رواية قلب الجبابرة
الفصل السادس
بقلم احمد حسن
نادر .. ايه ده 😳 شايف ال أنا شايفه 😳
حافظ .. مش معقول !!
جلال .. مساء الخير ، مبروك ياحافظ بيه طب ياراجل مش تبعتلنا دعوة ولا إحنا مش قد المقام ولا إيه 😅
نادر .. انت دخلت هنا إزاي ياحيوان 😡
جلال .. بقا هي دي بردو مقابلة تقابلوها لضيفكم !؟ معلش ماهو أنت لو عيشت عندنا في الصعيد كنت عرفت يعني أيه إكرام الضيف
حافظ .. ما أحنا روحنا عندكم ونصبتوا علينا ياإبن الحاج كامل
جلال .. لااا تؤ في فرق من إنك تروح ضيف أو تروح شغل
حافظ .. وياترى بقا إنت جاي ضيف ولا جاي شغل 😏
جلال .. الاتنين ✌️
نادر .. أنت هتاخد وتدي في الكلام مع عيل زي ده يابابا 😡بص ياحبيبي بهدوء كده هتطلع في وسط الحرس ال هناك دول هياخدوك مشوار لحد أخوك تأنث وحدته شوية لحد ما الفرح يخلص وأجيلك أعمل معاك واجب الضيافة على حق
جلال .. واجب الضيافة ده ياحبيبي هتاخده أنت وأبوك عندي ،ولا أقولك خليك أنت جنب مامتك عشان هتبقا محتاجاك تهديها شوية وحافظ بيه هو اللي هينورني
نادر .. انا اقعد جنب مامتي ياإبن ال ..
حافظ .. شششششش إهدى يانادر انت عايز تبوظ الدنيا ولا أيه😡 ، وأنت ياد عارف لولا الفرح والناس حولينا كنت عملت فيك إيه 😡؟
جلال .. هههههههههههههههه
حافظ .. بتضحك على إيه 😡!!!
جلال .. ماهو مفيش فرح هههههه
حافظ .. يعني إيه !
جلال .. هات ودنك أسألك سؤال وبالمرة عشان محدش يضحك علي شكلكم غيري ( هو في فرح من غير عروسة ؟)
هههههههه ههههههههههه هههههههههه
حافظ .. لأ😳
جلال .. يااااه هو بالظبط ال أنت بتفكر فيه 😅
حافظ .. بنتي سلمى !!!!
جلال .. في الحفظ والصون ياحافظ مش قلتلك أنا غير أي حد تعرفه 😏
حافظ .. دا أخر يوم في عمرك ، بنتي فين ياد أنطق 😡
جلال .. ششششش إهدى كده وخليك عاقل الناس بتبص علينا وبعدين البدلة هتبوظ دي مكلفاني كتير انا عارف كان مالها الجلبية بس يلا مش خسارة فيك ياحافظ بيه 😅
نادر .. أنت هتقول أختي فين ياخسيس دلوقتي ولا قسما عظما اقتلك في مكانك😡
جلال .. أعقل أنت وأبوك أحسن والله اجيبهالك على مرتين 😡
حافظ .. اسمع ياد انت بتلعب لعبة لا أنت ولا أهلك قدها قول البت فين 😡
جلال .. هو البوفيه هيفتح إيمتا 😔
حافظ .. أخر مرة هقولهالك البت فين 😡
جلال .. بنتك دلوقتي في وسط مش متأكد قوي بس حوالي 150 او 160 حتة سلاح أظن رصاصة واحدة من أي سلاح فيهم تكفيها وهي يعني صفيفة مش هتاخد أكتر من رصاصة 😏
حافظ .. طلباتك ؟
جلال .. هي دي الكلمة اللي انا عايز اسمعها ، بص ياسيدي ياسين والأثار اللي كانت معاه في مقابل البنت وأنا هديلك ال10 مليون بتوعك ونبدأ نشتغل على نضيف لو لسه لازمك شغل يعني وأظن بكده أبقا أنا عادل معاك
حافظ .. إنت أتجننت الأثار خلاص إتباعت وفي طريقها لبره مصر!
جلال .. عادي وإيه المشكلة يبقا كده ياسين وفوقيه 20 مليون
حافظ .. نعم !!؟ كام !؟
جلال .. إحنا مش هنلعب على بعض ياحافظ بيه انا عارف إن الفلوس دي يادوب فتافيت من قيمة البضاعة😏
حافظ .. هما 5 بس على ال10 ال عندكم وكده يبقا 15 أكتر من كده تبقا بتحلم😡
جلال .. 10 على ال10 ال معايا وده عشان خاطر العيش والملح اللي كلته مع أبويا الله يرحمه اللي أنت معملتش بيه
حافظ .. بنتي تيجي الفرح دلوقتي وياسين هيكون عندك الصبح
جلال .. بنتك تعبت وهتاخدها المستشفي ده الكلام ال هتقوله للمعازيم عشان تحمي شكلك قدامهم مؤقتا ووقت والصبح اخد ياسين تاخد بنتك ويادار ما دخلك شر
مع السلامة ياحافظ بيه ، اه صحيح يانادر إبقا خلى بالك من ألست الوالدة وبلغها سلامي 😂😂😂
نادر .. 😡😡
_______
حافظ .. وحياتك امك لأندمك ياجلال الكلب 😡
نادر .. أنت هتسيبه يمشي كده ؟!!😡
حافظ .. ال ييجي يقف في وشك وهو عامل عملة زي دي مش هتعرف تعمل معاه حاجة الواد ده ذكي وقلبه جامد ومخطط لكل حاجة صح 😡
نادر .. سيبني عليه وأنا أخليه يقر على مكانها وسلمى تكون عندك الليلة 😡
حافظ .. جلال عنده حق ، روح أقعد جنب أمك غور😡
____________
في الجبل
فايز .. هههههههه يابووووي عالدماغ المتكلفة هو ده الكلام😍 يعني بعد ما كنا هندفع 10 مليون وناخد ياسين بقينا هناخد ياسين وفوقيه 10 مليون 😅
جلال .. البنت أخبارها إيه ؟
فايز .. غبية وكل شوية تزعق وتصرخ ربط خشمها عشان دماغنا صدعت يابوي
جلال .. ربطت خشم مين الله يخربيت ، وراح جري على سلوى
جلال .. معلش ياست سلمى اخوي غشيم شويتين ويادوب قالي إنه ربط بقك عشان بتصرخي .إحنا اسفين ياستى وادي الرباط هشيله ليكي
سلمى .. اعااااااااااااااااااااااااااااااااا
جلال .. بس يحرق ابوكي وداني صفرت الواد فايز عنده حق
المرادي انا ال هحطلك اللزقة وال هيفكها ليكي هضربه بالنار
فايز .. جالك كلامي 😅
جلال .. انا صعبان عليا دموعها ال مش مبطلة نزول دي ،،
بصي يابنت الناس أتطمني كلها الليلة والصبح هتبقي في بيتكم ، متخافيش محدش هيأذيكي ، عايزك تعقلي كده وخليني أفكلك اللزقة عشان تقعدي على راحتك أتفقنا ؟
سلمى .. اشارت برأسها موافقة
جلال .. وادي اللزقة ياستي
سلمي .. انت عاوز مني إيه ؟!
جلال .. ولا أي حاجة
سلمي .. امال خاطفني ليه ؟!
جلال .. اسمعني زين يافايز هاتولها أكل وميه واول ما أرن عليك الصبح تاخدها في عربيتك ومن غير اي حراسة معاك وتوديها لحد بيتها
سلمي .. أنت عارف أنا بنت مين ياحيوان وعارف ابويا مين ؟
جلال .. طظ
سلمي .. متستعجلش بكرة لما يجيبك من رقبتك هتعرف هو مين كويس
جلال .. كنت لسه معاه من شوية في الفرح ،ماهو انا ال قلتله إني خطفتك عشان ميدورش عليكي كتير
سلمى .. طب ممكن أعرف أنا هنا ليه؟
جلال .. تصفية حسابات
سلمى .. نعم !! مع مين ؟!!
جلال .. هيكون مع مين أكيد يعني مع أبوكي
سلمي .. ممكن أعرف ليه ؟!
جلال .. لأ وكفياكي رغي يابااااي عليكي🙄انا ماشي يافايز اعمل ال قلتلك عليه
فايز .. تمام ياخوي
_________
في بيت الحاج كامل
سكينة .. إيه ال مسهرك لحد دلوقيت ياأميد
الأم .. وهنام كيف يابتي وإخواتك كلهم بره البيت 😔
صفاء .. مساء الخير
الأم .. وهييجي منين الخير من ساعت ما رجلك دبت في البيت وإحنا مشوفناش ساعة راحة
صفاء .. عاجبك الكلام ال أمك بتقوله ده ياسكينة ؟!
سكينة .. بقا دا كلام برضو ياامي ! وصفاء مالها باللي بيحصل
الأم .. اصلها أقدام يابتي في ناس قدمها سعد وناس قدمها شوم
صفاء .. لااا دي مبقيتش عيشة دي 😡
سكينة .. بس اهو جلال جه
الأم .. طمني ياولدي إخواتك فين ياجلال اليومين دول ملاحظة إنكم بتختفوا واحد ورا التاني في إيه ياولدي طمني
جلال .. مفيش ياامي كله تمام أنا وفايز كنا مع بعض في المخزن بنجرد البضاعة وياسين انتي خابرة انه مسافر يجيب بضاعة جديدة
الأم .. قلبي مش مرتاح ياولدي
جلال .. طمني قلبك يااماي قومي يلا خدي سكينة وروحوا ناموا وانتي كمان ياصفاء قومي ادخلي نامي
الأم .. انا قايمة ربنا يريح قلبك ياولدي
سكينة .. طب أنت كلت ياجلال ؟
جلال .. كلت لقمة انا وفايز مع بعض وبعدين لو جوعت عارف طريق المطبخ قومي ريحي انتي وأمي
صفاء .. انا مااكلتش هعمله أكل معايا قومي خدي امك وادخلي ريحي انتي ياسكينة
جلال .. قلتلك مش قادر اكل انا داخل أنام
فعلا جلال راح على أوضته وولع سيجارته وقعد يفكر ويقول في نفسه
( وبعدهالك ياجلال انت رايح لحد فين واحدة واحدة رجلك بتدخل في اللعبة وكل ما تحاول تخرج في مغناطيس بيشدك وأخرتها إيه النهاردة خطفت وبكرة هتنقذ ياترى اللي جاي مخبيلك إيه ياجلال )
شوية والباب خبط
جلال .. صفاء ! عايزة إيه ياصفاء ؟
صفاء .. هعوز منك ياجلال جايبالك شوية بطاطس من ال بتحبها
جلال .. قلتلك مش طافح
صفاء .. على فكرة أنا مش عايزة منك حاجة ولا بفكر اتطلق من ياسين عشان أتجوزك ولا عندي أي هدف أو طموح فيك
أنا كل ال عايزاه إنك تعاملني كويس ، كتير عليا إنك تعاملني زي الخلق 😥
جلال .. انتي عارفة إن الكل بدأ ياخد باله مننا ياصفاء وانا معنديش طاقة لوجع الدماغ ده
صفاء .. انا ميهمنيش الناس تشوفني ازاي انا يهمني انت شايفني ازاي
جلال .. مش أكتر من مرات أخوي وكفياكي ياصفاء قبل سابق ياسين شك فيا وزعل واخر حاجة فايز مسكك في حضني رايحة بيا على فين ياصفاء !
صفاء .. إرضى عني بس ياجلال وانا أوعدك إنك مش هتشوف غير كل خير 🙏
جلال .. بشرط إنك متتعديش الحدود ياصفاء وتسمعي الكلام
صفاء .. أوعدك مش هتعداها وهسمع الكلام
جلال .. طب خلاص روحي بقا على اوضتك قبل ما حد ييجي وتبقي وقعة مطينة بطين
صفاء .. حاضر حاضر
جلال .. ياصفاء
صفاء بصت وراها .. نعم
جلال .. طازة ولا مسخناها ؟
صفاء .. هي إيه ؟
جلال .. البطاطس
صفاء .. طازه لسه عملاها حالا والله 😇
جلال .. تصبحي على خير 😅
صفاء .. تصبح على الف الف خير 😍😅
_________________
يادوب جلال قعد مسك أول لقمة وتليفونه رن
جلال .. ايوة
حافظ .. تقصد إيه باال عملته ده 😡
جلال .. مش فاهم !!
حافظ .. هو إحنا مش اتفقنا أسلمك اخوك وتسلمني بنتي والموضوع يمر بسلام
جلال .. ايوة حصل
حافظ .. امال ليه ضربت الرجالة وخدت أخوك ليه عايزها تبقا دم ليه مصمم على الخساير والله ياابني لو حطيتك في دماغي ما هتقدرني 😡
جلال .. خدت اخوي!؟؟ انا مخدتش حد ! بص ياحافظ بيه لو دي لعبة من الاعيبك وياسين اخوي جراله حاجة أقسم بالله بنتك ما هتشوفها تاني
حافظ .. اسمع ياجلال ياسين أتخطف من عندي ومحدش يهمه ياسين غيرك
جلال .. حافظ 😡 تطلع تنزل تجيب اخوي وأفتكر إن بنتك عندي
حافظ .. اسمع ياد أخوك عندك وبنتي تجيني 😡
جلال .. قصدك حق اخوي عندي ،كده خلصت ياحافظ بيه
وقفل المكالمة
_______
جلال ركب عربيته وطلع على الجبل بسرعة
فايز .. في إيه ؟! رجعت تاني ليه؟!!
جلال .. حافظ كلمني وقاللي ياسين مش عنده
فايز .. يعني ايه ؟!!
جلال .. معرفش ، وخايف يكون حافظ قتله من الأول وكان بيوهمنا إنه خاطفه
فايز .. تمام محلولة
جلال .. إزاي ؟!
فايز .. لحظة هعمل مكالمة وجايلك
جلال .. !!
شوية وجلال صوت ضرب نار 3 طلقات ورا بعض جايين من الأوضة ال فيها سلمي ! جلال اتخض ومشي ناحية الاوضة بيفتح الباب وأيده بتترعش لقي فايز مع سلمي وماسك المسدس في إيده 😳