رواية حتي نلتقي الفصل السادس عشر والسابع عشر بقلم شروق الجندي
من فرحتى مقدرتش أنام وكل ما افتكر أبتسامته ببتسم زى المجانين ولسه هغمض عينى لاقيت منه رسالة على الواتساب*أنا مش مصدق أن فاضل شهر وتنورى حياتى هتوحشينى لحد الصبح تصبحى ع سعادة تشبهك*حضنت الفون بسعادة وأتنهدت بحب
دهب:ياارب تخليهولى وافضل دايما فى قلبه*الصبح فى الشركة دخلت مكتبى لاقيت بوكيه ورد أحمر وكارت مكتوب فيه_صباحك ورد مستنيكى
روحت على مكتبه وفرحانه أنى هشوفه ولسه هستأذن السكرتيرة فتحتلى باب المكتب بأبتسامة
سالى:عمرو بيه امر أن حضرتك تدخلى فى أى وقت حتى لو فى ميتنج وألف مبروك يافندم
دهب بسعادة:الله يبارك فيكى"الموقف ده حسسنى أنى غاليه عنده بجد وأول ما دخلت وقف وجه عليا وبأبتسامه خطفت قلبى
دهب:صباح الخير
عمرو بحب:صباحى أنتى,تعرفى انك وحشتينى من امبارح"أتوترت ووشى أحمر"
عمرو:تعرفى ان شكلك بيكون قمر وانتى مكسوفه
دهب:عمرو بس بقى"ضحك بقوة وانا سرحت فيه
عمرو:طب تعالى اقعدى وقوليلى هنجيب الشبكة امتى"قعدنا قصاد بعض
دهب:معرفش شوف انت
عمرو:لا طبعا رأيك مهم وانا مش عايزك ضعيفه ولا مهزوزة وأى مشكله بينا هنتناقش فيها بالعقل وأوعدك هحترم رأيك دايما"كلامه طمنى وأكدلى أنى اخترت صح
دهب:أنا بحمد ربنا أنه رزقنى بيك
عمرو:ياااه أخيرا أبوالهول نطق"ضحكت على طريقته
عمرو:يخليلى الضحكه القمر دى
دهب:انا همشى اشوف شغلى عشان مديرى هيرفدنى كده
عمرو:ده انا ادبحه
دهب:بعد الشر عليه ده روحى
عمرو:وأنتى قلبه"ولسه هيمسك ايدى دخلت سالى
سالى:انا اسفه يافندم بس فى واحدة مصممه تدخل
عمرو:مين دى?
سالى:اسمها مها محمد
دهب:مها بنت عمى!!عايزه ايه!!