رواية نبض قلبي لك الفصل الثالث والرابع بقلم مارلي ايهاب
"تخيل صعوبة أن يتوقفَ المخدر عن عملهِ في الجزءِ الأخطر من العملية ؟
لقد غادرني أحدهم بتلكَ الطريقةِ تمامًا."
🩵🩵🩵♥♥♥♥♥♥♥♥♥♥♥♥♥
عند عاصم ركب عربيته ونزل وسافر علي بورسعيد ووصل عند ريهام اللي كانت لسه قاعدة بتعيط بشدة
ريهام ببكاء وقهر..... معدش اسبوع علي وفاتك واتبهدلت يا احمد
وسمعت جرس الباب بيضرب مسحت دموعها وقامت فتحت و اتصدمت ولما شافت عاصم
ريهام بخوف........ استاذ عاصم اتفضل
عاصم دخل البيت وبهدوء قعد وقال..... انا عايز اتكلم معاكي في موضوع مهم
ريهام قفلت وراحت قالت..... تشرب ايه الاول
عاصم ..... سيبك من الشرب والكلام ده اقعدي
ريهام قعدت بقلق
عاصم بهدوء وحنيه.... بصي يا ريهام انا احمد كنت بعتبره ابني مش اخويا الصغير وانتي مرات ابني
وبخاف عليكي زي ما كنت بخاف علي احمد بظبط
ريهام بقلق.... ايه لازمه الكلام ده دلوقتي
عاصم اتنفس وبهدوء..... ابويا عايزني اتجوزك بعد ما عدتك تخلص نكتب الكتاب يااما هياخد العيال ويفضحك في المكان
ريهام بصدمه وبكاء.... ايه
😢😢😢😢😢😢😢😢😢😢😢😢😢😢
عند وفاء كانت قاعدة ومضايقة لانها مش عارفه جوزها فين وبات بره ليه
نور بهدوء وهي شايفه امها مضايقة..... ماما مالك في حاجه شاغله بالك
وفاء بحزن..... مش عارفه ابوكي راح فين خد في وشه وطار قالي لما يرجع هيقولي بتصل بيه مش بيرد
نور بهدوء..... متقلقيش يا ماما هيكون كويس ان شاء الله بس انتي في حاجه تانية شاغلكي
وفاء بدموع..... خايفة ابوكي يتجوز مرات عمك
نور بصدمه.... ايه الكلام ده يا ماما
وفاء بدموع.... البت حلوه وصغيره وملهاش حد واحمد مشاء الله كان مستوه المادي حلو والعيال اللي هتورث وجدك عمره ما هيسيب الفلوس ليها ولا لعيالها لانه هيخاف تروح تتجوز ويخلي ابوكي يتجوزها قلبي متوغوش يا نور قلبي وجعني وابوكي مش بيرد عليا
نور حضنتها وهي عارفه جشع جدها وان ممكن يضحي بإي حد علشان الفلوس ..... اهدي يا ماما متقلقيش كله خير
😭😭😭😭😭😭😭😭😭😭😭😭😭😭
عند ممدوح كان قاعد مع مراته وهو مبسوط ان ابنه هيتجوز مرلت اخوه وكمان الفلوس هيخلي ابنه يخليها تتنازل عن كل حاجه وتكتبها ليه وابنه اكيد مش هيرفض او يستكتر الفلوس علي ابوه
اما عايدة كانت حزينه علي فراق ابنها وعلي تعاسة التاني واللي حياته هتتخرب بسبب جشاعة وطمع جوزها
😭😭😭😭😭😭😭😭😭😭😭😭😭😭
اما عند ريهام بصدمه.... انت بتقول ايه ده مستحيل يحصل انا مرات اخوك انت مجنون وبتقول ابنك يعني في مقام حمايا ازاي تطلب طلب زي ده
عاصم بعصبية قاطعها.... ما تهدي يا بنتي انتي سمعتني للاخر قبل ما ترمي كلامك ده الاول افهمي متبقيش غبية
ريهام كتمت بكأها وبلعت اهانته بوجع
عاصم بهدوء وزعل..... متزعليش يا ريهام حقك عليا بس اسمعني انا بحب مراتي جدا جدا ومستحيل المستحيل اني اتجوزك اولهم انك مرات اخويا الصغير وتاني حاجة مراتي اللي مستحيل اكسرها او اقهرها وبدل ما اتجوز انا بناتي علي وش جواز اسمعني كويس انتي مش عايزني وانا مش عايزك ولو رفضنا ابويا مش هيسكت وهيتبري مني وانا مش عايز كده وهو عايز يجوزني ليكي لا علشان العيال ولا علشان بت ملكيش حد ووحدنيه لا انا وانتي عارفين انه علشان الفلوس لو مكنتش الفلوس موجوده كان رماكي في الشارع اسمعي يا بنت الناس انا المفروض ابويا يجي معايا بكره علشان نتكلم وانتي توافقي هطلب منك طلب لما يجي يطلب منك طلب انك تتجوزيني ارفضي شوية وبعدين وافقي لما يهددك بالعيال حلو
كانت هتتكلم
عاصم بحده..... متقطعنيش لو سمحتي
ريهام سكتت وهو كمل..... هتعملي ايه انتي قدامك عده تلات شهور ودي مده حلوة اوي تبعي شقة من اللي عندك دول وتجيب فلوسها وبعدين اشفلك شقة تانية في اي محافظة تانية تعيشي انتي وولادك مرتاحة وبل الفلوس اللي في البنك اعملي اي مشروع وانا من وقت لاتاني هاجي اشوفكم كويسين ولا محتاجين حاجه واطمن عليكم وطبعا هتروحي تسحبي كل اللي في البنك وتجيبيهم واحطهملك في البنك علشان لما تجي تسحبي بالفيزا ميعرفش المكان لانه هيدور عليكي ومش هيسكت غير لما يلقيكي وتعيشي انت وولادك مرتاحين وانا كمان اعيش مرتاح ها ايه رايك فكره حلوه صح ولو خايفه اخد الفلوس اضحك عليكي اكتبي وصلات امانه وانا امضي عليها وتضمني حقك موافقه يا ست البنات
ريهام........
الفصل الرابع
❤❤❤❤❤❤❤❤❤❤❤❤❤❤
إن الإنسان ليكفيه من كل هذه الدنيا وقلقها، وصخبها، ونزاعها قلب دافئ غَض يلين له إذا خشنت عليه الحياة.
❤❤❤❤❤❤❤❤❤❤❤❤❤❤
عند عاصم روح بيته الفجر كانت مراته من كتر التفكير تعبت ونامت دخل اخد وش واتحرك بهدوء علشان متصحاش واخد شاور و خلص وراح نام جنبها وهي محستش بيه من التعب وهو من التعب نام ومحسش بحاجة
بعد اربع ساعات صحيت وفاء وشافته علي ملامحه التعب كانت عايزة تصحية وتساله لكن قالت تسيبه شوية ينام
وراحت تطمن علي بنتها لقت بنتها صغيرة بس
وفاء.... اختك راحت الدرس
كارما.... ايوه يا ماما وانا كمان نزله ادعيلي عندي امتحان فيزياء وخايفة
وفاء.... ربنا معاكي وينجحك يا بنتي فطرتي الاول
كارما بقلق... مليش نفس اما اروح اشوف الامتحان الاول وانجح نفسي هتتفتح مع السلامه
وفاء بدعاء... مع السلامه يا بنتي ويوقفلك ولاد الحلال يارب وتنجحي
وكارما مشيت وفاء راحت جهز الفطار
عاصم قام بتعب ودخل غسل وشه ولبس هدومه وخرج لقي وفاء بتحضر الفطار
وفاء.... جيت امتي امبارح
عاصم. بتعب..... الفجر
وفاء.... وكنت فين
عاصم بجوع.... بقولك يا وفاء افطر بس يا حبيبتي لاني مكلتش حاجه من امبارح وساعتها هحكيلك كل حاجه من طقطق لسلام عليكم حلو اعملي كوبيتين شاي وتعالي نفطر
وفاء بضيق.... حاضر هولع عليه
وراحت ولعت علي الشاي وخرجت وكان عاصم اكتسح الاكل وسايب حاجات بيسطة
وفاء بصدمه.... ايه يا عاصم كالت ربع كيلو جبنه يا راجل طب اكل ايه دلوقتي
عاصم بجوع... لسه مشبعتش روحي شوفي اي حاجه في التلاجة تتاكل هتيها
وفاء بصدمه... مشاءالله في فول يا حبيبي اجبلك
عاصم... هاتي يلا بسرعة
وفاء دخلت المطبخ وهي مصدمه.... ماله ده اول مره ياكل كده سخنت الفول وجهزته وعملت الشاي وخرجت تفطر معه وبعد الفطار
عاصم..... الحمدلله لمي الاكل بقي وتعالي نتكلم
وفاء بضيق.... سيبك من الاكل واتكلم هتموتني اتكلم يا راجل
عاصم بهدوء..... انتي عرفتي ان ريهام رجعت بورسعيد امبارح
وفاء... لا ياخويا معرفش
عاصم بهدوء.... رجعت وابويا عايزني اتجوزها لسه هيكمل كلامه
وفاء بصدمه ودموع.... وجاي تقولها في وشي بكل برود انت اتجننت انا مستحيل اقعدلك فيها ثانية
عاصم بعصبية..... هو في ايه هو انتوا ليه بتتكلموا قبل ما اخلص كلامي مش تفهمي الاول قبل اللي بتعمليه ده
وفاء ببكاء.... عايزني اعمل ايه وانت بتقولي هتتجوز عليا ها عايزني اعمل ايه
عاصم حضنها... يا حبيبتي انا مقولتش اني هتجوزها بس اديني فرصة افهمك الحوار من الاول اقعدي
قعدت وفاء وهو مسح دموعها... امبارح ابويا اتخانق مع ريهام وضربها ريهام زقت ابويا وقعته واخدت العيال ومشيت ابويا وقت ما نادني علشان اجري ورانا وامسكها بس ملحقتش دخلتله وقولته علي اللي حصل قالي المحامي جه وقال ان احمد كتب كل حاجه بإسمها وان ريهام تملك كل حاجه بيع وشراء
وابويا طلب مني اتجوزها طبعا علشان الفلوس ياخدها وانا عارف هو بيفكر في ايه قالي بكره الساعه 2 هنزله علشان نروح سوا وانه هيهددها لو رفضت هياخد منها العيال وهيخرجها من العمارة بفضيحة ولما خرجت من عنده جت ليا حته فكره يا وفاء هتعجبك ساعة ما. طلعت غيرت ونزلت روحت عند ريهام
شاف نظرات مراته لا تبشر بل الخير بلع ريقه بصعبة.... اهدي انا لسه هتكلم
وفاء بشر.... اتكلم يا حبيبي اتكلم
عاصم بتوتر.... ودخلت وقولتلها علي اللي ابويا طلبوا مني لو منفذتوش هيتبري مني وانت هياخد العيال وهيخرجك بفضيحة وعرضت عليها لما نروح انا وابويا انهاردة توافق لما يهددها بل العيال قدامه بس لسه عدة تلات شهور تكون هي باعت شقة من بتوع احمد وجابت فلوسها اجبلها شقة تانية في محافظة تانية وباقي الفلوس احطهلها في بنك هناك علشان هنا لو حطت الفيزا القديمة ابويا لو كلم حد هيعرف هي فين وباقي الفلوس تفتح مشروع خاص بيها وتعيش هي وولادها في مرتاحين وانا مرتاح لاني مستحيل اتجوز غيرك يا ام البنات ايه رايك في تفكري
وفاء ابتسمت بحب وقامت باست راسه... تسلمي افكرك يا ابو البنات
كانوا مبسوطين بس غفلوا عن الذي يقف خلف الباب وقد استمع لكل كلامهم نزل علي شقته وهو غضبان ومش مصدق انه ابنه بيضحك عليه ماشي يا عاصم بس مش ممدوح اللي يتلعب عليه من شوية عيال
واتصل عليه.... الو يا عاصم يلا انزل علشان نروح مشورنا
عاصم.... حاضر يابا
وقفل ممدوح الخط وهو مضايق
عند عاصم.... الساعة 12 مش قال اتنين ابويا ده هيموتني يلا يا حبيبتي مع السلامه
وفاء بحب.... الله يسلمك ويرجعك بالف سلامه
عاصم...حبيبتي
ونزل عاصم لممدوح واخده وركب العربية ومشي
عاصم وهو سايق.. انا متاكد ان ريهام هترفض
ممدوح ضحك بسخرية.... هتوافق هي مش قد اتنين رجله لو كتفوها واخده العيال منها مش هتقدر تحوش عنها ولو صرخت نرمي جملتين جمال كده انها مصدقت ابني مات وماشية ماش بطال وانا عايز العيال علشان هي ست شمال ولا تصلح لتربية عيال
عاصم بصدمه بصله وسكت..... بس يا بابا دي مهما كانت مرات ابنك
ممدوح..... متفرقش معايا انت سامع
عاصم كان بيحتقر ابوه ومش قادر يصدق كل ده علشان الفلوس
وبعد ساعتين وصلوا عند ريهام
وطلعوا وريهام فتحت بخوف وبينت انها متفجأ والعياط وعينها الحمرا كانت موضحة انها كانت تبكي من امبارح.
ممدوح دخل وقعد وحط رجل علي رجل وقال.... اسمع يا بت من غير مقدمات كتير بعد العدة بتاعتك انت وعاصم هتتجوزوا
ريهام ببكاء حقيقي.... سابني في حالي ابوس ايدك انا مش عايزة اتجوز ولا عايزة حاجة منكم سبنوني اعيش انا وولادي في حالنا ابوس ايدك يا عمي. دي فلوس احمد بتوع عيالي اللي هعيشهم بيهم مش هتجوز خالص وهربي العيال صدقني
ممدوح قام مسكها من شعرها وضربها بل القلم عاصم جري شالها مني ايده وريهام كانت بتصرخ وبسبب القلم انفها نزفت دم
عاصم بحزن. عليها...... كفاية يابابا الله يخليك حرام
عليك
ممدوح بعصبية.... اسمعي يا بت لو منفذتيش اللي انا عايزة واتجوزتي انتي وعاصم لكون واخد العيال واخلي العمارة تطردك لما اعرفهم انك ماشية مشي بطال انتي سامعه
ريهام ببكاء وقهر.... عايز توسخ سمعه مرات ابنك. طب ليه ليه كده علشان ايه حرام انت ظالم ظالم
ممدوح زق عاصم وبعد شوية لكن وقف بسرعه قدام ابوه وقال.... خلاص يا بابا هي هتوافق اهدي بس.
ممدوح بعصبية وجحود.... ها هتوفقي ولا ناخد الاختيار التاني
ريهام.... موافقه بس مش هخرج. من البيت ده. لغاية ما العدة تخلص
ممدوح..... وانا موافق يلا يا عاصم
عاصم كان بيبص ليها بإسف شديد
واخد والده ونزل اما ممدوح كان بيفكر في حاجه تانية
رواحوا علي بليل وعاصم حكي كل شئ لمراته....
وفاء بدموع.... يا حبيبتي يا بنتي كل ده عشان الفلوس اخص عليه
عاصم حضنها... ان شاءلله اشوف ليها مكان كويس
وفاء بدموع... يارب يارب اقف معاها ومعانا