روايةقلب الجبابرة
الفصل التاسع
بقلم احمد حسن
في نهاية الحلقة ال فاتت بنشوف واحد ماشي وخبطات رجله مسمعة في المكان وواحد من رجالته فتح باب أوضة وجوة الاوضة دي ياسين متبهدل ومعالم وشه مش واضحة من التعذيب بيقول.. عطشااااااان همووووت !!!!!
الراجل ال دخل على ياسين مسك ياسين من شعره ورفع راسه وياسين اول ما شاف شكله عينه برقت وقاله أنت 😳؟
نادر .. أنت الكارت الكسبان في الليلة دي كلها ياياسين هههه
ياسين .. انا مش فاهم حاجة وعايز أشرب !
نادر .. هاتله ميه ياابني انت وهو ولو إنه خسارة فيكم يااولاد
الحاج كامل بس اخاف تموت ويضيع كل ال بخططتله
ياسين .. ايه ال بتخطط ليه ياإبن حافظ
نادر .. ضربه بالقلم وقاله نادر بيه ياكلب ، بص بقا ياياسونة
دلوقتي مفيش غير فايز ال في دايرة الشك بتاعة سي جلال
ال ابويا بيقدس ذكائه بعد ما قلت لابويا إني فرغت
الكاميرات وفايز هو ال خطف ياسين فبتالي ابويا بلغ جلال
وإكيد جلال وفايز هيخلصوا على بعض وبعدها أخلص عليك
انت كمان وأبقا كده خلصت منكم دفعة واحدة ههههههه
ياسين .. طب واختك ال أبوك بيقول إن جلال خاطفها لحد ما أرجع ؟!!
نادر .. والله ياياسين ياحبيبي في قار البيزنس والمافيا
ميصحش يكون عندك نقطة ضعف عشان ما تنكسرش وتقع
على وشك في نص الطريق ويضيع منك كل النجاح ال حققته
طول حياتك
ياسين .. وأبوك !!
نادر .. أبويا كبر دلوقتي وتقريبا كده خرف يعني بالبلدي مصيره عندي ميفرقش كتير عن سلمى وفي الموضوع ده كله ولا فارق معايا أي حاجة غير الصفقة ال عاش أبويا يخطط ليها ،بس للأسف الفرصة جت وهو خلاص ضعف وأي مشكلة صغيرة زيكم بقت عنده كبيرة تفتكر انا ممكن أفرط في فرصة جايالي على طبق من دهب زي دي !؟
ياسين .. أنت مش بني أدم أنت شيطان 😡
نادر .. ههههههههههههه
__________________ روايات أحمد حسن
نرجع عند جلال ال كان هيتجنن من إختفاء فايز
وبعد شوية رجع فايز وقف بالعربية قدام البيت وجلال كان
في الشباك شايفه يدوب فايز وقف دقيقتين ورجع بعربيته
تاني وفي لحظات كان جلال نزل جري ركب عربيته وطلع ورا
فايز يراقبه وبعد شوية فايز كان وصل البلد ال جمبهم وقف
قدام بيت ودخل وجلال كان وراه لحد ما دخل شقة في
الدور التاني وهنا جلال قرر يصبر لحد ما فايز يمشي وبعد
كده هو يدخل ينقذ ياسين المهم إن جلال فضل منتظر ساعة
وساعتين وتلاتة والموضوع زاد عن حده في النهاية جلال
قرر يقتحم الشقة حضر سلاحه واستعد وضرب الباب برجله
كسره وفي لحظة كان واقف في الصالة بص لقي فايز قاعد
بالكلسون ومعاه واحدة بترقصله في الشقة
فايز .. في اييييه 😳
الست .. يالهواااااااااي
جلال .. هو في إيه ؟!!
فايز .. ابو ال جاب أبوك انت ال بتسأل في إيه 😡!!!
الست .. مين ده يافايز 😳
فايز .. دا أخوي جلال أكتمي يابنت المركوب 😡 ، أسمع ياجلال انا هقولك على كل حاجة بس نزل الهباب ال في يدك ده
جلال .. أنطق يافايز انطق 😡
فايز .. أنت شايف بعنيك القرف ال أنا عايش فيه وانا كنت محتاج أعمل كده عشان أحس إني راجل بجد أنا والله مكنتش عايز أتجوز عليها بس عمايلها هي ال خلتني أعمل إكده 😔 أنا عارف إنها غاليه عليكم بس مكنتش أعرف إنها غالية قوي إكده 😔
جلال .. هي مين !
فايز .. ام العيال 😔
جلال .. قطيعة تقطعك أنت وأم العيال 😡
فايز .. غوري ياولية أعمليلنا كوبايتين شاي، أقعد ياخوي
وقولي امال ليه جاي وساحب عليا الزفت ده !!
جلال .. ياسين أتخطف من عند حافظ يافايز
فايز .. باه ، إيه الكلام ال بتقوله ده !
جلال .. انا عرفت إنك أنت ال خطفته عشان الفلوس يافايز
فايز .. ايه😳إيه التخريف ال بتقوله ده 😡 هي الأفلام
الأجنبي لحست نفوخك ولا إيه 😡
جلال .. حافظ بيقولي إن الكاميرات جابتك يافايز
فايز .. حافظ إيه وزفت مين على دماغك ودماغه 😡وأنت
صدقت إني أخطف أخوي 😡
جلال .. خلينا نخلص من الموضوع ده ،الورث بتاعي كله هكتبه بأسمك سواء في البيت أو في الارض او في المخازن والمحلات مقابل ياسين قلت إيه ؟!
فايز .. ههه للدراجادي شايفني وسخ ، أمسك سلاحك زين ياد
وحطه على جبيني مظبوط إكده ، وغمض عنيك ولو عندك شك جواك إني خطفته إضغط عالزناد ولو مضغطتش أنا ال هضربك بالنار ياجلال 😡
جلال بص لفايز وهو تحت سلاحه ولقي دموع فايز بتهطل
منه ،جلال غمض عينه لحظات وبعد كده فتح عينه مرة واحدة وقاله ألبس هدومك وتعالى معايا بسرعة
فايز .. !!!!
جلال .. بسرعة 😡
الست .. الشاي يافايز!
فايز .. أنتي طالق يانحس يابنت الفقرية
____________
فايز .. أصبر عاد ألبس الجلبية بدال ما انا بجري وراك في الشارع بالكلسون إكده
جلال .. إركب بسرعة
فايز .. يادي الليلة المطينة بطين أنت بتطلعلي منين معرفش
قولي يااد في أيه طيب !؟
جلال .. لما نوصل البيت هقولك
________
في بيت الحاج كامل
جلال طلع جري على أوضت سلمي خبط عليها فتحت دخل وقفل الباب وراه
سلمي .. لاااا انا مش منهم انت هتعمل إيه 😳
جلال .. اتنيلي أترزعي عايزك في كلمتين مهمين
سلمي .. إيه ؟!!
جلال .. عايزة تروحي ؟!
سلمي .. اه والنبي🙏
جلال .. طب ما تساعديني أروحك
سلمي .. إزاي !
جلال .. دلوقتي عايزك تقوليلي الأماكن ال ممكن ابوكي
يكون مخبي فيها ياسين وأوعدك وعد شرف اول ما أرجع
ياسين هروحك لحد بيتكم بصرف النظر عن أي حاجة بيني
وبين أبوكي بس اهم حاجة أفتكري كويس الأماكن ال ممكن
يكون موجود فيها يعني مثلا المصانع والمخازن أي مكان
بالنسبالك تافه قليلي برضو عليه
بالفعل .. جلال كتب عناوين الاماكن ال سلمى تعرفها وبعد كده خرج من عندها بس وهو خارج كانت صفاء واقفة على بره الاوضة وعنيها غرقانة بالدموع اول ما جلال شافها إتخض وبسرعة صفاء رزعته بالقلم وجرت وهي بتعيط على أوضتها
جلال ..وشي ولع يابنت الرفضي ماهو انا كنت ناقصك انتي كمان ياصفاء عليا النعمة العيلة بتاعتنا عايز ال يلمهم ويوديهم المصحة يتعالجه😡
فايز .. عملت إيه ؟!
جلال .. دي ورقة بكل العناوين ال ممكن حافظ يكون مخبي ياسين فيها
فايز .. تمام دي مهمتي
جلال .. الأهم بقا من ده كله عايزك تقولي على معارف أبوك
ال ليهم علاقات مع ابوك وحافظ
فايز .. معارف ابوك كتير بس ال ليهم علاقات مع حافظ هما اتنين مش كتير
جلال .. مين هما ؟!
فايز .. الوزير وسعد الدهشوري
جلال .. عارف الوزير بس مين سعد الدهشوري ده ؟!
فايز .. ده ياسيدي تاجر سلاح
جلال .. هو ابوك كان بيشتغل في السلاح بردو ؟!!
فايز .. لا أبوك كان وسيط بين سعد وحافظ والوزير
جلال .. الموضوع كل مدى بيوسع وبيكبر ربنا يلمها من عنده
فايز .. هتعمل إيه ؟!
جلال .. شوف أنت بس موضوع العناوين وانا هتولى موضوع سعد والوزير
فايز .. بدأت أخاف منك ياد ياجلال 😄
جلال .. أمسح بس الشفايف اللي على كتفك عشان ام العيال
لو شافته هتلسوع فخادك 😏
________________
في الصباح
سلمي .. صباح الخير
الأم وسكينة .. صباح الخير يادكتورة
صفاء .. 🙄 أنا داخلة أوضتي
سلمي .. استئذنكم هدخل أقعد مع صفاء شوية
.....
صفاء .. أنتي جاية ورايا عايزة إيه ؟!
سلمي .. إيه المقابلة دي !! انا شوفتك قالبة وشك من ناحييتي قلت اشوفك مالك
صفاء .. أنتي عايز إيه ؟! ظهورك المفاجئ في حياتنا سببه إيه؟!
سلمي .. طب وده يزعلك ؟!
صفاء .. ممكن أعرف جلال كان خارج من عندك إمبارح بيعمل إيه في أوضتك ؟!
سلمى .. ها ! اصل.. اصل..
صفاء ..ملبوخه ليه ؟!! إمشي إطلعي بره أوضتي يلااا😡
سلمي خرجت وهي وشها جايب 100 لون ومن عصبيتها
راحت على أوضت جلال خبطت عليه وصحته من النوم
جلال .. في أيه هتكسري الباب عليا ليه !؟؟
سلمي .. بص بقا هقولك كلمتين ولو حتي هترجعني الجبل مش فارق معايا أنت إنسان ساذج وعديم الإحساس والمسؤلية 😡
جلال .. نعم ! !
سلمي .. صفاء زعلانة مني وحطاني في صورة زفت ولسه طرداني من اوضتها عشان معرفتش أرد عليها أقولها أنت كنت خارج من عندي بالليل متأخر ليه عاجبك كده 😡
جلال .. كده الموضوع زاد عن حده ولازم اوضع ليه حد 😡
فعلا جلال مسك إيد سلوى وهو في قمة عصبيته وجرها وراه وراح على اوضت صفاء خبط عليها فتحت
جلال .. شوفي بقا ياصفاء انا فعلا كنت خارج من عند سلمي
إمبارح بالليل عشان كنا بندردش مع بعض عجباني وبرتاح معاها في الكلام وانتي ولا ليكي حكم عليها ولا انا جوزك ولا اخوكي عشان تتحكمي فيا إحنا حياللله ولاد عم ، سمعتي 😡😡😡😡😡😡
سلمي .. يخربيتك 😳
صفاء ودموعها على خدها .. خلصت كلامك ولا عندك حاجة تانية عايزة تقولها ؟!
جلال .. المهم إنك تكوني سمعتي وحفظتي وعرفتي حدودك كويس أخرك هنا في البيت أوضتك وجوزك لما يرجع
صفاء .. بضحكة ودموع وكسرة حاضر ياجلال
قفلت الباب وقعدت وراه وعياطها كان بحرقة تقطع القلب
وكأنها طفلة بتبكي وتتباكى بس للأسف للطفل ام تحتويه
اما القلب فلن يحتويه إلا كاسره ، شكل صفاء وهي قاعدة على الأرض كان يبكي الحجر عرفت وقتها إن ألحب مش دبلة في الصباع ولا حتي إهتمام وإحتواء ومشاركة ولا كمان يتقاس بهدية في عيد الحب ، في عشق صفاء لجلال مفيش من جلال أي اهتمام ولا كلام حلو ولا أي حاجة بل بالعكس كلامه دايما ناشف معاها ويمكن بيعامل رجالته أفضل منها
ومع ذالك هي هايمانة بيه والعشق أخذ منها ما طاب ولذ
عن أي عشق نتحدث وكم فينا من صفاء أي عشق هذا ياسادة
المهم عشان منسرحش كلنا ونقلب في دفاتر الماضي تعالوا نرجع لروايتنا 😄
سلمى .. إيه ال انت قلته ده ؟!!
جلال .. غوري على اوضتك 😡
سلمى .. انا مقبلش تعاقب صفاء بالشكل ده بسببي 😡
جلال .. لا خدي هنا أقولك كلمتين وتركزي فيهم : اولا انا لما عملت كده مع صفاء مش عشانك لأن أنا عندي ضفر صفاء اللي بتقصه وترميه بمليون واحدة زيك او زي غيرك أنا بس قلتلها كده لحاجة في نفس يعقوب قضاها ، فاهمة😡
سلمى .. فاهمة 😳🙄
_________
في شركة حافظ
نادر .. مفيش جديد يابابا
حافظ .. مفيش غير حاجة واحدة ولحد ما مطمناني
نادر .. ايه هي ؟!
حافظ .. جلال نقل سلمي على بيت الحاج كامل وعايشة معاهم دلوقتي
نادر .. ومستني أيه دي فرصة وجتلك لحد عندك
حافظ .. لا مادام جلال نقلها في وسط اهله تبقا هي في امان
كلها يوم ولا اتنين ويكشف سر اخوه وسلمي ترجع من غير أي نقطة دم
_______
فايز .. كل العناوين ال قلتلي عليها مفيهاش ياسين
جلال .. يبقا جايز ال خطفه واحد من الاتنين ياالوزير ياسعد الدهشوري
فايز .. طب المطلوب إيه ؟!
جلال .. لا كده جه دوري انا ودول مهمتي
_______
في مكتب سعد الدهشوري
جلال .. سلام عليكم ممكن اقابل سعد بيه ؟
السكرتيرة .. حضرتك حاجز ميعاد ؟
جلال .. والله لأ بس قوليلي جلال ولد الحاج كامل
السكرتيرة .. أسفة مش هينفع!
جلال .. هو إي ال مش هينفع قوليلو زي ما قولتلك😡
السكرتيرة .. لو سمحت اخرج وبلاش إزعاج عشان مضطرش أناديلك الأمن
جلال .. امن مين وبتاع مين يابت انتي انتي متعرفيش انا مين 😡
السكرتيرة فعلا ندهت ليه الامن وقبل ما يمسكوه كان ضربهم
وضرب باب المكتب برجله ودخل لقي سعد قاعد مع واحدة ست جوة وشكله كده سعد ده بتاع نسوان
سعد .. ايه الهمجية دي انت مين ياجدع أنت 😳
جلال .. أنا جلال إبن الحاج كامل أكيد تعرف الحاج كامل !؟
سعد .. اهلا اهلا اهلا باإبن الغالي إتفضل قولي تشرب إيه
جلال .. مش عايز انا عايز أعرض عليك عرض بيتهيقلي ميترفضش
سعد .. قول وسمعني ياأبو الحاج
السكرتيرة .. لو سمحت ياسعد بيه نادر بيه منتظرك بره
جلال .. نادر !