روايةقلب الجبابرة
الفصل الرابع عشر
بقلم احمد حسن
سلمى الغضب وصل معاها لذروته فعملت حاجة في منتها الجرأة راحت مسكت ورقة وأستغلت إن صفاء مش جنب الغسالة وحطت الورقة في جيب بنطلون من بتوع جلال
بعدها ب5دقايق كانت صفاء ماسكة البنطلون بتاع جلال ومسكت الورقة وفجأة كده ملامحها إتغيرت وعنيها بتدمع
وسلمى إبتسامتها إترسمت على وشه وهي مستخبية
صفاء طلعت تجري على جلال وقالتله إيه ده 😡
جلال مسك الورقة بص فيها وبص لسلمى ال كانت واقفة ورا صفاء وقالها .. اه دا جواب غرامي من أيام الكلية
صفاء .. ياسلام ! ما انا عارفة إنه جواب غرامي ممكن اعرف محتفظ بيه ليه 😡
جلال .. امسكي قطعيه وإرتاحي هو ملوش لازمة بالنسبالي
وأوعي بقا من طريقي عشان الحق المحكمة جلست فايز النهاردة
صفاء .. طب خلي بالك من نفسك 😡
جلال .. وانتي متعصبة كده ههههههه ماشي ياصفاء😅
جلال وهو خارج لقي سلمى فهمس ليها وقالها إحنا هنبدأ نشتغل في الأزرق ولا إيه 😡
سلمي .. احمد ربنا انا من غيظي منها كنت هحط ورقة الجواز
جلال .. وسعي وسعي انت كنت ناقص شغل النسوان ده😡
ياسين .. يلا ياجلال هنتأخر كده
_________
في المحكمة
جلال .. كيفك يافايز
فايز .. مش بخير والله ياخوي خصوصا بعد ما اكتشفت إن مفيش بصمات
جلال .. اللي قتل سعد ذكي وعارف هو بيعمل ايه مسبش أثر وراه حتى البصمات مسحها متقلقش انا مش هسيبك
ياسين .. مفيش غير واحد بس هو ال ممكن يعمل كده
جلال .. عارفه نادر كان عايز يخلص مني ومن سعد دفعة واحدة بس معلش جت فيك يااخوي بس وحق الله ما تقلق انت فديتني بروحك يبقا يوم ما يحين الاجل هتبقا روحي قبل روحك
( رفعت الجلسة )
حكمت المحكمة حضوريا على المتهم فايز كامل أمين بالأعدام شنقا )
فايز .. ولادي امانة في رقبتك ياجلال انت وياسين
ياسين .. لا اخوي مظلوم والله مظلووووم 😥😥
فايز .. إيه ياخويا أجمد امال الحاج كامل مخلفش رجالة تعيط كيف النسوان وبعدين لما انت تعيط انا اعمل إيه
ياسين .. بس انت مظلوم يافايز 😥
فايز .. انا يمكن ظلمت كتير وربنا بيكافئني بإني أنام نومتي الاخيرة وانا مظلوم مش ظالم ده معناه أن ربنا راضي على اخوك ياواد ، الا صحيح جلال أختفى ليه !!!؟
_______
في نفس اللحظة كان جلال مجهز خطته وهي إنه يقتحم عربية نقل المساجين ويخلص أخوه فايز ،وبالفعل مجرد ما العربية خرجت جلال قطع عليها الطريقة وهو ملثم مع رجالته وبذكائه قدر يخلص فايز من إيديهم من غير ما يقتل منهم حد
_______
فايز .. يابووووووي دا أنت طلعت واعر قوي ياواد ياجلال وانا ال أفتكرت إني مليش لازمة عندك لما سمعت خبر إعدامي وخرجت من غير ما تودعني 😅
جلال .. عيب عليك ياولد ابوي انا قلتلك روحي قبل روحك
فايز .. طب كلم بقا ياسين عرفوا عشان دا كان مفرهد من العياط
جلال .. ياسين عارف كل حاجة بس كان لازم واحد فينا يفضل قدام العين عشان إختفائنا ميتلاحظش
فايز .. باه 😅 وانا ال افتكرت إني صعبان عالواد بجد ،دا انا صدقته ياراجل😅
جلال .. يلا انزل بقا وصلنا خلاص
فايز .. الجبل تااااااني 😅
جلال .. معلش كنت حاجزلك في فندق 7 نجوم بس ملقيتش مكان فاضي 😅
فايز .. ولا 7 ولا 8 الجبل احسن من حبل المشنقة
جلال .. لا ياخوي متقلقش انا مخليلك الجبل جنة ومش هتحس بأي زهق او ملل هنا
فايز .. تبقا عاملي مفاجئة 😍
جلال .. أفتح الباب وشوف بعنيك
فايز فتح الباب لقي مراته ام عياله قاعدة جوة ، راح قافل الباب تاني وقال ، سلام قول من رب رحيم ، منك لله يافايز رجعني على حبل المشنقة طوالي 😳
ام العيال فتحت الباب وقالتله مالك ياراجل كأنك شفت عفريت ،وراحت شداه من قفاه وقفلت الاوضة عليهم
جلال ضحك وسابهم ورجع عالبيت
___________
نادر .. الو ، اسف إني أزعجت حضرتك بس عندي خبر مش لطيف
الوزير .. خير يانادر !
نادر .. الواد اخو جلال هرب من السجن
الوزير .. طب إيه المشكلة ! هو اصلا مش ده ال انت كنت مخطط تخلص منه !
نادر .. ياجلال بيه بس فايز ده الدراع اليمين لجلال وجلال بيبقا بيستقوي بيه
الوزير .. اسمع يلا ، لعب العيال ده انا مش فاضيله روح حل مشاكلك معاهم، انا يوم ما انزل لمستوى العيال دول والعب معاهم بنفسي هتبقا انتم تحت التراب فاهم 😡
نادر .. فاهم يامعالي الباشا فاهم
_______
في بيت الحاج كامل
ياسين .. فايز وصل مكانه في أمان ؟
جلال .. كله تمام متقلقش
ياسين .. عايزين بقا نمشي جنب الحيط ياجلال ونحاول نتجنب الناس دول
جلال .. طب ما إحنا كنا واخدين جنب وماشيين جنب الحيط بس هم مسابوناش في حالنا وأقربهم كنت هتروح فيها أنت واخوك
ياسين .. يعني إيه ياجلال ؟!!
جلال .. إحنا بقينا في قلب الغابة ياياسين ويإما تكون فيها أسد يإما تكون فريسة مفيش حل تالت
ياسين .. تقصد إننا لسه في دماغهم ؟!!
جلال .. وقبل الضربة التانية ماتيجي منهم لازم اخد حقك وحق فايز وأثبت برائته معايا ولا مش معايا يااخوي ؟!
ياسين .. معاك وفي ضهرك ياجلال قولي المطلوب
جلال .. أسمعني ونفذ ال هقولك عليه بالحرف الواحد
____________
بعد 24 ساعة
حافظ .. ياخراب بيتك ياحافظ ال بنيته في سنين ضاع في يوم وليلة
نادر .. متقلقش يابوي ال عمل كده هدفعه التمن غالي 😡
حافظ .. تمن مين ياابو تمن 7 مخازن فيها بضاعة بملايين الملايين تتحرق إزاي 😡
نادر .. كل حاجة هتتصلح
حافظ .. ال اتكسر لا يمكن يتصلح محدش يعمل العملة دي ويضرب الضربة ال توجع دي غير إبن الحاج كامل قولتلك 100 مرة أبعد عنهم وسيبهم في حالهم😡
نادر .. وأنا عملتلهم إيه بس يابابا !
حافظ .. أنت فاكرني نايم على وداني ما انا عارف إن انت ال ورا حكم الإعدام على فايز 😡
نادر .. ها!
حافظ .. البيت خرب وفلوس الناس دي اجيبها منين وإزاي 100 مليون جنيه أجيبها منين 😡
نادر .. كام 😳
حافظ .. امال انت فاكر إييييه إلبضاعة اللي إتحرقت كان فيها كل فلوسنا وفلوس الوزير 😡
نادر .. مين 😳
حافظ .. اااه قلبي اااه
نادر .. بابا يابابا , حافظ جتله أزمه قلبية وقبل ما يوصل المستشفى مات !
_______________________________________________
فضلا وليس امرا تضغط متابعة هنا روايات أحمد حسن
_______________________________________________
في بيت الحاج كامل
ياسين .. والله براوة عليك ياخوي الضربة جت في مقتل لحافظ وإبنه 😅
جلال .. ولسه ال جاي أحلا
ياسين .. هو لسه في تاني بعد ال عملناه !!
جلال .. في أهم حاجة ياياسين كل اللي عملناه ده ملوش لازمة من غير برائة فايز
ياسين .. دي الحاجة الوحيدة ال مش عارف حلها إيه !؟
جلال .. دليل برائة فايز في ڤيلا سعد القتيل
ياسين .. سعد !😳
جلال .. متقلقش الخطوة دي بتاعتي انا
ياسين .. طب قبلها قولي عشان نجهز نفسنا انا والرجالة
جلال .. لا دي مينفعش فيها غير انا لوحدي
سكينة جت تجري عليهم وبتقول الحق ياجلال سلمي بتعيط
وبتقول بابا وانا مش فاهمة حاجة !!
جلال راح ليها قالها في إيه !!
سلمي .. ابويا مات ياياسين مااااات 😥
جلال .. بص لياسين متفاجئ!
سلمى .. انا عايزة اروح عنده دلوقتي وديني عنده ياجلال أرجوك ياجلال 😥
جلال .. يلا البسي بسرعة خلينا نلحقه قبل الدفنة وكلميهم محدش يدفنه قبل ما تشوفيه
بالفعل .. جلال في خطوة جريئة منه خد سلمي وراح بيها على المستشفى وهناك شافه نادر وطلع يجري عليه هيضربه
جلال مسك إيده وقاله أنا مقدر ال انت فيه بس عايز أعرفك انا ولا جاييلك ولا جاي لأبوك ال محضرش دفنة ابوي انا اللي جابني سلمي وبس
نادر .. وسلمي بقا تعرف إنك السبب في موته 😡
سلمى .. ايه اللي انا بسمعه ده 😳😥
نادر .. ما تقولها إيه سبب موت أبوها 😡 قولها مين اللي حرق مخازن ابوها وخلاه يروح بحصرته قولها ياد قولها😡
سلمى .. ساكت ليه ياجلال 😳الكلام ده حقيقي 😥😥
جلال .. متصدقيش ياسلمي هي اعمار بتاعت ربنا بس عايز أقولك اللي اتسبب في حكم الإعدام على فايز هو نفسه اللي إتسبب في موت ابوكي أساليه هو عنده إجابات كتير مش عندنا كلنا
سلمي .. انت حرقت المخازن فعلا ياجلال 😥 انت اللي حرمتني من ابويا فعلا ياجلال 😥 رد عليا قول لأ محصلش قول ساكت ليه 😥
جلال .. أنتي مش عايزة تسمعي غير إني السبب وخلاص ليه مش راضية تفكري اسمعيني ياسلمي نادر تعبان متصدقيهوش متخليهوش يأثر علي تفكيرك 😡
سلمى .. انا بكرهك ياجلال 😡 بكرهك .. بكرهك 😡
______________
في الجبل
فايز .. يابوووووي الواد لعبها صح ياجلال
جلال .. وسلمى مش عايزة تسمع ولا تفهم غير إني السبب
فايز .. صحيح ياسين كان قالي إنك هتروح ڤيلا سعد وانا الفضول هياكلني ممكن أعرف هتعمل إيه ؟!!
جلال .. هتعرف في وقتها يافايز هتعرف
________
فعلا الساعة دقت 3 صباحا وجلال كان واقف قدام ڤيلا سعد القتيل وبحرفة وذكاء قدر يعبر من السور والكلاب ويدخل الڤيلا من الخلف بعد ما دخلها طلع السلم وإتوجه ناحية غرفة نوم سعد القتيل ويدوب جلال دخل مرة واحدة الڤيلا كلها نورت جلال بص وراه إتصدم 😳