روايةقلب الجبابرة
الفصل الثالث والعشرون
بقلم احمد حسن
بالفعل جلال نجح في خطته إنه يخلع من صفاء بشياكة ومن غير ما تزعل وعلطول راح على سلمي لقاها كانت بتضحك عليه وعاملة عشا رومانسي ولابساله زي كل الستات ما بتلبس في الوقت ده
( من غير ما أوضح يعني عشان الناس الصغيرة ☺️)
جلال .. ايه ده😳 !
سلمي .. انت تستاهل اكتر من كده ياجلال وبصراحة انت في وقفتك جنبي اليومين اللي فاته خليتني أغير فكرتي عنك وزي ما أنت عاملتني كزوجة بجد يبقا بصرف النظر عن المشاكل اللي إحنا فيها وحجمها أنت تستاهل إني أعاملك كزوج ومعلش في الكلمة يعني حتي لو مش طايقاك
جلال .. طب بصرف النطر عن اني انضحك عليا بس هو في واحدة مش طايقة جوزها تقوم تعمله عشا رومانسي
سلمى .. تعرف أنا نفسي إيه ياجلال دلوقتي ؟
جلال .. نفسك في إيه ؟
الباب خبط
جلال .. هو في حد جاي ؟!
سلمى .. ويعني هو انا هستنى مين الساعة 3الفجر!!
جلال راح يفتح الباب وأول ما فتح الباب لقي حد بيخبط على الشقة بالغلط
سلمى .. مين ياجلال !
جلال .. دا حد غلطان في العنوان
سلمى .. طب مش هناكل بقا
جلال .. اه والله هموت مالجوع
جلال وسلمى خلصوا أكل وبدأت الليلة الجميلة وأثناء قيامهم بالعلاقة جلال أفتكر صفاء ودموعها حاول كتير يتناسى عشان يكمل بس مقدرش !
سلمى .. مالك !!
جلال .. مفيش
سلمى .. بعدت عني مرة واحدة ليه !!
جلال .. انا لازم امشي دلوقتي
سلمى .. تمشي !! تمشي تروح فين !؟
جلال مردش عليها وسابها ومشي خد عربيته وجري على البيت بسرعة طلع على أوضته هو وصفاء وهناك لقيها صاحية في أوضتها سهرانة لحد ما يرجع وتتطمن عليه
جلال اول ما دخل من باب الأوضة جري على صفاء وحضنها جامد !
صفاء .. مالك ياحبيبي (وبتلعب في شعره)
جلال .. مفيش، اشتقتلك ولا انتي مش عايزاني اشتاقلك
صفاء .. طب مش هتقولي فايز عامل ايه دلوقتي؟
جلال .. فايز مين وبتاع ايه خليني هايم في حضنك متفكرنيش بأي حاجة
صفاء .. وبعدين بقاااا انا مش مصدقة أللي بسمعه وبحاول اماطل في الكلام لحد ما أصدق 😅
جلال .. طب ولو إديتك بوسة في خدك كده ، هتصدقي 😅
صفاء .. تؤ😊
جلال .. طب لو في شفايفك كده ؟
صفاء .. ها😲☺️
جلال .. ها صدقتي؟
صفاء .. تت تؤ☺️
وهنا وقد تسارعت دقات القلوب ويريد كل قلب منهم أن ينعم بالدفئ في وطنه، ظل جلال وصفاء يعزفان سيمفونية من أجمل وأروع وأنعم ما عزف في الحب، فكانت لكل تفصيلة من الرأس حتى القدمان تغرد وتكتب بها ألف قصيدة ، فكلمات جلال المصحوبة بالهمس في أذن صفاء تكاد تكون كالحديد الذي ينصهر من شدة حرارة الكلمات ،
كانت إبتسامتها جذابة ولخجلها طعم ولنظراتها سحر ،
في ليلة من اروع الليالي أنطفاء فيها لهيب العشاق وأصبحت غرفتهما تتطاير منها روائح العبق والعطور وكأن الغرفة كانت تحتفل هي أيضا ، لو نظرت من بعيد لشباك الغرفة وأنت ترى جلال يحتضن صفاء من الخلف وينظرون الي السماء التي تحتضن قمرها ، فوالله لولا الله والخوف والحياء لقلت أن إحتضان العاشق للمعشوق ونظراتهما أجمل من إحتضان السماء بنجومها وكواكبها لقمرها ، مالكم مبحلقين كده ليه! ادي اللي انتم فالحين فيه 😅اراهن لو حد فيكم فاكر إحنا كنا بنقول إيه 😅 نرجع لروايتنا ،
____________
في اليوم التالي في السجن العسكري دخل قال عندك زيارة يانادر
سلمى .. أزيك يانادر
نادر .. ايه اللي جابك 😡
سلمى .. اسفة يانادر عارفة اني مقصرة معاك بس ...
نادر .. بس ايه ما تنطقي 😡 ولا مكسوفة تقولي إنك اتجوزتي الراجل اللي انا محبوس بسببه لا وكمان مخلفة منه😡
سلمى .. انا الدنيا جاية عليا بزيادة اوي يانادر وفيا اللي مكفيني بلاش تزود همومي ارجوك
نادر .. ابنك اتخطف 😏
سلمى .. عرفت منين !
نادر .. إبنك معايا ياسلمى
سلمي .. معقول !! انت اللي خطفت إبني يانادر !
نادر .. أنتي إختارتي مصلحتك على حسابي وانا ليا حق اشوف مصلحتي أنا كمان
سلمي .. ومصلحتك إيه في خطف إبن أختك يانادر 😳
نادر .. تتجوزي الوزير وأخرج من السجن
سلمي .. ايه !!!
نادر .. اللي سمعتيه ، انتي أختارتي جلال وفضلتيه على أخوكي ومحطتيش إعتبار للإخوة يبقا انا كمان من حقي أشوف مصلحتي ومحطش إعتبار للإخوة
سلمي .. أنت يانادر !!
نادر .. بصي بقا عشان معندناش وقت كتير نتكلم فيه إبنك معايا وانتي عارفة إن الطفل اللي زي ده مش هيعيش كتير ببعده عن أمه يبقا في هدوء كده تتطلقي من جلال من غير ما تعرفيه حاجة لو عايزة تحافظي على إبنك يعني، وتتجوزي الوزير وليكي تاني يوم إبنك هيكون عايش معاكي اما من ناحية خروجي فمتضغطيش على جلال كده كده الوزير هيحلها
سلمى .. انت حقير 😭
نادر .. في ظرف أسبوع تكوني حليتي الموضوع ده
العسكري .. المقابلة إنتهت
______________
في بيت سلمى
سلمى .. طلقني ياجلال 😥
جلال .. ايه !!
سلمى .. طلقني ياجلال زي ما سمعت 😥
جلال .. اطلقق ليه ! هو انا حصل مني حاجة !!
سلمي .. محصلش بس انا شايفة اننا مش مناسبين لبعض
جلال .. لو كان قصدك على ليلة إمبارح انا ...
سلمي .. من غير ما ندخل في تفاصيل ، طلقني😥
جلال .. جرالك ايه !! طب اديني سبب واحد مقنع 😡
سلمي .. يووووه قلتلك طلقني😡
جلال .. وانا مش هطلقك ياسلمي 😡
سلمى .. متطرنيش اعمل حاجات مش هتحبها ياجلال طلقني احسنلك😡
جلال .. انا ماشي ياسلمى وأعلا ما في خيلك اركبيه😡
__________
في بيت سعد
جومانة .. انت يازفت ياشهاب مالك غاطس عند الكاميرات بتعمل ايه ! انا اول مرة اشوف حد معجب بنفسه وقاعد يتفرج على نفسه في الكاميرات 😡
شهاب .. بابا والحلوة، هشك هشك 😍
جومانة .. قلتلك أقفل وبطل زن 😡
شهاب .. هشك هشك موزة حلوة 😍
جومانة .. موزة حلوة 😅😅😅 !! بتتفرج عليا ياأهبل دا انا اختك 😅
شهاب .. موزة هشك هشك 💃
جومانة .. لا بقا دا انا هقوم أقفلك على ام البتاع ده ،😡 ايه ده 😳 مين دي ياشهاب ! هو بابا كان بيجيب نسوان الڤيلا😳
شهاب وهو بيلعب في الكاميرات رجع فترة لورا جاب شاف ابوه سعد كان جايب واحدة في الڤيلا بيقضي معاها ليلة وكانت بترقصله وهو ده اللي لفت نظر شهاب وكان فرحان بيه اما جومانة فا اتصدمت لما خدت بالها من اللي كان بيعمله أبوها بس وهي بتقفل الكاميرات خدت بالها في أخر المشهد من باب الڤيلا وهو بيتكسر ورجالة بتدخل جوة الڤيلا ومسكوا أبوها وقعدوه على الكرسي هو والبت اللي معاه
وبعد كده دخل الوزير قعد بكل ثقة على الكرسي وقال
الوزير .. هههههه والله وفيك حيل تتشاقى ياسعد
سعد .. خير يامعالي الوزير في إيه !
الوزير .. من إيمتا وإحنا بقينا نعمل عمليات تهريب من ورا بعض ياسعد 🤨
سعد .. كلهم كانوا عمليتين صغيرين يامعالي الوزير ومش مقامك انك تعمل عمليات زي دي
الوزير .. زمان ياسعد كان ابويا مربي كلب والكلب ده كان بتاعي وواخد عليا اوي ياسعد وفي يوم الجنايني كان بيعلب معايا ويجري ورايا والكلب كان سايب مش مربوط واول ما شاف الجنايني بيجري ورايا هجم على الجنايني وخربشه خرابيش بسيطة ابويا قام من مكانه مسك الكلب وطلع سلاحه وقتله ! ، ساعتها انا كنت بعيط ولما سألته ليه قتلته دا كان بيدافع عني وماما كمان قالتله ليه كده دا كلب وفي وبعدين دي حاجة صغيرة ، رد قالها اللي يعمل الصغيرة يعمل الكبيرة
سعد .. تقصد إيه يامعالي الوزير 😳
الوزير مشي على السكينة اللي كان سعد بيقطع بيها التفاح وقاله اللي يعمل الصغيرة ياسعد يعمل الكبيرة ( وقتله )
جومانة وقفت مصدومة قدام الڤيديو لما عرفت إن اللي قتل ابوها مش فايز ولا حتى نادر اللي قتله الوزير 😳
جومانة قعدت تفكر طول الليل تعمل أيه ، في النهاية موصلتش لحل فقررت إنها تكلم جلال وتقوله إنها عايزة تقابله ضروري
__________
في بيت الحاج كامل
سكينة .. اهلا ياسلمى عاش من شافك اتفضلي😍
سلمى وقفت في وسط البيت وبصوت عالي قالت .. انا مش جاية أتضايف ياسكينة انا جاية أستغيث بيكم كله يجمع هنا
جلال وصفاء والام وسكينة البيت كله طلع يجري على صوت سلمي
سكينة .. في أيه ياسلمي !!
سلمى .. اولا اللي لسه معرفش منكم لازم يعرف اني مش دكتورة بيطرية زي ما أنتم فاهمين أنا سلمى بنت حافظ صاحب الحاج كامل اكيد كلكم تعرفوه واكيد أغلبيتكم عرف بجواز جلال مني ، وطبعا أولكم صفاء
صفاء .. هه يابجاحتك 😡
سلمي .. افهميني كويس ياصفاء انا مش جاية أخطف جوزك منك بالعكس انا طلبت منه الطلاق وهو رفض ودلوقتي جيت لحد هنا بطلبها تاني قدامكم كلكم وبصت لجلال وقالتله طلقني ياجلال أنا مش عايزاك في حياتي
صفاء والبيت كله بص لجلال ومنتظر رده 😳
جلال .. هههههه هو انتي فاكرة إنك كده بتضغطي عليا 😏
اسمعيني كويس ياسلمى انا مرضيتش أطلقك عشان حسيت إنك بتطلبيها من ورا قلبك وعشان محسش من ناحيتك بالذنب بس لو انتي فاكرة إن جلال ممكن في يوم من الأيام يجري أو يتذلل لواحدة ست تبقي غلطانة عالعموم كل اللي بيني وبينك إنتها بمجيتك هنا انتي طالق ياسلمى
سلمى ..سمعت كلمة الطلاق اللي كالرصاصة في قلبها طلعت تجري وهي بتموت من البكا 😭
جلال وقف على باب البيت شافها بتركب العربية مع الوزير اللي كان مستنيها بره 😳
__________
في بيت سعد
جومانة .. إتأخرت ليه أدخل
جلال .. في إيه !
جومانة .. عايزك تركز في الڤيديو اللي هتشوفه ده
جلال اول ما شاف الڤيديو قام وقف على رجله وقرب من الڤيديو وبحلق فيه بغضب 😳😡
جومانة .. هنعمل إيه دلوقتي ! هنقدمه للشرطة ؟؟
جلال .. غبية 😏هنشتكي الحكومة للحكومة !!؟
جومانة .. امال هتعمل إيه ؟!!!!!
جلال ............