رواية قلب الجبابرة
الفصل الخامس عشر
بقلم احمد حسن
فعلا الساعة دقت 3 صباحا وجلال كان واقف قدام ڤيلا سعد القتيل وبحرفة وذكاء قدر يعبر من السور والكلاب ويدخل الڤيلا من الخلف بعد ما دخلها طلع السلم وإتوجه ناحية غرفة نوم سعد القتيل ويدوب جلال دخل مرة واحدة الڤيلا كلها نورت جلال بص وراه إتصدم 😳
شاف شاب يعاني من حالة توحد! أتخض وبص حواليه
ملقيش حد وبعد شوية ترقب اتأكد إن مفيش حد في الڤيلا
غير الشاب ده بص ورا الشاب شاف على الحيطة صورة
بتجمعه بسعد وعرف إن ده كده إبن سعد علطول جلال بدأ
يستعجل ويدور على الحاجة اللي جاي عشانها
الشاب .. أنت أسمك إيه ☺️
جلال .. بصله وطنش
الشاب .. انا إسمي شهاب وانت اسمك إيه ؟
جلال .. مردش عليه
شهاب .. انت مش بترد عليا ليه انت زعلان مني😥
جلال .. وبعدين معاك بقااااا ، لا ياحبيبي مش زعلان منك
شهاب .. طب انت بتدور على إيه ؟ هو انت كمان بتدور على الطيارة بتاعتك ؟
جلال .. طيارة !؟ اه ياحبيبي بدور على الطيارة ممكن تسكت بقا
شهاب .. انا كمان الطيارة بتاعتي ضاعت بس بابا قالي
هجيبلك واحدة غيرها وهو لحد دلوقتي مجاش ولا جابهالي 😥
جلال .. بابا ! انت مستني بابا يجيبلك طيارة !!؟ بس بابا مش هيجيبها ياشهاب!
شهاب .. لا 😥 بابا هيجيبها هو مش بيحب يزعلني ووعدني
هيجيبها بس اختي جومانة قالتلي أن بابا مسافر وهيرجع😥
جلال .. وجومانة دي فين ياشهاب ؟!
شهاب .. كلمتها في الموبايل قالتلي جاية في الطريق وعشان انا سمعت كلامها ومخرجتش عليها وهي قاعدة مع ضيوفها إمبارح هتجيب ليا حاجة حلوة
جلال .. يعني هي جاية دلوقتي 😳؟!!
شهاب .. ايوة اهي وصلت صوت عربيتها بره سامعه؟
جلال .. الله يخربيتك وساكت من بدري 😳
بسرعة جلال قلب في المكتب والأدراج والخزنة لحد ما في
كتاب وقع على الأرض بالصدفة ووقعت منه الورقة اللي بيدور عليها جلال والورقة دي هي وصل الامانة ابو 20 مليون ال كتبه نادر لسعد قبل ما يموت
في نفس اللحظة كانت جومانة طالعة على السلم وجلال
إتزنق ومش هيعرف يخرج ومازال شهاب معاه في الاوضة
جلال .. أسمعني ياشهاب اللي بيفتن بيروح فييين
شهاب .. النار
جلال .. طيب انا هستخبى ورا الستارة وأنت متفتنش
لجومانة ووعد مني هجيبلك طيارة حلوة قوي قوي
شهاب .. طيارة 😍😍😍
جلال .. شششششششش هتسمعنا يلا بص ناحية الباب ومتبصش عليا وهي واقفة معاك
فعلا جلال إستخبى وجومانة دخلت لقيت الأوضة مبهدلة مكان ما جلال كان بيدور ،علطول زعقت في شهاب وقالتله ايه اللي خلاك تبهدل الأوضة كده 😡
شهاب .. انا مبهدلتش 😥
جومانة .. وكمان بتكدب وضربته بالقلم
جلال .. اتعصب اوييي وكان خلاص هيطلع يضرب جومانة
على تعاملها السيئ مع شهاب ،في النهاية وبعد ساعة حبس جوة الڤيلا قدر جلال يهرب بسلام
____________
في بيت حافظ
نادر .. هتفضلي قاعدة في أوضتك تعيطي كده كتير !
سلمي .. غور من وشي اطلع بره الاوضة 😡
نادر .. مالك في إيه مش طايقالي كلمة ولا طايقة تشوفيني ليه ! أسمعيني ياسلمى ياحبيبتي إحنا دلوقتي ملناش غير ولو على امك انتي عارفاه في الهوبا لالا خالص و...
سلمي .. ملناش غير ايه !!😡 أنت أكتر واحد مبيهموش غير مصلحته وبس وعمرك ما كنت ليا أخ زي الناس
نادر .. يعني هو جلال اللي رحتي عيشتي في وسط ناسه وأهله كان عملك ايه ؟! في النهاية قتل أبوكي متاخديش بالمظاهر الكدابة ياسلمي
سلمي .. انت زيك زي جلال كلكم زي بعض عايشين حياتكم في صراعات عشان ايه !!؟ الفلوس !! واخرتها إيه ! كل واحد فيكم هيترمي في قبره ملط ويسيب الفلوس اللي عاش يقتل ويأذي في ناس عشانهم وبعدين يمكن جلال عمل كده من حرقته على أخوه اللي انت أتسببت في حكم الأعدام عليه وكلها ايام ويتمسك ويحصل ابوك ظلم زي ما ابوك مات ظلم قوللي بقا انت عملت كده ليه !!؟
نادر .. انتي لسه بتدافعي عنه 😡
سلمي .. لا انا بكره اكتر ما بكرهك كفاية إن حرمني من أبويا يمكن هو الحد الوحيد في بيتنا اللي كان بيريحني😥
نادر .. طب على الأقل الوزير جاي النهاردة وجايب اسرته يعزونا في أبوكي الحد الوحيد اللي كان بيريحك ولا كمان مش هتاخدي عزاه 😡
سلمي .. مش عايز أشوف حد ولا اقابل حد سامعني 😡
______________
الوزير واسرته جم وبعد ضغط من نادر نزلت سلمى قعدت معاهم
الوزير .. البقاء لله ياأنسة سلمى
سلمي .. 😑
نادر .. شكرا يامعالي الوزير نورتنا والله
الوزير .. انتي بقا العروسة اللي أختفيتي يوم فرحك
سلمي .. 🙄
نادر .. ايوه هي يامعالي الوزير بس هو في الاخر نصيب إن الجوازة تبوظ
الوزير .. بس بسم الله ماشاء الله مكنتش أعرف إن حافظ الله يرحمه عنده بنات حلوين كده😉
سلمي .. استأذنكم هطلع تعبانة شوية😡
_________________
في بيت الحاج كامل
جلال دخل البيت لقي صفاء قاعدة في الصالة نايمة على الكرسي
جلال .. صفاء اصحي ياصفاء ايه ال مقعدك كده !
صفاء .. جلال ، كنت فين انا قاعدة قلقانة مستنياك من بدري
جلال .. ليه خير !
صفاء .. معرفش بس قلبي كان واكلني عليك
جلال .. انتي مروحتيش بيتكم ليه النهاردة مش كان مفروض تروحي عشان خاطر امك لوحدها وكده
صفاء .. بكرة هبقا أروح رغم إنه صعب عليا أسيبك وفترة العدة تقول مش عايزة تخلص 😔
جلال .. هههه دا العمر بيخلص ياصفاء عالعموم بكرة إن شاء الله أعملي حسابك هروح اتغدا معاكي عند امك
صفاء .. بجد هتروح معايا 😍
جلال .. روحي يلا نامي وابقي صحيني على الضهر كده نروح مع بعض
صفاء ..دا انا هعملك أكل محصلش هتاكل صوابعك وراه ماشي ياقلبي هروح انام إيمتا بقا بكرة 😅
جلال .. هههههههه
في نفس اللحظة ياسين كان صاحي وسامعهم وتقريبا كده يعني عينه دمعت
___________متابعة هنا فضلا روايات أحمد حسن
في اليوم التالي في بيت صفاء
جلال .. ازيك يامرات عمي
ام صفاء .. ازيك ياحبيبي خطوة عزيزة
جلال .. يااااه والله زمان انا فاكر أيام ما كنت صغير واجي هنا مع ابويا والعب انا والبت اللي جوة دي وكان دايما عمي الوحيد اللي كان يقول لأبويا الواد ده هو اللي هيبقا كبير العيلة ياكامل ، كبرت والكلمة فضلت معلقة في دماغي وبقيت كبير العيلة فعلا بس اللي انا محتار فيه ياترى انا بقيت كبير العيلة عشان فعلا ده اللي المفروض يحصل ولا بقيت كبير عشان الكلمة اللي قالها عمي 🤔
ام صفاء .. اكدب عليك ياابني لو قلتلك اني فاهمة حاجة من الكلام اللي انت بتقوله ده 😌
جلال .. ههههههههه والله انتي عسل يامرات عمي 😅
صفاء .. انا سامعة حد بيجيب في سيرتي ☺️
جلال .. يلا يابت جهزي الاكل هموت من الجوع 😔
ام صفاء .. هي جهزت خلاص هقوم انا أحضر الأكل
صفاء .. يااااه جلال بيه يجوع لا يمكن ابدا
جلال .. هههههههه لمضة قوي البت دي 😅
صفاء ..بس متقولش بت انت عارفني مش بحب الكلمة دي 😌
جلال .. طب يابت قومي روحي ورا امك حضري الاكل 😅
صفاء .. قلب البت وعقل البت وروح البت 😍❤️❤️❤️
جلال .. في ايه يابت هتاكليني ولا ايه 😅
صفاء .. انا الود ودي أكلك واحطك جوة قلبي وأقفل عليك ❤️❤️
جلال .. طب لمي الدور واقعدي مكانك عشان امك لو دخلت ولقيتك مكلبشة في الكرسي بتاعي كده هيبقا شكلنا وحش😅
صفاء .. واد ياجلال مش هتقولها بقا ❤️ قولي بحبك والنبي 😍
جلال .. قلبك جابك وبتقوليلي ياواد ياجلال 😅
صفاء .. ايوة واد انت كبير على كل الناس الا عليا عارف ليه؟
جلال .. ليه 😅
صفاء .. عشان انتي حبيبي وابويا وأبني وكل حاجة ليا في الدنيا ومن حقي عليك أقولك اللي أنا عايزاه ياواد ياقمر انت☺️
جلال .. طب بقولك ايه ؟
صفاء .. متقولش انا رايحة ورا أمي من غير كلامك
جلال .. لا هاتي ودنك عشان امك متسمعناش
صفاء .. خد راسي كلها مش ودني بس 😅
جلال ..همس لصفاء وقالها ب،ح،ب،ك
صفاء .. يلهوي 😳 قلبي هيقف 😳 لا تاني عشان أتاكد والنبي
جلال .. انتي حب عمري ( بحبك )
صفاء .. يلهوي ☺️ انا دوخت وجسمي قشعر وركبتي مش شايلاني وربنا ❤️❤️❤️❤️ سمعني تاني والنبي 🙏❤️
جلال .. يلا يابت ورا امك يابت 🙄
صفاء .. من فرحتها باسته في خده وطلعت تجري على امها مسكتها ونزلت فيها بوس في كل حتة في وشها زهقتها
الأم .. في إيه ! قطعتي وشي يابنت الجزمة 😳
صفاء .. مفيش ياامي مفييييييش 😍😍😍😍❤️❤️❤️
الأم .. مفيش ! وربنا لاتموتي مهطولة!
_________
سكينة .. الضهر جه ياياسين بيه
ياسين .. يااااه انا نمت كتير كده ! طب مصحتنيش بدري ليه
سكينة .. جلال قالي اسيبك تنام براحتك عشان عارفك تعبت اليومين ال فاته
ياسين .. ماشاء الله عليك ياجلال الواد اخويا ده دايما مركز مع التفاصيل الصغيرة قبل الكبيرة
سكينة .. ومين غير اخوك قلبه عليك
ياسين .. هو نايم فوق ؟
سكينة .. لا هو راح ،، يودي صفاء وتقريبا هيتغدى هناك
ياسين .. الله يسهلهم ياستي اروح انا بقا أدخل الحمام
واجي عشان اتغدى معاكي
سكينة لاحظت الزعل على وشه لما جت سيرت صفاء وجلال
وقالت في نفسها ،، ياترى شايل قد ايه جواك ياخوي وساكت،،
________________
جلال بعد ما اتغدا مع صفاء ال كانت عايزاه يقعد معاها شوية كمان بس قالها إنه عنده مشوارين مهمين
وبالفعل بعد ما خرج جلال من عندها ركب عربيته وغاب بتاع 3 ساعات وبعد كده رجع على البيت اول ما دخل من جوة الباب بصوت عالي فضل ينادي على سكينة
سكينة .. في إيه ياخوي !!
جلال .. ينفع كده 😡 ينفع اللي انتي بتعمليه ده 😡
سكينة .. انا ! أنا عملت إيه ياخوي يزعلك إكده !!!!
جلال .. أدخل ياللي بره
سكينة .. إيه ده😳 !!!!!
جلال .. ينفع إبنك يجي وماتكونيش أول واحدة تستقبله في بيت جده 😅
سكينة .. أبني 😥 حبيبي 😥 تعالي في حضني ياضنايا ❤️أنا مش مصدقة عيني 😭
جلال .. وبعدين معاك ياجميل هو الحزن تدمعي وفي الفرح تدمعي برضو 😅
سكينة .. انا بحلم 😥 أقرصني ياجلال والنبي وقولي اني مش بحلم 😥 ابني حبيبي في حضني وبين أيديا 😥 انا مش بحلم ياجلال صح ؟!
جلال .. لا ياقلب جلال أنتي مش بتحلمي دي حقيقة أبنك في حضنك ،يلا بقا مش هتقوليله أدخل ولا إيه 😅
سكينة خدت إبنها وأترمت في حضن جلال وتعيط 😭 من الفرحة 😭
وجلال عينه كمان دمعت على دموع سكينة أخته وقالها ،، مادمتي خدتيني أنا ملجأ ،يبقا هتفضلى في أمان مهما كلفني الأمر ، حتى لو التمن روحي يابنت أبوي ،،
يلا خدي أبنك عرفيه علي ناسه وانا عندي مشوار كمان هقضيه تكوني خلصتي وتقعدي معايا شوية عشان عايزك
سكينة .. حاضر ياحبيبي ياسندي في الدنيا 💙
جلال..ومتتعلقيش بالواد ده أكتر مني عشان مغيرش منه 😅
سكينة ..دا أنت الغالي💙 انت البكري ياجلال 😅