رواية نبض قلبي لك الفصل الرابع عشر14بقلم مارلي ايهاب
"لا يُعاب المرء بفقره ولا عيب في جسمه فليس له في ذلك حول ولا قوة، إنما يُعاب على قبح لسانه و رداءة أخلاقه."
🖤🖤🖤🖤🖤🖤🖤🖤🖤🖤🖤🖤🖤🖤
خالد كان ماشي مصدوم ومقدرش يرد عليه وكان ماشي بيتكلم مع نفسه
خالد بضيق... وانت مضايج ليه انت مالك بالحكاية هي عايزة توافج براحتها ما عايزش ترفض الجصة وخلاص
وراح علي بيته و شافها قاعدة في الجنينة هي وولادها
خالد.... السلام عليكم
ريهام... وعليكم السلام جاي بدري انهارده
خالد قعد وقال.... عاوزك في موضوع مهم
ريهام قلقت.... موضوع ايه
خالد بهدوء وبيحاول يداري ضيقه.؟ الكبير عاوز يتجوزك بعد ما عدتك تخلص وقالي اشوف رايك واخبره
ريهام بصدمه.... نعم
خالد بضيق.... بقولك الكبير عايز يتجوزك بعد ما عدتك تخلص
ريهام بعصبية.... اتجنن الراجل ده ولا ايه مش كفاية التلاته اللي معه كمان يضم الرابعة وبعدين حرام عليه يقعد يتجوز ويخلف ويرمي في ده بولاده يفتح مدرسة انا مش فاهمة ايه البجاحة دي وانت قولتله ايه
خالد بضيق.... مجولتش حاچة
ريهام بعصبية.... مرفضتش ليه دانا لسه بحكيلك امبارح انا بحب جوزي قد ايه ليه مرفضتش من الاول ليه
خالد بهدوء... يا ابله لو رفضت اني اول حاجه هيجولها اني حاطط عيني عليكي ورايدك الاحسن انك تجي معايا وتجوليله كل اللي في نفسك بس متلبخيش الله يخليكي جولي انك بتحبي جوزك الله يرحمه ومش عاوزه تتجوزي ها مش انتي فاضل علي عدتك حاولي شهرين ونص
ريهام .... لا تلات شهور ونص انا جوزي مش بقاله شهر ميت ويحصل فيا كل ده تعالي نروح دلوقتي
خالد بتنهد.... تعالي بس هاتي العيال ونسبهم جاعدين في العربية
وفعلا خدت العيال وراحوا علي بيت الكبير ووصلوا وسابوا الاطفال في العربية ونزلت هي وهو وكانت متعصبة جدا ودخلوا شافوا قاعد وسط ولاده ومراتته التلاته
خالد.... بعد اذنك يا كبير عاوزين تحددت معاك شوية
عثمان بص لريهام وشاف ملامحه المتعصبة وفهم انها رافضة..... جول اللي عايز تجوله
ريهام اتغاظت منه اكتر.... دانت مش فارق معاك بقي
سامية بعصبية... انتي يا بت ازاي تكلمي سيدك كده انتي اتجنيتي
ريهام بعصبية....... انا سيدي ربنا يا حبيبتي مليش اسياد واللي بتحميله اوي كده طالب ايدي عايز تجوزني عليكم خليكي مدافعة عنه اوي كمان وكمان
هناء الكوباية اللي في ايدها وقعت وحطت ايدها علي صدرها وبكت.... مفيش فايدة
سامية كمان اتصدمت... عاوز تتجوز كمان مش كفاية احنا يا يعني ايه ايه
عثمان ببرود... لا مش كفاية وبعدين الشرع محلل ليا اربعه هتجفوا جصاد شرع الله
سامية بعصبية كتمت في نفسها وسكتت
ريهام بصت ليه وقالت...... اسمعني يا استاذ انا بحب جوزي الله يرحمه وعمري ما هفكر في راجل تاني غيرة انت وغيرك وطلبك مرفوض
عثمان ابتسم بإعجاب..... طلبي هيفضل موجود لغاية عدتك ما تخلص وبعدين نتكلم ومش هسحب طلبي لانك بصراحة عجبني جراءتك وجوتك ويمكن تفكري صح وتوافجي وبعدين فكري في ولادك لما يعيشوا عند العمدة ويتعلموا ويكبروا احسن تعليم انتي الكسبانة
ريهام بضيق..... متفكرش انك هتغريني بالطريقة دي ولادي انا هخليهم احسن ناس من غير مساعدتك يلا يا خالد انا اتخناقت من الواقفة هنا
عثمان لخالد بتحذير.؟ عاجلها (عاقلها) وقولها ان العمدة مش بيترفض ليه طلب
ريهام حست انه بيهدده بل المتغطي وخايفة تجيب ليه مشاكل
خالد بنفس النبرة المتغطية.... وللهي ده. جرارها (قرارها) وهي حره فيه انا مجدرش اتكلم معاها في حاجه ولا اجبرها علي حاجة
عثمان بسخرية ابتسم.... اجده
خالد ابتسم.؟ اجده يا كبير بعد اذنك
خالد خد ريهام وخرجوا وركبوا العربية ومحدش فيهم اتكلم خالص
اما عند عثمان كانت سامية بتلطم وبتقول...... تاني يا عثمان تاني ليه اجده جصرنا معاك في ايه علشان تعمل اجده ها جولي جولي ساكت ليه
عثمان وقف وولاده كانوا خايفين...... مجصرتوش بس انا بجي بحب الحريم وبدل ما اعمل حاجه في الحرام لا سمح الله هتجوز فين الغلط ولا انتوا عايزين تمشوني علي كيفكم
جميلة بدموع.... اسمعني يا عثمان انا مش هقبل تتجوز عليا نهائي انا راجعة بيت اهلي انا وولادي انا مش هجعد هنا ساعة واحدة وبعدين حرام عليك ربنا حط الجواز مثني وثلاث ورباع بشروط مش علشان مزاجك تتجوز كفاية بقي ولادك نفسيتهم بقت زفت بسببك وبسبب جوازتك الكتير دي ايه مش مكفيك تلات حريم عاوز الرابعة ليه بتجرح فينا بطريقة دي انا ماشية ولما تشيل الفكره دي عن دماغك هرجع انا مش زي هنا ولا سامية اللي قبلوا انك تتجوز عليهم مش انا يا عثمان ابدا
وزعقت لابنتها..... قولت يلا وفعلا طلعوا اوضهم ولموا هدومهم ونزلوا هي والبنات
عثمان بهدوء قال... لو رجلك عتبت باب البيت تبجي طالج
جميلة بصدمه وقالت بدموع... طالج طالج يلا يا بنات
وخرجت جميلة واطلقت من عثمان وسامية وهناء كانوا مصدومين انه باعها بسهوله دي
عثمان بهدوء.؟ اي واحده هتخرج عن طوعي ومش هتنفذ اللي بجوله هتبقي طالج انتوا سامعين ولا لع
سامية وهناء بدموع... سامعين
عثمان.... انا خارج
وخرج عثمان وهما فضلوا يبكوا علي جميلة لانها كانت اطيب قلب فيهم وعمرها ما زعلت حد حتي سامية كانت حزينه وحاسه ان عثمان ممكن يرميها زي جميله في اي وقت حست بوجع في قلبها من الفكرة
هناء بوجع.... هنعمل ايه ياختي
سامية بدموع..... معرفاش يا هناء حاسة انوا ممكن يرمينا زي جميلة من غير ما يرمش. ليه جفن يا هناء لدرجة دي رخاص عنده
احمد ابن هنا اتكلم بحده... انتوا السبب انتوا اللي جبلتوا (قبلتوا) علي نفسكم الاهانة وبص لامه لما وافجتي ان جوزك يتجوز عليكي بعد تلات شهور من جوازك وانتي كنتي عروسة لسه وجبلتي وجبلتي انه يجبلك دره و جبلتي علي نفسك ان الايام الاسبوع تبجي بينك وبينها انتي ياما اللي جبلتي ان واحدة تجي تشاركك في جوزك انتي جبلتي بده
اما انتي يا مرات ابويا جبلتي انك تتجوزي واحد متجوز مبقلوش تلات شهور متجوز واتجوزته وبقيتي في نظر الناس خطافة الرجاله اللي جوزها اتجوزها بعد جوازة بتلات شهور وجبلتي علي نفسك الناس تجول خطافة رجاله جبلتي وجبلتي اي كلنة وحشة تتجال في حجك انا مش عارف اجول ليكم ايه
مرات ابويا جميلة صح في اللي عملته وانا موافجها علي جرارها قرارها انتوا تستهلوا اللي انتوا فيه دلوجتي مستغربين ليه ها هو كده كده متعود منكم علي القبول وانتوا قبلتوا متجوش ترفضوا دلوجتي انا خارج اجعد في الجنينة بره
خرج وهناء وسامية كانوا بيبكوا بشدة
واحمد خرج وياسين وانس خرجوا وراه وقعدوا ساكتين والباقي كان واقف واخد دور المتفرج
🥺🥺🥺🥺🥺🥺🥺🥺🥺🥺🥺🥺🥺🥺
عند عاصم كان قاعد مع وفاء اللي شكلها كان تعبان
عاصم بقلق.؟ متجي نروح للدكتور يطمن عليكي يا وفاء
وفاء ابتسمت بتعب.؟ مفيش حاجه ده شوية برد في معدتي متقلقش
عاصم بقلق.... طب ما تريحيني وتجي معايا للدكتور
وفاء بتعب... وفر الفلوس للبنات محتاجين دروس ومذاكرات وبلاء ازرق انا اخدت علاج وهبقي كويسة كلها كام يوم وهبقي تمام متقلقش
عاصم حاول يقنع وفاء لكنها رفضت بشدة وقالت توفر الفلوس لاولادها
اما ممدوح كان بيحرم مراته من الاكل علشان يحوش الفلوس ويكومها وبيعامل مراته معامله وحشة جدا لانها بتطلب منه يرجع عاصم ومراته البيت
هنا تنتهي حلقتنا انتظروني في حلقة جديدة.
الخامس عشر من نبض قلبي لك
بقلمي.... #مارلي_إيهاب
♥♥♥♥♥♥♥♥♥♥♥♥♥♥
خروج بعض الناس من حياتك
رحمة من الله لا تُدركها إلا مع الوقت ."
♥♥♥♥♥♥♥♥♥♥♥♥♥♥
عند خالد وريهام لما روحوا العيال نامت هما قاعدوا بره
ريهام بقلق.... انا همشي
خالد بصدمه..... ليه
ريهام بقلق ودموع.... انا مش عاوزه اجيب مشاكل ليك وهو هددك انهارده بسببي
خالد بهدوء..... متجلجيش هو ميجدرش يعمل حاجه
ريهام بقلق عليه..... لا شكله مكنش بيهوش وبس
خالد بهدوء وبص في عنيها وقال.... خلاص اشوف مكان تاني وننجل (ننقل) فيه ابيع البيتين واشوف شجتين شقتين نجعد فيهم
ريهام بصدمه..... وانت ايه اللي يخليك تعمل ده كله علشان واحده متعرفهاش
خالد بيحاول يتهرب من الاجابة لانه مش عارف الاجابة هو ليه بيعمل كده..... انا عاوز اساعدك لانك تستهلي وانتي لوحدك معكيش حد يجف جارك وجنبك
ريهام مصدقتش الاجابة وسكتت وشوية وقالت.... بس الاكيد انك مش هتسيب بلاك وناسك وتنقل
خالد.... لا اعمل اجده لو هو مصرفش نظر عن الموضوع ده
ريهام سكتت وبدموع....... انا شكلي هجبلك مشاكل كتير
خالد ابتسم.... لع مش هتجيبي مشاكل ولا حاجه انتي ملاك يا ريهام
ريهام اتكسفت وسكتت وهو حاس انه بداء يتلغبط وحاسس بحاجات غريبة
خالد بتوتر..... بعد اذنك هدخل استريح شويه
ريهام.... اتفضل
ودخل خالد وطلع اوضته وغير هدومه ونام علي السرير وقال. وبعدهلك يا خالد مالك حالك مجلوب ليه يا واد يعني يوم ما تحس بمشاعر تحس لوحده بتحب جوزها طب ليه نام نام نومه تاخدك
ونام وهو مضايق من المشاعر اللي بدات تجيله
♥♥♥♥♥♥♥♥♥♥♥♥♥♥
عند جميلة روحت بيت ابوها وهي بتبكي بشدة وابوها اتخض جدا
عماد بخضة..... في ايه يا بت يا جميلة
جميلة ببكاء.... عثمان طلجني يابا
عماد بصدمه.... ليه يا بت
جميلة ببكاء.... علشان رفضت انه يتجوز عليا
عماد....... طب اجعدي اجعدي
مرات عماد وتبقي مرات ابو جميلة واسمها نوارة مصمصت شفيفها.... وفيها ايه يا دلعدي لما يتجوز عليكي ما هو انتي متجوزه وانتي عارفة انه متجوز اتنين غيرك جر ايه الدلع الماسخ ده
جميلة بحده.... اولا يا مرات ابويا هو اللي جري ورايا علشان اتجوزه واقبل بيه
قبل ما تكمل كلامها ابوها قطعها وقال.... ادخلوا يا بنات جوا يلا
وفعلا دخلوا جوه وجميلة كملت كلامها.... ثانيا بقي يا مرات ابويا يوم ما وافجت بيه حلفلي الف يمين انه مش هيتجوز عليا وانا قولتله لو ده حصل وفكر يتجوز عليا انا هسيبوبه ومستحيل اقبل في يوم انه يتجوز عليا مراتته قبلوا انه يتجوز عليهم بس انا مقبلش بل الكلام ده وبعدين لو الموضوع عادي كده ما اخلي ابويا يتجوز عليكي علشان تعرفي اذا كان عادي ولا لع
نوارة سكتت بغيظ ومقدرتش تتكلم
جميلة بهدوء.... بعد اذنك يابا هدخل في اوضتي علشان ارتاح
ودخلت جميلة لاعيالها اوضتها
نوارة اتكلمت بغيظ.... عجبك اجده يا عماد رجعها لجوزها وخليها تحب علي يده احنا مش ناجصين
عماد بحده..... انتي اتجنيتي ولا ايه يا نوارة عاوزني اهين كرامه بتي وارجعها ليه من غير حتي ما يجي يصالحها و يطايب خاطرها بكلمتين وبعدين دي حياتها وهي حرة فيها انا مش هجبرها علي حاجه تصبحي علي خير
ودخل عماد ونوارة كانت مغلوله من جميلة وعيالها و وجودهم في البيت
😢😢😢😢😢😢😢😢😢😢😢😢😢😢
اما ع احمد في المستشفى راحله عاصم يطمن عليه وعرف انه هيخرج بكره ومامته كانت موجوده
عاصم بهدوء.... حمدلله علي السلامه يا بني
احمد ابتسم وبص وراه كأنه كان مستني حد تاني يجي معه بس ابتسمته اختفت بتدريج.... الله يسلمك ياعمو
عاصم ابتسم..... الدكتور قالي انك خلاص الحمدلله كلها انهارده وبكره هتخرج من هنا
احمد...... الفضل ليك بعد ربنا
عاصم.... متقولش كده يا حبيبي انت زي نور وكارما ولادي
أحمد اول ما سمع اسم نور ابتسم...... شرف ليا يا عمو
عاصم فضل قاعد يتكلم معاهم شوية وبعدين خرج ورجع بيته شاف مراته وشها مصفر جدا جدا وتعبانه
عاصم قلق .... مالك يا وفاء
وفاء بتعب..... مفيش حاجه يا خويا بس شوية تعب من البرد
عاصم بحده.... البسي هدومك هوديكي لدكتور دلوقتي
وفاء بتعب.... يا عاصم متكبرش الموضوع الله يخليك
عاصم بحده.. قولت البسي هدومك وهوديكي للدكتور دلوقتي وبعدين فين البنات
وفاء.... عند بابا
عاصم.... طب يلا تعالي البسي
واخدها غرفة النوم وابتداء يساعدها انها تغير هدومها لانها كانت تعبانة جدا ومش قادرة تتحرك واخدها ونزل وراح عند دكتور باطنه وفضلوا قاعدين لغاية ما دورهم جه ودخلوا عند الدكتور
الدكتور..... اهلا وسهلا اتفضلوا
عاصم.... يزيد فضلك
الدكتور... ها يامدام بتشتكي من ايه
وفاء كانت بتبص لعاصم بقلق..... انا معدتي وجعاني جدا وبستفرغ كتير وزي ما حضرتك شايف وشهي مصفر ومش قادرة اكل لا اشرب
الدكتور.... من امتي بقيتي تحسي بالاعراض دي
وفاء بقلق وخوف من عاصم اتكلمت ..... من حاولي شهر بس كان وجع خفيف وانا كنت باخد مسكن وبرتاح
عاصم اول ما قالت من شهر بصلها نظره رعبتها
الدكتور....تمام هنعمل التحاليل دي علشان نشوف في ايه وايه سبب التعب والوجع ده المهم اتفضلي معايا علشان اكشف عليكي
قامت وعاصم معها ومسك ايدها بقوه وقال بهمس.... لما اروح يا وفاء اصبري عليا
وفاء كانت خايفة منه ونامت علي سرير الكشف وعاصم كان ماسك ايديها والدكتور كشف وملامحه مكنتش باين فيها اي شي
عاصم بقلق بعد ما الدكتور كشف وقعدوا... هو في ايه يا دكتور
الدكتور بإسف.... انا شاكك في حاجه بس لما الاشعة والتحاليل تجي علشان اتأكد
عاصم بقلق.... لا قولي دلوقتي الله يخليك طمني في ايه
الدكتور.... اطمن الموضوع مش خطير ممكن يكون عندها جرثومه في معدتها ده الموضوع بس هات الاشعة والتحاليل علشان نطمن اكتر في معمل تحاليل لو هتعمل التحاليل دلوقتي وياريت في اسرع وقت
عاصم اخد الروشته وقال..... حاضر يا دكتور
واخدها ورحوا علي المعمل وعملت التحاليل والنتيجة هتظهر بكرة
عاصم روح البيت واول ما دخل البيت انفجر فيها وزعق..... شهر تعبانه ومقولتش بتشوفني جاي تعبان بليل ومش باخد بالي مش تعرفني ليه تستني لما التعب يوصل لكده وزعق بشدة.... ليه الاهمال ده يعني 500 جنيه دول هيعملوا حاجه دول بيتصروفوا في طبخة يوم واحده استخصرتي في صحتك يا وفاء دانا مليش غيرك تعملي فيا كده طب ليه مش حرام عليكي بجد مش مصدق انك تفضلي تعبانة طول المدة دي ومتقوليش ليا بجد مصدوم
وفاء ببكاء.... مكنتش عاوزة اتعبك زيادة وبعدين احنا محتاجين لكل جنيه وبناتك محتاجينه ياعاصم انا قولت شوية برد وهيروحوا
عاصم بسخرية.... شوية برد هيقعدوا شهر طب قولي حاجه تتصدق
وفاء ببكاء.... متقلقنيش بقي يا عاصم ان شاء الله خير
عاصم مكنش عاوز يخوفها بس من ملامح الدكتور حس ان في حاجه وهو مش عاوز يقولها وقاله جرثومه علشان يطمنه قام حضنها وقال.... اهدي كل حاجه هتبقي كويسه متقلقيش ان شاء الله خير
وحضنها وهي كانت بتبكي بشدة ووجع
😢😢😢😢😢😢😢😢😢😢😢😢😢😢
عند عثمان كان قاعد في مكتبة ومضايق وافتكر العهد اللي بينه وبين جميلة من 14 سنه كان شاف جميلة واعجب بيها جدا لكن هي لما عرفت انه متجوز اتنين رفضت جدا لكن هو بعد اصرار وتعب علشان يخليها توافق وافقت بس بشرط
فلاش باك..
جميلة بهدوء.... اسمعني يا عمدة انا مجبلش اني لو اتجوزتك انك في يوم تتجي تتجوز عليا ساعتها هنسحب من حياتك تماما ومش هتشوفني ولا هبجي علي زمتك لاني مجبلش اني جوزي يتجوز عليا
عثمان بحب..... لا متجلجيش انتي اخر واحدة هتجوزها
جميلة ابتسمت.... وانا موافجة
باك.
عثمان رجع راسه لورا وقال بتعب.... بتبعيني يا جميلة ماشي