رواية قدري انت الجزء الرابع4الفصل الاول1بقلم نجمة براقة

كنت بجهز العشا بنفسي علشان ادوق رحاب اكلي اللي اتعلمته  ، وفجأه سمعت صوت بنت بتزعق في الصاله  ف خرجت من المطبخ اشوف في ايه  ،  و لقيت بنت محجبه بتضرب رحاب بالشنطه بغيظ  ،  وفورآ توقعت  انها  

هي دي نسمه اللي اتصلت وقفلت في وشي لما قولتلها اني اخو رحاب  

رحاب:  بس بس...  خلاااص دماغي  اترجت

نسمه: تستاهلي... انا بقالي اسبوع بتصل بيكي ومبترديش عليه... 

 وكنت مستنياكي تيجي الجامعه وبردو مجيتيش...  طيب والله عقلي قالي رني علي اخوها الفاسد واسأليه عنها ...  شوفتي وصلتيني لأيه 

رحاب تكتم ضحكتها: متقوليش علي اخويا فاسد 

نسمه: يغور اخوكي انا فيكي انتي دلوقتي  ،  مبترديش عليه ليه 

رحاب: علشان مسألتنيش مين  اللي حضنته... وروحتي تزعلي مع نفسك  .. انتي لو صحبتي بجد كنتي مسأتيش الظن فيه..  وكنتي جيتي سألتيني مين ده  وانا كنت هقولك ان ده اخويا 

نسمه: انا  كنت  بتصل علشان اعتذرلك علي فكرة،  واديني جيت لغيت عندك  عشان ارضيكي.  بس انتي قلبك اسود 

رحاب: لا والله.،  انتي اللي قلبك ابيض قوي  ، ويدوب شكيتي فيه  ، مع اني وعدتك مش هصاحب ولاد تاني 

نسمه: ما انا زعلت منك لما شوفتك بتحضنيه  ،  وانا كنت هعرف منين انه اخوكي  ، هو انا كنت

 عمري شوفته..  وبعدين مش انتي قيلالي انه رجع ومفكرش يكلمك  ،  كنت هعرف منين ان هو 

رحاب: مليش دعوه  وزعلانه 

نسمه: انا اسفه  متزعليش  

رحاب: لا زعلانه 

نسمه: رحاب بقا 

رحاب تبتسم: اممم...  طيب خلاص المره دي..  بس والله  ما تتكرر ما هعرفك تاني 

نسمه تبتسم وتعانقها:  حبيبتي

رحاب بإبتسامة: انتي اللي روحي ( تنظر لوائل الذي يشاهدهم لتتابع)  هو انتي ليه قفلتي في وش وائل لما كلمتيه 

نسمه تبتعد. عنها:  انا لو اعرف ان رقمه مكنتش اتصلت اصلا

رحاب: ليه يابنتي..  ده وائل لطيف والله 

نسمه تتنهد :  رحاب  ،  انا مش بحب  اتكلم عشان مش عاوزه ازعلك،  بس اخوكي ده لو ربنا حاسبه علي عمايله اللي  حكتيلي عنها وهو وعايش هيولع وهو نايم   

رحاب بربكه: طيب يا نسمه...  خلاص مفيش حاجه 

نسمه: طيب ابقي ردي عليه متسبنيش ارن 

رحاب: حاضر  

نسمه: حبيبتي.... يلا بقا... السلام عليكم  

وائل يأتي: استني ( قالها لتستدير وتنظر اليه ف تجده يرمقها بنظرات حاده وغيظ ) 

وائل : تعرفي ايه عني انتي علشان تقولي اولع ولا مولعش...  شوفتيني فين  ولا انا شوفتك فين علشان تقولي الكلام ده...  عامله شيخه حضرتك وهتقرري ربنا هيعاقبني ازاي  

نسمه تخفض جفنيها بربكه:  السلام عليكم 

( قالتها ليقف عند الباب ويمد. ذراعه ليمنعها من الخروج) 

رحاب: في ايه يا وائل 

وائل يرمقها بحده: ابعدي انتي دلوقتي،  لسه حسابك جاي 

( قالها لتنظر اليه نسمه بارتباك  وهو يوجهه نظره لعينيها)

وائل:  تاني مره خليكي في نفسك ، حضرتك مش قاضي هتحكمي علي الناس بمزاجك

نسمه: وانا مقولتلكش حاجه،  انا بتكلم مع صحبتي اللي من اول ما عرفتها وهي حزينه علشان اخوها الوحيد مبيسالش عنها.. 

 وكلامي كان بناء علي كلامها هي ومعاها هي  ،  انا مألفتش كلام من عندي  

وائل بغضب: مش من حقك تتكلمي اصلا...  وكان قبل ما تتكلمي كنتي اساليها علي السبب اللي خلاني مكلمهاش،( يحدث رحاب)  وانتي!  رايحه تحكي لصحابك اني مش بكلمك  

،  ومفكرتيش تحكي اللي كنتي بتعمليه  ،  عشان تيجي واحده زي دي تحكم عليه   

نسمه تدمع: عديني 

وائل يخترق عينيها بنظرات حاده: بعد كده متديش لنفسك الحق تحكمي علي حد قبل ما تشوفي اللي مر بيه...  ( يتابع بعد صمت دام في النظر اليها)  ربنا رحمك ان اللي 

واقف قدامك. دلوقتي مش وائل القديم والا مكنتش سيبتك من غير رد يناسبك