رواية جسد بلا روح الفصل الثالث3بقلم ايه عبد السلام
كنت قاعدة وجمبى أدهم اللى لسه مصدوم من اللى حصل
أدهم بعدم تصديق : بنته انتى طلعتى بنته
تاج بحدة : متقولش بنته اوعى اسمعك بتقولها تانى انا غيرت اسمى من تاج الحصرى لتاج عبد المجيد على اسم عيله ماما الله يرحمها
أدهم بإستغراب : بس انتى ازاى تعملى كدا دا مهما كان ابوكى
تاج بنبرة إنكسار : لو عشت اللى انا عشته هتعمل اكتر من كدا
أدهم بفضول : ممكن تحكيلى لو دا مش هيدايقك
تاج بصتله بتردد بعدين قررت انها تحكى يمكن ترتاح شوية
• كنت طول عمرى وانا صغيرة اشوف اللى اسمه بابا بيضرب ماما قدام عينى كان بيضربها جامد كإنه بيضرب راجل قدامه انا فاكره انها كل مرة كانت بتترجاه عشان يرحمها شوية بس ماكنش بيرحمها دا بالعكس كان بيزيد فى ضربه ولما كنت احاول ادافع شوية عنها عشان لسه صغيرة كان بيضربنى معاها ضرب مبرح وكإنى مش بنته من لحمه ودمه واكملت بدموع كنت كل يوم اقوم على كوابيس من صوت صريخها اللى لسه معلق فى دماغى لحد دلوقتى مش راضى يطلع ولحد دلوقتى مبعرفش انام من غير منوم ولو نسيت اخده فى يوم بقوم مفزوعه وانا سامعه صوتها وهى بتترجاه وبتضرب
• فضلت على هذا الحال كل يوم ضرب و إهانه وللاسف عشان ماما كانت يتيمه ومبتعرفش تاخد حقها ماكنش حد بيوقفه عند حده
• لحد ما بقى عندى ١٣ سنة وفى يوم اجى وضربها وجرجرها على الارض ورماها وقالها انه هيتجوز وطلقها وجرجرنى انا كمان وراها .. فضلت تتذلله وتقوله انها ملهاش حد على الاقل خد بنتك عشان متطمرمتش معايا واكملت بسخريه عارف قالها ايه قالها ميهمنيش مراتى مش هتقبل بقرفها وغوروا يلا
• ومن بعدها وانا اقسمت ان هيجى اليوم اللى هنتقم منه بعد ما طردنا وللاسف ماكنش لينا اى حته نروح فيها ولا حتى كان معانا قرش واحد مهانش عليه حتى يدينا شوية فلوس بالرغم من انه وقتها كانت حالته المادية متوسطة يعنى كان معاه بس مرضاش عشان يصرف على السنيورة بتاعته وامى ماكنش معاها غير الحلق الدهب اللى كانت لبساه و اضطرت تبيعه واجرنا بيه اوضه تحت السلم فى عمارة كانت مِكَسره وشبه مهجورة .. امى اتهانت اوى وقعدت تدور على شغل ملاقتش غير انها تمسح الحمامات كنت بشوفها تعمل كدا كل يوم وانا حرفيا كنت بموت جوايا كل يوم وانا شايفاها فى الذل و الاهانة دى لحد ما بقى عندى ١٦ سنة وإتفاجئت وانا راجعة من المدرسة لما لقيتها مرمية على الارض وبؤها بينزل دم كتير .. لما شوفتها بالحالة دى جاتلى حالة هستيرية وقعدت اصوت بطريقة مش طبيعية لدرجة ان الناس اتلموا على صوتى ولما شافوها كده اخدوها على المستشفى بسرعة بس للأسف وصلت ميته طلع كان عندها كانسر و مرضتش تتعالج عشان الفلوس اللى عينهالى للمستقبل متخلص ساعتها انا فقدت اخر ذرة روح ليا وبقيت عبارة عن جسد بلا روح .. بس حطيت كل حزنى وقهرى فى المذاكرة لحد ما دخلت طب بقيت اشتغل عشان اصرف على نفسى وفى نفس الوقت ادرس لحد ما قربت اتخرج بس اقسمت على نفسى انى قبل ما اتخرج اكون منتقمة منه
أدهم بتأثر شديد : انتى ازاى عشتى كل دا وازاى ابوكى عمل كدا دا معندوش ذرة رحمة
تاج مسحت دموعها وقالت : انا دلوقتى ميهمنيش غير حاجة واحدة بس انى اكمل انتقامى
أدهم : ايه الخطوة الجاية وانا معاكى فى اى حاجة
تاج : مش عايزة منك غير حاجة واحدة بس انك تعرفنى على الرائد صاحبك هحتاجه جدا
أدهم بإستغراب : عايزاه ليه
تاج : هتعرف فى وقتها
أدهم : بس انا عندى سؤال
• تاج بصتله بمعنى انه يكمل
أدهم : انتى مخططة لكل حاجة وتقريبا بتنفذى بنفسك ليه حطيتى ايدك فى ايدى
تاج : عشان انا عندى الذكاء وكنت محتاج قوة السلطة وانت عندك قوة السلطة