رواية استقرار اجباري الفصل التاسع والثلاثون والاربعون الاخير بقلم رودي عبد الحميد
دخل المكتب وقال وهو متفاجئ :
إيه دا ، محمد!
قام محمد وقف وقال : أسف إن جاي من غير ميعاد وكدا بس كنت حابب أتكلم مع حضرتك شوية
قرب داغر وقعد قُصادو وقال : إتفضل أقعد وإتكلم مع حضرتي شوية
قعد محمد وقال بإحراج : بص هو حضرتك يعني عارف اللي حصل الفترة الأخيرة وإن أنا وزهرة سيبنا بعض بسببي بس لو حلفت لِحضرتك إن حسيت بِقيمتها ومش قادر يعدي يوم من غيرها ومن غير دوشتها في حياتي هتصدقني ؟
فضل داغر باصصلو شوية وبعدها ضحك ضحكة خفيفه وقال : أصدقك أه لإن الواحد مبيحسش بِقيمة الحاجة غير لما بتضيع من إيديه ودا اللي حصل فعلاً
بص محمد في الأرض وقال : أنا جاي أعتذر أشد الإعتذار وأنا بصراحه حابب إن حضرتك تتكلم مع زهرة يعني ترجعنا لِبعض
بصلو داغر بِشك وقال : إنت روحتلها وكشفتلك ولا إيه؟
إبتسم محمد وقال : لأ أنا قولت أجي لِحضرتك الأول علشان حضرتك الوالي عنها ومن الإحترام إن أجيلك الأول
رجع داغر ضهرو لِورا بأريحيه وقال : إنت محترم جداً يا محمد والكل بيحلف بإحترامك بس عملت حركة خليت إحترامك وإنت شخصياً تنزل من نظري ومش من نظري أنا بس يعني
بص محمد في الأرض وقال : أنا مستعد أعمل أي حاجة ومستعد لأي عقاب بس زهرة ترجعلي
فضل داغر باصصلو شوية وبعدها قال : إرفع عينك وبصلي في عيني كدا وإطلبها من تاني
إتنهد محمد ورفع عيونه وبص لِداغر وكانت عيونه مدمعه وقال : أنا أسف.. بس أنا عايز زهرة ، عايز زهرة ترجعي
إبتسم داغر وقال : إمسح دموعك ، زهرة عندي هنا في البيت هطلع أناديهالك وإتكلمو وإتعاتبو ولو رضيت تمام مرضيتش خلاص بقا نصيب
رد محمد عليه وعيونه كلها ترجي : ممكن زهرة متوافقش وحقها بس أنا محتاج مساعدتك..
قام داغر وقف وقال : لما تتكلمو الأول جايز هي بطلت تحبك ومش عايزاك هنجبرها يعني ؟
إتكلم محمد بِثقه وقال : بس أنا واثق إن زهرة لسه بتحبني
إفتكر داغر اللي زهرة عملتو وضحك بِسخريه وقال : طبعاً ، طبعاً ، عموماً خليك وأنا هنزلهالك
طلع داغر من المكتب وطلع أوضتو وأول ما دخل وقفت ريناد وقربت منو وقالت : مين اللي تحت
رد وهو بيطلع المفتاح من دُرج التسريحة : دا محمد خطيب زهرة سابقاً
بصِت علي المفتاح اللي في إيدو وقالت : وإنت رايحلها ليه بقا إن شاء الله
ضحك وقال : بقولك محمد تحت ، أكيد عايز يتكلم معاها شوية ، هنزلهالو تتكلم معاه وبعدها بقا تروح بيتهم لإن خلاص معتش عايزها هنا
ضيقت عينيها وقالت : هاجي معاك
لسه هيتكلم قالتلو : مش هنزل بس هاجي معاك عند زهرة ودا أخر كلام عندي
إتنهد وقال : يلا يختي
بصتلو بِغرور وخرجت قبلو من الأوضة ، فضل يضحك عليها وطلع وراها وفتح الباب ودخل لِزهرة وريناد دخلت وراه
قامت زهرة وقفت وقالت : خير جايينلي إنتو الإتنين ليه ؟
حط داغر إيديه في جيبو وقال : محمد تحت وعايز يتكلم معاكي
ربعت إيديها وقالت : مش عايزة أشوفو
قربت ريناد وقالت : بعيداً علي إننا مش طايقين بعض لِسبب بس إسمعيه وبعدها قرري مترفضيش من غير أي سبب كدا ، اللي بينكم أكيد مش قليل فَ إنزلي وإقعدي معاه شوية
كمل داغر الكلام وقال : هو باين عليه ندمان وجداً كمان ، ثم أنا مش هجبرك عليه بس إديلو فرصه وإسمعيه وبعدها قرري
إتنهدت وقالت : طيب
بصِت ريناد علي منظرها وقالت : متنزليش كدا هجبلك فُستان من عندي أو تيشيرت وبنطلون زي ما تحبي وخديلك شاور كدا وإنزلي
وبصلها داغر بِتحذير وقال : وإنتي هنا كنتي موجودة تقعدي معانا شوية تمام !
هزت راسها وقالت : حاضر
مسكت ريناد إيد داغر وقالت : تعالي يلا
طلع داغر وريناد وراحت ريناد جابتلها تيشيرت وبنطلون وفستان ودخلت بيهم ليها وقالت : خدي شوفي أنهي اللي هيريحك وإلبسيه
مسكت زهرة الهدوم وقالت : شكراً
إبتسمت ريناد وقالت : العفو ، أنا هسيبلك الباب مفتوح ووقت ما تخلصي إنزليلوا هو في المكتب
هزت راسها وقالت : حاضر
خرجت ريناد من الأوضة ودخلت أوضتهم لقِت داغر واقف قدام المرايه
راحت وقفت وراه وحض"نتو وقالت : مفيش خروج يا حبيبي
ضحك وقال : مش خارج بس ببص علي دقني حاسس إن عايز أحلقها
لفِت ووقفت قُصادو وهي حاض"ناه وبصتلو وقالت : أحلقهالك ؟
حط إيدو علي دقنو وقال : لأ يا حبيبتي مش مستغني عن وشي أنا
ضحكت وقالت : متقلقش هعملهالك بِالمكنه إيه رأيك ؟ ، بس هخففهالك علشان شكلك حلو وإنت مربيها
بص عليها في المرايه وقال : إممم ماشي
" في مكتب "
دخلت زهرة وهي لابسه بنطلون وتيشيرت وقفلت الباب وقالت : داغر قال إن حضرتك عايزني ، فيه حاجة يا أستاذ محمد ؟
إبتسم محمد وقام وقف وقال : ممكن نقعد نتكلم شوية ؟
قربت وقعدت علي الكرسي وقالت : إتفضل سامعاك
قعد محمد وقال : بصي أنا أستاهل كل حاجة وحشه بسبب اللي عملتو واللي ميتغفرش عارف ، بس أنا لسه بحبك أه بعدت من غير سبب بس لإني كنت متوتر ومضطرب نفسياً ومش قادر أحدد بس محستش بِقيمتك غير لما بعدتي عني وأتمني إنك تديني فرصه نرجع من تاني وأثبتلك دا
ردت بِكل برود وقال : إيه هي رفضتك ولا إيه ؟
وطي راسو وقال : حقك تقولي كدا ، بس أنا مليش دعوة بيها دلوقتي ، كان مجرد لهفة إعجاب لكِن أنا بحبك يا زهرة اللي عيشناه أنا وإنتي مكانش قليل
دموعها نزلت وقالت : ومقولتش الكلمتين دول لِنفسك ليه وإنت بتنهي العلاقه اللي ما بينا بِكل برود وبقلب جامد ، ليه مفكرتش فيا وفي حياتي هتكون عامله إزاي من غيرك بعد ما إتأسست كلها عليك ، إنت جاي دلوقتي تفتكر إن اللي بينا مكانش قليل ؟
رفع راسو وبصلها وعيونو نزلت وقال : غلطان وعارف ومش هنكر دا بس صدقيني والله أنا بحبك ، أنا مش قادر أعيش من غيرك بجد
نزل علي الأرض قدامها ومسك إيديها وقال بِترجي : علشان خاطري ، عاقبيني بأي حاجة إلا إنك تحرميني منك.. ، إنتي زهرة حياتي والله ، إنتي كل حاجة في حياتي ، محدش كان منور حياتي غيرك ، حياتي بقِت فاضيه من غيرك ، سيبتي فراغ كبير محدش عارف يسد مكانو
با"س إيديها وقال : علشان خاطري ، إديني فرصه ، فرصه واحدة بس
سحبت إيديها من إيدو وقالت : سوري..طريقنا مش واحد يا محمد
محمد وهو مازال بيعيط وبيترجاها : متعمليش كدا ، عاقبيني وخدي حقك وزيادة بس متسيبنيش ، لو لسه فيه حب ليا جواكي متخلهوش ينتهي ، علشان خاطري إرجعيلي..
قامت وقفت ومسحت دموعها وقالت : عن إذنك يا محمد
سابتو وطلعت ، قعد محمد علي الكرسي وفضل يعيط
طلعت فوق وقفلت الباب وراها جامد لِدرجة إن داغر سمع صوت قفل الباب
بص لِريناد وقالها : شكلهم متوافقوش مع بعض ، أنا هنزل لِمحمد أشوفو تحت ولا لأ
ردت وقالت : وأنا هروح لِزهرة أكيد منهارة دلوقتي
فتح الباب وخرجو هما الإتنين ، ريناد دخلت لِزهرة وداغر نزل لِمحمد
دخل داغر لِمحمد المكتب لقاه كان بيستعد وقايم وهو بيمسح وشو
قرب داغر منو وقال : رفضت ؟
هز محمد راسو وقال : رفضت..
إتنهد داغر وقال : لو بتحبها بجد وعايزها حاول مرة وإتنين وتلاته ، خلي محاولاتك تنسيها اللي عملتو أو تغفرلك حتي
هز محمد راسو وقال : هحاول بس ساعدني ، كلمها وقولها إن بحبها..
طبطب داغر علي كتف محمد وقال : اللي عايزو ربنا هيكون ، وأنا هحاول معاها بس لو فضلت رافضه فَ خلاص
رد محمد بِحزن وقال : إن شاء الله ترجعلي
إبتسم داغر وقال : حاول معاها كذا مره وهي إن شاء الله هترجعلك
هز محمد راسو وقال : عن إذنك
وقفو داغر وقال : إمسح وشك كدا متخرجش بِالمنظر دا
مسح محمد وشو وأخد نفس عميق وبعدها خرج
طلع داغر فوق لِأوضة زهرة لقاها في حض"ن ريناد وبتعيط
دخل وسند بِجسمو علي التسريحة وقال : إفتكريلو الحلو ، هو مكانش وحش معاكي ، مش غلطه تنسيكي كل اللي عملو ، وإركني كبريائك علي جمب شغلي قلبك
كملت ريناد الكلام وقالت : الراجل اللي ينزل دمعه علي بنت يبقا عُمر ما كان حبو مشكوك فيه ، طول ماهو بيتسلي بيها أو مش فارقالو مش هينزل دمعه عليها لكِن إنتي بتقولي إنو عيط ونزل عند رجليكي علشان تسامحيه
كمل داغر الكلام وقال : لو حاول كذا مره معاكي يبقا بيحبك وفكري وإديلو فرصه ولو محاولش يبقا نقفل الصفحة دي خالص بقا ونشوف حياتنا بِشكل تاني
كملت ريناد الكلام وقالت : إقعدي مع حالك وفكري وخدي وقتك وكل حاجة ومتستعجليش في تفكيرك خالص وإستخيري ربنا مرة وإتنين وتلاته ، وفكري في حياتك بلاش تفكري في حاجة تانيه بس إدي فرصه لِنفسك ولِقلبك وفكري بِهدوء كدا
هزت راسها وقالت : شكراً ، وأسفة علي أي حاجة
إتنهد داغر وقال : لو حابه تروحي روحي ، كدا كدا موضوع مُعتز خلص
قامت وقفت وقالت بِعيون دامعه : مش مهم أروح أو خلص ، المهم إنك تسامحني يا داغر
ودا داغر وشو الناحيه التانيه وقال : سيبيها بِظروفها يا زهرة ، ممكن مع الوقت هسامحك لكِن دلوقتي مش قادر
خبت وشها وهي بتعيط وقالت : سامحني ، صدقني والله غلطه ومش هتتكرر
تجاهل كلامها وقال : لو حابه تروحي روحي يا زهرة ولو حابه تفضلي براحتك البيت بيتك
قرب مسك إيد ريناد وقال : يلا إحنا
مسكت إيديه قبل ما يخرج وقالت بِترجي : داغر والنبي
سحب إيدو وقال : قولت سيبيها بِظروفها
قعدت علي الأرض تعيط وطلع داغر هو وريناد من الأوضه ودخلو أوضتهم
أول ما دخلو وقفل داغر الباب إتعلقت ريناد في رقبتو وقالت : خلاص كدا إرتاحنا
با"سها وقال : أحلي راحة كمان
حطت إيديها علي كتفو مكان الج"رح وقالت : لسه تاعبك
رد وهو بيتأمل وشها : تؤتؤ فيه حاجة تانيه تاعباني..
بصتلو بإستغراب وقالت : إيه هي
شالها وقال : إنتي..
ضحكت وقالت : ليه بس أنا عملت إيه ، دا أنا غلبانه
نيمها علي السرير وقال : تعبتيلي أعصابي ، وقعتي داغر الدويري يَحرمي المصون
إتعدلت وحض"نتو وقالت : كان إستقراري معاك إجباري
دفن راسو في رقبتها وقال : ودلوقتي ؟
شدتو لِحض"نها أكتر وقالت : بقا بإرادتي وأحلي إستقرار ، يكفي إنو معاك
" بعد مرور إسبوعين "
" فرح تمارة وفارس "
كانت ريناد راكبه مع داغر وقالت بِضيق : مش كنا مشينا مع الزفة
زعق داغر وقال : أعملك إيه إنتي اللي أخرتينا
زعقت قصادو وقالت : كان لازم تبو"سني قبل ما ننزل يعني
ضحك وقال : باخد كفايتي من الحلاوة
غصب عنها ضحكت وبصت من الشباك وسكتت
وصلو قدام القاعه ونزل داغر وراح فتح الباب ليها ومسك إيديها وبا"سها وقال : يلا..
حطت إيديها في دراعو ودخلو القاعه سوا
قربو علي تمارة وفارس وسلمو عليهم وفضلو واقفين يرقصو كلهم سوا في جو من المرح والهزار بينهم..
كان أمير عينو علي واحدة في الفرح ومشالش عينو من عليها ، عينو جات في عينيها حط إيديه الإتنين علي قلبو وميل راسو ، ضحكت البنت وودت وشها الناحيه التانيه
ضحك بِهيام وقال : والله ووقعت ..
حلقه خاصه
" بعد مرور سنه "
زعق وداغر وقال : مش معقول كدا ، مش كل مُناسبه تأخرينا دا مبقاش إسلوب
خرجت من الحمام وبصِت عليه من فوق لِتحت وقربت وقالت : إيه القمر دا ، حته سُكرة يا ناس
إتعلقت في رقبتو وبا"ست خدو وقالت : مالك إحلويت كدا ليه ها ؟
نسي داغر إن فيه فرح وإنو كان مزعلقها وإبتسم إبتسامة عريضه وقال : بجد شكلي حلو
ضحكت ريناد وقالت : قمر والله قمر طول عمرك كدا
حط إيدو علي بطنها المُنتفخه وقال : قومي بس بِالسلامه وأنا وحياتك عندي ما هرحمك
جابت منديل ومسحت خدو من الروج وقالت : طب يلا يا قلب ريناد
حط إيديها في دراعو ونزلو سوا ، بصِت حواليها وقالت : أومال فين ماما
فتح باب الفيلا وقال : راحت مع مرات عمي ، خلصي علشان صاحبتك وصاحبي هينف.خونا لو مروحناش بدري
حطت إيديها علي ضهرها وكشرت وشها بِوجع
حط داغر إيديه علي بطنها وقال : فيه إيه نروح المستشفي وبلاها الفرح
إبتسمت وقالت : لأ يا حبيبي دا وجع وراح لِحالو
با"س إيديها وقال : متأكدة ؟
هزت راسها وقالت : أه طبعاً
طلعو من الفيلا وركبو العربية وراحو القاعه
دخلو القاعه وقربت ريناد وسلمت علي ملك وقالت : ألف مليون مبروك يا نورعيني
حض"نتها ملك وقالت : الله يبارك فيكي يا حبيبي عقبال النونه يارب
ضحكت ريناد وقالت : إن شاء الله يا حبيبي
غمز داغر لِعلاء وقال : لاقيت نصك التاني ، إخفي من حياتي بقا
لوي علاء بوزو وقال : أهون عليك تكون حياتك من غير علاء يعني
حض"نو داغر وقال : دا إنت أخويا يالا ، هو أنا أقدر برضوا ، يلا ألف مبروك يا حبيبي
حض"نو علاء وقال : الله يبارك فيك يا توأمي
قرب أمير من داغر وقال وهو بيشد الجاكيت بتاعو : داغر ، داغر ، داغر ، داغر ، داغر
سحب داغر الجاكيت من إيديه وزعق وقال : إييييييه
رمش أمير بِعينيه كذا مره وقال : عايز أتجوز
بصلو داغر من فوق لِتحت وقال : ما تغور تتجوز هو أنا المأذون
غمز أمير وقال : لأ إنت اللي هتمشيلي الحوار
رد داغر بِملل وقال : عينك علي مين من الفرح
حك أمير راسو وقال : لأ دا من فرح فارس وتمارة بصراحه
إستغرب داغر وقال : مين دي ؟
بص أمير علي بنت مُعينه وقال : هي دي
بص داغر مكان ما بيشاور وقال وهو متفاجئ : إسراء !!
إبتسم أمير وقال : الله إسمها إسراء ، شوف أنا من إمتي شايفها وليل نهار بفكر فيها ومش شايلها من بالي و لسه اللي عارف إسمها دلوقتي
ضحك داغر وقال : وهي بصتلك!
عدل أمير هدومو بِغرور وقال : طبعاً ، دي ضحكتلي وأنا من ساعتها واقع والله
هز داغر راسو وقال : حاضر هظبطلك معاد مع فارس
أمير بتأكيد كلامو : بالظبط كدا وهتيجي معايا
شوح داغر بإيديه وقال : فيه إيه هو كل ما حد هيخطب ياخدني أنا الوالي عنو
خبط أمير كتف داغر وهو بيضحك وقال : معلش بقا يا معلم إنت الكبير والعاقل اللي فينا
ضحك داغر وخبط كف علي كف وقال : الصبر يارب..
كانت إغنية البخت شغاله ، قرب أمير من إسراء اللي كانت واقفه بتسقف وقال وهو حاطت إيدو علي قلبو : والله ووقعت بفكر فيك ، كتير بالي عليك مشغول
إبتسمت إسراء وبصِت في الأرض بِخجل
" علي ترابيزة مُعينه في الفرح "
كانت زهرة قاعدة جمب مامتها ومُبتسمة وهي بصالهم
قرب محمد وقعد جمبها وقال بإبتسامة : مساء الخير
ودت وشها الناحيه التانيه وقالت : أستغفر الله العظيم
قرب منها وقال : مش كفايه بُعد كدا ؟ ، بقالي سنه بحاول معاكي ومش هبطل يا زهرة لِحد ما ترجعيلي ، أرجوكي كفايه بُعد وكفايه الوقت اللي ضيعناه وإحنا مش مع بعض ، خلينا نرجع وننسي اللي فات بقا
طبطبت أمها عليها وقالتلها : إديلو فرصه وإدي لِقلبك ونفسك فرصه ، الواد تعب من كتر المحاولات وباين عليه دا بقا بهتان يا بنتي
رد محمد بِتعب وقال : أها والله يا حماتي قوللها لإن تعبت بجد مش مُجرد كلام وخلاص
بصتلو بِسخريه وقالت : مفكرتش ليه في كل دا وإحنا بنبعد عن بعض
مسك إيديها وبا"سها وقال : خلاص وحيات محمد عندك كفايه ، تعبنا كتير وكفايه لِحد كدا وحيات العشرة اللي ما بينا
ضحكت ضحكة خفيفه وقالت : سيبني أفكر
إتعصب وقال : لأ بقا تفكير إيه حرام عليكي أنا إستويت ، ولعلمك مش هيكون فيه خطوبة هو جواز علي طول كفايه دلع لِحد كدا
نغزتها أسماء في جمبها وقالت : كفايه بقا يا بت وإرجعي تعبتي الواد وتعبتينا معاكي
ضحكت وقالت : خلاص ، هنرجع
قام محمد وقف وزغرط وقال : أخيراً
ضحكو عليه وقالت أسماء : للدرجادي ؟
قعد تاني وقال : دا أنا إستويت بجد يعني
" بعد ساعات مُتتاليه "
خلص الفرح وسلمو علي ملك وعلاء وكانو ماشيين في الزفة وفاجأه ريناد حطت إيديها علي بطنها وقالت وهي بتتوجع : داغر أنا شكلي هولد
بصلها داغر بِصدمة وقال : تولدي إيه يا ريناد إحنا في الزفه
رق.عت بالص.وت وقالت : ملع.ون الزفة بقولك بولد
أتوتر داغر وقال : أعمل إيه مش فاهم
فضلت تص.وت وهي بتخبطو في دراعو وقالت : وديني المستشفي أنا بم"وت
طلع من وسط الزفة وحوِد بِالعربية
إستغربت تمارة وقالت : هو داغر رايح فين ، دا بعد عن الزفه
رد فارس وقال : عادي يا حبيبتي تلقيه واخد مراتو وهيخرجها شوية
قلقت تمارة وقالت : تؤ مش حاسه ، رن وشوف ريناد كويسه ولا لأ علشان كانت بتتوجع من ضهرها وإحنا في الفرح
مسك الفون وهو سايق وطلع رقم داغر ورن
كان داغر سايق بِسرعة وفونو رن
بص علي الفون لقاه فارس بص لِريناد وقال : أقولهم إنك هتولدي ولا إيه ؟
ردت ريناد وهي بتص.وت وقالت : قول ولا متقولش المهم أروح المستشفي ، هيي بعدتت ليييه
زعق داغر وقال : الطريق زحمة أبو"س إيدك كفايه توتر
رمي الفون علي التابلوه وكمل سواقه وهو عمال يزمر بِعصبيه
" في عربية فارس "
قفل فارس الفون وقال : مردش ، أكيد مش فاضيين
قلقت تمارة وقالت : مش مرتاحه
مسك فارس إيديها وبا"سها وقال : لما نخلص الزفة هرن عليهم تاني ونشوف ماشي ؟
هزت راسها وقالت : ربنا يستر
" في عربية داغر "
وقف داغر قدام المستشفي وريناد مش مبطله صو.يت فتح الباب ليها وشالها ودخل بيها المستشفي وهو بيجري وهي مش مبطله صو.يت
قربو عليه ترولي وحطو ريناد عليه ودخلت أوضة العمليات وهي مبطلتش صو.يت
وقف داغر برا ومن كتر صو.يتها وخوفو وقلقو عليها قعد علي الأرض ومن التوتر عيونو دمعت
فونو رن تاني ، طلعو لقاه أمير ، فتح وقال بِتعب : إيه يا أمير
رد أمير وقال : فينك يبني بدور عليك فارس قالي إنك مشيت من أول الزفة كدا ، فيه حاجة ولا إيه ؟
رد عليه داغر وهو باصص علي باب الأوضة وقال : من غير توتر كدا ودوشه علشان مش عايز دوشه ، ريناد بتولد فَ متحسسش اللي حواليك علشان علاء وكمان ميتعملش ليله هنا في المستشفي وأنا مش ناقص
بعد أمير عنهم شوية وقال : طب إهدا طب ، إنت في أنهي مستشفي وهاجي بِطولي
غمض داغر عينيه بِتعب وقال : في ******
قفل أمير معاه وإنسحب من وسطهم بِهدوء وركب العربيه بتاعتو ومشي..
فضل داغر رايح جاي قدام الأوضة وريناد مش مبطله صويت وعماله تنادي بإسم داغر وتقول : إلحقني يا داغر ، فين داغر
طلعت ممرضه من جوا وقفها داغر وقال : مراتي كويسه ؟ ، ينفع أدخلها !
ردت الممرضه بسرعة قبل ما تتحرك وقالت : إدعيلها تكون كويسه ، بس معتقدش إنو هينفع ، عن إذنك
أتحركت من قدامو وهو خبط إيديه جامد في الحيطه وعمال رايح جاي لِحد ما جه أمير
قرب منو أمير وقال : طلعت ؟
زعق داغر وقال : مطلعتش وبقولها هي كويسه تقولي إدعيلها
أمير وهو بيحاول يهديه : طب إهدا يا داغر دا طبيعي ، دي ست وبتولد يعني أكيد فيه تعب
نفخ داغر بِضيق وقال : عايز أدخلها وهي رافضه ، مراتي عماله تناديني والممرضه بتقولي أعتقد إنو مش هينفع
حط أمير إيديه علي كتف داغر وقال : طب إهدا بس كدا إهدا وهي إن شاء الله هتكون كويسه
قعد داغر علي الأرض وحاطت راسو بين إيديه ، بعدها ريناد بطلت صو.يت..
بص داغر علي الأوضه وهو مازال قاعد علي الأرض بس قام وقف وهو مصدوم لما سمع صوت بُكاء طفل من جوا
إبتسم أمير وحض"نو وقال : مبروك يا بطل البيبي جه بِالسلامه
إبتسم داغر وهو لسه مصدوم ومش مصدق
لقي ممرضه طالعه وهي شايله بيبي علي إيديها وبتقول : فين الأب..
إتكلم داغر وهو متوتر : أ..أنا
قربت عليه وقالتلو : إتفضل ربنا كرمك بِبنوته ، سمي الله وشيلها
بص داغر لأمير بِتوتر وكان خايف يشيلها
شاورلو أمير علي البيبي وقال : شيلها يا داغر ، شيل بنتك
رفع داغر إيديه وشالها وهو لسه متوتر
قربها منو وقلبو فضل يِدق جامد وعيونه دمعت وهو مبسوط أوي
إبتسم أمير وقال : كبر في ودنها يلا
بصلو داغر نظرة اللي هو أعمل كدا ؟
هز أمير راسو بتأكيد وقال : يلا
قرب داغر من ودنها وبدأ يكبر وبعدها بعد وبا"س راسها بو"سة رقيقة جداً وقال : بقا موجود حته مني ومنها
رفع داغر راسو وقال : خد إمسك أنا عايز أشوف مراتي
أخدها أمير منو بالراحه وقال : أرن عليهم طب ؟
رد داغر وهو بيفتح الباب وقال : رن وعرفهم كدا كدا هي ولدت خلاص
دخل جوا لقي الدكتور وممرضة ، بصلو الدكتور وقال : مين حضرتك وإزاي تدخل كدا
رد داغر بِهدوء وقال : عايز أتطمن علي مراتي بعد إذنك
رد الدكتور وقال : تمام شوية وهننقلها أوضة تانيه وإبقي شوفها
سند داغر علي الحيطه وقال : مش هستني ، أنا أعصابي سايبه وعايز أتطمن علي مراتي
قربت الممرضه من ودن الدكتور وقالت : سيبو كان مش قاعد علي بعضو وهو برا وأعتقد إنو مش هيصبر ، ثم دا جوزها يا دكتور
بصلو الدكتور شوية وبعدها قال : عن إذنكم
طلع هو والممرضه والأوضة فضيت علي ريناد وداغر
قرب داغر من السرير اللي عليه ريناد وقال : رينو
قرب كرسي وقعد وقال : حمدلله علي سلامتك يا حبيبي ، أنا قلبي إتخ.لع من مكانو من الخوف عليكي
فتحت عينيها بِتُقل وقالت : داغر..
مسك داغر إيديها وقال : قلبو
بلعت ريقها وقالت : هي فين ؟
إبتسم وقال : مع أمير برا
إبتسمت وقالت : هي حلوة ؟
قرب با"س راسها وقال : طالعالك ، حلوة شبهك ، بقي عندي بنتين مش بنت واحدة
رفعت إيديها وحطتها علي وشو وقالت : ربنا يخليك لينا
با"س إيديها اللي علي وشو وقال : ومتحرمش منك أبداً ، أنا كنت هم"وت من الخوف عليكي ، الحمدلله إنك كويسه
إبتسمت وقالت : أنا كويسه يا حبيبي طول ما إنت معايا ، بس ماما فين ، هما عرفو ؟
رفع أكتافو وقال : أكيد أمير قالهم دلوقتي وزمانهم جايين ، المهم هنسمي بنوتتنا إيه ؟
بصِت في عيونه وقالت : حبيبه
با"س إيديها وقال : حبيبه داغر الدويري
قرب وبا"سها وقال : بحبك ♡.
ردت ريناد بِحب واضح وقالت : وأنا بموت فيك ♡.
تمت بحمد الله
تمت بحمد الله