رواية كيان فارس
الفصل الرابع4
بقلم رنا تامر
فارس بحده/ ردي علي سؤالي.
كيان ببكاء مكتوم/ عشان انت مغرور واناني ومبتحبش غير نفسك.. وانت اصلا اللي كنت رافض جوازنا مش انا.. انت اكتر واحد عارف اني بحبك من واحنا صغيرين لكن انت طول عمرك شايفني زي جاسمين.. عرفت انا رافضه جوازنا ليه.
فارس كان متأثر بكلامها ولم يكن عنده الرد الكافي لهذا الكلام علي الرغم من انه قاسي لكنه حقيقي.
فارس/ لمي حجاتك وتعالي علي اوضتي.
كيان بتماسك/ لا انا هفضل في اوضتي وخلي في علمك انه انا عمري ما هعترف بجوازنا ده انت فاهم.
فارس بهدوء/ كيان اسمعي الكلام و لمي حجاتك وتعالي علي اوضتي.
سوزان استمعت لحديثهم و دخلت.
سوزان/ معلش يا فارس.. سيب كيان تهدي دلوقتي.
فارس خرج من الغرفه وهو في قمه غضبه و مع ذلك اعطي لكيان كل الاعذار.
سوازن/ مالك يا حبيبتي ايه اللي خلاكي متغيره كده.
كيان ببكاء/ عشان خلاص مبقتش مستحمله اللي هو بيعمله ده.. هو اكتر واحد عارف انا قد ايه بحبه ومع ذلك عمره ما قدر شعوري.
سوزان بتفهم/ معلش يا حبيبتي انتي عارفه فارس عصبي حبه مغرور حبتين بس هو والله طيب مش بقول كده عشان ابني لكن دي الحقيقه.
كيان/ خلاص يا طنط مبقتش فارقه واذا كان عشان الاوضه فخلي الداده تيجي تنقل هدومي لما اروح الشغل بكره.
سوزان/ تمام ياحبيبتي اسيبك دلوقتي ترتاحي.
سوزان خرجت من الغرفه و كيان اخذت ملابسها ودلفت الي التويلت.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
• عند عمر •
سلم علي سليم وغادر الي منزله.
بعد دقائق وصل منزله ودخل غرفته اخذ ملابسه ودلف الي التويلت لياخذ شاور.
خرج من التويلت وقام بالاسترخاء علي السرير وهو في تفكير في ريم.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في اليوم التالي في غرفه فارس•
استيقظ وقام باخذ ملابسه ودلف الي التويلت.
قام بتجهيز نفسه وخرج من غرفته ونزل الي الطابق السفلي و وجد الجميع جالس علي مائده الافطار.
فارس قعد جمب كيان.
فارس/ صباح الخير.
الجميع ماعدا كيان/ صباح النور.
فارس بهمس لكيان/ ايه القطه اكلت لسانك.
كيان بهمس/ لا بس لو رديت ردي مش هيعجبك.
كيان وقفت/ الحمدلله.. يلا انا مضطريه امشي عشان مستعجله.
سليم/ قوم يا فارس وصل مراتك.
فارس ببرود/ وهي مش صغيره عشان اوصلها.
كيان/ انا اصلا مش عايزاك توصلني.. عن اذنكوا.
كيان مشيت وسليم ظل غاضب من فارس الذي لم يهمه الامر.
سليم/ انا مش قولتلك روح معاها.
فارس/ وانا قولتلك انها مش صغيره ولا اول مره تروح لوحدها.. يلا انا ماشي عن اذنكوا.
ريم/ استني يا فارس خدني معاك.
جاسمين/ وانا كمان يا فارس.
امير/ هستناكوا في العربيه.
ريم وجاسمين سلموا علي اهلهم ومشيوا مع فارس.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في المستشفى •
وصلت كيان المستشفى.. ودخلت مكتبها واخذت تقرير احمد ومن ثم ذهبت الي غرفته.
كيان بإبتسامة/ البطل عامل ايه دلوقتي.
احمد/ تويث يا تكتوره.«كويس يا دكتوره».
كيان/ يارب دايما يا بطل.
ندي/ ها يا دكتوره هو خلاص مش محتاج حاجه غير العلاج.
كيان/ عايزاكي تطمني خالص هو ان شاء الله هيخف بإنتظامه للعلاج.
ندي/ انا بشكرك جدا يا دكتوره.
كيان/ الشكر لله.. انا معملتش غير واجبي.
كيان خرجت من غرفه احمد وذهبت الي مكتبها.
وقامت بالاتصال بإبن خالتها شريف.
شريف بمرح/ عاش من سمع صوتك يا ختي.
كيان بضحك/ والله ليك وحشه.
شريف/ متشفويش وحش ياختي.. ارغي شكلك عايزاني في مصلحه.
كيان/ الصراحه اه انا هقدم استقالتي وعايزاك تتابع حاله طفل عندي و مفيش غيرك هبقي واثقه فيه.
شريف/ ليه كده بس.
كيان/ معلش يا شريف عايزه ارتاح شويه.
شريف/ تمام زي ما تحبي… اه صح مبروك يا عروسه.
كيان/ ونبي تسكت ده انا متعوسه مش عروسه.
شريف/ ليه!! مش ده حبيب القلب بردوا.
كيان/ ده موضوع كبير المهم انا هسيبلك ملف الطفل في مكتبك وهمشي.
شريف/ تمام.
كيان قفلت مع شريف و ذهبت الي مكتبه وتركت الملف وذهبت من المستشفي بعد ان قدمت استقالتها.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في شركه المنشاوي•
•في الاجتماع•
ريم/ طيب وكده تقدروا تقولوا انه المشروع هيتم بكل نجاح.
فارس/ شكرا يا استاذه ريم.. ها حد حبب يستفسر عن حاجه.
كلهم شكروا فارس وريم وعمر ومشيوا وتبقي الثلاثي.
عمر/ يعني عمو سليم رجع كل حاجه بعد ما وافقتوا علي الجوازه.
فارس/ وياريت عاجبه.. ده عايزنا نكون زوج و زوجه بجد.
ريم كانت تستمع للحديث بصمت.
ريم/ امال انت فاكر انه انكل سليم مخليكوا تتجوزوا عشان تلعبوا.
فارس/ ريم انتي عارفه اللي فيها.
ريم بحده/ عارفه ايه.. انا مش عارفه غير حاجه واحده بس انه انت شخص اناني مش بتفكر غير في نفسك.. زنبها ايه انها تحبك كل السنين ومقدرتش حد غيرك وانت في الوقت ده كنت بتحب في كل واحده شويه وهي كانت مستحمله عشان بتحبك.. ينفع تقولي انت قدمت لحبها ده ايه.. عارف انه هي دلوقتي جابت اخرها منك ومبقتش تطيقك اصلا.
ريم مشيت من كتر عصبيتها وعمر راح وراها وتركوا فارس في حزن وقلبه الذي يؤلمه.
وكان مؤلم بالنسبه له ان يعرف الحقيقه.. كما انه علم بأن البنت الوحيده التي احببته من قلبها اصبحت تكره من كل قلبها وكل هذا بسببه.
فارس قرر ان يصلح كل شئ.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في فيلا المنشاوي•
وصلت كيان وصعدت الي غرفتها لم تجد ملابسها فعلمت ان الداده جاءت ونقلتهم الي غرفه فارس.. فذهبت الي غرفه فارس وهي مخصوبه.
وصل فارس ولم يجد احد فصعد الي غرفته فوجد كيان جالسه وترتدي منامه نوم لطيفه و تنظر في الهاتف.
فارس بسخريه/ الله ده الملكه رضيت عني وقررت انها تفضل معايا.
كيان/ والله مش عشان خاطرك ده عشان خاطر طنط سوزان.
فارس بإبتسامة/ علي كده لازم اروح اشكر ست الكل انها خلت القمر يبقي معايا في اوضه واحده.
كيان بسخريه/ ههههه خفه.
فارس وهو ياخذ ملابسه/ ولسه يا روحي اللي جاي احلي.
فارس اخذ ملابسه و دلف الي التويلت و كيان كانت مستغربه لهذا التغير المفاجئ.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في الكافيه•
•عند عمر و ريم•
عمر بمرح/ خلاص يا ريري فكي بقي.
ريم/ يا عمر انا صعبان عليا اختي اللي اتعذبت كل سنين حياتها.. اتعذبت فانها عايشه من غير اب وام واتعذبت فانها حبت واحد هو معتبرها زي اخته.
عمر بإبتسامه ساحره/ ريم انا بحبك.
ريم/ بص انا بقول ايه وهو بيقول ايه.. ثم اكملت بصدمه.. انت قولت ايه.
عمر بحب/ بــحــبـك ♥
ريم بدموع/ اخيرا نطقتها ده انا كنت قربت افقد الامل.
عمر بفرحه/ بجد يعني انتي كمان بتحبيني.
ريم بدموع/ طبعا يا عمر.. انا بـحـبك🥹
عمر مكنش مصدق نفسه من الفرحه.
عمر وقف وطلع خاتم من جيبه.
وجلس علي ركبته و ريم وقفت قدامه.
عمر وهو يقدملها الخاتم برومانسيه/ تقبلي تتجوزيني.
ريم هزت رأسها بمعني موافقه بفرحه ودموع.
عمر لبسها الخاتم.. وكل اللي في الكافيه سقفلهم واللي بيصفرلهم.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في المساء•
•في فيلا المنشاوي•
•علي مائده الطعام•
سوزان/ ايه يا كوكي مبتكليش ليه.
كيان كانت تقلب في الطبق و سرحانه.
كيان/ لا يا طنط انا شبعت.. معلش هطلع ارتاح شويه.
سوزان/ بس يا بنتي انتي مكلتيش حاجه.
كيان/ معلش يا طنط انا محتاجه ارتاح.
كيان صعدت لغرفه فارس ودخلت وجلست علي السرير و ظلت تبكي.
فارس/ خلاص يا ماما متشليش هم انا هاخدلها الاكل.
سليم كان يستمع للحديث بصمت.
جاسمين بهمس لريم/ ايه الخاتم ده يا ريري.
ريم اخفت الخاتم وهمست لها/ هبقي احكيلك بعدين.
انتهوا جميعا من الطعام وفارس اخذ طعام لكيان وصعد الي غرفته.
•في غرفه فارس وكيان•
فارس دخل و كيان اسرعت بمسح دموعها.
فارس وضع الطعام علي التربيزه.. وجلس بجانبها.
كيان كانت ستقوم لتنام لكن فارس اوقفها.
فارس/ خليكي قاعده عايز اتكلم معاكي.
كيان بضيق/ بس انا مش عايزه اتكلم معاك.
فارس/ اسمعيني بس.
كيان قعدت بفراغ صبر.
فارس/ اولا عايزك تاكلي عشان انتي مكلتيش حاجه من الصبح.
كيان بضيق/ لا مش عايزه وياريت تقول عايز ايه عشان عايزه انام.
فارس وهو يحمل الطعام/ ماهو مش بمزاجك ده غصب عنك.. ف يلا كلي.
كيان بزهق/ انت شكلك فايق وانا تعبانه.
فارس بتحذير/ علي فكره لو مكلتيش هيبقي في عقاب.
كيان بسخريه/ ايه هو بقي ان شاء الله.
فارس بوقاحه/ مبحبش ابوظ المفاجأت بس لو حابه تعرفي تعالي أقولك.
كيان فهمته/ خلاص خلاص هات اما نشوف اخرتها.
فارس/ ايوه كده ناس متجيش غير بالعين الحمراء.
فارس ظل يأكلها مثل الاطفال وكيان كانت من جواها فرحانه وفارس كان جواه شعور غريب.. استغربه ولكنه تاكد انه شعور جميل.
انتهي فارس من تأكيل كيان ومن ثم اخذها قي حضنه وناموا بعد ما كيان كانت رافضه النوم بجانبه.. لكن ماذا ستفعل امام ذلك المحتل.
•في غرفه ريم•
كانت مسترخيه علي السرير وتتحدث مع عمر.
ريم/ يااااه كل ده شايله في قلبك ومقولتليش.
عمر/ اديني قولتلك يا قلبي.. يلا اسيبك عشان ترتاحي..تصبحي علي خير.
ريم بإبتسامة/ وانت من اهله.
•في غرفه سوزان وسليم•
سليم/ انتي عايزه ايه دلوقتي.
سوزان/ عايزاك تهدي مع الاولاد شويه.. هما مش مستحملين بعض تقوم انت تضغط عليهم اكتر...واحده واحده كل حاجه هتتظبط.
سليم/ حاضر يا سوزان اما نشوف اخرتها.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
• في اليوم التالي •
فارس استيقظ ولم يجد كيان جانبه.
قام بدخول التويلت واخد وشاور وقام بلف المنشفه حول خصره.
كيان دخلت وبعديها صرخت لما شافته.
كيان وهي تنظر في الجهه التانيه/ البس حاجه بسرعه.
فارس وهو يقرب منها/ ليه يا كوكي ده انا زي جوزك.
كيان نظرت له وكانت ستقع لكن فارس امسكها من خصرها وهي سرحت فيه.
فارس بسخريه/ انا عارف اني قمر بس مش للدرجاتي.
كيان اعتدلت بارتباك وبعديها خرجت من الغرفه في سرعه.
فارس ظل يضحك عليها وقام بتجهيز نفسه ونزل الي مائده الافطار.
قعد بجانب كيان وهي كانت في قمه خجالها.
جاسمين/ مالك يا كوكي من ساعت من نزلتي وانتي وشك احمر.
كيان بتوتر/ لا عادي مفيش حاجه.
فارس كان قاعد وماسك نفسه من الضحك بالعافيه.
فارس بجدية/ هو انتي مش رايحه الشغل.
كيان/ انا قدمت استقالتي وناويه اقعد في البيت.
ريم/ طيب ايه رأيك تنزلي تشتغلي معانا في الشركه.
كيان/ هي فكره حلوه.. بس شويه كده عشان عايزه ارتب حاجات مع نفسي.
فارس بصوت منخفض/ اوفر اوي.
كيان سمعته وابتسمت بخفه.
دخل عمر وتحدث بمرح
/ صباح الخير.
الجميع/ صباح النور.
عمر قعد جمب فارس.
فارس بهمس/ ها جاي تتقدم ولا هتكسفني.
عمر بهمس/ متخفش يا برنس..كله تمام.
فارس بهمس/ والنبي انا مبخفش غير من الكلمه دي.
كيان كانت تستمع اليهم لكنها لم تفهم عن ماذا هم يتحدثون.
انتهوا من الطعام و سليم رحل الي عمله و فارس وعمر وريم وجاسمين ذهبوا الي عمالهم و تبقي هند التي صعدت الي غرفتها وكيان صعدت الي غرفتها وكان لديها فضول تعرف ما بداخل اللابتوب تبع فارس.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في الجامعه•
•عند جاسمين•
جاسمين خرجت من المحاضره ولم تفهم اي شئ.
جاسمين بزهق/ انا مفهمتش حاجه اعمل اي بقي.. انا كان مالي و مال التعليم بس ياربي.
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في شركه المنشاوي•
ريم كانت متجه الي مكتب عمر ولكن وجدت مالك واقف يتحدث في الهاتف و سمعته انه ذكر اسم كيان.
حاولت الاقتراب لتسمع بوضوح و فجاءه انصدمت...
⭒──ׂ─ׂ─ׅ─ׂ─۰ ★ ۰─ׂ─ׅ─ׂ─ׅ─ׅ⭒
•في فيلا المنشاوي•
•عند كيان•
قامت بفتح اللابتوب لكنها وجدته مفعل بي باسورد.
قامت بكتابه كل الاسماء الذي يعرفهم فارس ماعدا اسمها.
حاولت كتابه اسمها و...