رواية قلب الجبابرة
الفصل الثاني
بقلم احمد حسن
جلال .. ها ! كيف ! وانا معرفش ؟!!
سكينة .. ابوك الحاج هو ال حدد كل حاجة الأسبوع الجاي
جلال .. لا مفيش اسبوع جاي ولا رايح وأي حد هيفكر ياخد
صفاء مني هقتله ياسكينة قولي للحاج يلغي الجوازة ولا
أقولك أنا هروح أقوله بنفسي😡
سكينة .. خد هنا يامجنون مش لما تعرف مين العريس الأول
جلال .. مش عايز أعرف😡 أي كان مين مش هياخدها مني
سيبيني متعلقة في رقبتي كده ليه😡
سكينة .. حتى لو عرفت إن العريس يبقا أخوك😥
جلال .. أخوي !!؟
سكينة .. ايوة أبوك أعلن إن فرح ياسين أخوك على صفاء بنت عمك الأسبوع الجاي
جلال .. ياسين أخوي ! وصفاء !! طب وهي موافقة !!
سكينة .. أنت عارف إن صفاء متحكمش في موضوع زي ده
جلال .. ياسين أخوي !! يعني هي الدنيا ضاقت بيك ياياسين
سكينة .. إعقل وحط عقلك في راسك ياجلال وأنسى بقا صفاء وطلعها من دماغك خالص وبعدين ياسين زيه زي صفاء هما الأتنين مغصوبين على بعض ما أنت عارف إنهم مش بيقبلو بعض
جلال .. أنا لازم أقابلها ولو فعلا هما مغصوبين على بعض تبقا
محلولة أنا أتجوزها وبكده نبقا حطينا النقط على الحروف
سكينة .. تقابل مين يامجنون 😡
______
فعلا جلال خد بعضه وراح على بيت عمه بهلول عشان يقابل صفاء ويشوف رأيها إيه
أم صفاء .. أهلا ياولدي حمدلله عالسلامة أكيد جاي تبارك لصفاء ثواني أناديلك عليها
صفاء .. مش معقول انتي سامعة ال انا سمعاه يابت ياتهاني !
تهاني .. مش قلتلك إنك مش فارقة معاه أهو مصبرش للصبح وجاي يباركلك على جوازك من أخوه هتعملى إيه بقا دلوقتي ياناصحة
صفاء .. زي ما هو حسسني إني ولا حاجة في حياته أنا برضو هحسسه نفس الإحساس وأعرفه إني طايرة من الفرحة وإنه ولا يسوى 😥
الأم .. تعالي يابتي سلمي على جلال إبن عمك رجع من السفر وجاي يباركلك
___
صفاء .. أهلا ياجلال حمدلله عالسلامة
جلال .. أنتي موافقة عالجوازة ولا مغصوبة عليها ياصفاء ؟
صفاء .. مغصوبة !؟ هي في واحدة تطول تتجوز راجل زي
ياسين دي أي بنت تتمناه
جلال .. ها ! أنتي متأكدة من الكلام ال بتقوليه ده يابنت عمي
صفاء .. أنا عارفة أنا بقولك إيه أنا معدتش صغيرة ياجلال
وأكيد أنت عارف الدنيا بتعلم الصغير قبل الكبير يلا عقبالك
لما نفرح بيك
جلال .. ها ! إن شاء الله .. طب أستأذن أنا
صفاء .. إيه ده ! بسرعة كده من غير ما تشرب حاجة
جلال .. نشربها في فرحك إن شاء الله
صفاء .. مسمعتهاش منك يعني
جلال .. هي إيه
صفاء .. مبروك ولا مش هتنسى كمان تباركلي
جلال .. لا إزاي طبعا مبروك ياصفاء
_________
سكينة .. أنت عملت إيه !
جلال .. معملتش حاجة ياسكينة
سكينة .. قالتلك إيه ؟!
جلال .. الفرحة المرسومة على وشها كانت رد على كل أسألتي
سكينة .. يعني خلاص كده إرتاحت
جلال .. إنسي كل الكلام ال قلتهولك وتعالي نطلع عند ياسين
سكينة .. أنت طبيعي ياجلال !
جلال .. طبيعي جدا يلا يابت خلينا نشوف ياسين
_____
جلال .. من أولها كده العريس قاعد في أوضته وراشق عينه في السقف 😅
ياسين .. حمدالله عالسلامة ياسخيف
سكينة .. اسكت ياياسين جلال أول ما عرف كان طاير من الفرحة
ياسين .. اه ماهو ضحك ببلاش وجه لحد عنده
جلال .. يااااه عشت وشفتك وأنت بتتستر ياأخويا بس
بصراحة يازين ما إختارت البت صفاء شخصية جامدة
وهتقدر تحافظ عليك 😅
سكينة .. 😅😅
ياسين .. بت يازفتة خدي الواد السخيف ده وأخرجي بيه بره
_______
في اليوم التالي
ياسين .. صباح الخير
الحاج .. صباح الخير ياولدي يلا خد الطلبات ال حضرتهالك
أمك وروح أفطر مع عروستك
ياسين .. أصبحنا وأصبح الملك لله
سكينة وجلال بصوا لبعض .. 😅😅
الحاج .. وخد البت سكينة والواد جلال معاك أهم يفكوا القعدة 😅😅
ياسين .. كملت 😒
______
في بيت صفاء
الأم .. أهلا أهلا ياألف خطوة عزيزة نورتم
سكينة .. إزيك يامرات عمي
الأم .. بخير الحمدلله يابنتي
صفاء .. صباح الخير
سكينة .. صباح الفل ياعروستنا
جلال .. يلا بقا ياسكينة إدخلى حضري الفطار مع مرات عمك
احسن الجوع واخد حقه معايا
سكينة .. أعملك ما أنت ال خلتني اجهزلك العشا امبارح ومتعاشيتش 🤭
جلال .. 😒
صفاء .. طب دا حتى أكلك حلو ويفتح النفس ياسكينة
جلال .. كنت واكل في القطر وبعدين ياستي أدينا هناكل مع العرسان
سكينة .. طب بما إنك بتحب تدخل المطبخ تعال يلا ساعدنا
_____
صفاء .. هو البعيد معندوش دم أنت عارف إني مبحبكش عايز تتجوزني ليه!!؟😡
ياسين .. حيلك حيلك ياشهرزاد ومين قالك إني واقع عليكي
صفاء .. امال وافقت ليه يابارد
ياسين .. كنت متكل إنك هترفضي معرفش إنك مصدق ما هتشبطي
صفاء .. أشبط في مين 😅😅 وبعدين هو مش مفروض إنك راجل وليك كلمة 😏
ياسين .. باينها هتبقا جوازة سودة 😡
صفاء .. أنت لازم تعرف إني مش هستحمل أعيش في جو التمثيل ده كتير شوفلك حل
ياسين .. أنت مش جاية من تركيا يابنت بهلول أنتي عارف يعني إيه كلمة الحاج كامل فبلاش تعيشي في الدور لو عندك حل قوليه معندكيش يبقا إتكتمي
( الباب خبط )
صفاء .. أهلا ياتهاني جيتي في وقتك
تهاني .. لا باين عندكم ضيوف أعدي عليكي مرة تانية
صفاء .. إدخلي بقا بطلي غلبة
تهاني .. إزيك ياياسين
ياسين .. أهلا تهاني
تهاني .. هي أمك فين ياصفاء ؟
صفاء .. في المطبخ
تهاني .. طب أنا رايحالها
___
في المطبخ
تهاني .. صباح الخ..
جلال .. صباح الفل والورد والياسمين
سكينة .. إكتم يلا دي مش منهم 😏
تهاني .. معلش أفتكرت إن أم صفاء لوحدها في المطبخ
جلال .. مش مشكلة تقدري تعتبريني أم صفاء أؤومر ياعسل😍
سكينة .. يومك مش معدي النهاردة 😏
تهاني .. ☺️
جلال .. معلش ممكن تساعدينا في الفطار لحد أم صفاء ما تغير هدومها وتجيلنا
تهاني .. انت بس أخرج بره المطبخ وانا هعمل كل حاجة
جلال .. معلش ياريت تستحمليني مش هينفع أقعد عزول وسط العرسان ولا انتي رأيك إيه
تهاني.. ها !! أه فعلا
سكينة .. أظبط أنا بقا الأريال في وسطيكم ولا إيه يازفت😡
جلال .. قوليلي بقا بنتك ولا أبنك أسمه إيه
تهاني .. أنا أساسا متجوزتش لسه
جلال .. يانهار اسوح ليه !! هي البلد دي مفيهاش رجالة عندها نظر ولا إيه
تهاني .. بيجيني عرسان بس برفض كل شيئ نصيب
جلال .. وبترفضيهم ليه ؟!!
تهاني .. أصل أغلبيتهم مسهوكين والباقيين عنيهم فارغة
سكينة .. في منتصف الجبهة ياجلوا 😅
جلال .. أنا شكلى بقا وحش صح ☺️؟!
سكينة .. اه باين عليك عرقت ووشك مخطوف الصدمة كانت شديدة😅
جلال .. طب ياتهاني ده كان مقلب تحبي نذيع ☺️
تهاني .. 😅😅😅😅😅😅
سكينة .. 😅😅😅😅😅😅
جلال .. أظن كده الفطار جهز وبعد الضحكة دي انا كده فطرت 😍😉
صفاء .. مش معقول وجايب الأكل بنفسك ياجلال
جلال .. هو إحنا هنجيبه لأحسن من عروستنا
أم صفاء .. رايحة فين ياتهاني ؟!
تهاني .. هنزل بقا السوق عشان هجيب شوية طلبات
جلال .. طب والله إن مفطرتيش انا كمان مش هفطر
تهاني .. مش مهم ☺️
جلال .. طب والله ماهفطر ولا انا ولا سكينة وإن شالله أعدم سكينة لو مفطرتيش
سكينة .. طب وأنا مال أمي ياجزمة 🙄
صفاء .. أقعدي بقا ياتهاني خلينا نخلص
جلال .. مالك ياياسين قاعد بعيد عن عروستك ليه تكونشي مكسوف 😏
ياسين .. لم نفسك ياجلال مش هتاخدنا بالدور
صفاء .. خلاص هقعد أنا جنبه متزعلش نفسك كل بقا
جلال ..😒
طول القعدة جلال بيبص لصفاء والنظرات متبادلة واللغة ما
بينهم تحسه معكوسة نظرة كل واحد للتاني مختلفة يعني
مثلا في نظرات جلال تحسها نظرة عتاب مصحوبة بكسرة
وغيرة واضحة فيها ، أما نظرة صفاء كنت تحسها نظرة تعالي
ومحاولة لإثبات الذات وإنها لا تبالي بوجوده وكأنه ولا حاجة
في حياتها بس في الحقيقة هي بتتقطع من جواها عشان كده
محدش فيهم قادر يفهم نظرات التاني بس جلال كسر نظرته
بسرعة وغضب من نفسه أول ما حس إنه كده بيخون أخوه
سكينة .. إن شاء الله يامرات عمي بكرة ياسين هياخد صفاء
ويروح يجيبولها شوية طلبات لوازم الفرح وكده
أم صفاء .. وماله يابنتي ال فيه الخير يقدمه ربنا
ياسين .. بس أنا بكرة مش فاضي عندي سفرية !
أم صفاء .. وماله ياابني متعطلش نفسك تروح معاها سكينة
وجلال
جلال .. ها ! انا !
سكينة .. وماله يامرات عمي ال تشوفيه 😒
صفاء .. وأنتي ياتهاني تفضي نفسك عشان تروحي تختاري معايا
تهاني .. أنا ! لأ معلش أعذريني
جلال .. طب إن شالله سكينة تتشل ويجيها حول يخليها تمشي بجنبها لو مروحتيش 😌
سكينة .. الله يخربيت سكينة ياأخي ما تبطل تحطني في اي جملة مفيدة ياد 😡
صفاء .. لا إتطمن تهاني رايحة عشان معنديش اصحاب غيرها
وهي أقرب حد ليا
_________
فعلا في اليوم التالي راحت صفاء بصحبة سكينة وجلال
وتهاني وفي محل الملابس صفاء كانت بتقيس الفستان
سكينة .. اللهم صلي عالنبي ايه الجمال والروعة دي
تهاني .. بسم الله ماشاء الله خمسة وخميسة عليكي ياقمر
صفاء .. إيه رأيك ياجلال حلو ؟!
جلال .. مش مهم أنا أشوفه حلو المهم العريس هو ال يشوفه
حلو😒 هاستأذنكم انا أروح أقعد في العربية أشرب أي حاجة لحد ما تخلصوا
.. فعلا جلال سابهم ومشي وقعد في العربية والدموع
محبوسة في عنيه وكأنه كانت السكينة سرقاه لحد ما شاف
صفاء لابسة الفستان وفي لحظة كده بدأ يخبط في نفسه
وفي العربية بقهر بص جنبه لقي تهاني واقفة مستغربة ال
بيحصل😳
جلال .. عايزة إيه ؟!
تهاني .. ها ! مفيش كنت جاي أقولك خلصنا تعال عشان تحاسب
جلال .. ماشي
تهاني .. مالك ؟! في حاجة ؟
جلال .. مالي !؟ مفيش
سكينة .. مالك وشك متغير ليه ؟! حصلت حاجة بره ؟
جلال .. لا مفيش العربية عطلت وصلحتها خدي الفلوس
حاسبي وانا هاخدلكم الشنط على العربية
صفاء .. انا هاجي معاك عشان الحاجات متتبهدلش
______
في العربية
صفاء .. مالك ؟ ومتقوليش العربية كانت عطلانة
جلال .. يهمك في إيه ؟!
صفاء .. لو في حاجة جواك قول وريحيني إحنا لسه فيها
جلال .. تقصدي أيه ؟!
صفاء .. أنت في حاجة جواك من ناحييتي ؟
جلال .. أه
صفاء .. إيه قول
جلال .. مش عارف ياسين اخوي عريسك هيعجبه الفستان ولا لأ
صفاء .. بجد 😒 تمام ، عنيد ومتكبر ومغرور وعلى قد ما كنت بحبك على قد ما بقيت بكهرك 😡
جلال .. تحبيني تكرهيني دي حاجة تخصك في النهاية انتي
كمان يومين هتبقي مرات أخوي وليكي إحترامك
_________
يوم الخميس والمعازيم حضرو والفرح مفيهوش كرسي
فاضي وضرب النار والمزامير على أخرها وفايز وجلال
أخوات العريس بيستقبلوا الناس والحاج كامل قاعد مع
كبرات البلد والضيوف المهمين ال بييجو من كل حتة
جلال .. قولي يافايز بما إنك أنت الصندوق الاسود بتاع أبوي ممكن تقولي الناس المهمة دي كلها والرتب والبدل دي كلها أبوك يعرفهم كيف ؟!
فايز .. بطل غلبة بكرة ييجي الوقت ال تعرف فيه كل حاجة
قابل الناس قابل
جلال .. طب كلم الحاج بينادي عليكي
فايز .. اؤومر ياابوي
الحاج كامل .. ركز كويس ومش عايز غلطة أنت فاهم
فايز .. متقلقش ياابوي كل شيئ مترتب والحاجة هتتسلم ساعة وصول الوزير الفرح
الحاج كامل .. الرجالة والسلاح ؟
فايز .. كله جاهز ياابوي عالتسليم الوزير على وصول هروح أنا
الحاج كامل .. خلى بالك من نفسك ياولدي
_______
جلال .. هو في أيه !! ابويا شكله متغير وقلقان وفايز كل شوية يسيب الفرح ويخرج ودلوقتي خارج والرجالة بيخرجوا وراه واحد ورا التاني !!!؟ لا انا لازم أعرف إيه ال بيحصل
فعلا جلال خرج وراهم ومن بعيد فضل مراقبهم لحد ما وصل
لطريق في وسط الزرع قعد وإستخبى منهم وبدأ يراقب كل
حاجة بعنيه وبعد شوية وصلت ناس تاني لابسين بدل
ومعاهم عربيات وناس مسلحين وفي وسطيهم راجل مهم وبدأ يسمع الحوار الداير ما بينهم
فايز .. اهلا أهلا يا حافظ بيه
حافظ .. أهلا يافايز
فايز .. كل حاجة جاهزة زي ما جانبك طلبت
حافظ .. طب فين ؟!
فايز .. أشوف فلوسك الأول يابيه
حافظ .. ههههه لا شاطر زي أبوك ياد يافايز أدي ياحبيبي
الفلوس
فايز .. وادي بضاعتك يابيه
حافظ .. خد يلا فين البضاعة دي ؟!!😡
فايز .. إيه ده 😳
حافظ .. لااااا أنا ميتلعبش بيا أمسكوه 😡
وضرب النار أشتغل والدنيا ولعت وبعد شوية وفي أثناء
خروج العروسين للكوشة واحد من الرجالة دخل الفرح يجري
على الحاج كامل وقال خبر سكت الفرح كله وياسين وصفاء
وقفوا والصراخ عم الفرح لتشهد الليلة سواد حالك خصوصا
بعد ما الفرح كله بما فيهم العرسان جري على مكان الخبر
الخبر ال أل عمل الكارثة الكبري كان عبارة عن ........