رواية قلب الجبابرة
الفصل السادس عشر
بقلم احمد حسن
جلال .. شايفة ياأمي سامي إبن سكينة قاعد مكسوف إزاي ، ياواد خليك زي أمك أبرد من طوبة 😅
سامي .. أسمي سامي ولد حسيب النجعاوي
سكينة .. 😳
الأم .. ومالها يعني قولت إبن سكينة هو انت تطول تتنادى بأسم امك دا الواحد منينا هيتنادي بأسم أمه يوم القيامة
سكينة .. معلش ياأمي ميقصدش
جلال .. طب انا بقا هقوم اروح مشوار كده ولما نيجي نبقا نتكلم
سكينة .. لا ما انتش ماشي غير لما أعرف بيت النجعاوي سابو ولدي ليك كيف !!
جلال .. ههههههه متقلقيش ياسكينة هوصل مشواري وهاجي نبقا نتكلم ، صحيح نسيت أقولك إن إبنك هيقعد معاكي 3 ايام في الأسبوع و4 عند ابوه
سكينة .. ها !😔
جلال .. قولي الحمدلله إنك هترجعي تشوفي إبنك تاني ياسكينة
سكينة .. الحمدلله يارب طب خلاص روح مشوارك ولما ترجع نتكلم
____________متابعة هنا فضلا👈 روايات أحمد حسن
في النادي
شهاب .. مش هنقعد نرتاح بقا انا تعبت من الجري😔
جومانة .. طول عمرك كسول خلاص أقعد هنا وأوعى تتنقل لحد ما اخد لفة كمان
شهاب .. حاضر
____
شهاب قاعد ومرة واحدة لقي واحد جه قعد جنبه
جلال .. ازيك ياشهاب
شهاب .. أزيك أنت مش بتيجي عندنا تاني ليه
جلال .. لا ماهو انا مش هاجي تاني ياشهاب
شهاب .. لييييه هو انت زعلت مني 😥
جلال .. لا ياشهاب بالعكس انا مبسوط منك قوي وعشان كده محضرلك مفاجئة
شهاب .. مفاجئة 😍
جلال .. إدي ياسيدي الطيارة اللي وعدتك بيها
شهاب .. الطيااااارة😍 حبيبتي ياطيارة 😍 وأنت كمان حبيبي 😚
جلال .. والله انت عسل ياشهاب هههههههه
شهاب .. انت حبيب شهاب إنت ياااا.. ! انت مش هتقولي بقا أسمك إيه !
جلال .. مش انت بتقول اني حبيب شهاب ؟
شهاب .. ايوة طبعا حبيبي
جلال .. خلاص يبقا قولي حبيب شهاب ، أستئذنك أنا بقا عشان اختك جاية علينا
شهاب .. انت خايف منها تضربك زيي😥
جلال .. خلاص بقا ياشهاب قطعت قلبي أبقا قولها إني صاحبك في النادي يلا سلام ياحبيبي
_____
جومانة .. مين اللي كان واقف معاك ده ياشهاب ؟!
شهاب .. ده صاحبي في النادي 😌
جومانة .. صاحبك !!! في النادي ؟!! من إيمتا ده !! دا انت عمرك ما فارقتني في النادي ! وإيه اللي جابه ليك ده ! طيارة !
شهاب .. ايوة جاب ليا الطيارة دي هدية
جومانة .. هدية ! هدية ليه ؟!
شهاب .. عشان مقولتلكيش ..😳🤫
جومانة .. اااه كده وقعت بلسانك يبقا في سر أقعد بقا وإحكيلي كل حاجة عشان محبسكش في اوضة الفران
شهاب .. اوضت الفران 😳
جومانة .. وانت بقا عارف الاوضة ضلمة وفيها فران بتعض و.....
شهاب .. لا أوضت الفران لا انا هقول كل حاجة 😳
___________________
في مكتب الوزير
الوزير .. اهلا يانادر جيت في ميعادك
نادر .. مقدرش اتاخر على سيادتك
الوزير .. أقعد يانادر
نادر .. ميصحش معاليك
الوزير .. اقعد يانادر متعيش في الدور
نادر .. حاضر معاليك ،أؤومرني
الوزير .. طبعا أنت عارف إني كنت شريك أبوك في البضاعة اللي اتحرقت في المخازن بسبب عداوتكم مع اولاد الحاج كامل
نادر .. عرفت يانادر بيه 😔
الوزير .. انا كنت دافع لأبوك 35 مليون وطبعا انا اتطلعت بطريقتي على كل حسابتكم في البنك لقيتهم كلهم ميكملوش 5 مليون ودول كل اللي حيلتكم بعد الخساير حتى البيت بتاعكم والعقارات موقوفة عن البيع وكلها شهر ويتحجز عليهم من الضرايب
نادر .. هو حضرتك عرفت دا كله أزاي 😳
الوزير .. ههههههه انا مفيش حاجة معرفهاش لو تحب أقولك لون البوكسر اللي أنت لابسه إيه معنديش مانع😏
نادر .. 😳😳😳
الوزير .. طبعا انا عارف إن المبلغ مش متوفر دلوقتي ولا حتى هيتوفر بعدين
نادر .. 😔
الوزير .. بس انا عندي حل أخليك تسدد بيه كل ديونك ليا
نادر .. ألحقني بيه أرجوك 😳
الوزير .. هاخد الشركة بتاعت أبوك وأتجوز أختك ويعوض عليا ربنا في الباقي
نادر .. تتجوز سلمى !!!!
الوزير .. مش عايزك تستعجل في الرد فكر براحتك وأظن السجن مش لذيذ على نادر بيه وياريت لو هتتسجن وتبقا في امان بالعكس بتوع الضرايب هياخدو البيت وامك وأختك هيترموا في الشارع فكر كده يانادر ورد عليا ،المقابلة انتهت
___________
في بيت حافظ
سلمى .. إيه 😳انت بتقول إيه ! اتجوز مين 😡
نادر .. وفيها إيه ياسلمى راجل مركز ومنصب مهم و...
سلمى .. إخرس 😡 متكملش 😡 عايز تبيعني للوزير يانادر😡
نادر .. انتي مش فاهمة حاجة
سلمى .. عايزني افهم إيه ! واحد بيبيع أخته لواحد من سن ابويا وكأنها جارية في سوق العبيد افهم ايه فهمني😡
نادر .. احنا محجوز على بيتنا والحريقة اللى اتسبب فيها الزفت جلال خلتنا مديونين للوزير ب35 مليون ومعناش منهم حاجة قوليلي أعمل إيه 😡
سلمي .. تبيع أختك 😏😡
نادر .. هووووووووف خليكي كده لما يتحجز علينا وانا اتحبس وتترمي في الشارع انتي وامك😡
_________
في الجبل
فايز .. يااااه أخيرا جيت ياجلال المرة اللي فاتت سبتني وانا دماغي هتتفرتك من التفكير عايز اعرف كيف هتجيب دليل برائتي من ڤيلا سعد القتيل
جلال .. وصل الامانة ده هو دليل برائتك
فايز .. مش فاهم حاجة !
جلال .. أسمع بودانك عشان تتكيف أكتر
جلال مسك تليفونه ورن على نادر
نادر .. عايز ايه ياخسيس 😡
جلال .. عايز أعرفك إن أولاد الحاج كامل محدش يعرف يشغل دماغه عليهم
نادر .. اخلص ياد وقول عايز ايه😡
جلال .. أفتح الواتس عندك وأنت معايا كده
فعلا نادر فتح الواتس لقي جلال باعتله وصل الامانة ابو 20مليون اللي كان ماضيه لسعد وقتله عشان ميحبسوش بيه
نادر .. لأ😳
جلال .. متخافش انا طلبي بسيط مش هقولك هات ال20مليون انا مبظلمش
نادر .. عايز ايه 😡
جلال .. برائة فايز في قصاد وصل الأمانة
نادر .. أبرئه أزاي انا بعد ما اتحكم عليه بالإعدام😡
جلال .. زي ما لبسته الجريمة تطلعه منها إزاي بقا دي بتاعتك
معاك يومين تكون إتصرفت ( ومن غير سلام عشان اللى زيك ميعرفش السلام 😏)
نادر .. اوفففف مش معقول انا اكيد في كابوس ! كل الكوارث جاية مع بعضها
من غضبه طلع يجري على سلمى ووراها صورة وصل الأمانة اللي بعته جلال وقالها شوفي الناس اللي سيبتي بيتك ورحتي عيشتي في وسطيهم بيعملو إيه 😡 جلال بيه بتاعك سرق وصل الامانة اللي كان علينا لسعد قبل ما يموت وبيهددني بيه 😡
( قالها الكلمتين دول وخرج )
سلمى .. مستحيل 😳 ، بقا انت ياجلال تعمل كل ده 😡!!
طب ليه 😥 يااااااه هو انا كنت مخدوعة فيك للدرجة دي 😡 الله يلعن أبو اليوم اللي حبيتكم فيه 😡😥
______________
في بيت الحاج كامل
سكينة .. قولي بقا ياسامي انت مبسوط معايا
سامي .. عادي
سكينة .. طب قولي بقا هو أبوك بيضربك
سامي .. ابويا بيضربني عشان أبقا راجل وأشيل السلاح
سكينة .. سلاح ! سلاح ايه وزفت أيه 😡 أنت لازم تكمل تعليمك وتبقا حاجة كبيرة
سامي ..ابوي قالي التعليم ده للعيال الفافي ال مش بيقدرو يحموا نفسهم وبعدين اللي معاهم شهادات عملو ايه
سكينة .. إيه الفكر الزفت اللى بيزرعوه فيك ده 😡
جلال .. مالكم صوتكم واصل لحد بره ليه ؟!
سكينة .. تعالى شوف ياجلال الواد جاييلي شارب إجرام من هناك قال ايه خرجوه من التعليم وبيعلموه شيل السلاح وحاجات قرف 😡
سامي .. انتي عايزاني أبقا كيف النسوان ياامي
جلال .. طب وانت عايز تشيل سلاح ليه ياسامي 😅
سامي .. عشان أقتلك 😡
سكينة وجلال قامو وقفوا على رجلهم وبصوا لسامي اللي قاعد بكل ثقة
سكينة .. تقتل مين ياابن الكلب انت اتخبلت في نفوخك ياك😡
سامي .. هو عارف انا عايز أقتله ليه 🙄
جلال بص لسامي و ........