رواية حب في مهمة رسمية
الفصل الخامس والعشرون25
بقلم ايه الموافي
(البارت الخامس وقبل الاخير)
فضل غسان رايح جاي بعد ما كلم اللوا راجح عشان يساعده، اسر :
- اهدى شويه يا غسان مش كده
غسان بعصبيه:
-اهدى ايه وانا مراتي اتخطفت
اروى بخوف:
- لازم كلنا نهدى عشان نعرف نفكر
حاتم: تفتكر مين اللي خطفها؟ ليكون حد من العصابه
اسر: لا محدش منهم لاننا قبضنا عليهم كلهم
ليان: طب هنعمل ايه
وقف غسان مره واحده وقال بتذكر:
- افتكرت حاجه هتساعدنا عشان نعرف نوصللها
لؤي: حاجه ايه يا غسان
غسان:
- من كام يوم قالت انها شافت حد كانت هربانه منه، بس انا ساعتها مشفتوش فهديتها بس بعد ما حكيت لي قصتها، حطيت جهاز چي بي اس صغير في السلسله اللي مبتقلعهاش دايما
بتول بتوتر:
- حد كانت هربانه منه، ليكون عبد الله وابوه
غسان:
- اه هي كان قصدها عليهم
لؤي:
-طب يلا شوف موقعها فين عشان نلحقها بسرعه
• عند كيان
كانت قاعده على كرسي ومربوطه فيه وفي قماشه سوداء على عيونها، فاقت من الاغماء اللي كانت فيه
وقالت بخوف:
- انا فين قرب عبد الله منها وشال القماشه السوداء من على عيونها وقال بخبث:
-واخيرا اتقابلنا تاني بعد وقت طويل:
-اترعشت كيان بخوف انت عايز مني ايه تاني بقى، حرام عليك سيبني في حالي
عبد الله بعصبيه ما تقوليش سيبني في حالي انا حالك وكمان يا قطه انت عارفه انا عايز منك ايه كويس قوي
كيان بدموع وعصبيه:
-الي انت عايزه ده لا يمكن يحصل ابدا
عبد الله بخبث: هنشوف يا بنت مرات ابويا
كيان بدموع:
- انت ليه بتعمل فيا كده انا عملت لك ايه حرام عليك
عبد الله بعصبيه:
-انا بعمل كده عشان بحبك
كيان بدموع:
- وانا مبحبكش مش مهم تكوني بتحبيني، المهم ان انا بحبك وانت هتبقي بتاعتي في الاخر
كيان بعصبيه :
- وهو اللي بيحب حد يعمل في اللي بيحبه كده
عبد الله ببرود:
- واعمل ايه يعني ما انت اللي مش عايزه تحبيني
كيان بسخريه:
- اه صح اعمل ايه ده انا طلعت وحشه قوي ازاي ما احبش اللي كان بيحبسني في اوضه ضلمه زي ما ابوه كان بيعمل فيا، ازاي ما احبش اللي كان بيحرمني من الاكل ازاي ما احبش اللي كان هيمضيني بعد الجواز على ورقه تنازل عن يكل ورثي من امي وابويا ازاي
عبد الله:
-كان لازم اعمل كده عشان ابويا يسمحلي اني اتجوزك
ضحكت كيان بسخريه وقالت:
- ليه وهو انت نغه مش هتعرف تتجوز غير بامر من ابوك عبد الله بعصبيه كيان متعصبنيش
كيان بدموع:
- انا بجد زهقت وقرفت كل اما اهرب منك الاقيك قدامي زي الكوابيس اللي مبتفارقنيش
عبد الله:
- عشان انا كوابيسك يا كيان وعمري مهفارقك ابدا
كيان وهي بتعيط بانهيار:
- اعمل ايه عشان تبعد عني بقي
عبد الله ببرود :ما تتعبيش نفسك يا قطه عشان زي ما قلتلك عمري ما هبعد عنك
فضلت كيان تعيط وهو قال برود:
- جهزي نفسك يا عروسه عشان هجيب الماذون وجاي
كيان بصدمه:
- ماذون
عبد الله بخبث:
- مبروك مقدما يا عروسه
خرج عبد الله بره عشان يجيب الماذون وكيان فضلت تعيط بانهيار وهي بتقول:
- مستحيل اتجوزه مستحيل
افتكرت غسان وقعدت تقول بدموع:
- انت فين يا غسان
وسعت كيان عيونها بصدمه لما افتكرت انها متجوزه غسان، يعني جوازها من عبد الله هيبقى باطل، فرحت اوي وقالت:
- هو ميعرفش اني متجوزه ولا ايه؟
• عند غسان
حدد الموقع بتاعها وقال: يلا
اسر: ابعت للواء راجح الاول عشان يحصلنا على هناك
غسان وهو بيركب العربيه:
- لا مفيش داعي، الكلب ده هيبقى لوحده هناك
اسر: لا طبعا لازم نبعتله تحسبا لاي ظرف ممكن يحصل
غسان باستسلام: حاضر
بعتله غسان اللوكيشن وركب هو وحاتم ولؤي واسر العربيه واروى كانت عايزه تركب هي وليان وبتول بس لؤي قال:
- خليكم انتم هنا
بتول برفض: لا طبعا نبقى هنا ازاي وصاحبتنا مخطوفه؟ احنا لازم نيجي معاكم
ليان: انتم مش هتتحركوا من هنا من غيرنا
لؤي بصرامه: وانا قلت مش هينفع تيجي معانا
اروى: بس...
قطعها اسر وقال:
- ادخلوا جوه يلا عشان انتم مستحيل تيجوا معانا
ساق غسان العربيه بسرعه وليان قالت بعصبيه:
- فيها ايه يعني لو سابونا نروح معاهم
بتول بخوف: ربنا يستر يا رب وترجعلنا سليمه
اروى بخوف: يا رب
ليان بعصبيه: يعني هو احنا كنا ناقصين، ده احنا مصدقنا ان المهمة دي خلصت على خير يقوم الزفت ده طلعلنا
اروى: عندك حق والله، ربنا يستر
• عند كيان
دخل عبد الله ومعاه الماذون، عبد الله بخبث:
- انا هفك ايدك يا عروسه عشان تمضي بايديك الحلوه دي على ورقه جوازنا
كيان باستعطاف عشان تضيع الوقت شويه: عشان خاطري يا عبد الله ما تعملش فيا كده انا مستعده ادي لك فرصه جايز احبك
عبد الله بلا مبالاه: يلا يا شيخنا عشان عندنا مشاغل تانيه
طلع الماذون الورق وقال:
- امضي هنا يا ابني
مضى عبد الله بفرح وهو بيتوعد لكيان وادى الورق ليها وقال بحده:
- امضي يلا
كيان بسخريه:
- همضي ازاي وانت رابطني زي ما انت شايف كده
هرش عبد الله في دماغه وقال بحده:
- اقسم بالله يا كيان لو عملت حركه كده ولا كده لما افكك متلوميش الا نفسك
ودت كيان وشها الناحيه الثانيه وهي بتشتمه في سرها ؛وعبد الله فك الحبل من عليها، بصت كيان للماذون بقرف وقالت:
- ايه يا شيخنا مش المفروض تقول ان الجواز ده باطل عشان زي ما انت شايف كده منيش راضية على الجوازه دي
الماذون بقله حيله:
- اعمل ايه يا بنتي ده مهددني مش بايدي
كيان بعصبيه:
- انت مهدده هو كمان
عبد الله بحده وصوت عالي:
- وانتي مالك انتي امضي وانتي ساكته
حط عد الله الورقه قدامها وقال:
- انا هعد من واحد لثلاثه لو ممضتيش صدقيني يا كيان انا هفقد اخر ذره صبر فيا وهزعلك مني جامد وانت عارفه انا اقدر اعمل ايه كويس اوي
بلعت كيان ريقها بخوف وكانت لسه هضمضي بس ابتسمت بفرح لما سمعت غسان بيقول من ورا عبد الله:
- طب ما اعد انا يا روح امك
لف عبد الله ليه واول ما لف اداله غسان بالبوكس، وقع عبد الله على الارض بوجع وغسان قاال بعصبيه:
- بقى عايز تتجوز مراتي يا حيلتها
عبد الله بصدمه:
- ايه مراتك
كيان بشماته:
- اه مراته يعني لو كنت مضيت على الورقه دي كان هيبقى جوازنا باطل
قام عبد الله من على الارض بعصبيه وقال:
- مراته ازاي يعني ده انا شفتك معاه مره واحده بس
بصت كيان في عيون غسان ولما اطمنت بوجوده قالت ببرود:
- والله مش ذنبي ان انت مغفل
عبد الله بصدمه:
- مغفل
كيان: مغفل وغبي وما عندكش كرامه كمان
ابتسم غسان لما اطمنت من وجوده ومخافتش من عبد الله، اتعصب عبد الله اوي وكان رايحلها عشان يمد ايده عليها بس غسان وقف قدامه بسرعه وقال هو بيديله بالبوكس التاني:
- رايح فين يا روح امك
وقع عبد الله على الارض للمره الثانيه وغسان قعد فوقه وفضل يسددله اللكمات وهو بيقول بعصبيه وغيره:
- كنت عايز تتجوز مراتي يا زباله واتجرات وخطفتها وربنا ما انا راحمك
قرب اسر من غسان وقال وهو بيحاول يهديه:
- اهدى يا غسان مش كده
مسمعش غسان ليه فبعدوه لؤي هو واسر بخوف عشان ميروحش في ايده من كتر الضرب
طلع حاتم الكلبشات من جيبه وحطاهم في ايدين عبد الله، دخل اللوا راجح ومعاه ثلاث ظباط، مسكوه جامد وخرجوه بره بس قبل ما يخرج قال غسان:
- ورحمه امك لو شفتك تاني حتى لو بالصدفه لهوديك ورا الشمس
سحبه الظباط بره وراجح قال قبل ما يخرج:
- متقلقش هنجيب حق كيان منه
غسان:
- اتمنى كده اول ما راجع خرج
جرت كيان على غسان وحضنته وهي بتعيط بلع غسان ريقه بتوتر من قربها منه وهي قالت ببكاء:
- كنت غبيه لما فكرت اني هقدر ابعد عنك واعيش من غيرك
فرح غسان بكلامها واسر بص للؤي وحاتم عشان يخرجوا بره ويسبوهم لوحدهم، فهموا نظراته وخرجوا بره وكيان فضلت تعيط، حضنها غسان وقال بحنان:
- اهدي يا كيان انتي بقيتي في امان اهو
كيان بدموع: انا اسفه يا غسان على كل الكلام اللي قلته قبل كده
حمحم غسان وقال: افهم من كلامك ده ايه؟
رجعت كيان شعرها ورا ودنها بكسوف وقالت:
- انا بحبك يا غسان ومستعده اعيش باقي عمري كله معاك
فرح غسان قوي وقال بلهفه:
- انتي بتتكلمي بجد يا كيان
كيان بكسوف وهي بتبص في عيونه:
- اه يا غسان بتكلم بجد، انا معرفش ازاي كنت هقدر ابعد عنك، معرفش ازاي دماغي صورتلي اني هبقى مبسوطه من غيرك، ده انت اللي بتمدلي الامان والاحتواء
شالها غسان وفضل يلف بيها وهو بيقول بفرح:
- بحبك يا احلى حاجة حصلت في حياتي
ضحكت كيان وقالت بفرح: وانا كمان
• عدى الوقت وركبوا كلهم العربيات عشان يرجعوا على بيوتهم، اول لما وصلوا اخذ اسر اروى على كافيه عشان يتكلم معاها شويه، قعدت اروى قدام اسر وقالت باستغراب:
- في ايه يا اسر؟
اسر بتوتر: احم، احنا خلصنا المهمه الحمد لله وكل حاجه عدت على خير
اروى: الحمد لله
فضل اسر ساكت فقالت اروى:
- ايه يا اسر
اسر بتوتر: احنا كنا متفقين على الطلاق صح؟
اروى بحزن من جواها: اه
اسر بتوتر: ما تيجي ندي لبعض فرصه
بصيتله اروى بلهفه وقالت وهي بتبلع ريقها بارتباك:
- قصدك ايه؟
اسر بتوتر: بصراحه كده يا اروى انا حاسس بمشاعر حلوه جوايا ليكي
دق قلب اروى جامد وقالت بتوتر: ها
اسر بضحك: ها ايه
اروى بتوتر: انا شكلي كده مسمعتش كويس، ممكن لو سمحت تعيد كلامك تاني
ضحك اسر لما شاف توترها وقال وهو بيبتسم:
- كنت بقول اني حاسس بمشاعر حلوه ناحيتك
اروى بتوتر: مشاعر زي ايه
اسر بغيظ: متبقيش غبيه بقى يا اروى، مشاعر حلوه يعني مشاعر حلوه
اروى بعند: وانا معرفش يعني ايه مشاعر حلوه، وضح كلامك اكثر من كده
جز اسر على سنانه بغيظ وقال:
- مشاعر حلوه يعني معجب بيكي ومنجذب ليكي
اتكسفت اروى اوي وحطت شعرها ورا ودنها واسر قال:
- دورك
اروى باستغراب: دوري في ايه؟
رفع اسر حاجبه باستنكار وقال:
- دورك في انك تعترفي ليا
اروى بتوتر:
- اعترف ايه ما فيش حاجه اصلا عشان اعترف بيها
عض اسر على شفايفه بغضب وقال بغيظ:
- لا والله انت هتستعبطي يا اروي
ضحكت اروى بارتباك وقالت:
- ما هو يعني بص احنا نعمل الفرح الاول وبعدين نبقى نتكلم
كان لسه اسر هيرد عليها بس اروى شهقت بصدمه وقامت من مكانها وقالت بخوف:
- هارسوح ده انا هيتعمل مني بطاطس محمره
اسر باستغراب: في ايه؟
اروى وهي بتلطم على وشها بخوف:
- ابويا ميعرفش حوار الجواز ده، تخيل كده هيعمل فيا ايه لما يعرف اني متجوزه من غير علمه؟
اسر بغرور وهو بيرجع ظهره لورا:
- لا من الناحيه دي متخافيش هو لما يعرف ان انا اللي اتجوزتك هيفرح
اروى بستنكار: يفرح!
اسر بغرور:
- طبعا هيفرح لما يعرف ان جوزك حضره ظابط محترم ومالي هدومه زيي، هيلاقي عريس فين زيي لبنته
اروى بغيظ: رجعنا لام غرورك وتناكتك دي تاني صح
ضحك اسر وقال:
- تخيلي بس لما ابوك يعرف انك اتجوزتي ظابط
سرحت اروى بتفكيرها وقالت بابتسامه بلهاء:
- لا تصدق عندك حق
اسر: شوفتي مش قولتلك
اروى بخوف: بس برضو هنقوله ازاي
اسر: ماتقلقيش انا هاجي معاكي وانا اللي هقوله
اروى بخوف:
- متاكد من قرارك ده؟
اسر اه متاكد انت محسساني ليه انه ممكن ياكلني؟
اروى ببرطمه وهي بتبلع ريقها بخوف:
- ده لو كلك بس يبقى كده رحمك
اسر باستغراب:
- بتقولي ايه؟
اروى بتوتر: مبقولش يلا نروح ربنا يستر
قام اسر من مكانه وقال:
- يلا
• عند كيان
دخلت كيان البيت بتاعه وهي متوتره وغسان قال:
- متخافيش مفيش حاجه تخوف
بلعت ريقها بخوف وقالت:
- ومين قال لك اني خايفه
ضحك غسان عليها وقال:
- طب داري ايدك اللي بتترعش دي بس
بصتله كيان باحراج وغسان مسك ايدها وقعد على الكنبه واعدها جنبه، بصيت له بكسوف وهو قال:
- انا عارف طبعا ان الوضع متوتر شويه بس متخافيش انا مش مستعجل على اي حاجه، سيبي كل حاجه تيجي على مهلها وبكره هتتعودي عليا وعلى فكره انك متجوزه
ابتسمت كيان وقالت:
- شكرا يا غسان
غسان بابتسامه: متشكرنيش يا كيان احنا مفيش بينا الكلام ده
ابتسمت كيان بهدوء وهو قال:
- تحبي نعمل الفرح فين؟
كيان باستغراب: فرح ايه؟
غسان: فرحنا
كيان: لا انا مش عايزه فرح
استغرب غسان اوي وقال:
- هو في بنت مش عايزه يتعملها فرح
كيان: انا طول عمري مبيفرقش معايا الحاجات دي وانت شكلك كده برده
غسان: انا بصراحه برده ما بيفرقش معايا الحاجات دي بس قولت افرحك كيان بابتسامه:
- انا فرحانه طول ما انت معايا يا غسان
ابتسم غسان بحب وقلبه بيدق من كلامها وكيان اتكسفت من نظراته وبصت الناحيه التانيه
• عند اروى
نزلوا من العربيه وبص اسر حوالي ولقى نفسه في حارة بسيطه شويه، مسكت اروى ايده كحركه تلقائيه منها وهو بص على ايدها اللي ماسكاه، اخذت اروى بالها من اللي عملته فبعدتها وقالت بتوتر:
- اسفه مكانش قصدي
اسر بغرور وهو بيطلع بيتها قدامها:
- انا جوزك يا هبله
اروى بغيظ وهي شايفاه طالع وكانه بيته هو:
- بحبك اه بس نفسي اديك حته قفا على غرورك ده
طلعت اروى وراه وخبطت على باب البيت بخوف، فتح عيسى الباب ولما شاف اروى قال بحده:
- اهلا بالهانم اللي مكانتش بتتصل وتطمني عليها، تعبت نفسك ليه يا حبيبتي وجيتي لا ملكيش حق
اروى باحراج وهي بتبص على اسر اللي بيكتم ضحكته عليها بصعوبه:
- اسفه يا بابا بس كان ممنوع الكلام طول ما انا في الجيش، وبعدين ما تاجل الكلام ده شويه يا حاج انت مش شايف ان معايا واحد
بص عيسى على اسر من فوق لتحت وقال:
- انت مين؟
اروى بتوتر: احم ممكن يا بابا اقولك حاجه على جنب
عيسى: حببتي مصيبه ايه هو انتي يا بت كل يوم بتجيبيلي مصيبه! انت مبتحرميش؟
اروى باحراج: يا بابا اجل الكلام ده لما يبقى ينزل
عيسى لاسر:
- اتفضل يا ابني ادخل بدل ما انت واقف كده
دخل اسر وقال:
- شكرا يا عمي
بص عيسى على اروى وقال:
- قدامي يا اخره صبري
دخلت اروى الاوضه وعيسى قال:
- عن اذنك هدخل اشوف المصيبه دي عايزه ايه وارجعلك تاني
دخل عيسى الاوضه واسر فضل يضحك
• جوه
عيسى: عايزه تقولي ايه؟
اروى بتوتر: بص هفهمك
عيسى باستغراب: تفهميني ايه
اروى بتوتر: مش انت كان نفسك اني اتجوز عشان تخلص مني بقى
عيسى: ده هيبقى يوم المنى
بلعت اروى ريقها بخوف من اللي هتقوله وعيسى قال استغراب:
- بس ايه علاقه ده باللي عايزه تقولوهولي؟ انتي جبتي عريس ولا ايه
ضحكت اروى وقالت:
- لا يا راجل هو احنا لسه هنجيب عريس وقاعدة تعارف بقى وخطوبه والحاجات اللي تطلع في الروح دي، انا اختصرت على طول عشان اوفر عليك وعليا التعب والمجهود
عيسى باستغراب:
- مش فاهم
اروى بخوف وهي بتبعد عنه شويه:
- مش انا اتجوزت ظابط مسمسم وحليوه
عيسى باستنكار:
- نعم يا حيلتها
اروى بتوتر:
- انت مش فرحان ولا ايه
نفخ عيسى الهوا بزهق وقال:
- انتي يا بت مبتزهقيش من مقالبك دي؟
اروى بارتباك:
- يا ريته كان مقلب يا بابا
برق عيسى بصدمه وقال:
- يعني ايه يا ريته كان مقلب
اروي بخوف: شايف انت الواد اللي مالي هدومه بره ده؟
عيسى: اه ماله
اروى ببلاهة: اتجوزته
عيسى بصدمه:
- نعم يا روح امك:
اروى بخوف:
- استنى بس هفهمك متفهمش غلط
عيسى بعصبيه:
- هو ايه ده اللي مفهمش غلط انت مش شايفه نفسك بتقولي ايه
اروى بخوف: بصراحه يا بابا احنا كنا في مهمه تبع المخابرات وكان لازم نتجوز بعض
عيسي بصدمه:
- نهار ابوكي اسود
اروي: وحبينا بعض بعدها ومش عايزين نطلق
عيسى بهدوء ما قبل العاصفه:
- كل ده وانا معرفش حاجه صح؟
اروى بخوف:
- ما انا قلتلك كان ممنوع اني اكلم حد
فضل عيسى ساكت فاتنهدت اروى بارتياح وقالت:
- كنت عارفه ان انت هتتقبل المو...
مكملتش اروى كلامها ولقت عيسى قلع الشبشب وبيجري وراها وبيقول:
- ده انا هوريكي يا اروى الكلب، بتتجوزي من ورايا يا قليله الربايه
صوتت اروى بخوف وجرت على بره وعيسى بيجري وراها، قام اسر من مكانه بصدمه لما شاف اللي بيحصل واروى استخبت وراه بخوف، عيسى بعصبيه:
- انتي بتستخبي وراه يا حيلتها، طب وربنا لاوريكي:
اسر بتوتر:
- اهدى يا عمي انا عارف ان انت مصدوم عش...
مكملش اسر كلامه لما لقى عيسى بيضربه بالشبشب، شهقت اروى بصدمه وقالت:
- انت بتعمل ايه يا بابا