دنيتي انا مش قادره اتحمل اكتر من كده 

لتشدد من الضغط علي يديه هاتفه بحزن يلا بقا علشان نطمن علي نور حبيبة بابا وكمان وتذاكرلي علشان اشد حيلي واكون دكتوره زي ماوعدتك 

لتكمل بابتسامه وابقا الدكتوره حياه واحقق حلم حياتي والفضل يكون لربنا ثم ليك

وتكون نور نورت علي الدنيا بسلام ونكبرها سوا وتكون سندا لينا ونعوضها 

لتستندت برأسها علي يده وتغمض عيناه وهي مازالت تتفوه ببعض الكلمات ليمر وقت علي هذا الحال لتغفوا مكانها من شده التعب

لتفيق علي الم بطنها 

وبعد مرور عدة دقائق من دهشانها وتفقدها لطفلها 

لتضع يدها اسفل بطنها هاتفه بحب حتي نور لما حابه تتطمن علي بابا حبيبها اللي هتشاركني فيه في كل حاجه الحب والحنان والطيبه 

لتكمل بابتسامه انا كنت بتكسف اقولك بحبك وانت كنت بتبقا عايزني اقولهالك دايما وانا اهو بقولك بحبك ياادم 

لتشعر بيده تتحرك بين يديها لتشعر بانها من كثره شوقها اليه تخيلت ان يده تحركت

ولكن من الواضح ان الحلم اصبح حقيقه لتفيق من حزنها كل كلمته 

آدم بتعب وان..ا  كــــمان بحـــــــــبك ياحياه

حياه بصدمه وهي ترفع وجهها نحوه هاتفه بدموع وشوق وهي تتفقده بلهفه ودموع آدم حبيبي.......