في فجر يوم المحاكمة
نادر .. انت فين ياجلال
جلال .. ها راجعت نفسك وجبت الڤيديو ؟!
نادر .. قولتلك مخدتش الزفت 😡 المهم انا عايزك دلوقتي حالا انا في إيدي دليل أفضل من الڤيديو
جلال .. انت فين بسرعة وانا جاييلك ؟
نادر .. في الجبل
جلال .. الجبل عندنا !! وانت ايه اللي وداك هناك !!؟
نادر .. الحاجة اللي معايا مينفعش أخبيها غير في المكان ده المهم تعالى بسرعة
فعلا جلال نزل جري طار على الجبل بعربيته وهناك اول ما نزل دخل المغارة وفي أخرها لقي نادر ورجالة بالسلاح وشخص قاعد على الكرسي متكتف
جلال .. يااااااه اهلا اهلا 🤨
طارق .. انا مليش علاقة بكل اللي حصل انا مجرد عبد المأمور وانتم عارفين كده
جلال .. ياراااجل تصدق صعبت عليا ! لا ملكش حق يانادر دا حتى طارق طيوب 😡
طارق .. انت عارف ياجلال ان محدش يقدر يقول للوزير لأ وبيا أو من غيري كان هيعمل اللي عمله
جلال .. مصدقك طبعا ، بس اللي أنت متعرفوش إنك مش هتقدر تقولي انا كمان لا
طارق .. تقصد إيه !!
جلال .. هتروح المحكمة تعترف على كل الجرايم اللي حرضك عليها الوزير وأولهم قتل سعد
طارق .. مستحيل طبعا دي فيها رقبتي ! والوزير مش هيرحمني!
جلال .. انت عبيط ياض ولا إيه 😡 ويعني انا اللي هرحمك لو فايز أتعدم !😡😡
نادر .. اهدى بس ياجلال سيبني أفهمه , بص ياطارق دلوقتي انت هتبقى تحت حمايتنا يعنى هتطلع من هنا على المحكمة تعترف واحنا نضمنلك البراءة وحمايتك من الوزير
طارق .. الوزير ايده طايلة !
جلال .. قلتلك متقلقش أنت حياتك = حيات اخوي ،يعني لو مش هحافظ عليك عشانك أكيد هشيلك في عيني عشان أخوي ولا إيه ؟!!
طارق .. طب والبراءة تيجي كيف؟!!
نادر .. انت هتقول إنك كنت مضغوط عليك من الوزير وإنه كان بيهددك ببيتك وعيالك عشان ينفذ بيك كل جرايمه
وبكده هتاخد براءة او أقله هيبقا حكم مخفف وترجع تعيش في أمان
طارق .. طب وعيالي ؟!
جلال .. أنا متكفل بيهم ياسيدي طول ما أنت في السجن وبعد ما تطلع هبقا متكفل بيك عايز اي حاجة تاني ؟!
طارق .. لا خلاص كده أتطمنت
جلال .. فكه يانادر وخليه ياكل ويشرب ويظبط اموره كلها 3 ساعات وهنروح على المحكمة
____________ متابعة هنا فضلا روايات أحمد حسن
في بيت الحاج كامل
سكينة .. وبعدين بقا في الليلة السودة دي ! طب انا مفتحتش الشنطة ولا جيت عندها ! مين ممكن يكون دخل الاوضة غيري !؟؟ ( بصت لشهاب ) معقول يكون الواد الاهبل ده هو اللي عملها ! بس ده هيعمل كده ازاي وليه يعني !!
عالعموم انا هحاول اعرف منه
سكينة .. خد ياشهاب عايزاك
شهاب .. نعم ياسكينة
سكينة .. ممكن اعرف انت شقلبت حال الاوضة الليلة اللي نمت فيها ليه ؟!
شهاب .. اصلا انا بحب اتنطط على السرير زي عندنا
سكينة .. انا مش بتكلم على السرير انا اقصد الدولاب ايه اللي خلاك تفتش في وتبهدل هدومي
شهاب .. ها ! معرفش !
سكينة .. مخبي ايه انطق ياشهاب ؟!!
شهاب .. مش مخبي حاجة انا كنت بدور على الطيارة😥
سكينة .. طيارة !! ماشي ياشهاب 🤨
_______________
في مكتب الوزير دار حوار ما بينه وبين الحارث الشخصي له
الوزير .. خدت الإجراء اللي قولتلك عليه ؟
الحارث .. حصل يافندم جبت المأذون وإجراءات الطلاق من البت اللي اسمها سلمى تمت وبتاريخ قديم شوية زي ما حضرتك امرت
الوزير .. كده تمام مفيش حاجة كده بتربطني بالقضية ولا اي شوشرة ممكن تحصل
الحارث .. تمام يافندم
الوزير .. طارق مفيش أخبار عنه ؟
الحارث .. إختفائه غريب يافندم حتى لما سألت مرات أكتشفت منها إنه من ساعت ما خرج للشغل وهو مرجعش
الوزير .. غريبة ! طارق له 15 سنة شغال معايا وعمره ماغاب من إذني!!
الحارث .. لحد دلوقتي معندناش غير تفسير واحد لإختفائه وهو إنه إتخطف
الوزير .. يبقا كده طارق أصبح كارت محروق بالنسبالى
الحارث .. على ما أعتقد إن إختفائه فيه خطر على سيادتك
الوزير .. لا بالعكس دلوقتي ظهوره فيه خطر أكبر
الحارث .. مش فاهم يافندم !؟؟
الوزير .. اسمع اللي هقولك وتنفذه بالحرف الواحد وإحذر الخطأ👌
___________
في بيت خال جلال
الخال .. اهلا ياسكينة خير يابنتي مش عادتك تيجي في الساعة دي !
سكينة .. شهاب إختفى ياخال
الخال .. مش وقت شهاب دلوقتي يابنتي انا رايح على المحكمة عشان الحق الجلسة
سكينة .. هو دا السبب اللي جايالك عشانه ياخال
الخال .. مش فاهم !
سكينة .. اقعد وانا هفهمك ، ( وحكت لخالها على كل حاجة )
الخال .. تقصدي إن ممكن شهاب يكون هو اللي سرق الڤيديو؟!!
سكينة .. مفيش غيره ياخال ،هو الوحيد اللي دخل أوضتي وفتش فيها ولما سألته أرتبك وبعدها بشوية أختفى
الخال .. طب مش يمكن يابنتي يكون اتخطف وظنك مش في محله؟
سكينة .. لا ياخال ،شهاب ملوش حد غير اخته جومانة ودي ماتت من فترة ومحدش له مصلحة في خطفه انا متاكدة إنه هرب
الخال .. الموضوع ده من إيمتا ؟!
سكينة .. الموضوع كله مكملش نص ساعة يعني ميلحقش يخرج من البلد احنا لازم نلحقه ياخال شهاب كده معاه دليل برائة فايز والوقت مش في صالحنا
الخال .. طب روحي انتي دلوقتي وابعتي رجالة من عندك يدورو عليه معايا يلا بسرعة
_______________
في بيت الحاج كامل
صفاء .. جيب العواقب سليمة يارب😥
سلمى .. اهدى ياصفاء خير إن شاء الله 😥
صفاء .. فايز ابن عمي غلبان ومفيهوش غير لسان بس قلبه ابيض وعمره ما زعل حد ياسلمى😥
سلمى .. طب اللي اسمه شهاب ده هو ممكن فعلا يكون هو اللي سرق الڤيديو زي ما سكينة بتقول ؟!
صفاء .. مش عارفة ! بس مش باين عليه انه شراني انا مابقتش عارفة افرق ما بين الحلو والوحش😥
سلمى .. طب انتي مشفتيهوش وهو خارج ؟!
صفاء .. لأ
سلمى .. طب مفيش مكان تاني ممكن يكون متعود يروحه ؟!
صفاء .. لأ خالص !
سلمى .. إن شاء الله سكينة تحصله
صفاء .. اااه ! دايخة ! حاسة إني هيغمى عليا 😓
سلمى . صفاء ! ياصفاء !! مالك فيكي ايه فوقي ياصفاء!!؟
وبسرعة سلمى خدت صفاء على أقرب مستشفى بعد ما صفاء فقدت الوعي
في المستشفى
سلمى .. صفاء مالها يادكتور ؟!!
الدكتور .. متقلقيش صفاء حامل في ياستي
سلمى .. حامل !
الدكتور .. المهم بقا متخلوهاش تتوتر وتزعل عشان الزعل مش حلو عشانها
سلمى .. حاضر يادكتور
صفاء .. انا فين !
سلمى .. حمدلله على سلامتك
صفاء .. في إيه !؟ ايه اللي حصل ؟!
سلمى .. دي اعراض الحمل الطبيعي ياستي 😊
صفاء .. ها !
سلمى .. ايه يابت انتي مش مصدقة إنك انتي حامل ولا ايه😊
صفاء .. بجد ياسلمى انا حامل 😳
سلمى .. اه والله لسه الدكتور قايلي كده
صفاء .. ياما انت كريم يارب الحمدلله 😥
سلمى .. لا مش عايزين بكى الدكتور قال الزعل مش حلو عشانك
صفاء .. كنت بتمناها من ربنا والحمدلله ربنا استجاب لدعوتي
سلمى .. الحمدلله ياحبيبتي انتي تستاهلي كل خير
صفاء .. معلش بقا غلبتك معايا انتي وابنك النهاردة
سلمى .. عيب يابت متقوليش كده خدي بقا الراجل بتاعنا 😄 عشان انا هنزل اجيب العلاج بتاعك واعرضه على الدكتور قبل ما نروح
صفاء ..تعالى ياحبيبي تعال حقك عليا ياماما غلبتك معايا😘
_____________
في المحكمة
فايز خرج للقفص في المحكمة بص ملقيش ولا فرد من أفراد عيلته في القاعة !
فايز .. ياااااه 😥 قد ايه انت رخيص عند أهلك يافايز 😥
انا كنت عارف ومتأكد إنه هيتحكم عليا بالإعدام بس مكانش عشمي إني اموت لوحدي وكأني مليش حد أودعه ويودعني😥 قد ايه احساس الوحدة اصعب بكتير من احساس الموت
ياريتني كنت مت من الأول ومحسيتش الإحساس ده 😥
في نفس اللحظة
جلال ونادر ومعاهم طارق كان في طريقهم للمحكمة
جلال .. هم شوية بالعربية يانادر كده هنتأخر على الجلسة
نادر .. خلاص وصلنا المحكمة قدامنا اهي
فعلا نزلوا من العربية جلال شابك ايد طارق من ناحية ونادر من التانية وفي طريقهم لباب المحكمة وخلاص طالعين السلم ، اصبر هنا بقا لحظة ! ايه ده ! في قناصة من فوق احدى المباني الزووم بتاعها منصوب على جلال 😳 لا دي غيرت مسارها واتجهت على صدر طارق 😳
وفي أخر الحلقة مع الضغطة على الزناد بنشوف الرصاصة خارجة من القناصة متجهة ناحية قلب طارق
والوزير قاعد في مكتبه مترقب بيشاهد قدامه بث ڤيديو مباشر خاص بيه من القناص لإغتيا،ل طارق بلهفة😳