رواية معاناة زواج الفصل الاول والثاني بقلم أمورة عبد الجواد

تبدي الرواية ب.. ندي 

ندى متزوجة زواج تقليدي زوجها احمد ولديهم طفل بعمر 8 سنوات اسمه ياسين 

ندى زوجه صالحه متدينة وتربى ابنها على تربيتها واخلاقها واكبر همها تعيش وسط عائلتها البسيطه في سعاده وحب.. 

ولكن للأسف زوجها مهمل جدا 

يضحك ويهزر برا البيت وعندا دخوله المنزل يزعق ويهين زوجته أمام طفلها.. 

ندى زوجه ما بتحبش المشاكل وتدعي له دايما بالهدايه وانه ربنا يصلح حاله ويعيشو حياة زي اي عائلة 

.... 

ندى :ياسين ادخل اوضتك نام علشان عندك مدرسه الصبح 

ياسين :حاضر يا ماما 

واحمد لبس هدومه وخارج.. 

ندى :احمد انا عايزا اتكلم معاك شويه 

احمد :بعدين مش فاضي 

ندى :بس دا موضوع مهم 

احمد :يووو ما قلت مش فاضي وخبط الباب ونزل.. 

قعدت ندى تعيط وتقول وانت من امتى بتكون فاضلي 

.. 

ندى: انت لسه صاحي يا ياسين 

ياسين :بتعيطي ليه يا ماما 

ندى :مفيش يا حبيبي دا عينيا اطرفت.. يلا ندخل ننام 

نام ياسين بس ايه ملاك نايم.. 

فضلت ندى صاحيه ومش عارفه تنام.. فتحت المصحف وفضلت تقرأ قرآن 

رن تلفون ندى.. 

ندى :الو مين 

رقم مجهول :عايزا تعرفي جوزك فين 

ندى: بزعيق مين انتي 

الرقم :انا اللي جوزك في حضني دلوقتي 

ندى :انتي واحدة كدابه زوجي عنده شغل 

الرقم :لو مش مصدقاني افتحي الصوره اللي وصلتك.. 

قفلت ندى الخط وفتحت الصوره وصدقت كلام البنت وانه فعلا جوزها بيخونها 

فضلت ندى تعيط ومش عارفه تاخد قرار تطلب الطلاق من جوزها وابنها يتربى بعيد عن ابوه ولا تسكت عن الموضوع وكانها ماشفتش ولا سمعت حاجه.. 

ندى لا انا اول ما يجي انا هطلب منه الطلاق مستحيل اعيش مع واحد خاين انا مش هسكت عديت كتير بس مش هيعدي الموضوع دا.. 

فتح احمد الباب ودخل وماسك الجاكت بتاعه ودخل علطول من غير ما ينطق حتى السلام على ندى 

ندى قامت من على الانتريه 

ندى :انا عايزا اطلق 

احمد :ليه 

ندى :يعني مش عارف ليه 

احمد :انا جاي تعبان وعايز انام الصبح نتكلم 

ندى: لا دلوقتي انت كده علطول مش فاضي حتى تسمعني وانا مش هستني لصبح انا رايحه بيت اهلي 

احمد :في ستين داهيه 

دخلت ندى وهي بتعيط لمت هدومها وهدوم ياسين وصحت ياسين وطلعت 

احمد ببرود قاعد بيشرب سجاير ولا همه انه مراته وابنه يطلعو في نص الليل وحديهم كده 😔

ياسين :احنا رايحين فين يا ماما 

ندى اخدت ياسين في حضنها احنا رايحين عند جدو وستو مش انت كان نفسك تروح 

ياسين وهو فرحان : ايوه يا ماما 

وصلو البيت رنت ندى جرس الباب... 

ماما ندى :اي دا مين جاي الساعه دي يا حج اصحى شوف مين عالباب 

والد ندى :يا رب يا ساتر خير ان شاء الله 

فتح الباب دخلت ندى وهي بتعيط.. 

والد ندى :في اي يا بنتي جوزك كويس اي جابك في وقت متأخر كده من غير أحمد.. 

ندى حضنت مامتها وفضلت تعيط وحكت اللي حصل معاها 

.. 

والد ندى :خلاص يا بنتي كفايه عياط خشي نامي دلوقتي وانا ليه كلام تاني مع احمد الصبح 

... 

عند احمد 

دخل احمد علشان ينام لقى تلفون ندى عالسرير فتح التلفون وشاف الصورة اللي حبيبته بعتتها لمراته.. 

احمد : يا بنت الكل.....يا ليلي علشان كده ندى طلبت الطلاق حاسبك معاي يا ليلي هعرفك مين احمد 

خرج احمد والحقد والكره كله في عنيه لليلى 

وهو وسايق العربيه بتاعته انا اللي غلطان ندى معاها حق في كل كلمه قلتها.. 

وصل احمد عند ليلى 

فتحت ليلى الباب.. 

ليلى بدهشة احمد انت ايه جابك تاني والخوف في عيونها 

دخل احمد وليلى بتحاول تمنعه.. 

دخل احمد وفجأة لقى واحد تاني مع ليلى 😱

احمد يا ولاد الكلب.. 

وبيضرب في ليلى وفجأة الراجل اللي مع ليلى خبطه فوق دماغه وقع احمد والدم سايح من دماغه... 😱

ليلى: يا مجنون انت عملت ايه هنروح في داهية 

اللي مع ليلى كنت عايزانى اسيبه يفضحنا ولا اعمل ايه 

ليلى :طيب هنعمل ايه دلوقتي 

اللي معاها :لازم نمشي من هنا بسرعه يلا مفيش وقت قبل ما حد يشوفنا نهرب 

هربوا الاتنين وسابو احمد غرقان في دمه.. 

تاني يوم الصبح 

رن تلفون ابو ندى... 

والد ندى :الو السلام عليكم

اسلام اخو أحمد :........... 

والد ندى :امتى الكلام دا حصل 

ندى بخوف :في اي يا بابا.. 

...... 

الفصل الثاني 

والد ندى :امتى الكلام دا حصل 

ندى بخوف في اي يا بابا.. 

والد ندى :استنى يا بنتي

انا جاي دلوقتي علطول دلوقتي سلام 

ندى :في اي يا بابا مين كان بيكلمك؟ 

والد ندى :اسلام سلفك بيقول انه احمد في المستشفي وحالته خطيرة.. 

ندى :انت بتقول اي يا بابا احمد حصله ايه 

والد ندى :انا رايح المستشفى علشان اطمن عليه واعرف ايه اللي حصل 

ندى :استنى يا بابا انا جايه معاك ندى بتعيط مش قادرة تمسك نفسها من العياط 😭

ماما ندى :تروحي فين انتي نسيتي اللي عمله فيكي متروحيش 

ندى :انتي بتقولي ايه يا ماما دا جوزي وابو ابني وبنا عشرة عمر 

والد ندى :ندى معاها حق يا حجه مهما كان اللي حصل الزوجه متتخلاش عن زوجها في ظروف زي دي وانتي كمان لازم تيجي معانا الأصول بتقول كده 

ماما ندى :معاك حق يا حج هنلبس ونجي معاك 

والد ندى :انا مستنيكم تحت ما تتاخروش 

... 

ركبو العربية وندى طبعا طول الطريق بتعيط وتلوم نفسها انه سبته ومش عارفه اي اللي حصله بعد ما مشيت ومامتها عماله تهدي فيها لكن ندى مش قادرة تمسك نفسها من العياط😭

.. وصلو المستشفى 

ندى :اي حصل يا اسلام احمد فين دلوقتي طمني هو كويس اي حصل 

إسلام :اديني فرصه اشرحلك يا ندى اهدي شويه 

والد ندى :كفايه يا ندى خلينا نفهم اي اللي حصل 

فهمنا يا اسلام اي اللي حصل 

اسلام :انا كنت نايم الساعه 3 الفجر رن علي أحمد بقول الو رد عليا واحد غريب بيقولي انا لقيت واحد سايح في دمه ورنيت على اي رقم من تلفونه لو تعرف صاحب التلفون تعالي بسرعه وهبعتلك العنوان 

انا اتصدمت لبست هدومي ورحت المكان اللي الراجل قالي عليه لقيت احمد سايح في دمه جبته علطول لهنا والدكتور لسه ما خرجش من عنده.. 

والد ندى :لا حولا ولا قوة الا بالله 

طيب انت يابني متعرفش اي اللي وداه المكان دا في وقت متأخر كده 

اسلام :لا والله يا عمي انا اول مره اعرف المكان دا اصلا 

خرج الدكتور... 

ندى جريت على الدكتور طمني يا دكتور جوزي عامل ايه دلوقتي..؟ 

الدكتور :بصراحه الخبطة كانت جامدة على المخ وكمان نزف كتير وهيحتاج دم بسرعه 

ندى طيب انا عايزا اشوفه يا دكتور 

الدكتور :للأسف مش هينفع هو دلوقتي في غيبوبه.. 

كلهم بصوت واحد غيبوبة 😱

والد ندى هيفوق امتى طيب يا دكتور؟ 

الدكتور :الله واعلم ادعوله بعد اذنكم.. 

.... 

اسلام :يا عمي خد ندى والحجه الوقت اتأخر دلوقتي لازم تمشو والصبح تقدرو تيجو... 

ندى :انا مش همشي من هنا انا لازم اطمن على أحمد وهي واقفه قدام باب الغرفه اللي احمد فيها وبتبص عليه وعماله تعيط 

والد ندى :اسلام معاه حق يا بنتي كمان علشان ياسين تلقيه بيعيط وهو اكيد محتاجلك دلوقتي 

ندى: انا كلمت علياء وهي جبته من المدرسه وخدته معاها البيت 

علياء اخت ندى الكبيرة متجوزه .. 

ماما ندى :خدي يا ندى كلي حاجه انتي من الصبح وانتي مكلتيش حاجه.. 

ندى مليش نفس يا ماما مش قادرة 

اسلام :صحيح يا ندى انا رنيت على تلفونك كتير وانتي مردتيش فرنيت على بابكي.. 

ندى :تلفوني اه صحيح انا شكلي نسيته في بيتنا.. 

اسلام :ليه انتي كنتي فين؟ 

ندي: انا واحمد اتخانقنا بليل ورحت بيت اهلي وياريتني ما رحت وفضلت تعيط 

... 

عدت الايام ولسه برضو احمد في الغيبوبه 🥺

وندى من البيت للمستشفى.. 

دخلت ندى لأحمد وهو على السرير في المستشفى.. 

مسكت ايده وفضلت تعيط وتتكلم معاه... 

انا اسفه يا احمد اني اتخنقت معاك ياريتني سمعت كلامك وكنا اتكلمنا الصبح انا السبب في كل اللي حصلك لو كنت صبرت لصبح مكنتش زمانك نايم النومة دي انت عارف اني بحبك رغم كل اللي انته عملته وكمان برضو زعلانه منك بس انا مسمحاك.. 😭

احمد حرك ايده ومسك ايد ندى.. 

ندى بابتسامه :احمد انت سامعني انت كويس رد عليا احمد احمد... 

بس للاسف احمد لسه في الغيبوبه.. 

ندى دكتور فين الدكتور 

الممرضه :نعم يا فندم في اي 

ندى: احمد جوزي حرك ايده اندهي الدكتور يشوفه بسرعه.. 

الممرضه :دي حاجه طبيعه وبتحصل كتير 

ندى: يعني ايه 

الممرضه :يعني عادي اي حد بيدخل غيبوبه بيحرك ايده وكمان بيصحي من الغيبوبه ويرجع تاني في الغيبوبه وكمان اسألي الدكتور.. 

ندى :تمام 

روحت ندى عند بيت أهلها 

ياسين جري على ندى وحضنها وحشتني اوي يا ماما 

ندى وانت كمان يا حبيبي 

ياسين :هو بابا هيجي امتى 

ندى :قريب ان شاء الله يا ياسين بس انت ادعيله 

ندى:بابا انا خارجه 

والد ندى :رايحه فين يا بنتي انتي لسه جايه من المستشفى 

ندى :هدور على شغل لازم اشتغل انت عارف مصاريف المستشفى وكمان مدرسه ياسين 

والد ندى :بس يا بنتي 

ندى :مفيش بس يا بابا انت يدوب معاشك على قد عيشتكم وكمان علشان بتجيب علاج وانا كده كده قاعدة مش بعمل حاجه اهو... 

والد ندى :انا مش عايزك تتبهدلي وتشيلي مسؤلية يا بنتي.. 

ندى :متخافش يابابا انا هدور على شغلانه كويسه وكمان تكون بالنهار 

والد ندى :اللي تشوفيه ويريحك يا بنتي.. 

تاني يوم الصبح.. 

صحيت ندى الفجر صلت وقرأت قرآن وفضلت تدعي انه احمد يفوق من الغيبوبه لغايه ما طلعت الشمس... 

لبست ياسين وفطر وهي كمان لبست وخرجو ركبت ياسين باص المدرسه.. وهي راحت المستشفى تطمن على أحمد.. 

ندى :صباح الخير 

الممرضه :صباح النور 

ندى :احمد عامل ايه دلوقتي 

الممرضه :ادتله العلاج اهو 

خرجت الممرضه.. 

فضلت ندى تتكلم مع احمد وتحكله انها لازم تشتغل علشان مصاريف المستشفى ومصاريف المدرسه بتاعت ياسين.. 

خرجت ندى وهي خارجه لقت اسلام اخو أحمد داخل 

اسلام :عامله ايه يا ندى وياسين عامل ايه 

ندى :الحمد لله يا اسلام انت اخبارك ايه 

اسلام :الحمد لله انتي مروحه 

ندى :لا رايحه ادور على شغل 

اسلام :شغل ليه لا ما ينفعش انتي مرات اخويه ولازم انا اصرف عليكي وعلى ياسين ولا انتي مش معتبرني اخوي الكبير 

ندى :اكيد طبعا انت اخوي بس انا لازم اشتغل انت عارف المصاريف 

اسلام :انتي ملكيش دعوه بالمصاريف لغايه ما اخوي يفوق ويرجع بالسلامة 

ندى :معلش يا اسلام ياريت تتفهم الموضوع انا الفتره اللي فاتت كنت حمل عليك وعلى بابا وكمان انت محتاج فلوس علشان سفرك اللي انت بتحلم به.. 

اسلام :مش مهم السفر دلوقتي حياة اخوي وانتي وياسين اهم 

ندى :معلش يا اسلام لو بتعتبرني اختك سبني براحتي 

اسلام :اللي تشوفيه المهم تخلي بالك من نفسك ولو احتجتي اي حاجه كلمني علطول 

ندى :كيد طبعا 

اسلام :انا هروح اطمن على أحمد 

ندى هزت براسها وقالتله ماشي 

ندى خرجت من المستشفى وفضلت تدور على شغل وهي ومعدي الشارع فجأة... 

جات عربيه كانت هتخبطها.. 😱

قعدت في الأرض وفضلت تعيط 😭

نزل صاحب العربيه...

انتي كويسه حصلك حاجه انا اسف والله بس مش عارف ايه اللي حصل فجأه انا اسف.. 

ندى :حصل خير وفضلت ماسكه ايدها وبتعيط... 

صاحب العربية :في مستشفى قريبه من هنا يلا اركبي العربيه علشان نشوف ايدك.. 

ندى :لا مفيش داعي انا كويسه 

صاحب العربيه :لا ازاي شكلك متعوره يلا توري معاي المستشفى قريبه من هنا.. 

ندى :لا مش هينفع مفيش وقت انا بدور على شغل ولازم القى بسرعه 

صاحب العربية :ياستي انا لو علي الشغل شغلك عندي 

ندى :بجد والله انا متشكرة

صاحب العربية :مفيش داعي لشكر دا أقل حاجه بعد ما كنت هتسبب في اذيتك 

صاحب العربية :دا الكرت بتاعي هتلاقي رقمي وعنوان الشركه فيه ولو حابة تشتغلي من بكره مفيش مانع 

ندى :بجد مش عارفة اقولك ايه يا أستاذ 

صاحب العربية :مازن اسمي مازن.. انتي اسمك ايه 

ندى :انا ندى 

مازن :تمام يا ندى نتقابل في الشركه 

ندى :تمام يا استاذ مازن 

مازن :اركبي اوصلك البيت 

ندى :لا مش هينفع انا هركب تاكسي 

مازن :لا ازاي انتي بيتك فين 

ندى :مفيش داعي هو قريب من هنا.. 

مازن :طيب اركبي متخافيش انا مديرك دلوقتي اركبي.. 

ركبت ندى وساق مازن العربيه لغايه ما وصل ندى البيت....

دا مازن دا هيطلع حكايه.. 

و

                    الفصل الثالث من هنا

لقراءة باقي الفصول من هنا