رواية كيان فارس
الفصل الحادي عشر11
بقلم رنا تامر
كيان بصدمه/ انت جيت هنا ازاي.
فارس جلس بجانبها علي المقعد وتحدث بحنيه/ اوعي تفتكري انه كل السنين اللي فاتت اني مكنتش شايفك قدامي او مش مهتم بيكي زي ما بتقولي.. الفكره اني كنت معاكي و براقبك من بعيد من غير ما تلاحظي.. كيان انتي كل حاجه بالنسبالي.
كيان وهي تنظر امامها ولم تنظر له/ بردوا مقولتليش عرفت المكان ده ازاي.
فارس بنفس عميق/ لما كنتي بتضيقي اوي من الفيلا وتحبي تقعدي لوحدك تيجي هنا وانا زي ما قلتلك كنت براقبك من بعيد فكنت باجي وراكي وافضل قاعد لغايه ما ترتاحي وتروحي وبعديها ارجع وراكي البيت.
كيان نظرت له بدموع/ ليه يا فارس كنت بتعمل معايا كده.. ليه كنت بتراقبني من بعيد وتحميني من بعيد حتي حبك ليا كان بردوا من بعيد ليه مجتش في مره حسستني انك فعلا بتحبني.. انت خلتني افقد الامل فاني ارجع احبك واثق فيك زي زمان.
فارس امسك يديها بحب و نظر لها ناظره ساحره
/ انا بجد اسف اسف علي كل حاجه عملتها معاكي وضيقتك مني.. كيان انا مش عارف اوصفلك كميه الحب اللي من نحيتي ليكي.. سامحيني يا كيان وانا اوعدك من النهارده اني عمري ما هجرحك تاني ولا اوقولك كلمه تزعلك مني.. انا فعلا اتغيرت يا كيان اتغيرت من ساعت ما حسيت انك ممكن تبعدي عني او تكرهيني.. سامحيني يا كياني.
كيان وقد بدأت تحن لحب عمرها وتحدثت بخبث/ مسمحاك بس بشرط.
فارس بإبتسامة ساحره/ اشرط يا جميل.
كيان بخجل وتحذير/ هو شرطين.. اولا البت اللي اسمها نادين مشوفهاش في الشركه خالص ولا في حياتنا اصلا و اول ما نوصل الشركه ترفدها وابقي كده انا ارتحت.
فارس بتعجب وسخريه/ يعني نادين هي كانت مشكله حياتك.. طيب يا ستي موافق ايه تاني.
كيان بإبتسامة ساحره/ تاخدني الملاهي وتجبلي شوكلت زي زمان.
فارس بغمزه/ من عيوني يا قمر انتي هو انا ليا غيرك يا قطيتي.
كيان بحب وفرحه/ ربنا ما يحرمني منك يا فاروستي.
فارس وكيان ركبوا العربيه واتجهوا الي الملاهي وكيان كانت في قمه سعادتها
يكفي انها بجانب حبيبها وكل حياتها.
⭑─ׅ─ׂ─ׂ─ׅ─ׂ─•☆•─ׂ─ׅ─ׂ─ׅ─ׅ─⭑
•في اليوم التالي•
•في شركه المنشاوي•
•في مكتب ريم•
عمر طرق الباب و دخل.
ريم بسخريه/ تتحسد يا بني لا والله تتحسد ثانيه بس ابعت اجيب بخور ابخرك.
عمر قعد علي الكرسي بضحك/ في ايه كل ده عشان خبطت علي الباب.
ريم بضحك/ ما عشان كده انا مستغربه.. المهم كنت جاي في ايه.
عمر بجديه/ زي ما توقعنا بالضبط نادين طلعت تبع ادهم و باين عليه كده بيستغلها عشان يتأكد مين المقرب ل فارس.
ريم بجديه/ تمام احنا كده اتأكدنا من اللي ادهم عايز يعملوا..وكمان لازم نبعد البت دي عن طريق فارس.
عمر بجديه/ انا لازم اقول ل فارس عشان يرفدها من الشركه وتبعد عنه نهائي.
ريم بشر/ هو كده كده هيرفدها لانه...
ريم قصت علي عمر ما حدث بالامس بخصوص نادين.
عمر/ والله كيان دي جدعه بس برضوا هحكيلوا عشان يكرها اكتر.
ريم بجديه/ براحتك.. يلا بقي علي مكتبك عشان ورايا شغل.
عمر بسخريه وهو يخرج من المكتب/ ماشي يا سيده الاعمال باي.
⭑─ׅ─ׂ─ׂ─ׅ─ׂ─•☆•─ׂ─ׅ─ׂ─ׅ─ׅ─⭑
•عند فارس وكيان•
وصلوا معا الي الشركه ودخلوا.
كيان اول ما شافت نادين ابتسمت بسخريه لما سيحدث فيها.
نادين اقتربت من فارس بدلع/ ايه يا فاروس احنا مش هنشتغل بقي.
فارس ازاح يديها وتحدث بحده في متنصف الشركه بعدما عرف من ريم وعمر حقيقتها .
/ انتي مرفوده وبلاش اقولك السبب احسن ليكي واياكي اشوف وشك تاني انتي فاهمه.
نادين كانت مصدومه لما سمعته وتوقعت ان يكون فارس كشف سرها.
فارس بحده/ انتي لسه واقفه.. يلا اطلعي بررره.
نادين اخدت حاجتها وخرجت في صدمه.
كيان ذهبت الي مكتبها بانتصار وسعاده.
فارس للجميع بحده/ كل واحد علي شغله يلاااا.
ذهب الجميع الي عماله وفارس اتجه الي مكتبه.
⭑─ׅ─ׂ─ׂ─ׅ─ׂ─•☆•─ׂ─ׅ─ׂ─ׅ─ׅ─⭑
•في فيلا ادهم الهلالي•
دخلت نادين وهي في صدمه لما حدث ف لم تتوقع انه يكشفها بهذه السهوله.
ادهم بإبتسامه/ تعالي يا نوني اقعدي جمبي واحكيلي.
نادين جلست بجانبه وهي في قمه صدمتها ثم قصت علي ادهم كل اللي حصل.
ادهم بانتصار/ انا كل اللي هممني اني عرفت مين المقرب ل فارس.. ميرسي اوي يا نوني تعبتك معايا.
نادين بعدم فهم/ يعني ايه.
ادهم ببرود/ يعني شكرا لخدامتك معايا واتمني مشفوكيش تاني.
نادين بصدمه/ ازاي يعني.. طيب واللي بينا.
ادهم بسخريه/ ايه اللي بينا احنا مفيش بينا حاجه يا قطه.
نادين بحده/ انت بعد ما خدت كل اللي انت عاوزه مني تقولي احنا مفيش بينا حاجه.. وبعدين أنا مراتك ولا هتنكر دي كمان.
ادهم بحده/ لا فوقي يا حلوه اوعي تفتكري بالورقه العبيطه اللي معاكي دي نبقي كده متجوزين ده جواز عرفي يعني ممكن تسميه تسليه تسميه استغلال سميه زي ما تسميه.
نادين بتوعد/ وديني ما هرحمك يا ادهم الهلالي.
ادهم وهو يشاور علي باب الفيلا/ شايفه الباب اللطيف ده تخرجي منه ومشوفش وشك تاني.. فاهمه يا قطه.
نادين خرجت من الفيلا بغضب.
ادهم نظر للفراغ ثم ابتسم بشر وانتصار.
⭑─ׅ─ׂ─ׂ─ׅ─ׂ─•☆•─ׂ─ׅ─ׂ─ׅ─ׅ─⭑
•في شركه المنشاوي•
•في مكتب جاسمين•
اياد طرق الباب و دخل بكل هدوء وجلس علي الكرسي تحت نظرات جاسمين الغريبه.
جاسمين بإستغراب/ افندم عايز ايه.
اياد بجديه/ ده حجز باسمي واسمك في مطعم كده انا عارف انك بتحبيه اوي.
جاسمين بغيظ/ انت بتتكلم بجد يعني مسيابني شغلي عشان تقولي مطعم واكل.. ثم اكملت بصدمه.. انت قولت المطعم اللي بحبه.
اياد بإبتسامة بلهاء/ ايوه.
جاسمين بسعاده/ يبقي اكيد فيه السوشي اللي بحبه.
اياد بنفس الابتسامه/ ايوه بردوا.
جاسمين بسعاده مبالغ فيها/ اشطا انا معاك من غير كلام.. ها هتيجي تخدني امتي.
اياد بفرحه/ الساعه 8 مساء.
جاسمين/ اشطا نتقابل بليل.
اياد ذهب الي مكتبه بفرحه.. وترك جاسمين في سعاده.
⭑─ׅ─ׂ─ׂ─ׅ─ׂ─•☆•─ׂ─ׅ─ׂ─ׅ─ׅ─⭑
•في مكتب كيان•
كانت تعمل باندمج حتي جاءت عينيها علي فارس الذي كان شارد في الفراغ.
ذهبت اليه وجلست امامه.
كيان بإبتسامة ساحره/ حبيبي ماله من ساعت ما طلعت المكتب وانت مش طبيعي.
فارس بتهنيده عاليه/ حاسس انه ادهم ناوي علي حاجه غير متوقعه.
كيان بإستغراب/ ليه بتقول كده كل ده عشان بعت نادين تراقبنا.
فارس بزفر/ مش عارف المهم خلصتي شغلك.
كيان بإبتسامة/ اي حياتي.
فارس بإبتسامه/ اوكي كياني يلا نمشي.
غادر كلا من كيان وفارس وركبوا العربيه واتجهوا للفيلا.
⭑─ׅ─ׂ─ׂ─ׅ─ׂ─•☆•─ׂ─ׅ─ׂ─ׅ─ׅ─⭑
•في المساء•
•في المطعم•
وصلا اياد وجاسمين.
جاسمين جلست واياد جلس امامها.
اياد بإبتسامة/ مبسوطه.
جاسمين بفرحه/ جدا كفايه انك جبتني اكتر مطعم بحبه.
جاء الطعام وجاسمين كانت تأكل بلهفه.
اياد كان يتأملها باعجاب حتي قرر ان يعترف لها بسره.
اياد بإرتباك/ جاسمين.
جاسمين وهي تأكل بلهفه/ نعم.
اياد بنفس عميق وهو يطلع الخاتم من جيبه/ تقبلي تتجوزيني.
جاسمين تركت الاكل وتحدثت بصدمه/..........