رواية قلب الجبابرة
الفصل الرابع
بقلم احمدحسن
فايز .. ممكن أعرف بقا أنت جيت ورايا ليلة الفرح كيف ؟!
جلال .. عادي قوة ملاحظ شفتك بتسيب الفرح وتمشي كذا مرة واخر مرة دي قررت امشي وراك
فايز .. ده من فضل ربنا عليا
جلال .. كلمني بصراحة إيه الحكاية والبضاعة دي كانت عبارة عن إيه ، سلاح ولا مخدرات ؟!
فايز .. ولا دي ولا دي
جلال .. امال إيه ؟!
فايز .. أثار
جلال .. يعني انت وابويا بتشتغلو في الأثار؟!
فايز .. وأجدادك كمان كانوا كده ومتقلقش مفيهاش حاجة حرام إحنا ال بنطلعها وبنبيعها
جلال .. يعني النصب ال حصل قدام عيني على الراجل ال اسمه حافظ ده لما كنت هتاخد فلوس ومفيش بضاعة هو ده الحلال؟
فايز .. لا هو فعلا كان في بضاعة بس في حد غدر بيا ولازم أجيبه
جلال .. ومين يقدر يعمل عملة زي دي ؟!
فايز .. حبايبنا في القار كتير بس ال بيمشي عدل عينه متشفهومش
جلال .. وحافظ هتعمل فيه إيه ؟!
فايز .. هعلمه الأدب واخليه يتمني الموت
جلال .. غشيم، انت غشيم يافايز ، حافظ معذور وأي حد في مكانه كان هيعمل أكتر من كده خصوصا إن المبلغ كان 10مليون مش حاجة قليلة
فايز .. تقصد إيه ؟!
جلال .. أخف انا بس وأصلب طولي وأبوك يتحسن وأقعد
معاه وبعد كده نقعد ونتكلم
فايز .. معقول أنت جلال ! أنت طلعت مش سهل ياولا😅
جلال .. كل بطاطس وعبي كرشك يابتاع المندرة 😅
________
في اليوم التالي
ياسين .. أبوي عامل إيه النهاردة ياأمي
الأم .. ماشي الحال ياولدي ربنا كبير
ياسين .. امال فين إخواتي !!
الأم .. جلال خد سكينة وراح يتابع عند الدكتور وفايز كان سهران جنب أبوه طول الليل ونام وش الصبح
ياسين .. طب جلال كان قالي رحت أنا معاه ليه ياخد سكينة دي مش صغيرة عشان تخرج كل شوية ؟!
الأم .. متقلقش سكينة مع أخوها وأنت عارف جلال مبيرتحش غير مع سكينة دول لو تؤم مش هيبقوا متعلقين ببعض بالشكل ده ربنا يديم المحبة بينكم يولادي المهم طمني عامل إيه مع صفاء ؟
ياسين .. تمام ياامي
الأم .. مش باين على وشك إنه تمام
ياسين .. عايزة إيه ياأمي ؟!
الأم .. عايزاك تريح قلبي وتقولي في إيه ؟!
ياسين .. ياهووووو أنا رايح أشوف أبوي ياامي
الأم .. ( شكلها بنت بهلول مش ناوية تجيبها البر والله لاروحلها😡)
باب اوضت صفاء خبط
صفاء .. صباح الخير اتفضلي ياحاجة
الحاجة .. أسمعي يابنتي انا مخلفتش عيالي عشان الحريم تحكمهم وتنكد عليهم عيشتهم 😡
صفاء .. ايه الكلام ده ؟!!
الحاجة .. أنتي تسمعي وبس 😡 انا عايزة أبني يدخل أوضته لو زعلان يطلع منها مزغطط ومفرفش الواحدة منينا ملهاش غير جوزها ، والست ال تاكل من كد جوزها وتنكد عليه يبقا خسارة فيها الأكل 😡
صفاء .. طب أفهم انا عملت إيه وليه بتقوليلي إكده😡
الحاجة .. مش مهم ال فات المهم ال جاي وزي مقولتلك عايزة إبني يخرج من أوضته بيضحك ومروق ، أنا ماشية 😡
صفاء .. طب لحظة قبل ما تمشي يامرات عمي أسمعي مني أنا بقا الكلمتين دول عشان نحط النقط على الحروف
، أولا أنا مش جارية أشترتيها أنتي وإبنك من سوق الجواري ، ولا أنا واحدة ملهاش أصل ولا ليها ناس عشان تكلميني إكده 😡 أنا صفاء بنت بهلول أخو الحاج كامل ال أنتي مراته يعني أنا من العيلة دي 😡
وياستي لو عايزة إبنك يخرج مبسوط الصبح يبقا خديه يبات عندك واهو كده تبقي ضامنة إنه يخرج مفرفش
أخر حاجة عايزاكي تاخدي بالك منها كويس قوي ،
شغل الحموات وموضوع إنك تيجي أوضتي وتقولي كلام ماسخ زي ده ميتكررش تاني عشان المرة الجاية ولا سنك ولا مكانتك هيستحملوا ال ممكن أقوله وأتفضلي بقا عشان عايزة أغير هدومي😡
الحاجة .. 😳😳😳😡
_________
ياسين .. انت صاحي ياحاج ، صباح الخير
الحاج كامل .. صباح الخير ياولدي
ياسين .. كيفك النهاردة ياأبوي
الحاج .. مش هتفرق أيام ياولدي وبنقضيها
ياسين .. الف بعد الشر عليك يابوي العمر الطويل ليك
الحاج .. سامحني ياولدي
ياسين .. على ايه ياابوي ؟!
الحاج .. حاسس إني ظلمتك في جوازتك
ياسين .. لا يابوي متقولش كده انت عمرك ما ظلمت ولا عملت حاجة غلط
الحاج .. الغلط والصح يعلمه ربنا المهم إنك تسامحني
ياسين .. من غير أي حاجة مسامحك ياابوي ربنا يخليك لينا
الحاج .. روح إبعتلي صفاء
ياسين .. حاضر ياحاج
_________
صفاء .. ياسين قالي إنك عايزني ياعمي
الحاج كامل .. الناس بتقول صباح الخير الأول وبعدين مالك يابت وشك مقلوب ليه ؟!
صفاء .. مفيش ياعمي لسه صاحية
الحاج .. عارف إنك إتغصبتي على ياسين بس متخافيش الواد ياسين حر وهيحافظ عليكي
صفاء .. ال في الغيب يعلم بيه ربنا وحده ياحاج
الحاج .. ياترى إيه ال جواكي يابنت أخوي ؟!
صفاء .. لو عرفته مش هيفرق معاك في حاجة ياحاج في النهاية ال انت عاوزه حصل وال هتعوزه هيحصل
الحاج .. كلامك غريب على وداني ياصفاء
صفاء .. الظلم بيكفر قلوب, مش هينطق لسان ياحاج ؟!
الحاج .. بس انا مظلمتكيش يابنتي
صفاء .. لا ظلمتني ياعمي 😥
الحاج .. هو جوازك من ياسين فيه ظلم !!؟
صفاء .. الرسول عليه الصلاة والسلام قال ،
لا تنكح البكر حتى تستأذن "قالوا يا رسول الله وكيف إذنها؟ قال "أن تسكت"
أنت بقا أستأذنتي أو خدت رأيي حتي ياحاج 😥
الحاج .. الف صلاة عليك يانبي ، غلبتيني يابنت أخوي
صفاء .. شفت بقا إنك ظلمتني ياحاج 😥
الحاج .. سامحيني يابنتي
صفاء .. لو قولتلك سامحتك أبقا بضحك عليك ياحاج خليها للزمن يمكن قلبي يصفا
الحاج .. متعذبنيش ياصفاء
صفاء .. ما أنا كمان بتعذب ياحاج
الحاج .. أخاف أقولك أطلقك من ياسين اشيل ذنب أكبر إن أبغض الحلال عند الله هو الطلاق يابنتي
صفاء .. متشيلش نفسك فوق طاقتها ربنا رحيم أستئذنك أنا ياعمي
____________
في الصالة ياسين قاعد وصفاء كانت خارجة من عند الحاج
ياسين .. كان عايزك في إيه ؟!
صفاء .. 😒
ياسين .. مالك بتبصيلي كده ليه !!
صفاء .. لما تحب تقولى حاجة تيجي تقولهالي متشتكيش لأمك
ياسين .. أشتكي لأمي !! انتي بتخرفي تقولي أيه 😡
فجأة دخل جلال وسكينة
سكينة .. ياصباح العسل على العرسان الجمال 😍
جلال .. مالكم ضاربين بوذ كده ليه وشكلكم يعر😅
سكينة .. شوفي ياصفاء جلال جاب ليا إيه 😍
صفاء .. حلوة اوي الساعة دي ياحبيبتي
سكينة .. وجابلك انتي كمان واحدة 😍
صفاء .. بجد ☺️
ياسين .. وتجيبلها ساعة ليه 😡!!؟
جلال .. وفيها إيه ياياسين !!
ياسين .. إيه الهيافة دي 😡
جلال .. شكرا 😒 أنا طالع أغير هدومي 😏
سكينة .. على فكرة ياياسين ملكش حق تزعله منك هو جابلك أنت كمان ساعة مكتوب عليها أسم صفاء وبتاعت صفاء مكتوب عليها أسمك وحب يعملهالكم مفاجئة 😡 عن إذنكم انا كمان هطلع أغير هدومي 🙄
صفاء .. عاجبك كده خليت شكلنا زفت قدامهم!!
ياسين .. أنا إيه ال هببته ده أنا أصلا متعصب فاجت في جلال
صفاء .. أطلع بقا راضيه بكلمتين🙄
فايز .. مالكم عاملين دوشة عالصبح ليه ؟!
ياسين .. قلت كلمتين لجلال زعل هطلع أصالحه
فايز .. سيبك من جلال ولعب العيال بتاعكم ده وأقعد عايزك
في كلمتين
ياسين .. خير ياخوي؟!
فايز .. هتنزل تجيب بضاعة من الأقصر
ياسين .. ما انا لسه جايب بضاعة قبل الفرح بيومين !
فايز .. الطلب زاد على الخشب اليومين دول ومحتاجين بضاعة
ياسين .. إزاي وإحنا قافلين الوكالة الفترة ال فاتت والبضاعة ال جبتها لسه مطلعتش
فايز .. يووووه يافايز هو تحقيق ياأخي ؟! وبعدين الواد حسين ال ماسك الوكالة بيقول الدفتر مليان طلبيات اكبر بكتير من الموجود يبقا اسمع كلامي عاد وبعدين هتروح تلاقيها جاهزة زي كل مرة يعني مش هتأخر على عروستك ياواد ياشقي 😅
ياسين .. ماشي يافايز وإيمتا السفر ؟
فايز .. ظبط نفسك ساعتين من دلوقت وهتتحرك وهترجع على بالليل يعني عالفجر هتكون هنا في قنا
ياسين .. ماشي يافايز ماشي
___________
سكينة .. يوه بقا ياجلال روق بقا امال دي مكانتش كلمة قالها ياسين
جلال .. صفاء بتبني سور ما بيني وبين أخويا من غير ما تحس
سكينة .. ليه بتقول إكده؟!!
جلال .. انت فاهمة كل حاجة ياسكينة
سكينة .. المشكلة إن صفاء مش قادرة تستوعب إنها خلاص
بقت في عصمت راجل تاني والراجل ده يبقا أخوك وممكن تتسبب في كارثة وكل ال بتعمله ملوش لازمة بس أنت السبب
جلال .. انا !!! ازاي ؟!
سكينة .. وانت تحت تأثير البنج نطقت إسمها والممرضة قالت
كده قدامي انا وهي ومن ساعتها صفاء أتأكدت إنك بتحبها
وإن ليها حاجة جواك ومن وقتها وهي اكيد مش طايقة
ياسين لأنه بالنسبالها هو السبب في حرمانكم من بعض وزي
ما أنت عارف ياسين مغلوب على أمره وأتدبس في الموضوع
غصب عنه
جلال .. يانهار اسود وياسين عرف إني نطقت اسمها !!
سكينة .. إتطمن محدش كان موجود غيري أنا وصفاء وانا ساعتها وصيت الممرضة إنها متقولش لحد
جلال .. انا نطقت اسمها وانا تحت تأثير البنج ؟! أكيد البنج ده مضروب 😅
سكينة .. انا ال هضربك على نفوخك شوف حل في الموضوع ده عايزين صفاء تهدا وتعقل عشان ياسين بدأ يحس
جلال .. متقلقيش الحل موجود
سكينة .. هتعمل إيه ؟!!
جلال .. هتجوز
سكينة .. مش فاهمة !
جلال .. لما أتجوز صفاء هتفقد الأمل ووقتها هنعيش كلنا في سلام
سكينة .. ومين بقا ال هتتجوزها !؟
جلال .. إيه رأيك في تهاني ؟!
سكينة .. أنت اتجننت ملقيتش غير صاحبتها 😳 انت مولع النار وعايز تتطفيها ببنزين!!؟
جلال .. بصي سيبي الموضوع ده لبعدين تعالي دلوقتي نروح عند الحاج ويحلها ربنا من عنده
_________بقلم #احمدحسن
سكينة .. ايه ده فايز قاعد مع ابوي
فايز .. تعالي ياسكينة تعالى ياجلال
الحاج كامل .. بت ياسكينة سيبينا مع بعض شوية
سكينة .. حاضر يابابا
الحاج .. دلوقتي محدش معانا احنا التلاتة غير ربنا ،وكنت عايز اجمع معاكم ياسين بس مش عايز الموضوع يوسع اكتر من كده جلال حقك عليا يابني انا مكنتش عايزك تعرف بموضوع الأثار ده بس ربنا أراد ومنقدرش نعترض على امر ربنا ، من بعد ال حصل معاك انا نويت ابطل شغل الأثار خالص ونرجع نشتغل شغلنا الطبيعي ال معلوش شبهة انه حرام
فايز .. نوقف !!!؟ كلام ايه ده يابوي ؟!!!
الحاج .. افهم يابني إحنا معانا ال يعيش اولاد اولادنا في أمان يبقا ليه أخاطر بيكم يابني انا معنديش إستعداد اخسر حد فيكم ، ربنا إداني جرس إنذار بال حصل مع جلال ومن بعدها نويت أتوب ونرجع عن الشغل ال يخرب البيوت ده ياولدي
فايز .. الشغل ده يابوي مش فلوس وبس الشغل ده عرفنا بناس مكناش نحلم إننا نسلم عليهم لواءات ومستشارين وحتى الوزراء الشغل ده عزوة وحماية وسند يابوي
الحاج .. هيحميك من مين يافايز ؟!! الشغل ده بيدخلك عش الدبابير برجليك والناس ال فاكرهم بيحموك هما الناس ال لازم تخاف منهم ، الناس دول يوم ما تقع مفيش إيد منهم هتاخد بيدك ، بالعكس هما أول ناس هيخلصوا منك عشان هيخافوا على روحهم ولينا في عزت حنفي وغيره الف عبرة
أسمع من أبوك ال شاف ال محدش شافه وسمع ال محدش سمعه
فايز .. يعني إيه يابوي ؟!
الحاج .. يعني وقف على كده يافايز ودي وصيتي ليك انت أخوهم الكبير ويشهد عليا اخوك جلال وربنا قبله إني بريئ
من أي حاجة تخص الأثار أو فيها شبهة حرام
________ روايات أحمد حسن
في بيت حافظ
حافظ .. اااه مكان الرصاصة وجعني في رجلى اوييي
الدكتور .. خلاص ياحافظ بيه الجرح لم وبقا تمام بس الوجع ده طبيعي خصوصا سوري يعني العضمة كبيرة
مدام ثناء .. هو دلوقتي يقدر يتحرك يادكتور ؟!
الدكتور .. طبعا يتحرك مفيش مشكلة بس ياخد باله في الحركة
سلمى .. انا جيييت ازيك يابابا النهاردة
حافظ .. الحمد لله ازيك انتي ياحبيبتي وخطيبك كارم عامل معاكي إيه ؟!
سلمى .. انا تمام وزي الفل وكارم تمام كنا مع بعض النهاردة
واتفسحنا وبيسلم عليك
حافظ .. يلا بقا استعجلوا الفرح شوية خلينا نفرح بيكي
سلمى .. إحنا خلاص قررنا الفرح هيكون قريب أوي باقي رتوش بسيطة ونحدد الميعاد النهائي
حافظ .. طبعا مش هوصيكي تعرفيني الميعاد قبلها بشوية عشان نقدر ندعي كل حبايبنا في الجيش والشرطة ورجال الأعمال والناس ال برة مصر عشان هما كمان يظبطوا مواعيدهم
سلمى .. متقلقش يابابا عاملين حساب كل حاجة
حافظ .. متنسيش لما تقابلي معالى السفير ابو خطيبك ابقي سلميلي عليه
سلمي .. حاضر يابابا
حافظ .. ربنا يكملك بعقلك يابنتي ، ابقي ابعتيلي نادر أخوكي وأنتي خارجة
سلمي .. اهو نادر جه لوحده عالسيرة استأذن أنا بقا
نادر .. خير كنتم جايبين سيرتي في إيه ؟!
حافظ .. لسه موصولتوش للواد ال اسمه جلال؟!
نادر .. متابعين كل تحركاته بس منتظرين الوقت المناسب ال نجيبه فيه
حافظ .. استعجل شوية يانادر انا ناري مش هتبرد غير لما أغرس سكينتي في قلب الواد ده ، مش اللواء حافظ الألفي ال ياخد رصاصة ويرقد في سريره بسبب عيل زي ده
نادر .. وال 10 مليون ظروفهم إيه ؟!
حافظ .. متقلقش حق ابوك عمره مايضيع هيرجعوا وفوقيهم الأثار كمان انا كل ال عايزه تخطفهولي أو تجيبلي حد عزيز عليه يستاهل يتدفع فيه كل ده وبعده كده اخلص من جلال على رواقة
_____________ بقلم #احمدحسن
في بيت الحاج كامل
ياسين .. انا جاهز للسفر يافايز
فايز .. خلى بالك من نفسك
فعلا أتحرك ياسين ووصل على الأقصر وخلاص اتحرك من هناك بالبضاعة وفجأة جت مكالمة ليه من البيت بتقول إن الحاج كامل إتوفى 😳 وفي عز ما ياسين في حالة إنهيار على أبوه اتفاجئ بعربيات ملاكي قطعت عليهم الطريق وخرج منها نادر وقاله أهلا بإبن الحاج كامل في نفس اللحظة كانت رجالته طلعوا شنطة فيها أثار من وسط البضاعة
ياسين .. إيه ده 😳
نادر .. بكده يبقا حقنا في البضاعة وصلنا باقي ال10 مليون وحق أبويا ، كتفوه وركبوه العربية بسرعة
________
جلال قاعد في وسط الناس ومكالمة جت ليه من ياسين
جلال .. ايوة ياياسين أخرت ليه 😥
حافظ .. البقاء لله يا إبن الحاج كامل
جلال .. مين 😳
حافظ .. انا الكابوووووس
جلال .. حافظ 😳