رواية بائعة الورد الفصل العاشر10بقلم اسراء محمد
وسابتهم وهي في قمة سعادتها انها تتحقق حلمها وتكمل تعليمها
وراحت في ثبات عميق
وفجأة
يمني صحيت مخضوضه علي صوت ملك
وهي بتقول : متسبنيش يا ماما ارجوكي متسبنيش
يمني : ملك قومي يا ملك ملك
ملك صحيت مخضوضه بتقول : ماما يا ماما
يمني : اهدي يا حبيبتي اهدي
ملك استعوبت : ماما يا يمني ماما
يمني : مالها ماما
ملك : تخيلي بعد اللي حصل ده كله بتوصيني ماسبش بابا واسأل عليه في محنته
يمني : متزعليش مني بس هي عندها حق
ملك : عندها حق ازاي يعني
يمني : عشان دي صلة رحم ولو ماكنش عشانه يبقي عشان ربنا وعشان مامتك
ملك : عشان ربنا وماما بس هسأل عليه
يمني : نامي بقي شويه عشان هتصحي بدري
ملك : حاضر بس ممكن تنامي جنبي
يمني : حاضر
وناموا
وصحيوا الساعه 7 علي جرس الباب
يمني فتحت لقت يحيي
يحيي : صباح الخير
يمني : صباح النور
يحيي : ملك فين
يمني : هي الساعه كام
يحيي : 7 فين بقي ملك
يمني : جوا
يحيي : طب يلا هاتيها عشان نفطر وننزل
وسابها ودخل شقته وهي قفلت الباب ودخلت
ملك : في اي
يمني : يحيي كان بيصحينا عشان نفطر وتنزلوا
ملك : طب انا هدخل اتوضا واصلي والبس
يمني : خلاص تمام وانا هشوف ماس
ملك : ماشي
ملك لبست وخرجت من الاوضه بتدور علي يمني مش موجوده
فراحت تخبط علي شقه يحيي بإحراج تشوفها هناك
يمني اللي فتحتلها
وقالت : معلش بقي يا لوكا يحيي جه استعجلني تاني عشان احضر الفطار مكان ماما عشان تعبانه شويه
ملك : ولا يهمك الف سلامه علي طنط
سندس من جوا : طب هتسبيها ع الباب كتير
يمني : لا طبعا ادخلي يا ملك
دخلت ملك وباست سندس
وقالت : صباح السكر يا سكر انتي
سندس : صباحك هنا
ملك : تعبانه مالك
سندس : ولا حاجه انا بس كنت دايخه شويه ف يحيي نده يمني عشان تعمل الفطار
ملك : خلاص انا مش نازله وهقعد معاكي اخد بالي منك
يمني من وراها : وانا روحت فين يا فرنسا 😹
ملك وسندس ضحكوا
وملك قالت : موجوده اهو
يمني : يبقي خلاص انزلي مع يحيي وانا هقعد معاها
سندس : يمني كلامها صح
ملك جت تتكلم
قاطعها دخول يحيي
وقال : صباح الخير
كلهم : صباح النور
يحيي : ازيك يا ملك
ملك : الحمدلله
يحيي : وانتي عامله اي دلوقتي يا سندس
سندس : بقت احسن الحمدلله
ملك باستغراب : بتقولها سندس من غير ماما
يحيي : طب انتي شايفه شكلها ده يا ماما ل شحط في طولي
ملك بضحك : الصراحه لا انا اول ما شوفتها اصلا افتكرتها اختكم الثالثه
يحيي : طب يبقي عندي حق اقولها سندس علي طول
سندس : طب كلوا يلا عشان تلحقوا تخلصوا
واكلوا في وسط جو من الضحك والهزار
وبعد ما خلصوا يحيي اخد ملك ونزلوا
وهما في العربيه ملك كانت سرحانه
يحيي : ملك
ملك : ....
يحيي : ملك انتي يا بنتي
ملك بأنتباه : نعم
يحيي : مالك سرحانه في اي
ملك : مش مصدقه اني هكمل تعليمي حاسه اني في حلم
يحيي : طب حلم جميل ولا وحش
ملك : حلم جميل طبعاً
يحيي : ربنا يحققلك احلامك كلها
ملك : يارب
يحيي : يلا وصلنا
ملك : الله شكل المدرسه حلوه اوي
يحيي : وهتبقي احلي لما تبقي فيها
ملك اتكسف وسبقته ناحيه المدرسه
دخلوا المدرسه ويحيي سأل علي مكتب المدير
يحيي خبط علي الباب
المدير من جوا : اتفضل
يحيي دخل ووراه ملك
يحيي : السلام عليكم
المدير : وعليكم السلام ، اتفضلوا
قعدوا ويحيي
قال : احنا جايين نقدم لملك في المدرسه هنا
وشاور ناحيه ملك
المدير : اهلا وسهلا ، فين الورق
يحيي : اتفضل
اخد المدير الورق وبص فيه وشاف ان ملك كبيره شويه
فقال : اي ده يا ملك انتي المفروض تكوني اتخرجتي من ثانوي مش تقدمي في ثانوي
ملك : معلش كان عندي ظروف تمنعني اني اكمل
المدير : ده حظنا بقي عشان تسيبي علامه تفوقك عندنا في المدرسه
ملك ابتسمت
وقالت : شكراً يا استاذ
المدير : اسمي مستر حسني
ملك : شكراً يا مستر حسني
حسني : بس انا عندي استفسار
يحيي : اتفضل
حسني : ملك هتقدر تكمل هنا في المدرسه
يحيي : يعني اي
حسني : يعني ملك كانت في مدرسه عاديه ف هتقدر تكمل في انترناشونال
يحيي : ان شاء الله حضرتك لسه قائل انها من المتفوقين
حسني : متفوقه في مدرسه عاديه مش انترناشونال
يحيي : انا شايف ان مفيش مشكله في كده
حسني : اتمني تسيب علامه تفوقها هنا فعلا زي ما سايبها في المدرسه اللي قبل كده
يحيي : ان شاء الله
حسني : يبقي علي بركه الله ، انا قبلتها هنا
يحيي : تمام
حسني : هتروحوا اخر الطرقه تدفع المصاريف وبعدين هتطلع الدور التاني هتاخد اليونيفورم بتاعها
يحيي : تمام ، متشكرين اوي
حسني : العفو
وخرجوا من عند حسني دفعوا المصاريف واخدوا اليونيفورم
ومشيوا
في العربيه
ملك : انا مش مصدقه اني هكمل تعليمي واحقق حلمي
يحيي : لا صدقي ومن دلوقتي اي حاجه نفسك فيها وعايزاها هعملهالك
ملك : ربنا يخليك ليا
يحيي : يلا بقي عشان اروحك وانا اروح شغلي
ملك بحزن : ماشي
وفجأة :